الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Nov 29, 2008

مسسسسسسسسسسسسسسح القيم -2


السلام عليكم و رحمة الله و بركاته

إزيكم يا شباب ؟؟ أخباركم ايه ؟؟

أولا : أحب أقولكم كل سنة و انتو طيبين ،
و أيام سعيدة على الكل إن شاء الله ..
و نحاول نقرب من ربنا كدا ، لعل و عسى ...

ثانيا : بأعتذر للكل عن انشغالى عنكم الفترة اللى فاتت
و عدم زيارة مدوناتكم ، بجد كنت مشغولة جدااااااااااااا
فمعلش سامحونى .. إن شاء الله قريب أوفى الدين اللى عليا ..

ثالثا : أعزائى القراء نتابع معا المسسسسسسسسسسح الخطيييييييير
للقيم العالمية .. على النطاق المصرى ..

نبتدى و نقول : بسم الله الرحمن الرحيم
استعنا عـ الشقى بالله ...

المرة اللى فاتت أتكلمنا عن نقطتين ،
و مش عارفة ليه حاسة إنكم مش فهمتوا قصدى ؟؟!!
طيب نخلص النقط كلها عشان الرؤية تتضح ..

نيجى لنقطة الهوية المصرية
و ما أدراك ما الهوية المصرية ،
حيث أن 98% أعربوا عن فخرهم بكونهم مصريين ، و 25 % فخورين جدا ...
<< شوف بردوا الشهامة مش بيفرطوا بالساهل ...عششششششششرة بردوا ..ههههههههههه
بصراحة لو كانوا سألونى ، كانت النتيجة بدل 25% هتبئا 26% .. : )

أيوا .. فخورة و فخورة وفخورة جدا كمان بكونى مصرية ..
كفاية إن مصر أتذكرت فى القرآن أكتر من مرة ،
كفاية إن رسول الله صلى الله عليه و سلم قال فينا " إذا فتح الله عليكم مصر فاتخذوا بها جنداً كثيفاً، فذلك الجند خير أجناد الأرض " فقال له أبو بكر : ولم يا رسول الله ؟ فقال : لأنهم وأزواجهم في رباط إلى يوم القيامة".
أيوا فعلا إحنا فى رباط أهو ... ربنا يقدرنا بئا و نعمل اللى علينا و نبطل سياسة الرضا بالأمر الواقع اللى احنا عايشينها دى ..
و دا يمكن يرد على التساؤل اللى قبل كدا بتاع هل أنت مستعد للدفاع عن بلدك؟؟

صحيح بأحبها ، بل أعشقها .. لكن لازم اشغل عقلى بردوا ..
يعنى صحيح قلت مش مستعدة ، لكن دا لحظة ما اتسألت السؤال ، لكن دا لا يمنع إنى أبدأ أشوف اللى ممكن أعمله، و يساعدنى فعلا لو فى حرب إنى أكون مستعدة .. << إلى الجهاااااااااااااد ...معتدلللللللللللللل مارش ههههههههههههههههه

و كمان الفخر حق لنا لأننا أصهار إبراهيم خليل الله وأصهار محمد – صلى الله عليه وسلم –
مش كدا بس ، لا كمان القرآن نزل بالعربية ، و التوراه نزلت بالهيلوغرافية ..
كمان أرضنا مصر الحبيبة ، تقلد فيها يوسف منصبا ، و بعث فيها موسى مبشرا و نذيرا ، و أتاها إبراهيم زائرا ، و هرعت إليها مريم و ابنها حصنا و ملاذا ...
يعنى أصغر مصرى فيكى يا كرة يا أرضية يمشى كدا يقول : يا أرض اتهدى ما عليكى أدى ... : )

طب بالنسبة لكونى فخورة ،و فخورة جدا ... و بشدة ، و مش عارفة هافضل أشد لحد امتى ؟؟
بس أعتقد إنكم هتوافقونى ، و مش معنى اللى بيحصل جوا بلدنا إننا نكرهها ، لا بالعكس ..

أذكر أحد المعارف قال لى أنه قابل أمريكى أو أمريكية لا أذكر ، فأخذ يكلمه عن سياسة بوش و أنهم شعب سئ يحب نفسه فقط ، و ليس أدلّ عما يفعله بوش على ذلك .. فاستشاط الأمريكى غضبا و قال له : هل تحب أن نحكم عليكم كمصريين من خلال رئيسكم ، فأجاب هو : لاااااااااااااااااااااا طبعا ، فهو لا يعبر عنا إطلاقا ، فأجابه الأمريكى : و نحن كذلك ، لا نحب بوش و هو لا يعبر عنا ...

يعنى يا جماعة الحكومة حتى فى أعلى شعوب العالم تقدم مش شرط تكون موافقة لهوا الشعب عشان يحب بلده ،
دا شئ فطرىىىىىىىىىىى .. مالوش دعوة لا بحكومة ،و لا معارضة ..
متفقييييييييييييين ؟؟؟...


طيب النقطة اللى بعد كدا هى نقطة الدين
و دا اللى استعجبت منه صراحة ..
فــ 95% من المبحوثين <<و أقول المبحوثين لأن الظاهر إنهم كانوا حالة شاذة من المجتمع المصرى ،
95% قالوا إن الدين يحتل عندهم مكانة كبيرة ..
امممممممممممم ..امال السجون مليانة ليه؟؟
.. و جرايد الحوادث و صفحة الحوادث فى كل الصحف كل يوم تنادى بمساحة أكبر ليه؟؟
الادمان اللى فى الشباب دا ايه؟؟؟ البؤس و الاحباط اللى فى الناس دا ايه ؟؟؟
أصلا يعنى ايه دين عند الناس عشان يقولوا إنه يحتل عنده مكانة كبيرة ؟؟؟
أصل اللى اعرفه إن الواحد لما بيحب شئ بيجرى وراه لحد ما يحققه ..

