الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Jan 29, 2009

النملة ... و الطبق



قالت لى : هاتى طبق كبير ...

قلت لها : حاضر ..


و رحت جبت الطبق و جيت

و دلوقتى حطى النملة دى فيه

حطيتها

راقبيها كويس بئا و شوفى هتعمل ايه !!

راقبتها شوية .. فى الأول وقفت كدا حبة تتفحص المكان حواليها

و بعدين بدأت تتجول فى أنحاء الطبق

حطى لها حباية الرز دى كدا ...

حطيتها قريب منها ... بدأت تدور حواليها كدا شوية ، و بعدين طلعت عليها و نزلت ،

و بعديت قعدت تحاول تشيلها لحد ما شالتها ..


ياه .. قوية النملة دى ، سبحانك يارب ...

طب املى الطبق كدا بالمية ...

ليه؟؟

امليه بس ..


مليته بالمية ، ووقفت اراقب النملة وهى يا عينى بتصارع المية فى الطبق ..

حرام بئا كفاية كدا ... مش نشيلها؟؟

براحتك .. الطبق طبقك ، و النملة تحت إيدك ..


طبعا بسرعة انقذت النملة المسكينة من هذا البحر السحيق بالنسبالها ..

و فرغت الطبق من المية و نشفته و حطيت فيه كام حباية رز ، و سيبتها تلعب ... : )


قعدت على الكرسى قصادها و قلت لها : فهمت إنتى عايزه تقوليلى ايه !!..

ابتسمت و قالت لى : طب قولى ..

قلت لها : عاوزانى أعرف النملة أد ايه قوية الارادة رغم ضعفها ،

و إنها بتتحمل و تقاوم .. و لما مليت الطبق مية .. كنتى عاوزة تورينى إزاى هى جاهدت لحد مانا انقذتها ..

يعنى عاوزانى ابئا قوية الارادة و مايأسش ... صح؟؟

اتسعت ابتسامتها وقالت لى : حلو المعنى دا .. بس مش هو بالظبط اللى كنت عاوزة اوصلهولك ..

استغربت و قلت لها : أمال تقصدى ايه؟؟

سرحت شوية كدا ،و بعدين قالت لى : هى النملة بالنسبة لك ايه؟؟.. قيمتها عندك يعنى؟؟

قلت لها : النملة ؟؟ .. و لا شئ ، دا أنا فى ثانية واحدة أقضى عليها ..

طب ليه أنقذتيها لما كانت هتموت ؟؟؟

لا ، حرام... دى ضعيفة بردوا .. استقوى عليها يعنى؟؟؟

طب و الطبق ؟؟ بالنسبالك ايه؟؟

الطبق؟؟... طبق!!.. يعنى ايه يعنى؟؟

طب و الطبق بالنسبة لها؟؟؟

لاااااااااااااا .. دا مملكة بحالها .. هههههههههههه

قالت لى : اللى كنت عاوزة أوصلهولك يا حبيبتى إنك تعرفى قدرة ربنا علينا ،

دا مثل – ولله المثل الأعلى – إحنا عند ربنا أقل بكتير أوى من النملة دى ،

و الكرة الارضية بحالها أقل من الطبق دا ، و رزقنا فيها أقل بكتييييييير أوى من

حباية الرز اللى أنتى حطتيهالها ...

تأملى قدرته وهو خالقنا ،و خالق النملة اللى بالنسبة لك و لا شئ ،

و هناك ماهو أقل من النملة بكتيييييييييييير ...


بصراحة ذهلت .. ماعرفتش اقولها ايه ، يااااااااااااااه اد ايه باسمع

بس اول مرة أستوعب كدا ...

طب ليه خلتينى أحط مية فى الطيق و النملة كانت هتموت؟؟؟

ابتسمت و قالت لى : انتى حطيتى مية أد ايه؟؟

اممممممممم .. يعنى ، حبة صغيرين .

طب و بالنسبالها ، كانت المية دى أد ايه ؟؟

ياااااه ..بحر ، و للا محيط حتى ...

و هكذا المصائب و الاهوال فى حياتنا .. دايما بنشوفها الطامة الكبرى ،

بينما هى عند ربنا و لا شئ ... اطلاقا .

