الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Nov 20, 2008

مسسسسسسسسسسسسسسح القيم


السلام عليكم و رحمة الله و بركاته

كيفكم يا شباب ؟؟ أخباركم؟؟

يارب تكونوا كلكم بخير ..

طبعا معظمكو بيتابع البرنامج الجميل الـ10 مساء ،

بس مش عارفة شوفتوا الحلقة بتاعت امبارح و لا لا

اللى هيا كانت منى مستضيفة فيها الاول اليدا جيفارا و السفير الكوبى

و بعدين ناقشت موضوع مسسسسسسسسسسسسسسسسح القيم


بداية الحلقة امبارح شدتنى لأقصى درجة ،

يمكن لأنى ماكنتش شايفة منى اللى ماسكة زمام الأمور

أو هى بطلة الحلقة ...

بصراحة اليدا حازت اعجابى كما فعل فعل ابوها ..

لكن مش دا اللى هناقشه حاليا ...


تعالو للموضوع التانى وهو موضوع مسسسسسسسسسسسسسسح القيم العالمية

صحيح مش عارفة هما عاوزين يمسحو فيها ايه أكتر ماهى ممسوحة

بس لما تكون عالمية ..دا يعطينا حافز إننا نمسحها اكتر و اكتر

ههههههههههههههههههههههههههههه


بجد يمكن من أكثر النقاشات اللى عجبتنى جدا

ممثل من الحكومة وممثلين مش هاقول معارضين لكن ممكن نقول غير متفقين مع الحكومة

أولا بالنسبة لأسلوب الحوار كان راقى جدا جدا

وهو دا بصراحة اللى نفسى يكون ، لأن بكدا ممكن نوصل لشئ

إنما لما يكون النقاش بس عشان أثبت أنك غلط و أنا الصح

يبئا مش هنوصل لحل

انما كان الطرفين – يمكن لأنهم اتعاملو مع بعض قبل كدا و اتعلموا من بعض – بيسعوا فعلا لأنهم يوصلوا لنقطة الخلل منين

و بشهادة منى فإن المركز مشهود له بالكفاءة ..لكن غالبا ما بتأتى النتائج بعكس المشاهد


و كمان مشاركة المشاهدين .. أعتقد بردوا انها كانت فعالة بإستثناء واحد أو اتنين ،

يعنى كانت مشاركتهم نظرة على واقع تجربة مروا بيها أو بيمروا بيها

مش عن الحالة العامة.


طب نيجى بئا لموضوع الحوار ، و اللى كان عن دراسة أجراها مركز المعلومات ودعم اتخاذ القرار عن دراسة عالمية لمسح القيم

<<مسحها مش إزالتها يعنى ...لا، يعنى Survey أو تقييم

المهم ... طبعا كانت النتائج راااااااااااائعة كالعادة ، و لازم قاعدة موافقون تسرى حتى على التقييم الفظييييع الجميل دا

لكن المناقشة صراحة كانت واقعية جدا ،

و الأسباب اللى أدت لكدا مش شرط إنها تكون تزوير من المركز

لا .. الأسباب ممكن تكون مننا ، أو من اللى قاموا بالبحث دا

سواء عن قصد أو من غير قصد


يعنى مثلا لما سألوا عن السعادة ؟ ..هل أنت سعيد؟؟

لقوا ان 94% من العينة المختارة سعيدين ،و إن 10% منهم سعيدين جدااااااااااااااااااا

<< يا حلاوة يا ولاد ... بيجبوها منين دووووووووول؟؟ ..الى يعرف يبئا يقوللى عشان اشترى انا كمان اهو حتى ننفع صاحب المحل ..

طيب تعالوا نشوف د/ ماجد عثمان قال إيه ؟؟ ( مدير المركز )


قال : إن دا سؤال استهلالى .. يعنى بداية لفتح حوار بس

و مش كل الناس السعادة عندها هى الفلوس أو الجانب الاقتصادى .. دى نقطة

النقطة التانية انهم يمكن بردوا ما أجابوش صراحة بنعم ..لكن من سمة المصرى إنك لما تسأله عن شئ يقولك الحمد لله ،

فكدا الباحثين حطوا الاجابة فى خانة السعادة << والله ناس فهيييييييمة ..بيجيبوها و هى طايرة : ) ..يا سلااااااااااااام مبسوطة أنا

النقطة التالتة و اللى بصراحة مش فاكرة هو اللى قالها ولا د. يحيى الرخاوى ..أستاذ الطب النفسى بجامعة القاهرة

و اللى بأوافق عليها بشدة .. إن الشعب المصرى مش بيعبر عن نفسه .. إنما بيشوف انت عاوز منه ايه ،و يجاوبك على اساسه

يعنى مثلا عارف ان التقييم دا من الحكومة ..يبئا ايييييييه؟؟... موافقووووووووووووون

انما لما كاميرا العاشرة سألت الناس قالوا : لااااااااااااااااااااااااا

<< مش باقولكو ان الشعب المصرى أجدع نااااااااااس .. مافيش أكتر من كدا لباقة ... محترم والله

النقطة الرابعة بردوا واللى اثاروها .. إن أساليب استخلاص الاجابة من المبحوث لها فنونها ،

يعنى مش شرط اروح أسأل الشخص فى وشه انت بتحب مصر ؟؟؟

طبعا هيقولك : أكيد يا أخى دا بلدىىىىىىىىىىى << أمال قاعد طول الليل و النهار يسب و يلعن فى مين مش عارفة ...ماعلينا

إنما د/ يحيى قال ممكن اسلوب تانى يبئا عامل زى لعبة كدا ..

مثلا : يقوله :عارف أنا لو ماكنتش مصرى ، كنت اتمنى أكون ....، و يسيب اللى قدامه يقول اللى عاوزه

و بالتالى هيعرف فعلا هل هو منتمى لبلده و لا لا ...<< والله العلم حلو يا جدعان ، بس خدوا بالكو .. أحسن تقوموا واقعين فى مطب و ماحدش سمى عليكو ... آه يعنى أنا بأقولكو اهو عشان محدش يضحك عليكو بشيكولاته و لا حاجة ...ههههههههههههه

النقطة الخامسة بئا ، هو بأى صفة خدوا العينة و أختاروها ؟؟

و بأى صفة بردوا الناس دى تمثل رأى المصريين ؟؟ ...

النقطة اللى بعد كدا .. هى صيغة السؤال نفسه

ممكن السؤال يتوجه بطريقة غلط ، أو يتفهم بشكل غلط ،

أو الإجابة فى وادى تانى أصلا .. و ممكن التلاتة مع بعض << و بكدا تتم الزوايا الثلاث لأى إجابة نموذجية لأى سؤال من طرف الحكومة ...ههههههههههههههههههه


بعد كدا .. هى صيغة السؤال نفسه

، لكن رضا عن حالى أنا ، عشان أعرف أعيش ، لكن دا ماينفيش إنى برسم لبكرة شكل تانى خالص ، و ب

الجميل فى الموضوع إن برغم إنى كنت حاسة ببعض الحساسية من بعضهم لبعض ..

لكن دا ماظهرش على أسلوب الحوار .. و الجميل بردوا انهم كانوا متفقين على كافة الأسباب اللى اشاروا إليها

و د/ ماجد نفسه مانفاش إن النتايج غير صحيحة ..