لكن تلاقى الشاب ضارب شعره جل و واقف مع الجو ..و يقولك طبعا باحب دينى و باصلى و باقرأ قرآن !!!!!!!...
تلاقى البنت لابسة و مش لابسه ، و محجبة و يمكن لا ... و تقولك طبعا باحب دينى و باصلى !!!!....
تلاقى الشاب من دول مش فى الدنيا أصلا ، ولسه راجع من الغرزة ، و يقولك طبعا مسلم و باحب دينى !!...

بصوا ... أول شئ ربنا اعلم باللى فى القلوب ،و أنا مش بانفى عن أى شخص من دول أنه مسلم و يحب دينه ،
لكن كل فعل له رد فعل .. باحب الدين ، يبئا ألتزم بيه ، مش باحبه قولا و تعصبا ، لكن نيجى للفعل مافيش ..

بصراحة معلش و مع احترامى للجميع ، الدين بئا مظهر ، و وسيلة للهروب من الواقع اللى عايشينه .. و ياريت فاهمين صح !!
المنتقبة فى نظر الناس يا اما هى ..ما شاء الله ، تبارك الله ملتزمة و كويسة و ستنا الشيخة ،
يا اما هى .. أعوذ بالله دا المنتقبات كلهم ...؟؟؟
الملتحى .. ما شاء الله تبارك الله سيدنا الشيخ ،
يا اما ... دا ارهابى ، هما المستشيخين كلهم كدا ..
و الشاب الروش ... يا اما فاسق ، كافر ، عاصى ،
يا اما ... واااااااااااااااااو سو كوووووووووووول
البنت الروشة .. فاسقة ، متبرجة ، عليها لعنة الله و الملائكة و الناس أجمعين ،
يا اما .. واااااااااااااااااااو كيوووووووووت
و الناس العادية اللى ماشية فى الشارع بئا ... يا اما ربنا يهديهم ، أصلهم ما يعرفوش ....
يا اما يااااااااى بيئة ..

و هكذا بئا .. تعرفوا تقولولى مين فيهم صح و مين فيهم غلط ؟؟!!...
و ياترى فعلا الدين بالنسبة لنا ايه ؟؟؟... و فين الدليل على حبنا دا؟؟؟

لكن بردوا هأقول .. إن كل واحد فينا جواه البذرة ، لكن محتاج اللى يرويها و يتابعها و يفهّمها صح ، عشان تفهم و تعرف هيا رايحة فين ..


طيب النقطة اللى بعد كدا – النقط مش بالترتيب- هيا موضوع التعامل مع الناس ..
82 % قالوا إنهم أصبحوا يتوخوا الحذر فى تعاملهم مع أى شخص ،
و أنا بأوافقهم جدا ... أيوا صح ،
لأن بئا صعب جدا إنك تثق فى انسان ، و الضربة بتجيلك من أقرب الناس ليك ..

دا مش معناه بردوا إنى أخوّنهم .. لكن عشان تتعامل مش شخص ، يبئا لازم تفهمه ، و تتعامل معاه خاصة فى مسألة الفلوس عشان خاطر تحكم عليه حكم مبدئى<< و أقول مبدئى ، لأن الانسان بين لحظة و أخرى معرض إنه يتغير كل شئ فيه ..

و لأن بئا صعب جدا إنك تلاقى حب صافى فى الله ، بئا صعب إنك تقول لصاحبك حبيبك تقوله الغلط إذا غلط ، و ماشيين بمبدأ معاهم معاهم عليهم عليهم ...
و يا صاحبى يا عدوى ماففيش حاجة وسط .. عشان كدا أنت ماشى فى وسط الناس كلها باعتبار انهم أعداء إلى أن تثبت صداقتهم ...ههههههههههههههه

لكن السؤال .. هل يا ترى فعلا هو دا المبدأ الصح ؟؟؟ هل فعلا المسلم سئ الظن بالشخص اللى قدامه لحد ما يثبت له منه حسن النية ؟؟
امممممممممممممم ... يا ترى دا متعلق بالسؤال اللى قبله؟؟؟!!!...


طب النقطة اللى بعد كدا << هو احنا لسه قدامنا كتييييير ؟؟؟؟
هو الظاهر يا جماعة إننا هنحتاج بوست كمان .. مع إن كان نفسى نخلص النهاردة .. بس الظاهر إن الموضوع ليمتد ..هههههههه
طيب نقول كمان نقطة و الباقى نحوشه للمرة الجاية .. اهو بردوا عشان نلاقى كلام نقوله ..ههههههههههههههه


النقطة هيا قال ايه ... نظرة المصريين للمرأة ..
حيث جاءت فى موقع متأخر بين 55 دولة ..
طب دا بمناسبة ايه يعنى ؟؟.. أو السؤال كان ايه عشان يطلعوا بالنتيجة الرائعة دى ؟؟؟

شوفوا السؤال ... لو كانت هناك فرص نادرة للعمل ، فلمن نعطيها ؟؟؟ للرجال أم النساء ؟؟

فــ طبعا لرجعيتنا ، و الفكر السودوى للرجال عن المرأة فالرجال أجابوا بـ89 % نعطيها للرجال ..
طبعا ، من حقهم يقولوا إن المجتمع المصرى فى نظرته للمرأة فى موقع متأخر ..

إنما لما النساء نفسهم 84% منهم يقولوا نعطيها للرجال ... فياترى دا من إيه ؟؟
نظرة متأخرة بردوا ؟؟؟

طبعا المعظم هيدخل يقول نعطيها للرجال ؟؟؟
و طبعا ممكن البعض يقول للنساء ؟؟؟

و الكل طبعا على أهبة الاستعداد أنا هأقول ايييييييييه ؟؟<< دا بمناسبة إنى صاحبة المدونة ،و بالتالى رأيى هو الرأى الفصل ...ههههههههههه

بصراحة الموضوع بالنسبة لى مش كدا خالص ...
ماهو على حسب وجهة النظر اللى بنبص بيها للأمور ،

يعنى مثلا .. لو بصينا للأمر من جهة إقامة أسرة ، و فتح بيوت .. فالمكلف بيها شرعا هو الرجل ، و بالتالى نعطيها للرجال ،
لو بصينا لها من جهة التعصبات و إن كل واحد عاوز يحقق نفسه .. يبئا متساويين رجال و نساء ،
لو بصينا لها من جهة إقامة دولة ، و المصلحة العامة ... يبئا من جهة الكفاءات ، مش مرتبطة براجل و لا ست ..

