الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Mar 24, 2009

لـسـت أدرى ؟؟.... تحديييث

تحدييييييييييييييييث : يا جماعة أنا بأشكر اللى ضاف مدونتى لتدوينة دوت كوم ، و بأشكر ميشيل حبيب و فريق عمل الموقع على التنبيه
هتلاقو المدونة هنـــــــــــا



لست أدرى ...

لكننى أعيش تلك الحالة منذ أيام ... ماهى؟؟!!

لست أدرى أيضا !!


حتما ليست حالة يأس او قنوط ...

ربما هى حالة الأمل الضائع ، أو الغائب ...

حالة التمنى فيما قد يكون بعيدا ... لكنه حتما ليس محالا ...



أشياء كثيرة جعلتنى .... حائرة ؟؟ ربما !!

حزينة ؟؟ ربما !!

لكننى يقينا أشعر بالأسى ...


حينما أدركت أنى أعيش عالما من الخداع ...

عالما من الأمانى ، مع عدم القدرة على التحقيق ...

عالما من الأحلام التى لابد أن تُترك قسرا فى طى النسيان ...


و علينا أن نمحى مُثُلنا من واقعنا .. و أن نعيش و نبتسم ...

بل و نأمل فى الحياة ...



لم أعتد يوما أن أعيش لذاتى ،

و لم أرد يوما أن أعيش لها ..


فالحياة دائما أكبر من أى شخص ... و لن تنتظر يوما أحدا ليلحق بها ...

بل نحن من علينا ان نسرع لنجاريها ...


و لكن ... ما كان يشغلنى دائما ... هل نحن من نصوغ الحياة ؟؟؟

أم هى التى تصوغنا ؟؟



و تنطعنا و تفلسفنا .. و أن من يريد أن يحيا ، فلابد أن يصوغ الحياة ...

ثم عندما وُضعت فى أولى محكات حياتى ...

أدركت أن الحياة هى التى تصوغنا ...

هى التى ترسمنا ...

و نحن ... ما إلا ألوان تنقشها كيف شاءت ...

دون ان نعترض !!! .. بل حتى لا نعطى لأنفسنا حق الاعتراض !!!



أكره كونى أداة ... بلا رسم ، بلا عنوان ...

فقط .. أنتظر دورى لأنقش فى لوح الحياة ...


أتمرد ؟؟!!.. ربما ،

أتمنى من صميم قلبى أن أتمرد ..

أن أصرخ ... أن أثبت ذاتى ..

أن أقول لا ... إننى لست ضمن ألوانك ايتها الفرشاة ..


بل أنا فرشاة لذاتى ... أنا لوح لألوانى ...

لست أرضى بكِ قائدا أو حليفا ...



نعم ... وددت لو تمردت .. لو صرخت .. و لكن !!!

سأكتفى بدور الدفاع ... فلست أقوى على الهجوم ...

لست أملك عدة و عتاد ..

لكننى أملك نفسى ، لا وسيلة للدفاع ...

و لكن ... كيان أدافع عنه ...


نفسى التى أحيانا ماتصرعنى ...

لكننى أؤمن بما تؤمن به ، و أحيا لما تعيش له ...



أرفض أن أعيش حياتين ... حياة لما أريد ، و حياة لما أعيش ...

لا أستطيع أن أعيش متفرقة ، مبعثرة ... أحيانا هنا ، و أحيانا هناك ...


سأعيش حياة واحدة ... و ليكن ما يكون ...

و قد أخترت أن أكون ، فلست أرضى بأحد واصيا علىّ إلا أنا ...

فأتمنى أن أكون كما أريد ...



82 comments:

عاشقه الرومانسيه said...

حجززززززززززززز
اول تعليق
ل
عاشقه الرومانسيه
وااااااااااااااااااو

عاشقه الرومانسيه said...

والتااااااااااااااانى احتياطى
هههههههههههههههههههه

Soul.o0o.Whisper said...

هههههههههههههه

مافيش فايدة
اللى بأعمله فى الناس
بيطلع عليا

..........



طب ياللا
مستنية

عاشقه الرومانسيه said...

والتالت واروح اقرا
وارجع فريره

Soul.o0o.Whisper said...

ههههههههههههه

و التانى

لسالك التالت و ........




لالالالالالا
هتدفعى الربع جنيه
هههههههههههههههههه

عاشقه الرومانسيه said...

من اعمالهم سلط عليهم

Soul.o0o.Whisper said...

طيب هاتى الربع جنيه معاكى و انتى جاية



اوعى تنسى

عاشقه الرومانسيه said...

ده انا اخد منك ربع جنيه مسيطاكى على المدونه اهو وعامله معاكى احلى شغل
ههههههههههههههههه

Soul.o0o.Whisper said...

يا بنتى بلاش لعب



ياللا روحى اقرئى الاول




ياللا بعد كدا فى جمارك

Soul.o0o.Whisper said...

ههههههههههههه

مانتى خدتيه المرة اللى فاتت

هو كل مرة



على العموم اتفاهمى مع اللى هياخد المركز التانى


يعنى مرة كدا و مرة كدا

عاشقه الرومانسيه said...

انا المركز الاول والاخير بلا منافس

والربع جنيه هاخده هاخده ولو زوتديها معايا هيبقى 75 قرش

Soul.o0o.Whisper said...

المركز الاول بلا منافس طبعا


و الربع جنيه!!!..

أنا ساكتة خالص

ماليش دعوة


اتصرفوا مع بعض


ههههههههههههههه





فين التعليق؟؟؟


الصفحة خلصت و لسه معلقتيش!!!..


صبرنى يارب

عاشقه الرومانسيه said...

أعيش تلك الحالة منذ أيام
..............
وانا كذلك
اعيش هذه الحاله
حالة الأمل الضائع ، أو الغائب ... حالة التمنى فيما قد يكون بعيدا ... لكنه حتما ليس محالا
عرفتى تخترقى قلبى بكلماتك وتعبرى عنى

عجبنى جدا تشبه الفرشاه والالوان

وفكرتينى بسؤال مهم
الانسان مسير ام مخير؟

عندك رد؟

Soul.o0o.Whisper said...

عاشقة حبيبتى

أولا الحمد لله ان كلماتى وصلتك

و هأجاوبك على سؤالى على اد فهمى
و يارب يكون صح ...

بصى يا جميل

بصى يا دودو

واحد مننا و احنا فى تالتة ابتدائى
والله فكراها

سأل الاستاذ
قاله هو الانسان مسير و لا مخير؟
و لما ربنا كاتب عنده كل شئ فى كتابه
خلقنا ليه فى الدنيا؟

قام الاستاذ قاله
بالظبط لما ييجى المدير يطلب من الاستاذ كشف درجات لطلاب الفصل

يقوم الاستاذ لانه عارف كل طالب عنده
يحط له درجة

يقوم المدير يقوله انت امتحنتهم؟

يقوله لا .. بس انا عارف مستوى كل واحد فيهم

يقوله لا ..امنتحنهم بردوا

يقوم يمتحنهم
تطلع الدرجات زى ماهو حاططها بالظبط

يعنى حياتنا يا حبيبتى شاهد علينا

و عشان كدا
الرسول صل الله عليه و سلم
قال عن ربنا-عز و جل-
" أنا عند ظن عبدى بى"

الواحد مايقعدتش يستنى و يقول لو ربنا رايد هأكون

لا

أنا ليه ماقولش ربنا أكيد كاتب لى حاجة حلوة
و أمشى فى الحاجة دى

لو وقفت
او مش جت زى مانا عاوز
يبئا خلاص
ربنا مش كاتبها ليا

انما مش اقعد فى مكانى و استنى
فاهمانى...؟؟

عشان كدا تقريبا سيدنا على لما أتسأل ما الايمان؟؟

قال ايه؟؟
ما وقر فى القلب و صدقه العمل

يعنى لازم تقوم و تتحرك و تعمل اللى نفسك فيه

و مدام حق
يبئا خلاص ثق ان ربنا معاك

حاجة وقفته
يبئا ربنا مش كاتبها لك
فهمتى حاجة؟؟


يارب أكون قدرت اوصللك اللى فاهماه

و خالص ودى يا جميلة

mohamed ghalia said...

سأعيش حياة واحدة ... و ليكن ما يكون ...

و قد أخترت أن أكون ، فلست أرضى بأحد واصيا علىّ إلا أنا ...

فأتمنى أن أكون كما أريد ...
هو ده أفضل قرار
حقيقى كلماتك روعة
تسلم إيدك

Soul.o0o.Whisper said...

mohamed ghalia

يسلم مرورك الجميل

و فعلا الواحد لازم يعيش نفسه
و الا كدا يبئا بيعذبها




دمت بكل ود

رحلتنا في الحياة said...

