الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Apr 10, 2009

عارف ؟؟

هههههههههههههههههههه

ههههههههههههههههههههه

ههههههههههههههههههههههه

غريبة !!!..صح؟؟

عادى عادى ماتخدوش فى بالكم

أصل أكتشفت ان احلى شئ فى الدنيا

انك تكبر و ماتحطش فى دماغك

و لا تتعب أعصابك

و لا تحرق دمك

و تشغل تفكيرك

..................

عارف لما تبئا شايل هم حد اوى

و زعلان و مقهور

و يارب هيعمل ايه ؟؟؟

و يتصرف ازاى ؟؟

و تفضل اتصالات صبح و ضهر و عصر و مغرب و عشا

طب وصلت لايه ؟؟

طب ايه الاخبار الوقتى؟؟

و بعد ما خلاص قلبك هيقرب يقف

تلاقيه بيرد عليك باستخفاف

خلاص بئا أنا زهقت

و الموضوع دا أصلا ماكنتش حاطه فى دماغى اوى

كبر ياعم كبر

تقوم تتصدم صدمة كبيرة اوى

و تحس انك كنت شخص تقيل عليه

و عاوز الارض تنشق و تبلعك

................

عارف لما تحس انك عايش عالم من المخادعين ؟؟

و باصرار عجيب بتحاول تقنع نفسك انهم لا يمكن كدا

و فى كل موقف ربنا بيوريك و يشهدك انهم فعلا مخادعين

و انك لا يمكن ابدا تصدق كلامهم

لكن ترجع تسئ الظن بنفسك و تقول بلاش نظلم

خلينا ناخد المواقف دايما على حسن الظن

و بعدين بردوا تكتشف ان احساسك و رسايل ربنا ليك كلها فى محلها

اد ايه بتزعل على نفسك

و تدعى ربنا من قلبك اوى انه يهديك لحد صادق و صافى

...................

عارف لما تشوف حد و تبهرك فيه حاجة ؟؟

حاجة كويسة يعنى ، خاصة لو تدين

و تلاقى الناس نتتكلم عليه ياما هنا ياما هناك

و تقعد معاه تنبهر بجد

تحس انك لقيت حد ممكن تستشيره فى بعض الامور

عن علم و خبرة

و بعدين فى لحظة ما او موقف ما

تكتشف ان كل دا سراب

و ان الافعال و الاقوال يختفى وراءها عقل صغير اوى

و احيانا يكون اسير الانا

اد ايه بتزعل عليه اولا ..

ثم على نفسك ، تحس فعلا ان معدتش حد اهل للثقة

........................

عارف لما تكلم شخص عن مشكلة ما

او تطلب منه طلب

و يعمل فيها الجنتل و الشهم

و اطلب و قول انت تؤمر امر

و يحسسك انك بئا ملك الزمان

و بعدين ... الصمت الرهيب

و أحيانا يتهرب منك كمان

و اه بئا لو فعلا الامر دا حيوى و متوقف عليه أمر مهم بحياتك

اد ايه بتحس انك كنت ساذج عشان وثقت بيه

و كمان أمور كتير فى حياتك بتتعطل بسبب الشخص دا

.................

عارف لما تعيش أحلامك ،

و ترسم طموحاتك ..

و تعيش فى عالم الخيال و المثالية

و بعدين تحاول تطبقه على أرض الواقع

فتتهشم كل احلامك على صخرة الواقع الناتئة

و تلاقى الكل بيقولك عادى

احنا كنا كدا

و بئينا كدا

و انت بترفض تبئا كدا

و تفضل فى الصراع المرير

و ماحدش فاهمك و لا بيحس بيك

و بيقولك كبر؟؟!!

....................

عارف ...

عارف ...

عارف...

حاجات كتير اوى ...

لكن فى النهاية اللى أقدر أقولكم انى توصلت له

اننا نعيش عالم من الخداع .. فلا تحاول الهروب

و لكن حاول التعايش

لا أحد يمكنك ان تثق به اطلاقا ..

لكن هناك العديد من الاشخاص يمكنك ان تحبهم و تقربهم منك

فعلا ماحدش بيقدر المشاعر صح ..

لو كل واحد فينا يخاف على مشاعر التانى ماكنتش الحياة تبئا صعبة كدا

كل انسان بيرسم المثالية ، لكن للاسف محدش بيعيشها ..

فحاول ان تتقبل الواقع بنظرة مثالية ..

و أحلى حاجة اكتشفتها ..

انك فعلا مش هتعرف تعيش الا لما تكبر...


لكن ..

كل ماحاول اعمل كدا ،

بأتضرب قلم صعب اوى .. عشان أفوق

قلم بيقولى .. الحياة مش كدا

و ربنا مش عاوز مننا كدا

و إذا كانت الناس أصبحت بهذا الحال

فاحنا مش مأمورين اننا نسايرهم ونعمل زيهم

احنا مأمورين نبئا زى ما ربنا بيقول بسسسسسسس

و ترجع تانى تعمل زى ما كنت بتعمل

و ماتلاقيش غير انك تقول : يارب صبرنى ... وقوينى .

......................

عارفة انى لسه ماردتش على تعلقاتكم كلها

بس ماقدرتش أقف عن الكتابة

و كمان وحشتونى اوىىىىىىىىىىى



104 comments:

احساس طفلة محبة للرومانسية بس واقعية said...

لو كل واحد فينا يخاف على مشاعر التانى ماكنتش الحياة تبئا صعبة كدا

اؤيدك
كل اللى قلتية واقع وبيحصل
فعلا فى ناس بتتغير
وفى ناس بتفضل زى ما هى

بس انا اعتقد ان لو كل انسان حاول يختار اللى حولية صح
واستنى ومتسرعش وادى ثقتة لحد
ممكن نتجنب الكلام دا شوية

طبعا مش خالص لان قدرتنا فى الحكم على الناس استحالة تكون كاملة
والاخلاف والعادات والتربية بتختلف من شخص لاخر حتى درجة التدين

العالم استحالة يكون مثالى
واحنا استحالة نصل لحد الكمال
لكن يكفى التمسك بمبادئنا واخلاقنا واخلاق دئننا ومراعاة مشاعر الاخرين
زى ما قلتى مش معنى ان فى ناس سيئة اننا نجاريهم

سعيدة انى عرفت مدونتك
اسلوبك شيق وممتع ورائع
اول زيارة ومش الاخيرة ان شاء الله

تقبلى مرورى

وحي القلم said...

كلام جميل وواقعي
فعلا الواحد ممكن يتخنق لما يحس انه مش لاقي حد فاهمه
تقبلي تحياتي

فشكووول said...

سول العزيزه
ازيك
المود بتاعك فى البوست دا مش عاجبنى خالص
انت كنت حلوه وبتحبى الناس وما عندكيش عقد من التعامل مع مختلف الناس
ايه اللى حصل لك
شكلك كدا عايزه تديها اكتئاب
اشمعنى يعنى البوست ده اللى ما قلتيش لى عليه
هه يا لله
عايز اشوف ابتسامه جميله كدا
هاتها ابتسامه
كويس كدا
تحياتى بقى

محمد said...

السلام عليكم ورحمة الله وبركاته
أختي الفاضلة همس الروح

رغم ما يعتري الكلمات من انكسار وانحسار للآمال بسبب آلآم الواقع المرير إلا أن تلكم الكلمات تدق كبندول الساعة لنا نحن البشر من أجل أن نفيق ونستوعب أن الساعة قد مضت ونصحو من غفلتنا التي عمت علينا بوعي او بغير وعي

وأخيرا .... وجدت الأمل بارقا حيث لا استسلام ما دمت تسيرين علي طريقة رب العالمين

خالص مودتي وصادق دعائي

ريمان said...

السلام عليكم ورحمه الله وبركاته


عارفه

الموثق اللى اتكلمتى عنه ده حصل معايا بالظبط

واضايقت جدا


عارفه كممان


بيتهيألى اننا المفروض ندرس تنميه بشريه وناخد دروس فيها عشان نعرف ازاى نتعامل مع الناس ونعيش فى الدنيا دى بأنهى وش

لانى بجد احتارت جدا

والله حاسه بيكى

لانى كده بالظبط زيك

زاخدت على دماغى كتييييييير ومش بس باخد اقلام على وشى لاء ده على قفايا كمان وشلاليط

ههههههههههههههههه


روق يا جميل

Anonymous said...

انا مع العم فشكول

ان "المود" مختلف حبيتين


لكن شويه و هرجع تانى اقرا ع رواقه ^^

kafrawy said...

روقى انتى بس يا دوك

و الله الدنيا زى الفل و فيها ياما
بس انا متفق معاك ان التعابنين بقم اكتر من الكويسين

يادوك فكك من اى حد يزعلك

adel said...