و اللى هيقولى الدين .. هأقوله الدين كفل للرجل و المرأة العمل طالما أن كل واحد ملتزم بالحدود الشرعية ..
و طبعا إحنا فى زماننا و مجتمعنا عادى إن الرجل و المرأة يشتغلوا .. مش هنقول خروج المرأة فتنة ،
و إن كان يستحب لها أن تتستت فى بيتها ، لأن المعاكسات و التحرشات ماعدتش بتفرق ، والله حتى المنتقبات ..

لكن اللى باستغرب له جدا ، العلاقة بين السؤال و النتيجة ..
هما ربطوا إزاى بينهم ؟؟؟... مش عارفة ، يمكن هما ليهم رأى تانى ..
هههههههههههههههههههههههههههههههه
الله المستعان

رابعا :بئا أنا جبت لكم روابط الحلقة أهو
بالنسبة للمسسسسسسسسح ، فدا ..مسح أولمسح تانىمسح تالتمسح رابعمسح خامسيا مسهل ياااااااارب
مسح سادسمسح سابع – و الللللللمسسسسسسسسسح الأخييييييييييير ...هههههههههه
بالنسبة للقاء إليدا جيفارا .. فدا الأول التانىالتالتالرابع الخامس


و ربنا يعينكم يا جماعة ..والله تعبنالكم سلف ...ههههههههه

خالص تحياتى

29 comments:

أمل فتحى عزت said...

السلام عليكم
يسعدنى إنى أكون للمرة الثانية أول تعليق ..ولكن المرة دى من مدونتى القديمة إسمها (عالمك والهجرة ) وهى فلسفتى الخاصة فى القصة والفن والصحافة والتدوين وكلها من أعمالى الخالصة ومجهودى الخاص ..ومع ذلك سوف أكمل معك باقى التعليقات على البوست الرائع الذى قرأته الان من مدونة (ن)وسوف أشاركك التعليقات فيما بعد من المدونتين

يبدوا انك دكتورة شاطرة جداً ..من جديد ميكروسكوب وعودة لمتابعة شرائح المجتمع المختلفة .
الهوية المصرية
أى شرف هذا الذى نعتز به وهو إنتسابنا الى الهوية المصرية رغم كل السلبيات والمعناة والالم ستبقى مصر هى مصر من أحبها أحبته وباحت له بسرها ووهبته خيراتها وأمنته من خوفه وخففت عنه محنه ولكن يا أختى الكريمة تحتاج الحب المخلص تحتاج منا الصبر وعدم التفريط والعين المحبة تبدل القبح الى جمال والعين البغيضة تقتلع كل النماء ومصر لا تحتاج منا الا الوفاء وهناك دائماً من يتربص بنا يريد منا الانسلاخ من هذه الهوية وبيع كل شىء التاريخ والعقيدة والحاضر .
لقد أشرتى الى أحداث هامة فى حياة مصر وهى حياة الانبياء الم تسألى نفسك ذات يوم .. لماذا اختفت هذه السيرة من ترجمات المصرى القديم هذا البارع الذى دون كل شىء ؟ لماذا لم نتعلم البحث عن التاريخ واكتفينا بقرأة المكتب المترجمة والمعتمدة من الاخرين ؟ لماذا لم نتعلم لغة المصرى القديم كتابتاً لنقرأها دون وسيط ؟لماذا ترسل لنا دول الغرب العديد من البعثات وتصرف مليارات الدولارات للبحث والتنقيب ؟ لماذا لا ننفض الغبار عن كتب التاريخ ونتعلم البحث والتدقيق ؟ أسألة سألتها لنفسى منذ خمسة وعشرون سنة ظللت أبحث خلالها بلا كلل أو ملل وأنا أؤمن أن مصر لا تبوح بسرها الا لأبنائها .. لقد سخر المصرى القديم من الباحثون الغرباء وطلسم لهم الحقائق وجعل تدويناتهم تناقضات ..والحكاية طويلة جداً سأكمل معك من وقت لأخر وسأتابع التعليق معك حتى نهاية هذا البوست المميز ..موهوبة أنت ومفكرة
سأعود إن شاء الله
مع خالص تحياتى

mahasen saber said...

انا بعتز طبعا بمصريتى العربيه ..
العربيه اه ونكرز على الوحده قوى
اما نظرة المصريين والعرب عموما للمراه فمش جديده
الدين يقول يمين هما يعملو العكس معاها علطول

Beram ElMasry said...

Soul.o0o.Whisper
ارجو المعذرة لتاخرى فى الرد ، واسف انى اقول انك السبب ، واقول ليه انتى السبب .
يوم الخميس 27 – 11 – 08 انتهيت من اعداد قصيدة يوم الثلثاء القادم ياسم متفوق يا شعبى ، لكن وصلنى تعليق من صديقى على عبد الله ، ولاحظت حزنه الشديد على اهل غزة ، وتذكرت مرارة وصف الاخت اكون او لا اكون للوضع الرهيب هناك ، فبدات اكتب قصيدة للوضع المشين باسم مين يقوللى ، ووصلنى تعليقك فتشتت خاطرى بين الرد وبين اتمام القصيدة فلا رديت ولا اكملت ما بدات كتابته
واليوم اكتب هذا الاعتذار فاقبليه ولك تحياتى

Soul.o0o.Whisper said...

