الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Apr 16, 2009

يـــا ســـــمـــــــيــــــــــــــــــــــــن


ياسمين .. بنوتة عسولة

عندها حوالى 8 سنين


عرفتها لما كانت جاية يوم تاخد حقنة

و جابت لى حالة عصبية يومها بصريخها المتواصل من قبل ما تاخد الحقنة

قعدت اقولها يا ياسمينة مش كدا

دى حقنة صغنونة و مش هتعمل حاجة

المهم بعد محاولات و محايلات

و بسم الله و اخدت الحقنة ..

و من ساعتها و احنا اصحاب ... : )


ياسمين من اسرة أقل ما توصف انها فقيرة

و مامتها ست طيبة

بس ياسمينة دى ايه بئا .. ذكية و شقية اوى << خليفتى ..هههههههههه


لقيتها النهاردة داخلة عليا الصيدلية

و مخبية حاجة ورا ضهرها .. و بعدين قالت لى

ممكن آخد كيسة ؟؟

ليه يا ياسمينة ؟؟

كدا بس .. ممكن ؟؟

ماشى يا ياسمين


و قامت مديانى ضهرها و حطت اللى كان فى ايدها جوا الكيسة

و بعدين بصت لى و قالت لى : أصل أنا جايبة هدية لماما

عشان عيد الام عدا ..و أنا مش جبت لها حاجة ،

و هى سألتنى ها يا ياسمين هتجيبيلى ايه؟؟

قلت لها يا ماما مش معايا الوقتى .. لما أحوش هأجيب لك هدية جميلة

و من قبلها اصلا أنا كنت باحوش ..و بعدين لغاية الوقتى بئا معايا 20 جنيه

فجبت لها (..........) و يارب تعجبها

<< يا جميييييييييييييييييييييل ... عسل بجد


المهم ...

هى خرجت بئا عشان تروح .. بس لقيتها بعدها داخلة عليا و فى ايدها ورقة كدا صغيرة و شكلها قديم

و قالت لى: ممكن أمليكى و انتى تكتبى فيها الكلام ..

حاضر يا ياسمينة ...قولى .

اكتبى


إلى امى الحبيبة ..

أنا باحبك اوى يا ماما .. عشان انتى اللى كبرتينى و علمتينى ..

انتى أحلى حب فى حياتى .. انتى دنيتى كلها .. بحبك اوى يا ماما


و الورقة خلصت ..

قالت لى : خلاص كفاية .. شكرا

و حطت الورقة فى الكيس مع الهدية و مشت ..


و حبة ولقيتها داخلة و فى ايدها ظرف ..

قالت لى: اقرئى دى كدا ..

مكتوب عليه ام ياسمين

اه انا لقيته .. فكتبت عليه ام ياسمين بس كنت عاوزة أعرف هتقرؤه صح و لا لا

<< ياااااااااااه يا حبيبة قلبى يا ياسمينة .. ياربى على الطفولة البريئة

ممكن تجيبيلى ورقة كبيرة شوية

طبعا يا ياسمين ..

و جبت كشكولى و قطعت لها ورقة

طب معلش اكتبى بئا ..


إلى اعز الحبايب / امى ..

باحبك اوى يا ماما .. عشان انتى اللى كبرتينى و علمتينى ..

انتى أحلى ملاك فى الدنيا .. و احلى حب فى حياتى ..

عشان انتى اللى كبرتينى ..

مش تزعلى منى ابدا ..

باحبك اوى اوىىىىىىىىىىىى

بنتك العزيزة / ياسمين ..


و قامت حاطة الجواب فى الظرف

و راحت اعطت الهدية لمامتها


بعدها بشوية جاتلى ..و قالت لى : أنا اعطيت الهدية لماما

و هى فرحت بيها اوى ..و خدتنى فى حضنها .. : )


قلت لها : انتى عسولة يا ياسمينة .. ربنا يخليلك ماما


بجد مش قادرة اقولكم شعورى طول اليوم كان ازاى !!..

كنت حاسة إنى فى دنيا غير دنيا البشر دى ..

فعلا .. احلى حاجة فى الكون دا ،

هى الطفولة البريئة ، و الفطرة الرائعة اللى ربنا غرزها جوانا

و ... سلام


99 comments:

عاشقه الرومانسيه said...

احجز وارجع
اول تعليق
ل
عاشقه الرومانسيه
وااااااااااااااااااااو

Soul.o0o.Whisper said...

