الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Dec 17, 2008

عــــــــالـــــ أنـــــــــــــا ــــــمــــى


عالم غريب ذلك العالم الذى أصبحنا نعيشه ...

عالم ملئ بالمتناقضات ، بالشاذ من الأفكار و المعتقدات ...

و لأنه أصبح سمت حياتنا اليومية ، أصبحنا نراه عاديا ..

بل من لا يفعل ذلك أصبح هو الشاذ .. هو الغريب عن الحياة ...

و صارت الحياة و روتينها هو المتحكم بنا ، بدلا عن أن نتحكم بها نحن ..

و أصبحنا نسير وفق ما يسر التيار ...

فلا حول لنا و لا قوة ... و نحن المظلومون ، و نحن المُتعَبون ، و نحن السائرون بحكم القدر ...

أصبحنا بلا هدف ... و أصبحت حياتنا بلا عنوان ...

أصبحنا نحيا حياة روتينية ، تدور عجلة الزمن فيها ليتكرر أمسنا اليوم ، و غدا يتكرر يومنا ، و هكذا نسير ...

لكن ...

أليس لنا وقفة لنرى من نحن ؟؟!!..

و ما هذه الحياة التى نحياها ؟؟!!... و هل ما نفعله و نعيشه هو الصحيح ؟؟!!...

بل هل معتقدنا فيما نحياه و نفعله صحيح؟؟!...

هل صحيح أن الحياة تصنعنا ؟؟... أم نحن نصنع الحياة ؟؟!!...


أعجبتنى جدا هذه الكلمات " لست وحدى فى هذا العالم ، لكن هناك عالم أنا فيه وحدى "

نعم ... ليس شرطا أبدا أن أصنع العالم ، و لكن بداخل هذا العالم الكبير ، توجد رقعة صغيرة أنا مركزها ..

هذه الرقعة .. هى عالمى الخاص ... عالمى أنا ...

عالم أصنعه .. أحياه .. أعيش من أجله ...

عالم أصنعه ، لا يصنعنى .. أحكمه ، لا يحكمنى ...

عالم أضع حجر أساسه .. و أؤسس بنيانه .. أصيغ قوانينه ..

ليصبح هذا العالم يعبر و بكل وضوح ... عنى أنا ...


عالم مثالىّ ؟؟!!...

خطأ أن أقول عالم مثالى إن كانت المثالية تعنى ... عدم الخطأ ..

فالخطأ جند من جنود الصواب ..

عدم الظلم ...

الظلم جند من جنود الحق ...

عدم الجهل ...

الجهل جند من جنود العلم ...


عاملى مثالىّ من حيث نظرتى إليه ... مثالىّ كما أراده الله لنا ..

فهو يحوى الشئ و نقيضه .. لنتعلم الشئ ، و لنتجنب نقيضه ...

و لا بأس إن وقعت فى النقيض بعض الشئ .. فهو أيضا من وسائل الوصول لهذا الشئ ..

إن الله علم منا ضعفنا ، و علم منا بشريتنا .. و علم قدراتنا ...

فلم يضع سبحانه قوانينه لبيئة خالية من كل سئ ، و من كل خبيث ...

بل سبحانه بعلمه و حكمته .. قدر وجود كل خير و شر ، كل طيب و خبيث ..

فوضع القوانين ، و سن النواميس ، ووضح عقوبة كل خطأ ..

أولا : تكفيرا عن هذا الذنب ...

ثانيا : واعظ لكى لا نقع فيه ..

ثالثا : وفقا بإنسانيتنا التى يصاحبها الشيطان ...



عالمى ... احاول أن ألتمس فيه الصواب ، و أبتعد فيه عن الخطأ ..

و إن كان من المعلوم يقينا أنه لا شئ كامل ... و لكنها محاولة ..

محاولة لمعرفة الحق و الصواب لإقامته ..

محاولة لفهم طبيعة الخطأ لتفاديه ..

و إن كنت لا أنفى وقوعى فيه .. فنحن بشر ..


محاولة لأعيش أنا ...

لا لأعيش الدنيا ...

أن أثبت وجودى هنا ..

أن أترك أثرا أنى كنت هنا ...

برغم انف هذا العالم ...

أحيا عالمى ...


... عالمى أنا ...

30 comments:

adel said...

لا لا لا ..زده الموضوع كبير قوي قوي
:):):):)

لست وحدى فى هذا العالم ، لكن هناك عالم أنا فيه وحدى

الجملة فعلا تحفة قوي

و كل واحد فينا عنده عالم بتاعه لوحده

المهم العالم التاني ده ميكونش سلبي او مضر ليا

لان في ناس عالمها التاني بيكون اسود من
العالم الطبيعي

:):):)

عادل
http://elbald-dy.blogspot.com/

adel said...

لا و كمان اول تعليق

ده ايه اليوم التحفة ده

مولان ترجع و اعرف المدونة دب

و اعمل كومنت الصبح

و دلوقتي اول تعليق علي الموضوع الجديد

كده كتير كتير يعني

ناس ذوق ذوق ذوق

هههههه

fashkool said...

