الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Jan 7, 2009

أنا جيييييييييييييييييت

السلام عليكم و رحمة الله و بركاته


أنا جيييييييييييييييييت

نورت البيييييييييييييييييت

قصدى ... نورت المدوووووووووووووووووووووونة ...هييييييييييييه


أللللللللل .....لالالالالالالالالا

إيييييييييه دا؟؟؟... إيه التراب دا ؟؟؟

ايه العنكبوت دا ؟؟؟

ياربى ياربى ... ايه كل دا ؟؟؟

أسيب مدونتى أسبوع .. أرجع ألاقيها كدا ؟؟؟

و أنا اللى كنت مأمناكوا عليها ، و موصياكو عليها ؟؟

أمال لو كنت مش موصياكو؟؟؟

اهئ اهئ ... معلش يا مدونتى ...


بجد بجد وحشتونى جدا جدا جدا

و مدونتى وحشتنى مووووووووووووووت

والله من أول يوم كنت عاوزة أرجع ، و مش قادرة أبعد ..

بس للأسف كان لازم اقعد مع نفسى حبة الاول ..

يمكن بردوا احساسى انى كنت بعيدة محسسنى إن بئالى قرن مش دخلت المدونة ،

يمكن آخر مرة من عهد الهكسوس كدا ... : )


بالرغم إنى لسه حاسة إنى مضغوطة ،

بس مش قادرة أبعد زيادة عن كدا ...

قلت هأرجع و اللى يحصل يحصل ،

يمكن هأقصر شوية فى حقكم ، بس احسن ما أبعد خالص ...

مش كدا بردوا؟؟؟

معلش اعذرونى فترة كدا لحد ما أظبط أحوالى ،

و أرجع زى الأول ان شاء الله ...



بجد بأشكر كل شخص دخل المدونة و علق حتى بكلمة واحدة ،

باشكر الناس اللى ماسبتنيش فى حالى ،

و كل ما بتشوفنى باتسحب تصطادنى ... : )

بجد كل كلمة أثرت فيا جامد ... فمن عميق قلبى بأشكركم

و أقل واجب اعملهولكم انى أرد على التعليقات فى بوست لوحده


بجد بأشكر كيورى كتكوتى ...

بأشكرها على كلامها ، و على عتابها ،

و اهتمامها و سؤالها ... و بأقولها ربنا ما يحرمنى منك يارب

و ييسر لك أمرك ، و يرشدك لكل خير ...


بأشكر أستاذى العزيز / بيرم المصرى .. ( بابا أُس اتنين هههههههه )

اللى كان بيضرب على وتر الضمير ،

و يسيبنى أهاتى مع نفسى ...


............................


العزيزة الغالية / أستاذة أمل ..

بجد بأشكرك جدا ، و برغم أن غزة كانت جزء من الألم ،

لكن الألم الأكبر أن تفقد ذاتك ، لذلك كان لابد من وقفة ..

و أعتذر عن عدم متابعتى ، و إن شاء الله أعود قريبا ...


ضد يا ضد ...

ربنا ما يحرمنى منك يا قمر ..

بجد يا ضد مش عارفة ليه كلمة هتوحشينى حسستنى إنه فراق مش أجازة

و أنا باكره الفراق ... و بإذن الله مش أفارقكم ابدا ..


كيورى كتكوتى ...

خلاص بئا .. هو انتى طالعة لى فى البخت ؟؟

ههههههههههههههههههه


smilyrose

اهئ اهئ ,....عاااااااااااااااااااااا

اهئ اهئ ...عاااااااااااااااااااااااا

كدا يا سمايلى .. اول تعليق و تعملى فيا كدا؟؟؟

بجد مش عارفة أقولك ايه .. بس بأشكرك من صميم قلبى ..

بجد كل كلمة أثرت فيا جامد ..

أتمنى أشوفك على طول ...


م/ لزومى ...

