الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Feb 27, 2009

خـدعــوك فـقـالوا ... تااااااااااااااااااااااااج



أولا و قبل كل شئ ، بأشكر كل شخص سأل عليا ، و زارنى رغم انى مقصرة معاكو الفترة اللى فاتت ..


ثانيا بأعتذر لكل شخص قلقته أو كنت سبب فى شعوره بالالم من البوست اللى فات ، لكن بس حبيت أعرض لكم نماذج من حياة ناس بأشوفها و بأسمع عنها ،عشان نعرف أد ايه فعلا احنا فى نعمة كبييييييييييييييييييرة .. بس مش حاسيين بيها ..

بجد ربنا يرضينا كلنا ،و يرضى عننا ..


ثالثا حبيت أقولكم إنى والحمد لله والله كويسة ،و مش بالصورة اللى انتوا رسمتوها ليا دى إنى يائسة أو قاعدة طول الوقت أعيط و أعتزلت الدنيا خلاص .. لا ، أنا أصلا بأكره حاجة اسمها اليأس ،و بأرفض الاستسلام ،صحيح زعلت فى اللول حبة و نفسيتى تعبت بس رجعت تانى لنفسى .. و زى ما قلت لكم إنى كنت عاوزة وقت أقعد فيه مع نفسى ... أفكر ، لأن الحمد لله يمكن فعلا بأعتبرها أكبر نعمة ربنا أنعم عليا بيها ، إنى مش أستسلم للحزن ،و أحاول أشوف ربنا بيقولى ايه من كل موقف بيقابلنى .. فكنت عاوزة بس استوعب الحكمة من كل اللى فات دا .. رغم إنى لسه مش وصلت لحد الوقتى ، بس اذا ماكنش غير التسليم بإنه الخير رغم عدم معرفة الحكمة ، فكفى بها حكمة ... : )



طب ندخل بئا فى موضوع البوست بتاع النهاردة و اللى كنت وعدت بيه استاذى العزيز / بيرم المصرى من حوالى أسبوع ، و الحمد لله وفيت بوعدى أهو ،عشان مايزعلش منى .. : )


طبعاالموضوع هو ...تااااااااااااااااااج


لالالا ... ماتتخضوش ، هو مش تاج ، مش أسئلة يعنى ،

انما هو نقاش عن ماهية التاج؟؟؟ و ايه المقصود بيه ؟؟

طبعا، أنا كنت مبسوطة بجد بأول تاج يجينى .. دى حقيقة ، بس ماكنتش أعرف ان أول الغيث قطرة ، و لقيت مدفع التاجات أشتغل ،و كل اللى عنده تاج زيادة يضربنى بيه ، خاصة آخر تاج دا ... أكتر تاج احترت فيه ،و طبعا زى ما شفتوا كانت الاجابات مبببببببببببببببهرة ... هههههههههههههههه

المهم يا جماعة أنا لقيت اييييييييييييه ؟؟

لقيت استاذى العزيز باعت لى الرد دا على أول تاج : " صباح الخير دخلت عندك للاطلاع لقيت تاج فاصابنى الفزع والهلع رحت جارى بسرعة ، هذة اللعبة مغرضة ومشبوهة وساذجة "


قلت ايه أنا بئا ؟؟ عشان تعرفوا بس إنى طيبة ..

قلت يمكن استاذى العزيز بيضحك معايا بالكلمات دى ... و إنه مش بيحب التاجات ، فحب يهرب بالحجة دى ... ماشى ، مش مشكلة ، و عدت الحكاية ..


امممممممممممم ، قلت اضحك مع استاذى و اعمل انى اهديته التاج التانى ، راح ماعلقش خالص ...هههههههههههههههههه


طب نيجى لتالت تاج ، قمت لقيته قالى ايه:" اااااااااااه الحمد لله سقط القناع عن وجه الشيطان ، واسفر عن وجه المردة صناع التيجان ، المضللين للسزج من الشباب الغارق فى البلاهة واشعة القمر والاحلام ، والزاهل عن المكائد التى يحيكها الابالسة من بنى صهيون واتباعه فى ركب التخاذل تحت مسمى السلام ، انها وسيلة لكشف العورات واظهار اماكن الفساد والضعف ، انها وسيلة تجسس على شعب بايدى الاغبياء من المدونين ( كنت عندك ومن اول سطر رايتك يقظه لشر سيسقط فيه غيرك ، انشرى هذه الفقرة ) "

؟؟؟؟؟؟؟!!!!!!!!!.... طبعا انا استغربت ، يعنى التعليق على أول تاج دا ماكنش هزار ، كان جد ...

