الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Mar 17, 2009

حد عنده حــــــــــــــــــــــــــــــــل؟؟؟؟




ازيكم يا جماعة ؟؟ اخباركم ايه؟؟

طبعا مش محتاجة أقول إنى آسفة على التأخير ..

ياريت تعتبروا انكوا بتقروها فى بداية كل بوست من هنا لحد ما ربنا ييسرها و يفرجها من عنده .. يا مسهل يارب


معلش انا آسفة على التأخير فى الرد على تعليقاتكم ، بجد والله التعليقات كلها مهمة ،و أنا سعيدة بيها ، و شكلى هأعمل بوست تانى ليها ، بس حاليا حاجات تانية شغلانى ،و قلت أدخل أفضفض معاكو شوية ، يمكن حد عنده كلمة يقولهالى ، تكون سبب لحل اللى انا فيه دا ... الله المستعان .




طبعا أنا قلت لكم إنى حاليا الوقتى بأظبط ورق التكليف ، ربنا ييسر و يكتب لى شئ كويس عشان بجد شكلى هأعتزل و اقعد فى البيت على رأى صاحبتى .

طبعا أنا دخلت حملت دليل التكليف بتاعنا ، قعد يحمل يحمل << أصل النت كان بطئ ..

و بعد ما خلص بأفتح ... لقيت بسم الله الرحمن الرحيم ..خير اللهم اجعله خير.. حاجة كدا 96 صفحة ...ليييييييييييه؟؟ منهج دراسى؟؟

المهم قعدت بتاع أربع ساعات بس اقرؤه << طبعا قررت انى أءجل الفهم لمرحلة قادمة لأنى كنت خلاص هنجت ، المهم بعد ما خلصت بأبص بئا فى الاستمارة اللى فى آخر الدليل ألاقى ايييييييييه؟؟؟ ألاقى انها لدفعة 2007 طب فين بتاعت 2008 يا جماعة ؟؟ مش عارفة!!.

المهم .. بعد فترة من محاولة الفهم ، أكتشفت انى نزلت الدليل بتاع السنة اللى فاتت ، و طبعا مطلوب منى انى انزل بتاع السنة دى ...عاااااااااااااااااااا .. طبعا كان نفسى اخبط دماغى فى اى حيطة ..

مش مشكلة .. خير خير ، و نزلت الدليل بتاع السنة دى ..الحمد لله طلع 39 صفحة بس .. كانوا طبعا تكرار لبتاع السنة اللى فاتت مع بعض الاختلافات فى الجهات المطلوب لها صيادلة و العدد المطلوب للادارات و كدا يعنى ... قلت الحمد لله ،و قفلت ما قرأتش : )))


بس يا جماعة اكتشفت ايه دا ؟؟ بجد احنا لو دخلنا مسابقة احلى كلام تحميس و تشجيع ناخد الجايزة الاولى بجدارة ..

حبيت بس أبدأ الاول ..بسم الله الرحمن الرحيم كدا بمقتطفات من "الدليل الخيالى ، لكل صيدلى مثالى" ..

طبعا نبدأ بكلمة الوزير ... ربنا يخليهولنا يارب ..

" أبنائي الصيادلة والصيدلانيات

يسعدني أن أتقدم بخالص التهنئة متمنيا لكم التوفيق في مرحلة التكليف بالمجال الصيدلي بوزارة الصحة والسكان التي تعمل جاهدة علي توفير الصحة للجميع و ذلك بتقديم الخدمات الوقائية و العلاجية والتاهيلية من خلال تنفيذ الإستراتيجيات التالية "

يا سلاااااااااااااااام يا سلام .. ايه الحلاوة دى .. قول يا وزيرنا قول ..

طبعا مش هأقول ايه الاستراتيجيات دى ، عشان اكيد كلنا عارفينها و حافظينها ، فمافيش داعى نضيع الوقت ..

و بعدييييييييييييييين ... " و أملي كبير في أن تكون لكم رؤية واضحة ليس في مجال عملكم الصيدلي فحسب بل في كل مجالات الحياة" .. طبعاااااااااااااااااا ، أنت بتتكلم ازاى ؟؟ واضحة وضوح القمر ليلة واحد فى الشهر العربى .. : )

" وأن تقوموا بدراسة وتحديد المشاكل الصحية وتكون لديكم القدرة علي الإبداع والابتكار لتقديم الحلول والبدائل المناسبة لحل مثل هذه المشاكل و أن تبذلوا الجهد لمواكبة التطور العلمي و التكنولوجي وذلك باستخدام وسائل المعرفة والاتصالات الحديثة وأن تؤدوا واجبكم في منظومة العمل الصحي بروح الفريق والتعاون المثمر البناء للحصول علي المؤهل الأعلى لتقديم أفضل خدمة ممكنة. "

أى نعمن ..اى نعمن .. لتقديم افضل خدمتن ممكنتن .. و تحيا مصر ، و تسقط اسرائيل ...هههههههههههههههههه

" ختاماً فإن الاهتمام بالمريض المصري وحسن استقباله ومعاملته المعاملة الطبية هي الغاية والمقصد حتي نواصل العمل معاً لإعلاء شأن الصيدلي في مصر ولكي نحافظ علي المكانة التاريخية لمصرنا الحبيبة "

أكيد أكيد .. أنا بردوا بأقول الكلام دا مر عليا قبل كدا ، بس مش فاكرة فى أى ورقة بردى صراحة ... ياااااه يا مصر ، حبيبتى والله ..

و طبعا بعد كلام السيد الوزير .. ربنا يعلى مراتبه كمان و كمان .. ندخل بئا فى الجهات اللى طالبة صيادلة .. دا طبعا غير الادارات و الوحدات اللى اصلا بنتوزع عليها اجبارى ..

طبعا تحتل صدارة الجهات دى بجدارة فى كل السنين تقريبا .. " هيئة النقل العام بالقاهرة" ؟؟؟؟؟ .. أكيد عاوزين صيادلة يعطوها حبوب مسهلة لتسهيل الحركة بها .. حيث انها تعانى من تقلصات و امساك مزمن !!

و طبعا كنت أول مرة اسمع عن " الهيئة القومية للرقابة والبحوث علي المستحضرات الحيوية " و " الهيئة القومية للرقابة والبحوث الدوائية " .. يا راجل ، و الهيئات دى تفصيل و لا جاهز؟؟

و بردوا طالبين صيادلة لـ " معهد بحوث الحشرات " .. اممممممممم ، و ياترى العهدة فى الحالة دى ايه ؟؟ اقراص ؟؟ حقن؟؟ لبوس؟؟ مراهم و كريمات؟؟

و ياترى الحقن عضل ؟؟ ولا وريييييييييييييد ؟؟؟

و طبعا انشكحت اوى لما قريت " أمانة المراكز الطبية المتخصصة مستشفي .... " ، أصلى ما سمعتش أمانة دى إلا فى حاجتين بس فى حياتى .. أمانة الحزب الوطنى ،و أمانة المرأة ... فالحمد لله الامانة امتدت لنا فى أراضى الوزارة المهيبة .. حمدلله ع سلامتها : )

و فى بردوا " صدر وحساسية امبابة " .. يا شييييخ ؟؟ هى امبابة بئالها صدر و حساسية؟؟ يااااااااه ربنا معاها ، و يارب متوصلش المنصورة .. مش ناقصين حساسية والله ... عندنا ربانى ..

بس دا طلعت المنصورة عاوزة صيادلة كتير والله .. ربنا ييسر ...


و طبعا الحمد لله إن الدليل السنة دى خالى من السجون ... اه والله .. بتاع السنة اللى فاتت كان تقريبا كل السجون طالبة صيادلة ... تقريبا اللى كانوا موجودين قضوا الفترة و طلعوا .. الحممممممد لله ،

بس دا يعنى ان الدفعة التانية دخلت : (((


و على رأى واحدة صاحبتى " ايييييييييييييييه ، التكليف علينا حق " ..هههههههههههههههه



طب ندخل بئا فى العكننة ،و وجع الدماغ و ركزوا معايا .. ركزتوا ؟؟ طب ركزوا كمان شوية ..