ايه دا يا بنتى دا


دا لسه الصفحة بتحمل عندى
ألاقيكى حاجزة؟؟؟
هههههههههههههههههه



قدرات

محمد said...

السلام عليكم ورحمة الله وبركاته

يالله فعلا يالروعة البساطة والفطرة

بوركت علي ما كتبت والذي يجعلنا نقف شامخي الرؤوس ونقول لمن يعق والديه انظر وتعلم من ياسمين


خالص مودتي وصادق دعائي

عاشقه الرومانسيه said...

طبعا يابنتى هو اى حد ولا ايه؟
اما عن ياسمين بقى
فهى عسوله شبهى بالضبط
احلى صفاتى التواضع على فكره

انا كمان باموت فى برأة الاطفال دى
علشان كده اخترت صوره البروفيل بتاعى لبنوته بريئه جدا

عاشقه الرومانسيه said...

نسيت اقولك
لما تشوفى ياسمين بوسيهالى
وسلميلى عليها

rssamet_algera7 said...

اجمل ما في الحياة الطفولة وبرائتها
سحرني اسلوب ياسمينا
ربنا يخليها لإمها وما يحرمهم من بعض

تحيتي..\\

Soul.o0o.Whisper said...

هذه حياتي

و عليكم السلام و رحمة الله و بركاته
و فيكم بارك الله أخى الفاضل


صح .. بر الوالدين شئ فطرى و جميل
بس للاسف المادية شوهته جوا ناس كتير




دمت بود

Soul.o0o.Whisper said...

عاشقه الرومانسيه

فعلا يا دودو
عسوووووووووولة اوى اوى

ربنا ما يحرمنا من حبة البراءة اللى لسه جوانا :)



خالص ودى يا قمر

Soul.o0o.Whisper said...

عاشقه الرومانسيه

حاضر يا ستى من عنيا
هأقولها دى من طنط دودو

هههههههههههههههههههه

Soul.o0o.Whisper said...

rasamet_algera7

أولا أهلا بيكى
شرفتينى
و نورتى المدونة
:)

"سحرني اسلوب ياسمينا
ربنا يخليها لإمها وما يحرمهم من بعض"
اللهم آمين يارب

و مشكورة على المرور الجميل
اللى يارب يتكرر دايما




دمتى بود

رحلتنا في الحياة said...

اجمل شئ فى الدنيا برءاة الاطفال
تسلم ايديك ياجميل بوست حلو اوى

أحمد عمر said...

استمتعت كثيرا و انا اقرأ و تذكرت اول هديه جبتها لامى كانت وردة من جنينه جنبنا (وش محرج:$)

اى نعم رمتها ف وشى علشان بدهلت هدومى لكن اهو كان احساس رائع ههههه

تسلمى سول

فارس عبدالفتاح said...

اهههههههههههههههاههههههههه

طبعاً لما تكبر هتلعن اليوم اللى جت فيه الدنيا وهتكره الناس وهتشك في كل حاجه وهتقول يا رتني كنت صغيرة زي زمان

اههههههههههااههههههههه


بس والله يعني انا في حياتي مشتريت لامي حاجة في عيد الام لان اصل عيلتنا بمفهومها الواسع لا توجد بها هذه الامور اذا واحد فعل هذا الامر يضحكوا عليه ويصبح موضوع تندر وسخرية

اههههههه

معلهش اصل احنا صعيده محافظين شويه تقدري تقولي عليهم رجعيين في هذه الامور الشكلية ولديهم حدة في الطبع وخشونة في المعاملة الله لا يوريك

اهههههههاااهههه

بس مش معنى كده انهم ( همج ) لكن هما حاسمين وصارمين في معاملاتهم مع بعضهم ومع الغريب

بس هم وهذه شهادة ليس لانهم عائلتي يموتوا على بعض ميستحملوش حد منهم حد يتكلم معه او يريد مساعدة في اي مناسبة حتى اذا تعذر اتمام مهر عريس لعروسه تكون المساعدة جاهزة قبل ان تظهر هذه المشكلة او زوجة توفى جوزها او حالتهم المادية غير جيده او او

يوجد في العائلة من يجمع المال اجباري من كل بيت مثلا انا واخوي الاصغر علينا فرده او اتاوه كل شهر ما يقارب 500 جنية بالنيابة عن اخواتي وولدتي فقط