نجيب من الاخر

لا طبعا اللي مكبر علي طول ده بيهرب من مشاكله و هايجي يوم و هيواجهها و هيتعب ساعاتها قوي
------------
الواحد ده بيعمل كده برضه هروب و بيحاول يقنع نفسه بالعكس و انتي او اي حد مش بيحس ياللي عنده المشكلة حتي لو قريب منك قوي ان شاء الله جوزك
محدش بيعرف قيمة مشاكله الا هو بس
------------
المخادعين يعني شر
و الدميا من غير شر متتعش لانها هتبقي الجنة
و احنا مش في الجنة
-------------
التدين الظاهري زيه زي الخداع بس المشكلة انه كمان بيكدب علي نفسه و علي ربنا
ده مريض نفسي مش اكتر

بس لسه في ناس كويسة بجد لان لو الكل وحشين
يبقي انتيكمان وحشة .... مينفعش تكوني ملاك و كل البشر وحشيين
زي ما انتي كويسة في ناس كويسين بس دوري عليهم كويس
--------------
اللي بيتهرب منك يمكن لانه مش قادر يساعدك
و مش عارف يقولك انه عاجز
مش سهل علي الواحد يعترف بعاجزه
--------------
رسم الاحلام و الواقع دي اكتر حاجة انا حاسسها....لاني بعشها
و الناس بتقابلك ببرود لانهم زيك بالظبط بيحلموا و مايحققوش حاجة
الفرق بينك و بينهم انك بتبقي عمله امل علي احلامك كبير قوي و في ناس تانية مش بتعمل كده
----------------
في النهاية

الخداع موجود و يوجد ايضا الحب
لو مفيش ثقة يبقي مفيش اصحاب او اهل
و مش كل الناس بتبص للمشاعر في ناس بيهمها حاجات تانية
-----------
كل اللي قولتيه انا عايشه و عاشته مرة زمان

و ااقدر ااقولك مليون حاجة بس صدقيني
متخليش الدنيا تغيرك ولا انتي تغيرها
عيشها زي ملبتحلمي حتي لو قالوا عليكي مجنونة
موتي و انتي بتحاولي احسن ما تموتي من اليأس و الاستسلام


او اقولك كبري
هههههههههههه

Soul.o0o.Whisper said...

احساس طفلة محبة للرومانسية بس واقعية

أولا : أهلا بيكى بجد
نورتينى
و يارب فعلا مش تكون آخر زيارة

ثانيا : كلامك رائع جدا
"اعتقد ان لو كل انسان حاول يختار اللى حولية صح
واستنى ومتسرعش وادى ثقتة لحد
ممكن نتجنب الكلام دا شوية
"

صح .. بس الكلام دا لو هنختار أصدقاء
لكن الحياة بتفرض عليكى كل يوم تعاملى مئات الاشخاص
و فى مصالح و أشغال
ماينفعش تعمليها لوحدك
لازم تستعين بحد
و آه لو الحد دا موظف المصلحة يااااااااه

و زمايل و جيران و اهل
لازم تتعاملى مع كل دول و بتشوفى منهم حاجات غريبة بجد

"العالم استحالة يكون مثالى "
دا أكيد
لكن فى حاجة اسمها أقل حدود الادب و الاحترام المتبادل
مش كدا و لا ايه؟؟

فعلا لو اتمسكنا بديننا و اخلاقه الجميلة
هنلاقينا عايشين مبسوطين اوى

و أنا مبسوطة اوى بمرورك الجميل
و بانتظارك دائما


دمتى بود

Soul.o0o.Whisper said...

مصعب صلاح

اولا : معلش مقصرة معاك
سماح بئا ماتزعلش
:)

ثانيا : فعلا الواحد بيتخنق جامد
بس بيرجع بسرعة جامد بردوا:)

تحياتى ليك

Soul.o0o.Whisper said...

fashkool

عمو العزيز / فشكول
ياهلا يا هلا

الحمد لله كويسة والله طول مانتوا معايا
:)

"المود بتاعك فى البوست دا مش عاجبنى خالص"
معلش بئا ، أصل الواحد أحيانا يعنى بيتضايق بردوا
:)

"انت كنت حلوه وبتحبى الناس وما عندكيش عقد من التعامل مع مختلف الناس
ايه اللى حصل لك"

كنت؟؟؟؟
و مازلت والله .. أنت غيرت رأيك فيا و لا ايه؟؟
لالالالالالا
و بعدين بفضل الله والله ماعنديش مشاكل فى التعامل مع الناس
حتى لو وحشين
لكن أنا بأتكلم عن أثر دا فيا

ماهو مش معنى انى أعاملهم كويس حتى لو وحشين ان دا مش بيأثر فيا
بس مش باحب ابين دا

"شكلك كدا عايزه تديها اكتئاب"
لا والله
بس أنت الظاهر مش قرأت آخر البوست كويس
:)

هتلاقينى باقول ان رغم دا ان شاء الله هأفضل زى مانا
لأن دا اللى ربنا طالبه مننا
و يااااااااارب نقدر عليه
:)

اشمعنى يعنى البوست ده اللى ما قلتيش لى عليه *
مش عارفة والله
أنا بعته عادى زى كل مرة
يمكن النت كان وحش بئا؟؟؟

عايز اشوف ابتسامه جميله كدا *

اهوووووووووو
:)
:))
:D
ههههههههههههههه

كويس كدا؟؟

بجد مبسوطة بمرورك جدا
ربنا ما يحرمنى منه ابدا

دمت بكل ود

Soul.o0o.Whisper said...

هذه حياتي

و عليكم السلام و رحمة الله و بركاته
أخى الفاضل /

كلامك صح
ياريت فعلا نصحى بئا من الاستسلام للواقع و اننا نعمل زى ما الناس مابتعمل و خلاص
و نرجع نفكر فى كل شئ قبل ما نعمله
و نقتنع بيه و نعمله عن اقتناع


نعم .. لا للاستسلام
لأن الامل فى ربنا بس
و مدام يقينى بربنا الحمد لله أحسب انه قوى
فربنا يعينى يارب و يعيننا جميعا و يقوينا على طاعته


دمت بود

Soul.o0o.Whisper said...

ريمان

ريمووووووووو
و عليكم السلام و رحمة الله و بركاته

هى فعلا حاجة تضايق
بس معاكى حق
فعلا احنا بئينا عاوزين دروس تنمية بشرية
و دروس أخلاق
و حاجات كتير
بس قبل كل دا
اننا من جوانا عاوزين نتغير عشان اللى نتعلمه نطبقه

ربنا يكرمك يارب يا ريمو
و يخفف عنك
أنا والله الحمد لله روقت و فقت
و بئيت تمام خالص
:)

انتى كمان روقى و فوقى كدا

Soul.o0o.Whisper said...

أحمد عمر

يا هلا يا هلا
معلش أنا متأخرة عليك
بس أنا عارفة انك أكيد عاذرنى
مش كدا؟؟

اممممممممممم
هو المود كان مختلف
بس الحمد لله الوقتى أفضل حالا
:)

ياللا مستنياك
ما تتأخرش

Soul.o0o.Whisper said...

kafrawy

د.كفراوى

الدنيا فيها كدا و فيها كدا
بس للأسف فعلا انك بتتعامل مع الزبد اللى فوق الوش
و بالتالى بتتعب

لكن أكيد فى ناس حلوة كتير
و كفاية بجد انكم معايا
دا أكبر دليل
مش كدا و لا ايه؟؟

أفكنى؟؟
أنا أصلا مربطنيش
هههههههههههههه

بس صعب عليا جدا انى افكنى من اى حد
مابقدرش أخسر حد
حتى لو كان ايه
و دا اللى بيتعبنى


شكرا لمرورك الجميل
و دمت بود

sakayar said...

السلام عليكم ورحمة الله وبركاته
هو أنا عارف الاول اني متأخر بوستين تقريبا عن التعليقات بس والله مشغوليات رغم اني قرأتهم وكل ما اجي اعلق يحصل حاجة ومش اكمل التعليق وانشغل ... تقريباً اول ما بلاقيني فضيت ومفيش حاجة هتشغلني بدخل اعلق عند المدونات اللي بحبها او انزل بوست او الاتنين سوا... بس حبيت اقول كده علشان فيه ناس مبتعلقش غير علشان بيحبوا الجماهير تبقى كتير عندهم لما ينزلوا بوستات جديدة ... ربنا يعافينا
ندخل ف البوست بقى
عارف فعلاً كل اللي حضرتك قلتي عليه ف البوست ده ... وبالفعل عشت كل ده
بس مش كل الناس مش بتقدر المشاعر صح ... غالبهم آه لكن مش كلهم
وكل فقرات عارف أيوة حقيقية بس بيبقى لازم فيه حاجة م الاتنين لازم نشوفها
إنه ربنا بيقولنا ف الاخر مش هتلاقوا غيري فمتتعلقوش بحد غيري وخلو اهتمامكم كله هو ربكم
والحاجة التانية ان ربنا بيختبرنا ويقولنا خلي عندكم حسن ظن ف ربنا انه هيبعتلكم حد يستاهل كل اللي بتعملوه او يعينكم على اللي بتعملوه ... بس ساعتها لازم تعرفوا ان ده من رزق ربنا وبس
وأخيراً الخاتمة بتاعة حضرتك كالعادة هي الخلاصة والحقيقة اللي بنطلع بيها دايماً
دمتي بكل خير وسعادة

Anonymous said...

حبيت اشئر عليك واقولك
طابت جمعتك بالطاعة وراحة البال

وماتنسيش تكتَّري صلاة وسلام على النبي اللهم صلي وسلم وبارك عليه
فتك بعافيه ياسولة العسوله
ولما افضى حئرا البوست
سلام ياجميل
تحيتي من الأروقه

Anonymous said...

بسم الله الرحمن الرحيم
السلام عليكم ورحمة الله وبركاته
hello my friend,
how are you?sister
are you remember me?
I from Türkiye
from Ankara

في أمان الله

Soul.o0o.Whisper said...