و بصراحة قعدت أفكر فى الموضوع شوية ، لقيته فعلا يستحق إننا نفكر فيه ، لأن الاحتمال دا وارد جدا ،و مقبول جدا ، خاصة بعد ما قرأت مقال من زمان عن ان الفيس بوك وسيلة تجسس أصلا على المشتركين فيه من كل انحاء العالم ، لكن حديثا قرأت هذا البوست ... عن انه بالفعل فيه استقصاد للشارع العربى بصفة خاصة مابين مستخدمى الفيس بوك .. إذن مش مستبعد أبدا تكون المدونات هى كمان تحت المراقبة ،و وسيلة للتجسس بأفراد من الشعب ذاته .. و قد تكون فكرة التاج فعلا فكرة دخيلة و احنا بئا عجبتنا الفكرة ،و بئينا نتبارى فى ازاى نكشف شخصية اللى قدامنا من خلال اسئلة توجه لشخصه ..


قمت طلبت من أستاذى العزيز إنه يشرح وجهة نظره باستفاضة أكتر عن الموضوع ، و بصراحة مش أتأخر عليا ،و كتب لى التعليق دا : " السلام عليكم ورحمة الله وبركاته
لقد حزنت كثيرا عند دخولى مدونتك وصدمنى رؤية هذا الفخ اللعين المسمى بالتاج ، وما يجلبه من شر الى هذه الامه بايدى شبابها الذاهل عن الواقع ، الغارق فى احلام الرومانسية ، والمبهور بالاسم البراق ، ولم يدرك انه لا يتعدى كونه تاج الجزيرة اى السلطنية، وهى دليل السذاجة والتخلف
ان مخترع هذه المكيدة عالم بامانى الشباب الغر ، فداعب احلامة بتاج قوامه اسئلة مؤداه الوقوف على ايجابات بها يتعرف على مكنون النفوس دون ان يجتهد فى تجنيد الجواسيس ، بل جعل الشباب يتجسس على نفسة ويكشف له عن عوراته دون وعى ، ليسهل ضربة فى مقتل
لم تعد الحاجة ملحة فى التجسس على القوة العسكرية فالاقمار الصناعية تقوم بالغرض وزيادة ، وباتت دراسة السلوكيات المجتمعية اهم واجدى فى اخضاع الشعوب ببث المفسدات بالدعاية الاعلامية والتخدير بالاشاعات
واسمحى ابنتى العزيزة ان اضرب مثلا :
سؤال اذكر سبعة بتحبهم غير بابا وماما
واحد يقول مفيش هههه
فى التحليل فى مراكز الدراسات انه لا ولاء له او منطوى او..... والتعامل معه ادخال مخادع يلعب باحلامة مع المزيد من دواعى الانحراف
واحد اخر يقول بحب الله ورسولة
وفى التحليل ومن اجابات اخرى يعرف ان ثقافتة سطحية لصغر سنه فيوجه له دعى كاذب تحت مسمى الدفاع عن الاسلام ليشكك فى العقيدة ويدعوه للمشاركة فى تفسير القران بعد ان يضع سمة ويسخر من القدور والجفان الممنوحة لسيدنا سليمان ويرى ان اطباق الدش اكثر اعجازا ، او يقول ان الغرب يسخر من ان الرسول امى وكيف يعلم الناس ، عمى بصرك وبصيرتك ايها المتشكك المرتاب ، ان الرسول صلى الله عليه وسلم صاحب دعوة سماوية لا ينفعها الدراسة فى الجامعات لانه لا ينطق عن الهوى انما هو وحي يوحى
ابنتى معذرة على الاطالة ، انما هى الغيرة على شباب اثبتت الدراسات انه من اذكى الاطفال فى العالم غير ان .... "

أعتقد فعلا تفسير منطقى .. رغم اعتراضى على نقطة بعينها فى الامثلة المذكورة .. لكن الفكرة العامة وهى وسيلة التجسس ممكنة جدا ، و لما قلت له بس التاجات دى وسيلة بتقرب بينا و تعرفنا على بعض ، قاللى اللى عاوز يتعرف يضيف الميل و يتعرف ..مش لازم يتعرف على الملأ ..



