الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Nov 16, 2008

صرة الدنانيييييييير



السلام عليكم و رحمة الله و بركاته

كيفكم شباب ؟؟؟
معلش دا بردوا بوست طيارى
انتوا عارفين بئا ... بئينا زمن السرعة
و الحمد لله أنه لسه ماوصلش مرحلة بوست صاروخى
<< الحممممممممممممممد لللللللللللللله .....

بصوا بئا عاوزاكوا تتخيلوا معايا الموقف دا

أنا واقفة فى الصيدلية .. لا بيا و لا عليا ،
و إذ فجأتن يدخل عليا واحد هاى كلاس ووسطه متنفخ
طبعا أنا استغربت بس مش مشكلة
قعد طبعا يوصف لى كل مالاقاه من عصر الهكسوس و حتى يومنا هذا من أمراض
و الادوية اللى الدكاترة من عصر الهكسوس لحد الوقتى بردوا وصفوهاله
طبعا افرح أنا اوى ... الحمد لله فى فلوس النهاردة يا جدعاااااااااااان
وطبعا بعد ما جبت الادوية و لفتهاله و أيفتهاله
إذ فجأتن يخرج الحاجة اللى كانت متنفخة وسطة ...
-إيه دا يا فندم ؟؟؟
-داااااااااااااا؟؟!!!!
هذه صرة الدنانيييير ..
-صرة دنانيييييير ؟؟!! .... طبعا أزبهل أنا بئا
-أيوا يا دكتور ..دنانييير من فئة الخمسة جنيهات ،و قريبا العشرة جنيهات ، و بعدها ال20 جنيه
و دنانيييييييييييير دنانيييييييير دنانييييييييييييييييييييييير ............ هيييييييييييييه احمدك يارب





بسسسسسسسسسسسسسس
و رحت صاحية من النوووووم ... ايييييييييه رأيكو ؟؟
هههههههههههههههههههههههههههههههههههههه

بجد أنا ماقدرتش أمسك نفسى من الضحك النهاردة و انا واقفة فى الصيدلية و كل واحد يدخل يعلق على الموضوع دا
اه ... أصل أنا لسه سامعة الموضوع دا النهاردة،
و مش عارفة بردوا هو أنا جاية آخر الصف و لا جايبالكو خبر جديد

أول القصيدة ...كان مندوب أدوية فى شركة محترمة ،
و آخر أيافة يعنى ... و كان جاى يحصل فواتير
و بعدين مش عاجبه المتين الورق و عاوزها ورقتين بمية
و فجأة لقيته ضحك و قال ياللا كلها شوية و نعلق صرة الدنانير فى احزمتنا و احنا ماشيين
طبعا مش فهمت حاجة ..
قام قال : أصلهم الوقتى هينزلوا خمسة جنيه فضة ، و شوية و ينزلوا العشرة جنيه
و بعدها العشرين ،و يبقى الشعب المصرى ماشى بصرة الدنانيييييييير من فئة الخمسة و العشرة جنييييه
<< حلوة دنانيير من فئة خمسة و عشرة جنيه دى
و فطست على نفسى من الضحك و تخيلت الموقف اللى أنا حكيتهولكو فوق دا ..

المهم ... شوية و لقيت واحد داخل عاوز حاجة ،
المهم و أنا باحاسبه فماكنش فيه باقى غير جنيه فضة ، فاعطتهوله
قالى : و دا بتصرف دا ولا ايه ؟؟؟
و لا اقولك مش فارقة ... كلها حبة و نبئا ماشيين بصرة الدنانييييير
و فطست على نفسى من الضحك ..

هى الناس كلها عارفة و أنا آخر الصف بردوا فى الأخبار ولا ايه ؟؟؟
ربنا يستر !!!!
و بعدين ايه حكاية الفلوس الفضة اللى الحكومة نازلة فيها دى ؟؟؟
و لا عشان لما يقولو الناس تعبانة من كتر ماهى شايلة على قلبها يبئا عندهم حق
هههههههههههههههههههههههههههه

الله المستعان

25 comments:

Kiara said...

هههههههههههههههههههه



شكلي انا كمان معاكي اخر من يعلم

Mahdi Mahdi said...

ليست حرب ولكن الصمت تحاه الفسه يغريه بالتمادى وهذا ما حدث بالفعل ولو ننشرنا افوال اليهود عن يسوع وناقشنا مهزلة الصلب لارتدع كل سفيه موتور

Beram ElMasry said...