الله ينور عليكى يا سوووول .. هو البوست بتاعك دا جه على الجرح .. ليس من الطبيعى ان نحنيا فى عالم مثالى .. قد تكون المثاليه فى انا وحدى وقد اكون مركز الكون .. ولكن العالم ليس على هواى .. العالم يسير على هواه والصالح فيه قليل والطالح كثير والتيار جارف .. هذا ما احاول قوله يا سووول وانت لست وحدك فى هذا العالم ... لكن هناك عالم انا فيه وحدى .. الله ينور عليكى .. شوفى يا سول انت سألتينى كذا سؤال واجابتهم مش صعبه لكن صادمه وعشان انا مش عايز ازعل الناس منى اكتر من كدا ارجو ان ترسلى لى الايميل الخاص بك عشان ارد عليكى فيه وعشان مش كل واحد يقراه ويحدفنى بالطوب وعمك فشكول راسه بتوجعه على اخره من الطوب اللى عمال يتحدف بيه من يوم البوست المنحوس بتاع الجزمه .. اصل يا سوول انا فكرى ليبرالى وليبرالى خالص .. والناس عندنا مش فاهمه يعنى ايه الليبراليه .. وكمان مش مستوعبه .. وكمان مش فاهمين ان اختلاف وجهات النظر لا تفسد للود قضيه ..ولكنها عندنا تفسد كل القضايا .. ابعتى لى الايميل بتاعك عشان ارد لك عليه وعلى العموم انا جهزت الرد وكتبته .. آه يا أنا يا غلبى منك يا سووول .. سيبى بقى رقبتى يا شيخه

fashkool said...

على فكره يا سوول انا عارف ان من النهارده وطالع ما حدش حيعبرنى ويعلق على اى بوست اكتبه عشان هما مصدومين فى خالص .. ما علهش .. اصل انا طول النهار قاعد اتفرج على الجزيره وعلى قناة العالم وعلى العربيه وعلى الـ ام بى سى والسى ان ان وفكرى باظ خالص ومش عاجبنى حاجه خالص ونفسى فى اوباما فى مصر ولا حتى اليمن ولا الجزائر اللى عايزين يعدلوا الدستور عشان بوتفليقه يبقى رئيس للمره التالته وتونس اللى عايزين يعملوا نفس الشئ .. مش قلت لك خيبتنا كبيره قوى وان اللى احنافيه من الخيبه بالويبه دى

fashkool said...

والله يا سول الله يخليكى .. عندى مشكله فى التعليقات .. كذا واحد اشتكوا انها ما بتفتحش بسهوله .. بصى .. خشى على التعليقات عندك وشوفيها شكلها ايه وابعتى لى بالتفصيل واعملى حسابك انك بتكلمى واحد طور الله فى برسيمه فى الكمبيوتى فيه كذا مربع .. قولى لى المربع الاول فيه اظهار ولا اخفاء والتانى .. والتالث وهكذا .. ولك الاجر والثواب من عند الله

Soul.o0o.Whisper said...

adel


:)
حقيقى نورتنى

وعندك حق إن فى بعض الناس بتعتزل العالم دا و تعيش أكتئاب مع نفسها

او ترفض أصلا التعامل من أساسه

لكن أنا شايفه إن دا مش عالم تانى
دا اسمه هروب

هروب لشئ بدون هدف ..
بدون عنوان

و دا مش حل ،
بالعكس يمكن المشى مع التيار أهون عندى من الموت بدون موت



حقيقى بجد سعيدة جدا بتواجدك
و شرف ليا أنك تكون أول تعليق
و ياريت على طول


و مرسى يافندم
أنت اللى ذوق والله

:)





خالص تحياتى

Soul.o0o.Whisper said...

fashkool

أولا يا أستاذى العزيز / فشكول

أنا بأشكرك خالص خالص على اهتمامك
بجد سوول مبسوطة خالص

و كمان سول من انبساطها بعتت لك الميل فى الكومنت الاخير على المدونة عندك
و لا تزعل خالص

و بعدين مين اللى بيرميك بالطوب دا؟؟
طب شاورلى عليه كدا؟؟؟

ايه دا ؟؟
يا مامااااااااااااااا


(( احم احم اجدع ناس تجرى
هههههههههههههههههههه



أسيب رقبتك؟؟؟
طب شوفلى رقبة حد تانى اتعلق بيها
يعنى يرضيك أفضل متعلقة فى رقبة الهوا؟؟؟

لا طبعا ما يرضيكش صح؟؟

هههههههههههههههههههههههه




و بعدين يا حضرة الفيلسوف العزيز
ماحدش مايقدرش ما يعلقش عندكش
معلش تقريبا علقت
يبئا كدا هو الخسران
اه اومال اييييييييييه



بالنسبة بئا للتعليقات
فمش فاهمة قصد حضرتك خالص صراحة

قصدك يعنى صفحة التحكم فى التعليقات يعنى و لا ايه؟؟

على العموم فى انتظار التوضيح و أنا تحت أمرك






خالص تحياتى

ضد التيار said...