اما ابوى فده هيدفع في الشهر او غير الشهر اذا جدت اي حاجة


والذي يقوم بلم هذه النقود لا يخبر احد عن ماذا اخذ من الاخر لانه كل واحد لدية مالة الخاص فمنهم القادر ومنهم المتوسط ومنهم الغير قادر لكن كله مسجل ومكتوب ولكن في الخفاء

كلاً على قدر طاقته لكن هتدفع هدفع بس مقابل هذا في اي مشكله او مناسبة سعيدة او تعيسة لا قدر الله تبقه الحالة المادية للعائلة ممتازة ولا تجد احد يشكي من قلت المال او تجد فرد من العائلة او ابنائها لا يلبس شيء لا يليق بسمعة العائلة


انا مش عارف ليه نشر الغسيل ده بس الشيء بالشيء يذكر

الطفولة شيء جميل لكنه بالنسبة للناضجين اذا عاشوا حياة الطفولة وهم في سن البلوغ يصبح هذا اكبر اخطاء الجنس البشري على ظهر هذه الارض

Muhammad Amer said...

ما شاء الله عليها ربنا يحميها ويبارك فيها والله دي حاجة جميلة جدا وأنا فعلا سعيد جدا بيها لأنها في زمن قلما أن نجد فيه طفل أو طفلة مثلها بهذا الحب والعطف والحنان وهذه البراءة ربنا يبارك فيها يا رب

رؤية said...

لحظة فائقة الجمال
براءة.. طهارة.. نقاء

اشكرك على كتابة البوست دا

تحياتى لك

وردشان smilyrose said...

ياسمين

وهى بالفعل كذلك زهرة ياسمين

زهرة عبيرها فاح الى اعالى الزهور


اكرمها الله برضاء والدنها

تلك الملاك الصغير

smilyrose

وردشان

روح الحب الصادق

Unknown said...

بحاول اكون متواجد معاكم
الله يعزك ويشرح قلبك
زي ما عزيتي وشرحت قلب ياسمين
همس الروح ...انت نوع نادر من البشر
ربنا يحميكِ
ويبارك فيكِ

assafo anaroze said...

الله يا سول
ايه البراءة ديه و المحبة الكبيرة التي تتميز بها ياسمين و كمان ايه الطيبة اللي جواكي
سلامي لياسمين و برائتها و سسلامكي لسول و لطيبتها
مودتي

وحي القلم said...

كلمات جميلة
حقيقي الواحد بيشوف الصدق والبراءة ف الاطفال فقط للاسف

صوت من مصر said...

ياسمين بجد لذيذه وخلى بالك ياسمين من النوع الى لما ينوى على حاجه هيعملها لو بعد مليون سنه
عموما كلامك وسردك للقصه هايل

احساس طفلة محبة للرومانسية بس واقعية said...

مشاء الله على البرائة والجمال
الطفولة بجد رائعة بصفائها ونقائها
شوفى انتى سعدتى قد اية بياسمين
مامتها هتطير بيها
لان دى اجمل لحظة فى حياة اى ام حتى لو بقبلة او كلمة
ومجرد احساس ياسمين بمامتها دا شئ يلهم النفس البهجة

شكرا على مشاركتك اللحطة دى معانا
بجد ممتعة
تقبلى مرورى

د/على خميس said...

السلام عليكم و رحمة الله و بركاته
جميل الموضوع و جميل العرض
مش لاقى تعليق غير ان ياريت الدنيا كلها تبقى أطفال فى براءة ياسمين ...
بس معلش سؤال غلس قبل ما امشى .. شوية فضول و حشر مناخير...هى الهدية كانت ايه؟؟؟؟
طبعا لو سر خلاص بلاش تقولى ...
بارك الله فيك و ثبتك على طاعته

حاجات جوايا said...

سووووووول حبيبى

ازيك يا قمررررر
وحشتينىىىىىىىى

ههههههههه لذيذة اوى ياسمينة دى
عسولة ما شاء الله وبريئة كده
فكرتنى بنفسى وانا قدهاههههههههههههه
كنت بعمل الحركات دى برضه
اجمل حاجة فى الدنيا الطفولة وبرائتها
ياريت كان ينفع نفضل اطفال ومنكبرش

اما اشوف بقى دودو هيبقى يعمل معايا ايه ان شاء الله
ربنا يستر هههههههه

سلام يا قمر

د. ياسر عمر عبد الفتاح said...