أرفض أن أعيش حياتين ... حياة لما أريد ، و حياة لما أعيش ...

لا أستطيع أن أعيش متفرقة ، مبعثرة ... أحيانا هنا ، و أحيانا هناك ...




سأعيش حياة واحدة ... و ليكن ما يكون ...

و قد أخترت أن أكون ، فلست أرضى بأحد واصيا علىّ إلا أنا ...

فأتمنى أن أكون كما أريد



ياااااااااااه انتى قولتى كل اللى بفكر فيه فى اللحظة دى زى ما يكون البوست جالى نجدة
بس انا مش هعرف اعيش الى اتمنه هسيب نفسى للدنيا تصوغنى زى ما هى عايزة وزى ما الناس عايزة:(
بجد تسلم ايديك بوست تحفة تحفة واسمحيلى احفظه عندى وهروح اقراه تانى

mohamed said...

أبنتى
أولا
هل الانسان مسير أم مخير ؟
حياة الانسان مثل جمله بين قوسين
القوسين
هما ما قدر له
من حياه أو موت
من صحه أو مرض
من رزق
وكل تلك الامور المقدره عليه
وأسمحى لى أعطيك مثلا
الرزق المالى
--------
كم الرزق المالى مقدره من الله
السؤال هنا -ولماذا نسعى على أرزاقنا
طالما هو أتى لنا؟
أختيارتناهى:-
هل نبذل الجهد اللازم
هل نحصل عليه حلال أم حرام
هل نصرفه فى حلال أو حرام
بذل الجهد لأكتسابه يحدد مدى البركه فيه
مصدره
مصرفه
لا أحد على الاطلاق يستطيع منع الرزق
فلوكان حلال
منع الله عننا أوجه أنفاق مثل المرض
أو الصرف فى أوجه تغضب الله
أما لو كان حرام
أنفتح علينا أبواب
الشهوات
بارك الله فيكى
كونى كما تبغى أن تكونى
كونى أنتى الرسام
ولاتدعى لاحد أن برسم لوحتك
فأنتى فقط من ستحاسبى من الله
كيف أكتسبتى رزقك
بارك الله فيكى وعليكى وحفظك من كل سوء

واحد من الناس said...

لكن ... ما كان يشغلنى دائما ... هل نحن من نصوغ الحياة ؟؟؟ أم هى التى تصوغنا ؟؟

سؤال صعب أوي

بيتهيألي هي صياغه مشتركه ، الحياة لا تعطي أحدا كل شيء ، ولا تحرم أحدا كل شيء

وكل من عمل لا بد أن يجد نتيجة لما عمل حتى ولم تكن النتيجه التي يتمناها


بوست رائع

تسلم إيدك

Dr.Mohammed Gohary said...

ايه دا كولوووووو

زباينك كتير بسم الله ماشاء الله
أنا ما بحسدش
أنا بحقد بس
هههههههههههههههههههه

خليني أقرأ الموضوع

-----------------------------------
و لكن ... ما كان يشغلنى دائما ... هل نحن من نصوغ الحياة ؟؟؟

أم هى التى تصوغنا ؟؟

مش عارف كل يوم بكتشف فيكي ميزة جديدة
مش لازم أقولك هيا ايه

---------------------------------




أكره كونى أداة ... بلا رسم ، بلا عنوان ...

فقط .. أنتظر دورى لأنقش فى لوح الحياة ...




كووووووول دا من التكليف
يخربيت كدا
قدمي استقالتك
انجزي
هههههههههههههههههههههههه

--------------------------------

بل أنا فرشاة لذاتى ... أنا لوح لألوانى ...

حلو التشبيه دا
جديد
بس بلاش حوار أنا لوح دي
أحسن تتلوحي
هههههههههههههههههههههه

--------------------------------

سأعيش حياة واحدة ... و ليكن ما يكون ...

و قد أخترت أن أكون ، فلست أرضى بأحد واصيا علىّ إلا أنا ...

فأتمنى أن أكون كما أريد ...



ونتمنى تحققي أحلامك
ونسمع عنك كل خير

كالعادة
لا تعليق

تحياتي

sakayar said...

Soul.o0o.Whisper
جميل عدم الاستسلام
وجميل أن نقرر تحديد الهدف والمصير والوجهة
ومين غيرنا هيحددلنا حياتنا؟
كان فيه حاجة قرأتها ف أحد كتب التنمية البشرية على العالم العربي واتخاذ القرار.. وقال ان المشكلة في الوطن العربي إن أغلبنا بيتربى بطريقة غلط فمش بنعرف نتخذ القرار ... سواء ف البيت والأب والأم اللي راسمين أحلام لأولادهم فمش بيخلوهم يعملوا غير اللي رسموه ليهم ... وف المدرسة لما يلاقوا طفل مبدع غالباً مش بيلاقي تقدير لابداعه ده أو مبيساعدوهمش في اتخاذ اي قرار ... فتطلع للمجتمع متأثر بآراء ناس غيرك ومتعرفش وقتها تتخذ قرار فتبدأ تشوف أصحابك اللي بياخدوا قرارات وتمشي وراهم

لكن الحقيقي إن حياتنا المفروض إحنا اللي بنطوعها لينا وبنرسمها لينا رغم كل ده... ممكن نتعرض لبعض الآلام والابتلاءات ... وممكن نتعامل كرد فعل ف بعض المواقف ... لكن الصح إننا بنستفيد ف كل مواقف حياتنا خبرة من أول القرار الخطأ ... فكل دي تجارب بتخلينا نقدر نتخذ قرارنا الصح
والأهم ف كل ده .... نخلي النية بتاعتنا لربنا
قل إن صلاتي ونسكي ومحياي ومماتي لله رب العالمين

سأعيش حياة واحدة ... و ليكن ما يكون ... و قد أخترت أن أكون ، فلست أرضى بأحد واصيا علىّ إلا أنا ... فأتمنى أن أكون كما أريد ...

خاتمة إيجابية جميلة
دمتي في سعادة وتوفيق من الله

Hanan Elshafey said...

أكره كونى أداة ... بلا رسم ، بلا عنوان ...

فقط .. أنتظر دورى لأنقش فى لوح الحياة ...



كم أكره هذا الدور
برغم حزن وبعض غضب الكلمات الا انكي في التعليقات اوجدتي الحل بنفسك واجبتي عن جميع تساؤلاتك



ودي

حلو المرار said...

ومن منا يدري
لكن اصدقك القول
احترت
تساءلت معك
ما انا
هل مجرد لون
ام انني يوما ساكون الفرشاة

تحياتي لك ايتها الرائعه
وانتظر زيارتك بمزيج من فارغ الصبر وحر الانتظار
تحياتي

arsenalwy said...

ازيك يادكتورة

فى رأيى ان احنا اللى بنوجه الحياة للحاجه اللى احنا عيزينها

كل واحد مننا بتجيله حالة الملل دى بس نصيحة من اخ اول ما الحالة دى تجيلك حاولى تغيرى اللى انتى بتعمليه روحى جمعية خيرية روحى قضى يوم عند حد من قرايبك

اى تغيير

ابقى طمنينا على اخبارك وان شاء الله تبقى زى الفل

فارس عبدالفتاح said...