حتى منى نفسها قالت إنها تشهد للمركز بالكفاءة لكن النتائج غالبا ما تكون غير صحيحة ،

لييييييييييييييه ؟؟

عزيزى القارئ يرجى إعادة النظر فيما تقدم من اسباب ... : )

طب تعالوا بئا ناخد بعض الأسئلة اللى جت فى التقييم و نناقشها بجد ..

أولا : بالنسبة لموضوع السعادة دا

قال إيه 94 % كانوا سعداء و 10% منهم كانوا سعداء للغاية ..

طيب أولا هنقول إن لما الباحثين سألو المبحوثين (الناس يعنى) فالناس بطبيعة قالت الحمد لله ، فهما بذكاء المصريين المعهود حطوها فى خانة نعم ..

إنما المشكلة فى ال10% اللى سعداء بشدة .. ماهما اكيد بقية الناس ماقالوش الحمد لله ، و دول قالو الحمممممممممممممممممد للللللللللللللللللللللله ..عشان كدا حطوها فى خانة السعادة و بشدة ، أكيد كان فى كلمة حشروها جنب الحمد لله أو استغنوا عن الحمد لله بيها ..

طب على اساس ايه مثلا ..والله أنا مش بنفى سعادتهم ، ربنا يبسطهم أكتر و اكتر ، بس مقياس السعادة عندهم ايه يعنى ؟؟

ماهو عشان نفهم ..و بعدين يا بخت من كان سعيد و أسعد الناس معاه ، و هنيالك يا فاعل الخير و الثواب ...ههههههههههه

بالنسبة ليا .. كشخص ، لو كانوا سألونى أنتى سعيدة .. فالحقيقة كنت هأحتار ..

مش لشئ أو خوف منهم .. لا ، لكن هل اللى جوايا فعلا سعادة ، و لا هيا محاولة تأقلم مع الواقع فخلاص بأحاول ابص للنص المليان .. و باقول أحاول ..يعنى لسه بأدور ..آه عشان ماحدش ييجى يقولى طب هاتيلنا حبة و خدى اللى انتى عاوزاه

لما ألاقيه مش هأبخل عليكو ..بس لسه بأدور والله ... : )

يمكن اللى جوايا رضا ، مش رضا بالوضع الحالى ، لكن رضا عن حالى أنا ، عشان أعرف أعيش ، لكن دا ماينفيش إنى برسم لبكرة شكل تانى خالص ، و باحاول اغير فى اللى بأقدر عليه ...

يا ترى انتوا بئا رأيكو ايه ؟؟


طب نيجى لنقطة تانية ..نقطة فعلا أكدت لى إننا بنفكر بمشاعرنا لأقصى حد

هى نقطة هل أنت مستعد للدفاع عن وطنك فى حالة هجوم عدو ؟؟

80% قالو مستعدين ، 20% هما اللى مش مستعدين ..

النتيجة دى بالذات أنا متأكدة إنها صح ... لكن للأسف لو جينا نشوفها واقعيا هنلاقيها كلام

صحيح لو أى حد فى العالم سألك مستعد تتدافع عن بلدك .. طبعا هترد بالصوت الحيانى : أيوااااااااااااااااااااا

يمكن مش متأكدة لو قامت حرب فعلا ال 80% دول هيروحوا ولا لا

لكن اللى متأكدة منه اللى هيروحو بجد هيروحو حمية لا أكثر و لا اقل ، يعنى ماعندهمش خبرة باساليب القتال <<يمكن أكبر معركة قام بيها فى حياته خناقة مع جاره على فلوس استلفها منه ، و لا يمكن عشان بص على البنت اللى عاوز يخطبها كدا يعنى ..

انما لا عمره جرب يشيل سلاح << يمكن آخره كان بيشيل مطوة قرن غزال أو صواريخ رمضان .. و لا عمره تكتك لمعركة حربية << غير إزاى يوقع البنت اللى بيحبها ، أو يعمل مقلب فى واحد صاحبه ..

طب سيبكوا انتوا من دا كله ... ماجربش يشوف ناس متقتله ادامه و لا متقطعه و كل حته منها فى ناحية ..

علميا إن الدم لما بتشمه لأول مرة ..ممكن يتسبب لك فى إغماء << يا حلاوة يا جدعان تخيلوا مثلا صاروخ وقع على كتيبة ،الكتيبة نصها يموت و النص التانى يغمى عليه ... آدى الفرسان و لا بلاش

فى حين اللى قالو مش مستعدين بردوا ماقدرش اقول عليهم عقلانيين .. مش بعيد يكونوا من كتر ماهما شايفين فى البلد فمش فارق معاهم ، يعنى العدو هيعمل فيهم أكتر من الحكومة ؟؟

فى حين بلد زى اليابان برغم ماهو معروف عن وطنيتهم الشديدة ف75% منهم قالوا غير مستعدين ،

دول لأنهم ناس بيفكروا بعقلانية .. فعلا ، مش مستعدين ، لا أتدربوا كويس ،و دخلوا معركة قبل كدا

و بردوا ما ينفيش ان ممكن بعضهم غير مستعد لأنه شايف حياته فى المادة بس ...

عن نفسى كنت هأقول غير مستعدة ....

انتو بئا ايه رأيكو ؟؟؟


لسه فيه نقط تانية .. بس كفاية عليكو الجرعة دى

و بالشفا إن شاء الله .... المرة الجاية نكمل

خالص تحياتى

38 comments:

Beram ElMasry said...

انت. حقيقى . بارعة . كتير ، وانا من الاوائل

فشكووول said...

والله يا بنتى اناشفت الحلقه دى حالا بعد ما قريتها عندك وانت بتعيدى بقلمك الرائع الحلقه نقطه نقطه وكلمه كلمه .. حكانه اننى سعيد او لا .. يا بنيتى بالتأكيد انا مش سعيد .. كيف اكون سعيدا وانا لا اجد لابنى عملا .. ولا لبنتى عملا .. كيف اكون سعيدا وانا اعانى الحياه واكابدها فى كل شيئ من ساعة الصحيان حتى ساعة النوم .. مكابده فى احضار رغيف العيش صباحا للمواصلات للذهاب للعمل ثم مكابده من الملك رئيس العمل .. ما هو ملك ولو قريت قانون العمل تلاقى رئيس العمل ملك .. مكابده فى العمل نفشه فلا ادوات ولا شيئ وانما ما زلنا نعمل بالقلم الكوبيا (الجاف اليومين دول ) ونفس اكداس السجلات والملفات تماما لم يتغير شئ .. بالرغم من الالكترونيه والمحافظه الذكيه.. مكابده فى العوه من العمل .. مكابده ونحن نأكل وجبه منتصف اليوم لا نجد الا حشو بطن .. يا بنيتى المصرى يكابد من صحوته لمنامه .. وكل شعوب الارض بتاخد راحه من المكابده وتمر عليهم بعض من الايام الحلوه او كل الايام الحلوه الا المصرى فلا يجد يوما واحدا ... يا بنيتى عادل امام كان بيمثل فيلم وبيعمل مظاهره ويقول آآآآآآآآآه .. المصرى يقول هكذا ولو انى لا احب عادل امام .. تحياتى

القلم السكندري said...