ياريت عل كدة وبس دانا خايف يدونا الصكوك فى ورث البلد عند الموت زى صكوك الغفران
انا فى حالة مزاجية غاية فى السوء

احمد الجيزاوى said...

ما خلاص بقت كله فكه خلاص كل البلد اصصبحت فكه جت على الفلوس عموما انا متاكد انى هيجى اليوم واشوف فيه ال 100 و
200
فضه
تحياتى
احمد الجيزاوى

Soul.o0o.Whisper said...

مولان

منورة يا قمر
و شكرا على زيارتك الرقيقة


أتمنى لك التوفيق فى عالمك الجديد
كما كان عالمك القديم
بل و أشد



خالص تحياتى

Soul.o0o.Whisper said...

Mahdi Mahdi

أخى الفاضل

سلام الله عليك و رحمته و بركاته

هناك بعض النقاط التى بالتاكيد بحكم أنك دخلت هذا العالم - عالم الملل و الديانات - فبالتاكيد تعرفها
و لكن ذكر فإن الذكرى تنفع المؤمنين


أولا : تعتذر للمسلمين مشارق الارض و مغاربها أنك لن تستخدم القرآن و لن تذكر عيسى عليه السلام و لا أمه فهم لا يؤمنون بالقرآن

إذن فبماذا علينا نحن أن نشاركك فى الرد أو أن نقوّم ردك إذا كان به خطأ و كل إنسان لا يخلو من أخطاء؟؟؟
أنت ستناقش الموضوع بفكر المعارض لأنك متأكد أنه كفر ..
و هم سيناقشونك بفكر المؤمن لأن هذا ما نشؤوا عليه و لن يغيروه ، و سيأخذون كلامك دائما بمحمل الرفض ،و ليس بمنطق التفكير و التعقل لتفكروا و يتدبروا
ولو كان الموضوع سهلا كما ترى لأسلم كل الناس على عهد رسول الله صلى الله عليه و سلم فبالتأكيد كان عنده من الحجج و البراهين ما يفوق ما لديك بمراحل ..


ثانيا : تقول أنك ستستشهد بأناجيلهم فقط .
إذن علينا جميعا أن نطالع الأناجيل لمتابعتك ، و إلا فالمدونة للنصارى فقط و ليست للمسلمين !!!
ثم كيف لنا أن ندرك أن ما أستعنت به هو الموضع الصحيح فى هذا الموقف - و أرجو ألا تأخذه بموقف المتشكك - بس أنا ماحبش أكون من اللى ماشيين فى الزفة ،
أحب أفهم و بعدين أقول رأيى

إنما لما ماكونش عارفة ، و بتقول أنك بتدحض حجة ديانة بالنسبة لى كافرة ، فبالتأكيد هأصقفلك و أحييك و أنا مش عارفة أصلا كلامك صح و لا غلط


ثالثا : بتقول "ولو ننشرنا افوال اليهود عن يسوع وناقشنا مهزلة الصلب لارتدع كل سفيه موتور "
معلش مع احترامى لشخصك - أنا ماعرفكش و بالتالى لا أقصد الاساءة و الله شهيد - حضرتك مش أول واحد تتكلم فى الموضوع دا
،و بعدين اللى يخليهم يؤمنوا بالكلام دا و يقتنعوا بيه ، مش من كلمة هيتغيروا و يحييوك و يصقفولك و يقولولك بارك الله فيك أنت فين من زمان؟؟
لأن بردوا زى ما قلت لك هما هياخدوا كلامك على أنه محاولة لتغيير معتقد و شن حرب على عقيدتهم و بالتالى واجبهم هو إستخدام كافة الوسائل لدحض حججك
مش هياخدوه منطق التفكر و التعقل و إظهار الحق هو الهدف



رابعا : دى مش محاولة لتثبيط همتك ، بالعكس ..أنا نفسى يكون كل انسان على الحق و أن يعود لربه
لكن فى شئ اسمه عقل و فهم لطبيعة الناس دى قبل ما نتكلم معاها
و أتمنى لك التوفيق ، و فى انتظار جديدك




خالص تحياتى

Soul.o0o.Whisper said...

Beram ElMasry

ياريت عل كدة وبس دانا خايف يدونا الصكوك فى ورث البلد عند الموت زى صكوك الغفران*

والله ماعتقدتش انهم هيستنوا لحد عند الموت
دا بيقولوا هيبدؤوا يوزعوها بعد سنة؟؟!!.