امممممممممممم .. أنا بئا اللى شاغلنى الوقتى ، هل عشان الفيس بوك ،و لا المدونات وسيلة تجسس ..ننكر ان الفيس بوك و المدونات قربوا اوى بينا و عرفونا على ناس ماكناش نتخيل انهم بينا ؟؟.. أصبحنا حاسيين ان فى ناس بيفهمونا ،و بيحسوا بينا ،و إننا مش لوحدنا؟؟

طب إذا كان الاعتراض على التاج ، طب ما المدونات نفسها ، كل مدونة بتعبر عن شخصية صاحبها ، هى و ان كان التاج بيكون اسئلة مباشرة ، إلا أن البوستات وسيلة غير مباشرة يفهم منها شخصية الانسان دا ، فهل نمنع التدوين و نعتزله ؟؟

أعتقد ماحدش فينا هيقبل ، مش كدا؟؟ طب يبئا ايه الحل لاستخدام أمثل لمساحة من الحرية فرضت نفسها كجزء من حياتنا ،و شايفين انها بتخفف عننا كتييييييييير أوى ؟؟؟

و هل فعلا لو احنا اعتزلنا الفيس بوك و المدونات .. مافيش وسائل تانية هيعرفوا من خلالها ايه توجهاتنا و افكارنا؟؟

و هل فعلا المدونات مالهاش دور ايجابى فى حياتنا خالص ، الا انها عبارة عن فضفضات بتعبر عن شخصية الانسان دا فيبعتوا اللى يعرف ازاى يستقطبه و يضيعه ؟؟

هل فعلا إحنا سذج اوى للدرجة دى ن و ماحدش فينا عنده عقل خالص يستخدمه؟؟

مش عارفة بجد يا جماعة ... وجهة النظر مقبولة جدا ،و مش معترضة عليها أبدا ، إنما اللى شاغلنى ، هو ازاى هنتعامل معاها ؟؟

و هل عدم الرد على التاجات كفيل بحل المشكلة ؟؟؟!!!..

اعتقد إننا عاوزين نعرض الميزات و العيوب ادام بعض ، عشان نعرف هنوازن الامور ازاى ؟؟؟!!


طبعا الاسئلة مش موجهة لشخصك العزيز يا أستاذى ، إنما هى تساؤلات دارت فى عقلى ،وعاوزاكو تشاركونى بآراءكم ...


يا مسهل يارب ..

هأروح أرد عليكم بئا ،و أزوركم عشان بجد افتقدتكم جدااااااااااااااااااااا



و نلتقى بعد الفاصل ... : )


23 comments:

د.خالدأمين said...

يا حظي يا حظي

شوفتي

اول واحد اهو


علشان بس متقولوش مش عارف ياه


والف حمدلله بالسلامه

د.خالدأمين said...

انا اساسا معرفش ايه حكايه التاجات دي



بس الفكره مقبوله وان بدت غريبه جدا


الهذا الحد كل صغيره عننا مهمه



سبحان الله

Anonymous said...

اول مكرر بصي موضوع التاج دة فعلا استاذ بيرم كان معترض علية كويس انك اتكلمتي واتناقشتي علية حقرا وابئا اقوللك رئيك عشان لسة صاجية صباح الخير يا قمري ووحشتيني

Sweet Violet said...