عااااااااااادلللللللللل
((وش مذهول
هو أنت عادل ولاااا؟؟
طب استنى كدا
((بأفرك عنيا

ههههههههههههههههههه

اييييه دا؟؟؟
اول مرة أشوفك بتتكلم جد
:)

"اللي مكبر علي طول ده بيهرب من مشاكله و هايجي يوم و هيواجهها و هيتعب ساعاتها قوي "

دا صحيح
أنا مش بأحب أتهرب ..
لكن فى أحيانا مواقف ماينفعش غير انك تتجاوزها

صح ..
محدش بيقدر مشاكله غير الشخص نفسه
بس صدقنى فى ناس مستهترة و مش بتقدر انها بتوقع نفسها فى مشاكل
و يسيبوا اللى حواليهم هما اللى يعانوا
...........
صح
الخير أصلا مايتعرفش إلا بالشر
و عشان كدا هى دنيا
ربنا يرزقنا جميعا الجنة
اللهم آمين
...........
عادل فعلا كلامك صح
و أنا مقتنعة بأن الدنيا لسه فيها ناس كويسة
و هما سبب ان الدنيا لسه موجودة

لو فعلا لناس كلها وحشة
يبئا ربنا سايبنا ليه؟؟
كان بعث علينا عذابا من فوقنا و من تحت أرجلنا
بس فعلا محتاجين بحث

على فكرة أنا قصدى اطلاقا إنى مش لاقية حد كويس
بالعكس الحمد لله ربنا مانن عليا بناس كويسين أوى
و بعدين كفاية انكم معايا
دا دليل ان الدنيا لسه بخير

لكن أنا باتكلم عن الناس اللى باقابلها كل يوم
و بيكون فى تعامل سواء أردت أم لم أرد

..................

الاعتراف بالعجز شعور قاسى
لكن اللى مايقدرش على شئ مايوعدتش بيه من البداية
مش كدا و لا ايه؟؟
.............

بالنسبةبئا للأحلام و الطموحات
فى ناس فعلا مجرد ما بيفشل مرة و اتنين
بيستسلم للواقع

لكن فعلا الفرق بيكون فى وجهة نظرك للامور
و كمان يقينك ان ربنا قالك ماعليك إلا الاخذ بالأسباب و سيب النتايج مالكش دعوة بيها
عشان كدا الواحد احلامه هى الاسباب اللى بيبذلها
فلازم يحاول و مش ييأس انه يحققها
و ربنا اكيد معانا طالما شئ كويس
..............
بالنسبة للثقة
طبعا فى ناس أهل للثقة
بس ما مقدار الثقة؟؟؟

عن نفسى فعلا اشخاص معدودين جدا اللى واثقة فيهم جدا
و يارب مش اتخدع فيهم
لكن بردوا ارجع اقول انى باتكلم عن الناس عامة
...........

فعلا مافيش غير انك تعيش انت
و تحافظ على نفسك ماتتغيرش
رغم انه شئ صعب جدا

بس حقيقى اللى يعمل كدا
فى نظرى
فاز بنفسه
و دى أكبر مكافأة فى نظرى
............

بجد انت تعليقك دا خلانى أعرف عنك حاجات كتير
ربنا يكرمك يارب و ييسر لك أمرك

و تكون الوقتى افضل حالا

واحد بيفكر التفكير دا
أكيد عنده القدرة على الصمود



تحياتى ليك

حاجات جوايا said...

مش عارفة اقولك ايه يا سول بجد
كل الكلام اللى قولتيه جوايا
لدرجة انى بقرا اول الجملة وعارفه آخرها هيبقى ايه

بس أكتر حاجة عجبتنى

الحياة مش كدا و ربنا مش عاوز مننا كدا و إذا كانت الناس أصبحت بهذا الحال فاحنا مش مأمورين اننا نسايرهم ونعمل زيهم احنا مأمورين نبئا زى ما ربنا بيقول بسسسسسسس و ترجع تانى تعمل زى ما كنت بتعمل و ماتلاقيش غير انك تقول : يارب صبرنى ... وقوينى


ياااااااااارب


خالص ودى
سالى

Soul.o0o.Whisper said...

sakayar

و عليكم السلام و رحمة الله و بركاته
أولا : ربنا يكون فى عونك و ييسرلك أمرك يارب
أنا كمان الفترة مقصرة مع الكل

............

بالنسبة لتقدير المشاعر
اه صح .. مش كلهم
يمكن أنا غلطت لما قلت ان ماحدش بيقدر المشاعر
لكن اللى كنت اقصده
ان طريقه تقديرهم للمشاعر للأسف غالبا بردوا بتكون مش مناسبة

لأنهم بيتعاملوا من وجهة نظرهم هما
مش وجهة نظرك انت
و بالتالى ممكن انت كمان تفهم تقديرهم لمشاعرك غلط

................

فعلا عندك حق
أكتشفت ان مفيش حد أهل للثقة الكاملة إلا الله
و ماحدش من الناس اهل للثقة
إلا اللى بتربطك بيه صلة فى الله
فعلا هما دول الناس اللى تقدر تثق فيهم

و فعلا ربنا مش بيبخس حد قدره
و حاشاه أن يظلم احد
و حسن الظن بالله حقيقى هو اللى بيعطى الواحد أمل فى بكرة
:)

سعيدة بمرورك
و تعليقك الرائع
ربنا يبارك لك يارب


دمت بود

Soul.o0o.Whisper said...

أروقتى الجميلة

ربنا ما يحرمنى منك يارب يا جميلة
و كل جمعة و أنتى فى طاعة و راحة بال
:)

اللهم صل و سلم و بارك على خير البرية
و أعطر الاحبة
محمد صل الله عليه و سلم
و على آله و صحبه

ربنا يبارك لك يارب
و ييسرلك أحوالك

مستنياكى
:)

Soul.o0o.Whisper said...

hayatcemresi

و عليكم السلام و رحمة الله و بركاته
:)

Welcome back "hayatcemresi "

Ofcourse I do,
& so happy for your return...


Wishing you a good life under obedience to Allah

فى امان الله
:)

assafo anaroze said...

سيدتي
اكيد في الواقع المعاش للحياة نصطدم باشياء تخالف ما كنا نحلم به او نظنه هو الصواب
احيانا نعيش في مثالية زائدة و نحب ان نرى الواقع كما نريده لكن نجد ان ذلك مجرد وهم وسراب
اكيد اننا نثق في اشخاص معينين و نحترمهم و نقدرهم لكن في الحقيقة لا يستحقون ذاك التقدير و الاحترام
لكن سيدتي ليس كل الناس سواسية بل على العكس هناك اشخا يستحقون منا صداقتنا و حبنا و تقديرنا
و الصداقة موجودة بالرغم من قلتها في ظل عالم مادي لا يقيم اي وزن للقيم و المبادي النبيلة
تقبلي مروري

Soul.o0o.Whisper said...

حاجات جوايا

سالى الجميلة
هلا يا قمر

فعلا مواقف بئينا بنقابلها كل يوم
لكن فعلا مالناش غير ربنا

هو الوحيد اللى يقوينا على كدا
يقوينا اننا نفضل ماشيين فى طريقه و بس

دمتى بكل خير و سعادة يا جميلة

Soul.o0o.Whisper said...

assafo anaroze

أسافو

أهلا بيك .. حقيقى منور

"في الواقع المعاش للحياة نصطدم باشياء تخالف ما كنا نحلم به او نظنه هو الصواب "
حقيقى .. و دا بنقابله كل يوم

"احيانا نعيش في مثالية زائدة و نحب ان نرى الواقع كما نريده لكن نجد ان ذلك مجرد وهم وسراب"

هى المشكلة مش فى كدا
المشكلة انك تكون عارف الواقع ماشى ازاى
لكن عمرك ما تقدر تعيش كدا
انت انسان لك مبادءك و قيمك
اللى لا يمكن تتغاضى عنها فى سبيل شئ

لكن بردوا دا بيسيب أثر سئ جواك
لأن نفسك ان الناس تكون كويسة

"ليس كل الناس سواسية بل على العكس هناك اشخا يستحقون منا صداقتنا و حبنا و تقديرنا "
صح
و فعلا فى حياتى ناس تستحق كل الحب و التقدير عن جدارة

و كمان عرفت من التدوين ناس جميلة جدا

دمت بود

و بانتظارك دائما

blue-wave said...

بصى بقى يا ستى
بغض النظر عن كلامك اللى يوجع دا
لكن انتى غلطانه
لأنك لازم تفرحى ان ربنا نجاكى
اوقات كتير بننخدع فى ناس
لكن لما ربنا يظهرهم على حقيقتهم قدامنا
لازم نفرح
الطيبون للطيبات
بس كدا

mohamed ghalia said...

لما يحصل ده يبقى لازم تكبرى دماغك فعلا

عاشقه الرومانسيه said...

الحياه اللى بنعيشها والواقع اللى بننصدم فيه والالم اللى بنحسه لما ندجى ثقه لحد زياده عن اللازم وننجرح منه
هى دى الدنيا
واحده صاحبتى قبل كده ضحكت على سذاجتى فى التعامل مع اصحابى وقالت لى جمله غريبه
الدنيا مصالح ياعم صالح قوم شوف )مصلحتك)
يمكن انا استغربتها لانى مش باتعامل بيها
لكن كل الناس ماشيه بالمبدأ ده
ان الدنيا مصالح

الحياه اللى بنتمناها انا وانتى وغيرنا كتير مش هنلاقيها الا فى الجنه

د. ياسر عمر عبد الفتاح said...

أيون للأسف عااااااااااااااارف
وللأسف حاسس وشايف كمان

من غير عنـــوان said...