بما أني مصري

فأنا الحمد لله سعييييد جدا

حياة آدمية 100% ف كل حاجة

خدمات علي اعلي مستوي بشتي انواعها

مية نضيفة واكل نضيف وهوا نضيف.. وشعب نضيييف.. وسلكويات راقية جدا ف كل مكان

أخلاق منتهي الرقي.. مفيش سرقة ولا غش ولا فساد ولا اي حاجة

كل شاب بيشتغل شغل لائق بتعليمه ومستواه وبياخد مرتب بيعيشه حياة كريمة..

الاحتياجات الاساسية لكل شاب سواء من سكن او زواج او غيره مفيهاش كلام طبعا

حق المشاركة السياسية والفاعلية ف اختيار نمط حياتنا مكفول للجميع بكل شفافية وديمقراطية

ويااسلااام علي الدين.. حرية مفتوووحة لممارسة ما تشاء من شعائر وعبادات وان تجهر بما تعتقد من معتقدات دون ان تكال لك التهم من كل صوب

كرامتنا ف الدول العربية فوق الوصف طبعا مش محتاجة كلام

مش عارف هنكون عايزين ايه تاني يعني.. احنا هنطمع؟؟



أما بقي بالنسبة للدفاع عنها فده موضوع تاني

لاني ساعتها مش بدافع لا عن حكومتنها ولا عن ناسها اللي اكثرهم بيستمرؤو المذلة والمهانة

لكن بدافع عن ارض رُفعت عليها لا اله الا الله ف يوم من الايام.. وده واجب شرعي قبل اي شئ

ده الدافع الوحيد بصراحة

انما غير كدة؟؟

علي رايك.. الغريب هيعمل فيها ايه يعني اكتر من اللي معمول فيها


معلش بقي يادكتورة ديما بطلع اللي ف نفسي عندك

وأهو الحساب عليكي برده :)

لنا الله يا شعب مصر

blue-wave said...

يا سلام
اكيد طبعا راضيين ومبسوطين ومخدوعين وعلى القفا واخدين
يبقى انت اكيد اكيد فى مصر
تحياتى لكى فى اول زيارة

Sweet Violet said...

بخصوص السعاده
اعتقد انه سؤال عام مش خاص بالبلد و احوالها

يعنى انا مثلا لو كنت اتسألت السؤال ده امبارح كنت هاقول جداااااااااااااا

لكن لو النهاردا هاقول لأ

يعنى كل واحد بيجاوب حسب الحاله اللى كان فيها

دى اضافه فقط لكن طبعا وجهه النظر اللى قولتيها فى البوست انا معكى فيها برضه

رغم ان مش كل المصريين بيقولوا الحمدلله

اما السؤال عن الدفاع

انا مش معكى فيها

لان اولا الحرب مش هاتقوم دلوقتى مثلا و يروح جرى يمسك سلاح و يحارب

لا ده تطوع و تدريب كمان و بعدين بينزل ارض المعركه

الحاجه الحلوة اللى فى المصريين عموما انهم رغم سخطهم على البلد

الا انهم بيحبوها من جواهم جداااااااااااااااا

-----

انا هادور على الحلقه دى لانى الصراحه ماشفتهاش

و حضرتك علقتينى كده لانك ماقولتيش باقى النقاط

اممممممممممممممم

اعتراض و بشده

و لو تعبت فى التدوير عليها

هاتدفعى حق مواصلات جوجل

انا بقولك اهو

Kiara said...

حبيبتي

وحشاني ياقمر

بصي بالنسبه للسعاده

لو اتسالت هقولك سعيده وسعيده جدا كمان

برغم كل البلاوي اللي انا فيها لكن عشان راميه كل حمولي علي اللي خلقني


اينعم النسبه اوفر شويه

************

النقطه التانيه

اه لو بنت كمان هتقول اه

احنا شعب بنحب بلدنا اووووووووووووووووووي

حتي لو جوانا ضغوط الدنيا

***********

اه بالنسبه لكلامك

هما بيتدربوا ومش ب اللي بيحارب اللي بيتدرب لا وكمان اللي مش بيحارب بيتدرب علي الدفاع علي النفس يعني الموضوع مش كلمه وبس

********

طب انا عاوزه الحلقه بقي

عاااااااااااااااااااااااااااا

اتصرررفي

Soul.o0o.Whisper said...

السلام عليكم و رحمة الله و بركاته

أخوتى الأفاضل
بجد سعيدة جدا بوجودكم و تفاعلكم
بس قبل الرد على تعليقاتكم

فى نقطة عاوزة اوضحها بالنسبة للسؤال التانى

هو أنا مش عارفة الخلل فى أنهى زاوية من الزوايا الثلاث
بس بالتأكيد إن أنا مش من طرف الحكومة
ههههههههههههههه


يا جماعة السؤال مش عن الدفاع نفسه
و إلا كنت أنا أول واحدة هأقول: أيواااااااااااااااا

إنما السؤال عن :
هل أنت مستعد؟؟؟


هل فعلا إحنا مستعدين لو قامت حرب الوقتى إننا ندافع عن بلدنا



ركزوا شوية بلاش البتاع اللى بتشربوه دا

مش قلتلكو من زمان غيروا الصنف
آدى جزاء اللى مايسمعش كلمة أنا اقولها

ههههههههههههههه




طب نبدأ فى الردود بئا

الله المستعان

Soul.o0o.Whisper said...

Beram ElMasry

سيدى أخجلتم تواضعنا
فهذا بعض ما عندكم


انا من الاوائل *

دايما يارب من الأوائل



خالص تحياتى

Soul.o0o.Whisper said...

fashkool

أستاذى الفاضل
أولا أسعدتنى زيارتك
و أتمنى أن تتكرر

و أشكرك على كلماتك الرقيقة

بالنسبة للسعادة عندك حق فيها
صعب علينا لما نشوف أقرب ناس لينا ضايعين
و مش قادرين نساعدهم بشئ

كمان مصاعب و مشاكل الحياة اليومية
بتخلينا فعلا نقول آآآآآآآآآآه
و آآآآآآآآآآه من حنايا قلوبنا
لكن من يسمع ؟؟
فالكل يصيح ، و الكل ملهى بحاله

لكن يا سيدى ألا تتفق معى أن الرضا شئ مطلوب لتستمر الحياة؟؟
نعم .. الحمد لله الذى لم يجعلنى فى وضع اسوء من ذلك
و لكن ليس معنى ذلك أن أخنع و أقف مكانى و اقول الحمد لله
بالعكس الرضا و الطموح لا يتعارضان
و لكن يجعل أمور الحياة أهون بكثير


فلن يصيبنا إلا ما كتب الله لنا
لكننا نسعى لنُرى لله من أنفسنا قوة
أليس كذلك ؟؟؟

خالص تحياتى

Soul.o0o.Whisper said...