امممممم هى وجهه نظر منطقيه

لكن زى ماقولتى التاج ده بيقربنا من بعض

مش كل الناس اللى تنفع تتكلم على الاميل

و معلش يعنى فى تاجات اصلا مش جادة يعنى اسئلة عن اشياء غير مهمه بالمره

بيبقى الغرض منها الضحك

و لو شوفتى معظم اللى بيجاوب على التاج بيضحك فيه يعنى الاجابه مش جاده حتى لو الاسئلة جاده

الفيس بوك او المدونات السياسيه هى بس اللى اقدر اقول انها ماشيه مع وجهه النظر

لكن مدونة عاديه بتهتم بس بالشخص صاحب المدونة و حالته و حياته انا مش هقدراقول ان كده تجسس

لان المدونات الاجنبيه لو دخلتى هتلاقى اكترها كده

هل بكده يبقى احنا ممكن نتجسس عليهم ؟؟؟

ايه هيفيدهم لو مثلا حد قال انا فرحان او انا زعلان او حتى حيران

اعتقد مفيش لان دى عموما طبيعه بشريه

مثلا لو واحد ناقش قضيه اجتماعيه و بيحاول انه يعدلها و بيحصل نقاش

و بيها بيشوف وجهات النظر

المدونات زى ماهى مشاركه مابينا هى بردو تبادل خبرات

لو اخدنها تجسس .. يبقى نقفل كله افضل

مش كل المدونات او كل الحسابات على الفيس بوك محل للتجسس

بيبقى حاجات معينه علشان يعرفوا بيها بردو حاجات معينه

و زى ماقولت فى الاول وجهه النظر صح لكن مش فى كل الامور

^^^^
حمدلله على السلامة ياقمر

و شكرا انك عملتى الاب دايت للرقم

تحياتى

(:

Anonymous said...

كلامك مقنع جدا

لدرجة انى شكيت فيك انتى بذاتك


سامحينى انا بنى ادم


بس صدقينى اللى عايز يعمل حاجة بيعملها لا تقوللى تاج ولا غير تاج



و الاهم من كل ده انك رجعتلنا بالسلامة
رجعتى ننورى بيتك الجميل وتنورينا

Beram ElMasry said...

الاخت العزيزة . Soul.o0o.Whisper
السلام عليكم ورحمة الله وبركاته
كالعادة لا تاخذين الامور اعتباطا ، ولا تسلمين بامر دون اقتناع ، فكل شئ خاطع للمنا قشة كموضوع او تعليق ، مع خفة الظل واللفظ الدقيق المهذب ، وتجيبين السؤال بسؤال لا حبا فى المجادلة ولكن للتثبت من صحة القول وصدق النية فقلت :
(فهل نمنع التدوين و نعتزله ؟؟) .... الاجابة بنعم او لا تعجل ، لذلك اقول لابنتى ، السكين اداة قتل فهل نمنعها وهى فى كل بيوت الدنيا وفيها منافع ، منها الدفاع عن النفس وذبح الطيور وتقطيع اللحم ايام ما كان موجود ، وتقشير الكوسة وتقميع البامية ، وقطع الورق وقطع عقدة يصعب حلها ، وفتح الخطابات ، واستعمالها كعاكس نعكس به اشعة الشمس لمعاكسة بنت الجيران
ابنتى ، تباع مطارق او كفوف من البلاستيك لصيد الذباب وهى وسيلة مفيدة لصيد ذبابة او اثنتين ويتطلب الامر مهارة ، بينما لو وضع خيط من عسل فى طبق مسطح لتكالب علية كل الذباب حتى يموت
شئ اخر يا ابنتى كلنا نعرفه ولكننا نتغافل عنه لقلة الحيلة وعجزنا عن دفعه وقد وقعت فيه ولا ادعى المهارة ، حدث ان رغبت فى تحميل بعض البرامج ، وكان من الطبيعى زيارة المواقع المجانية ، وعثرت على ضالتى وطلب منى التسجيل ووضع الايميل وكله ببلاش وطلب منى الدعاء له مفيش مانع ومفيش خسارة ، اعطانى اوامر واجبته وبعد الانتهاء طلب اعادة المحاولة ولانى عجوز قلت كفاية وغدا القاك ، وقفلت الجهاز ، لكن العجيب انى وجدت الجهاز اشتغل تانى ، كذبت نفسى وقلت زهيمر ، واغلقت الجهاز غير انه اشتغل لوحده تانى ، استعذت وحوقلت واستنجدت بابنائى وقلت لهم عفريت ، نزع ابنى سلك النت فانصرف العفريت
وبعد ان انهى ابنائى الشرح وحكاية الهكر ، سالت ابنى هل يمكننا ان نفعل مثلهم ضحك وقال حبال الشبكة فى ايديهم ، عرفها مع انه مش صياد سمك
لك تحياتى والسلام عليكم ، ولا سلام مع اليهود

adel said...