بجد الموضوع تاعبنى جدا ، لأنى كنت فاكرة الموضوع وحدة ،و ظبط مع زمايلك ، و روح يوم ولا اتنين فى الاسبوع ،و خلاص يعنى .. طبعا ، عشان طيبة و ماليش فى الحاجات دى ..عااااااااااااااااااااا


المهم امبارح بئا ،و انا قاعدة مع صاحبتى انتيمتى و بنتكلم بئا و باقولها على الجهات اللى فوق دى ، و قاعدة باضحك بئا و منشكحة ، قامت قالت لى اصلك ماسمعتيش اللى سمعته ، قلت لها خييير؟؟؟ ، قالت لى الدكتور صاحب الصيدلية هو اللى كان مسئول عن توزيع الدكاترة " الاطباء مش الصيادلة " فى الادارة يعنى .. فقمت سألته باقوله يا دكتور بما اننا على اعتاب التكليف ، فياريت حضرتك تدينى من خبراتك بئا ، و تقولى اتصرف ازاى ؟؟...

قام قالها ايييييييييه ؟؟

قالها .. لا بصى التكليف دا بئا مش عاوز تأفيل .. اه ، لازم تكونى مصحصحة كدا و مفتحه ،و بعدين علاقات بئا ، عشان الناس تحبك .. و بعدين ياما هتشوفى ،طبعا انتى هتكونى مسئولة عن عهدة ، العهدة دى ممكن تكون حقن أو اشربة او اقراص ..كدا يعنى ، و طبعا مش كل حاجة حلوة و جميلة ..

يعنى مثلا ، فى الطلبية اللى جت كام امبولة مكسورين ، واحدة اتكسرت من الممرضة ، كدا يعنى .. هتتصرفى ازاى ؟؟ و دى عهدة ؟؟

إزاى يا دكتور ؟؟...

طبعا انتى عندك تذاكر المرضى متسجلة عندك و محتفظة بيها ، تقومى على كل تذكرة ، ضايفة امبولة من دول ، هما مااخدوهاش و لا اتصرفوا أصلا ، بس دى عهدة و هتتسألى عنها ، ولو فى نقص طبعا هتتعاقبى فيها ... و دا طبعا بتعمليه بالاتفاق مع الدكتور المسئول ..

<< يا سلااااااااااااااااااام .. والله؟؟؟.. حاجة حلوة خالص

و بعدين ممكن الاشربة تجيلك فى عبوات كبيرة ، حاجة زى الصفيحة كدا .. انتى مثلا طالبة 3 ، يقوم يجيلك تلاتة ، تفتحى تلاقى اتنين كويسين و التالتة محطوط فيها اى حاجة .. حتى ممكن تلاقى قالب طوب ..

<< يا سلاااااااااااااااااااااام ... ايه الحلاوة دى ، تخيلوا يا جماعة بافتح الاقى قالب طوب .. طب ادوبه باى مذيب دا عشان اعمله شرب؟؟

تقومى تعملى ايه بئا ؟؟ ... طبعا بردوا هتطلعى التذاكر القديمة و تقعدى تقسمى الدوا دا عليهم لحد ما تخلصى العبوة دى ،

نعممممممممممم ... طب يا دكتور مفيش حد بيشتكى ، مفيش أى وسيلة للاعتراض على كدا ؟؟

لا ، ماهو انتى اللى هتضرى فيها ، لانك ماضية على العهدة دى و انك استلمتيها ، يعنى لو قدمتى شكوى او بلاغ انتى اللى هتتحطى فيها ، هو يعنى حد شاف؟؟ ..و السرقة غالبا بتكون فى المخزن الرئيسى ، او اثناء النقل منه .. كدا يعنى .. و طبعا أغلب الحاجات اللى بتتسرق دى بيسرقها مدمنين ..و لازم تمشى امورك عشان يحبوكى ..

<< ياعم انشاله ماحبونى ... ايه دا ؟؟؟ يعنى ايه يعنى ؟؟

و بعدين ممرضة جت طلبت منك سرنجات ، علب دوا ،كدا يعنى ... عشم لنفسها ، بردوا صرفى امورك ، و اديها ،هى لسه هتروح تقطع تذكرة بـ 3 و لا 4 جنيه ؟؟ مشى أمورك عشان يحبوكى ..

<< لا والله ... حاجة لذيذة لذيذة يعنى ..

طب و الناس اللى تروح تتعين فى جهة من الجهات القضائية و كدا ..

لالالالا ... دى ألعن ، لأنهم هيضطروا يشهدوا على حاجات غلط ، تقارير لازم يطلعوها صح مهما كان ، يا إما هيضروا فيها ، و الشاطر اللى يمشى أموره ..

<< طبعا انا مصدومة و مش هأعلق ...

و قالت لى ..طبعا أنا سمعت الكلام دا من هنا ، و سبحان الله بعدها قدرا كان تفسير آية " إِنَّا أَنزَلْنَا التَّوْرَاةَ فِيهَا هُدًى وَنُورٌ يَحْكُمُ بِهَا النَّبِيُّونَ الَّذِينَ أَسْلَمُوا لِلَّذِينَ هَادُوا وَالرَّبَّانِيُّونَ وَالأَحْبَارُ بِمَا اسْتُحْفِظُوا مِنْ كِتَابِ اللَّهِ وَكَانُوا عَلَيْهِ شُهَدَاءَ فَلا تَخْشَوُا النَّاسَ وَاخْشَوْنِ وَلا تَشْتَرُوا بِآيَاتِي ثَمَنًا قَلِيلًا وَمَنْ لَمْ يَحْكُمْ بِمَا أَنزَلَ اللَّهُ فَأُوْلَئِكَ هُمُ الْكَافِرُونَ "

و إزاى ان ربنا نزل التوراة و وضع فيه الحكم ، النبيون بلغوا احكامه دى لليهود و الربانيون ( اللى هما تفرغوا للعبادة) و الاحبار ( اللى عندهم العلم ) واستحفظوا عليه ..لكن هما اخفوه ،و ما أظهروش الحق ...لأن الحق شديد ، و أد ايه هو صعب ،عشان كدا جه بعدها " فلاتخشوا الناس و أخشون " .. يقينك بس بربنا هو اللى هيدفعك انك تصر على الحق مهما كان ضرره عليك ..

قلت لها : فعلا الحق صعب ، و محدش بيرضى بيه .. بس انتى الوقتى هتبئى بين حاجتين بيشدوكى ، انك الوقتى محطوطة فى مكان و لازم تظهرى الحق ،و التانى الضغوط اللى هتبئى عليكى و انك ممكن تضطرى تعملى حاجة غصب عنك "

قالت لى : بصى أنا شايفة ان البيت بيشدنى .. يا ستى أنا اتجوز و اقعد فى البيت ، بلا عهدة ،بلا بتاع ، مالها القعدة فى البيت ؟؟

و طبعا ضحكنا على مرارة .. فعلا الوضع صعب ، و فعلا عشان تحافظ على مبادءك و قيمك شئ مش سهل

قالت لى بصى احنا نسيبها لله ،

ايوا ماهو الظاهر كدا ان دا اللى هيحصل

قالت لى بس الوقت بيأزف علينا و لازم نقرر .. كدا ماينفعش ، بس بردوا بنقعد نفكر ، و نفكر و نفسيتنا بتتعب و فى الاخر بردوا بنسيبها لله

قلت لها بصى مفيش غير اننا ندعى ان ربنا يحطنا فى المكان اللى يستخلفنا فيه ، خلاص أنا تعبت ..

بجد تعبت .. و حاجات كتير جت فى دماغى ، و قصص كتير اتحكت لى ، و مواقف شفتها .. بجد كله صعب ،صعب .. بجد عاوزة نصيحة حد مجرب ، و اللى عنده خبرة ياريت مش يتأخر عليا ...