بصي يا سول

وعلى قدر كلامك من غير تنطع ولا فلسفة

أنا قراءة النص أو الموضوع أكثر من ثلاث مرات ويتلخص في عدة كلمات هي كل التالي :

(( في حركة الحياة كلها هو الصراع بين ما هو كائن وبينما يجب أن يكون ... والعقبات رواسب ))


وعلى فكرة هناك فرق بين التالي والآتي

المهم

يتهمني كل من يعاملني باني أو يعاشرني معاشرة سطحية أني غليظ الطبع خشن المعاملة متهور في كلامي

وهذا خطأ جملة وتفصيلا

طبعاً ليس من منطلق أني أعاني من مرض نفسي يبرر لي أفعالي وتصرفاتي وردود أفعالي الخاطئة على أنها صواب

بل بوعي كامل بما افعل وبما يفعله الآخرين في معاملتهم لي وتعاملهم معي

تجدين الإنسان الذي أمامك يتكلم بالمثل العلي والمبادئ التي لا يتخلف عليها اثنان ويحاول بل ويجتهد بان يجعلك مسلوبة العقل والإرادة والتفكير وإذا استطاع أن يفقدك الكلام أيضا حتى لا تستطيعي أن تناقشي أو تتكلمي أو تعبري عن نفسك في مواجهته أو في أمر يخصه يريد أن يستحوذ على كل شيء وبكل الوسائل ولا يرى أن هناك إنسان آخر موجود معه في هذه الدنيا وهذا العلم يريد


بل أصبح الاستحواذ وحب السيطرة على أي شيء مرض منتشر في جميع أنحاء العالم كله في المجتمع البشري ككل من القطب الشمالي إلى القطب الجنوب من أقصى بلاد الشرق إلى أقصى بلاد الغرب أصبح هوس

وهذا أمر طبيعي في النفس البشرية إذا ما أصابها الخوف من المستقبل وعدم القدرة على الفهم والوعي والإيمان الحق بالله سبحانه وتعالي


وأنا أيضا أحيانا أعاني من هذا الأمر وليس دائما

اههههههااههههها

فيظهر هذا جيلين في تحركات أعضاء الإنسان أثناء حديثك معهم وما يطرأ عليهم في تعبيرات وجوههم وفي حركات أيديهم في ردت فعالهم اللاإرادية في إحدى قدميه بان يحركها بطريقة سريعة وعنيفة لا يلحظها إلا الذي لدية وعي بما يحدث حوله بدقة ووضوح .

اهههاههها

أنا دخلت في علم النفس والاجتماع وبين مش هنخلص النهارده الموضوع كان كلمتين أصبح مواضيع اهاهههههههههاهههههههها

معلش والله العظيم مكنش قصدي ان اكتب كل هذا ولسه البقيه تأتي اهههههههههههاااها انا هموت على نفسي من الضحك



المهم


حاولي أن تحمي نفسك دون أن تضري بالآخرين حتى ولو كانوا يستحقون الضرر حاولي أن تحترمي عقلك بان لا يستخف احد بعقلك حاولي أن تجدي رزقك دون أن تخسري كرامته وشرفك ( سمعتك ) حاولي حاولي حاولي

في حركة الحياة كلها هو الصراع بين ما هو كائن وبينا يجب أن يكون والعقبات رواسب

فشكووول said...

سول الحبيبه
تحياتى
احترت من بوستك وحيرتينى فيما تريدين
ولذلك سيكون ردى بكلام يحيرنى اولا ويحيرك ثانيا
لانه لا شيئ مؤكد .. وكل شيئ افتراضى حتى يتأكد
تصنعين الاقدار .. ثم تصنعك الاقدار
فانت صنعت قدرك وصممت على دخول كليه كبيرة واخترت قدرك فى اتجاه معين بتصميمك وجديتك فى صناعة هذا القدر ونجحت فى الاختيار وصنعت قدرا خاصا لك
وعند المحك تجدين نفسك تصنع لك الاقدار وبدون اختيار ولكن فى البدايه انت صنعت الطريق الذى يكون فيه اختيارات قدرك واختار لك غيرك
وقد اخترتى ان تكونى ولم ترضى باحد وصيا عليك الا انت وتتمنين ان تكونى كما تريدين . وقد تكونى كما تريدين وقد تكونى كما لا تريدين فهو برضه اختيارك
ارجعى كثيرا كثيرا الى الماضى السحيق ... الى حياة الزر ... عندما اطلع الله سبحانه وتعالى على سيناريو حياتنا كلنا المحكم والتى اخترناها وكتبها علينا باختيارنا وليس باجبارنا عليه ... وعندما سألنا الله تعالى وقال لنا الست بربك؟ ... قلنا جميعا بلى .. وتركنا لاختياراتنا التى تصنع اقدارنا
حتى لو كان قدرك كما لا تريدين ... اجعلى منه قدرا كما تريدين .
ما اريد قوله انك من الثانويه العامة اخترت قدرك ومشوارك وتبعا لهذا الاختيار ... ومن القدر اقدار

طبعا ما انتش فاهمه حاجه ... كمان انا مش فاهم بقول ايه ... لكن هى اشارات ... قد تريحك ... ولازم تريحك .. والا فاصنعى لك قدرا ربما يكون غير مريح
يعنى انت كاتبه بوست عشان حد يريحك ... اقوم انا ارد عليك والخبط فى الكلام ومش اريحك .. ما هو يا بنتى الحياه كلها بما فيها غير مريحه..ز لقد خلقنا الانسان فى كبد
صدق الله العظيم

زمانك بتقولى يا ريتك يا عم فشكول ما رديت
سلام بقى

فشكووول said...

الى عاشقة الرومانسيه
يا بنيتى الانسان مخير
اقرأى التعليق بتاعى وانت تعرفى انه مخير
لان ما هو مكتوب علينا كتبه الله زمان عندما رأى اعمالنا .. فكتبه عنده ولو رأى اعمالنا غير لكتبه غير
هذ كلام الجبريه والمعتزله فلا تخوضى فيه كثيرا وخلاصته ان الانسان مخير
تحياتى يا عاشقه

حسام غانم said...

الله

هو كل الناس بقت حزينة ومحبطة كده ليه ؟

オラアルス said...

يافرحه ماتمت

وانا فاكره أول وحده حترد
هههههههههههه
لئيت وحده حاجزة تلات مقاعد

لالا مش حسمح بعد كدا
ههههههه

أنا حقرا البوست وراجعه تاني ياعسل:)

ايه رأيك نتفق على الأخت عاشقه الرومانسية وأول ماتنزلي البوست تديني خبر على طول واحجز رد ههههههههههه
ياويلي منها>>>مجرمة أناهههههههه

سلام بئا ياجميله^_*

adel said...

لا اله الا الله

ياجدعان يابشر هو كده

ليه نكتئب و نغم نفسينا

انت تشغل دلوقتي احمد عدوية
كرشنجي دبح كبشه
و اضربي واحد لمون سكر بره
و سيجارة مجشية
اي حاجة ان شاء الله زبيب و جوز هند
و بعد الدماغ دي

ااقفي علي سور البلكونة
و خلي حد من وراكي يخضك
و اابقي ادعيلي

ههههههههههههههههههههههه

blue-wave said...

غرقتى فى الإسئله
ولا مجيب

صوت من مصر said...

حاله بعيشها وبيعشها كل شاب مصرى
لاننا مصريين يبقى عندنا لا مباله تجاه البلد وتجاه انفسنا لا احنا العكس بس زى المثل احنا بلون مليان وهينفجر

محمد said...

أبنتى الرائعه
حفظك الله تعالى
عمو محمد

من غير عنـــوان said...

يسلم عقلك وقلمك وفرشاتك وألوانك

أتخيل أنه:
أنا أفكر إذن أنا موجود

وقد ميز الله تعالى الإنسان بالعقل

وبدونه نصبح...... كائنات

وأتخيل أيضا أن هذا التفكير عندك هو من يولد إبداعات

أمنياتي

رؤية said...

انت حى
ولا عايش؟

سؤال محتاجين نرد عليه بصدق

حاولى تكونى الاولى مش التانية ابدا
لانك حتما هاتخسرى عمرك لو كنتى التانية

تحياتى

Darsh Basha said...

كالعادة..كالعادة

انا اخر بوست
ولكن فعلا الموضوع جميل ورائع
وطبع مقدرش اقولك كلمة واحدة
بعد الردود..الجميلة اللى سبقتنى
فانا اكتفيت بقراة الموضوع والردود

ودمت بخير

Darsh Basha said...

اة نسيت معلش
انا كنت عاوز انوة لشئ

تفسير كلمة الحياة...
فى اعتقادات الناس..ان الحياة هى الدنيا التى نعيشها

ولكن التفسير الصحيح لها
الحياة هى التى نحيا فيها..يعنى الدنيا جزء من الحياة..ولاخرة اكبر جزء من الحياة
والحياة التى عشنها قبل ان نأتى الى الدنيا..طبعا محدش فاكر عنها
اللى الفترة اللى ررنا خد فيها الميثاق على الانسان..فى ان يحمل الامانة
كما قال الله تعالى"ان عرضنا الامانة على السموات والارض فأبين ان يحملنهاواشفقنا منهاوحملها الانسان"

فالانسان حمل الامانة ..بعد عرضها علية..كما عرضت على السموات والارض..وذلك لعدل الله عز وجل

وتسمى ترة الميثاق

وكذلك من الممكن ان نسمى الموت حياة
فهى حياة برزخية..ولكن لايعرف عنها شئ الا الله

د/على خميس said...