طب ليه سبتينى أختار ؟؟؟

الله بيده الأمر ... إن شاء أنقذنا مما نعانيه ، و إن شاء أغرقنا فيه ،

و فى كلا الامرين .. لن ننفعه أو نضره بشئ ..

ياااااااااااااااااااه .. بجد مش عارفة أقول ايه ؟؟!!!.

بجد ... سبحانك يارب .

و أنتى بفطرتك أنقذتيها ، والله أرحم منك .. خاصة بعباده المؤمنين الذى أخلصوا له كما أراد منهم ،

دايما معاهم و مش بيسيبهم يغرقوا .. ابدا .. و ينقذهم من المحن و الابتلاءات دى ..

طب ليه أصلا يبتليهم ؟؟ .. مش بتقولى انهم أخلصوا له كما أراد ؟؟؟

ضحكت و قالت : " أحسب الناس أن يُتركوا أن يقولوا آمنا و هم لا يفتنون " ..لازم ربنا يشوف مننا حسن توكلنا عليه ،

و الالتجاء فقط اليه ..

افترضى جدلا .. جدلا يعنى .. النملة دى كان بتتكلم ، و كمان لها ايدين و رجلين و بتتحرك زينا كدا ..

و بعدين لما أنتى حطتيها فى المية ، قامت قايلة هو انا يهمنى و قامت جايبة عوامة و عامت .. هتعملى ايه ؟؟

و لا حاجة .. خلاص بئا ماهى معاها العوامة تتصرف ... : )

طب لو قالت لك ساعدينى بالله عليكى ، و جابت العوامة و حاولت تعوم ؟؟؟

لاااااااااا .. دا أنا أشيلها فى ساعتها من المية أصلا ..

اممممممممم .. طب لو جنبها العوامة و سابتها ..و قعدت تحلف عليكى تنقذيها ؟؟

لا بردوا .. ما تتصرف .. ماهى جنبها العوامة ...

و لله المثل الأعلى ... احنا فى كل مشاكلنا تلت أقسام ، قسم منا بيقول ربنا قالنا خدوا بالأسباب ،

لكن من جوا معتمدين عليها ، لو معانا العوامة نفرح ، ولو مش معانا نسيب نفسنا تغرق ..

عشان كدا ربنا بيوكلنا للاسباب اللى احنا متعلقين بيها دى ... نتصرف بئا ..

و قسم مننا فاهم إن التوكل على ربنا يعنى اننا نحلف عليه و ندعيه ، و نسيب العوامة اصلها مالهاش لازمة

دا ربنا كبير و عظيم ، و ينقذنا من غير العوامة ..

و دا بردوا غلط ..لأن ربنا اعطانا أسباب و قالنا خدوا بيها ..

لكن لو فعلا نقول يارب خليك معانا .. و ناخد بالاسباب بدون ما نتعلق بيها .. ربنا بيخرجنا من كل مشاكلنا ،

صح؟؟؟

صحححححححححححح ... سبحان الله ، والله اول مرة افهم كدا ، و استشعر كدا ... ايه داااااااا !!!...

بس أنتى مش ملاحظة حاجة؟؟

ايه؟؟

إنتى عملتى ايه بعد ما انقذتى النملة ؟؟؟

عملت ايه ؟؟... ماعملتش حاجة ..

لاء ... عملتى ..

اممممممممممممممممم ... اه ، قصدك يعنى نضفت الطبق و حطيت لها رز؟؟؟

ضحكت و قالتلى : انتى عملتيها بعفوية .. بس هو دا فعلا اللى بيحصل ،

بعد الكرب الكبير ، و الاحزان الكتير اللى فى حياتنا ... بنشوف كرم ربنا علينا ،

و اد ايه هو لطيف بينا ...

ياااااااااااااااااااه .. بجد أول مرة أحس كدا ، لا بجد احساس فظيييييييييييييييييييييع

ايه داااااااا ... سبحانك يارب !!!...

...................................................


بجد الحكاية دى فرقت معايا أوى

وبئيت من يومها كل ما أحس بكرب أو ضيق وأشيل الهم...

اقول لنفسى: افتكرى النملة .. و الطبق




خالص ودى

37 comments:

Hanan Elshafey said...