وبعدين الوزير بتاع الاستثمار شكله سهن
هادى كدا و بيرد بشكل واثق جدا
و كلام مقنع
لدرجة إنى قفلت التليفزيون و قمت
خفت أحسن بركاته تحل على دماغى



انا فى حالة مزاجية غاية فى السوء *
والله أنا النهاردة كانت حالتى أسوء من السوء نفسه
بس ... الله المستعان
والله أخبار البلد ماعدتش تسر حد
لكن الواحد يرجع يقول
أهم شئ أنه يفضل زى ماهو و ما يتغيرش بفعل اللى حواليه
دا أكبر جهاد صراحة



شكرا ليك
و أتمنى أنك ترجع زى ماكنت
مش ناقصين نفقد البلد
و بيرم المصرى كمان





خالص تحياتى

Soul.o0o.Whisper said...

احمد الجيزاوى


أولا بأشكرك على زيارتك
رغم تقصيرى فى حقك


ثانيا : فعلا كله بئا فكة
و البلد بئت فكة
اشمعنا الفلوس


ربنا يستر






خالص تحياتى

ن said...

السلام عليكم ورحمة الله وبركاته
أختى الكريمة
لقد دخلت مدونتك ليس بغرض الدعوة لمدونة نون التى تهاجم من بعض المدونين سامحهم الله .. ولكنى دخلت المدونة أشهد لك بحسن الاداء والتأنى فى الفكر والرأى وحسن إستخدام الكلمات فى موضعها الصحيح وهو ما نحتاجه عبر رسالة التدوين لأننا وبلا أدنى شك نقدم عبر المدونات أجود ما لدينا لأننا نتواصل عبر العالم فى هذه المدونات .. وأشكرك على هذا التوجه الهادف والواجهة المشرفة
مع خالص تحياتى
أمل فتحى عزت

Mahdi Mahdi said...

الاخت . Soul.o0o.Whisper
سلام الله عليك و رحمته و بركاته
انا ياسيدتى لست من علماء الدين ولا داعية اسلامى ولا اساهم فى نشر الاسلام ولا اغرى صاحب عقيدة للدخول فى الاسلام ، ولا يعنينى كون عابد الثالوث على خطا ، فعليه وذرة ، وما اعنية ان لا يركن كل شاذ منهم الى عفة لسان المسلم ، ولذلك لا اذكر الا اسم يسوع الاسرائيلى وهو المعبود وهذا اسمه الوحيد كما يقال فى الكنائس صبيحة كل يوم احد " نعبد الاه واحد واسمه الوحيد يسوع المسيح"، وملحق الرد اللذى ارسلته للمزعومة امل فتحى سبب هذه الغضبة بدسها السم فى العسل وسخريتها من القران فى تعليق ارسلته للاخ الازهرى
أمل فتحى
ان كنت فردا رجلا اوانثى وانا اشك فانتم جماعة ، وان كنت مسلمة وانا اشك ، فالامر لايعنينى
• تقولين ( ما دمت قد بدأت حملتك بالسب والقذف ولغة الارهاب برفع راية السيف وقذف الاديان ) من قال انى اقذف الاسلام وانا مسلم والحمد لله ولم اقل انى ادافع عن الاسلام فالاسلام اعز واجل ولن ينال منه نباح اى مسعور
• وما اقوله هو انى ساتعرض لبعض الخلل والمهاترات فى المعتقد الثالوثى بدون استخدام ادلة وشواهد من القران الكريم ولكن من واقع الاناجيل الموضوعة واقوال اليهود فى يسوع ومولده ، وهل ترين ان نسكت على وقاحة السفهاء وربنا يسامحهم ، ومن وجهة نظرى ان هذا الصمت مرفوض لانه منطق الضعفاء ولا يوجد مسلما ضعيفا على وجه الارض
• السيف كالمبضع اى المشرط عمله بتر الفاسد من الاجسام فى الاجسام
• ومما تقدم هل يمكنك توضيح محل دفاعك ، عن من تدافعين وضد من ، دون مراوغة وخداع

Beram ElMasry said...

الليلة من 12 - 1 جديدى فاستوعبيه

Beram ElMasry said...

العزيزة . Soul.o0o.Whisper
السلام عليكم وصح النوم
اصلحت الخطا النحوى اللذى اليه اشرت واليك شكرى
( ثانيا مش عارفة ليه الجزء دا مش بالعاه ) مادام مثلك لم يستصغ هذا الجزء فالعيب عندى وساجتهد فى اصلاح عجزى فى توضيح الصورة ولك شكرى على هذا التنبيه
العزيزة الفاضلة تمنيت ان اناديك باسمك المجرد بدون القاب لاقول لك لو هذا العمل يستحق الاطراء فانت اولى به
لااعرف كيف اشكر ولكن لك من الفطنه مايهون على المسالة

Soul.o0o.Whisper said...