أمل فتحى عزت

أولا : أنا اللى يشرفنى زيارتك دايما سواء من ن أو عالمك و الهجرة
فتعليقك شئ أعتز به

بس أنا يعنى مش شاطرة أوى
بس كنت باحب شغل الميكروسكوبات
و الشرايح جدا جدا
و كنت بأظبطها لصحباتى
تفتكرى فى علاقة ؟؟؟
:)


حقيقى تعليق حضرتك بيضيف ليا كتير
و هأنتظر منك بقيت الحكاية و النتايج
و كمان بقيت تعليقك على البوست


ياااااااااااااه
25 سنة ؟؟.. ما شاء الله
الظاهر حضرتك قديمة فى المضمار
خبرة يعنى ... :)
حقيقى سعيدة بتواصلك
و أتمنى أنى أكون على قدر الاهتمام اللى بتعطيهونى
لأنى مقصرة جامد
بس بإذن الله على العيد أكون ظبطت أمورى كدا

دعواتك

Soul.o0o.Whisper said...

mahasen saber


مصر جزء من وطنا الكبير
و اللى اكيد بنعتز بيه


أما بخصوص العرب و نظرتهم للمرأة
فصدقينى مش كلهم وحشين
فلكن عاوزين بحث و تنقيب


منورة المدونة



خالص تحياتى

Soul.o0o.Whisper said...

Beram ElMasry

واسف انى اقول انك السبب
دات اكتب قصيدة للوضع المشين باسم مين يقوللى ، ووصلنى تعليقك فتشتت خاطرى بين الرد وبين اتمام القصيدة فلا رديت ولا اكملت ما بدات كتابته *

يا سلام يا سلاااااااام
أتحجج بيا بئا
طب فين التعليق على ردى؟؟
و لا عبرتنى

ماشى يا فندم
ماشى



اليوم اكتب هذا الاعتذار فاقبليه ولك تحياتى*

طب خلاص سماح
عشان تعرف بس إنى طيبة
و مش بازغل من حد


و معلش أنت سامحنى عشان بجد مشغولة جدا
ربنا ييسر كد و على العيد بإذن الله أظبط حالى




خالص تحياتى

Beram ElMasry said...

Soul.o0o.Whisper
فى الغالب انى اكتب الردود على تعليقك ولا ارسلها
مكانك محجوز فى المقصورة
لاتسألى عن معنى المقصورة
لك خالص الود

فشكووول said...

يا سلوى .. الاول تحياتى
احنا شعب بنحب بلدنا ومكويين بحبها ... بس مش زى ما بيقول الامريكانى مش رئيس الدوله بس .. يمكن هما عندهم الرئيس بس .. بس احنا عندنا كل حاجه بتضربنا بالجزمه هما عندهم ما بيحبوش رئيسهم .. بس متمتعين بالدنيا وبحقوقهم كامله وبيعملوا اللى هما عايزينه .. واحنا بقى متمتعين بايه ان شاء الله .. ما عندناش حاجه نتمتع بيها بالعكس .. كل حاجه عندنا عزاب فى عزاب .. انت اذا كنت سافرتى بره حتعرفى الفرق بينا وبين العالم .. فى دول الخليج مثلا .. بالرغم من انهم مش متعضرين لكن مستهلكين جدا للحضاره وعندهم اعراض الحضاره .. شوفى لبنان والعيشه الحلوه اللى هما عايشينها .. منه لله مصطفى كامل اللى قال لو لم اكن مصريا لوددت ان اكون مصريا .. هو يعنى لو كنت انجليزيا كنت حاقول وددت ولا لوكنت ليبيا حنت حاقول وددت ولو لو حتى سنغاليا كنت حاقول وددت .. احنا اللى مكبرين الموضوع شويه وكل الجنسيات بلدهم حلوه بالنسبه لهم وما فيش حد بيكره بلده .. بس احنا بنكره العمايل اللى بتعملها فينا بلدنا .. الواحد حيلخبط .. هه .. سلام

Kiara said...

انا جييييييييييييييييييييييت وحثتيني ياقمر

الهويه المصريه

انا من الفخورين جداااااااااااااااااااااااااااااااااا اني مصرية ومش هختار عمري اي هويه اخري لاني بعشق تراب بلدي ولاني عارفه كويس اوي ان اللي بيحصل ده مش ذنب الارض المرويه بدم ولادها ده بقلة ضمير اللي عايش عليها وسلبيه اللي موافق علي قلة الضمير دي

ومتفقه معاكي في نقطه ان سياسه الحكومه مش شرط تعبر عن شعبها

********

الدين

احم احم

95 في الميه

ممممممممممممم هما جابوا الشريحه دي منين

*******

التعامل مع الناس

بصي برغم الغدر والغش اللي بقي موجود لكن انا ماشية بمبدا استحسنوا النوايا وبلتمس الاعذار الي ان يثبت العكس

ولازم نحسن النيه لكن مش ندي الثقه كده علطول بتكون تدريجيه

وبالنسبة لسؤالك تخيلي لو مش بتستحسني النوايا وغيرك وغيرك ماشي بنفس المبدا هنكون عايشين فين ياريت قلوبنا تبقي هادية عشان واحنا بنتعامل مع الناس

انا عن نفسي ماشيه بالمبدا اللي قولتلك عليه ومقتنعه بيه جدا انه صح ومش هغيره ابدا يوم اما اغيره هتلاقي عالم مولان بقي غابة مش عالم نقي

***********

المراه

انا هقول للرجل بصي انتي قولتيها المسئول عن البيت هو الراجل فالاولي طبعا هو الراجل

ومش هكون زعلانه خالص

طيب اقولك من حوالي 6 شهور جه شغل ومكنش متحدد انا ولا اخويا اللي نشتغله

انا قولت روح يامحمد انت لانك عاوز تحوش الشبكه عشان تتجوز اما انا قاعده مش قاعده بيتصرف عليا وركزت في دراستي واستنيت فرصه الشغل وبقيت اقدم في مدارس لكن ولو في فرصه افضل لاخويا بقوله يروح وانا اللي بقدم السي ي لاخويا مقدماه لحد الان في اكتر من 35 شركة

دي وجهه نظري في النقطه دي

*********

هيييييييييييييييييييييييييييييييييييييييييييييييييييه انا هحملهم شكرا ياعثوووووووووووولتي



*******

Soul.o0o.Whisper said...