ان ان تششششششششش

و كمان ان ان تششششششششش

(و أصبحنا نسير وفق ما يسر التيار)

ماقولتيش ليه بقى هنا ماعدا ضد التيار ؟؟؟؟؟؟

عااااااااااااااااااااااااااااااااااااااااااااااااااااااااااااااااا

يعنى انا عامله مدونه طويله عريضه عشان ضد التيار

و تيجى تقولى كدا من غير اى استثناء

عاااااااااااااااااااااااااااااااااااااااااااااااااااااااااااا

دا اول عياط

نيجى بقى لتانى عياط

(بالعكس يمكن المشى مع التيار أهون عندى من الموت بدون موت
)

خيااااااااااااااااااااااااااااااااااااااااااااااااااااانه

بتبعينى ياسووووووووووول

عايزة تمشى مع التيار عكسى

عاااااااااااااااااااااااااااااااااااااااا

لالالالالالالالالالالالالالالالالالا

ماكنش انعذر ولا لبس نضاره ابدا

بس بس كيبوردى غبضان عليكى

ماتحاوليش بقى

بقى عايزة تبعينى و تبقى مع التيار

عاااااااااااااااااااااااااااااااااااااااااااا

-------------
نتكلم جد بقى مش كله هزار هزار

ايه دا ياخواتى ماحدش يعرف يتكلم فى المدونه دى ولا ايه

بصى ياستى طبعا كلامك انا اتفق معاكى فيه

حلوة ان الانسان يعيش فى عالمه هو

لكن الاحلى انه يحاول يغير العالم المحيط بيه

لاننا لو قاعدنا و فضلنا فى عالمنا و بس هانصبح غرباء

(محاولة لأعيش أنا ...

لا لأعيش الدنيا ...)

طيب و ليه مانحولش نعيش احنا و نتعايش مع الدنيا ؟؟؟

fashkool said...

أااااه يا غلبى منك .. يا بنتى انت طالعه لى فى البخت اليومين دول انت كده عايزه بوست كامل عشان الكلام دا ما يتلخصش وانا مش ناقص كل الناس عمالين يقطعوا فى هدومى عشان البوست المنحوس بتاع الجزمه اللى عندى .. انا بعد كدا حكتب اللى يرضى الناس ويريحهم .. ما حدش عايز يفكر بعقله .. ما حدش عايز يشوف اللى ورا الكلام ما حدش عايز يقرا اللى بين السطور.. كل الناس بتفكر بغرائزها .. اروح لبعض المدونات الاقيهم كاتبين عكس اللى انا كاتبه وتلاقيهم بيوافقونى عندى .. انا زعلان جدا .. ياريت نتحاور ونتناقش .. ما علينا غريزة الانتقام والثأراحدى غرائز الانسان ولو بحدفة جزمه .. وكمان بتسألى اسئله لو حد قرأ الرد عليها حينقم على اكتر وحيزعل منى اكتر .. اصل يا سوول ثقافتنا اللى بيغذوهالنا من سنة 1952 هى هى نفس الثقافه بتاعة اليومين دول والناس معذوره ما همش شايفين غير اللى هما عايزينهم يشوفوه .. ما فيش قدامهم وجهة نظر أخرى والا يبقى عميل وخاين ومرمى فى حضن الغرب وبيستعين بالاجنبى .. هى دى ثقافتنا اللى مش قادرين نغيرها وبعدين ارد عليكى ..
استعنت على الشقا بيك يا رب .. يا منجى الوحش من الطفل يا رب