اللهم أنصر اخواننا فى غزة ،

اللهم ثبت أقدامهم ،و اربط على قلوبهم ،

و أشف صدور قوم مؤمنين ..


sociology

اسمح لى أنا أن أشكرك مرتين ..

المرة الأولى : لأنك أحرجتنى بذوقك ..

فبرغم تقصيرى فى حق مدونتك ، لكن لك دائما شرف السبق ..

المرة الثانية : بأشكرك على اهتمامك و تحليلك لكل شئ باعمله

باسلوب لبق يدل على فكر عالى

باشكرك جدا ..و ياريت مشكلة الرابط تكون اتحلت


أستاذ فارس

بأشكرك يا أستاذى الفاضل على كرمك و تفضلك بالزيارة الجميلة

رغم تقصيرى فى حقك من مدة ...

أتمنى تكون دائما بخير ..


سنسن .. سنسووووون ...

تصدقى انى كنت فعلا عاوزة آخد أجازة من نفسى؟؟

و بعدين اجازة لنفسى ...

و بعدين اجازة مع نفسى !!!..

معلش معلش ... هى الحياة كدا : )

بجد وحشتينى جدا ، و يارب تكونى بخير أنتى و بودى

أو بيرو ...والله حيرتينى ..

انتى بتقوليله ايه؟؟؟؟ هههههههههههههه


ياااااااااااااااااه .. الواحد ما يستريحش فعلا إلا فى بيته

ربنا ما يحرمنى من بيتى الصغنن دا يارب

و لا يحرمنى من صحبتكم ابدا ...



خالص ودى و سلامى للجميع ..

27 comments:

كيــــــــــــارا said...

اووووووووووووول تعليق


نورتي البيت ياقمر

Soul.o0o.Whisper said...

كيووووووورى


منور بيكو يا قمر
:)

كيــــــــــــارا said...

نووووووووووووووووورتي بيتك

وعيب عليكي تقولي كدا

مش في بينا الكلام ده

انا صبحتك يابت انتي

امممممممممممممممممممموه

Soul.o0o.Whisper said...

كيورتى قمورتى

طبعا ياكيكى
و أحلى صاحبة كمان


ربنا ما يحرمنى منك يارب
و يخليكى ليا دايما على طول


:)

adel said...

ايه اللي رجعك تاني ....دا انا كنت خلاص هتصرف في مدوانتك و اعملها ارشيف لمدونتي

يلا بقي خيرها في غيرها

ملناش نصيب في الدونة دي

اروح اشوف بقي اي مدون او مدونة واخد اجازة و سيب مدونته و ااقلبه فيها

هههههههه


حمد الله علي السلامة

Soul.o0o.Whisper said...

adel


الللللللل

دا أنا على كدا كنت واخدة فيك مقلب كبييييييييييييير

بئا كدا؟؟؟

طب الحمد لله إنى لحقت المدونة
أحمدك ياااااااااااااااارب






منور والله

و تسلم يارب

adel said...

ههههههه

طبعا بهزر و بعدين انا اصلا واخد اجازة و مش بعلق بس قلت ادخل ابص النهاردة علي الناس....لاني بقالي كتير مبدخلش

و لقيت حروف و دلوقتي انتي رجعتي

ايه اليوم ده :):)

ههههههه

روح و حروف .....ايه فليم الرعب ده

هههههههههه

Soul.o0o.Whisper said...

adel


طب دا حظى حلو والله

شد حيلك و أرجع بئا أنت كمان

و بعدين احنا فى الخدمة
أى فيلم رعب ..أؤمر بس


ههههههههههه




خالص التحية

حروف (دلو مرة ثانية وجرح ثاني سابقا) said...