Beram ElMasry

ى الغالب انى اكتب الردود على تعليقك ولا ارسلها *


ماشى ... أنا زعلانة
لحد ما تقولى السبب ...هه
بس



مكانك محجوز فى المقصورة *

طيب خلاص لحقته



لك خالص الود *

ولك خالص التحية

Soul.o0o.Whisper said...

fashkool


سلوى؟؟؟
سلوى دى بنت عمى
و فى نفس الوقت بردوا بنت خالى
ههههههههههههههههههه


امممممممممممممممم
شوف يا سيدى الفاضل

أولا : اللى قصدته باللى قلته عن الامريكى
إنهم برغم إنهم معترضين على الرئيس ( زينا تمام )
و الحكومة مش ماشية على هواهم ( زينا تمام )
لكن لأنهم قادرين يقفوا فى وش حكومتهم و يقولولها إذا عملت غلط ...دا غلط
و إذا عملت صح يصقفولها
عندهم عدل و نظام
لكن إحنا للأسف معترضين و كمان مش بنتكلم ، و بيعملوا فينا اللى عاوزينه
و نقولهم يااااااه عسل والله دا أنتوا مافيش منكم اتنين
هو انتوا هنا كل يوم ؟؟؟

لما يا سيدى نفقه ما لنا و ما علينا
و نطالب بحقوقنا
ساعتها بس نقدر نفتح بئنا و نعاتب


دول الخليج اللى حضرتك بتعيب عليها استهلاكها
اكتر حاجة بتهتم بيها إن شعبها يكون طموح
ليا صديقة لسه راجعة من دولة خليجية
بتقولى باصات المدرسة مش للطلبة بس
لا كمان للمدرسين
و باصات خاصة للمدرسات
و فى نهاية الأسبوع الباص ياخدهم للسوق يتسوقوا و يرجعوا
لييييييييييه؟؟
عشان مش كل المدرسات عندهم عربيات

البنت لما تحب تنزل تشترى حاجة تروح بعربيتها لحد المحل
تضرب كلكس
البائع يجيلها لحد عندها يشوفها عاوزة ايه و يجيبهولها

عقبالنا ياااااااااااااااااااااارب




خالص تحياتى

Soul.o0o.Whisper said...

مولان


حبيبتى معلش جه حظك كدا

لازم أنزل الشغل حالا


لما أرجع هأرد على تعليقك الجميل




سلام ياقمر

فشكووول said...

الحبيبه سول : آهو انت قلتيها .. بيدى لا بيد عمرو وانا قلت فى البوست (انتو اللى بيعتم وفرطتم ولا ملامه علينا بقى)نانا لا اعيب على دول الخليج لانهم فعلا مستهلكين للحضاره وهما احسن ممنا لاننا لا عندنا حضاره ولا بنستهلك حضاره .. الحضاره هى اللى بتستهلكنا .. وياريت نبقى زيهم
ويابنتى البركه فى الشباب .. اما احنا ربى انا يكون لى غلام وقل بلغت من الكبر عتيا .. وفشكول مبسوط عشان انت بتقولى له سيدى الفاضل ولا بتقوليش سيدى الفيلسوف .. اصل فشكول بيرضى باى حاجه تؤدى الغرض آهو برضه سيدى احسن من مفيش .. مشكلتنا يا سول هى اننا بنعمل الحاجه اللى بتأدى الغرض مع انه المفروض اننا نعمل الحاجه كما ينبغى مش اللى بتأدى الغرض وخلاص يا سول انت اللى ملخبطانى ما بين سلوى وسول .. لكن من النهارده بعد قرصة الودن دى خلاص بقيت حافض سول .. سول .. سول قولى ورايا .. سول .. سول .. ايه رأيك حفضتى ولا لسه .. تحياتى يا سول
وكل عام وانت بخير بمناسبة عيد الاضحى

Beram ElMasry said...

استاذتى العزيزة
( ليه كان هدفنا رضى النظام؟؟؟) مكره اخاك لا بطل ، وزى ما قلت غضب الله ، والسؤال للحكلم
( أولا بالنسبة لكونهم وحوش
فأنا أعترض ) ... ما اعنيه انهم ليسوا وحوشا فى العزم والقوة ، ولكن فى الطبع والخسة ، وبعدهم عن اخلاقيات البشر
( لكن بردوا بنمنى نفسنا ان كل مؤتمر يخرجوا بحاجة جديدة!! ) ... هذا هو الانحطاط الفكرى وضعف الهمه لتنشئة متخازلة
( اعترض على الألفاظ .. و اتحفظ على الموقف ) ... هذا حقك ، وانا مخالفه
( فأنا زعلانة ، ) ... لويعلم الاحبة والاصدقاء مبلغ الاثر النقسى لهذه الكلمة لتجنبوها ، انا لااكتب لنيل شهرة فهذا لايغرينى لكبر عمري ، ولا لانشاء علا قات لنفس السبب ، ان طريقة تعليقك هى عين الصواب عندى ، لانها تعنى انك قرات ووعيت وناقشتى لا لمجاملة ولكن لقبول اورفض الفكرة وعن قناعة ، ولانى تمنيت ان اجد بين الشباب من يدرك هدفى فيخرج من طوق الاحلام ويرى الواقع
احينا يفلت عيار قلمى فيمزح ويشاغب فامحو خطه حرصا منى من احب
خالص تحياتى

ن said...