اول تعليق
لريااااح الحنين
هقرا وارجع

Soul.o0o.Whisper said...

مستنياكى يا قمر



منورة والله

marmar said...

تاااني تعليق واول زيييااااره
الله عليكي
بجد بجد قصه معبره جدااا
ومعناها حلو اوي فعلا ياريت كل واحد فينا مييأسش من رحمة الله ويعرف ان ربنا رحيم بينا ولطيف بعباده جداا

تحياتي

Soul.o0o.Whisper said...

marmar


أولا : شرفتينى و نورتينى

و يارب فعلا أشوفك على طول
و مش تنقطع الزيارة


ثانيا :
الحمد لله إن القصة وصلتك
و ياريت فعلا نعرف فضل ربنا علينا




دمتى بود

Sweet Violet said...

بجد عايزة اشكرك انك شاركتينا القصه دى

انا دايما فى اى مشكله كبيرة كانت او صغيرة

مش بيأس من رحمة ربنا و بيبقى عندى امل فيه

و عمر الامل ده الحمدلله مانقطع

بجد بجد مش عارفة اقولك القصة دى عملت فيا ايه

****
منتظرة الاجتماع بقى

و الحمدلله انك وافقتى على الاسم مؤقت لحد مانشوف اى بديل بقى

تحياتى ياأجمل سوووووووول

(:

فارس عبدالفتاح said...

اهههههه هاههاها

طبعاً اقبل الاحتجاج وبكل سعادة


بس عاوز اعمل ربط بين الاخذ بالاسباب وبين نصرة اخوانا في غزة

ومش عايز اطول او افند او اتفلسف بختصار

مصر لم تاخذ بالاسباب والنظام المصري لم يأخذ بالاسباب لحماية نفسه من الخطر الاسرائيلي ولا اعطي مساعدات حقيقية وجادة لحماية الشعب الفلسطيني في غزة من الحصار اولاً ثم العملية العسكرية الرصاص المسكوب .


وكل الشهود الذين تقولين عنهم انهم رأو معبر رفح مفتوح هي عمليه اعلامية سياسية لزر الرماد في العيون ولاثبات للجماهير المصرية والعربية ان مصر لم تتخلى عن الشعب الفلسطيني

وان المعبر لم يغلق مع ان المعبر لم يفتح اللى في اوقات معينة ولم يدخل مساعدات غذائية او دواية انما كان يفتح لستلام الجرح لعلاجهم في مصر وبصورة مقننة .

ولم يسمح بدخول الاطباء المصريين الى غزة الا بعد ان اصبح وقوفهم على الحدود المصرية امر مرهق سياسياً اثناء الحرب على غزة ويأثر اعلامياً على ما يقولونه للعالم انهم يفتحون المعبر .

مع خالص الشكر والتقدير

Hanan Elshafey said...

انا جيت
اتاخرت حبتين بس جيت يعني
الحكايه حلوه وفعلا معبره
سبحان الله
قد ايه احنا في ملكه وحماه بس ساعات بنيأس ، رحمة ربنا بينا واسعه جدا اكبرمما نتخيل
والحكايه اكبر دليل
موضوع جميل يا حروف
هستناكي عالايميل
دمتي بكل ايمان

Soooo said...

أحلى حكايه وأحلى حكمه قريتها في عالم التدوين

بجد حكمة هايله قوي





سلاموووووووووووز

adel said...

ممممممممم

تصدقي مش عارف اهرج

بجد حلوة قوي قوي قوي

و تفرق معايا كتير مع اني عارف الكلام كله

بس الاسلوب رائع

دمتي بود
-----------------
بجد مش قادر اهرج

مينفعش ابوز حلاوة الموضوع ده

حروف said...

حلو الموضوع اوي يا سوووووول
بجد وان كان انا عمري مافقدت الامل في ربنا والحمدلله وجزاكي كل خير

انا كاتبة البوست طويل عندي عشان مشحدخل تقريبا شهر
حتوحشيني انا حقدر اشوف تعليقاتكم بس مش حقدراكتر اوارد
حتوحشيني دمتي بالف خير

Mustafa Şenalp said...

çok güzel site.:)

dr_samarmar said...