أولا يا سول .. انت بتسألى عن حاجات استوعبناها فى سنين كثيره دا وعايزه جرعه كبيره .. وانا خايف عليكى تاخدى صدمه ثقافيه .. ومش عارف اعمل لك ايه .. انت مصره وانا مش قادر ارد لك طلب.
الاتتحاد الاشتراكى : الحزب الوطنى : الرأى الواحد : اللى الرئيس يقوله - يبقى صح - حتى لو غلط - مش مهم يمشى على راس البلاد والعباد ... ايه رأيك الاتحاد الاشتراكى مش طوروه الآن وبقى الحزب الوطنى .. سيبك انت من الاحزاب الديكوريه اللى انت شايفاها هيه وصل الكلام يا سووول
اما منظمة الشباب : دى كانت منظمه تضم تقريبا كل شباب مصروعيال مصر من سن 12 او 15 سنه وكل اللى كانوا بيعلموه لنا فيها: ما تخليش حد يقول على الثوره حاجه وحشه .. جمال عبد الناصر صلى الله عليه وسلم ... رجال الثوره رضوان الله عليهم واشياء كتيره من هذا القبيل واللى يقول غير كده يبقى عدو لله وللوطن وعدو ليك شخصيا .. وطبعا كان الواحد يخرج من التدريب ومستعد يقول على ابوه واخوه وامه كمان .. ودا كلام حصل كتير واسألى شعراوى جمعه وزير الداخليه فى ذلك الوقت ... حلو كده .. واضح .. فاهمه ... وصل الكلام .. يا رب اخلص منك يا سول
جيفارا وعبد الناصر بقى : يا ستى كان صيتهم مسمع فى العالم كله .. وكانوا اما اى شعب ينوى يقوم بثوره يبقى لازم صورة جيفارا وعبد الناصر فى خيالهم .. اقول لك حاجه .. عبد الناصر كان فكره تحررى .. كان فعلا راجل بيحب بلده .. بس كان فكره اكبر من امكانيات بلده ودا اللى ودانا فى داهيه .. تفتكرى يا سول احرب 67 انتهت اثارها .. لأ ..لأ .. لأ ..احنا عايشين فى الامر ده لحد الوقتي بصى حواليك كل اسباب الانهيار اللى احنا فيه نتيجة للحرب واللى كان السبب فيها عبد الناصر .. عشان كدا لما قلت فى البوست بتاعى كان لازم نروح الجيم ونربى مجانص وعضلات .. ودخلنا حرب من غير مجانص وعضلات ولا حتى دراع مفتوله
اما جيفارا مات حسينا ان امنا ماتت .. بالرغم من انه ما كانش مصرى .. بالرغم من انه مش مسلم .. مش عربى خالص .. لكن بيمثل قوه من قوى التحرر فى العالم ورمز من رموز الثوره .. وعلى فكره كان رافض انه يكون وزير او رئيس او اى منصب سياسى هو كان واهب نفسه للثوره العالميه .. بس كان ابونا عبد الناصر لسه عايش ...دى كلها كانت ثقافتنا فى الايام دى وكانو دول حلمنا .. جيفارا وعبد الناصر .. هما ابونا وهما امنا وهما انور وجدى ومديحه يسرى وكل حاجه
كنا نعلق كل امالنا واحلامنا على شخص .. جيفارا وعبد الناصر واحمد بن بيلا بتاع الجزائر .. بعدين القذافى .. ولما كبرنا وشفنا حال بلدنا وحال امتنا ولما طلعنا بره وشفنا الدنيا شكلها ايه واحنا شكلنا ايه ولما الفضاشئيات انتشرب وجابت العالم كله لحد عندنا وكشفت المستور وورتنا حالنا اللى يغم وحال العالم اللى يبسط بدأ بعض الناس يفوقوا ويفكروا.. لكن للأسف معظم الناس بنفس الفكر الثورى الانفعالى
عبد الناصر هو اللى حط الاصول والقواعد لنظام الحكم .. حتى الان نعيش على نفس القواعد .. ما يغركيش حكاية الاحزاب الورقيه اللى موجوده وما زال عبد الناصر حيا الى الآن .. شوفى لم يتغير الكرسى الا بعد وفاة عبد الناصر .. كذلك السادات ...كذلك ... احنا عايشين بنفس الطريقه .. ما زال الاتحاد الاشتراكى .. اقصد الحزب الوطنى ..مازالت كلمة الفرد الواحد هى العليا وكلمة الشعب هى السفلى .. كان زمان ايام عبد الناصر يقولوا زوار الفجر .. يقصدوا الاعتقالات اللى بتحصل للناس بالليل ... طب ايه اللى اتغير .. يا سول انا دماغى حتطق .. وانت قلبتى على المواجه يا بنتى نفسى ناكل (كاجو) عارفاه .. نفسى آكل بندق ولوز وتفاح حتقولى فشكول دا مخه طق .... لأ .. انا ارمز لأشياء .. رحت السعوديه .. وكانت الحاجات دى مرطرطه وفى متناول الجميع .. برضه فى سوريا .. فى لبنان يا عينى على لبنان اشمعنى احنا .. اقصد القدره الشرائيه للناس .. تتطور شويه .. ما فيش فايده .. مش فول وطعميه وفجل .. و خس .. وبالعافيه عدس بـ 14 جنيه ولمانجيب لحمه يبقى عيد .. هذه كل طموحاتنا .. فشكول عايز يزورك فى بيتك تقدمى له تفاحه - اصول الضيافه يعنى - لكن مش كباية شاى ولو كمان برتقاله .. ياااااه .. تبقى انت كدا من الاقطاعيين .. ايه رأيك يا سول .. مخك سخن .. أنا كمان مخى طق وحاقوم اكسر الكمبيوتر واقطع سلك النت والبس شوال وانزل الشارع اصوت والناس يقولوا على الوليه اتجننت .. اقصد فشكول اتجنن ..ممكن بقى تطلعى من نافوخى

fashkool said...

على فكره انا بفكر آخد اجازه تدوينيه أو اسيب التدوين خالص عشان انا مصدوم مصدوم مصدوم .. نسيت اقولك تحياتى

Soul.o0o.Whisper said...

ضد التيار



ان ان تشششششششششششش

خلاص خلاص ماتعيطيش

ان ان تشششششششششششش

طيب ليه بس الموسيقى التصويرية دى أنا باخاف
يا ماماااااااااااااااا

خلاص يا ضد


ما عدااااااااااااااااااااااااااااا
ضد التياااااااااااااااااااار

(( ها ...كدا ماشى؟؟


خياااااااااااااااااااااااانة

لا يا ضد والله
دا أنا حتى باحبك و انتى عارفة

أنا باقول المشى مع التيار اهون من المووووووووووووووووووووووت بدون موت

مش انتى خالص خالص


انتى عارفة أنى معاكى فى اى حاجة
موااااااافقون

اهو ..حتى شفتى؟؟
:)

...................