السلام عليكم
أختى العزيزة
آسفة للتأخير .. لقد عدت أتناقش معك فى بقية البوست
الفقرة التالية كانت عن الدين ..لماذا ترين كل هذا التناقض على الساحة وكأن الدين أصبح أشكال وأنماط .. هل تدرين أن العيب عندنا لأننا استسلمنا من البداية لعدم التفكير أصبح الدين لدينا مرتبط بما نسمعه من الغير .. ولما إعتاد الاخرون منا السماع دون تفكير أسمعونا كل مالديهم .. هناك من يأخذ التعاليم من أى شخص يهيىء اليه أنه متدين فأصبح بالنسبة له مسيراً لأموره ويلا الاسف من فئات كثيرة تندرج تحت اسم المتعلمون والمثقفون لا يعرفون شيئاً عن الدين ينفضون سمعهم من أى حديث عن العقيدة فيحلون لأنفسهم ما يشاؤن أجيالا ورثت أجيال فكان الامر كما ترين كل فى واد يطبق الدين بطريقته . لقد سعت لدينا الامم بكل ما تملك لتفتيت مبادىء العقيدة لدينا لكى يسهل النيل منا .
هل تدرين بأن التاريخ سجل لنا أن المصرى القديم لم يكن يحارب الا من يعترض طريق عقيدته وانه على مر التاريخ لم يقبل غازيا ولم يقبل غير الفتوحات التى تنمى من قدرات ومهارات الشعب المصرى .. أنظرى الى حقبة الاسكندر الاكبر عندما أتى الى مصر غازيا كما أخبرتنا الانباء التى تضاربت فى التاريخ المصرى وفى كلتا الحالتين سواء القصة القديمة التى أصابها بعض الاخطاء التاريخية أو الجديدة التى صححت من معلومة الاسكندر الاكبر فى مصر الا أنهم اجتمعوا على رواية واحدة هو رفض الشعب المصرى لغزو الاسكندر لأنهم علموا انه مخالف لعقيدتهم فأضطر حسب الرواية المغلوطة الى أن يدين بآلهتهم ليتوجه الكهنة حسب النظام آن ذاك مما يتوافق ومعتقدات المصريين ليكون قريباً منهم وبالتالى يسهل عليه الدخول الى مصر .. أما الرواية الحديثة والتى أشار اليها الدكتور أسامة السعداوى .. هى أن المصرى القديم فى هذا الوقت كان مسلماً متبعاً لملة إبراهيم عليه السلام محافظاً على عقيدته مؤمناً بها إيماناً قوياً مما أجبر الاسكندر أن يدخل فى الاسلام لكى يفتح مصر التى كانت تشع علماً وإيماناً .. لقد كانت مصر حاضنة للرسالات والانبياء والكتب وبكل أسف تاريخ مصر الحضارى والعقائدى تحفظه غالبية الدول تحت دراسة مستفيضة وبكل أسف يجهله المصرى الان وينشغل بحضارات أخرى وتقلد بعادات أخرى ..وللنيل من هذا الشعب ذو الجينات المصرية المتأصلة لكان لابد من تفكيك الرباط العقائدي فظهر على الساحةما ترين الان من تناقض فى المعتقد وهجر لكتاب الله وعدم فهم السنة وعدم القرأة والثقافة الدينية السليمة ..ولكننا لا نقطع الامل فى أحفاد المصريين وفى ورثة العلم والحضارة سنظل ننشده دوماً فى خيرة الامم .
سأعود اليك لنكمل الحديث
مع خالص تحياتى

فشكووول said...

الحبيبه سول : وكمان تعليق ..آهو انت قلتيها .. بيدى لا بيد عمرو وانا قلت فى البوست (انتو اللى بيعتم وفرطتم ولا ملامه علينا بقى)نانا لا اعيب على دول الخليج لانهم فعلا مستهلكين للحضاره وهما احسن ممنا لاننا لا عندنا حضاره ولا بنستهلك حضاره .. الحضاره هى اللى بتستهلكنا .. وياريت نبقى زيهم
ويابنتى البركه فى الشباب .. اما احنا ربى انا يكون لى غلام وقل بلغت من الكبر عتيا .. وفشكول مبسوط عشان انت بتقولى له سيدى الفاضل ولا بتقوليش سيدى الفيلسوف .. اصل فشكول بيرضى باى حاجه تؤدى الغرض آهو برضه سيدى احسن من مفيش .. مشكلتنا يا سول هى اننا بنعمل الحاجه اللى بتأدى الغرض مع انه المفروض اننا نعمل الحاجه كما ينبغى مش اللى بتأدى الغرض وخلاص يا سول انت اللى ملخبطانى ما بين سلوى وسول .. لكن من النهارده بعد قرصة الودن دى خلاص بقيت حافض سول .. سول .. سول قولى ورايا .. سول .. سول .. ايه رأيك حفضتى ولا لسه ..كل عام وانت بخير.. تحياتى يا سول

Soul.o0o.Whisper said...

مولان


عودة من جديد :)

شوفى يا ستى
أولا بالنسبة للهوية المصرية
بجد مبسوطة جدا إن دى قناعتك الشخصية

فعلا مش بلدنا اللى العيب فيها
العيب فينا احنا اللى فرطنا فيها

................

الدين

مش عارفة والله يا أختشى
لو عرفتى ابئى قوليلى ... :)

..................

التعاملات مع الناس


بجد بأهنيكى على مبدئك دا
و يارب فعلا تفضلى دايما بيه

فعلا فى فرق بين إنك تكون ماشى بمبدأ استحسان النوايا
و مبدأ الثقة

و التانى بأرفض و بشدة إن أعطيه لحد
إلا للشخص اللى فعلا خلاص بفضل الله استوثقت منه فعلا و بئيت حاسة انه انا

................

بالنسبة للرجل و المرأة

فصدقينى يا كيكى
كنت هاعمل زيك لو أنا شايفة أخويا على قدر من المسئولية
و مش أخويا بس

بالعكس أى شاب شايفة أنه على قدر من المسئولية
فأنا مستعدة للتنازل له عن عملى عن طيب خاطر

لكن لما تكونى شايفة الشباب من حواليكى دماغهم فاضى ، و مش حاسين ان لهم رسالة فى الحياة
و منهم اللى مدمن
و غيره و غيره

هل هتقبلى إن شخص زى دا يشتغل مكانك
عن نفسى عمرى ما أقبل
ولو هأقاتل على الشغل دا

لأن دى من ضمن المسئولية
مش حبا فى الشغل لذاته

................

و ابئى قوليلى رأيك فى الحلقة



حقيقى منورة يا كيارا

خالص تحياتى

Soul.o0o.Whisper said...

fashkool


سيدى الفاضل ...:)

أولا : منورنى بالتعليقين

ثانيا : و كل سنة و أنت بصحة و سعادة يارب
و كل المسلمين

ثالثا :مشكلتنا يا سول هى اننا بنعمل الحاجه اللى بتأدى الغرض مع انه المفروض اننا نعمل الحاجه كما ينبغى مش اللى بتأدى الغرض وخلاص *

حقيقى حضرتك ما تعرفش أد ايه وقفت ادام كلامك دا
حكمة و فلسفة أكثر من رائعة
من سيدى الفيلسوف الفاضل
ههههههههههههههه


رابعا بئا : سول مبسوطة من فيلسوفها الفاضل فشكول عشان حفظها اسمها
حتى كدا
سووووووووول .. سووووووول

هههههههههههههههههههه






خالص تحياتى

Soul.o0o.Whisper said...