ممكن أقولك حاجة

أنا بكيت و أنا بقرأ البوست دا

دا حوار بينك و بين مامتك؟؟؟

دا مثال رائع

ربنا كريم و جميل و كبير و عفو و غفور و قادر على كل شىء

شكرا ع البوست الجميل دا يا سول

شكرا شكرا شكرا

حسيت بأمل عالى أوى :)


أسفة ع التأخير

أنا رديت عندى فى البلوج على موضوع التاج و ممكن ماتقريهاش فقولت أقولهالك هنا بردو :)

أنا معرفش التاج دا اللى هو ايه.. بصى أنا اللى فهمته ان هو أسئلة مثلا و بجاوب عليها أو كدا
صح؟:$
طب أجيبه ازاى :D

تحياتى يا جميل(جميل دى مش مجاملة دا فعلا احساسى بيكى.. كلامك بيدل انك جميلة من جوا أوى )ما شاء الله

الباحث عن الحقيقة said...

طب ليه أصلا يبتليهم ؟؟ .. مش بتقولى انهم أخلصوا له كما أراد ؟؟؟

ضحكت و قالت : " أحسب الناس أن يُتركوا أن يقولوا آمنا و هم لا يفتنون " ..لازم ربنا يشوف مننا حسن توكلنا عليه ،

و الالتجاء فقط اليه

....................

رائع يا دكتورة
مش لاقي اكتر من كده
قصه كنت محتاج لها في الوقت ده
جزيل الشكر

بنات افكارى said...

السلام عليكم

حبيبة قلبي كتثبتي انتي :))
ديما مبدعة ياقمر وبتجيلنا
بالمفيد ربنا ينفع بيكي دائما
ويجعل كل كلماتك فى ميزان حسناتك
اللهم امين حقيقي قصة معبرة
ربنا يشملنا جميعا برحمته وكرمه
ويقدرنا على ان نعبده حق
عبادته اللهم امين

سلام ياقمري :)

محمد said...

رجاء الحضور ومعكى
طبق محشى ورق عنب
وقطعة لحمه بوفتيك
جاوبت على التاج
محمد

محمد said...

أه
نسيت أسئل قراء مدونتك
ما رأيهم فى من أختاروا الحياه بلا مبادىء على الحياة والتعرض للموت فى سبيل المبادىء والقيم التى كرمنا الله بها؟

Soul.o0o.Whisper said...

ضد التيار


دودىىىىىىىىىىىىىى

أولا سعيدة جدا بكلماتك والله
أنا كمان ربنا أعلم أد ايه هى أثرت فيا أوى
بجد ربنا يفهمنا و يعلمنا يااااااارب



بالنسبة بئا للاجتماع
ربنا ييسر جارى مفاوضات بخصوص هذا الشأن
هههههههههههه





خالص ودى يا قمر

Soul.o0o.Whisper said...

فارس عبدالفتاح


أولا : أسعدتنى زيارتك حقيقة
ثانيا : أسعدنى أكثر قبولك الاجتجاج
:)


ثالثا :بجد بأشكرك على توضيح الامر
و إن كنت أعتقد أنه يحتاج مننا إلى معايشة الواقع بأنفسنا
لملامسة مدى صدقه






خالص الود

Soul.o0o.Whisper said...

حنان الشافعي


حنووووووووون
شرفتينى و نورتينى والله

و المدونة مدونتك تيجى فى أى وقت
:)

و الحمد لله إن القصة وصلت

بس عاوزة أقولك على ملحوظة صغنونة على جنب
ممكن؟؟


أنا سوووووووووووووووووووووووووول
مش حرووووووووووووووووووووووووووف
:)


و دمتى بكل ود

Soul.o0o.Whisper said...

Soooo


أولا : حضرتك شرفتنى بالزيارة جدا

ثانيا : أسعدنى أكثر أن القصة وصلتك أيضا


و أتمنى دوام التواصل




سلاموووووووز يا فندم
:)

Soul.o0o.Whisper said...

adel


حقيقى بجد أسعدتنى كلماتك جدا

و الحمد لله إن المعنى وصل


يارب فعلا نفهم مش مجرد نعرف بس
بجد بتفرق اوى



خالص ودى

Soul.o0o.Whisper said...