لالالالالالالالالا عم عادل بيخبط في الحلل عمال يجيب سيرتي في كل حتة شفتي ياسوول علي العموم عشان خاطرك بس حمدلله علي السلامةونورتي ياحببتي وبعدين الكابتن عادل مش حيجبها لبر بردوا في مدونة البت المشمشية قايل حروف وسول شفتي بئا انا بهدي النفوس قوليلي اعمل في ايه انا حسيبللك الموضوع ليكي انتي بئا اتصرفي معاة
سلام يا قمر ونورتي

smilyrose said...

اههههههههههههههه

جيت متأخرة

مليش دعوة

انا زعلان بقى

حمدلله على سلامتك يا قمر

ودايما منورا البيت

قصدى المسطبة

مسطبة ايه

معلش المدونة

ويارب يارب يارب

كمان يارب تورينا دايما

احمم حممممممممممم

ممكن اشترك فى الصحوبية دى ولا


smilyrose

روح الحب الصادق

smilyrose said...

اه على فكرة

الواد عادل دا

لسه صغنن ومش تخدى على كلامه

هو قلبة طيب

هههههههههههههه

ضد التيار said...

نورتى ياجميل مدونتك من جديد و عالم بلوجر كله

بس تعالى هنا الاول

هو انتى لما تاخدى اجازة مش هتوحشينى ولا ايه

لالالالالالالالالالا

ماكنش انعمش ولا لبس نضارة ابدااااااااااااااااااااا

عااااااااااااااااااااااااااااااااااا

عااااااااااااااااااااااااااااااااااااااااا

يعنى انا لو اخدت اجازة مش هوحشك

عاااااااااااااااااااااااااااااااااااااااا

عاااااااااااااااااااااااااااااااااااا

يعنى بدل ماقبلك بالزغاريط علشان رجعتى

تخلينى كدا اعيط


عااااااااااااااااااااااااااااااااا


ايه دا لا اصبرى كدا

انتى قولتى ايييييييييييييييييييييه ؟؟؟

ضد ياضد

عااااااااااااااااااااااااااااااااااااااااااااااااا

حسبى الله و الله العظيم

دا ظلم و افترى

عااااااااااااااااااااااااااااااااااا

انتى كمان مدونتك دخلت فى عداد الامواااااااااااااااااااااااات

هه بس

انا هاوريكوا يابلوجريه

اما محيت الحرفين دول من كيبوردتكوا

(وش متنرفز على الاخر)

و على فكره بقى عقاب ليك

فى تاج عندى ليك تعالى بقى استلمى

:D

بس بجد ياقمر نورتى من جديد

و ان شاء الله ترجعى معانا زى الاول و بانتظام

Soul.o0o.Whisper said...

حروف بحالها هنا


يا هلا يا هلا

الله يسلمك يا قمر
ربنا ما يحرمنى منك و لا من زيارتك الجميلة

الكابتن عادل؟؟؟
ان ان اااااااااااااااااان



طب لما يخرج من بياته الشتوى نشوف الحكاية دى
ههههههههههههههههه




منورة يا جميل

Soul.o0o.Whisper said...

smilyrose

لا يا قمرى

ما تزعلش
ماقدرش على زعلك

متأخر ايه بس ؟؟
لا متأخر و لا حاجة


الله يسلمك يا سمايلى
و ربنا ما يحرمنى منك يارب


و طبعا طبعا ممكن
يااااااااااااااااااه
دا شرف ليا
:)


عادل؟؟؟
قلبه طيب؟؟

امممممممممم
طيب هأشوف كدا

هههههههههههههه





منورة يا قمر

Soul.o0o.Whisper said...

ضد التيار

دا نورك يا جميل
<< ماقلتش ضد بس اهو


ازاى بس يا ضودى
<< حلو الدلع دا؟؟؟
ههههههههههههه

طبعا هتوحشينى
و هتوحشينى أوى كمان

بس يمكن انا اللى كنت متأثرة شوية
أصل أول مرة ابعد عنكم كدا
عااااااااااااااااااااااااا


لا خلاص مش تعيطى بئا
عشان انا كمان مش أعيط
عااااااااااااااااا



لالالالالا
مش نقدر على زعلك و نرفزتك يا ضودى
ههههههههههههههههههه
حلو كدا؟؟؟


عقاب ؟؟؟
تاج؟؟؟


ربنا يستر





بجد يا ضد انا سعيدة جدا بزيارتك
ربنا ما يحرمنى منك يارب
و دايما منورانى

:)

حروف (دلو مرة ثانية وجرح ثاني سابقا) said...