Beram ElMasry

حضرتك يا فندم دايما بتحرجنى بذوقك ..

لويعلم الاحبة والاصدقاء مبلغ الاثر النقسى لهذه الكلمة لتجنبوها *

طب خلاص آسفون نادمون تائبون
فهل أنتم مسامحون؟؟؟

<< طيبة أنا ... صح؟؟ :)


ان طريقة تعليقك هى عين الصواب عندى ، لانها تعنى انك قرات ووعيت وناقشتى لا لمجاملة ولكن لقبول اورفض الفكرة وعن قناعة ، ولانى تمنيت ان اجد بين الشباب من يدرك هدفى فيخرج من طوق الاحلام ويرى الواقع *

أولا : أشكرك

ثانيا: صدقنى مننا الكثير الذى يدرك
و لكن مازال فى طور الفهم و الاستيعاب
فنحن لم ننضج بعد
فنحتاج كما نناقش و نعبر عن آراءنا فيما يُكتب و يُقال
أن يحاورنا من نحاوره
أن ننهل من خبرته


سيدى الفاضل :
إن الله محاسب الشاب فتى كان أم فتاة منذ أن يبلغ
أى أنّى و أنت الآن أمام الله سواسية
و الفارق بيننا هو فارق عمل و خبرة بحكم السن

فإن أنت أعطيتنى من خبرتك و حكمتك هذه
وفرت علىّ سنين من البحث و التعلم
و بنيت أنا على ما أعطيتنى
فلا أبدأ من الصفر مرة أخرى


ياريت فعلا مبدأ لسه صغيرين دا
و مبدأ خايف إنى أخسر حد
يخرج من قاموسنا
و يكون وجهتنا فعلا هو الحق و بس
عشان نعرف نشوف الدنيا صح
و نعيشها صح
و نقدر نعمل حاجة





خالص تحياتى

Soul.o0o.Whisper said...

ن

لماذا ترين كل هذا التناقض على الساحة وكأن الدين أصبح أشكال وأنماط *

لأنى بالفعل أراه و أعيشه
و لأنى غير مقتنعة به و لا أراه مبدءا فى الحياة
فأستغربت أن يؤخذ كمعيار لمدى التدين
أو لتعلقنا بالدين


هل تدرين أن العيب عندنا لأننا استسلمنا من البداية لعدم التفكير أصبح الدين لدينا مرتبط بما نسمعه من الغير .. ولما إعتاد الاخرون منا السماع دون تفكير أسمعونا كل مالديهم *

بالفعل
و ياللاسف
و مازالنا ...
و المشكلة هى أن المعظم غير مقتنع بغير ذلك
فالدين عنده أناس معينون
من خرج عنهم فقد غوى

اممممممممممممم
هل الجزء المتعلق بالمصرى القديم
متعلق بما ذكرتيه فى التعليق السابق
من تدويناته الغير مفهومة؟؟؟



أنتظرك ...
فلا تتأخرى




خالص تحياتى

ن said...

السلام عليكم
الاخت العزيزة ..Soul.o0o.Whisper
حقيقى صباح جميل عندما إستقبلت أول تعليق لك .
عزيزتى .. لم أقصد أن الفقراء وحدهم هم من لديهم حكمة أو التقوى بل هناك من الاغنياء الزاهدون الذين يتقون ربهم ويراعون حدود الله وكل حسب عمله .
إنما أردت بهذا المثل هى زينة الحياة التى تزهزه للأنسان أعماله فلا يرى الحكمة فى شىء قال تعالى
{ المال والبنون زينة الحياة الدنياوالباقيات الصالحات خير عند ربك ثوابا وخير أملا }
وقال تعالى.
* يا أيها الذين أمنوا لا تلهكم أموالكم ولا أولادكم عن ذكر الله * (المنافقون : الآية 9)
وقال تعالى .
أنما أموالكم وأولادكم فتنة وأن الله عنده أجر عظيم ".( الأنفال : 28 )

ونحن فى ظل هذه الازمات نحتاج الحكمة كثيراً خاصة مع إنتشار الفقر وتكاثر الهموم وتفاقم المشاكل نحتاج الى الطيب من الكلام الذى يساعدنا على التواصل لكى نجيد العمل نحاول أن نترك لأولادنا ميراثاً من الحكم والعبر يدفعون به أزماتهم ويحكمون به العقل فى غناهم .
شكراً لك أختى الكريمة على ملاحظاتك
سأعود إن شاء الله لتكملة التعليق على البوست الرائع الخاص بك .
مع خالص تحياتى

أمل فتحى عزت said...