في زمن الأنا
في زمن الجري
في زمن الماديات

الناس اللي زيك ...







بيتعبوا

أنا كمان تعبان من كل اللي قولته

أمنياتي

mahasen saber said...

سولو هو ده حصل امتى

بعد ما كلمتك ولاا بالاصح هو انا لحقت اكلمك

mahasen saber said...

بس كل كلامك فى البوست صح يا بنتى
وللاسف اغلبنا لو مش كلنا بنتعرض لحاجات ونماذج كده
وعليه حالتنا النفسيه بيجيلها هرش وامورنا بتغمق مع الدنيا


ربنا يوقعنا فى ملايكته من اليشر اللهم امين

صوت من مصر said...

لا مش عارف .؟
طب هعرف منين وازاى وليه
كلامك جميل جدا
عندك روح الدعابه فى الكلام بجد
تسلم ايدك

adel said...

اه انا بتكلم جد
مش لازم دايما اهزر
ههههههههههه

---------
الناس اللي بتتعملي معاهم دول كل يوم
في الاول و الاخر ناس بيروحوا و يجيوا متتوكعيش منهم انهم يكونوا كويسين
-------------
و الي بيوعدك و مش بينفذ يمكن يكون حاول و فشل احسن مايقولك من الاول معرفش
----------
و قوليلي عرفيتي عني ايه من تعليقي

لاني متأكد انك فهمتي شخصيتي غلط

و علي العكس تماما ان التفكير ده جابني ورا
بس عمري ما هاغير تفكيري
و كمان ان للاسف معنديش قدرة علي المواجهة او الصمود

مش بقولك فاهمتيني غلط

هههههههههههههه

صمت المشاعر said...

كلامك كله واقعي وبيحصل لينا

بس للاسف دا بيسبب عدم القدره علي الثقه في الناس
واوقات الانسان بيفقد القدره في الثقه في نفسه لمجرد انه اخطاء في حكمه او اختياره في الناس كذا مره

بوست جميل وواقعي مرسي كتير ليكي

۩ Nour ۩ said...

السلام عليكم..
ازيك يا سول . اخبارك ايه..؟
رفقاً بنفسك يا عزيزتى ..

**********
كل كلامك لا غبار عليه ..المشاعر اصبحت فى اخر الدرجات واصبح التعامل بالحسابات والاقنعه الباهته..واصبحنا يا عزيزتى كالممثلين نلعب ادوار ترجيديه مضحكه وكوميديه مؤلمة تهلك مشاعرنا لتلقى حتفها مع سبق الاصرار ولا نجد الا تلك الكلمه السخيفه عــــــــادى كله كده..

ولو حاول احد منا اتخاذ منحنى يختلف مساره عن الباقين .. تجد الانتقادات وسريعاً تجد ضربة قاتله لتعيدك الى ذلك الواقع الملتوى متعدد الالوان.. وتعازيك من الجميع المسكن كلنا كده

..

========
احــــــــــذر الخيال حتى لا تصطدم بالواقع ...


ورغم ذلك يا سول اكيد فى ثقه واكيد فى حد ناس كويسه .. بس للاسف يمكن مش باين على سطح الواقع ...

....

فى جمله محيرة لكن هى الاساس... اعرف نفسك بنفسك فى نفسك لنفسك...

شفتى التخبيط اد ايه.. ده اللى بنعيشه كله بيخبط وفى الاخر فى ناس بتكسر فى ناس وبالتالى حاجات كتير بتقع مننا زى الثقه ونبدا نعمم على
الناس كلها

..وفعلا يا سول فى الاخر .. يارب صبرنا.

Soul.o0o.Whisper said...

blue-wave

د.عمرو
حقيقى الحمد لله الذى نجانا

بس احنا ما ينفعش نوقف تعاملاتنا مع الناس
صح لما ربنا بيظهرهم قدامنا عشان نحذر فى تعاملاتنا معاهم

لكن فى الآخر فعلا ربنا بيدى الواحد على اد نيته و مش بيظلم حد
:)


دمت بود

Soul.o0o.Whisper said...

mohamed ghalia

اكبر دماغى من ايه؟؟
من الناس و كلامهم؟؟

بص انت لازم تتجاوز بعض المواقف
لكن فى النهاية زى ما قلت قبل كدا
ان دا بيترك اثر وحش فيك

و دا اللى كنت اقصده بالبوست دا



دمت بكل ود

Soul.o0o.Whisper said...

عاشقه الرومانسيه

دودو حبيبتى
صح يا دودو بننجرح اوى لما بنثق فى حد و ننخدع فيه

بس يا دودو اللى كنت اقصده هنا
ثقة الوعد
مش الثقة عامة

يعنى حتى دى ماعدتيش تقدرى تثقى فى وعد حد بسهولة

فعلا هى الدنيا ماشية مصالح
بس فى ناس بتمشى مصالحها مع ارضاء الناس
و فى ناس بتمشى مصالحها على حساب الناس

بس فى النهاية يا جميل فعلا احنا عايشين دنيا
و ربنا يجمعنا فى الفردوس الاعلى يارب
حيث لا تعب و لا نصب




خالص ودى يا قمر

Soul.o0o.Whisper said...

د. ياسر عمر عبد الفتاح

ربنا يقويك يارب
و يقوينا كلنا

حقيقى نورت





دمت بود

Soul.o0o.Whisper said...

من غير عنـــوان

أستاذى العزيز /

و مين فينا مش تعبان؟؟؟
كلنا تعبانين

كل واحد فينا فعلا جواه مشاكله و همومه
لكن نرجع نقول مالناش غير ربنا
هو يقوينا و يصبرنا


دمت بكل ود

Soul.o0o.Whisper said...

mahasen saber

سنسنتى الجميلة

اللى حصل دا باقابله كل يوم
:)

و بنضحك و نهزر معاهم و عادى
لكن لما بنبئا لوحدنا فعلا حالنا بيغمق خاااااااالص
هههههههههههههههههه



يارب يا سنسن يااااااااااااارب يوقعنا مع ملايكته من البشر :)


دمت بكل ود حبيبتى

Soul.o0o.Whisper said...

صوت من مصر

لا مش عارف؟؟؟
طب هتعرف امتى ؟؟

هتعرف منين ؟؟
من اى واحد عاوز مصلحته بس
و ازاى؟؟
بانك تتعامل معاه
و ليه ؟؟
عشان تبئا زى حالاتى كدا
ههههههههههههههههههههه

ربنا يبارك لك يارب
و ييسرلك كل خير

دمت بود

Soul.o0o.Whisper said...

adel

يا هلا بيك مرة تانية
منور

"اه انا بتكلم جد
مش لازم دايما اهزر "
لا والله؟؟
أصلى مباجيش إلا ساعة الهزار بس
معلش بئا
ههههههههههه


صح يا عادل الناس دول بيروحوا و ييجوا
بس فى أثر بيكون جواك
الاثر دا اللى بيديك حافز لبكرة
أو يثبطك و يخليك شايف الدنيا وحشة

أما بئا بالنسبة لشخصيتك
كفاية انك شخص طموح
و لك وجهة نظر فى الحياة
و أنت قلت اهو مش هتغير تفكيرك

و مش معنى الصمود
أنك تغير اللى حواليك
لكن الصمود هو انك انت اللى متتغيرش
و دا اللى ان شاء الله هتقدر عليك باستعانتك بربنا

أما المواجهة
فأحيانا بيكون عدم المواجهة أجدى فى حل المشاكل
بل بالعكس أحيانا بتكون دافع لنا على الصمود

و كل مقام له مقال

أهم شئ أنت ايه



يارب أكون فهمت صح
:)



دمت بود

Soul.o0o.Whisper said...

صمت المشاعر

أولا : أهلا بيكى
منورة

ثانيا :
صح أحيانا بنفقد الثقة فى الناس لما نعاملهم و نلاقيهم مش بيقدروا المعاملة دى
لكن زى ما سكايار قال
ان دا بيزود ثقتنا فى ربنا اوى
لأننا بنعرف ان مالناش غيره

و دا طبعا لما نعامل الناس
انما لو هنختار ناس بئا
اصحاب مثلا
لالالالالالا
دا عاوز مشوار طويل اوى
بس هتلاقى حواليكى ناس انتى معطياهم ثقتك
مش كدا؟؟


ربنا يوفقك يا جميلة و ييسر لك كل خير



دمتى بود

Soul.o0o.Whisper said...

Nour

و عليكم السلام ورحمة الله و بركاته
هلا بالجميل

أنا الحمد لله بخير ، أخبارك انتى ايه؟؟
:)

بصى يا نور
صح المعظم لابس أقنعة
لكن انتى عليكى المعاملة بالحسنى
بس أنا اقصد الاثر اللى بيسيبوه جواكى

لكن انك تستسلمى للى بيقولوه
عشان عادى
لا بإذن الله
مش عادى
و ربنا ييسرلنا امورنا جميعا و يهدينا للخير

.............

أكيد يا نور فى ناس كويسة
و هما دول اللى ربنا حافظ الحياة عشانهم
لكن فعلا ممكن يكونوا مش ظاهرين

............

صح لما بنكون متأثرين بنعمم على الناس كلها
و دا غلط فعلا
و اعترف انى غلطانة لو كنت عممت
..........

ربنا يصبرنا و يقوينا جميعا يا جميل
و حقيقى سعيدة بمرورك جدا




دمتى بكل ود

ghorBty said...