السلام عليكم و رحمة الله و بركاته
نقاط على طريق الحياة:
1-الإنسان مسير مخير ... أو مخير مسير فالحياة مزيج من الأحداث المفروضة و القرارات و الأفعال المكتسبة
فمن قال أن الإنسان مسير فليجلس على كرسيه ثم إن عطش لينتظر الماء يأتيه و لا يقوم له و من قال أن الإنسان مخير فقط فليختر لنفسه موعد ولادته أو موته أو مرضه
2-ما دور الإنسان فى التعامل مع هذه المعادلة :
أن يفصل قلبه عن جوارحه بمعنى أن يتعامل القلب مع الدنيا على أنها تسيير فيبقى راضيا فى كل حال و كأن ليس فى يده شئ و أن تتعامل جوارحه مع الدنيا غلى أنه مخير فيبقى يعمل و يكدح و يناضل و يجاهد و كأنه يستطيع تغيير الدنيا بأكملها
3- قال الله تعالى: إنما نبلوكم بالشر و الخير فتنة و إلينا ترجعون
هذه هى الحياة .....اختبار و امتحان
أيوجد امتحان قط بلا أسئلة صعبة؟؟؟؟
و هل يستوى امتحان دكتوراه بامتحان كى جى
فمن يرد الدرجات العليا فعليه أن يستعد للإختبارات الصعبة و من رضى بالدركات السفلة فعليه الإنشغال بالهروب أو الإعتراض على صعوبة أسئلة الإمتحان
و فى الأخير فكل الدنيا تهون فهى لا تساوى عند اللله جنهح بعوضة و لكن يجب علينا أن نجد فيها لكى نعبدها لله بكل ما استطعنا من قوة و عزم

د/على خميس said...

مش عارف اللى عايز أقوله وصل زى ما انا عايز و لا لأ أرجو الإستيضاح لو كان كلامى مش واضح
يعنى متفوتش الرسالة كدة و تقول الراجل ده بيهرتل و مش عارف هو بيقول إيه لأنى عارف أنا عايز أقول ايه لكن قد لا استطيع أن أوصله جيدا

كلام على بلاطة said...

ظلمــــــناك يا شيــطان ونسبـــنا بلاوينا اليك
وفى الواقع شـــرورنا زادت وتفوقــــــت عليـــك
فانت توســـــــوس ونحن نفـــعل اكتر من عمل يديك
فهل تتســاوى جرايمنا بما تفعله من تحريـــض وتحريك
لا لا :فنحن نريد شــرك ونوده ونقتـــدى بيـــــك
لتكون شماعتنا وطريقنا للهروب كالابواب والشبابيك
وان لم تكن موجودا لوجدناك فلا غــــنى لنا عنـــك
فقد كنــــت قدوتنا ومعلمنا فى الشر وبناخد منك
ولكن سبقناك يا معلم بحكــــــم شبابنا وكبر سنك
مرسلة بواسطة كلام على بلاطة في 10:18 ص 0 التعليقات

كلام على بلاطة said...

ظلمــــــناك يا شيــطان ونسبـــنا بلاوينا اليك
وفى الواقع شـــرورنا زادت وتفوقــــــت عليـــك
فانت توســـــــوس ونحن نفـــعل اكتر من عمل يديك
فهل تتســاوى جرايمنا بما تفعله من تحريـــض وتحريك
لا لا :فنحن نريد شــرك ونوده ونقتـــدى بيـــــك
لتكون شماعتنا وطريقنا للهروب كالابواب والشبابيك
وان لم تكن موجودا لوجدناك فلا غــــنى لنا عنـــك
فقد كنــــت قدوتنا ومعلمنا فى الشر وبناخد منك
ولكن سبقناك يا معلم بحكــــــم شبابنا وكبر سنك
مرسلة بواسطة كلام على بلاطة في 10:18 ص 0 التعليقات

ريمان said...

حبيبتى


وحشانى عامله ايه

عارفه

زى ما تكونى بتتكلمى بقلمى وبتحسى باحساسى انا


سبحان الله

انا برضه بعيش اليومين دول الحاله دى بالظبط


عارفه

انا بعدت شويه عن الناس وبقيت لوحدى

وحاسه انى كده بريح اعصابى شويه

ساعات بحب اكون لوحدى

وردشان smilyrose said...

وحشانى جددددددددددددددددددا


وبجد وصلتى لاحد اسباب ابتعادى


عندما يحس كلا منا بضياع النفس

والاحساس بالتوهان واهتزاز الثقة


والقدرة على تحقيق شئ

شئ مخز وممل عندما تحس بالعجز


ولكن باللجوء الى الله والحمد على كل شئ

يزول كل هذا وتعود النفس مطمئنة

ادعو الله لكى بهدوء النفس وراحة البال


smilyrose

وردشان


روح الحب الصادق

محمد said...

لست أدري ؟؟؟؟ لماذا

غني يابهيه said...

هناك نوعين من الأشخاص
النوع الأول .... من تصوووغهم الحياه
وهم دائما بلا فكر وغالبا سعداء لأن أهدافهم محدوده جدا

النوع الثانى .... هو من يعترض ويحاول دائما أن يصوووغ هو الحياه
ويموت ومازال يفكر فى مستقبله ويتمنى دائما ان يصل الى الأفضل


فى معظم الأوقات يعيش النوع التانى فى اكتئاب لانه دائما يبحث عن مستقبل أفضل

وهي دي مشكلتي بقى

تحيات بهيه

Soul.o0o.Whisper said...

ايوشة

هلا بيكى يا جميلة
وحشانى خالص بجد


ياااااااااااه انتى قولتى كل اللى بفكر فيه فى اللحظة دى زى ما يكون البوست جالى نجدة*
اه ... شفتى توارد الأفكار
عشان تعرفى إنى حاسة بيكى

بس انا مش هعرف اعيش الى اتمنه هسيب نفسى للدنيا تصوغنى زى ما هى عايزة وزى ما الناس عايزة:(*
بصى يا أيوش
صحح فى بعض مراحل الحياة بنكون محكومين بفعل الاسرة
بفعل المجتمع
بفعل العادات و التقاليد
بفعل حاجات كتير اوى

بس يا أيوش صدقينى لو فكرتى
هتلاقى ان ليكى مساحة من الحرية فى شئ
بلاش
على الاقل فـ يوم هتكونى أم
شوفى عاوزة تربيهم على ايه
ايه اللى كان نفسك تلاقيه من اهلك
و حاولى تخلى دا هدف و حاولى توصليله
ساعتها هتحسى انك فعلا انجرتى
و أنك مش مجرد لون
لا هتحسى انك فرشاة
و مستوردة كمان
ههههههههههههههههههه


بجد تسلم ايديك بوست تحفة تحفة واسمحيلى احفظه عندى وهروح اقراه تانى*


طبعا يا حبيبتى
احفظيه و خليه عندك




دمتى بكل الخير و السعادة يا أيوشة
و تحياتى لكى يا جميلة

Soul.o0o.Whisper said...

mohamed

أبنتى
أولا
هل الانسان مسير أم مخير ؟
حياة الانسان مثل جمله بين قوسين
القوسين
هما ما قدر له*
تعبير جميل جدا
فعلا الواحد مش بياخد أكتر من نصيبه
و بيجرى فعلا فى الحيز اللى ربنا كاتبه له
(من حياه أو موت
من صحه أو مرض
من رزق
وكل تلك الامور المقدره عليه)

وأسمحى لى أعطيك مثلا
الرزق المالى
--------
كم الرزق المالى مقدره من الله
السؤال هنا -ولماذا نسعى على أرزاقنا
طالما هو أتى لنا؟
أختيارتناهى:-
هل نبذل الجهد اللازم
هل نحصل عليه حلال أم حرام
هل نصرفه فى حلال أو حرام
بذل الجهد لأكتسابه يحدد مدى البركه فيه
مصدره
مصرفه
لا أحد على الاطلاق يستطيع منع الرزق
فلوكان حلال
منع الله عننا أوجه أنفاق مثل المرض
أو الصرف فى أوجه تغضب الله
أما لو كان حرام
أنفتح علينا أبواب
الشهوات*

بجد ربنا يبارك فى حضرتك يارب
فعلا
ربنا قدر لنا شئ
و حددلنا الطرق اللى تخليه حلال
و اللى تخليه حرام
و النتائج المترتبة على كل منهم
و انت بئا عليك الاختيار
لكن فى النهاية مش هتاخد غير دا

بارك الله فيكى*
و فيكم بارك الله

كونى كما تبغى أن تكونى
كونى أنتى الرسام
ولاتدعى لاحد أن برسم لوحتك
فأنتى فقط من ستحاسبى من الله
كيف أكتسبتى رزقك*
صح يا عمو
ربنا يكرمك يارب
دعواتك

بارك الله فيكى وعليكى وحفظك من كل سوء*
و فيكم و عليكم بارك الله
و حفظكم من كل سوء



خالص ودى

Soul.o0o.Whisper said...