القلم السكندري

امممممممممممممممممممممم
والله انا شاكة إنك من الجبهة الشمينية اليمالية المتطرفة ؟؟؟

أنت بتشرب أنهى صنف؟؟؟
هههههههههههههههههههههه


والله فعلا معاك حق
عاوزين ايه اكتر من كدا

هو دايما كدا
الطمع يقل ما جمع





بالنسبة لموضوع الدفاع
فياريت تقرأ اول رد ليا هنا

لو فعلا الموضوع موضوع دفاع
فأنا معاك فى كلامك
بس الموضوع مش كدا


و بعدين يا أخى الفاضل
البيت بيتك
يعنى خد راحتك و قول اللى أنت عاوزة
و على حسابى يا سيدى
ولا يهمك



مش عارفة فتودوا جمايلى بعد كدا فين
هههههههههههههههه

خالص تحياتى

Soul.o0o.Whisper said...

blue-wave

اولا : شرفتنى و نورتنى
و ياريت تتكرر

ثانيا : صحححححححححح
أنت أكيييييييييد فى مصر


بس كنت أتمنى لو ناقشت الموضوع من وجهة نظرك




خالص تحياتى

Soul.o0o.Whisper said...

ضد التيار

صديقتى العزيزة
فعلا وجهة نظرك ممكن تكون صح بالنسبة للسعادة
بس كدا بنكون أتكلمنا عن سعادة جزئية
أو وقتية

لكن أعتقد إن السؤال كان عن حياتك بوضع عام



بالنسبة بئا للسؤال التانى
يرجى قراءة أول رد ليا هنا

و أنا معاكى لو كان السؤال عن الدفاع
إنما دا عن الاستعداد

و طبعا أنا ماقولتش إن المصريين مش بيحبوا بلدهم

بالعكس
ألذ حاجة فى المصريين فعلا
إن مهما بيحصل فيهم بردوا بيعشقوا بلدهم



و بعدين ماتزعليش يا حبيبة قلبى
إن شاء الله هأكمل سرد بقيت النقط
بس واحدة واحدة عشان ماتزهقوش




خالص تحياتى

Soul.o0o.Whisper said...

مولان


حبيبتى ربنا ما يحرمنى منك
و لا يحرمك منى بردوا
هههههههههههههه

شوفى يا ستى
أولا ردك أسعدنى جدا
كان نفسى بجد حد يدخل يقول أنا سعيد و سعييييد جدا كمان

و السبب اللى انتى قولتيه يا جميل كنت متوقعة انه فعلا يكون كدا

بس يا كيارا
دا لو قفلت على نفسى
و بأحاول إنى أكون سعيدة بحالى

لكن لما أشوف حال بلدى و اللى بيحصل فيها
لما أشوف أقرب الناس حواليا يائسين و محبطين
لما أشوف حال المسلمين اللى لا يسر عدو و لا حبيب
لما أقرأ تاريخنا و اشوف أمجادنا اللى كانت


كل دا أكيد مش بيخلينى سعيدة
لكن بالتأكيد أنا راضية
لأن اولا و أخيرا إحنا عايشين بعقيدة و إيمان إن كل شئ بتقدير و حكمة من ربنا

لكن بردوا احنا علينا دور لازم نأديه بس مكسلين عنه







بالنسبة للسؤال التانى
أنا بردوا كنت هأقول اه
بس لو كان السؤال عن الدفاع

لكن بردوا هأكرر إن السؤال كان عن الاستعداد


بقيت النقط جاية فى الطريق
و طلبت لك الحلقة والله يا كيارا


بس أدعى توصل





خالص تحياتى

Beram ElMasry said...

انا لا اعنى انى انا من الاوائل

فشكووول said...

اشكرك على زيارتك وارجو ان لا تنقطع الزيارات .. ومع تحياتى

القلم السكندري said...

وحتي و كنا بنتكلم عن الاستعداد (المادي).. جزء كبير منه متعلق بالاستعداد المعنوي اللي هو الدفاع نفسه

إحنا طبعا حسن الظن يعني في قواتنا أن خيبتنا محصلتش حد.. خصوصا كمقاومة شعبية


لكن ربنا عز وجل لما أمر بالإعداد لم يجعل مقياس الإعداد بما يوازيهم من قوة.. لا قال (ما استطعتم).. سواء كانت أعلي من قوة العدو أو أقل.. و (لا يكلف الله نفساً إلا وسعها)

والأمر لما تحكمه المصطلحات الشرعية.. ولما يحكم بحمية الجهاد في سبيل الله وبالمعاني الإيمانية بيفرق كتير جدا من حيث الأثر.. لأن الإنسان ساعتها بيبقي داخل يبحث عن الشهادة

ولا أدل علي ذلك من أن المقاومة الأفغانية الأولي ضد الروس كانت بدأت في بدايتها ببنادق مصنوعة يدويا يواجهون بها تاني أكبر قوة في العالم

كذلك بدايات المقاومة الشعبية العراقية.. كان من ضمن اسلحتها صواريخ مصنعة يدويا علي يد بعض الافراد اللي كان ليهم عمل سابق في القوات المسلحة وانضمو لصفوف المقاومة

والامثلة المعاصرة كتير.. وقبل الأمثلة المعاصرة .. الله يقول: (كم من فئة قليلة غلبت فئة كثيرة بإذن الله)


حين يدخل الإيمان أحد طرفي المعركة العسكرية.. فإن القوي المادية تتنحي عن الحكم والفصل بينهما.. ليحل مكانها نصر الله وتأييده .. ولو كانت فئة قليلة



لك موفور التحية أختي الكريمة

وزي ما اتفقنا.. الكلام ده علي حسابك :)

ن said...

السلام عليكم ورحمة الله وبركاته
أختى العزيزة
Soul.o0o.Whisper
شكراً لقبولك دعوتى ..أتعلمين يا أختاه أجمل شىء عندى عندما اتلقى رسالة من شاب أو شابة مثلك أشعر بأن اليوم كله معطراً بالامل .فلقد كشف تعليقك عن عقلية المتأمل المستقل عقلية متفهمة متعلمة دقيقة فى إختيار المفهوم المنطقى والمقبول للعقل .وهذا ليس مجاملة فأنا غالباً لا أحب المجاملات
لقد كشفت هذه المدونة لى عن شباب واعد وجاد وغيور وراقى الفكر .. ماشاء الله ولا قوة الا بالله عقول مستنيرة نفخر بها فى وجه الحاقدين والمتغطرسين ممن يشنون هجوماً على الاسلام والمسلمين ويتوعدون للشباب بالسقوط وثقى بأن مجتمع المدونات كغيره من تكوينات المجتمع يدرس من الغير والمسلمون ليسوا وحدهم من يقرأون المدونات سواء التى تعرض الموضوعات الدينية أو الثقافية أو غيرها نحن الان محل دراسة لقياس مدى عمق الوعى وإدراك الامور لذلك كنت حريصة من البداية على المشاركة لتصبح المدونة صوتاً لنا جميعاً وأننا كما قال الله فينا (أمة واحدة )وأملى فى الله كبير بكم ..
أود أن أجيبك على كل أسألتك بالترتيب
أولا كل ما قلتيه عن الازهر صحيح وياليت الكل يقرأ كلماتك هذه ويعيها جيداً وأحب أن أقول لك بأننى درست فى الازهر فى بداية حياتى حتى المرحلة الاعدادية ثم انتقلت منه الى التربية والتعليم بسبب هجرتى مع والدى خارج مصر مما أحزننى كثيراً وظل جميل الازهر أحمله تاجاً على رأسى فعدت وتعلم أولادى بالازهر وكلهم والحمد لله من حفظة القرآن الكريم ورغم الصعوبات التى كانت تقف عائقاً أمام التعليم الازهرى إلا أنه والله كل يوم يكشف عن عباقرة لقد سعت جهات خفية كثيرة منذ سنوات لهدم التعليم الازهرى وتضيق الخناق عليه من كل النواحى ولكنه يجاهد بأبنائه البررة ولا تتخيلى الى الان حجم الصعوبات التى يواجهها الازهر للحفاظ على الاستمرارية ورغم ما سعت هذه الجهات لتشويه عقلية الطالب الازهرى بأنه أقل علماً من طالب التربية والتعليم الا أنه كل يوم يخرج علماء من الازهر عقولهم مستنيرة بالحكمة التى تجمع ما بين العلم والدين .