يا اهلا بيكي هنا تاني

انتي كنتي واخدة دور الاكتئاب ده زي ولا ايه

ههههههههههههههههههه

حمدالله علي السلامة

بالنسبة للتاجات مقدرش ااقول كلامه مش صح
بس مش ده اللي هيعرفهم احنا مين

في الف حاجة تانية

طريقة كتابة كل واحد لموضوع معين بيوضح حاجات كتير في شخصياتك
زكمان اختيار الصور اللي بعتمد علي الحالة النفسية
و اختيار عنوانين البوستات و اسلوب ردك علي كومنتات الناس

كل ده بيؤدي لنفس الغرض

فشكووول said...

البنت الحلوه الشقيه سوامى ويزبر
تحياتى
انا جاى من الايميل مباشره لحد عندك وركبت جبال وعديت بحور لحد ما وصلت
وجهة نظر عمنا الشاعر بيرم تستحق التقدير والاحترام
فالتاجات تكشف عن شخصياتنا وتكشف عن نمط سلوكنا ونمط معيشتنا وكنت دائما ولا ازال لا احب التاجات
وعن الفيس بوك فانا لا اعرفه ولم ادخل عليه لسبب بسيط هو انى لا اعرف اتعامل معاه
اما بالنسبه للمدونات .. فهى اكيد تكشف عن شخصية صاحبها وانتمائه وافكاره .. ولكنها بطريقه غير مباشره كأن تكون وجهة نظر قابله للنقاش اواسقاط على شيئ ما او رمز لشيئ ما اما التاج فهو تعريف مباشر بالانسان صاحبه
فانا مثلا عرفت عن شخصيتك الكثير بالرغم من انى لم اشاهدك ولم اتكلم معك ولم اتحدث معك وجها لوجه اللهم الا مرة عابره فى الايميل
اماما يقال فى التاج فهو مباشر عن الشخصيه ومعظم توجهاتها واسرارها
الموضوع فى حاجه ماسه الى البحث والتمحيص
تحياتى يا بنت يا دكتوره يا حلوه يا شقيه

blue-wave said...

لألألألألألألأ
انا مش مقتنع بكدا خالص
اولا لأن اغلب التيجان بتطلب اجابات افتراضيه مش معلومات شخصيه
ثانيا لأن حتى اجاباتنا على التيجان تحتمل الصدق او الكذب يعنى مش بتكون معلومات مؤكدة
ثالثا مما لا شك فيها ان المدونات قربت ناس كتير من بعض ويمكن بقت النمتنفس الوحيد لعدد كبير مننا
ولكن طبعا مطلوب الحرص فى كل حاجه ودا طبيعى لكن نفكر فيها بالشكل دا معلش يبقى بنظلم نفسنا اوى
تحياتى

:: Salma Emad :: said...

السلام عليكم ورحمه الله،،

موضوع مهم جداااااااااااااا
بس عجبني رأي الاستاذ بيرم و الاخ عادل

ان فعلا التاجات دي بيبقي فيها اسئله فعلا بيستخدموها في علم النفس و في معرفه مكنونات الشخص و المبادئ المقتنع بيها و اسلوب حياه

و مش بس التاجات هي اللي بتكشف لا المدونات كمان
لكن مش معني كده اننا نعتزل المدونات و الفيس
لا احنا نستخدمهم استخدام صح
يعني كتير جدااااا نلاقي ناس عامله مدونات تفضل تتكلم في حاجات تافهه و تفتي في مواضيع مهمه لكنها مش فاهمه حاجه

وده ليه معاني كتيره جداا عندهم
في حاجه كده حصلت زمان ايام الاندلس
بس انا مش فاكراها اووي
انهم كانوا بيبعتوا ناس علشان تشوف الشباب حالهم ازاي
في كل مرة كانوا بيلاقوهم همهم الدفاع عن ارضهم و عن دينهم
فكانوا بيتراجعوا عن غزوهم و مقاتلتهم
لغايه اما وجدوا همهم الحب و توافه الامور
عندها ايقنوا انهم هايهزموهم و ينتصروا عليهم

فده نفس الشئ
يمكن في عوامل كتيره بتعرفهم علي حال شببنا ايه

لكن بما ان المدونه بتخلي الواحد يقول رأيه بدون سلطان او رقابه
فهي تعتبر ادق وسيله المعرفه حال الشباب

فلوا كل واحد راعي دا في مدونته و في رده علي التاجات او اي شئ اخر

شايفه بكده يبقي استخدمنا صح



تقبلي مروري اختي الكريمه
في رعايه الله

*البت المشمشية *حلوة بس شقية * said...