انا فى صراع رهييييييييب بجد ... و ربنا بجد يختار لنا الخير ، و حاجة ترضيه



معلش طولت عليكم .. بس حبيت أفضفض معاكوا ، و قولولى نصيحتكم ..




44 comments:

Hanan Elshafey said...

بصراحه بقي
بنت خالتي برده عانت من الموضوع ده
وكذا مره اتحطت في مسائله وكده
سالتها كان احسنلها ايه
قالت يا ريتني ما روحت
اظن تكبري دماغك وشركات الادويه ماليه الدنيا

خالص امنيا

محمد said...

السلام عليكم ورحمة الله وبركاته

أختي العزيزة

بسم الله ماشاء الله
أنا عن نفسي مقدرتش أكمل الموضوع كله قراءة لأن الجرعة عالية قوي

الله يكون في عونكم
بس ومالها القعدة في البيوت

تحياتي مع صادق دعائي بالتوفيق

الجواز و سنينه said...

و الله يابنتى ده اظاهر حال الدنيا
و فيه مثل بيقول
if u r in england do as britsh do

و ده اللى مفروض نعمله اظاهر

arsenalwy said...

هههههههههههههه

ربنا معاكى والله بتصعبوا عليا انتوا وبتوع طس

سبحان الله الصيادلة بيعلموا الشباب ازاى يغشوا ونعم والله

ربنا يوفقك وطمنينا دايمن على اخبارك

۩ Nour ۩ said...

ربنا يوفقك ويكتبلك الخير ويسير لك امرك..

mohamed ghalia said...

ربنا يعينك بجد
وبالتوفيق فى حياتك القادمة
وصحصحى كده وشوفيلك واسطة حلوة هههه

Beram ElMasry said...

الاخت العزيزة . Soul.o0o.Whisper
السلام عليكم ورحمة الله وبركاته
هذه النصوص من العهد القديم ، اما سليمان خاطر قتل سياح يهود فى عرايا مارسوا الفاحشة فى التسعينات
18فَدَخَلَ إِلَى أَبِيهِ وَقَالَ: «يَا أَبِي». فَقَالَ: «هأَنَذَا. مَنْ أَنْتَ يَا ابْنِي؟» 19فَقَالَ يَعْقُوبُ لأَبِيهِ: «أَنَا عِيسُو بِكْرُكَ. قَدْ فَعَلْتُ كَمَا كَلَّمْتَنِي. قُمِ اجْلِسْ وَكُلْ مِنْ صَيْدِي لِكَيْ تُبَارِكَنِي نَفْسُكَ». 20فَقَالَ إِسْحَاقُ لابْنِهِ: «مَا هذَا الَّذِي أَسْرَعْتَ لِتَجِدَ يَا ابْنِي؟» فَقَالَ: «إِنَّ الرَّبَّ إِلهَكَ قَدْ يَسَّرَ لِي». 21فَقَالَ إِسْحَاقُ لِيَعْقُوبَ: «تَقَدَّمْ لأَجُسَّكَ يَا ابْنِي. أَأَنْتَ هُوَ ابْنِي عِيسُو أَمْ لاَ؟». 22فَتَقَدَّمَ يَعْقُوبُ إِلَى إِسْحَاقَ أَبِيهِ، فَجَسَّهُ وَقَالَ: «الصَّوْتُ صَوْتُ يَعْقُوبَ، وَلكِنَّ الْيَدَيْنِ يَدَا عِيسُو». 23وَلَمْ يَعْرِفْهُ لأَنَّ يَدَيْهِ كَانَتَا مُشْعِرَتَيْنِ كَيَدَيْ عِيسُو أَخِيهِ، فَبَارَكَهُ. 24وَقَالَ: «هَلْ أَنْتَ هُوَ ابْنِي عِيسُو؟» فَقَالَ: «أَنَا هُوَ». 25فَقَالَ: «قَدِّمْ لِي لآكُلَ مِنْ صَيْدِ ابْنِي حَتَّى تُبَارِكَكَ نَفْسِي». فَقَدَّمَ لَهُ فَأَكَلَ، وَأَحْضَرَ لَهُ خَمْرًا فَشَرِبَ. ،سفر التكوين اصحاح 27 العهد القديم
22ثُمَّ قَامَ فِي تِلْكَ اللَّيْلَةِ وَأَخَذَ امْرَأَتَيْهِ وَجَارِيَتَيْهِ وَأَوْلاَدَهُ الأَحَدَ عَشَرَ وَعَبَرَ مَخَاضَةَ يَبُّوقَ. 23أَخَذَهُمْ وَأَجَازَهُمُ الْوَادِيَ، وَأَجَازَ مَا كَانَ لَهُ. 24فَبَقِيَ يَعْقُوبُ وَحْدَهُ، وَصَارَعَهُ إِنْسَانٌ حَتَّى طُلُوعِ الْفَجْرِ. 25وَلَمَّا رَأَى أَنَّهُ لاَ يَقْدِرُ عَلَيْهِ، ضَرَبَ حُقَّ فَخْذِهِ، فَانْخَلَعَ حُقُّ فَخْذِ يَعْقُوبَ فِي مُصَارَعَتِهِ مَعَهُ. 26وَقَالَ: «أَطْلِقْنِي، لأَنَّهُ قَدْ طَلَعَ الْفَجْرُ». فَقَالَ: «لاَ أُطْلِقُكَ إِنْ لَمْ تُبَارِكْنِي». 27فَقَالَ لَهُ: «مَا اسْمُكَ؟» فَقَالَ: «يَعْقُوبُ». 28فَقَالَ: «لاَ يُدْعَى اسْمُكَ فِي مَا بَعْدُ يَعْقُوبَ بَلْ إِسْرَائِيلَ، لأَنَّكَ جَاهَدْتَ مَعَ اللهِ وَالنَّاسِ وَقَدَرْتَ». 29وَسَأَلَ يَعْقُوبُ وَقَالَ: «أَخْبِرْنِي بِاسْمِكَ». فَقَالَ: «لِمَاذَا تَسْأَلُ عَنِ اسْمِي؟» وَبَارَكَهُ هُنَاكَ.
تكوين 32
25فَحَدَثَ فِي الْيَوْمِ الثَّالِثِ إِذْ كَانُوا مُتَوَجِّعِينَ أَنَّ ابْنَيْ يَعْقُوبَ، شِمْعُونَ وَلاَوِيَ أَخَوَيْ دِينَةَ، أَخَذَا كُلُّ وَاحِدٍ سَيْفَهُ وَأَتَيَا عَلَى الْمَدِينَةِ بِأَمْنٍ وَقَتَلاَ كُلَّ ذَكَرٍ. 26وَقَتَلاَ حَمُورَ وَشَكِيمَ ابْنَهُ بِحَدِّ السَّيْفِ، وَأَخَذَا دِينَةَ مِنْ بَيْتِ شَكِيمَ وَخَرَجَا. 27ثُمَّ أَتَى بَنُو يَعْقُوبَ عَلَى الْقَتْلَى وَنَهَبُوا الْمَدِينَةَ، لأَنَّهُمْ نَجَّسُوا أُخْتَهُمْ. 28غَنَمَهُمْ وَبَقَرَهُمْ وَحَمِيرَهُمْ وَكُلَُّ مَا فِي الْمَدِينَةِ وَمَا فِي الْحَقْلِ أَخَذُوهُ. 29وَسَبَوْا وَنَهَبُوا كُلَّ ثَرْوَتِهِمْ وَكُلَّ أَطْفَالِهِمْ، وَنِسَاءَهُمْ وَكُلَّ مَا فِي الْبُيُوتِ.
تكوين 34


لك تحياتى والسلام عليكم ، ولا سلام مع اليهود

Sweet Violet said...

كلمة مشى نفسك دى بقت كلمه عاديه جدا فى مصر

و الكل بيستخدمها فى كل مكان

و طبعا معاكى ان الحق عواقبه اوقات بتكون صعبه جدااا

لكن بردو فى نفس الوقت لو كل واحد قال مش هقدر اكمل فى المكان علشان فيه غلط و مش هقدر اقول الحق يبقى كده الدنيا خربت على حق

ربنا معاكى ياقمر و يوفقك للصالح

Anonymous said...

