الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Feb 11, 2008

منتخبنا الوطنى ... مع خالص احترامى


مع إنى مش من هواة الكورة ..

خالص خالص يعنى ...

و بتجيلى حالة عصبية أول ما بفتح ماتش << رغم إنى ماليش فيها

بس تلاقى التشنج أشتغل ، و قاذفات من النوع الثقيل نازلة تدب فى البيت ...و حاجات غريبة

الله المستعان ...

و رغم إنى كنت محضرة موضوع غير خالص بردوا ...

بس صراحة صراحة ... اللى عمله منتخبنا يستحق وقفة احترام


لالالالالالا

الحكاية مش حكاية 1 / 0

الحكاية حكاية الكفاح اللى ورا الـ 1 / 0

احم احم ... قصدى الحكاية اللى حصلت ورا الـ 1 / 0

أنا ماشفتش الماتش ... بس اتحكالى عن اللى حصل ، و المأدبة العظيمة اللى أخدها منتخبنا

يا عينى .. اتشحور آخر شحورة

بس كله يهون فدا الوطن ...


ما أنا بأقول لصحبتى ... أكيد الجون دا المفروض لو مش كنا جبناه ، كانوا يتكرموا علينا بيه

حق البهدلة اللى اتبهدلناها

بس منتخبنا طلع أصيل بردوا و مارضاش يزعلنا


و رغم إنى ماعرفتش أنام طول الليل من الاحتفالات الصارخة

أصل إمبارح بردوا كانت أعياد الدقهلية

و مش عاوزة أقولكم المنصورة كلها كانت عاملة إزاى

هيييييييييييييييصة

بس اللى فرحنى بجد ، مش كدا خااااااااااااااالص خالص يعنى

بجد فرحت لما شعبنا اللى بقى يتكسف يقول أنا مصرى

خارج شايل علم مصر ...

مش عارفة ايه العبرة ...بس مش مشكلة

لا و تلاقى الشباب عندنا عاملين إزاى

البالطو على كتفه ...و المذكرات فى إيده و الايد التانية ماسكة علم مصر

طبعا لا تعليق

لا و التاكسيات و العربيات ... اللى مثبت العلم على مقدمة العربية بالكامل

و اللى حاطه على العربية من فوق

و بردوا لا تعليق

و الأحلى إن مافيش عربيات أمن مركزى و لا عساكر و لا يحزنون

و دا فى حد ذاته إنجاز بردوا


بس بجد فرحت مووووووووووت ... لما لقيت شعب غزة

إخواننا المتحاصرين هناك .. خارجين و لا كأنك فى شوراع القاهرة

و هتافات و تهليلات ... بجد فرحت جدا

مش كدا بس ... جميع الدول العربية خرجت فى مسيرات حاشدة

هتافات و تهليلات .. و فرح بفوز منتخبنا


يااااااااااااااااااااااااه يا منتخبنا ...

حققت اللى أكبر صانع قرار فيك يا وطن يا عربى ماعملهوش

فى وقت واحد ... و لهدف واحد خرجت جموع الوطن العربى يهتف ليك

لا و الأحلى من كدا ... إن رغم الأحزان اللى جوا كل واحد فينا ، بإختلاف مكانه و موطنه

إلا إنك بردوا جمعتهم على الفرح ....

صحيح أنا متغاظة جدا .... بغض النظر عن الفلووووووووووووووس اللى خدوها

اللهم لا حسد ...

بس متغاظة إن كل واحد خد رحلة حج ليه و أسرته ..لا و عيلته كمان

بتهيألى يا جماعة ماتجمعش لفلسطين قد ما أتجمع لمنتخبنا

بس مش مشكلة .... آه بقى لو منتخبنا يكمل جميله

و يتبرع ولو بجزء لاهله فى غزة

بجد بجد ....

ساعتها هأقول إن رفع القبعة و الانحناء احتراما و تقديرا لن يكفيه


و بجد بجد ....

منتخبنا الوطنى .... لك خالص احترامى

15 comments:

ابن حـجـر الـعـسـقـلانـى said...

كانت ليلة جميلة بصراحة ... من المناسبات القليلة جدا اللى كل مصر بتفرح فيها .. و مش مصر بس .. لأ دة كل العرب و دول كتير من أفريقيا

مقال جميل جدا .. أحييكى

و المقال دة كمان حلو جدا .. عند الفاتح الجعفرى

Abd-Alrahman & NOUR said...

بجد بجد انا كنت في غاية الفرحة والانتعاش
كان احساس عالي اوي اوي
وكانت كل الناس فرحانة
بجد كل الناس كانت عايشة ليلة سعيدة جدا
وهيلا هيلا هيلاهو منتخبنا مفيش زيوو

مدونتك دكتورتي العزيزة لها طابع خاص رقيق جدا
اكيد الطابع دة مش غريب علي ذوقك فيها
كمان طريقتك في الكتابة
جميلة جدا جدا
اكتر من رائعة

استمتعت بوقتي في مدونتك الرائعة خلال زيارتي الاولي

عبدالرحمن

Soul.o0o.Whisper said...