عسل أوي الينت دي
الأطفال بيحسسوا الواحد إن الدنيا لسه بخير
مشاعرهم صافية ومش مفتعلة

Darsh Basha said...

ياسمين بنت زى العسل
وبجد البنات "الصغيرة"بيبقو زى العسل
اما لما يكبروا بقى
عينك ماتشوف الاالنور
بيبقوا برضوا عسل لنضرب ةلا حاجة

بلاش فضايح said...

البنت بتتكلم وتفكر زى واحدة كبيرة وعاقلة
ربنا يخليها لمامتها وباباها

طبعا مفيش أجمل من الطفولة والبراءة
كلنا كنا زيها كدة بس تعملى ايه فى الدنيا اللى مبتخليش حاجة على حالها

Kiara said...

يااااااااااااتي عثل

الله علي البراءه

Beram ElMasry said...

الاخت العزيزة Soul.o0o.Whisper .
السلام عليكم ورحمة الله وبركاته
كالعادة تدخلي تنكشي الحاجة وتعيدي ترتيبها بطريقة اكثر تاثيرا ...... ان من راي بقي انك تشتغلي بالاعلام لانه مناسب لك اكثر من اي شئ اخر وبالتوفيق دائما وان يدوم عليك بريق عقلك

علي فكرة دي يسمينا حقيقي ولا الياسمينا الي جواك
علي العموم سلميلي علي ياسمينا
لك تحياتى والسلام ، ولا سلام مع اليهود

ريمان said...

السلام عليكم


الله ع الطفوله الرقيقه

ما شاء الله

بس كنا عايزين نعرف جابتلها هديه ايه؟

هههههههههههههه

ربنا يسعدك يا رب ويسعد ياسمين ويحققلها كل ما تتمناه

يا رب

۩ Nour ۩ said...

السلام عليكم..

ازيك يا سول..ان شاء الله بخير دايماً.
ياسمين وامثالها هم من يضعون الامل فى انفسنا..وان مهما انتكست الفطرة..فانه توجد نبته لازالت تعلن عن الخيرية التى نأمل لها وبها..دمتِ بخير...

orangaea said...

جمييله اووى ربنا يحفظها امووت فى الاطفال وبراءتهم

*البت المشمشية *حلوة بس شقية * said...

يا ع الجمال
بقولك صوريها
واعملى معاه لقاء كدة واكلمو فى اى موضوع انتى وياسمين ونزليه

فشكووول said...

بسم الله ماشاء الله ربنا يخليها ويحميها
تحياتى

فشكووول said...

صعلوك

صمت المشاعر said...

ماشاء الله عليها

اجمل شيء في الددنيا بجد هما الاطفال

تحسي كدا انهم من عالم تاني بريء اوووي ونقي

دمتي بكل خير وحب يارب

dr_samarmar said...

الله عليها الله عليها

جمييييييييلة فعلا أوى أوى

أحلى حاجة فى العالم

للأسف بقا الطفولة دى بعد كدا بيشوبها حقد و كراهية و أنانية و حجات وحشة أوى

يا سلام لو نفضل كبار و بقلوب أطفال صغيرة :)

بوست موفق جدا يا سول

فشكووول said...

ازيك يا سوول
واحشانى
سلمى على على ياسمينه
والله يا سوول الطفوله البريئه بتبقى احلى حاجد فى الدنيا
تلاقى الطفل بيحبك لله فى لله
ولا قصده حاجه من حبك
ولا عايز منك مصلح
وانت تقبلك للطفوله حلو قوى
وروح الام فيك عاليه قوى
ربنا يرزقك بياسمينتك
وابو ياسمينتك
ويخلى ام ياسمينتك
وكمان يرزقك ان شاء الله بالصبيان والبنات والحاجات والمحتاجات
كفايات بقى
تحياتى

adel said...

عرفتوا ليه انا بحب الاطفال قوي ؟؟؟
اصلهم مش اي حد
نفسي اعيش علي طول مع العيال دول

هههههههههههه

Soul.o0o.Whisper said...

ايوشة

فعلا أجمل شئ هى براءة الاطفال

يسلم مرورك الجميل يا قمر




خالص ودى

Soul.o0o.Whisper said...