للاسف الشديد لم اقرا موضوعك لظروفى

المتخلبطة اوى

لكن ردا على تعليقك لقصتى الاولى

تسمحلى اهزر معاكى واقولك

انتى

س

و

س

ة

اوى

Beram ElMasry said...

الاخت العزيزة . Soul.o0o.Whisper
السلام عليكم ورحمة الله وبركاته
هذه النصوص من العهد القديم ، اما سليمان خاطر قتل سياح يهود فى عرايا مارسوا الفاحشة فى التسعينات
18فَدَخَلَ إِلَى أَبِيهِ وَقَالَ: «يَا أَبِي». فَقَالَ: «هأَنَذَا. مَنْ أَنْتَ يَا ابْنِي؟» 19فَقَالَ يَعْقُوبُ لأَبِيهِ: «أَنَا عِيسُو بِكْرُكَ. قَدْ فَعَلْتُ كَمَا كَلَّمْتَنِي. قُمِ اجْلِسْ وَكُلْ مِنْ صَيْدِي لِكَيْ تُبَارِكَنِي نَفْسُكَ». 20فَقَالَ إِسْحَاقُ لابْنِهِ: «مَا هذَا الَّذِي أَسْرَعْتَ لِتَجِدَ يَا ابْنِي؟» فَقَالَ: «إِنَّ الرَّبَّ إِلهَكَ قَدْ يَسَّرَ لِي». 21فَقَالَ إِسْحَاقُ لِيَعْقُوبَ: «تَقَدَّمْ لأَجُسَّكَ يَا ابْنِي. أَأَنْتَ هُوَ ابْنِي عِيسُو أَمْ لاَ؟». 22فَتَقَدَّمَ يَعْقُوبُ إِلَى إِسْحَاقَ أَبِيهِ، فَجَسَّهُ وَقَالَ: «الصَّوْتُ صَوْتُ يَعْقُوبَ، وَلكِنَّ الْيَدَيْنِ يَدَا عِيسُو». 23وَلَمْ يَعْرِفْهُ لأَنَّ يَدَيْهِ كَانَتَا مُشْعِرَتَيْنِ كَيَدَيْ عِيسُو أَخِيهِ، فَبَارَكَهُ. 24وَقَالَ: «هَلْ أَنْتَ هُوَ ابْنِي عِيسُو؟» فَقَالَ: «أَنَا هُوَ». 25فَقَالَ: «قَدِّمْ لِي لآكُلَ مِنْ صَيْدِ ابْنِي حَتَّى تُبَارِكَكَ نَفْسِي». فَقَدَّمَ لَهُ فَأَكَلَ، وَأَحْضَرَ لَهُ خَمْرًا فَشَرِبَ. ،سفر التكوين اصحاح 27 العهد القديم
22ثُمَّ قَامَ فِي تِلْكَ اللَّيْلَةِ وَأَخَذَ امْرَأَتَيْهِ وَجَارِيَتَيْهِ وَأَوْلاَدَهُ الأَحَدَ عَشَرَ وَعَبَرَ مَخَاضَةَ يَبُّوقَ. 23أَخَذَهُمْ وَأَجَازَهُمُ الْوَادِيَ، وَأَجَازَ مَا كَانَ لَهُ. 24فَبَقِيَ يَعْقُوبُ وَحْدَهُ، وَصَارَعَهُ إِنْسَانٌ حَتَّى طُلُوعِ الْفَجْرِ. 25وَلَمَّا رَأَى أَنَّهُ لاَ يَقْدِرُ عَلَيْهِ، ضَرَبَ حُقَّ فَخْذِهِ، فَانْخَلَعَ حُقُّ فَخْذِ يَعْقُوبَ فِي مُصَارَعَتِهِ مَعَهُ. 26وَقَالَ: «أَطْلِقْنِي، لأَنَّهُ قَدْ طَلَعَ الْفَجْرُ». فَقَالَ: «لاَ أُطْلِقُكَ إِنْ لَمْ تُبَارِكْنِي». 27فَقَالَ لَهُ: «مَا اسْمُكَ؟» فَقَالَ: «يَعْقُوبُ». 28فَقَالَ: «لاَ يُدْعَى اسْمُكَ فِي مَا بَعْدُ يَعْقُوبَ بَلْ إِسْرَائِيلَ، لأَنَّكَ جَاهَدْتَ مَعَ اللهِ وَالنَّاسِ وَقَدَرْتَ». 29وَسَأَلَ يَعْقُوبُ وَقَالَ: «أَخْبِرْنِي بِاسْمِكَ». فَقَالَ: «لِمَاذَا تَسْأَلُ عَنِ اسْمِي؟» وَبَارَكَهُ هُنَاكَ.
تكوين 32
25فَحَدَثَ فِي الْيَوْمِ الثَّالِثِ إِذْ كَانُوا مُتَوَجِّعِينَ أَنَّ ابْنَيْ يَعْقُوبَ، شِمْعُونَ وَلاَوِيَ أَخَوَيْ دِينَةَ، أَخَذَا كُلُّ وَاحِدٍ سَيْفَهُ وَأَتَيَا عَلَى الْمَدِينَةِ بِأَمْنٍ وَقَتَلاَ كُلَّ ذَكَرٍ. 26وَقَتَلاَ حَمُورَ وَشَكِيمَ ابْنَهُ بِحَدِّ السَّيْفِ، وَأَخَذَا دِينَةَ مِنْ بَيْتِ شَكِيمَ وَخَرَجَا. 27ثُمَّ أَتَى بَنُو يَعْقُوبَ عَلَى الْقَتْلَى وَنَهَبُوا الْمَدِينَةَ، لأَنَّهُمْ نَجَّسُوا أُخْتَهُمْ. 28غَنَمَهُمْ وَبَقَرَهُمْ وَحَمِيرَهُمْ وَكُلَُّ مَا فِي الْمَدِينَةِ وَمَا فِي الْحَقْلِ أَخَذُوهُ. 29وَسَبَوْا وَنَهَبُوا كُلَّ ثَرْوَتِهِمْ وَكُلَّ أَطْفَالِهِمْ، وَنِسَاءَهُمْ وَكُلَّ مَا فِي الْبُيُوتِ.
تكوين 34


لك تحياتى والسلام عليكم ، ولا سلام مع اليهود

رحلتنا في الحياة said...

بصى انتى مش عايزة رضى ربنا ونيتك سليمة اعتمدى على ربنا وزى ما قولتى سبيها على ربنا وجربى مش هتخسرى اى حاجة لقيتى نفسك عرفتى تتاقلمى مع الوضع وانك مش هتعرفى تعملى الغلط كان بيها مقدرتيش ابئا اسمك جربتى بردو
واستخيرى ربنا فى الاول قبل كل شئ
وربنا يعينك يارب

عاشقه الرومانسيه said...

والله يابنتى فى بدايه البوشست ضحكت على كلامك
وفى نهايته حزنت لحالك وحال كتير زيك

اقولك فعلا سيبيها على الله

مش هاقدر انصحك لان ده بعيد عن مجالى
بس قلبى معاكى

معندكيش دواء كويس للمعده والنبى يااختشى؟
قولونى عصبى

ويجعله عامر

فارس عبدالفتاح said...

بصراحة الموضوع كبير وانا معنديش وقت كفاية هاجي في وقت تاني اقرأ وارد ان شاء الله

لكي كل التقدير والاحترام

فشكووول said...

