الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Nov 4, 2008

امسك الخشب

السلام عليكم و رحمة الله و بركاته

كيفكم يا شباب ؟؟
دا بوست طيارى

أصلى لقيت الميل دا مبعوت لى ،
و بصراحة أنا ماعندتش بأثق فى أى كلمة بتتقال

لكن قلت أبلغ
يمكن يكون صحيح


إليكم الميل كما وصلتنى حرفيا ....



استغفر الله
من عِلمي و من عَملي و من طمعي ومن أملي
ومن جَوري في أيامي الأُول
استغفر الله
مما قد خفا وبدا وما تُقرُّ به نفسي من العمل



  • معني كلمة امسك الخشب يامسلمين هي امسك خشب الصليب

    السبب فى انى كتبت الرسالة هذه معلومة جديدة عرفها زميل في حوار مع انجليزية...

    وهو يحكي لنا....


    وبعدين باقول لها : الشغل ده النهارده....

    قالت لى : تاتش وود..امسك الخشب يعنى..

    (Touch Wood)

    وطبعا العبارة دى هم بيرددوها كتير زينا..

    بس هى سألتنى: انتم عندكم اكيد بتقولوا حاجه بدلها...

    قلت لها: لأ..بنقولها هى هى...

    قالت لى : بتقولوا امسك الخشب برضه ؟

    قلت لها: آه...

    قالت: المسلمين بيقولوا (امسك الخشب)؟؟؟؟ معقوله؟؟؟؟

    استغربت انها مستغربة أوى كده...

    قالت لى: أصل الخشب ده المقصود بيه الصليب..خشب الصليب...

    كانت أول مرة اعرف المعلومة دى فحبيت انقلها لكم لو ماكنتوش

    عارفينها..وبرجاء نشرها..علشان اللى مش عارف يعرف..بدل ما إحنا طول النهار

    عماليين نغنى:

    امسكوا الخشب يا حبايب..امسكوا الخشب....

    لأحسن نتحسد يا حبايب...امسكوا الخشب...


    ويا ريت نعرف أصل كل حاجه بنقولها...بدل ما إحنا كده بنردد تراث الغير وياريت

    نقول ' اللهم بارك أو ماشاء الله ولا قوة إلا بالله '


    منقووووووووووووول
    ____________________________________________________

    وكذلك ايضا

    موضوع التخميس بأصابع اليد فى وجه من يحسدك

    ووضع العين الزرقاء
    على باب المنزل
    او فى السياره
    او فى اى مكان
    وغيرها امور كثيره
    كل هذه من البدع والشرك بالله
    بدون علم وجهل
    استغفر الله العظيم

    فأذا خفت على نفسك من الحسد والعين

    فأقرء المعوذات

    سورة الاخلاص 3مرات
    سورة الفلق 3مرات
    سورة الناس 3 مرات

    وتاكد أن الله سبحانه وتعالى هو وحده الحافظ
    وإذا اراد بك سوء فلن يرده عنك أحد وإذا أراد بك خير ايضا لن يرده عنك أحد
    وإعلم أن أمر المسلم كله خير
    إذا حمد وشكر الله سبحانه وتعالى فى السراء والضراء

    والحمد لله الذى هدانا لهذا وما كنا لنهتدى لولا أن هدانا الله


و اللى عنده معلومة صحيحة عن الموضوع دا يفتينا

11 comments:

كـــيــــــــارا said...

فعلا كلامك صح وانا قريته قبل كده

شاطوره ياقمر انك نزلتيه

ربنا يجعله في ميزان حساناتك

Soul.o0o.Whisper said...

يعنى أكيد يعنى ؟؟؟


طب جزاكى الله خيرا يا كيكى
و منورانى دايما

:)



خالص تحياتى

kafrawy said...

جزاك الله خيرا يا دوك

اعتقد انها معلومه صحيحيه 100%

mahasen saber said...