حروف (دلو مرة ثانية وجرح ثاني سابقا)


جزانا و اياكى يا قمر

بس ليه مش هتدخلى
و شهر كااااااااااامل؟؟؟

لا يا حرووووفى
مش تعملى فينا كدا
:(


هتوحشينا يا قمر
أبئى طمنينا عليكى







خالص ودى

Soul.o0o.Whisper said...

Mustafa Şenalp


Welcome to my small home,

I hope to see you again and again...





Best regards

Soul.o0o.Whisper said...

dr_samarmar


ربنا يكرمك و يعزك يارب يا سمرمورة
هى فعلا أمى .. فى الله

فعلا ربنا كريم عفو رحيم
كل ما وصف به نفسه
و فوق ما نتخيله بعقولنا


و لا يهمك ياقمر أكيد كنتى مشغولة فى الامتحانات
و بالنسبة للتاج يا قمر

فهو فعلا زى ما فهمتيه كدا

أنتى هتاخدى الاسئلة عندك فى ملف وورد مثلا
و تجاوبى عليها
و بعدين تنزليها كبوست
:)


و حقيقى بجد أنا اللى بأشكرك على كلماتك الرقيقة

و أنتى أيضا جمال روحك يشع من خلال كلماتك

ربنا ما يحرمنى حسن صحبتك ابدا يا جميل




خالص ودى

Soul.o0o.Whisper said...

الباحث عن الحقيقة


ياااااااااااه
الباحث علق على بوستين ورا بعض
أحمدك ياااااااااااارب


العفو يا باحث
و يارب ..يارب
يكرمك كدا و يوفقك
و نسمع عنك كل خير

و الحمد لله إنها جت فى وقتها





خالص الود

Soul.o0o.Whisper said...

بنات افكارى


و عليكم السلام و رحمة الله و بركاته



بنوتى مثاثتى العثثثثثثثول
شرفتينى و نورتينى خالث خالث خالث


اللهم آمين
ربنا يتقبل منك يارب

و ما يحرمنيش منك و لا من زيارتك يارب




مستنية التاج بردوا
:)






خالص ودى

Soul.o0o.Whisper said...

محمد

أستاذى العزيز
أنا جاية جرىىىىىىىىىىىىىىىىى
أهو


محشى و بفتيك؟؟؟
طيب ماشى مش مشكلة
كله فدا التاج
قصدىىىىىىىىىىى
فدى حضرتك طبعااااااااا
:)


و بالنسبة للسؤال ؟؟؟
رغم إنى قلت لحضرتك إن الموضوع بالنسبة لنا منتهى من حيث الحكم

لكن فى ناس فعلا مترددة فى ابداء الحكم
و أنا شفت الناس دى على أرض الواقع

و أصدقك إنى خايفة إنى الاقى منهم فى عالم التدوين





دمت بود

حياتي كلها لله said...

السلام عليكم
مش عارفة أقولك أه بجد مهما قولتلك مش حقدر أوصلك اللي جوايا و لا حته جزء صغير منه
دهأنا بفكر أنزل بوست عندي أقول للناس فيه بس أنهم يجوا عندك يقروا البوست الرائع ده ..فعلا ماش اء الله
ربنا يحميك و يباركلك فيه و يجعله في ميزان حسناتك أد أه كنت محتاجاهه دلوقتي بالذات

ربنا يكرمك فعلا

تحيايت يا قمر
سلمي

فشكووول said...

العزيزه سول ويزبر .. تحياتى
بجد يا سول .ز انت بقيت مشكله .. مخك بقى يشتغل كتير ويفكر كتير .. وبطلعى منه فلسفه كبيره ..
شوفى ربنا مدينا ايه .. بالرغم من اننا ما بنحبش النمل ييجى نواحينا الا ان الانسان لما بيشوف اى مخلوق فى زنقه بيحاول يساعده
واحنا عند ربنا فعلا اقل من النمله ..
لكن ربنا كرم الانسان وحمله الامانه التى نآت عنها السماوات والارض والجبال وحملها الانسان انه كان ظلوما جهولا .. عشان كدا ربنا كرمنا ونفخ فينا من روحه .سبحانه وتعالى
بس ناخد بالاسباب .. واحنا مش بنعرف نعمل كده وناخب بالاسباب
احنا متواكلين
عارفه يا سوول لما خدنا بالاسباب فى حرب 73 ربنا اكرمنا قد ايه
بالرغم من عدم توازن القوه وكانت برضه لصالح اسرائيل ..
لكن عملنا كل اللى علينا وعشان كدا ربنا نصرنا
بعد كدنا نمنا فى العسل وعايزين ربناينصرنا ..
طب ازاى
تحياتى يا سووووول

mohamed said...