ثانياً القرآن والعلم .. جميل منك أن تلتفتى لهذه النقطة الهامة ولقد أوضحت هذا فى البوستات السابقة بإمكانك قرأتها فى أولى موضوعات المدونة ولقد وجدت هجوماً من البعض على هذا الرأى ومع إحترامى لكل وجهات النظر إنما عرضت ما عرضت بسبب كثير من الاسئلة التى يحتار فيها البعض ممن لا يجدون متسعاً للقرأة المتواصلة والبحث وتعلمين جيداً يا أختاه مدى الفوضى التى نعيش فيها الان فى الفتوى التى أدت الى مشكلة كبيرة مما أدى للحيرة والشك فظن البعض أن الاخذ بالعلوم الحديثة يتعارض مع مفهوم الدين وأشياء كثيرة كما تعلمين يعتمد البعض فيها على تجميد المفاهيم أو الاجتهادات التى إعتمدت منذ قرون على أنها يجب أن تبقى ثابتة وكثيراً ما حاربوا المجتهدين والعلماء بحجة أن يبقى المفهوم ثابت لا حراك فيه ولكن إرادة الله أكبر من كل هذه المفاهيم أن خرج من أمتنا علماء وفقهاء ينادون بكسر هذا الحصار الذى وضعنا فى موضع التخلف والجهل وقصر التفكير ورغم أن هذه المجتماعات كالغرب
يجردون العلم من روح العقيدة لكى يسود العالم المادى ونسوا أن لدينا كتاب الله محفوظ بالعلم والايمان . إنهم يعلمون جيداً ما هو القرآن وما أهمية الاخذ به لذلك تكثف الجهود لتشكيك الشباب فى كتاب الله بشتى الطرق ولكن الله أكبر (هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُون).
ومع ذلك نحن لا نستطيع إنكار فضل من سبقونا فى البحث والاجتهاد لأن الامة الاسلامية (أمة واحدة ) بنيان متقن ولولا ما وضعه الاولون ما أساسات لما إستطعنا أن نكمل هذا البناء فجميع العلماء والفقهاء الذين بذلوا جهوداً مضنية فهم مكرمون لما تركوه لنا من قناديل تضىء لنا الطريق .. ولم إعتراض الا على معنى واحد وهو رجال الدين لأنى أراه معنى مغالط نحن نقول كما علمنا الله أهل الذكر والعلماء أما معنى رجال دين فالدين جاء للناس كافة وليس مقتصراً على فئة دون فئة وهو معنى مشتق من عصور مختلفة وديانات مختلفة فكان يحق لرجل الدين أن يمنح للعامة من الناس صكوك الغفران مثلاً وكثير من الامور التى نحن فى غنى للتحدث عنها ويعلمها الكثيرين هذا المعنى يجعل مفهوم الدين مقتصراً على فئة وقلت من قبل جملة كررها كثير من العلماء ممن كانت لديهم بصيرة لقرأة ما قد وصلنا اليه الدين ليس حكراً لفئة دون الاخرين وكون الاجتهاد مقتصراً على فئة بعينها لها الامر والنهى والباقين مجرد متلقين فهذه مؤامرة على كتاب الله لكى تبقى المفاهيم جامدة .
تأملى هذا المعنى جيداً يا أختاه
سأكمل معك التعليق عن بحث النبى سليمان صلى الله عليه وسلم وعن الامم التى سبقتنا بالعلم وهلكت .
مع خالص تحياتى
أمل فتحى عزت

Beram ElMasry said...

Soul.o0o.Whisper
هل الاكتئاب معدى ؟
انا من عشاق محمد قنديل جدا وعندما اسمع اغنيته سماح لا بد ان تسيل دموعى واخجل من ابنتى
خالص تحياتى

Beram ElMasry said...

عزيزتى وانا اضع تعليقى وجدت قبلى تعليق لامراة او جماعة ارسلت لى من قبل غير انهم الغو تعليقى ولم يسمحولى بالدخول لاعتراضى على طرح هذه المغالطات تحت دعوى الدفاع ، واعتقادى ان طرح الدين فى المدونات ، الهدف منه تشويش الثفافة الدينية المعدومة اصلا عند الشباب ومن يصر فهو اما مفتون واما ماجور، ولا ادرى ما هو مبرر السخرية من معجزات سيدنا سليمان والسخرية من القران نفسه
ومعزرة على الازعاج تعليفين فى ربع ساعة

ن said...

السلام عليكم
أختى العزيزة
بوست ممتاز ورؤيتك ميكروسكوب يرقب رؤية منطقية لأغلب السلبيات لأن الحقائق ترى بالعين المجردة ولكننا لا نرى العيوب والسلبيات الا بأخذ عينة ووضعها تحت المجهر وهذا الفرق الذى بيننا وبين اليابان أو غيرها ممن يواجهون الواقع وعدم الهروب والتخفى وراء الكلمات وجمود الفكر وغياب الضمير لقد شملتى فى هذا البوست قمة الاستخفاف بعقول الناس من قبل من يصوتون نيابة عن الشعب المصرى فى حاضرهم وحتى مشاعرهم .. جديرة انتى بالاحترام لمواجهة هذا الواقع ومثل حى لإعمال العقل والرؤية المستقلة
سأعود اليك مرة أخرى لأستكمال الحديث
مع خالص تحياتى

Soul.o0o.Whisper said...

Beram ElMasry

انا لا اعنى انى انا من الاوائل *
يا ترى دى فزورة؟؟؟

هل الاكتئاب معدى ؟ *
آخر المعلومات الطبية إنه معدى بين المصريين بس
لكنه غير معدى فى بقية دول العالم

و حاليا هناك محاولات حثيثة للكشف عن هذا السر العظيم و الذى هو أيضا حصريا على مصر

دايما عظيمة يا مصر
ههههههههههههههههههههه


اسمع اغنيته سماح لا بد ان تسيل دموعى واخجل من ابنتى *
ربما تخضع هذه الظاهرة للدراسة أيضا
هههههههههههههههه


و بعدين دا من حظى أنا المفروض أحطها فى سجل الأحداث العظيمة بالمدونة
إنك علقت عندى تعليقين فى ربع ساعة


انت تشرف فى أى وقت
لى عودة للتعليق الأخير



خالص تحياتى

Soul.o0o.Whisper said...

fashkool


شرفتنى للمرة التانية
و أتمنى دوام التواصل




خالص تحياتى

Soul.o0o.Whisper said...