لا طبعا المدونة مدونتك يا ضد
مين دا اللى مانعك من الكلام
قوليلى بس

بصى حبيبتى
يمكن أنا مش وصلت اللى انا عاوزاه اوى من خلال البوست

لكن مش قصدى أبدا أنى أعيش حياتى بعيدا عن العالم اللى انا فيه


دا انا لو عملت كدا يبئا باضحك على نفسى


اللى قصدته إنى لا أستسلم للتيار
و اكون ضد التياااااااااااار
ههههههههههههههههههههههه

أقاوم بفكر .. بعقل ... بفهم
عشان أعرف العالم ماشى إزاى

من عالمى دا
أخرج أنا
مش كائن مشوه مش عارف أى حاجة فى أى حاجة



مش عارفة قصدى وصل و لا لا
بس مفهوم عالمى يمكن لسه هيتضح بعدين بالأمثلة



بجد نورتينى خالص يا ضد
و أنا من موقعى هذا بأقول إنى
ضد التياااااااااااااااااار
هههههههههههههههههه






خالص تحياتى

Soul.o0o.Whisper said...

fashkool


نعم؟؟؟؟؟؟؟؟؟؟؟؟؟؟؟
تسيب ايه؟؟؟؟؟؟

ماسمعتش؟؟!!!!!....


ايه دا يا حضرة الفيلسوف الهمام؟؟؟
هو مع أول موجة كدا ترمينا على الشط؟؟
لا يا فندم ماكنتش متوقعة منك كدا ابدا


أحتج
ثم أحتج
ثم أحتج



لسه مش جمعت أوى كلامك الاولانى
مش مركزة الوقتى حقيقة

بس هأقعد كدا على رواقة أقرؤه عشان اللى مش أفهمه أسألك ...


وبعدين كدا يا أستاذ فشكول ....
تدعى ربنا يريحك منى
عاااااااااااااااااااا

طيب خلاص هأقفل بئى
و لاعدت هأكلمك خالص
عشان ربنا يريحك منى

هه
بس






ياللا سلام

ضد التيار said...

انا كدا فهمت وجهه نظرك

طب مش تقولى من الاول

خلتينا بس نغرق المدونه دموع ..دا كلام

اهى المدونه هاتزعل ايه و هاتطردنى انا و انتى

عجبك كدا

بس ايه دا هو انتى كمان ضد التيار

هيييييييييييييييييييييييييييييييييه

هيييييييييييييييييييييييييييييييه

انا موافقه بقى انا و انتى نكون ضد التيار

بس برضه ماتقوليش

المشى مع التيار اهون هه بس

عااااااااااااااااااااااااااااااااااااااااااااااااااااااااااااااااااااااااااا

مع و التيار

بيجلى هيستريه بقى و انى كمان مضطهده من العالم البلوجيرى

عااااااااااااااااااااااااااااااااااااااااااااااااااااااااااااااااا

---------

بس بقى انتى قولتى موافقون يبقى موااااااافقون


بس طبعا مش زى الاخوة النايمين ولا ايه؟؟؟

Soul.o0o.Whisper said...

ضد التيار


لالالالالالالالا
مانا قاعدة من أمسح دموعك يا آمااااااااااال

قصدى يا ضد

أصلى بردوا ماقدرش أزعل المدونة
أصلها مننا و علينا
و بردوا ما يرضيناش زعل بلوجر
:)


طب خلاص خلاص
ماعدتش هأقول مع و التيار
هأحذفهم خااااااااااالص

ها ,...مبسوطة؟؟؟



و طبعا موافقون بتاعتنا
مش بتاعة الاخوة النايمين طبعا
كلا البتة
هههههههههههههههههه







خالص تحياتى

القلم السكندري said...

السلام عليكم

كلام جميل جداً

لكن للاسف أحنا عايشين ف مجتمع ملئ بالتيارات الجارفة نحو كل ما هو سئ

ويبقي الغيمان.. وتبقي قوة الشخصية فيصلان يحميان الإنسان.. ويشكلان له عالمٌ يصوغه هو .. لا عالمٌ تفرضه عليه التقاليد العفنة ..والمجتمع البالي


بوست جميل

تحياتي

مولان said...

انا جييييييييييييييييييييت


وحثتيييييييييييييييييني اوي اوي

معاكي حق ياحبيبتي

انا كمان عندي عالمي

ن said...

السلام عليكم
تحياتى ياسول .. وأنا معك فى هذه اللحظات الصادقة مع النفس
ولكنى أهوى ثورة النبلاء عبر الزمن وأكره مسايرة الامور والروتين والتعامل المضطر مع السلبيات ..أرحل أحياناً الى أرض بكر طاهرة التخلص فيها من الوهن والضيق والسلبيات من أمور حياتنا ولكنى لا أبقى هناك طويلاً أعود وأنا أعى جيداً أن ثورة النبلاء ستكون معدية تتخلل كل النفوس الثورية التى ترفض كل ماهو شاذ فى حياتنا .. جميل أن نكسر الحيز الضيق المحيط بنا ونسعى الى البراح فى الفكر والتأمل ..بمناسبة جملتك الرائعة .. لست وحدى فى هذا العالم لكن هناك عالم أنا فيه وحدى
دعينى أهديك كلمات كتبتها منذ وقت لأشاركك هذا العالم من فضلك
وهى بعنوان