ن

أولا : باشكرك على زيارتك و كلماتك اللطيفة

ثانيا : زرت مدونتك و قرأت أول بوستين
و سأعود لاحقا لقراءة البقية



خالص تحياتى

Soul.o0o.Whisper said...

Mahdi Mahdi


بأشكرك على اهتمامك و الرد

فى انتظار بوستك الجديد
ليكون الكلام على أرض الواقع


هناك أمر ذكرته أكثر من مرة
و الآن أود لو أوضحته
فضلا لا أمرا
" ما اعنية ان لا يركن كل شاذ منهم الى عفة لسان المسلم "
الحقيقة النقطة دى مش فاهماها
ياريت لو توضحها






خالص تحياتى

Soul.o0o.Whisper said...

Beram ElMasry


مادام مثلك لم يستصغ هذا الجزء فالعيب عندى*
والله محسسنى إنى عنترة مثلا ،
ولا المتنبى
دا انا يادوب بأفك الخط


ساجتهد فى اصلاح عجزى فى توضيح الصورة *
أوباااااااااااااااااااااااااا
هو رغم اعتراضى على استخدام كلمة عجزى
بس معنى كدا ان اللى انا فهمته غلط

صح؟؟؟؟؟؟؟


لو هذا العمل يستحق الاطراء فانت اولى به*
دا بمناسبة ايه ؟؟
عارف فيه نكتة بيقولوها
إن واحد حب يشتغل و ماكنش بيعرف يعمل اى حاجة خالص
راح محل طعمية
الراجل قاله تمسح الأرضية
قاله معرفش
قاله طب تعجن العجين
قاله معرفش
قاله طب تحمر الطعمية
قاله معرفش
قاله أمال انت جاى تعمل ايه؟؟
قاله جاى عشان أنت تحط الطعمية فى الزيت و أنا أقول
تشششششششششششششششششششششششش
ههههههههههههههههههه
فدا بئا بمناسبة إنى قلت تششششششششش
ولا ايه؟؟؟

لك من الفطنه مايهون على المسالة *
أشكككككككككك
بس هأقبلها منك



تمنيت ان اناديك باسمك المجرد بدون القاب *
دا مثلا بمناسبة إن اسمى بركة؟؟
ههههههههههههههههه
بس والله هو مش صعب
ولو كنت قمت بالواجب اللى كلفتنى بيه كنت عرفته
بس ممكن أساعدك ...
هاقولك فزورة
حلوة صغيورة
إذا فكتها
و تمام حلتها
تعرف اسمى بسلام
بس ركز فى الكلام

اسمى هنقسمه شقين
الشق الاول : ضم حرف القرآن و أوجز كلمة فيه
و الشق الثانى : منه خلقت ليسكن إلىّ
فإذا ضممت الشقين : كان غذاء روحى و حياة قلبى

عرفت اسمى ؟؟؟






خالص تحياتى

Beram ElMasry said...

Soul.o0o.Whisper
مساء الخير
من يعجز عن ايصال معنى بداخلة للغير المثقف فالعيب فيه ولا مجاملة
الاطراء فانت اولى به*
دا بمناسبة ايه ؟؟
بمناسبة فهمك وتوضيح ما ارمى اليه .. من غير تش
لك من الفطنه مايهون على المسالة * شكلى كدة غلطان
باسمك المجرد بدون القاب * حقيقى ساعتها
مثلا بمناسبة إن اسمى بركة؟؟ لا داعى للسخرية
(كلفتنى بيه كنت عرفته ) لم اجد متسع من الوقت فاصفحى
لاتتعجلى ردودى فانا بطئ فى الكتابة على الكمبيوتر
تحياتى لك

((..همـ قلب واحد يجمعنا ـسات..)) said...

: :المدونة الفاضله
..نتمني لكِ مزيدا من التقدم والنجاح
وان تكون مدونتك معبرة عن صوتك في كل مكـــــان
.. .. .. ... ..
سعيا منا بأن نجعل من علاقتنا روحاً اكثر حباً وتواصلاً
وبأن نجعل من صوتنا قوة أكثر انتشـــاراً وتأثيــراً .. ..
وبأن نرتقي بفكرنا ...وثقافتنا ...وعلمنا ...وخلقنا ..
.. .. .. ... .. .. ..
ندعوكي للمشاركة معنا في رابطه همســات . . .
...أول رابطه عامة تختص بالفتيات المدونات .....
شاركينا الانطلاقه ..وكوني احدي اعضاء همسات وشاركينا
اجتماعنا الاول ...لتكون همسات .. قلب واحد يجمعنا
فمعاً . . . . . نلتقي .. لنرتقي

تحياتنا ::
(( فريق العمل بهمسات ))

المستنصر بالله said...