القلم السكندري


بأشكرك جدا على تعليقك و اسمح لى اتوقف معاه شوية

صح ربنا أمرنا بالاستعداد
لكن أخى الفاضل نقطة السؤال كانت هل أنت مستعد حاليا؟؟

طبعا ماعتقدتش أن فى حد مستعد
و لا حتى الجنود اللى فى الجيش مستعدين
أصل احنا اخدنا على حياة الراحة



تسمح لى أقف كمان مع قولك :
حين يدخل الإيمان أحد طرفي المعركة العسكرية.. فإن القوي المادية تتنحي عن الحكم والفصل بينهما.. ليحل مكانها نصر الله وتأييده .. ولو كانت فئة قليلة

اسمح لى أعترض و بشدة
بسبب نفس الآية اللى أنت استشهدت بيها فى الأول
( و أعدوا لهم )
يعنى ربنا أمرنا بالأخذ بالأسباب
نُعد لهم ما استطعنا
يعنى كل اللى فى وسعنا
يعنى كل الأسباب
بعد كدا ييجى نصر ربنا

انما الإيمان مش لوحده اللى هيجيب النصر
و إلا كان المسلمين فى بداية البعثة ماحدش قدر عليهم
بالعكس ...دا الجهاد اتحرّم عليهم فى البداية ، لأن ماكنش بإيدهم أسباب يبذلوها و يمكن لو كانوا حاربوا كان اتقضى على الاسلام فى مهده

لكن لا ...لما قويت شوكة الاسلام و المسلمين اتفرض عليهم الجهاد ،
عشان لما ربنا يقولهم حاربوا يبئا يحاربوا بجد ...مش بدعوات و إيمان بالقلب دون تصديق بالعمل

(و كم من فئة قليلة)
نعم فئة قليلة لكنها أخدت بالاسباب
اتدربت كويس
و اتجهزت كويس
لكن ما حيلتهم فى العدد؟؟؟
فيأتى النصر من عند الله

انما لما نكون أكتر من 80 مليون
طب بلاش نقول حتى 40 مليون بافتراض اللى على غير الدين و الأطفال
يعنى أنا حاسبة النساء مع الرجال
طب نشيل النساء
نقول 20 مليون
بلاش 10 مليون
بلاش مليون واحد بس مننا
هل يوجد مليون مواطن مصرى يتقن فنون القتال و يجيده ،و لديه القدرة على تعليمه لغيره
هل باقى الشعب يقوم الآن بالتدريب و التجهز بحيث لو نادى منادى الحرب يكون جاهز

و أمام عينيك أن هذه المقاومات فى بدايتها تكون قوية
لأنها فى الأول تكون مجهزة
لكن عندما ينتهى الصف الأول
و تدخل الدنيا
من سيتولى الأمر ،و كيف تسير الأمور
بل و قد يبيع بعضهم بعضا
فإن المقاومة سريعا ما تنهار

أليس كذلك ؟؟



تواجدك و تفاعلك أسعدنى للغاية
بس احنا اتفقنا على المواصلات بس

انما كل واحد مسئول عن كلامه
:)




خالص تحياتى

Soul.o0o.Whisper said...

ن

أختى الفاضلة
أولا : أشكر لك كلماتك الرقيقة

ثانيا : نقطة الدين و العلم نقطة لم يحاول الفصل بينها أعداء الأسلام فقط
بل كل ديانة سبقت كان كهنتهم و أحبارهم يقذفون من يدخل العلم فى الدين بالزندقة

لكن و لله الحمد
كثير من علمائنا أصبحوا يستشهدون بالحقائق العلمية المثبتة فى القرآن
بل و يحثون على مواصلة العمل الدؤوب ليس لإثبات صحة ما قال الله فى كتابه _ سبحانه و تعالى عن البحث فيما قال فقوله الفصل- و لكن لأن العلم أصبح سمة العصر
و كما قلت لكى أن القرآن لأنه منهج و دستور حياة
فلابد لكل عصر أن يقرؤه بعين عصره
و إلا أصبح مادة علمية بحته
لا مجال فيها للبحث و التدبر


أحييكى و بشده
و بإنتظار بقية البحث


ثالثا : بأشكرك على تعليقك على البوست
و بإنتظار عودتك




خالص تحياتى

القلم السكندري said...

أختي العزيزة .. السلام عليكم


انا لما قلت أن القوي العسكرية تتنحي حين يدخل الايمان احد طرفي المعركة قلتها بعد ما ذكرت قبلها (وأعدوا لهم ما استطعتم).. وبعد ما ذكرت أن امر الله بالاستعاد غايته (كل ما في قدر الاستطاعة أن يعده المسلم).. وبعد ما ذكرت ايضا ان مناط الامر القدرة والاستطاعة

إذن انا لم اختلف معك في وجوووووب الاعداد.. ولستُ من الذين يؤؤمنون بخوض المعارك بالدعاء المجرد عن العمل..

ولكن ما اقوله

أن المسلم لو (أخذ بأسباب القوة قدر استطاعته).. ,اكرر (قدر استطاعته).. ولو كانت استطاعته ضعيفة جدا.... ورافق ذلك الأخذ بالاسباب توكل ويقين صادق.. فإن الله ناصره

ثم كيف يكون هناك ايمان لو لم يكن هناك إعداد؟؟

هذا تناقض بين.. فالايمان يزيد وينقص .. يزيد بالطاعات وينقص بالمعاصي.. وترك الإعداد المأمور به شرعا خللٌ في ايمان المستطيع.. فلا يستقيم بعد ذلك أن نقول أن الله ينصر عاصيا لم يمتثل لأمره بالإعداد


والشعوب اليوم إن جُردت من كثير من أسباب القوة والقدرة علي الإعداد بما كسبت أيدينا .. وبما وهنت قلوبنا من حب الدنيا وكراهية الموت..إذن لا حجة بعد ذلك أن نقول: وكيف نُعد وفي ذلك تعريض النفس للهلاك والخطر).. الخلل مبدؤه منا ومن أنفسنا



أرجو أن أكون قد أوضحت الرؤية من حيث مقصدي من سياق كلامي الاول


ولك خالص الشكر

Soul.o0o.Whisper said...