واحد من الناس

أهلا بيك أولا
و نورت المدونة

و يارب مش تكون آخر زيارة

سؤال صعب أوي*
الاجابة أصعب

بيتهيألي هي صياغه مشتركه ، الحياة لا تعطي أحدا كل شيء ، ولا تحرم أحدا كل شيء*
صح ..
لكن الانسان الصح
هو اللى يستغل الفرص اللى قدامه
و يحاول دايما يعيش ذاته
و يكون على الحق دايما
و مش يتنازل عنه ابدا مهما تكن الظروف

و لأن يقيننا فى الله يخلينا واثقين انه مش بيظلم حد
و ان كل انسان مكتوب عليه شئ هيشوفه
و ماحدش بياخد اكتر من نصيبه
بيخلى الواحد اكثر تصميما على المضى فى طريقه

وكل من عمل لا بد أن يجد نتيجة لما عمل حتى ولم تكن النتيجه التي يتمناها*
من حكمة ربنا
إننا مش بنآخذ على النتائج
لكن احنا بنحاسب أخدنا بالاسباب ولا لا
و نأمل فى ربنا الخير و نحسن الظن بيه انه مش كاتب الا الخير

بعد كدا كانت النتيجة ايه ؟؟
فأكيد هى دى الخير
و مش أزعل ابدا
لأنى ماتأخرتش فى حاجة


بوست رائع
تسلم إيدك*

تسلم مشاركتك المميزة
و بانتظارك دائما




دمت بود

Soul.o0o.Whisper said...

Dr.Mohammed Gohary


ايه دا كولوووووو

زباينك كتير بسم الله ماشاء الله
أنا ما بحسدش
أنا بحقد بس
هههههههههههههههههههه*
الناس بتدخل تقول السلام عليكم
صباح الخير
مساء الخير
مش ( بحقد بس )
استر يا ستااااار


خليني أقرأ الموضوع*
أتفضل

-----------------------------------
مش عارف كل يوم بكتشف فيكي ميزة
جديدة*
و ياترى ايه؟؟

مش لازم أقولك هيا ايه*
ااااااااااااااه
دى تعليقة بئا!!
---------------------------------
كووووووول دا من التكليف
يخربيت كدا
قدمي استقالتك
انجزي
هههههههههههههههههههههههه*
امممممممممممممم
أنت شايف كدا؟؟؟
طب ربنا يسهل
--------------------------------

بل أنا فرشاة لذاتى ... أنا لوح لألوانى ...

حلو التشبيه دا
جديد*
لازم التجديد انت عارف

بس بلاش حوار أنا لوح دي
أحسن تتلوحي
هههههههههههههههههههههه*
حاااااضر
--------------------------------

ونتمنى تحققي أحلامك
ونسمع عنك كل خير*
ياااااااااارب
و نسمع عنك كل خير

كالعادة
لا تعليق*
كل دا لا تعلييييييييييق
امال التعليق يبئا ايه؟؟

تحياتي*
و لك المثل

Soul.o0o.Whisper said...

sakayar

أهلا بيك

جميل عدم الاستسلام
وجميل أن نقرر تحديد الهدف والمصير والوجهة
ومين غيرنا هيحددلنا حياتنا؟*

صح .. انك ترسم حياتك بالشكل اللى انت شايف انه متماشى مع قدراتك و طموحاتك .. بيخلى لياتك معنى
بس دا طبعا لا يجعلنا نحبط أو نيأس لو مش حققنا دا
لأن يمكن مش فيه الخير
و دايما نخلى فى بدائل فى اخيتياراتنا
مش نبنى حياتنا فى وسيلة واحدة بس
و غيرها يبئا احباط و يأس

رغم كل ده... ممكن نتعرض لبعض الآلام والابتلاءات ... وممكن نتعامل كرد فعل ف بعض المواقف ... لكن الصح إننا بنستفيد ف كل مواقف حياتنا خبرة من أول القرار الخطأ ... فكل دي تجارب بتخلينا نقدر نتخذ قرارنا الصح*

صح .. كل موقف فى حياتنا هو رسالة خاصة لكل واحد فينا
اما نفهمها و نعتبر منها
ياما مش بنفهمها ..فتتكرر لحد ما نفهم
و يارب ساعتها ناخد القرار الصح


والأهم ف كل ده .... نخلي النية بتاعتنا لربنا
قل إن صلاتي ونسكي ومحياي ومماتي لله رب العالمين*
صحححححححححححححححح
أهم شئ النية
و الثقة فى الله
و حسن الظن به

و عدم السخط أى شئ كتبه الله لنا و الرضا بما اختاره لنا



تحياتى لمرورك المميز

Soul.o0o.Whisper said...

حنان الشافعى


حنووووووووون
كم أكره هذا الدور*
و انا أيضا

برغم حزن وبعض غضب الكلمات الا انكي في التعليقات اوجدتي الحل بنفسك واجبتي عن جميع تساؤلاتك*
كانت فقط محاولة لرسم الطريق
و تركيز الفكر
لكن بالاول و الاخير
قل لن يصيبنا إلا ماكتب الله لنا


ودي*
و خالص ودى يا جميلة

Soul.o0o.Whisper said...

حلو المرار

هلا بيكى يا جميلة
نورتى المدونة
و يارب مش تكون الاخيرة


احترت
تساءلت معك
ما انا
هل مجرد لون
ام انني يوما ساكون الفرشاة*
صدقينى .. دائما ما يعطينا القدر فرصة أن نكون الفرشاة
لكن منا من يدرك الفرصة فيقتنصها
و منا من يتأملها فقط
ثم يندب حظه بعدها


تحياتي*
و لكى خالص التحية يا جميلة

Soul.o0o.Whisper said...

arsenalwy


ازيك يادكتورة*
الحمد لله
إزيك انت؟؟

فى رأيى ان احنا اللى بنوجه الحياة للحاجه اللى احنا عيزينها*
أحنا بنرسم لحياتنا اتجاهها
و بنحاول بكل الوسائل
و بنتوكل على ربنا و نحسن الظن بيه

لكن غذا لم يكتب لنا ذلك
فلنحاول بسبيل آخر
أهم شئ لا نفقد الامل

كل واحد مننا بتجيله حالة الملل دى *
دى مش حالة ملل اطلاقا
بل محاولة لرؤية الطريق

ابقى طمنينا على اخبارك وان شاء الله تبقى زى الفل*
يااااااااارب إن شاء الله




دمت بكل ود

Soul.o0o.Whisper said...

فارس عبد الفتاح

أهلا بيك

بصي يا سول *
حاضر .. بصيت اهو

الموضوع يتلخص في عدة كلمات هي كل التالي :(( في حركة الحياة كلها هو الصراع بين ما هو كائن وبينما يجب أن يكون ... والعقبات رواسب ))

بجد بصراحة
أنت فعلا اوجزت الموضوع فى كلمات رائعة

رغم انى مش فهمت اوى العقبات رواسب
بس فعلا اللى قصدته بالبوست "الصراع بين ما هو كائن وبين ما يجب أن يكون"

على فكرة كلامك صح كله
و دا فعلا اللى أثر عليا و خلانى فى الحالة دى

لأنى أكتشفت ان المعظم بيتكلم حلو
انما ساعة التنفيذ مفيش

علش والله العظيم مكنش قصدي ان اكتب كل هذا ولسه البقيه تأتي اهههههههههههاااها انا هموت على نفسي من الضحك *

بالعكس والله

أنا مبسوطة جدا ان حد فهم قصدى بالظبط
ياريت لو عندك تكملة تكمل

حاولي أن تحمي نفسك دون أن تضري بالآخرين حتى ولو كانوا يستحقون الضرر حاولي أن تحترمي عقلك بان لا يستخف احد بعقلك حاولي أن تجدي رزقك دون أن تخسري كرامته وشرفك ( سمعتك ) حاولي حاولي حاولي*

إن شاء الله
والله بإذن الله ناوية على كدا
و دعواتك بئا


و مرة تانية
ياريت تقولى قصدك ايه بالعقبات رواسب




و دمت بود

Soul.o0o.Whisper said...

fashkool


عمو فشكول العزيز
حترت من بوستك وحيرتينى فيما تريدين
ولذلك سيكون ردى بكلام يحيرنى اولا ويحيرك ثانيا*