انا كمان بعتربها جز من تحليل الشخصية

عمرو جويلى said...

السلام عليكم ورحمة الله
الأخت الفاضلة :
أنا مع أستاذى ومعلمى بيرم المصرى
ومن رأيى إن بعض الأسئلة من هذه النوعية .
يقوم أعدائنا بتحليلها وبالتالى يستطيعوا معرفة السمات الشخصية للإنسان وبالتالى يبنوا على هذه التحليلات خططهم التى يستطيعون بها السيطرة على الشباب المصرى كما يحدث الآن .
فلا بد لنا أن نكون حريصين من بعض الأسئلة وأن يكون لدينا حس أمنى خوفا على بلادنا
تحياتى.ز

رحلتنا في الحياة said...

اول تعليق فى المدونة عندك اشهدى اهو وردى الجمايل هههههههههه
اولا المدونة جميلة جدا والله وانا مش عارفة كانت تايهه عنى فين دى معلش ارسالها مش بيجى عندنا فى الصعيد الا لما اظبط الاريل هههههههه
بالنسبة لموضوع التاج وجهة نظر مقبولة فعلا بس فعلا التدوين بيظهر جوانب كتيييييييييير اوى مش شخصية معنى كده فعلا نبطل تدوين بس الفكرة كلها ان الشباب يكون واعى ومدرك ومش ساذج اى حاجة يقولها عن حياته وغيرها بالنسبة للفيس بوك منظم اكتر وسهل التجسسس عليه انما المدونات افتكر صعب

رحلتنا في الحياة said...

بس معلش بردو احنا ناسين البرامج الواقعية زى استار اكاديمى وغيرها دى كارثة ووسيلة للتحليل شخصيات الشباب
يعنى مش هيسيبوا كل ده ويقعدوا للتيجان

Kiara said...

بصي انا كنت بتصفح في المدونات الاجنيه كان في مدونه لواحد اسمه جون

وكاتب حياته يوم بيوم وصوره مع حبيبته يوم بيوم لحد اما جابو ابنهم وبيتكلم عن كل حاجه بشفافيه جامده هو من انجلترا

معني كدا انه وسيله للتجسس ابداااااا

ghorBty said...

السلام عليكم

سول جزاك الله خيرا

موضوع مهم بالفعل

وفيه جزء كبير جدا من الصواب

وأن كانت المدونات تنم عن شخصيه الكاتب وتطلعاته لكنه في كثير من الاحيان يكون نكره برضوه لكن ياتي التاج ويضعك امام اسئله يجب عليك اجابتها وبكل صدق وساعات كتير بيتقولوا امالك واحلامك وصفاتك الشخصيه وهي شئ كويس طبعا بس نسينا ان مجتمع النت مختلط وجنسيات مختلفه وعقول مختلفه ونفوس مختلفه ؟؟

جزيت خيرا وبارك الله فيك

وبالنسبه لاول البوست اهم شئ فعلا نحس بالرضي ونقول الحمد لله فعلا كل شئ له حكمه بس مش شرط نفهمها دلوقتي لعل الله يظهر لنا الحكمه فيما بعد وان لم تظهر تأكدي ان قدر الله لنا في كل شئ خير وان كنا لا ندري ولا نراه

اللهم اجعلنا من الشاكرين لك في السراء والضراء

غربتي

عاشقه الرومانسيه said...