ازيك يا ايمى
شوفى يا بنتى بحقلى لى ودانك وطقطقى لى عنيكى
اولا لو عرفتى تختار هيئة التأمين الصحى اصل فيها فلوس كتيره وميزات كبيره
ولو ما عرفتيش
كدا ولا كدا وفى اي مستشفى خدى بالك
فيه حاجه اسمها الصيدليه الرئيسيه
وفيه صيدليات فرعيه ودى بتاعة العنابر
يعنى بتكونى مسئوله عن صرف الدواء للعيانين .. يعنى حبه لكل عيان وممكن الشريط الواحد تصرفى منه لكذا عيان .. وعليك بقى انك تثبتى فى الدفاتر وخلافه
حاولى لو رحتى مستشفى تكونى فى الصيدليه الرئيسيه واوعى من الصيدليات الفرعيه بتاعة العنابر .. وان جات لك العنابر يبقى امرك لله خدى بالك وفنجلى ودانك وفتحى مخك والحاجات دى كلها .. هو يا دوب انت كدا بتحمى نفسك .. واحنا عندنا الشغل كله حمايه للنفس ولو ما عملتيش كدا يبقى على نفسها جنت براقش
بطلى رغى بقى واسئله ما لهاش معنى ونفذى الكلام وما تعمليش لى فيها الذناتى خليفه
تحياتى بقى

marmar said...

وسبير حبيبتي نصيحتي ليكي بجد اهم حاجة وخطوة تعمليها تستخيري ربنا عشان هو العارف الوحيد الخير فين ليكي ولكل الناس اعملي استخاره وشوفي ايه اللي هيحصل معاكي ومتعديش تفكري كتيييير وتوجعي قلبك
خليها على ربنا يا حبيبتي
او يا دكتورررررررررره ويسبر بقى

د.خالدأمين said...

مش عارف واللعه ياسول
انا اعرف ان اكتر ناس مدحدحين ومطاطاين هم الصيادله


يعنيكدا كدا لازم تطاطاي ودانك وترفعي الشعار وتعملي زي ما الكل بيعمل والا هتاخدي علي دماغك





الكلام ده من خشم واحد صيدلي ابن لزين ومطاطا وعارف اللبه

Anonymous said...

جـــــــربت مــــــــره تــعمل حاجه للاقـصي

لو ما جربتش جرب تشـــــــارك معــــــــــنا

يمكن نقدم حاجه تكــــــــون مفـــــيده تنفعــنا

ويمكــــن بيها في الجنه ربنا يجــــمـعنـــــــا

خليــــــــــــــــــك جـــرئ وشــاركنـــــــــــا

بامكناك ان تشارك في نهضه امــــــــــــــتنا

لا تقل لا استطيع المشاركه في بناء عزتـــنا

ان عــــــزتنا تكمن في تــحرير غفلــــــــتنا

ندعوك ان تشترك معنا للنهوض بدولتــــنا

لا تتردد فانها فرصتك في مساعده اخواتنا

حمله :بايدينا ندفع الخطر عن الاقصي
رابطه مدونون من اجل فلسطين

Anonymous said...

السلام عليكم و رحمة الله

آنسه :آسفه"علشان بتقولى اسف كتير ^^ ) ..

ف البدايه التدوينه دى ف رأيي اكبر باين من الدليل اللى نزليته ف اول مره :(( و علشان كده كنت أحب اقترح عليك نسخه السنه دى 2009 يمكن تطلع 19.5 صفه :-)

أمزح طبعا :-)

----


نحن ف مصر كباقى ننتمى لمنطقه رأس مال حكامها و مسؤوليها الكلاااااااااااااااام فالدينا عندهم ربيع و الجو بديع و سلمليلى ع كل البتاتيع تيع تيع تيع .. ع رأي المثل يعنى ..

المهم دا طبيعى و معروف ف دوله نايمه من فتره و اغلب مسؤوليها اما ف تعسيله او نوم عميق ف غرف مكيفه بعيداً عن افكار و اراء و مشاكل كتير من الشعب اللى بيلتحف السماء و ينام ع الارض ..

طبعا يمكن ف مبالغه ف كلامى و لا شك ف ان ف ناس فل فل فل فل و موز موز موز ع رأى عمرو أديب ...


يلا ربنا يستر علينا و تذكرى دايما ان لا حياة الا و معها يأس :-)

د. ياسر عمر عبد الفتاح said...

ايه ده ايه ده
أنا أول مرة أسمع عن كمية المخالفات دى فى التكليف
أنا رغم إنى لسه طالب بس أنا قديم جداً يعنى
وعمرى ما سمعت عن كل الحوارات
لا لازم تاخدى بالك كويس
مش عارف أقلك ايه بجد
ربنا يعينك
أنا عن نفسى لعد عمر طويل لو اتخرجت يعنى مش هستلم التكليف خالص

فارس عبدالفتاح said...

كان نفسي اعرف أيه الإستراتيجية التي تعتمد عليها وزارة الصحة في إدارتها ملف الأمن الاجتماعي ومن ضمنها الأمن الصحي وهو واحد من ضمن الموضوعات المهمة في الإستراتيجية العامة للدول تجاه المجتمع فكان أملي أن تشرحي هذه وما هو جدول اعمل هذه الإستراتجية وما هو التكتيكات المعتمدة من قبلة الوزارة والتي وافق عليه مجلس الوزراء والتي بالطبع توجيهات من الرئيس أو مكتب رئيس جمهوريتنا التي هي ليست بجمهورية

المهم بدون فلسفة أو تنظير لوضع الجبهة الداخلية أو الوضع الداخلي ( الاجتماعي ) داخل مصر


فانا أنصحك بشيئين اختاري واحده منها وهذا من واقع نصح خالص لوجه الله ومن خوفي عليك بأن بنت وأنا لدي من الحريم بصفتي شاب صعيدي ما أرجو أن لا يكون فيها أهلي وهذا من واقع احترامي للمرأة وصون لها نفسا وجسدا

الأول :

أنت تلتزمي بالبيت وتحاولي أن تكوني فاعلة في المجتمع إذا أردت وهذا عن طريق تعليم ومراجعة دروس بعض التلاميذ الذي يصعب عليه استمرارهم في الدروس الخصوصية وكل من يحتاج إلى هذا في جميع الصفوف الدراسية بشرط أن يكونوا إناث أو أطفال ذكور .

وإذا أردت أن تحصلي علي بعض المال وهذا حق لك وحق مكتسب فخذي أسعار رمزية وباقي أجرك عند الله ومعروفك باقي عند الناس المحترمين والمقدرين لهذا العمل ولن يضيع تعبك في دراستك وستحققين ذاتك فيه .

الثانية :

إذا لم تقبلي بالحل الأول فاقبلي الوظيفة وعاملي مسئوليك بالروتين واللوائح الإدارية المعمول بها بالقانون الإداري لديك وهذا أمر مرهق ومتعب ومزعج إلى الحد الذي لا تتصوريه ولكنه سوف يمنعك من أن تخالطين مالك أو تجعليه فيه شبه من الحرام وهذا أمر أظنه عندك وأحسبك كذلك أمر لا تريدينه ولا تحبيه ولا تريدين أن تقعي فيه .

فلا تستلمي أي من هذه المواد أو المعدات والآلات إلا بعد أن تتأكدي من سلامتها وصلاحيتها وانها كاملة العدد وهذا أمر سوف يجلب عليك السخط والمكائد والدسائس في عملك من زملائك أو من المسئول نفسه أن أمكنه أن يفعل إذا كان إنسان ينتهج نفس النهج الذي قمتي بشرحه .

كما انك سوف تتبعين نفس هذا الأسلوب مع بعض الناس ( المواطنين ) وسوف يكون أمر مرهق جدا وأظن انك لن تستطيعي الاستمرار في هذا الأمر طول عمرك وسوف تقدمين استقالتك

هذه ضرورة حتمية وأمر وارد بشكل كبير أو العكس هو الذي سوف يكون صحيح وهو أن تنجري معهم في فسادهم وهذا لان كل ابن أدام خطأ وليس هنا إنسان خير مطلق أو إنسان شرير مطلق

والله يكون في عونك

وهذا مع الأسف حالنا ولن نحرج من حالنا هذا إلا إذا احترم النظام نفسه وكذلك أفراد المجتمع لكي يكون مجتمع محترم وشعب يحب وطنة ولكن للأسف فنحن في الشعارات والعواطف جهابذة ولكن في العمل اجهل من الدابة وأضل من الهوام .

