الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Feb 6, 2008

النت فى مصر ... دعوة للتفاؤل

النت فى مصر .... دعوة للتفاؤل

طبعا ... شئ و لا فى الاحلام ، و خبر نزل علينا كالصاعقة ....

و كلنا ماكناش مصدقين الا لما فعلا كل واحد فينا قام و فتح جهازه و لقى إشارة النت موجودة ،

يفتح المتصفح .... فتقابله بابتسامة بلهاء عبارة ......

Server not found

و طبعا كلنا كنا متغاظين ... خاصة لما الاشارة تنور ادامنا فنجرى نفتح تانى لعل و عسى ...

و لكن بردوا بنرجع بخفى حنين ... مش عارفة اشمعنا حنين يعنى !!... بس مش مشكلة ..

ما علينا

الخبر فى حد ذاته غريب ، و الواقعة كانت صدمة ... معقولة ؟؟!!..

مين كان يصدق ان فى يوم مصر بحالها النت عنها يتقطع !!..

لا و ايه الكابلات تحت البحر تتقطع .. قال ايه سمك القرش ...

ماعلينا من الاسباب ، مش موضوعنا ..

بس لو جه حد فى يوم و قالك النت فى مصر هيتقطع و الكابلات هتتقطع و نفضل كدا حاطيين

ايدنا على خدنا ووشنا فى وش الشاشة و نغنى ظلموه ...

طبعا مش هتصدق ... صح؟؟!!..

زى بالظبط لما امريكا قعدت تقول هأضرب العراق .. و ماكناش مصدقين لحد ما صحينا يوم

على امريكا ضربت العراق ...

و زى بردوا ما صحينا فى يوم على كارثة تسونامى و أرض خرباء كأن لم تغن بالامس ...

و الحقيقة إنى قعدت أفكر كتير ... و اتعجب من حكمة ربنا فى الموضوع ..

ماهو اكيد موضوع زى النت دا مش صدفة .. و أكيد وراه حكمة و موعظة لينا ...

و بعد تفكير .. الصراحة التفاؤل ملانى ، و اعطانى أمل أكبر ...

هو بغض النظر عن مين اللى قطع الكابلات ... دا أولا و أخيرا تصريف بأمر الله ..

و ربنا أمر بكدا ..

طيب مش ممكن يوم نقوم نلاقى خبر ...

ثورة عارمة أخرجت اليهود من فلسطين ؟؟!!..

الجيش الامريكى يجر اذيال الهزيمة و يعود من حيث اتى ؟؟!!..

مؤتمر الوحدة العربى يؤتى ثماره ؟؟!!...

غرق قارة امريكا الشمالية و اختفاء الولايات المتحدة من خارطة العالم ؟؟!!...

طبعا قعدت أضحك على أفكارى دى ... بس ليه لا ؟؟..

اللى خلى الكابل يتقطع من قاع البحر .. يخلى اى خبر من دول يتحقق ..

و ياما طلعت علينا اخبار ماكناش مصدقينها لحد ما اتحققت ادام عنينا ..

و من هنا و من موقعى هذا ... أناشد كل انسان إنه يتفاءل ، و يخلى فيه شوية أمل فى ربنا

لان أولا و أخيرا الامر بايده ... وهو اللى بايده تصريف الامور ..

علشان كدا لازم كلنا نرجع لربنا ، ولو فعلا عرفناه حق المعرفة و تعلقت قلوبنا بيه ...

مش هيبقى عندنا اليأس اللى ملينا دا !!..

ربنا اغير على حرماته مننا ..و مش بيحب الظلم .. إنما اللى احنا فيه دا من نفسنا

انت راضى عن نفسك كدا ؟؟!!.. هو دا اللى انت بتحلم بيه لنفسك؟؟!!..

كل شئ بيتغير ... دى سنة الحياة .. و ربنا اعطانا عقل و خيارالتغير للاحسن او الاسوء

فيا ترى هتختار ايه ؟؟؟

احنا ماعلينا الا الاخذ بالاسباب ... أما النتائج فدى بايد ربنا ..

لكن هنكون عملنا اللى علينا ، و معذرة لينا قدام ربنا لما يسألنا عملتوا ايه ؟؟

نقول يارب ماكنش بإيدنا غير نفسنا ..و احنا حاولنا معاها على اد ما قدرتنا ..