دى فزورة ؟؟
هههههههههههههه

تصنعين الاقدار .. ثم تصنعك الاقدار*
اممممممممممممم
مش عارفة

أعتقد أنى ارسم حياتى
و اصممها فى اطار ما
ثم أمضى فى هذا الدرب
سواء فى مرحلة الثانوية أو ما بعدها

أبذل الاسباب لأعيش كيفما شئت و حسبما شئت

لكن إن لم يحدث ما أتمنى
فلا أحزن و لا أبأس
و لأمضى فى درب آخر
رسمته ايضا لنفسى

فالحياة لا تتوقف عند وسيلة بعينها او طريقا بعينه

و لكن يجب ان تكون هناك بدائل


ارجعى كثيرا كثيرا الى الماضى السحيق ... الى حياة الزر ... عندما اطلع الله سبحانه وتعالى على سيناريو حياتنا كلنا المحكم والتى اخترناها وكتبها علينا باختيارنا وليس باجبارنا عليه*

نحن مخيرون يا أستاذى فيما سنحاسب عليه
لذا اعطانا الله الاسباب
و خيرنا بين الحق و الباطل
بين الخير و الشر

و انت مخير
لكنك محاسب عليه


حتى لو كان قدرك كما لا تريدين ... اجعلى منه قدرا كما تريدين *

دا كلام صح و مظبوط جداااااااا
لكن .. فيما اراد الله لنا

ما اريد قوله انك من الثانويه العامة اخترت قدرك ومشوارك وتبعا لهذا الاختيار ... *
أنا تمنيت و سعيت
و لأن الله رأى أن هذا هو السبيل لى
و أن هنا تكمن قدراتى
كتبه لى

فليس عن علم و مقدرة منى اخترت هذا الطريق
:)

طبعا ما انتش فاهمه حاجه ... كمان انا مش فاهم بقول ايه .*

ههههههههههه
لا اعتقد انى فهمت الحمد لله
حضرتك بئا فهمت اللى انا كاتباه؟؟؟


ما هو يا بنتى الحياه كلها بما فيها غير مريحه... لقد خلقنا الانسان فى كبد*
صدق الله العظيم
صح
عشان كدا لازم نكون مظبطين نفسنا على كدا
انما احنا بنستسهل الراحة


زمانك بتقولى يا ريتك يا عم فشكول ما رديت*
لالالالا ... اطلاقا
بالعكس أنا سعيدة برد حضرتك



دمت بكل ود و خير يا عمو العزيز

Soul.o0o.Whisper said...

fashkool


عمو فشكووووووول تاااااااانى
هييييييييييييييه

ههههههههههههه


يا بنيتى الانسان مخير*
ليس على اطلاقه يا عمو
ماحنا قلنا انه مخير فيما سيحاسب عليه
انما فى حاجات مش هيحاسب عليها
و دى اللى مالوش ايد فيها
و مالوش اختيار فيها

و يا عاشة تعالى بئا
عمو فشكول تعب منك ههههههههه




خالص ودى

Soul.o0o.Whisper said...

حسام غانم

دا مش احباط خالص
اطلاقا


انت كروت البوست و لا ايه؟؟
لالالا ..اللى بيكروت عندن بندفعه غرامة

ارجع اقرؤه تانى
و بعدين علق بذمة

هههههههههههههههههههه




منور المدونة بجد
و ياريت تشرفنى على طول

Soul.o0o.Whisper said...

ஐأروقـ الروح ـةஐ

أروقتى الغالية
يا هلا يا هلا


يافرحه ماتمت
وانا فاكره أول وحده حترد
هههههههههههه
لئيت وحده حاجزة تلات مقاعد*
هههههههههههههههههه
معلش بئا
هتقولى ايه
قدرة


لالا مش حسمح بعد كدا
ههههههه*

أيوا ايوا أنا معاكى (( بأهدى النفوس بس


أنا حقرا البوست وراجعه تاني ياعسل:)*
مستنياكى يا جميلة

ايه رأيك نتفق على الأخت عاشقه الرومانسية وأول ماتنزلي البوست تديني خبر على طول واحجز رد ههههههههههه
ياويلي منها>>>مجرمة أناهههههههه*

هههههههههه
ماشى بس من غير ما قوليلها
ماشى
هههههههههههههه




سلام يا جميل

Soul.o0o.Whisper said...

adel

يا هلا

لا اله الا الله*
محمد رسول الله

ياجدعان يابشر هو كده*
طبعا هو كده

ليه نكتئب و نغم نفسينا*
مش عارف والله
ايه الناس دى

انت تشغل دلوقتي احمد عدوية
كرشنجي دبح كبشه
و اضربي واحد لمون سكر بره
و سيجارة مجشية
اي حاجة ان شاء الله زبيب و جوز هند*
ماشى يا معلم
و بعديييين؟؟

و بعد الدماغ دي
ااقفي علي سور البلكونة
و خلي حد من وراكي يخضك*
اه .. تصدق فكرة
حتى جديدة ماجرتهاش قبل كدا
طيب خلاص اجرب و اقولك

و اابقي ادعيلي*
ااااااااااه ..أكيد حاضر
لو بئيت

ابئى ادعيلى انت
ههههههههههههههههه




دمت بود

Soul.o0o.Whisper said...

blue-wave

يا اهلا يا دوك

غرقتى فى الإسئله
ولا مجيب

ان ان ااااااااااااان
دجججججججججججججججججج


منور يا دوك

Soul.o0o.Whisper said...

صوت من مصر

أهلا بيك
و نورت المدونة

و ياريت دايما تشرفنى


حاله بعيشها وبيعشها كل شاب مصرى*
مش الكل ... اعتقد

لاننا مصريين يبقى عندنا لا مباله تجاه البلد وتجاه انفسنا لا احنا العكس بس زى المثل احنا بلون مليان وهينفجر*

فعلا
بس يارب ننفجر عن علم ووعى
عشان ماتبوظش اكتر ماهى بايظة



دمت بود

Soul.o0o.Whisper said...

محمد

عمو العزيز
أهلا بيك من تانى

و دايما منورنى

و ربنا يبارك لى فى حضرتك يارب

دمت بكل ود

Soul.o0o.Whisper said...

من غير عنـــوان

استاذى الفاضل ...
أهلا بحضرتك
و منورنى والله

يسلم عقلك وقلمك وفرشاتك وألوانك*
يسلم لى مرورك الجميل يارب

أتخيل أنه:
أنا أفكر إذن أنا موجود*
بالظبط
بالإضافة إلى
أنا مسلم غذن ربنا رسم لى اطار لحياتى اتحرك فيه
و ارسم حياتى من خلاله

إذن مارضاش بحاجة تانية ترسم لى حياتى


وقد ميز الله تعالى الإنسان بالعقل*
نعم .. و عليه نحاسب
وبدونه نصبح...... كائنات*
بالظبط

وأتخيل أيضا أن هذا التفكير عندك هو من يولد إبداعات*
ربنا يكرم حضرتك يارب
بل فضل الله وحده

أمنياتي*
و خالص ودى

Soul.o0o.Whisper said...

بكرة ان شاء الله اكمل

معلش ماتزعلوش





استنونى
هههههههههههههه




دمتم جميعا بكل ود

فارس عبدالفتاح said...

الفاضلة سول

تحية فائقة ،

أنا لا استحق كل هذا الثناء فالأمر يعتمد على قراءة المعاني والمقصود منها في كل شيء سواء فكرية أو حركية أو حتى سكون ، لأن هذا ما يطالبني به الفكر الذي انتمي إليه وهو الفكر القومي العربي أن أكون على درجة عالية من الوعي ، حتى استطيع أن أتعامل مع أي شيء بالقدر الذي يحميني ويحمي مصالحي ومصالح فكري ، هذا باختصار .

وأحب أن أقول لك وأرجو أن تصدقي دون أن اقسم على هذا .. أعلم تمام العلم أن كلمة العقبات رواسب سوف تستشكل عليك في فهمها لأني لم استفيض في شرح الجملة التي وضعتها كما استشكل على بعض زملائي في بعض النقاشات التي كانت تحدث بيني وبينهم .. وهي جملة فلسفية وقبل أن أقوم بشرح ماذا تقصد هذه الكلمة فهناك أمر لابد منه وهذا للأمانة واحترام النفس .