السلام عليكم
آسفة جداً على عدم التوضيح الكامل بالنسبة لمسألة التاريخ إنما أردت أن آخذ الموضوع معك على مراحل حتى لا تحدث لك صدمة فكرية وهو ما تعرض له كثير من الناس بسبب تظريات التاريخ الجديدة التى خرجت منذ وقت لتنادى بأن ترجمات شامبليون كان بها أخطاء مما أدى الى أخطاء شديدة بل وجسيمة فى ترجمة التاريخ المصرى لذلك إختفت من الترجمات حقبات الانبياء الذين عاشوا فى مصر والموجود لدينا قصصهم فى القرآن الكريم وما تركه لنا التاريخ من معلومات بسيطة بحجة عدم العثور على معلومات تفيد هذا الغرض .
وكالعادة يا عزيزتى عندما ظهر علماء مصريين يعلنون الحقيقة عن وجود أخطاء فى ترجمات شامبليون وأن التاريخ المصرى تبدلت حقائقة قامت الدنيا ولم تقعد بسبب إعتماد كل الكتب المترجمة والغربية كحقائق مًسلم بها وطبعاً ليس من حق المصرى أن يعرف حقيقة تاريخه وأجداده لأنه مازال بأرض مصر كنوز من العلم يراها البعض انها ليست من حقنا إنها من حق دول
متقدمة أما نحن فيجب أن نبقى كما نحن
والحقيقة يمكنك أن تقرأيها مع نظرية الدكتور أسامة السعداوى .. اللينك موجود عندى فى العمود الجانبى بهذه المدونة أدخلى على الموقع مباشرتاً بعمل كليك على الصورة وحاولى أن تتصفحى الموقع وقد يأخذ الامر منك بعض الوقت وقد تقتنعين وقد لا تقتنعين فالامر متروك لنا كمصريين من تقبل المعلومة أو رفضها ..
قد تسألنى ما الذى جعلنى أقتنع بهذه النظرية أو غيرها ؟
أبلغ من العمر الان أربعون عاماً نصف هذا العمر تقريباً قضيته فى البحث عن هذه الحقيقة بل ويزيد على ذلك بأننى فى سن مبكرة جداً كنت أسأل نفسى أين ذهبت سيرة الانبياء من تاريخنا ؟ لقد خلق الله عز وجل آدم وآتاه العلم لإعمار الارض فنحن لا نستطيع أن نقدر مقدار هذا العلم ربما أوتى آدم العلم كله أو أنزل على مراحل بعد ذلك مرتبط بزمن كل نبى أو رسول ..وحتى ظهور الانبياء على مراحل كان علم الله موجود فى كل وقت منذ أن هبط آدم الى الارض وحتى يومنا هذا .. فلماذا إختفت هذه الانباء ؟ لماذا لم نعتمد غير الوثنية والشرك بالله فى حياة المصرى القديم مع العلم بأنها كانت حقبات قليلة فى التاريخ المصرى كان الناس فيها يحيدون عن الحق فيجدد الله عز وجل إيمانهم ببعث الانبياء والرسل .
من فضلك إقرأى للعقاد عن إبراهيم أبو الانبياء والذى كان يبحث من خلال كتابه عن سيرة إبراهيم عليه السلام فى تاريخ مصر ويسأل أين ذهب ؟ .
من فضلك إقرأى مؤلفات الدكتور سيد كريم عن المصرى القديم .. إبحثى فى الموسوعات العلمية عن سيرة الدكتور أحمد عثمان الباحث فى علم المصريات ..وكثير منهم أغلبهم تعرضوا لهجوم شديد بسبب البحث عن الحقائق خاصة من جاء بأدلة ودراسات وافيه فى هذا الشأن .. صدقينى يا عزيزتى مصر أعظم مما نعرفه عنها تقدم لنا الكثير فخذوه وابحثوا عنه انها أيامكم القادمة
وللحديث بقية
مع خالص تحياتى

Beram ElMasry said...

الجهاز اللى حيلتى بايظ وفقدت اعمالى بسبب فيوي والله اعلم سلام مؤقت

Beram ElMasry said...

Soul.o0o.Whisper
ارجو ارسال الطريقة التى بها اتمكن من وضع مقطع فيديو ، دى مشكلة بالنسبة لى وثقتى انك ستساعدينى وبسرعة وكل سنة وانت بخير

Beram ElMasry said...

Soul.o0o.Whisper
اسعد الله صباحك بكل الخير .
دى وصفة يرجى الالتزام يالمقادير بس النار تكون هادية
هو الي حصل ان بنتي بعد ما عرفت اني قاعد باستنجد بالاصدقاء لمعرفة كيفية وضع مقطع فيديو, حنت عليه وحملته لي كالاتي:

فتحت account لي علي youtubeثم حملت لي ما سجلته بصوتي قبلا علي هذا account ولكنه ياخذ وقت حسب حجم الملف. بعد ذلك ناخذ ال url embedded الذي سيظهر ونضعه في ال blog علي هيئة html فيظهر اخيرا.
وتوتة توتة خلصت الحدوتة

Soul.o0o.Whisper said...

ن


أختى العزيزة

معلش بأعتذر عن التأخير فى الرد عليكى

و حقيقى سعيد جدا بحضرتك
"نحن فى ظل هذه الازمات نحتاج الحكمة كثيراً خاصة مع إنتشار الفقر وتكاثر الهموم وتفاقم المشاكل نحتاج الى الطيب من الكلام الذى يساعدنا على التواصل لكى نجيد العمل نحاول أن نترك لأولادنا ميراثاً من الحكم والعبر يدفعون به أزماتهم ويحكمون به العقل فى غناهم ."

و كم نحن فى امس الحاجة لتلك الحكمة و هذه الخبرة


فنحن نريد فعلا أن نكون امتداد
لا أنبدأ من الصفر مرة أخرى




خالص تحياتى

Soul.o0o.Whisper said...

أمل فتحى عزت

عزيزتى ...
منورة بجد


مش عارفة ليه حسيت إنى عاوزة أعيط و أنا بأقرأ تعليقك دا

للأسف
كل ماكان من الخارج
هو كلام وحى
مصدق من قبل أن نسمعه

أما كلام علماؤنا
فهو ضلال و بهتان مبين

و بمرور الأيام يتضح العكس


و للأسف مرة أخرى
لا نتعرف بهذه الحقيقة إلا إذا اعترف بها الغرب
فإذا اعترفوا و هللوا لنا
هللنا لأنفسنا
و إن لم ...
فــ ربنا يحنن علينا


سأحاول يا سيدتى بقدر إمكانى أن أقرأ
فأنا غير متعمقة فى التاريخ
و لكن بالتأكيد
هناك الكثير و الكثير مما لا نعرفه




خالص تحياتى

Soul.o0o.Whisper said...

Beram ElMasry

خالص عزائى لجهازك الفقيد
و كان نفسى أساعدك والله

بس جبتك يا عبد المعين تعين ......




ياللا الحمد لله إن بنت حضرتك أنقذتك
دى فايدة إن يكون حد فى البيت عنده خبرة....:)


و متشكرة خالص على الوصفة
هأجربها قريب إن شاء الله

Soul.o0o.Whisper said...

انت تسال والكمبيوتر يجيب


شكرا لكم دعوتكم
و سأحاول التواصل






خالص تحياتى