حتى نكون قدوة للناس اللى زيينا إنهم يتغيروا للافضل بغض النظر عن الواقع اللى عايشينه

لأننا مالناش حكم عليه ...

اللهم انصر الاسلام و اعز المسلمين

و اذل الشرك و المشركين و الكفر و الكافرين

و أعلى كلمتى الحق و الدين

و اجعلنا من خير امة اخرجت للناس اجمعين

و صلى اللهم و سلم على نبينا محمد و آله و صحبه الغر الميامين

و آخر دعوانا ان الحمد لله رب العالمين

14 comments:

MerMaid said...

ازيك يا فندم
ايه الاخبار
؟؟
سعدت جدا جدا بتعليقك عندي وان شاء الله هناقشه بس لما ارجع من برة
:)
انا كان احساسي ناحية فصل النت عن مصر و كمان كام بلد حوالينا بالذل و التخلف والمهانة
يعني عمرها ما حصلت بس حصلت عندنا
بجد حسيت اننا متخلفين واول مرة احس اننا عالن ثالث فعلا ..لأا مش ثالث عالم عاشر
بجد شعور وحش جدا جدا
مش هاقدر اوصفهولك
تحياتي ليك ..كتبت وقلت اللي كان جوايا فعلا
تحياتي و اتمني دايما نكون اصدقاء و نتبادل النقاشات
:))
هاجر

بنت االاسلام said...

السلام عليكم

انتوا عارفين موضوع النت ده حسسنى اننا اسفة فى التعبير متخلفين او بمعنى اصح نوع من الاستهزاء

وساعات بقول دى اشارات ربنا بعتها لينا عشان نفهم منها حاجا كتير

بيقولنا انشفلوا بيا شوية بدل مانتو مشغولين بحاجة ممكن متنفعش فى الاخرة

او بيوقلنا انا فى ايدى كل حاجة وممكن اغير مسار الكون فى لحظة زى مع النت اتقطع فى لحظة مش كده ولا ايه

ياريت يا جماعة اى موقف منعدهوش بالسهل ومحاول نتعمل منه وناخدعبرة

Soul.o0o.Whisper said...

الغالية هاجر ...

شرفتى و نورتى المدونة
والله انا اسعد بزيارتك الجميلة دى

بس عاوزة اقولك على حاجة انا فندمه
مش فندم :)

ماتزعليش يا ستى ،
يعنى هيا اول مرة
احنا دايما لينا السبق ....
انا رأيى ندخل موسوعة جينس احسن

بجد أنا محتارة فى تفسير اللى حصل
مش حكاية ذلة و مهانة ..لا
هى لو مقصودة ، يبقى اكيد فى حاجة كبيرة حصلت
و طبعا مش هنعرف عنها حاجة
و اعتقد انها مقصودة

بس بجد مش وصلت لتفسير منطقى

بس على الاقل طلعت بالتفكير اللى شفتيه فى المدونة
الى حين اشعار آخر :)

نورتى و فى انتظارك دايما

Soul.o0o.Whisper said...

الغالية جدا / بنت الاسلام

نورتى المدونة ،
و ان شاء الله ماتكونش الاخيرة

بصراحة حكاية الاستهزاء دى ماعطتهاش مساحةمن التفكير

اصل مش معقولة يقطعوا كابلات النت علشان يستهزؤوا بينا و هما عارفين ان هناك خطوط احتياطية اشتغلت اول ما النت اتفصل

يعنى النت اتفصل عن المستخدمين العاديين
انما الشركات و كدا اشتغل على طول

علشان كدا انا محتارة
لكن معاكى حق طبعا فى اللى قلتيه
انها اشارات و عبر نعتبر بيها

و يارب فعلا تكون حافز لينا
مش باعث لليأس

شكرا ليكى و فى انتظارك دائما

ابن حـجـر الـعـسـقـلانـى said...

بجد حاجة غريبة .. على رأى الأستاذ "وطنى" .. الحضارة دى كلها ممكن إنجازاتها تتوقف على "كابل" .. ياللضعف

قد إيه احنا ضعفاء

اللهم يا قوى .. ارحم ضعفنا فى الدنيا و الآخرة

Soul.o0o.Whisper said...

اخى الفاضل / ابن حجر

صدقت و صدق الاستاذ وطنى
معقول فعلا كل حياتنا و حضارتنا تتوقف على كابل

و هذا أدعى لوقفة مع النفس لتعى
و لتفكر بشكل أوسع و أعمق

شكرا لك ، و بانتظارك دائما...