وهذا هو ترجمه عمليه وفعليه بأننا لا نحب هذا البلد حتى ولو اقسمنا جهد إيماننا أننا نحب ونعيش ونفنى في حب تراب هذه الأرض وهذا الوطن

مع خالص تمنياتي لك التوفيق والسداد على النحو المستهدف والمأمول


فارس عبد الفتاح ... قومي عربي

فتــافيت (رحاب الخضري) said...

والله ما عارفة اقولك ايه
ربنا معاكي يا قمر.. ومالها شركات الادوية قالت عني يا اوختي؟؟؟؟؟
وحشاني يا قمراية

オラアルス said...

السلام عليكم ورحمة الله وبركاته

مدونة ذوق وستايلها ناعم و جميل

البني والبيج من أحب الألوان لنفسي والكتابة باللهجة المصرية المحببة للكل زداتها حلا
أيتها الجميله/
لا تتعبي أعصابك في هذه الأمور
أنا لم أجرب لكني من كلام الصيدلي الكبير لصديقتك انصدمت

أمعقول هذا الكلام؟
مركز القدوة يعلم الناس الغش والتزوير والتحايل
الله المستعان

لك كل الحق أن تحتاري
لكن لاحيرة مع الخيرة
استخيري ربك مرةو2و3 و4
وتوكلي على الله فإن كان خيراً لك الإقدام على هذه الخطوة في حياتك فستجدين تسهيلات من حيث لاتحتسبين أما إذا تعرقلت في وجهك فاعلمي أنه لاخير لك في هذا المجال
وابحثي عن مجال آخر
أكيد لك هوايات متعددة حاولي استغلالها وتأكدي بأن من ترك شيئا لله عوضه الله خيرا منه وخير الزاد التقوى
وألمس فيك خشية الله وخوفك على قيمك الأصيله
لذا أقول لك اثبتي على قيمك ولو جلست في البيت فذلك خير من طرق أبواب تغضب الله عنك.


إطلالتي الأولى ولن تكون الأخيرة بإذن الله
وجزاك الله على طلتك العطره في مدونتي
سعدت بها حقا فاجعليها دوما وليس يوما
لقلبك وردة جورية
وفيض التقدير والتحية
اختكـ

Soul.o0o.Whisper said...

حنان الشافعى

حنوووون

طب ما تعرفينى على بنت خالتك دى؟؟
:)

ممكن ارفض التكليف
بس كدا مش هاقدر افتح صيدلية ليا بعد كدا؟؟؟!!..

بس لو حكمت يعنى أعتقد هأكبر دماغى فعلا


تحياتى يا قمر
ووحشانى

Soul.o0o.Whisper said...

هذه حياتى


و عليكم السلام و رحمة الله و بركاته

أنا عن نفسي مقدرتش أكمل الموضوع كله قراءة لأن الجرعة عالية قوي *

ربنا يكون فى عوننا فعلا
اذا كنت انت ماقدرتش تكمله قراءة
:)


القعدة فى البيت؟؟؟
نفكر فى الموضوع





دمت بود

Soul.o0o.Whisper said...

الجواز و سنينه


اممممممم اه ، الظاهر فعلا دا حالها!!..


if u r in england do as britsh do

??????????????
أنتى رايك كدا؟؟


الله المستعان




خالص ودى يا قمر

Soul.o0o.Whisper said...

arsenalwy


اه .. احنا و بتوع طس والله
غلبانين خالص خالص خالص يعنى
:)

الصيادلة؟؟
اعتقد يعنى كل الناس بتعمل كدا



يااااااااااااااااااااارب
دعواتك





دمت بود

Soul.o0o.Whisper said...

Nour

اللهم آمين يا جميل

ونورتينى بجد



يارب أشوفك دايما
:)



دمتى بود

Soul.o0o.Whisper said...

mohamed ghalia

يااااااااااااااااارب

واسطة؟؟!!..

الله المستعان


دمت بود

Soul.o0o.Whisper said...

Beram ElMasry

أستاذى العزيز
و عليكم السلام و رحمة الله و بركاته

أشكرك جدا على تعبك معايا
معلش

بس حقيقى مش قدرت أكمل القراءة للاخر
لانى مش قدرت اقرأ الكلام دا

ثانيا: أنا عندى كتاب من ربنا مأمورة إنى أؤمن بما فيه
و اعتقد انه لم يذكر مثل هذا أبدا

لذا لا داعى لذكره ، لأن في ذلك احقاقا لما ورد فيه


و مش قلت لى رأى حضرتك فى موضوع البوست؟؟!!...



خالص ودى

Soul.o0o.Whisper said...

Sweet Violet

سويتىىىىى
حمدلله على سلامتك يا قمر

و حمدلله على سلامة جدو
يارب يكون الوقتى افضل


كلمة مشى نفسك دى بقت كلمه عاديه جدا فى مصر *
فعلا

و طبعا معاكى ان الحق عواقبه اوقات بتكون صعبه جدااا*
جدا جدا

لكن بردو فى نفس الوقت لو كل واحد قال مش هقدر اكمل فى المكان علشان فيه غلط و مش هقدر اقول الحق يبقى كده الدنيا خربت على حق*

ايوا يا ضد
معاكى حق
أنا بردوا باقول كدا



دعواتك يا جميييل
ووحشانى
عاوزة أشوفك

Soul.o0o.Whisper said...

اسماء واحلام فى وجدانى

ربنا معاك يارب

و ييسر لك أمورك

امممممممممممممممم

س
و
س
ة
أوى



دى الكلمات المتقاطعة؟؟؟
هههههههههه

منور

Soul.o0o.Whisper said...

ايوشة

بصى انتى مش عايزة رضى ربنا ونيتك سليمة *

يااااااااااااارب اتمنى انى اكون كدا

اعتمدى على ربنا وزى ما قولتى سبيها على ربنا *

و نعم بالله

جربى مش هتخسرى اى حاجة لقيتى نفسك عرفتى تتاقلمى مع الوضع وانك مش هتعرفى تعملى الغلط كان بيها مقدرتيش ابئا اسمك جربتى بردو
واستخيرى ربنا فى الاول قبل كل شئ*

ان شاء الله حبيبتى
والله يا أيوش انتى كلامك زى العسل
و ريحنى اوى

ربنا يكرمك يارب حبيبتى

وحشانى



دمتى بود

Soul.o0o.Whisper said...

عاشقه الرومانسيه


:(

أيوا ان شاء الله
سايباها لله والله

مش هاقدر انصحك لان ده بعيد عن مجالى
بس قلبى معاكى*

ربنا يكرمك يا قمرة
و ما يحرمنى منك أبدا


معندكيش دواء كويس للمعده والنبى يااختشى؟
قولونى عصبى*

هههههههههههه
مانا قلت لك
قلتيلى أروح للدكتور
خلاص .. خلى الدكتور ينفعك
هههههههههههههههههههههههه






خالص ودى يا قمر

Soul.o0o.Whisper said...

فارس عبدالفتاح


أخى الفاضل /
من جهة كبير
فهو كبير


الله المستعان



دمت بود

Soul.o0o.Whisper said...

fashkool

عمو فشكول ...
الحمد لله بخير
أخبارك انت ايه؟؟

التأمين الصحى؟؟!!..
بيقولوا بهدلة اوى
:(


حاضر هأحاول اكون فى الصيدلية الرئيسية
الله المستعان

حاضر ..هأبطل رغى خالص
فعلا والله .. لا أملك إلا الدفاع

و ربنا ييسر الحال



ربنا ما يحرمنى منك و لا من نصايحك يارب
يا عمى العزيز




خالص ودى

Soul.o0o.Whisper said...

marmar


مرمرتى العزيزة

حاضر يا مرمر
أكيد بإذن الله هأستخير ربنا قبل أى خطوة

و حاضر يا حبيبتى
هأحاول أبطل تفكير شوية
:)

و ايه يا دكتورة دى؟؟
احنا مابينا الكلام دا!!..