Beram ElMasry

عزيزتى وانا اضع تعليقى وجدت قبلى تعليق لامراة او جماعة ارسلت لى من قبل غير انهم الغو تعليقى ولم يسمحولى بالدخول لاعتراضى على طرح هذه المغالطات تحت دعوى الدفاع *

أستاذى الفاضل
أيا كانت هى أو هم
فالأمر بينك و بينها أو بينهم
و أتمنى أن يزول ما بينكم سريعا

أما بالنسبة للمغالطات
فلقد قرأت أول ثلاث مقالات لها
و لست أجد أى شئ يثير ريبة
او شئ يرفضه العقل



اعتقادى ان طرح الدين فى المدونات ، الهدف منه تشويش الثفافة الدينية المعدومة اصلا عند الشباب ومن يصر فهو اما مفتون واما ماجور *

أستاذى الفاضل
الدين ليس حكرا على فئة دون أخرى
فهو حق للجميع
و لقد أصبحت قضايا الدين تحتل واقعا لابد من الاعتراف به سواء فى الصحافة أو الإعلام
فلِمَ نغلق الباب دون طرحه فى المدونات ؟؟
و من قال أن الثقافة الدينية معدومة لدى الشباب؟؟
بالعكس
و شباب المدونين بصفة خاصة ألمس منهم نضجا لابأس به للتحاور فى جوانب شتى من الدين

و بجانب هذا لدينا عقل لنحكم به على الأشياء ، فالله لم يمن علينا بالعقول للحفظ و الصم فقط
بل للتدبر و التعقل
و إن نظرت فى آى القرآن لوجدت الله يأمرك فى معظمها
أفلا تذكرون ؟؟
أفلا تدبرون ؟؟
أفلا تعقلون ؟؟؟
و التدبر فى القرآن و آيه ليس وقفا على فئة دون أخرى
لا ... فأنت تجد الحديث فى القرآن " ياأيها الناس "
أو " يأيها الذين آمنوا"
و لم يقصره الله تعالى على فئة دون أخرى



لا ادرى ما هو مبرر السخرية من معجزات سيدنا سليمان والسخرية من القران نفسه *
الحقيقة أنى لم أجد إلى الآن أى سخرية
الموضوع يا سيدى محاولة لأخذ الآيات بمحمل ما وصلنا إليه من العلم
دون ذمّ لمن سبقونا من العلماء
فهؤلاء شرفهم الله بتفسير كتابه
لكن على ضوء ما كان لديهم من العلم

أما فى ضوء ما وصلنا إليه من العلم
فذلك أدعى أن نفهم القرآن بعين عصرنا
و إلا أصبح مادة علمية اقتصر فهمها على فئة و أصبحنا نتناقلها

لا بالعكس
هو دستور حياة
بدليل الحقائق العلمية التى تثبت كل يوم أن كلام الله يحتمل أكثر من معنى و هو ملائم لكل عصر



أستاذى العزيز / لست أدرى ماهو السر وراء سوء التفاهم بينكما
و لكن أتمنى أن يزول سريعا
كما أن هذا ليس دفاعا عنها
فكلنا يسعى للحق
و مقصدنا فى الآخر هو إعلاء كلمة الله

أسأل الله أن يرنا الحق حقا و يرزقنا إتباعه
و أن يرنا الباطل باطلا و يرزقنا اجتنابه



خالص تحياتى
و دمت بود

Soul.o0o.Whisper said...

القلم السكندري



ايه دا ؟؟؟
و أنا أقول ياربى هى المدونة منورة ليه
أتاريك موجود و أنا مش واخدة بالى
:)


نعم أخى الفاضل
أتضحت الرؤيا
الحمد لله



أشكرك و بشدة
و حق المواصلات محفووووظ
لاااااااااا تقلققققققققق

:)



خالص تحياتى

kafrawy said...

لو لم اكن مصريا
لوددت ان اكون انجليزيا

ن said...

السلام عليكم
أختى الكريمة
آسفة لتأخرى فالله وحده يعلم مسؤلياتى ومشاغلى .. ولكننا كمدونين أصبحنا مجتمع لابد وأن نتواصل ونتعارف من خلال هذه الكلمات التى لا تطمح الى أى مكاسب بشرية بل هى حالة من الود والتفاهم وتبادل المنافع من ثقافات الاخرين .

بالنسبة لبحث النبى سليمان صلى الله عليه وسلم هومن إجتهاد باحث مجتهد وقد نشره على الانترنت من عام ونصف أو يزيد كامل بالصور عن مقارنة تحليلاته بما وصل اليه العلم من صحون لاقطة كبيرة الحجم جداً أو مبانى المفاعلات النووية ومقارناتها بالابنية العادية من حيث الارتفاع وطريقة البنيان الراسخ وكان ذلك لتقريب وجهات نظره للقارىء ولكن كأى باحث يواجه مشاكل سبقه فى ذلك بداية خروج نظريات الدكتور زغلول النجار وغيرهم حيث الحرب الخفية على تقدم علوم المسلمين فى أى مجال وحتى لا ينسب أحد العلم الى الله عز وجل وأن ما وصل اليه العالم الى الان
هومن فضل الله ومن خلال التعرف على علوم القرآن وهو كتاب الحكمة بمايحمل من معانى فى كل الاتجاهات ومنذ شهور تم تخريب الموقع والصور ومحرابته والاساءة اليه وبقت صورة من البحث تجاهد هذا التخريب ويمكنك أن تبحثى عنها فى الاتى
ابحثى فى جوجل (قدور راسيات) سيخرج لك صفحة بها مفردات البحث كاملا وقد أعاد الباحث نشره فإذا بحثتى فى الصور أعلى الصفحة ستجدين من البحث صورة واحدة لأكبر صحن لاقط فى العالم وبقية الموقع غير متاح وهذا شىء تعودنا عليه أمام كل نظريات العلماء سواء من إساءة أو سخرية .
والباحث يا أختى الكريمة لم يسخر من النبى سليمان من شىء إنما عاتب العلماء على سكوتهم عن بعض التفاسير التى ما زالت تعتمد من مئات السنين على أنها هى آخر ما توصلنا اليه ولسنا ندرى الى الان لماذا يجد علماء المسلمون مشقة ومتاعب وحواجز أمام الابحاث العلمية وهذا شىء واضح وضوح الشمس طبعاً .ولكن الله عز وجل أعلم بمن يعمل فى سبيله وسيتم نوره بإذن الله تعالى
والبالحث لم يقل عن النبى سليمان الملك بالمعنى المعروف عن الملوك وإنما يتحدث عن ملك النبى سليمان صلى الله عليه وسلم وهو ما منحه الله من العلم والحكمة والمقدرة فى إستخدام العلم وتسخيره للمنفعة البشرية بإذن الله وهو ما ذكر فى القرآن الكريم

قَالَ رَبِّ اغْفِرْ لِي وَهَبْ لِي مُلْكاً لا
يَنْبَغِي لأَحَدٍ مِنْ بَعْدِي إِنَّكَ أَنْتَ الْوَهَّابُ

ولست أجد فى البحث ما يسىء الى النبى
سليمان من قريب أو بعيد
أما عن الامم التى جاءت من قبل وتقدمت بالعلم ثم هلكت بسبب الجحود والنكران فهى فى مواضع كثيرة فى القرآن الكريم منها عاد التى جاء ذكرها أكثر من مرة لما وصلت اليه وقوم ثمود وحضارة سبأ القديمة وأمم كثيرة من الله عليها بالعلم منه ما وصلنا اليه ومنه مالم نعلم عنه شيئاً ومازالت جهود العلماء للبحث عن علوم هذه الحضارات

قال تعالى * وما أوتيتم من العلم إلاقليلا*..أما عن المعنى الذى تقصدين فسوف أبحث معك عن الاية المطلوبة بإذن الله
وبالمناسبة أختى الكريمة هناك كثير من الابحاث التى تنشر كل يوم على مستوى العالم من علماء المسلمين يمكنك متابعتها باستمرار وأدعو الله أن يكثر من علماء المسلمين ويجزيهم خيراً
أما عن مدونتى فما هى الا وسيط بين هذه الابحاث والاجتهادات والكتب والمستجدات ولكل مدونة غاية وهدف وهدفى من خلال مدونة (ن) هو عرض كل هذا لربما يشغل الناس الكثير من الامور التى تشغلهم عن البحث والتنقيب والله وحده أعلم بالنوايا
مع خالص تحياتى

Beram ElMasry said...