ما شاء الله
:
كلام ذو معاني عميقه

انت قلت كل حاجه

وعندك حق فعلا

ساعات بنكبر دماغنا ومن كتر ما بنكبرها بقينا مش قادرين نمشي بها

:
وساعات فيه حاجات مش هينفع نكبر دماغنا ولا نجد امامنا الا المواجهه والعتاب واللوم كمان

كتير فيه ناس ممكن يعملوا معانا مواقف فيها قله ذوق ونسكت ونبكر مره واثنين بس لو سكتنا اكتر واكتر ممكن يتمادوا فيها وكل دا في الاخر بيكون علي حساب اعصابنا احنا

وفي الاخر طول ما احنا عايشين ياما هنقابل وياما هنشوف
:
بس اهم شئ اننا مش نتاثر بتعامل الناس السئ بل بالعكس نعمل كما قال الله

( ادفع بالتي هي احسن فاٍذا الذي بينك وبينه عدوه كانه ولي حميم ) وربنا يجعلنا من الصبرين المحتسبين من تعاملات البشر الجافه وفي هذا الزمن اللي اصبح الكثير الا من رحم ربي كالالات المتحركه بلا مشاعر ولا احاسيس ولا مراعاه لشعور الغير

نسال الله السلامه

جزاك الله خيرا وربنا ييسر لك كل امر عسير

:

رؤية said...

الغريب انى كنت بتناقش مع واحدة قريبتى فى الموضوع دا امبارح...!

بصى..
لازم تعرفى ان مافيش حاجة مطلقة
مافيش مثالية مطلقة بس فى ناس بتحاول
ومافيش متدين مطلق بس فى ناس بتحاول
حتى اللى فيه صفات مش كويسة لو دورت وراها هاتلاقى ان الانسان دا ضعيييييف وبيخفى دعفه ومحتاج اللى يساعده

خلاصة الكلام
عيشى فى الدنيا كان مافيهاش ناس
وكونى معاهم افضل شىء
دورى على الصح واعمليه لانه هو الصح مش لشىء تانى سوى مرضاة الله
وما تتخدعيش فى الناس وتوقعى اى شىء
واعرفى انك انتى نفسك ممكن يجى وقت وتعملى حاجات ما كنتيش تتوقيعهيا وتتصدمى فى نفسك كمان

وعموما
الدنيا فيها الابيض وفيها الاسود
وكبرى دماغك

تحياتى

Asmaa Fathi said...

عااااااااااااااااااارفه

احساسك ده متأخر جدا

بس الحياه فيها وفيها

تحياتى

adel said...

للاسف كلكم رسمين عني شخصية اسطورية
ههههههههههه

انا مش كده خالص
انا ممكن ااقولك كلام و بتاع
و استحملي و كملي و
انا من اول هزة بقع

ههههههههههههه

و انا فعلا بحارب اني متغيرش بس مش عشان حد الا عشان ان مقتنع اني كده صح
او كنت مقتنع
لاني ابتديت اغير رأي ده شوية

ههههههههه

ن said...

السلام عليكم
الدكتورة الغالية سول
حقيقى وحشتينى وآسفة لغيابى عنك يا عزيزتى ولكن هناك بعض الدراسات التى تأخذ منى بعض الوقت وتحتاج تركيز شديد وعدم تشتيت العقل والحقيقة أننى لم أتعود أن أقدم لكم الا ما يليق بكم لذلك أنقطع من وقت لأخر وحتى أختار الموضوعات المناسبة للطرح والمناقشة .
نعلق على البوست الان
إسمعى يا دكتورة سوف أنقل لك وجهةنظرى على الاقل فى التعامل مع الاخرين خاصة مما تكون طبائعهم كما ذكرت فى البوست .. الناس عامة فى إختلاف الى يوم الدين سواء فى طبائعهم وأحوالهم وعندما أتعامل مع الناس لا أحب أن أكون ريموت كنترول لهم يتحكم فى ضبطهم وأحوالهم كما أحب بل أتعامل معهم من أقل نقطة فيهم ثم أرتقى الى أعلى نقطة فيهم فتظهر لى محاسنهم وعيوبهم وهناك من العيوب ما يمكن تلافيها والتعامل معها وهناك مالا يطيق الانسان التعامل معها خاصة إن كانت نوازع الانسان شريرة ولكننى أرى دائماً بأن الخير أقوى من الشر ولكن مع الصبر لذلك وجهنا الله الى الصبر والى الاحسان ووجهنا المصطفى صلوات الله عليه الى الدفع بالاحسان لأنه يرخى ستارا من الرحمة فى التعامل حتى مع الحيوانات الشرسة انظرى الى من يربون السباع الشرسة والافاعى السامة فتتحول الى صديق اليف رغم خطورتها فما بالك بالعقل البشرى والنفس التى حباها الله بالخير ولكن بعض النفوس الضعيفة هى التى تصنع الشر ..ومعاملة الناس فن وأى فن .
أما من هم على بصيرة ووعى ويساورهم الخطأ من وقت لأخر ويدركون تماما ما يفعلون فهؤلاء تكون محاورتهم بالعقل والمنطق ولهم عندى ما جاء على لسان الخضر عليه السلام وهو يلتمس للنبى موسى العذر فى رحلة العلم بعد ثلاث مرات .. قد بلغت منى عذراً ثم واعده الفراق على محبة من الله وبعد أن أرشده الى الصواب .
مع خالص تحياتى

Beram ElMasry said...

الاخت العزيزة Soul.o0o.Whisper
السلام عليكم ورحمة الله وبركاته
لا داعى للأسف , اللهم أجعله خير سماح , أكيد الرجالة مظلومين لو هى عملت ليه ربع الزواق الي عملته وهي رايحة حفلة خليو, كان جوزها رقص وغنى طول الليل , ماهو لو الحب كان نفع كانت الأوضاع تغيرت , يبقى لازم تكونى معايا , المهم أن هذا التأخير لا يتكرر بحال من الأحوال , وأنا عيناي أصبحت ضعيفة جداً ولابد من احضار ميكروفون وسماعة للتحاور والتشاور
لك تحياتىوالسلام ، ولا سلام مع اليهود

لو عرفوه هيحبوه said...
This comment has been removed by the author.
Anonymous said...

اممم

اهلا سول :


أشعر بمرارة التجربه و اتذوقها ف حلقى


لكن دوما انا لا ابكى ع الاطلاع و ربما اكتفى بالنظر اليها من بعيد لابتسم:)

فشكووول said...

ازيك يا سول
تحياتى
ان شاء الله ح اقول لكم على كل حاجه بالتفصيل وح تعرفى كل حاجه من غير ما تسألى
كمان انا عملت البوست ده باللغه العربيه
عشان انا استقيته من اكتر من مرجع ومن النت
وكان صعب انى احوله للغه العاميه
عمك فشكول وقف عاجز عن انه يشرحه اكتر من كده لامكانياتى المتواضعه
لكن الباقى ان شاء الله ح اسهر عليه واحوله للغه العاميه عشان الموضوع شكله صعب حتى على
وتحياتى

رحــــيـل said...

ده العادى يابنتى

تقريبا انا وصلت لبدايته وانا فى سنك وكلما مر بك العمر هتكتشفى ماهو اسوء

اقولك انا بقى وصلت من المرحله من التكبير ملهاش حل انا حتى مبتقش بكبر للناس وبس ده انا بقيت كمان بكبر لنفسى وعايشه فى روقان او هكذا اقنع نفسى
انا منفضه للبشريه ولدنيا من كتر اللى الواحد شافه وكنت بقول نفس الكلام ان مش معنى ان كل الناس وحشه نبقى وحشين لاء بالعكس لازم نحافظ على حقنا فى ان احنا نكون كويسين
وبرضه هتتعبى وانتى كويسه وهتتعبى وانتى وحشه زيهم لانك عمرك مهتعرفى تبقى وحشه شوفى برضه مش هقولك غير انك تكبرى محدش يستاهل بجد

روقى روقى
مسيرها تروق وتحلى
بس امتى معرفش بصراحه

marmar said...

حبيبتي الرقيقه يا اجمل وييييييسي
انتي قلبك جميل اوي عشان كده لو اتخدع بيزعل وقلبه بيضعف لكن حب الناس اللي حواليه وايمانه بربنا وفي بكره وامله في الحيله بيخليه يقوى ويبقى شجاع
انتي حد جميل اوي عشان كده متأثره بس يا حبيبه قلبي الدنيا فيها الحلو والوحش واحنا لازم نعرف نختار صح
ونبعد عن الشر ونغيلو زي ما بيقولو
ربنا يبعد عنك وعن كل المسلمين الشر دايما ياااااااااااارب
وحشتيييييييني يا بت يا عسوووله

وردشان smilyrose said...

حبيبتى

وحشتينى جدا

وقلقتينى جدا

وغصب عنى الفترة اللى فاتت كنت تعبانة جدا

بس فيه ايه وليه الكلام دا كله

حبيبتى الصدق موجود والكدب موجود

المهم يكون قلبك صادق معاكى ومع كل اللى حواليكى

والزمنكفيل انه يغير

لكن بلاش النبرة دى

كنتى بتلومينى ليه بقى

فوق يا عم وكبر

هههههههههههههه

smilyrose

وردشان

روح الحب الصادق

*البت المشمشية *حلوة بس شقية * said...

سول
حبيبتى
عاملة ايه
مش عارفه اما قريت البوست حسيت انك مش مبسوطة او نفسيا انتى مش مظبطة مش عارفه ليه
طمنينا عنك
ويارب يطلع كلامى غلط

قلم رصاص said...