نورتيني يا سووول اية الانجليزي دة انا عديت المودوونين ولا ايه ميرسي يا حببتي علي الكومينت الجميل دة
دمتي بالف خير

فارس عبدالفتاح said...

حمدله على السلام

نتمنى لكي كل التوفق والسعادة

Beram ElMasry said...

العزيزة . Soul.o0o.Whisper
سلامتك من كل مكروة
شكرا على اسم الكتاب
موضوع التنصير ذكرتة دكتورة فى جامعة المنوفية فى التليفزيون
انا مش عايز اطراء انا عاوز Soul.o0o.Whisper
كما كانت فى اول زيارة بالشغب والروح الوثابة
سلامتك من كل مكروة

fashkool said...

طيب يا دكتوره يا حلوه يا شقيه .. الحمد لله بالسلامه .. مستنيين اعمالك وابداعاتك ومناكفتك .. تحياتى

ن said...

السلام عليكم
حمداً لله على رجوعك للمدونات بالسلامة
نورتينا بجد وكنا مفتقدينك الاسبوع الماضى منتظرين جديدك
مع خالص تحياتى

Soul.o0o.Whisper said...

حروف (دلو مرة ثانية وجرح ثاني سابقا)

انتى اللى منورة بلوجر كله
و بعدين بعض ما عندكم ...
:)


تسلمى و دايما منورانى

Soul.o0o.Whisper said...

فارس عبدالفتاح


الله يسلمك يارب

و ربنا ما يحرمنى من زياراتك
و دايما تنورنى



خالص احترامى

Soul.o0o.Whisper said...

Beram ElMasry


أستاذى العزيز
الله يسلمك يارب

ربنا يخليك ليا
:)

و إن شاء الله أرجع زى الاول
دعواتك انت بس


خالص ودى

Soul.o0o.Whisper said...

fashkool


عارف يا فيلسوفى لو مش كنت جيت ؟؟

كنت أخدت منك موقف جامد خالص
خالص خالص يعنى

بئا كدا و لا تسأل عليا؟؟
مااااااااااااااشى
ماكنش العشم




بجد نورتنى
و سعيدة بزيارتك جدا



خالص ودى

Soul.o0o.Whisper said...

ن

العزيزة الغالية / أستاذة أمل

يشهد الله أنا كمان كنت مفتقدة المدونات اد ايه

خاصة المدونات المميزة منها
:)


بجد حقيقى بأشكرك على زياراتك الرقيقة
و باعتذر عن تقصيرى

بس بإذن الله قريب خالص تلاقينى متابعة زى الاول



خالص ودى

Beram ElMasry said...

يعلم الله انى صادق فى دعائى لك بالخير والسلامة ، وستعودين بعد التروى وامعان النظر فى كل شئ ، واعلمى ان نصيبنا من الحظوظ متداخل بلا خلل او جور ، وانت ذكية وارجو ان لا اكون واخد مقلب فيك وتطلعى خيبة
تحياتى

Soul.o0o.Whisper said...

Beram ElMasry

يعلم الله انى صادق فى دعائى لك بالخير والسلامة *

و أنا متأكدة من صدقك يا أستاذى


واعلمى ان نصيبنا من الحظوظ متداخل بلا خلل او جور *

هذه عقيدة و ليس مجرد علم يا سيدى
:)


ارجو ان لا اكون واخد مقلب فيك وتطلعى خيبة *

ياااااااااارب
كذلك أرجو أنا أيضا



خالص ودى