الفلوس كدة قلت اهميتها مافيش حد بيقتنع بالجنيه المعدن دة
الله يرحم ايام الجنيه الجبس

مدونتك جميله قوى

تقبلى تحياتى

Belal said...

مش عارف هنروح لفين بس شكلها هتكون كده فعلا وساعتها هنسأل بتوع التاريخ هيا صرة الدنانير كانت بتتصنع من ايه وشكلها ايه وكدا بدل منقعد نخترع من أول وجديد

Mahdi Mahdi said...

يلزمنى رايك فكن ناصحا ولا ملامة، فهدفى افهام المرضى والموتورين ممن يتطاول او يخادع بدس السم فى العسل تحت دعوى الدفاع عن الاسلام ، ان العين بالعين والسن بالسن والبادى اظلم

Soul.o0o.Whisper said...

Beram ElMasry

لاتتعجلى ردودى فانا بطئ فى الكتابة على الكمبيوتر *
ربما البطء للتأنى و الحكمة
مش شرط يكون عدم تمكن من الكيبورد
أهم شئ انك دايما تشرفنى
فوجودك يسعدنى و بشدة
ههههههههههههههه


بمناسبة فهمك وتوضيح ما ارمى اليه *
إيه دا؟؟؟ ...بجد
طب الحمد لله
والله من تعليقك اللى فات توقعت إنى فهمت غلط
بس الحمد لله
نجحت يا ولاد
ههههههههههههههههههه

شكلى كدة غلطان *
لالالالالالالالالالالالالالالالالا
خلاص والله
آسفون آسفون
تائبون منيبون
خلاص مسامحون؟؟
ههههههههههههههه

مثلا بمناسبة إن اسمى بركة؟؟ لا داعى للسخرية *
مش سخرية والله
بس أنت بتعطينى قيمة أكبر بكتير مما استحق
و أنا خايفة آخد فى نفسى مقلب
:)

لم اجد متسع من الوقت فاصفحى *
أستاذى الفاضل .. لم تخطأ بشئ فأصفح
انما كانت مجرد مزحة
ربنا يبارك لك فى وقتك يارب
و تشرفنى دايما


خالص تحياتى

Soul.o0o.Whisper said...

((..همـ قلب واحد يجمعنا ـسات..))

أخواتى الفضليات
فكرتكم جميلة ما شاء الله

و أحب أن اشارككن
لكن هناك نقطة يجب التنويه لها
أن المشاركة ستكون على مدونة همسات
أما مدونتى و ما أطرحه من موضوعات
فهى حصر علىّ
و لا أكتب إلا ما يعبر عن نفسى


جزاكن الله خيرا و أود لو تعلمونى بمعاد و مكان الاجتماع
و ياريت يكون بعد الساعة 4 عشان الشغل


خالص تحياتى

Soul.o0o.Whisper said...

المستنصر بالله

الفلوس كدة قلت اهميتها مافيش حد بيقتنع بالجنيه المعدن دة
الله يرحم ايام الجنيه الجبس *

ايييييييييييييييييه
أيام
ربنا يرحمك يا جنيه


مدونتك جميله قوى *
متشكرة جدا يافندم

و ماتحرمش من زيارتك





خالص تحياتى

Soul.o0o.Whisper said...

Belal

ساعتها هنسأل بتوع التاريخ هيا صرة الدنانير كانت بتتصنع من ايه وشكلها ايه وكدا بدل منقعد نخترع من أول وجديد *

صحيح احنا لسه هنوجع دماغنا
؟؟؟؟؟؟؟
ههههههههههههههههههههه
بس ممكن بنئا نعدل عليها شوية
يعنى ممكن نحط قفل ولا حاجة
يعنى مش ناقصين سرقة

بس تفتكر فى حد هيفكر يسرق ساعتها
بتهيألى هيبئا مش جايب همه
هههههههههههههههه


بانتظارك دائما


خالص تحياتى

Soul.o0o.Whisper said...

Mahdi Mahdi

يلزمنى رايك فكن ناصحا ولا ملامة*
صدقنى هذا ما أحاول فعله
اسأل الله لك الخير و التوفيق
لكن أعيد مرة أخرى
أهم شئ العلم و العقل



و إن شاء الله متابعة


خالص تحياتى