السلام عليكم ورحمة الله وبركاته

الاخت الكريمة

انا معاكي في انك لازم تكبري دماغك
لكن تكبريها مع الحياه فقط

لما احنا نرضي ربنا ونلتزم بتعاليم ديننا الى اقصى حد أكيد ربنا هيحجازينا الخير في الدنيا ثم الاخره بإذن الله

انا عاوز اقول باختصار :

دعك من هذا وذاك ولاتباليه هما مهما قابلتك الحياة بمثل من يتحلى بكل هذه الصفات الغير حسنه ، فهكذا هي الحياة

المهم ان نهتم بديننا في المقام الاول
ثم تأتي بعد ذلك كل الأشياء لنال الجائزة الكبرى وهي رضا الله علينا وندخل الجنة

مشكورة جدا على الزيارة الاخيرة لمدونتي الغلبانة

والسلام عليكم

د/على خميس said...

السلام عليكم و رحمة الله و بركاته
الدكتورة ( سول)
لو كان تكبير الدماغ بمعنى انك تعملى الخير مع الناس و تحسنى إليهم و انت مستنية العاقبة من الله وحده و مش مستنية منهم حاجة..
فأهلا بتكبير الدماغ
و لو كان لاتوقف عن عمل الخير لأن الناس مش بتقدر فلا و ألف لا ...
فمعك حق أختى أننا يجب أن نتصرف كما أراد الله منا ..
أعرف أن هذا صعب أن نحسن و نجد إساءة و لكن مع المجاهدة سيكون ذلك ديدنك ... فعل الخير و بس و الثواب عند الله
و إن شاء مع الخبرة فى هذه الدنيا هتبدئى تعرفى مين اللى هيبيعك و مين اللى هيقدر
أسأل الله أن يثبتك

فارس عبدالفتاح said...

على فكره انا حسيت الحالة دي من الموضوع الفائت وهو التاج من طريقة الردود كان فيها نوع من الزهق والضجر والمعانات


معرفش بس هو ده اللي حسيته من كلامك فقلت يمكن عشان موضوع الشغل الجديد والحالة الغير مستقرة اللي هي فيها

بس الواضح انه فعلا فيه حاجة كبيرة ويمكن يكون بسبب الشغل الجديد برضه

بس انا خفت أكون واحد من الناس اللى أنت بتوصيفيهم ليس لأني عندي بطحه على راسي بحسس عليها


اهههههااهههههها


لان يا عزيزتي كلنا لصوص .. البشر كلهم فيهم المثالية وفيهم الوهم فيهم الذكاء الغير عادي وفيهم البلاهة والسذاجة وفيهم العناد وفي التساهل في الصبر وفيهم الضجر

كل إنسان فيه وفيه وتتجلى هذه المواقف حسب الإحداث وحسب خلفية هذا الإنسان الثقافية والاجتماعية والدينية والاقتصادية أيضا .

والذكي من هؤلاء هو من يستطيع أن يفهم الموقف أو الحدث الذي هو فيه وبناء عليه يتم اتخاذ ما يلزم من رد فعل يراها مناسب وهذا يأتي بالتجربة والخطأ وهنا تتكون الخبرة من الممارسة .

المهم أرجو أن لا أكون واحد من هؤلاء وأرجو أن يكون هناك خبر خير عن شغلك الجديد وللى لسه مفيش خبر إلى الآن

وبعدين متكبريش دماغك وفي نفس الوقت متحمليش نفسك أكثر مما يلزم من الإرهاق استعملي عقلي أكثر من نفسك أو قلبك

فالدنيا كما تقولين صراع مرير

وهذه الكلمة مرير كلمة الزعيم عبد الناصر الله يرحمه ويسامحه

كان يقول صراع مرير وكان يقول قتال مرير وكان يقول

وفي احد خطاباته الشهيرة في 1956م، في الأزهر في العدوان الثلاثي يقول

سنقاتل قتالاً مريراً

لقد فرض علينا القتال ولابد أن نقاتل وان كنت اعني أن القتال فرض علينا اعني بأن الاستسلام لأن يفرض علينا أبداً



اهههههههاههههههها


طبعاً أنا وخداني الجلالة على الأخر وشغال لكلك ورغي ولا في الأحلام

أخيراً تحلي بالصبر والجلاد وكوني صامدة وليس صامدة فقط بل قومي بالتصدي والتحدي أون شاء الله سوف تصلين إلى ما تريدين أو جزء مما تريدين وهذا يكفي

مع خالص تحياتي واحترامي

رئيس التحرير said...

همس الروح..
تقرأي مره ماشي ...لكن مازاد عن ذلك فبحسابه تدفعي فلوس أكتر ..وأنت وضميرك ...المره برع جنيه ماشي...ههههه
------
وكون ان هناك أشياء لم تفهميها فهذا قصور مني أرجو ان توضحي لي جوانب التقصير لدي ...
----- سعيد جدا بوجود عقليه مثلك ومناقشه جاده منك مع كلماتي المتواضعه .
----- شكرا لك ودائما في انتظار حضورك المبدع.

رئيس التحرير said...

دا رد علي موضوع مقالك الخفيف المليئ بصدمات واقع الناس
الرد محتاج كلام كتير ولكن خير الكلام ما قل ودل .
قلت لشيخي الشيخ فلان أفتي لي بكذا..وهو لا يعمل بما أفتي
قال لي الشيخ كما قل غيره من قبل
أنت محاسب علي علمه ولست محاسبا علي عمله .
أعملي مهم ما يمليه عليك ضميرك ودينك ..أعملي معهم ما يرضي الله ولا تنتظري منهم كلمه الشكر .
الثواب من عند الله

هنا نرتاح ...ونُريح.

د.خالدأمين said...

عندك انتي بالزات ياسول بحب دايما اكون اول واحد او من اوائئل الناس اللي تقري كلامك وتشاركك فيه


بس المره دي خيبت وبقيت انا رقم 64

ياخبر ابيض



المهم ان انا كنت بجد مخنوق ومتضايق ومكتئب جدا الفتره اللي فاتت مووووت

وكنت بجرب بجد اشكي لحد من اصدقائي او حد قريب مني يمكن يقدر انه يساعدني او يهديني او يخرجني من اتللي انا فيه

تعرفي ان فيه ناس بجد كنت بشكيلهم واقعد اتكلم بالساعه وهو يادوبك كلمتين من نوعيه ياعم سيبك او م كله فشر وخلاص
او التاني اللي يقدر يقولك الدنيا دي ملاهاش لازمه ومش عارف انت مخنوق ليه
واي حاجه تضيع في ستين داهيه او متحزنش علي اللي راح مثلا وتلاقيه هو شخصيا بعد يم والا حاجه ووالله يمكن في لحظتها مخنوفق عشان كان جايب تقدير في سنه اولي مش كويس واحنافس سنه 6..والله العظيم ده حصل معايا فعلا
تقومي تصدقي والا لا

والا الشخص ده نفسه بذات نفسه بحلاوته وجماله كده تلاقيه هو نفسه بيغيظك او بيحاول يعايرك مثلا بالحاجه اللي انتي كنتي متضايقه منها دي


يانهار ابيض
قد كده الاستخفاف بالمشاعر

هقوم اصلي العصر وراجع

بلاش فضايح said...

انا بردو اكتشفت ان الدنيا دى كلها خداع ونفاق ومصالح
وقعدتلى فترة تعبانة نفسيا من العيشة والدنيا
لغاية لما قررت بينى وبين نفسى انى اتعامل بضميرى وماليش دعوة بحد
وطبعا مش بآمن لأى حد بسهولة لأنى اتقرصت كتييييييييييير
عارفة مشكلتنا ايه؟
ان احنا عايزين العالم يبئا كله مثالى وهادى ونعيش فى المدينة الفاضلة بتاعة أفلاطون

سيبك سيبك كبرى

♥♥♥♥♥ Jennifer™® ♥♥♥♥♥ said...
This comment has been removed by a blog administrator.
hasona said...

السلام عليكم


أجمل أحساس أن نخاف علي مشاعر بعضنا البعض
وأن ننمي حبنا لبعضنا بلا مصلحة
وأن نحاول أو نحسن الظن دائما
ونضع أنفسنا مكان الاخرين

حـــــ الــجــنــة ـــــور said...

السلام عليكم

ازيك ياقلبي وحشاااني جدااا؟؟
يا قلبي بوست فضفضتي فيه على لي في قلوووبنا بس انا اقلك خديها نصيحة مني حبي لي يحبك وحبي الي يكرهك وسااعدي كل الناس حتى الي يقلك مش محتاج مساعدتك اعملي اي حاجة مش لان فلان صديقتك لالا بس علشان ربنا ووجهه الكريم حتكوني راضية على نفسك وقبلها ربنا راضي عليك

بجد ربنا يسعد ايامك ويزين قلبك بالايمان

في انتظاارك دايما

اسماء واحلام فى وجدانى said...

اسماء واحلام فى وجدانى

Unknown said...

لا لالالالالالالالالالالالالالا

كده في حاجة غلط
ليه النظرة التشاؤمية للحياة بشخوصها الدنيا زي ما فيهاالوحش فيها الحلو وإلا ماكنتش تتعاش

تفاؤؤؤؤؤؤؤؤؤؤؤؤؤؤؤل
وكبر دماغك

ويبقى التواصل

اسماء واحلام فى وجدانى said...

سسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسس


يوم لك ويوما عليك

هكذا الدنيا يا عزيزتى

Soul.o0o.Whisper said...