بلاش السواد ده بقى
ياساتر ياساتر
واضح ان صديقك صاحب نظره سوداويه حبتين
ومتشائم 3 حبات
ما انا ممكن فى كل الاجابات بتاعة التاج اكدب واتريق
حد ساعتها هيعرف حقيقتى
كلا البته والوزه كمان
خدوا الامور ببساطه اكتر من كده
المدونات دى دنيا تانيه بتقرب الناس من بعضهم وتخليهم يحسوا ببعض
زى ماانتى قلتى كده
وعلى فكره تجسس تجسس اللى عندهم يعملوه
ماهى كده كده خربانه
يبقى نستمتع بوقتنا مع بعض
واحينى النهارده وموتنى بعد يومين
ولا ايييييييه؟؟؟؟؟؟؟؟

ريمان said...

وحشتينى

وحشتينى

وحشتينى


جداااااااااااااا

عامله ايه يا قمر

حمد الله ع السلامه

مش تغيبى عننا تانى

وفعلا فكره التاج جميله

لانها بتعرفنا على الشخصيه اللى قدامنا اكتر واكتر


تحياتى ليكى يا قمر

mahasen saber said...

سول تدوين ايه اليى نمنعه ونمتنعه استحاله طبعا طبعا طبعا

ده اعدام لحرية الراى والتنفيس والتعبير بمختلف الطرق

ولاا ايه يا سولو

mahasen saber said...

لو قلتى كده تانى هضرب

واحتمال نبدأ بشد الشعر

فارس عبدالفتاح said...

سلام عليكم

انا آسف على الفترة اللى فاتت فعلا انا كنت في اجازة وانا لما ابقى في اجازة لا ادخل على النت مطلقاً

فارجو المعذرة على التأخير وعلى الحالة النفسية السيئة التى لم اشاركك فيها مع الاصدقاء .

اما عن الموضوع فقد اتقبله من منطلق نظرية المؤآمرة وارى انها قد تكون فيها شيء من الصواب من حيث نظرية المتأمل من الدول الغربية واسرائيل في استشفاف ودراسة احوال الشباب العربي والاسلامي فهي سواء كانت المدونات او المواقع التى تعتمد على تعليق الزائرين لها ورؤاهم للأحداث الاجتماعية والسياسية والاقتصادية والدينية ايضاً ... تمثل مساحة واسعة وغنية بالمعلومات الشخصية التى يستطيع اية جهة ان تدرس وان تستشف احوال المجتمع الشبابي ككل من اراء وافكار ووجهات نظر وفكر ايضاً

فانا من الذين يؤيدون هذا بعض الشيء

ولكن رداً على اسئلتك عن الفيس بك والمدونات وغيرها من المواقع النقاشية فليس الاعتزال حل انما الحل في التثقيف الصحيح والواعي لما يحيط بنا وبمجتمعاتنا من جميع الاتجاهات

سواء من منطلق نظرية المؤآمرة او من خلال الوعي بالاحداث اليومية في واقعنا العربي والاسلامي سواء اكانت سياسية او دينية او اجتماعية او دينية

فالوعي الصحيح الذي يصب في مصلحة الامة العربية والاسلامية ومرجعياتها القومية والدينية هو الحل وبعد ذلك فل يكن ما يكون

تقبلي كل التحية والتقدير وآسف على هذه الغيبة

من غير عنـــوان said...

أفاد الأستاذ بيرم بما يكفي...

أمنياتي

Dr.Mohammed Gohary said...

السلام عليكم

طبعا الموضوع هام جدا

باعتذر اني مدخلتوش

لكن
مع إحترامي أستاذي

لو أن التاجات أو المدونات وسيلة للتجسس
إذاً لن يكون مجال للإبداع
فليس كل منا يستطيع الوصول للصحافة أو لوسائل الإعلام

فهي وسائل للتعبير عن الذات

ولو كان غرضها التجسس فما المشكلة

ن كانت المشكلة في شخص منطوي أو صغير السن ولا يعي ما يقول

فهؤلاء في عالم المدونين قلائل
وهنااااااااااااك الألاف من ذوي الفكر الراسخ
واللذين لو نقلت أفكارهم بالتجسس
لكانت خير سلاح لنا
فأقوي سلاح السلاح النفسي
فلو علم أننا ذوى فكر كهذا فسيهابوننا وسيكون لنا حتما مركزاً أقوى مما نحن الآن فيه

هذا مجرد رأي

تحياتي للجميع