Soul.o0o.Whisper
يا ترى دى فزورة؟؟؟
اكيد
هل الاكتئاب سببه عدم الرضى عن النفس ، ام لرؤية واقع غيير متوقع ، وردة فعل عير مقصودة ،
مش عارف ، خالص تحياتى

Soul.o0o.Whisper said...

kafrawy


أيوا كدا
باشجع أنا الناس الجريئة دى






خالص تحياتى

Soul.o0o.Whisper said...

ن


أولا بأشكرك جدا على اهتمامك

ثانيا بأعتذر منك على تأخيرى فى حق مدونتك لأن زى ما قلتى فعلا كل واحد وراه مشاغل ما يعلم بها إلا الله
لكن بردوا ليكو حق عليا و لازم و أفيهولكو

ثالثا أتمنى أن يهدينا الله جميعا إلى الحق
و أن يسددنا فيه




خالص تحياتى

Soul.o0o.Whisper said...

بالحق نسيت أقولك إنى دورت على البحث زى ما قلتى

و فعلا طلع لى صفحة البحث
و الصورة

لكنها صغيرة
لو عندك الصورة بحجم كبير ياريت ترفعيها و تبعتى لى الرابط


و جزاك الله خيرا

Soul.o0o.Whisper said...

Beram ElMasry


هل الاكتئاب سببه عدم الرضى عن النفس *

دى النتيجة السلبية لعدم الرضى عن النفس
لكن النتيجة الإجابية إنك تحاول تشوف ايه الغلط فيها و تصلحه



ام لرؤية واقع غيير متوقع وردة فعل عير مقصودة *

اممممممممممممممم
واقع ؟؟
و غير متوقع؟؟
طب واقع أى شئ ؟
و غير متوقع بالنسبة لمين؟؟
و يا ترى واقع صح و لا غلط؟؟؟
و ردة فعل مين؟؟
و ياترى بردوا صح و لا غلط؟؟


مش عارف *

طب ما تيجى نفكر بصوت عالى؟؟!!





خالص تحياتى

Beram ElMasry said...

Soul.o0o.Whisper
لى فقط اعتراض بسيط ،
تسمح؟؟
ان كنت لا اسمح فعلى ان ارحل وبلا رجعة ، وانا اعتبر من ينقد او يناقش او يجادل هو نفسى فى مرآة ذاتى احاوره فان اصاب اليه اخضع ، وان اخطا فانى اعتذر اليه فى ادب واشكره لانه اجهد نفسه فى قراءة ما اكتب
إنما ع الفاضى بالنسبة لردة الفعل ،
فدا شئ عااااااااااادى جدا
صدقينى عزيزتى انى اعانى من مرارة واكتئاب عندما اتصور توزيع الصكوك على المدمنين وسكان القبور والفلاحين والاميين الجوعى ، هذه الفكرة ليست قنبلة تقضى عتى تسعة اعشار الشعب ، انها ستنزع جذورنا من الارض ونلقى فى الشتات ،
تحياتى

فشكووول said...

لما ما لقيتش حاجه جديده قمت قريت البوست السابق (صرة الدنانير ) بجد انت دمك خفيف والاماجن بتاعك هايل .. انا مجهز نفسى الان ببقج عشان احط فيهم الفضه والجنيهات اللى متقلين جيبى ويا غمى ويا وكستى لو طلعوا الخمسه والعشره جنيه .. تروحى المتروا عشان تاخدى تذكره وتدى عشره جنيه تلاقيه يديك 8 حتت حديد وشكلهم حتى وحش وما بيشخشخوش كدا زى فلوس زمان . يعنى لما الواحد يحطهم فى ايده ويشخشخ بيهم ما حدش يسمع حاجه ولا حتى فيهم اغراء .. يعنى لما تبقى قاعده فى صيدلية المستشفى واشخشخ لك بـ 100 جنيه اكراميه يعنى ولا حاجه عشان تدينى دوا مش موجود ولا حتعبرينى ولا كمان حيهزوكى .. ايه يعنى شوية الحديد دول .. يا عم روح شوف لك شخشيخه العب بيها .. تصدقى انا مش عارف اقرأ اسمك .. تحياتى

Soul.o0o.Whisper said...

Beram ElMasry

انى اعانى من مرارة واكتئاب عندما اتصور توزيع الصكوك على المدمنين وسكان القبور والفلاحين والاميين الجوعى ، هذه الفكرة ليست قنبلة تقضى عتى تسعة اعشار الشعب ، انها ستنزع جذورنا من الارض ونلقى فى الشتات ،


رغم إن اللى اعرفه إنها نسبة بسيطة من الشركات اللى هتتوزع
و كمان بنسب
و كمان مش هتأثر على الاقتصاد القومى

لكن الله اعلم هما مخبيين ايه
بس الشئ اللى متأكده منه
إنهم مش هيفرطوا فى شئ ممكن يجيبلهم نكلة زيادة

مش حبا فى البلد و أهل البلد
لا حبا فى المال
أصل دا إدمان

شوف يا أستاذى
تعلمت أن كل شئ هو بعلم الله
فما نراه شئ قد قدره الله بأيدينا نحن لا بظلم منه سبحانه لنا
و طالما أن الأمر ليس بيدك فلست مآخذ به
و الله متم نوره
لكن أنت اللى تسعى عشان يكون دور فى اعلاء الحق

إنما نكتئب و نقعد نبكى على حالنا
يبئا بدل ما كحلناها عميناها

سيدى ...
إن توزيع الصكوك على هؤلاء مشكلة فعلا
لكن ...
هل فرقت مدمنين عن مدمنين
و هل فرق سكان القبور عن سكان القصور
و هل فرق الفلاحين عن الرحاب و جاردن سيتى
و هل فرق الأميين قراءة و كتابة عن الأميين وطنية ؟؟؟

لا تحزن ، فالأمر لم يتغير كثيرا
فبدل أن تكون مصر بحوزة خمسة أشخاص فقط
أصبحت بحوزة خمسة أشخاص و 41 مليون مأمور



خالص تحياتى

Soul.o0o.Whisper said...

fashkool


والله حضرتك اللى ضحكتنى جدا
تعرف إن الموقف دا حصل فعلا

بس مش فى المترو
فى الأتوبيس العام

و اعطوه تسعه جنيه و نص فضة
الراجل قام و اتشال و اتحط

التباع قاله امال لما ينزل الخمسة و العشرة جنيه هتعمل ايه ؟؟؟
ياللا يا جماعة كله يجهز صرة الدنانيير
ههههههههههههههههههههههههههه

فكويس إنك جهزتها
عقبال الباقيين



بأعتذر جدا عن التأخير
بس قريب جدا جاية
عندكوا قهوة؟؟




خالص تحياتى