معلش يا جماعة

عارفة إنى أتأخرت فى الرد على تعلقاتكم
بس والله غصب عنى

هأرجع قريب جدا ان شاء الله أرد عليكم


دعواتكم

د/عرفه said...

أظن إن مفيش أحسن من حديث الرسول عليه الصلاة والسلام
{أحبب حبيبك هوناً ما ، عسى أن يكون بغيضك يوماً ما ، وأبغض بغيضك هونا ما ، عسى أن يكون حبيبك يوماً ما}

انا ذكرت الحديث ده قبل كده عندى
الواحد مش لازم يندفع بعواطفه اوى تجاه اى شخص
ولازم يتريث شوية
تحياتى

Soul.o0o.Whisper said...

ghorBty

غربتى الجميلة
"ساعات بنكبر دماغنا ومن كتر ما بنكبرها بقينا مش قادرين نمشي بها "

تصدقى صح
ههههههههههه

"ساعات فيه حاجات مش هينفع نكبر دماغنا ولا نجد امامنا الا المواجهه والعتاب واللوم كمان
"
صح
بس دا لما يكون شخص قريب منك

"اهم شئ اننا مش نتاثر بتعامل الناس السئ بل بالعكس نعمل كما قال الله "

صح يا غربتى

"نسال الله السلامه "
اللهم آمين

جزانا و اياكى كل خير يا جميلة


و دمتى بكل ود

Soul.o0o.Whisper said...

رؤية

هلا بالجميل

"لازم تعرفى ان مافيش حاجة مطلقة"
مظبوط تمام

"حتى اللى فيه صفات مش كويسة لو دورت وراها هاتلاقى ان الانسان دا ضعيييييف وبيخفى دعفه ومحتاج اللى يساعده"
بالظبط يا رؤية
دى فعلا وجهة نظرى

و على فكرة مش معنى البوست دا انى كرهت الناس
بالعكس

انا الحمد لله عمرى ما كرهت انسان
باكره تصرف معين بس
لانى متأكدة ان ورا كل التصرفات دى انسان جواه خير

"اعرفى انك انتى نفسك ممكن يجى وقت وتعملى حاجات ما كنتيش تتوقيعهيا وتتصدمى فى نفسك كمان"

صح يا رؤية
ربنا يعافينا يارب
و يعفو عنا


خالص ودى يا جميلة

romansy said...

عارفه
لما الدنيا تضيق بينا
عارفه لما ننخدع فى اللى حوالينا
عارفه امتى ندور على امانينا
لما نلاقى حد خايف يوم علينا
يبقى الدنيا فيها روح وخضره خلوه
ويبقى حب الناس والخير مالينا

ريهام العربي said...

مش عارفه اقولك ايه

بس مفيش حاجه اسمها عالم مثالي وبصراحه انا بتخنق من كلمه كبري دي
يعني ايه اكبر مينفعش اكبر دي حياتي ازاي اكبر لها

كل الامثله اللي قلتيها موجوده مع الاسف

بصراحه حياه البشر بقيت بالنسبالي
لغز كبير مبقيتش فهماهم وبقيت بعيش حياتي زي ما انا عاوزه

واذا كنت بكبر لحد فانا بكبر للناس

تحياتي ليكي يا قمرايه موضوع جامد بيوجع اه بس حقيقي

Soul.o0o.Whisper said...

gana magde

جنى الجميلة
يمكن يكون متأخر

بس أنا مش بأحاول أعيش نفسى الجو دا
و بأرفض استسلمله
لانى عارفة ان فى و فى

تحياتى لكى يا جميلة

Soul.o0o.Whisper said...

adel

بس عرفتتتتتتتتتت

يبئا من اللى عندهم شيزوفرينيا
ههههههههههههههههههههههه

لا يا عادل بجد
مدام مقتنع بشئ
و متأكد انه صح
اوعى تغير فكرك عشان حق


و ادعى ربنا انه يثبتك



دمت بود

Soul.o0o.Whisper said...

ن

أستاذتى الغاااااااااااالية / أمل
بجد افتقدناكى كتييييييييييير

و أهم شئ الحمد لله انك كويسة
و ربنا يعينك يارب

معلش أنا كمان اتأخرت عليكى فى آخر بوست
معلش شوية ظروف


"لكننى أرى دائماً بأن الخير أقوى من الشر "
فعلااااااااااا
حضرت عندك حق
انا كمان عمرى ما كرهت انسان لانى مقتنعة بالكلام دا
لكن انا جوايا احيانا بازعل من التصرفات لكن بارجع اصفى تانى و بتعدى

:)

بجد ما شاء الله على حضرتك
فعلا .. الواحد مش هيلاقى أحسن من نهج الانبياء و الرسل يتخذها اسوة ليه فى تعامله مع الناس


دمتى فى رعاية الله

Soul.o0o.Whisper said...

Beram ElMasry

أستاذى العزيز/
و عليكم السلام و رحمة الله و بركاته

"ماهو لو الحب كان نفع كانت الأوضاع تغيرت"
الحب بينفع فى كل الاوقات
بس لو استخدمناه صح

لكن احنا بنستخدمه غلط



دمت بكل ود

Soul.o0o.Whisper said...

أحمد عمر

أهلا بيك

"لكن دوما انا لا ابكى ع الاطلاع و ربما اكتفى بالنظر اليها من بعيد لابتسم"

امممممممممممم
حكييييييييييم

بجد عجبتنى

دمت بود

Soul.o0o.Whisper said...

fashkool

عمى العزيز / فشكول

ربنا يبارك لحضرتك يارب
على فكرة الاسلوب مش صعب اطلاقا

بالعكس الموضوع رائع جدا

اللى اقصده انك أثرت عندى بعض التساؤلات
لكن أكيد هى هتوضح كل ما حضرتك أضفت جديد




دمت بكل ود

Soul.o0o.Whisper said...

رحــــيـل

رحيل الجميلة
"تقريبا انا وصلت لبدايته وانا فى سنك وكلما مر بك العمر هتكتشفى ماهو اسوء"
اييييييييييه يا بنتى ؟؟
محسسانى انك عندك 50 سنة
ههههههههههههههههه

"انا بقى وصلت من المرحله من التكبير ملهاش حل انا حتى مبتقش بكبر للناس وبس ده انا بقيت كمان بكبر لنفسى وعايشه فى روقان او هكذا اقنع نفسى"

بصى يا جميل
إنك مش تتأثرى بأفعال الناس
هو دا التكبير اللى انا باعمله

انما انى أكبر بحيث انى ماحطش فى دماغى بئا و اللى يحصل يحصل
لا
ماحبش كدا

و ان شاء الله هتروق و تبئا فل الفل


تحياتى لك يا قمر

Soul.o0o.Whisper said...

marmar

مرمرتى القمر

"لكن حب الناس اللي حواليه وايمانه بربنا وفي بكره وامله في الحيله بيخليه يقوى ويبقى شجاع"

ربنا يكرمك يا حبيبة قلبى يارب
فعلا ايمان الواحد بربنا هو اللى بيقويه بس
و بيخلى عنده الامل فى بكرة
و فى الناس
و فى كل شئ


و طبعا الحياة فيها من دا و فيها من دا
ربنا يرزقنا ناس طيبين زيك كدا يا جميل
:)


انتى كمان وحشانى يا قمر
معلش خلاص هانت اهو
دعواتك بئا



تحياتى يا جميل

Soul.o0o.Whisper said...

smilyrose

وردتىىىىىىىىىىىى
بجد انتى اللى وحشانى موووووووووت

يارب تكونى الوقتى بخير يارب


صح يا ورد
الصدق موجود و الكدب موجود

بصى يا وردتى
انا مش بالوم لما أشوفك زعلانة من فعل وحش
لكن بالوم لما الاقى الواحد مستسلم ليه
و مش قادر يخرج منه

و خلاص كان الدنيا اتهدت

فعلا ... الحياة فيها كدا و فيها كدا
و احنا لازم نعيش حياتنا
لانها حياتنا احنا
فنعيشها صح

مش كدا و لا ايه؟؟؟



خالص ودى يا قمرى

Soul.o0o.Whisper said...

*البت المشمشية *حلوة بس شقية *

مشمشتى الامورة

ربنا ما يحرمنى منك و لا من سؤالك يا جميل
أنا الحمد لله بخير
و فى نعمة

لا تقلق
:)


تحياتى يا قمراية

Soul.o0o.Whisper said...

قلم رصاص

و عليكم السلام و رحمة الله و بركاته

ربنا يبارك لك يارب
فعلا زى ما قلت

اهم شئ نرضى ربنا بالمقام الاول
لان هدفنا هو رضا ربنا
ثم دخول الجنة

و بعدين لا شكر على واجب
احنا بنحب نخدم بس
:)

دمت بود

Soul.o0o.Whisper said...

dr aly khamis

و عليكم السلام و رحمة الله و بركاته

"تكبير الدماغ بمعنى انك تعملى الخير مع الناس و تحسنى إليهم و انت مستنية العاقبة من الله وحده و مش مستنية منهم حاجة..
فأهلا بتكبير الدماغ "

أيوا أنا بردوا بأقول كدا

صحيح شئ صعب فى الزمن دا
لكن الواحد يستعين بالله


ربنا يثبتنا جميعا



دمت بود

Soul.o0o.Whisper said...