بارك الله فيكى
دى تذكره نافعه جدا ومفيده
واكيد طبعا كلنا بنقول كده من غير ما ندرك اليى قلتيه ده
..........
ربنا يجعله فى ميزان حسناتك وجميل ان يتبعتلك ميلز كده ده فيه ميل والعياذ بالله بس الحمد لله متعرضلهاش بس اتحكالى من صحباتى
ربنا يوفقك وينورلك طريقك
وشكرا على زيارتك الكريمه لمدونتى
الف شكر يا حبيبتى

mohamed said...

لا لجلد الطبيب المصرى بالسعوديه1500جلده

Beram ElMasry said...

لاخت صاحبة القلم المشاغب Soul.o0o.Whisper
سلام الله لك وتحية
صدقت فكل مقطع له ميزان ولكن الموازيين متقاربة الى حد ما ولم تسعفنى قريحتى المريضة ، والعذر ان المؤتمر اشبه بالسيرك ، فرجل يحلف بالطلاق واخر يقرا شعرا وثالث يطلب نظرة بعين الرضى والوقت ضيق
من بوستك شفت العجب
(Touch Wood) خشب الصليب ، معذرة هذا غير صحيح فالصليب اللذى هو اداة قتل الالاه لم يكن محبوبا ولا وجود له كرمز . ولكن الامبراطورة هيلانة طلبته لتضعه فى الكنيسة البيزنطية فى القرن الثالث تقريبا ، ولم يوجد اى اشارة للصليب او تقديسه ÷ واول ظهورلعلامة تميز المسيحين كانت علامة عنخ مفتاح الحياة عند الفراعنة ، كان يعلقها المصرى المسيحى ليسهل التعرف بينهم وهربا من بطش الرومان حتى اوائل القرن الرابع ، وامسك الخشب لمنع الحسد ، واى حسد فى هذة الميتة المهينة
والكارثة لو قالو ان الخرزة الزرقا عين ياسوع
عليك واجب وهو قراءة باقى المدونة وتقيمها ،
لك تحياتى

Soul.o0o.Whisper said...

kafrawy


جزانا و إياك يا دوك

يارب فعلا تكون معلومة صحيحة




خالص تحياتى

Soul.o0o.Whisper said...

mahasen saber


بأشكرك على زيارتك الرقيقة
و اتمنى أنك تكونى بخير يارب

و بالنسبة للميلز ..ربنا يكفينا شر الميلز الوحشة و يكتر من الميلز الحلوة ..ههههههههههههه


ربنا يكرمك يارب و يبعد عنك كل شر





خالص تحياتى

Soul.o0o.Whisper said...

mohamed


بالتأكيد لا و ألف لا
دا إذا كان أعلى عقوبة المفروض 10 جلدات و مافيش غير الزنا اللى عليه 100 جلدة

بأى شرع قالو 1500
و إذا كانوا حكموا فى الاول ب 750 و لما أستأنف الحكم حكموا بالمضاعفة
دا ايه إن شاء الله

عند يعنى و لا ايه؟؟؟

الله المستعان





و شكرا على الزيارة الكريمة

Soul.o0o.Whisper said...

Beram ElMasry

اممممممم ..."صاحبة القلم المشاغب "
اعتبر دى معاكسة ولا ايه
هههههههههههههههههههه


شفاك الله و عافاك
معلش عليك الاستحمال
مش مؤتمر فيه سيرة الحكومة ؟؟
يبئا لازم بركاتها تحل


بالنسبة للبوست
بأشكرك على المعلومات الجميلة دى
أول مرة أعرف بردوا المعلومات دى
بس النقطة
هل فعلا المسيحين بيقولوا فعلا الكلمة دى بمعنى خشب الصليب ايا كانت قصته
و هل احنا أخدناها عنهم
و لا أصلا الكلمة مش هما اللى طلعوها




واااااااااااااااااجب ... "وش مخضوض"

عاااااااااااااااااا
رجعنا لأيام المدرسة من تانى
حاضر يا مستررررررررررررر

بس طبعا فى مهله قبل الاختبار على ما سبق قراءته
صحححححححح؟؟؟



طيب شكرا جدا





خالص تحياتى

الشيشان فخر الأمة said...

جزاك الله خيرا على التذكرة

كلمات كثيرة نرددها وهى مخالفة ولكن لا نلتفت

جعله الله فى ميزان حسناتك