خالص ودى يا سكرة

Soul.o0o.Whisper said...

د.خالدأمين

مدحدحين و مطاطاين؟؟!!..

يعني كدا كدا لازم تطاطاي ودانك وترفعي الشعار وتعملي زي ما الكل بيعمل والا هتاخدي علي دماغك*

لا والله

الكلام ده من خشم واحد صيدلي ابن لزين ومطاطا وعارف اللبه*
طب ما تعرفى عليه ينوبك صواب
ههههههههههههه

بس ما قلتليش انت رأيك ايه؟؟


دمت بود

Soul.o0o.Whisper said...

رابطه مدونون من اجل فلسطين

جزاكم الله خيرا يارب على الدعوة
و هأحاول أجيلكم فى أقرب فرصة

ربنا يكرمكم يارب



دمتم سالمين

Soul.o0o.Whisper said...

أحمد عمر

و عليكم السلام و رحمة الله و بركاته

:)
طيب خلاص آسفة
ماعدتش هأقول آسفة تانى
و إذا قلت آسفة تانى
يبئا أنا آسفة
هههههههههههههههههه

من جهة الكبر
فاعتقد انها اكبر من جهاز الكمبيوتر اللى باكتب منه اصلا
هههههههههههههههههه


اممممممممممممممم

ايه دا بئا؟؟؟
مفهمتش حاجة؟؟

قول دوغرى و طوالى
عشان ماعدتش فيا دماغ اقعد الف و ادور
:(



و دمت بود

Soul.o0o.Whisper said...

د. ياسر عمر عبد الفتاح

أنا أول مرة أسمع عن كمية المخالفات دى فى التكليف*

ياللا أدينى ماحرمتكش من حاجة

أنا رغم إنى لسه طالب بس أنا قديم جداً يعنى
وعمرى ما سمعت عن كل الحوارات*

يعنى ايه؟؟؟
اطمن و لا انت اللى مش فى الدنيا
:)

أنا عن نفسى لعد عمر طويل لو اتخرجت يعنى مش هستلم التكليف*

ايييييييييييييه ، التكليف علينا حق
:)



دمت بود
و بانتظارك دائما

Soul.o0o.Whisper said...

فارس عبدالفتاح

أخى الفاضل /
أهلا بيك مرة تانية


كان نفسي اعرف أيه الإستراتيجية التي تعتمد عليها وزارة الصحة في إدارتها ملف الأمن الاجتماعي ومن ضمنها الأمن الصحي وهو واحد من ضمن الموضوعات المهمة في الإستراتيجية العامة للدول تجاه المجتمع فكان أملي أن تشرحي هذه وما هو جدول اعمل هذه الإستراتجية وما هو التكتيكات المعتمدة من قبلة الوزارة والتي وافق عليه مجلس الوزراء والتي بالطبع توجيهات من الرئيس أو مكتب رئيس جمهوريتنا التي هي ليست بجمهورية*

ممكن تتكلم عربى؟؟
هههههههههههههههههه

معلش والله
بس فعلا مش فيا دماغ


بس بجد والله
ربنا يكرمك يارب

و حلولك كويسة جدا
بس أعتقد الحل التانى مقدم على الاول

لأن ربنا هيأ ليا الظروف دى
و حطنى فى الموضع دا
و طبعا بكل تأكيد " كل شئ بقدر"
و ربنا مش بيقدر شئ هباء

و عليه
فيكون الحل الثانى له الاولوية
فإن ضاقت الحال
فيكون الحل الأول


و إن شاء الله هآخد بنصايحك
لأنها فعلا مفيدة


لن نحرج من حالنا هذا إلا إذا احترم النظام نفسه وكذلك أفراد المجتمع لكي يكون مجتمع محترم وشعب يحب وطنة *


فعلا معاك حق


ربنا ييسر لنا الخير يارب





دمت بود

Soul.o0o.Whisper said...

فتافيت


فتفوتة الجميلة
انتى كمان وحشانى خالص

شركات الادوية؟؟
ربنا ييسر الحال


دعواتك بس ربنا ييسر الحال
:)




خالص ودى يا جميل

Soul.o0o.Whisper said...

ஐأروقـ الروح ـةஐ

هلا بيك يا جميل
و منورانى بجد

مدونة ذوق وستايلها ناعم و جميل*
ربنا يكرمك يارب

البني والبيج من أحب الألوان لنفسي والكتابة باللهجة المصرية المحببة للكل زداتها حلا*

انتى اللى كلك حلا والله

لا تتعبي أعصابك في هذه الأمور
أنا لم أجرب لكني من كلام الصيدلي الكبير لصديقتك انصدمت *

اه والله يا روقة
انا بردوا انصدمت

استخيري ربك مرةو2و3 و4
وتوكلي على الله فإن كان خيراً لك الإقدام على هذه الخطوة في حياتك فستجدين تسهيلات من حيث لاتحتسبين أما إذا تعرقلت في وجهك فاعلمي أنه لاخير لك في هذا المجال
وابحثي عن مجال آخر *

ان شاء الله يا جميلة
و دعواتك بئا ربنا ييسر الخير
:)

أقول لك اثبتي على قيمك ولو جلست في البيت فذلك خير من طرق أبواب تغضب الله عنك.*
بإذن الله حبيبتى
ربنا يثبتنا جميعا على الحق

إطلالتي الأولى ولن تكون الأخيرة بإذن الله*
خلاص مستنياكى

جزاك الله على طلتك العطره في مدونتي
سعدت بها حقا فاجعليها دوما وليس يوما*
جزانا و اياك
و إن شاء الله أكيد تلاقينى على طول عندك :)


لقلبك وردة جورية
وفيض التقدير والتحية*

(( وش مكسوف
اخجلتينى والله بفيض كرمك



دمتى بكل ود يا جميلة

Dr.Mohammed Gohary said...

السلام عليكم ورحمة الله وبركاته

دكتورة سول
آسف جدا عالتأخير
بس إعذريني والله الفترة اللي فاتت ما كنت بذور غير مدونات قليله جدا
وحاليا والله نفسيا تعبان شوية من جو التدوين

رجاء إلتماس العذر


خليني أقرأ الموضوع



المهم .. بعد فترة من محاولة الفهم ، أكتشفت انى نزلت الدليل بتاع السنة اللى فاتت ، و طبعا مطلوب منى انى انزل بتاع السنة دى ...عاااااااااااااااااااا ..

هههههههههههههههههههههههه
ههههههههههههههههههههههه
هههههههههههههههههههههههه
طاب وهما حاطينوووووووو ليييييييه أصلا عالموقع
هههههههههههههههههههههههههههه

------------------------------

"الدليل الخيالى ، لكل صيدلى مثالى" ..

الله
وربنا ينفع عنوان كتاب
ههههههههههههههههههههههه
هههههههههههههههههههههه
يلا ألفي كتاب بقا وسميه كدا
ههههههههههههههههههههههه

---------------------------------

يا سلاااااااااااااااام يا سلام .. ايه الحلاوة دى .. قول يا وزيرنا قول


قووووول قووووووول
قووووووووووول وطعمية
هههههههههههههههههه

--------------------------------

طبعا مش هأقول ايه الاستراتيجيات دى ، عشان اكيد كلنا عارفينها و حافظينها ، فمافيش داعى نضيع الوقت ..