أخى الفاضل / ابن حجر

فعلا ..من المناسبات القليلة اللى مصر بتفرح فيها
بس بجد المعانى اللى استشرعتها بعد المباراة دى كانت أروع و أروع

و بأشكرك جدا على رابط المقال
فعلا ما وراء الكواليس كان أحلى وأحلى
بجد احترمت منتخبنا جدا

جزاك الله كل خير
و بإنتظار جديدك

Soul.o0o.Whisper said...

أخى الفاضل/ د. عبد الرحمن

ما شاء الله عليك
الظاهر لسه الآثار الجانبية للمباراة مأثرة معاك :)

بأشكرك جدا على اطراءك الجميل
و الحمد لله إنها حازت إعجابك

و يارب فعلا تتكرر الزيارة
شرفت جدا بمرورك الكريم

تحياتى لك

الفاتح اليعقوبي said...

السلام عليكم
شئ جميل انك تدخل الفرحة علي ناس عايشة بقالها فترة مكتئبة ولم تفرح منذ امد بعيد كل كام سنة لما منتخب او نادي بيكسب حاجة
بس بحس بعض الاوقات ان الامور دي زي البنج الناس تنسي بيه همومها بس مبتحلش بيه مشاكلها والله المستعان

ومبروك لمصر

والسلام

أنا مسلمه said...

ما شاء الله

المدونه راااااائعه

ربنا يكرمك

وكلماتك جميله جدااا

Ahmed Al-Sabbagh said...

كانت ليله رائعة

والف مبروك ليكى ولكل المدونين

بوست جميل تسلم ايديكى

أحمد الصباغ

gannah said...

مبروك لمصر فرحتنا بيهم فرحة كبيرة

القلم السكندري said...

أكيد من حقنا نفرح شوية في الغم اللي احنا فيه

بس كان نفسي نشوف عشر معشار التجمع ده والحركة دي لما الجرائد الدنماركية اعادت نشر الصور المسيئة اول امبارح

كان نفسي يكون في ردة فعل علي المستوي اللائق

تحياتي

Soul.o0o.Whisper said...

أخى الفاضل / الفاتح اليعقوبى

مبروك عليك و على الكل

عندك حق ان الفرح بقى زى المخدر
بس ياترى لو مااخدناهوش هتبقى الحياة عاملة إزاى؟؟

اعتقد هنا تظهر حكمة ربنا فى تعاقب الفرح و الحزن

بس أنا اعتقد ان النظر لامر ما بحزن او فرح
أمر فردى ، بيختلف من شخص لاخر
بس اللى بيخلينى أزعل إننا بنتجمع و ينهتف للى على مزاجنا
لكن لو شئ فيه تعب أو ممكن ييجى من وراه تعب
كل واحد بيلزم مكانه

اتمنى يكون قصدى وصل
على العموم دا لا يمنع بردوا اننا نحتفل بمنتخبنا :)

تحياتى لك

Soul.o0o.Whisper said...

انا مسلمة

منورة المدونة والله
و آسفة على تقصيرى فى حقك

بس انتى عارفة الحكاية و اللى فيها
معلش بقى سامحينى :)

بس حقك محفوظ إن شاء الله

و ربنا يكرمك يارب على كلماتك الرقيقة

Soul.o0o.Whisper said...

خالنا العزيز / احمد الصباغ

نورت المدونة والله
و مبروك للكل

و مشكور للمرور المميز
و بانتظارك دائما

و معلش مقصرة فى حقك سامحنى

Soul.o0o.Whisper said...

جنة

نورتى المدونة يا قمر
و مبروك للكل فرحتهم

و عقبال يارب
فرحة كبيرة كلنا بنحلم بيها
عن قريب

Soul.o0o.Whisper said...

القلم السكندرى

ايه النور دا ؟؟؟
فينك من زمان

اولا : نورت المدونة
ثانيا : بالنسبة للصور و غيرها من أفعال استفزازية ....
معلش سامحنى مش حلها اننا نتظاهر
لان للاسف اصلا مش عندنا فقه الاختلاف
و لا الرد على الاعمال الاستفزازية

انت شفت لما المرة اللى فاتت ايه اللى حصل
و اعتقد ان هذا ايضا لا يليق

دا بغض النظر اصلا ان هناك تعتيم اعلامى على المواضيع دى

طبعا و لا اللى حصل لما المنتخب فاز
دا من فقه الاحتفال و حصل تجاوزات كتير

بس معلش لما يكون العالم مصوب كاميراته عليك علشان ينقل للعالم صورة همجية لما يستفزك
و مايحصلش -نتيجة لتعتيم اعلامى مش لفهم للاسف -
لكن معلش دى نقطة لصالحنا

مفاهيم كتير عاوزة تتغير و حاجات كتير لازم تتصلح الاول

طبعا كلنا جوانا براكين غضب

بس الناس لازم تحس الانتماءالاول صح و تفهم الاتباع علشان ترد صح

مع اعتذارى لشخصك الفاضل
و ان كان هناك اختلاف فى الرأى
فهذا لا يفسد للود قضية

و نورت و بانتظارك دائما

kafrawy said...

معتقدش