ض/خالد said...

ربنا يكرمك على مشاعرك الطيبة نحو الدين

Saydalanya Mat7oona said...

مش تصريحات جرايد زى ما بيقولو و الله بس مفرقتش معايا كتير والله
انا كده كده كنت مخنوقة من شكل النت بقالى فترة
:)
و أهى جت من عند البحر...بس بعد كده اتغظت شوية و أهى عدت
يعنى هى جت ع النت
بوست حلو...و بلوج مبشر
تحياتى

kafrawy said...

بسم الله الرحمن الرحيم

وماظلمونا ولكن كانوا انفسهم يظلمون

صدق الله العظيم

انا بس عايز احييك ع افكارك الخيالية

وبلاش التفكير يوسع منك اوى كدة


لا امريكا هتغرق بين يوم وليلة
و لا العرب هيتحدوا
و لا الجيش هيمشى من العراق

Soul.o0o.Whisper said...

د/ خالد

منور المدونة والله
ربنا يكرمك

و مستنية زيارتك دايما

Soul.o0o.Whisper said...

صيدلانية مطحونة

منورة المدونة
بس مش ملاحظة حاجة

هو انتى علشان ماتضررتيش يبقى خلاص؟؟!!..

الموضوع مش حكاية فرقت و لا لا
الحكاية هل فكرنا فى الموضوع من جهة العبرة و العظة؟؟؟

تقبلى تحياتى و بانتظارك دائما

Soul.o0o.Whisper said...

الاخ الفاضل / كفراوى

نورت المدونة
و يارب ماتكونش الاخيرة
سعدت بتعليقك

أنا صحيح ضحكت على أفكارى
بس دا لو أنا بأفكر فيها من جهة العقليات
إنما عندما يتعلق الامر بقدرةالله
فالأمر أكبر من أن تستوعبه عقولنا

لنا فى تسونامى عبرة
و إن وعد الله حق
لكن إحنا اللى يأسنا مصورلنا إن كل حاجة مستحيلة مستحيلة

شكرا لك ،
و ان شاء الله لك زيارة مستعجلة :)
تحياتى

mohamed said...

أشكرك بتكرمك بزيارة مدونتى ,أما بالنسبة للموضوع فالانسان التقليدى دائما أسير أفكار مسبقة كونها هو عن دراسة أوتقليد لغيرة , وأزيد على ذلك أنة من غرورة وتصورة أنة بلغ من العلم مداة يقع فى حبال صورة يكون أجمع عليها العلماء أنها الحقيقة مع أن هؤلاء العلماء رغم أتفاقهم عليها تستمر عقولهم فى أخضاعها لمنهج الشك والتحليل والذى غالبا ما ينتج صورة متقدمة عما كانوا أتفقوا علية وقد تكون مختلفة تماما وعندها يتمسكوا أمام العامة بها,
أختى الفاضلة لهذا تكون المعجزات التى تخرق ما اتفقناعلية أنة حقيقة ليعلم الانسان أن خالق العلم وناموسة يستطيع أن يخرقة لاسبابة هو وليس لما يناسب عقولنا المحدودة
مع تحياتى
محمد

Soul.o0o.Whisper said...

أخى الفاضل / محمد

شرفت و نورت المدونة

بجد ماشاء الله عليك
قرأت تعليقك اكتر من مرة
ما شاء الله فهم عالى

و أنا أؤيدك فى رأيك
لكن المشكلة مش فى كدا بس
المشكلة إن احنا ما بنصدقش إن أى حد فى العالم الغربى ممكن يقو معلومة مغلوطة

و خلاص هما أقوى ... هما أقوى
هما مش بيتغلبوا ... هما مش بيتغلبوا
و نسينا بردوا خرافة خط برليف اللى ازهقتها قواتنا فى حرب 73

المشكلة مش فى اللى بيتقال
قد ماهو مشكلة بردوا فى اللى بيتلقى المعلومة

تعرف مرة بردوا سمعت فى إذاعة لندن استفتاء حول الاعجاز العلمى فى القرآن
و هل يختلف مع محتوى الآيات

تخيل فى ناس قالت : لا ، لا يمكن الغرب يغلط أبدا
دول عندهم التقدم التقنى كله
!!!!!!....

مرورك أسعدنى جدا
و أتعشم ألا تكون الاخيرة
شكرا لك