أولاً :

من قال هذه الجملة هو الزعيم جمال عبد الناصر في خطابة الذي كان في جامعة القاهرة لطلبة جامعات مصر ونخبة من المثقفين من أساتذة الجامعة والمفكرين والمتعلمين . وقبل أن اشرع في شرحها وهي ليست معضلة ولكنها تحتاج إلى وعي


أقول أن عبد الناصر وهذا شهادة لله سبحانه خالية من أي غرض أو أي تحيز لهذا الرجل ولفكرة القومية العربية واشهد الله على ذلك حتى لا اتهم بأني أتحيز لهذا الفكر أو هذا الرجل فهو قد مات وذهب إلى خالقه ولكن الفكر يحيا بيننا إلى هذه اللحظة .

هذا الرجل ومن كان معه من المثقفين القوميين في عصره والسياسيين وكل الفئات من الفلاحين والعمال وغيرهم ممن يؤمنون بهذا الكفر فهم عباقرة ، وتجلت عبقرية هؤلاء في فكرهم وفي اتجاهاتهم الفكرية وفي احترامهم لأنفسهم قبل أن يحترمهم الناس .. ودعك ممن يخالفهم في الرأي فهؤلاء في نظري ليسوا إلا حفنه من جهلاء الأمة فهم جهلاء بالتاريخ أولاً وهو خلفية كل فكر إنساني وجهلاء بالطبيعة البشرية وهي مصنع هذا الفكر وجهلاء بتغيرات العصور وتغير المكان والمكانة واتجاهات الفعل الإنساني من إنسان إلى إنسان وحتى في الفرد نفسه فقد يفعل إنسان شيء وباللاوعي ثم يفعل عكسه وهنا يكمن التحليل من الإنسان الوعي لهذه الأفعال فيجلس المحللون النفسيون ليحللوا هذا الفعل على خلفيته الكامنة في النفس البشرية ولماذا فعل ولما في هذا التوقيت وهو قد فعل عكسه في موضع آخر .. وهنا يتجلى العلم وأصول المعرفة الحقيقية وليست كل من سمع مسلسل أو كل من سمع فليم أو قراء كتاب لا يعتمد على حقيقة أو وثائق تدعم هذه الحقيقة أصبح يقول ..لا.. اصلو مش عارف أية ... لا .. اصلو المفروض كان عمل أيه ... وتقول له يا مولانا أهدأ شويه الله يصلح حانا وحالك .. وكأنه مسورة ميه وتفتحت .. وهو الكبغبغان يردد دون .. وعي ودون فهم .. ودن اتجاه .. فهو كالقشة التي تعوم على جدول من الماء يرميه التيار يسار وحين يمين وحين يرتفع مع التيار وحين ينخفض مع التيار حتى يسقط ويغرق في قاع ذلك الجدول الذي لا يقف ولا يهدأ .. وهذا حالنا جميعاً إلا الذي يتمتع بالوعي والإدراك والقدرة على التمييز والتفكر والفهم الواعي لبواطن الأمور دون أن يراها بأم عينه .. فقد لا يرى الإنسان الشيء ولكنه يعلم علم اليقين بوجوده .

ولا أريد أن ادخل في متاهات كلامية كثيرة .. ولكن هؤلاء المثقفين الحقيقيين وعلى رأسهم الزعيم جمال عبد الناصر من البشر الحقيقيين الذين كانوا يتمتعون بفكر عالي ومقدره على تحمل المسؤولية الحقيقية ولدية من الشجاعة الأدبية واحترامه لنفسه أن يقول أنا أخطأت وأنا لم أكن على الطريق الصحيح ولابد من أن نعيد الحسابات حتى نصل إلى الطريق الصحيح والصراط المستقيم .

ولهذا أصبح زعيم ولهذا أصبح إنسان يحترمه ثلة كبيرة من الناس حتى أعدائه ولهذا أصبح رمز وفكره أصبح له أتباع إلى يومنا هذا

المهم

لقد قال هذه الجملة وهو في جامعة القاهرة عندما كان يتنقل من محافظة لأخرى ومن مؤسسة لأخرى يخاطب فيه العمال والفلاحين والتجار والصناع والرأسمالية الوطنية وكل فئات الشعب يشرح لهم بيان مارس ويطلب من الشعب الاستفتاء عليه والذي هو عبارة عن بناء الجبهة الداخلية ( استمرار مشروعات التنمية الصناعية داخل مصر ) وبناء القوات المسلحة ( بعد ما دمرت في 1967م، تدمير كامل لكل وحداتها وإمكانياتها ) فكان هذا بعد عشرة أشهر من النكسة وما سمي ( بسياسة إزالة آثار العدوان ) فكان يستفتي الشعب على أنهم موافقون على تكملة بناء هذه المشاريع ، وبناء القوات المسلحة من جديد واستعداد الشعب لتحمل التضحية في سبيل إخراج إسرائيل من الأراضي العربية كلها من الجولان إلى سيناء مروراً بوادي الأردن والضفة الغربية والقدس أولاً .

وأراد أن يعرف من الشعب المصري أولاً أنه بعد ما تبين وظهرت له النتائج الكارثية بسبب النكسة على أنه موافق على أن يكمل هذا المشوار أم انه تعب ولا يريد أن يكمل .

فكان يخاطب الشعب المصري والأمة العربية في مضمونها بمثقفيها وهم صفوت هذه الأمة وهو يشرح لهم كيفية النضال وأنواع المثقفين وانتماءاتهم وتطرقه إلى العمال والفنيين ودورهم في تنمية القدرة الصناعية للبلد وأنه لا يحبذ سفر المواطنين من المثقفين والعمال والفلاحين والفنيين والطلبة وغيرهم خارج البلاد لأن بلدهم أحق بهم من أي دولة أخرى فمصر هي أحق به وبخبراته وقدراته من أي دولة أخرى

فقال : .............

أن شرح كل هذا يسهل للمثقفين لأن نظرتهم للمساءل نظرة كلية ونظرة تفصيلية في نفس الوقت وقلت لكم عن الحديث للمثقفين سهل بالنسبة لحساب المواضيع والنظرة العلمية له ، وقلت لكم أيضاً الحديث للمثقفين صعب ، هناك أولاً اختلاف المواقف الذاتية والطبقية للمثقفين وأنا قلت أنهم قوة يجمعهم دور طليعي واحد .. وقلت أنهم ليسو طبقه تجمعهم مصلحة واحدة ... من هذه المواضيع ومن هذا الاختلاف .. هناك مشاكل بالنسبة لموقف المثقفين .. البعض طبعاً يطلب الكمال وهذا صعب .. كونك تطلب سهل التطبيق والتحليل هو اللى صعب .. في حركة الحياة كلها هو الصراع بين ما هو كائن وبين ما يجب أن يكون .. الطريق طويل بين تصور التطور وبين تحقيق هذا التطور .. والعقبات رواسب وإمكانيات لها حدود .

... انتهي


وهنا يخاطب الزعيم الفئات المثقفة عن إمكانيات السياسي وإمكانيات الاقتصادي وإمكانيات الاجتماعي وإمكانيات الإنسان الفرد العادي في مواجهة ظروف الحياة والأمور الحياتية والصراعات البشرية في تحقيق الآمال والتطلعات وتحديد المصير في المواقف الحاسمة وغير الحاسمة .

وفي نظرة المثقف لهذه التحديات وطريقة تعامله معها وهنا يشرح مرجعية هؤلاء المثقفين الذاتية التي هي في نفس الوقت بدورها دوافع باختلاف طبقاتهم الاجتماعية والثقافية .

فالبعض منهم يطلب الكمال في كل شيء يريد عمل كل شيء على أكمل وجه وعلى أتم تنفيذ وهذا صعب فطلب هذا المثقف بهذه الأمور سهل لكن إذا أراد أن يطبق هذا عملياً صعب .. هنا تكمن الصعوبة لأننا نحيا في صراع بين الظروف الموجودة والآمل التي نتطلع إليها .. وهنا تكمن المشاكل والحسابات لهذه المشاكل والحلول لهذه المشاكل فتخيل الأمل أمر سهل .

لكن تحقيق هذا الأمل على أرض الواقع صعب لأنه محكوم بإمكانيات لها حدود .. نريد أن نستغلها على أكمل استغلال لتحقيق هذا التصور للأمل ثم حساب كل شي ومن ضمنها الأعمال المعادية لهذا الآمال وهذه الأفكار .