عالمى وصُحبتى

أحتاج إلى حلم جديد غير العبور الى المستحيل .. أحتاج إلى التحام جديد بين الواقع والسفر الروحاني الطويل .أحتاج يدك وقد أصبحت أراها على مقربة وعباءتك على كتفي لتظللني بهاونبحر معاًإلى عالم التأمل والعمل والعبادة .. أحتاجك جداً هى لغة أسمعهامن خلال تركيبة جسدي ينطقها دمي وعظمي وقلبي ونفسي التى طاقت إلى الالتحام السليم إلى التطهر من الصدمات والعثرات والزلات ومطامع الذات والشهوات .. ولن يطول الأمل فى إنتظارك فمنذ زمن كنت أسمع همس صوتك من بعيد لأنى كنت أجهل إليك الطريق .. وكلما كانت تسقط نفسى إلى هواها ودنياها أراك عينا ترقبني من بعيد وإذا عدت و ارتقيت من الاهواء الى عالم الطهر حيث الصدق وهجر الصدمات والعثرات .. أعود واسمع صوتك وصلاتك ودعائك لى بأن لاأضل الطريق

احتاج إلى حلم جديد غير العبور إلى المستحيل... حُلماً أهرمس فيه العبارات من نور أسمع فيه صهيل الخيول وهديل الحمام وشقشقة العصافير احتاج إلى حلم جديد أسمع فيه هدير الماء وأشهد تنفس الصباح وعسعسة الليل وطرق النجم وسبوح الكون ..احتاج الى حلم جديد الملم فيه جموح النفس إلى عالم الخير إلى عالم الصحبة فى ملكوت الله الواسع لنسعى اليه رجالا وقلوبنا أمامنا معلقة فى قناديل ويشهد علينا الزمن أننا ذكرى لكل عابري السبيل ولمن يلتمسون حُلماً جديداً غير العبور إلى المستحيل ليتبصروا الحقيقة ويصبروا الصبر الجميل
..............
إدخلى الى هذه الصفحة لترى بنفسك تمثال التطلع الى هذا العالمhttp://amlonline.blogspot.com/2008/10/blog-post.html
أستمتع بحوارك مع مدونة فشكول هذا المدون الطيب المرح والجاد أيضاً
مع خالص تحياتى

Beram ElMasry said...

Soul.o0o.Whisper
( و لأنى أعشق الفصحى )
لو شئت كتبنا بها فقط ولن الغالبية تفضل العامية
( عاطفيين ؟؟
مش فاهمين؟؟؟ )
الاكيد ان هذه الفرحة موافقة بالاجماع على ما فعل وهكذا هى حسب تقديراتهم
( أد كدا حقيقى فردتى الحذاء غيرتنا نحن إلى هذا الحد؟؟؟
خلاص ماعدناش خايفين ؟؟؟ )
ابنتى الحبيبه فى حرب الاستنذاف كانت خسائرنا اكثر ولكن العائد كان اعظم لانه حافظ على الروح القتاليه وكسر الخوف لننتصر فى الكتوبر
( فالعرب معظمهم تقريبا انتشوا و فرحوا )
فرحة العرب واظهار فرحتهم رسالة موجهة للغرب باننا لم نمت ولكن فقط الزمن لم يات بعد ةمعناه ان كل عربى تمنى ان يكون منتظر ، والعرض لشراء الحذاء عمل رائع لانه يعمق الاثر حتى لو كان المشترى عرض هذا كردة فعل ، لو اطلق الزيدى النارعلى هذا الكريه وقتله لكان عملا ارهابيا
( أتمنى فعلا ألا نخفت و ينطفئ حماسنا و ثورتنا )
لن ينطفئ حماسنا مالم يقوم الاعلام الماجور بالتزام الصمت وطمس الحدث
تحياتى

Soul.o0o.Whisper said...

أنا بأعتذر لكم يا جماعة على التأخير و مش عارفة النت هيستهدى بالله و يتظبط

و لا هيتعبنى معاه زيادة عما هو تاعبنى


الله المستعان

fashkool said...

ازيك يا سووول .. يا ترى عجبك الموضوع .. انا طاوعتك آهه وما مشيتش ولا حاجه .. يا ترى يا سوول انا كنت فى مدونه اسمها ويزبر .. هى بتاعتك .. يعنى انت عندك سووول ويزبر و ويزبر.. تحياتى ياسووووول

Soul.o0o.Whisper said...

أااااه يا غلبى منك .. يا بنتى انت طالعه لى فى البخت اليومين دول*

كدا يا فيلسوفى العزيز؟؟؟
طب خلاص مش عندت هأسأل ..


روح لبعض المدونات الاقيهم كاتبين عكس اللى انا كاتبه وتلاقيهم بيوافقونى عندى *
أستاذى العزيز
كل واحد بيعبر عن اللى هو شايفه أو تصوره ...
و كون أنهم عبروا عن دا بشئ لكن بردوا وافقوك فى اللى أنت بتقوله ،
فدا كويس و يدل على سعة فى تقبل الرأى الآخر ...