هو الوزير اللي قال كدا ولا انتي؟؟؟؟؟؟

أكيد الوزير قال كلام زي الفل
هههههههههههههههههه
وطبعا ما قريتيهووووووش أصلا
هههههههههههههههههههههههههه

------------------------------

ليلة واحد فى الشهر العربى

ههههههههههههههههههههههه
ههههههههههههههههههههههه
بدر يا خوااااااااتي
ههههههههههههههههههههه
هههههههههههههههههههههه
هههههههههههههههههههههه

--------------------------------

أى نعمن ..اى نعمن .. لتقديم افضل خدمتن ممكنتن .. و تحيا مصر ، و تسقط اسرائيل ...هههههههههههههههههه


يا سوووووول
والنبي هاتيلي اتنين طعمية وواحد بورجر من الراجل داااااا
أصله كلامو زي الفل

قال وسائل الاتصالات قاااااال
ايه هتشتغلوا في موبينيل؟؟؟؟

----------------------------
ختاماً فإن الاهتمام بالمريض المصري وحسن استقباله ومعاملته المعاملة الطبية هي الغاية والمقصد حتي نواصل العمل معاً لإعلاء شأن الصيدلي في مصر ولكي نحافظ علي المكانة التاريخية لمصرنا الحبيبة "

وهنطلع عنيكوووووو بالضرايب
هههههههههههههههههههههههه
ههههههههههههههههههههههههه

--------------------------------

و طبعا بعد كلام السيد الوزير .. ربنا يعلى مراتبه كمان و كمان

كدا سريرووووو هيخبط في السقف
ههههههههههههههههههههه
هههههههههههههههههههه

هو وزير
هيعلي مراتبه يروووووووح فيييييييين.؟؟؟؟
هيبقا ريس؟؟ ما يقدرش
الريس متقال يناولوووووو في بوزووووووو لو فكر

--------------------------------

طبعا تحتل صدارة الجهات دى بجدارة فى كل السنين تقريبا .. " هيئة النقل العام بالقاهرة" ؟؟؟؟؟ .. أكيد عاوزين صيادلة يعطوها حبوب مسهلة لتسهيل الحركة بها .. حيث انها تعانى من تقلصات و امساك مزمن !!


آآآآآآآآه
هههههههههههههههههه
تعرفي بقوا بيدو الأتوبيسات أقراص نصار
وبيكولاكس نقط في التانك بتاع السولار
وفي الشكمان بيدوها حقنة شرجية
ههههههههههههههههههههه

وبرضوووووو الحركة واقفة
ههههههههههههههههههههه

---------------------------------

و طبعا كنت أول مرة اسمع عن " الهيئة القومية للرقابة والبحوث علي المستحضرات الحيوية " و " الهيئة القومية للرقابة والبحوث الدوائية " .. يا راجل ، و الهيئات دى تفصيل و لا جاهز؟؟


ايه دا
متعرفيش الحاجات دي؟؟؟؟
وصيدلانية ازاي؟؟؟؟
دول زي
نقابة قشر الفول التابعة لوزارة الطعمية ومقرها عربية عم محمد بتاع الفول في رمسيس

-----------------------------

و بردوا طالبين صيادلة لـ " معهد بحوث الحشرات " .. اممممممممم ، و ياترى العهدة فى الحالة دى ايه ؟؟ اقراص ؟؟ حقن؟؟ لبوس؟؟ مراهم و كريمات؟؟

ههههههههههههههههههههههههه
العهدة
صورصارين

ههههههههههههههههههههههههه
وعلبة بيروسول فاضية

------------------------------

و طبعا انشكحت اوى لما قريت " أمانة المراكز الطبية المتخصصة مستشفي .... " ، أصلى ما سمعتش أمانة دى إلا فى حاجتين بس فى حياتى .. أمانة الحزب الوطنى ،و أمانة المرأة ... فالحمد لله الامانة امتدت لنا فى أراضى الوزارة المهيبة .. حمدلله ع سلامتها : )


لا لا لا

في أمانة عليك اقرالي الفاتحة
بنقراها عالمقابر
ههههههههههههههههههههه

--------------------------------

و فى بردوا " صدر وحساسية امبابة " .. يا شييييخ ؟؟ هى امبابة بئالها صدر و حساسية؟؟ يااااااااه ربنا معاها ، و يارب متوصلش المنصورة .. مش ناقصين حساسية والله ... عندنا ربانى ..

هههههههههههههههههههه
وفي شعر صدر الزقازيق
ههههههههههههههههههههههههه
هههههههههههههههههههههههه

حلوة رباااااااني دي
فكرتيني بمبروك أبو العلمين حمودة

-------------------------------

و طبعا الحمد لله إن الدليل السنة دى خالى من السجون ... اه والله .. بتاع السنة اللى فاتت كان تقريبا كل السجون طالبة صيادلة ... تقريبا اللى كانوا موجودين قضوا الفترة و طلعوا .. الحممممممد لله

مالها السجووووون
شغلها عسل
كلها مراهم ديرماااااا
هههههههههههههههه
شغال
أنتي هيستامينك
وبولي ديرم وكوادري ديرم وماشي الحال
ولو أن نوون جيف كورتيزووون

----------------------------

المهم امبارح بئا ،و انا قاعدة مع صاحبتى انتيمتى

عاشت الأسامي
ههههههههههههههههههه

------------------------------

...

طبعا انتى عندك تذاكر المرضى متسجلة عندك و محتفظة بيها ، تقومى على كل تذكرة ، ضايفة امبولة من دول ، هما مااخدوهاش و لا اتصرفوا أصلا ، بس دى عهدة و هتتسألى عنها ، ولو فى نقص طبعا هتتعاقبى فيها ... و دا طبعا بتعمليه بالاتفاق مع الدكتور المسئول


أومااااااال يعني تتشخرمووووووو
ماهو دا النظام
لأن وارد جدا أمبولات تتكسر
ميييييين يتحاسب؟؟؟
الممرضة اللي بتقبض ملاليم ولا الصيدلي اللي غلبااااااان ومقضيها مصاريف على حسابه؟؟؟؟

------------------------------

تفتحى تلاقى اتنين كويسين و التالتة محطوط فيها اى حاجة .. حتى ممكن تلاقى قالب طوب ..

عادي عادي
لو حصل كدا لمي قوالب الطوب
لحد ما تجمعي مقطورة
وكلميني هشوف حد يشتريها
دي بـ 800 جنيه باين
ههههههههههههههههههههههه

-------------------------------

لا ، ماهو انتى اللى هتضرى فيها ، لانك ماضية على العهدة دى و انك استلمتيها ، يعنى لو قدمتى شكوى او بلاغ انتى اللى هتتحطى فيها


مش بقولك؟؟
هتتشخرمي
هههههههههههههههههههه

------------------------------

و بعدين ممرضة جت طلبت منك سرنجات ، علب دوا ،كدا يعنى ... عشم لنفسها ، بردوا صرفى امورك ، و اديها ،هى لسه هتروح تقطع تذكرة بـ 3 و لا 4 جنيه ؟؟ مشى أمورك عشان يحبوكى ..



الراجل دا بيتكلم كلام زي اللوز
هههههههههههههههههههههه

اسمعي الكلااااااام ومتقاوحيش
هههههههههههههههههههههههههه


-----------------------------

بصى أنا شايفة ان البيت بيشدنى .. يا ستى أنا اتجوز و اقعد فى البيت ، بلا عهدة ،بلا بتاع ، مالها القعدة فى البيت ؟؟


أنتيمتك بتقووووول كلام زي الفل
آه وربنا
ههههههههههههههههههههههههههه

-----------------------------

بجد تعبت .. و حاجات كتير جت فى دماغى ، و قصص كتير اتحكت لى ، و مواقف شفتها .. بجد كله صعب ،صعب .. بجد عاوزة نصيحة حد مجرب ، و اللى عنده خبرة ياريت مش يتأخر عليا ...

لا والله أنا مش مجرب
بس ممكن أقولك
ان الخير في أي مكان بيتهاجم وليه أعداؤه

بصي الفيصل
في أي موقف
تخيلي ان رسول الله صلى الله عليه وسلم قدامك
هل لو شافك وانتي بتعملي الموقف دا هيبقا مبسوط؟؟؟؟
لو حسيتي انه هيبقا مبسوط اعمليه واتطمني
ولو مش هيبقا مبسوط ما تعمليهوش ولو هتتسجني أو هتموتي بسببه

تحياتي
وربنا معاكي