أما العقبات رواسب ... فهي الأخطاء الحسابية والتقديرية في عملية التنفيذي

فإذا صادف الإنسان مشكلة في حياته أو في تنفيذ آماله وتطلعاته فيعلم أن هذه المشاكل بالحتمية هي عملية سوء تقدير وعدم قدرة على تحليل الصعاب في عملية التنفيذ قد سقطت من حساباته في التنفيذ ، فظهرت أمامه فجأة في شكل مشكلة طارئة لكنها في حقيقتها لم يعمل لها حسب في التخطيط أو تنفيذ ما نرجوا تنفيذه أو تحقيقه


أرجو أن أكون قد شرحته بشكر سهل وبسيط ويستطاع فهمه وهذا هو رابط هذا اللقاء بين المثقفين وبين الزعيم وهو على موقع الزعيم عبد الناصر في مكتبة الإسكندرية ارجوا أن تسمعيه جيداً وبوعي لكل كلمة وكل حركة فيه .

مع خالص احترامي وتقدير لشخصكم


http://nasser.bibalex.org/Speeches/browser.aspx?SID=1238

يرجى الضغط على الايقون التي تشبه صورة الكاميرا أمام عنوان الخطاب في رأس الصفحة ثم بعد ذلك قومي بتحديد سرع الاتصال بالنت يظهر لك الفيديو وإذا كان لديك برنامج ( دونلود ريل بلير ) يمكنك تحميل هذا الخطاب بالكامل لأنه ليس فاستطاعتك تحميله إلا بهذه الطريقة

فشكووول said...

ازيك يا سووول
عارفه اللى انا كاتبه ده ليه
اصل فعلا البلد بقت سمك لبن تمر هندى
وياريت كدا وبس
بقت طين وهباب وقطران
روحى عند مها زين وانت تشوفى ايه اللى حصل

hasona said...
This comment has been removed by the author.
オラアルス said...

"و لكن ... ما كان يشغلنى دائما ... هل نحن من نصوغ الحياة ؟؟؟

أم هى التى تصوغنا ؟؟"
اممممم
هي مرة نصوغها ومرة تصوغها
حسب ماقدّره الله
من التيسير والتخيير
ــــــــــــــــــــــــ


"و تنطعنا و تفلسفنا .. و أن من يريد أن يحيا ، فلابد أن يصوغ الحياة ..."

صياغةالحياة:تخطيط سليم+دراسة مستفيضه عن ماخططنا له+استفادة من تجارب الآخرين+إصرار وعزيمة وهمة عاليه على المضي بماخططنا له +عدم التراجع والتنازل أمام أي صعوبه تعرقل ماخططنا له=تحقيق طموحاتنا وتطلعاتنا
ومانيل المطالب بالتمني ولكن تؤخذ الدنيا غلابا

ـــــــــــــــــــــــــــــ

"ثم عندما وُضعت فى أولى محكات حياتى ...

أدركت أن الحياة هى التى تصوغنا ...

هى التى ترسمنا ...

و نحن ... ما إلا ألوان تنقشها كيف شاءت ...

دون ان نعترض !!! .. بل حتى لا نعطى لأنفسنا حق الاعتراض !!!"

هنا ألمس استسلاماويأسا
للعراقيل..

فلا تيأسي
لا أجد أبلغ مماقاله الإمام الشافعي:
ياصاحب الهم إن الهم منفرج
أبـــــشـــــــــــر بخير فإن الفارج الله

ــــــــــــــــــــــــــــ


"أكره كونى أداة ... بلا رسم ، بلا عنوان ...

فقط .. أنتظر دورى لأنقش فى لوح الحياة ..."

هنا أصفق إعجابا لروعة الديباجة التي نسجتها تشبيهاتك الُمخمليه..
ــــــــــــــــ


"أتمرد ؟؟!!.. ربما ،

أتمنى من صميم قلبى أن أتمرد ..

أن أصرخ ... أن أثبت ذاتى ..

أن أقول لا ... إننى لست ضمن ألوانك ايتها الفرشاة ..ويأسابل أنا فرشاة لذاتى ... أنا لوح لألوانى ...لست أرضى بكِ قائدا أو حليفا ...
"
نعم اصرخي..وتمردي على ذاتك عندما تركن للإستسلام واليأس...
اصرخي عاليا:لن أستسلم وسأمضي بخطتي لأرسمها على أرض الواقع

وأسعد من حولي بلمساتي وبصمتي المميزة
وبطموحي ابني صروووووووووووحي
ـــــــــــــــــــــــ



"سأعيش حياة واحدة ... و ليكن ما يكون ...

و قد أخترت أن أكون ، فلست أرضى بأحد واصيا علىّ إلا أنا ...

فأتمنى أن أكون كما أريد"

بإذن الله ستكونين ماتريدين وستصلين لما تطمحين
هو سر عجيب ستصلين به
وهو
ارفعي يديك عالياً وقولي :
فـ ظني فيك ياسندي جميل
ومرعى ذود آمالي خصيب
يــــــــــــــــــــارب فلاتخيبني
إنك أنت السميع القريب المجيب


وأعطر سلام لك ياجميله
وآخر مره اشوفك تكتبي مواضيع زي كده فيها بؤس وكآبه
أنتي واخده بالك
عالزاكي تكتبي مواضيع مليانه تفاؤل وانشراح
مش عاوزين عبارات اليأس ديت
وأعطر سلاااااااااااااااااام لك ياجميله
وآاااااااااااااااااااسفه جدا على التأخر
معلش اعذريني بئا مشغولة خالص حاليا
حتى ردودكم بمدونتي مفضتش أرد عليها
اشوفك بئا على خير:)

mahasen saber said...

ايه ده انا فين يا سولو

ده انا كنت غايبه بئه
طب سجلتينى غياب ولاا لا ...

mahasen saber said...

بس انا على فكره بهرتنى لست ادرى

واتبسطت من التحديث قوى

ربنا يفرحك دايما يا سولو يا رقيقه يا غاليه

kafrawy said...

كله على الله

اسماء واحلام فى وجدانى said...

اشكرك جدا جدا جدا

واعتذر لك عن الغياب الذى طال كثيرا

ولكنى ساعود قريبا باذن الله

روح الاسلام said...

انتى بجد انسانة رائعة كلماتك بسيطة لكن عظيمة أوى بتوضح صورة انسان مكسور متدايق ومجروح لكن فى نفس الوقت عاوز يتغير ونفسى يعيش حياتة
هوة زى ماهوة عاوز مش زى ما أى حد بيفرض علية..وعجبتنى أوى حتة التشبية بالفرشاة والألوان بجد جامدة أزى تسلم ايديكى ياجميل وآسفة أوى على التقصير
وتحياتى ليكى وتسلمين

Asmaa Fathi said...

كلمات جميلة اوى
ومعبرة عن حاله تحدث كثير
دمتى بهذا الاحساس المرهف
تحياتى

msafa said...

اتمنى الا ترجعى فى قرارك

assafo anaroze said...

سيدتي
خاطرة جميلة يمكن كتبت عن الجميع ما يحسونها
فالجميع في صراع لاثبات الذات في هذه الحياة الكل يريد ان يكون ما يريده هناك من يستطيع ان يصل و هناك من يستسلم في اول عقبة
فكوني سيدتي كما قلت :" سأعيش حياة واحدة ... و ليكن ما يكون ...

و قد أخترت أن أكون ، فلست أرضى بأحد واصيا علىّ إلا أنا"
مودتي

اسماء واحلام فى وجدانى said...

جديدى بانتظارك

وعلى فكرة ممكن تكون حياتى مختلفة تماما عن كتاباتى

انا باقول ممكن

انا كنت طلبت منك قبل كده انك تختارى اسم عربى اناديكى بيه

وحضرتك كبرتى دماغك اوى

بس انا اسكندرانى واصر على الطلب

وده من باب العشم

الجواز و سنينه said...

بوست هااااااااايل يا جميل
انا عارفه انك دماغ عاليه
و ده بيتأكد يوم بعد يوم
تحياتى

۩ Nour ۩ said...

.. حوار هادىء ونقاش نفسى متزن ولكن السؤال

لماذا يجب أن أكون فرشاه وألوان وبيدي أن أكون أنا الفنان؟


دمتِ بخير..

♥♥♥♥♥ Jennifer™® ♥♥♥♥♥ said...
This comment has been removed by a blog administrator.
وحي القلم said...

كلماتك أكثر من رائعة

حقيقي بتلمس القوب وتخترق الحواجز لتصل الي العقول
---
أول زيارة ليا بس شكلها كده مش الاخيرة

(*_*) الغمـــــ اللذيذ ــــوض (*_*) said...

كلماتك رائعة صراحة..
وكأنك اخترقتي اسوار نفسي الحصينة ونثرت ما بها من أسرار :)
سلمت يداكِ يا جميلة..
أجمل شيء أن تكون حياتك بيدك تسيرها كما تريد لا كما يريدها الغير..
تقبلي مروري..