مش شرط يا سيدى إنى عشان بأقول رأيك صح إنى موافقك
لكن ممكن يكون معناها أنا بأحترم وجهة نظرك ....
صح؟؟؟
فماتزعلش
الحمد لله مازال عندنا بعضا من تقبل الرأى الآخر .... :)


اصل يا سوول ثقافتنا اللى بيغذوهالنا من سنة 1952 هى هى نفس الثقافه بتاعة اليومين دول *

ممكن توضيح أكتر
(( معلش أصلى عندى زهايمر و نسيت إنى قلت لحضرتك إنى ماعدتش هأسألك ههههههههه


يا منجى الوحش من الطفل يا رب *
ماشى مقبولة منك
مع إنك غيرتها فى البوست بتاعك
هههههههههههه


يا رب اخلص منك يا سول*

أنا زعلان
عاااااااااااااااااا


تفتكرى يا سول احرب 67 انتهت اثارها .. لأ ..لأ .. لأ ..احنا عايشين فى الامر ده لحد الوقتي بصى حواليك كل اسباب الانهيار اللى احنا فيه *

كان هذا موجزا لأهم العناوين و إليكم الأخبار بالتفصيل؟؟؟؟؟؟؟
التفصيل لو سمحت يا حضرة الفيلسوف


اما جيفارا مات حسينا ان امنا ماتت .. بالرغم من انه ما كانش مصرى .. بالرغم من انه مش مسلم .. مش عربى خالص .. لكن بيمثل قوه من قوى التحرر فى العالم ورمز من رموز الثوره *
سيدى
السعى فى سبيل الحق قدا يأتى من غير مسلم
فالحق فطرة مع الانسان
لكنها تكون أقوى بالعقيدة
و جيفارا ..كان مثالا للحق دون عقيدة
و ها نحن بلا عقيدة ..بلا حق
فقط مجرد مسمى
و يدخل علينا من يعيب فينا أن رفعنا له رأس ؟؟!!!.
قد يكون كلامى غريبا ..لكن له تكملة فى بوست قادم


كنا نعلق كل امالنا واحلامنا على شخص *
و دا اللى لازم نغيره فى نفسنا
و لا بردوا هنستنى لحد ما شخص ييجى يعمل لنا غسيل مخ للقديم
و يحط فكر و ثقافة جديدة؟؟؟


.. يا سول انا دماغى حتطق .. وانت قلبتى على المواجه يا بنتى نفسى ناكل (كاجو) عارفاه*

لا مش عارفاه
و آسفة خالص يا حضرة الفيلسوف
لكن هنجيب منين فيلسوف تانى يحكيلنا و يعرفنا؟؟؟


فشكول عايز يزورك فى بيتك تقدمى له تفاحه - اصول الضيافه يعنى - لكن مش كباية شاى ولو كمان برتقاله .. ياااااه .. تبقى انت كدا من الاقطاعيين *

نعممممممممممممممممم
ماعرفووووووووش
و لا دخلت له مدونة قبل كدا
(( أجدع ناس تجرى
أى خدمة هههههههههههههه


أنا كمان مخى طق وحاقوم اكسر الكمبيوتر واقطع سلك النت *

عملتها يا استاذى العزيز؟؟!!
عجبك كدا؟؟؟
أديك قطعت النت من مصر كلها
مش من عندك بس

عجبك؟؟


ممكن بقى تطلعى من نافوخى*

طب يرضيك؟؟
يرضيك أطلع من نافوخك؟؟
طب مين يقعد يفحر و ينخر جوا غيرى؟؟؟

لالالالا ... ما يرضنيش يا أستاذى العزيز
:)




بالحق
عجبتنى خالص خالص
الزميلة العزيزة
هههههههههههههههههههه

مش عارفة ليه حسيت إنى واقفة فى الصيدلية







خالص تحياتى

Soul.o0o.Whisper said...

القلم السكندري

و عليكم السلام و رحمة الله و بركاته


ما ذكرت صحيح
لكن الأهم
ألا نفقد الصلة بين العالم الذى نعيشه
و العالم الذى نصنعه

فنحن ما نصنع هذا إلا لنعيش ذاك




خالص تحياتى

Soul.o0o.Whisper said...

مولان

إنتى كمان وحشانى موووووووووووووووووت

يارب النت يتصلح بئا
دى حاجة صعبة جدا
جدااااااااااااااا


أتمنى لك التوفيق فى عالمك
و أن يكون كما تحبين




خالص تحياتى

Soul.o0o.Whisper said...

ن

الأستاذة العزيزة / امل

أرحل أحياناً الى أرض بكر طاهرة التخلص فيها من الوهن والضيق والسلبيات من أمور حياتنا ولكنى لا أبقى هناك طويلاً أعود وأنا أعى جيداً أن ثورة النبلاء ستكون معدية تتخلل كل النفوس الثورية التى ترفض كل ماهو شاذ فى حياتنا .*

أحييكى
شئ جميل أن نأخذ بين الفينة و الفينة شئ من شحن الأتفس لمعترك الحياة
لكن ليس هذا ما قصدت
و إنما قصدت أن أعيش عالمى
بشخصى انا
بعالمى الذى أرسمه
لا بملامح إنسان
و شخصية بلا هوية
بلا بنيان

أتمنى أن يكون قصدى أتضح



سيدتى كلماتك رائعة
و لكن للأسف سأنتظر حتى يتحسن النت قليلا
لأستمتع بكلماتك هذه






خالص تحياتى

Soul.o0o.Whisper said...

Beram ElMasry

ابنتى الحبيبه فى حرب الاستنذاف كانت خسائرنا اكثر ولكن العائد كان اعظم لانه حافظ على الروح القتاليه وكسر الخوف لننتصر فى الكتوبر *

سيدى ...