فارس عبدالفتاح

"هو التاج من طريقة الردود كان فيها نوع من الزهق والضجر والمعانات "

ليه بس كدا؟؟؟؟

معرفش بس هو ده اللي حسيته من كلامك فقلت يمكن عشان موضوع الشغل الجديد والحالة الغير مستقرة اللي هي فيها *

هو فعلا كنت الفترة اللى فاتت مش متظبطة عشان موضوع التكليف دا

بس انا خفت أكون واحد من الناس اللى أنت بتوصيفيهم *
لالالا أبدا
أعتقد أن حيز التعاملات لم يصل لهذا الحد
ههههههههههههههههههه

"وبعدين متكبريش دماغك وفي نفس الوقت متحمليش نفسك أكثر مما يلزم من الإرهاق استعملي عقلي أكثر من نفسك أو قلبك "

امممممممم
حااااااضر
نصيحة جميلة بجد



حقيقى بئا كل شئ فى حياتنا مرير
ربنا يصبرنا يارب


"طبعاً أنا وخداني الجلالة على الأخر وشغال لكلك ورغي ولا في الأحلام "
هههههههههههههه
خد راحتك
المدونة مدونتك


"أخيراً تحلي بالصبر والجلاد وكوني صامدة وليس صامدة فقط بل قومي بالتصدي والتحدي أون شاء الله سوف تصلين إلى ما تريدين أو جزء مما تريدين وهذا يكفي"

إن شاء الله
ربنا يصبرنا و يثبتنا جميعا


دمت بود

Soul.o0o.Whisper said...

رئيس التحرير

أولا حضرتك بجد شرفتنى

ثانيا : معنى كدا بئا إننا هنعمل حواجز
و ماعتبرش المدونة مدونتى آجى وقت مانا عاوزة؟؟؟

لالالالا ..ماكنش العشم ابدااااااا
هههههههههههه

يافندم بالعكس
اسلوب حضرتك رائع جدا
بس زى ما قلت لك تركيز لسه ماجاش
:)


"أعملي مهم ما يمليه عليك ضميرك ودينك ..أعملي معهم ما يرضي الله ولا تنتظري منهم كلمه الشكر ."

فعلا
حضرتك معاك حق
الواحد بيعامل ربنا اولا و أخيرا
ربنا يثبتنا يارب


دمت بود

Soul.o0o.Whisper said...

د.خالدأمين

د.خالد
يااااااااه
عاش من شافك

"انا كنت بجد مخنوق ومتضايق ومكتئب جدا الفتره اللي فاتت مووووت"
ليه ؟؟؟ خير يارب

"تعرفي ان فيه ناس بجد كنت بشكيلهم واقعد اتكلم بالساعه وهو يادوبك كلمتين من نوعيه ياعم سيبك او م كله فشر وخلاص"

عارف يا دوك
كنت لسه باقول لاحد المدونين فى رد على موضوعه
إن احنا ناقصنا المعلم
حد بجد نثق فيه
عارف ظروفنا و يقدر يفهمنا
لما نشكيله يفهم و يقدر
و ينصحنا بجد
بحيث انه يكون متوافق مع ظروف و طبيعة الحياة
و كمان مش يكون شئ غلط على حساب رضى حد

ففعلا مشكلتنا
اننا مش لاقيين حد يفهمنا و ينصحنا صح
عشان نرتاح
ربنا يرزقنا يارب حد كدا فعلا

"الشخص ده نفسه بذات نفسه بحلاوته وجماله كده تلاقيه هو نفسه بيغيظك او بيحاول يعايرك مثلا بالحاجه اللي انتي كنتي متضايقه منها دي"

فعلا عشان كدا لازم تختار الشخص الصح
مش اى حاجة تحكيها لاى حد


"هقوم اصلي العصر وراجع"
احم احم
هو كل دا بتصلى العصر؟؟؟
ما شاء الله على التقوى
هههههههههههههههههههه


دمت بود

Soul.o0o.Whisper said...

nona

أهلا بيكى
و نورتى المدونة

و يااااااارب تنورينى كدا دايما على طول

"قررت بينى وبين نفسى انى اتعامل بضميرى وماليش دعوة بحد"
وهو دا الصح

"طبعا مش بآمن لأى حد بسهولة لأنى اتقرصت كتييييييييييير "
فعلاااااااااااا
بس دا مش معناه اننا ننغلق على نفسنا
و نسيب الدنيا تولع

"احنا عايزين العالم يبئا كله مثالى وهادى ونعيش فى المدينة الفاضلة "
و ليه لا ؟؟؟
بس المشكلة بردوا اننا مش بنخرج عن حيز الاحلام

عارفة لو ننزل بيها لرض الواقع
صدقينى حاجات كتير هتتغير



دمتى بكل ود

Soul.o0o.Whisper said...

hasona

و عليكم السلام و رحمة الله و بركاته

"أجمل أحساس أن نخاف علي مشاعر بعضنا البعض
وأن ننمي حبنا لبعضنا بلا مصلحة
وأن نحاول أو نحسن الظن دائما
ونضع أنفسنا مكان الاخرين"

دا لو احنا عملنا كدا
فعلا فعلا ماحدش هيزعل من التانى

ياريت فعلا كلنا نبئا كدا




شكرا لمرورك المميز

Soul.o0o.Whisper said...

حـــــ الــجــنــة ـــــور

و عليكم السلام ورحمة الله
هلا بالجميل

"حبي لي يحبك وحبي الي يكرهك وسااعدي كل الناس حتى الي يقلك مش محتاج مساعدتك اعملي اي حاجة مش لان فلان صديقتك لالا بس علشان ربنا ووجهه الكريم حتكوني راضية على نفسك وقبلها ربنا راضي عليك"

ماشاء الله عليكى
ربنا يبارك لك يارب

حاضر بإذن الله هأعمل بنصيحك
ربنا يرضى عنا جميعا يارب

و يقوى إيماننا و يصبرنا

دمتى بكل ود يا جميلة

Soul.o0o.Whisper said...

اسماء واحلام فى وجدانى

نعم ...
هكذا الحياة


يوم لك و يوم عليك
لكن المهم ألا نستسلم لاحزاننا

فرج الله كربك
و أزال همك

دمت بود

Soul.o0o.Whisper said...

معتز شاهين - باحث تربوي

أولا أهلا بحضرتك
نورت المدونة

ثانيا لا أبدا
أنا عمرى ما بابص للشخص نفسه
بس .. بيأثر فيا تصرفه

فعلا الحياة فيها دا و فيها دا
أهم شئ اننا نتقبل دول و دول



دمت بود

Soul.o0o.Whisper said...

د/عرفه

حقيقى الحديث دا أنا بأؤمن بيه من أعماق قلبى

بس دا لما أكون متعلقة بأشخاص
لكن انا بيضايقنى التصرف بس

لأن فى ناس بتكون مش عارفها أصلا

نورت المدونة
ودمت بود

Soul.o0o.Whisper said...

romansy

"عارفه
لما الدنيا تضيق بينا
عارفه لما ننخدع فى اللى حوالينا
عارفه امتى ندور على امانينا
لما نلاقى حد خايف يوم علينا
يبقى الدنيا فيها روح وخضره خلوه
ويبقى حب الناس والخير مالينا"

ما شاء الله
فعلا صح كلامك

ربنا يرزقنا بناس تخاف على مشاعرنا
و تعاملنا زى ماحنا بنعاملها


دمت بود

Soul.o0o.Whisper said...

ريهام العربي

رهووووم الجميلة
يا هلا يا هلا

"مفيش حاجه اسمها عالم مثالي"
دا صحيح
و عشان كدا اسمها دنيا

"يعني ايه اكبر مينفعش اكبر دي حياتي ازاي اكبر لها "
صح يا ريمو
بس فى ناس واخداها من منطلق تانى


يعنى تكبر للناس اللى بتعاملها وحش
و مش يهمها
زى ما البعض قال

فى الحالة دى ممكن نكبر فعلا
:)

"بصراحه حياه البشر بقيت بالنسبالي
لغز كبير مبقيتش فهماهم وبقيت بعيش حياتي زي ما انا عاوزه "
كل واحد له محيطه اللى بينشأ فيه و يأثر عليه
و من هنا بينشأ فروق الناس

لكن دا لا يعنى انى أعيش حياتى مدام باعمل الصح
و مش باتعدى على حقوق و حريات الاخرين


دمتى بكل ود يا جميلة
و حقيقى سعيدة بيكى جدا

م/ الحسيني لزومي said...

رغم ان هذه سنة الحياة وليس الاشخاص او الاحداث سواء ولا الايام واليالي سواء لكن انا مستغرب ان كل حبايبك منزعجين من هذا البوست...فحتي لو كان هذا البوست يعبر عن حالة انت تعيشيها...ايه المانع ان وحده حبوبه متفائله تمر بمثل هذا المود والا ما تبقاش من البشر لو ما عشتش يوم حلو ويوم مر

غروب said...

صح وصح ومليوووووووون صح

عجبتينى اوى وانتى بتقولة اننا مش لازم نهرب لازم نتعايش

صح كده

افهم اللى ادامك واتعامل معاه زى مهو يستاهل

وخاطب الناس على قدر عقولهم

بجد كلامك عجبنى

ومساله عارف وعارف وعارف

اه عارفين وبنقابل وبنشوف

وانا مقتنعه اننا فعلا في دنيا الكدب

حتى احنا بنكدب ساعات

وبنهرب من ناس ساعات

بس هنعمل ايه بقه؟؟؟؟؟؟؟؟؟؟؟

لازم نعيش

بجد موضوعك حلو اوووووووى وكلماتك حلوه اووى اوى

تحياتى

غروب