الاخت الغاليه
لقد أكلت المحشى وتذوقت البفتيك
وتسلم يداكى على هذا الطعام الافتراضى
كما هو عالم النت هو عالم أفتراضى
أنزلت تعليق جديد تكرمى بزيارتى لكن هذه المره معكى طبق الحلويات
أما الماء والمشروبات فلتكن على حسابى
تحياتى لكى واحترامى

Soul.o0o.Whisper said...

حياتي كلها لله

سلمى

أولا أهلا بيكى
نورتينى بجد

ثانيا : الحمد لله وحده إنه قدرنى على انى احطلكو الموقف دا
لان بجد زى ما قلت فرق معايا

و يارب يساعدك و يكون سبب لانك تتغلبى على حاجات كتير فى حياتك


سلامى لك و لك زيارة قريب





خالص ودى

Soul.o0o.Whisper said...

fashkool


فيلسوفى العزيييييز

بجد يا سول .. انت بقيت مشكله*

مشكلة حته واحدة؟؟
:)


ربنا كرم الانسان وحمله الامانه التى نآت عنها السماوات والارض والجبال وحملها الانسان انه كان ظلوما جهولا *

فعلا يا حضرة الفيلسوف
بس للأسف إننا مش واخدين بالنا
لو ناخده بس ؟؟؟
ماكنش كل دا حصل
بس ياللا الحمد لله
ياريت بئا نشوف حطيناه فين و ناخده بئا
:)



بس ناخد بالاسباب .. واحنا مش بنعرف نعمل كده وناخد بالاسباب
احنا متواكلين*

هى مش حكاية مش بنعرف
إحنا بنكسل
او بمعنى أصح
بنحب نتمسكن
و إن مافيش بايدنا حاجة
و ربنا معانا و مش هيسيبنا



و معلش بئا متأخرة فى زيارتك
والله شوية حاجات كدا هأخلصهم و آجى جرىىىىىىىىىىى



دعواتك







خالص ودى

Soul.o0o.Whisper said...

mohamed


أستاذى العزيز
الحمد لله ان الاكل عجبك
:)


حاضر هآجى جرىىىىىى
و معايا الحلويات


امممم بالنسبة للعصاير بئا
باحب التفاح و المانجو
و القصب بردوا مافيش مشاكل


و للمشروبات
باحب الشيكولاتة باللبن
و بعدين نختم بئا بفنجان قهوة
:)


شفت أنا بسيطة ازاى
مش باحب اكلف حد






خالص ودى

ريمان said...

سبحان الله بجد

انا برضه اتعلمت من حكايه النمله والطبق دى


احييكى بجد


تحياتى ليكى

Soul.o0o.Whisper said...

ريمان


شرفتينى و نورتينى

و الحمد لله إنك اتعلمتى منها بردوا
ربنا يعلمنا و يفهمنا يارب


و يااااااااااارب دايما تنورينى



دمتى بود

القلم السكندري said...

السلاام عليكم


مثل اكثر من رااائع


لم تدعي لنا ما يقال اختي الكريمة



بس ليه محطيتلهاش سكر كان يبقي احلي .. أنا أعرف أن النمل بيحب السكر أكتر



طبعا أنا جي متأخر كالعادة .. لكن معي عذري

تقبلي تحياتي

Soul.o0o.Whisper said...

القلم السكندري


و عليكم السلام و رحمة الله و بركاته

اممممممم ... لا خلاص مش متأخر
سماح المرة دى
:)


بالنسبة بئا للسكر ..مش عارفة
هى جت حباية رز

تقريبا عشان يكفيها شوية
انما السكر هيخلص على طول
و أنت عارف الحاجة بئت نااااااااار








دمت بود