لم تكن حرب الاستنزاف ضربا لرموز
لقد كانت أسلحة حقيقية
تضرب أهدافا حقيقية

كان العائد قليلا
الخسارة كبيرة

لكن عندما نقول انها تبرد صدورنا فقد صدقنا القول و الفعل

أما أن نظل ننتشى بضرب الرموز
و هم يتخضبون من دمائنا
فأى عقل يقول أن هذا انتصار؟؟؟


لن ينطفئ حماسنا مالم يقوم الاعلام الماجور بالتزام الصمت وطمس *

و إن قام الاعلام بالصمت ؟؟؟


لماذا دائما ننتظر أن تُشكلنا العوامل الخارجية
لا أن نشكلها نحن؟؟؟


ببساطة لأننا نفقد ثقتنا بأنفسنا
نحن بحاجة يا سيدى اولا إلى أن نعرف من نحن
لنعرف كيف نسير





خالص تحياتى

mohamed said...

أولا شكرا لزيارتك الكريمه
وهذا هو تعليقى الذى كتبته
الاختلاف من السنن التى جبل عليها الانسان, ومن لايقبل الاختلاف لايعرف
الحق.
ومن الجنون نعرف العقل
ومن الخطأ نعرف الصواب
والعقل قد بعقل نفسه او لايعقلها
ولكن ما قصدته أن عقلى يعمل بجنون
أنه يخضع ما هو فى حدود الفهم الانسانى
للدرس والتدقيق حتى يستطيع فهم ما بدور حوله
مع تحياتى لكى وأحترامى

mohamed said...

بالنسبه للبوست
==============
هو عالم تسوده محاولات لتعدبل مفاهبم اساسيه تعايش معها الانسان لزمن طويل

وهناك تغبرات على مستوى العالم نتجت من سرغة الاتصال بين اطرافه

ولكن ما بحدث عندنا هو نوع من الصراع المقصود لهدم قواعد الفكر لدينا باستغلال بعض المفاهيم الخطأ التى ترسبت
فينا نتبجه للعادات والتقليد وليس التقاليد فمورثنا الحضارى عمبق وقوى
ومورثنا الدبنى يعلو ولا يعلى عليه

دمتى لنا تثيرى التساؤلات التى تنشط العقل للفهم والادراك

Soul.o0o.Whisper said...

mohamed

أستاذى الفاضل /

نعم ... أدركت ما قصدته بكلامك
و لذلك كررته فى تعليقى
:)

فحضرتك من الشخصيات التى يسعدنى التأمل فى فكرها


بالنسبة للبوست
...............

ما بحدث عندنا هو نوع من الصراع المقصود لهدم قواعد الفكر لدينا باستغلال بعض المفاهيم الخطأ التى ترسبت
فينا نتبجه للعادات والتقليد وليس التقاليد فمورثنا الحضارى عمبق وقوى
ومورثنا الدبنى يعلو ولا يعلى عليه *

نعم يا سيدى ، صدقت ...

لذا ، كان لابد لنا من وقفة
وقفة لنرى من نحن ؟؟
و ماذا يُراد بنا ؟؟

وقفة لنفقه ذلك العالم الكبير ،
لا كأمواج فى بحره ...
بل الرياح التى توجه موجه ..

لذا كان لابد أن نجد عالمنا الصغير ،
لننطلق منه إلى عالمنا الكبير ...


دمت بخير

و خالص تحياتى

mohamed said...

الاخت المحترمه صيدلانيه المستقبل
soul .o0o .Whisper
---------------------
أنه لشرف كبير حقيقة ما وصفتنى به
فأنا مجرد أخا لكى يحاول أن يجيب لنفسه
عن بعض الاسئله.
والاسئله كثيره, ومن يسئلها قد درب من متخصصين لايقاع الحيره والتخبط فى شبابنا
ولايقف الامر عند هذا الحد, بل أنهم وبتخطيط يمارسوا هذه الحرب العقليه
لتسطيح العقول وأفراغها من محتواها
ولبس فقط هذا المستوى بل أنهم يحاولوا
ان يمنعونا من استعمال عقولنا ومناهج التفكير السليمه لمواجهة أى (تساؤل أو حل أى مشكله).

أختى المحترمه
الحل بدايته كما قلتى----------

لذا ، كان لابد لنا من وقفة
وقفة لنرى من نحن ؟؟
و ماذا يُراد بنا ؟؟

----------------------------
وأيضا
لذا كان لابد أن نجد عالمنا الصغير ،
لننطلق منه إلى عالمنا الكبير
_-----------------------------

وطالما هناك مثلك ومثل أسراء ومولان
ومها زين
فأنا كلى ثقه أن هذه الامه ستقوم
وستعودوستتقدم.

سيدتى
أتعرفى كيف تهزم الامم ؟

أنها تهزم عندما تهزم نسائها وليس عندما يهزم الرجال,فأنتن من يصنع الرجال
دمتى وكل من هن مثلكن .

محمد

Soul.o0o.Whisper said...

mohamed


أستاذى الفاضل ...

حقيقة لكم اسعدنى تعليقك ،
صدقت ...

و لقد لامست الجرح بكلماتك
و أتمنى فعلا ان نعى جميعامن نحن!!..


سيدى ...

ماهى إلا محاولات خجلى لفهم الواقع ،
و إنها لمحاولات فردية
أتمنى ان تجد صدى حتى تُقوّم إذا اعوّجت




خالص تحياتى