أحمد عمر

تذكرت اول هديه جبتها لامى كانت وردة من جنينه جنبنا

ياااااااااااه
ما شاء الله

والله أنا اللى استمتعت
فعلا احساس رائع


يسلم مرورك الرائع

دمت بود

Soul.o0o.Whisper said...

فارس عبدالفتاح

"طبعاً لما تكبر هتلعن اليوم اللى جت فيه الدنيا وهتكره الناس وهتشك في كل حاجه وهتقول يا رتني كنت صغيرة زي زمان "

ههههههههههههههه
لا اله إلا الله
بشروا و لا تنفروا

كدا البنت هتكتئب
هههههههههههههههههه


بجد بجد ما شاء الله
ربنا يبارك لكم فى بعض يارب

و اهم شئ مدام انتم متفاهمين
خلاص


مش عارفة ليه افتكرت نظام
بيت مال المسلمين و انت بتحكى
هههههههههههههههههههههههههههههه




بجد ربنا يبارك لكم

دمت بود

Soul.o0o.Whisper said...

أبو عبيدة

أولا ..نورت المدونة
و يارب دايما نشوفك

و باعتذرلك على تأخيرى معلش
كنت الفترة اللى فاتت مشغولة شوية
يارب مش تكون زعلت

و فعلا احلى حاجة هى الطفولة بكل مافيها من بساطة
و براءة
و حب



ربنا يرزقك عن قريب
:)

دمت بود

Soul.o0o.Whisper said...

رؤية

شكرا لمرورك الرقيق انتى يا قمر

منورة
:)



خالص ودى

Soul.o0o.Whisper said...

smilyrose


وردتى الجميلة
يااااااااااااه ياورد
وحشانى فعلا بجد


"اكرمها الله برضاء والدنها

تلك الملاك الصغير"

اللهم آمين يارب
و يرزقنا احنا كمان رضا والدينا

و تلك الملائكية





خالص ودى و حبى يا جميلة
و اتمنى أشوفك قريب

Soul.o0o.Whisper said...

فركشاوي ..ناوي


ربنا ييسر الامور لحضرتك
و تكون دايما متواجد معانا

و أحرجتنى والله بذوق حضرتك

ربنا يبارك لك يارب
و يكرمك


دمت بود

Soul.o0o.Whisper said...

assafo anaroze

أسافو

نورتنى بمرورك الجميل
ووصلت سلامك للكل
:)


دمت بود

Soul.o0o.Whisper said...

مصعب صلاح


فعلا .. أصبح من النادر ان تجد أشخاص لم تلوثهم الحياة

لكننى رأيت أشخاص هكذا
وكم أشتاق لمجالستهم
لكنها الحياة بمشاغلها


دمت بود

Soul.o0o.Whisper said...

صوت من مصر

هى فعلا لذيذة جدا
و مشاكسة جدا
و فعلا اللى بتعوزه بتعمله

ههههههههههههههه


دمت بود

Soul.o0o.Whisper said...

احساس طفلة محبة للرومانسية بس واقعية


فعلا يا جميل
كلامك صح
أكيد مامتها طارت بيها

أسعد اللحظات فعلا


كل الشكر ليكى يا قمر
على مرورك المميز

خالص ودى

Soul.o0o.Whisper said...

dr aly khamis

و عليكم السلام و رحمة الله و بركاته

ياريت الدنيا كلها تبقى أطفال فى براءة ياسمين ...*

ياااااااااااارب
بس الكبار بردوا يارب يكونوا على فطرتهم كداو بلاش حياة المصالح دى

بس معلش سؤال غلس قبل ما امشى .. شوية فضول و حشر مناخير...هى الهدية كانت ايه؟؟؟؟*

احم احم
هابئا اقولك بعدين
ههههههههههههههههههههههه

ربنا يبارك لك يارب
و يكرمك


دمت بود

Soul.o0o.Whisper said...

حاجات جوايا

سلسولة العسووولة

الحمد لله حبيبتى بخير
انتى أخبارك ايه؟؟؟

هههههههههههههههههههههه
كنتى بتعملى زيها؟؟؟
طيب خير خير
لما نشوف دودو صحيح هيعمل ايه؟؟
ههههههههههههههههههه

ربنا يكرمك يارب و يفرح قلبك بيه



سلام يا جميلة

Soul.o0o.Whisper said...

د. ياسر عمر عبد الفتاح


فعلا كلامك صح

ربنا يرزقنا احنا الرجوع لفطرتنا الجميلة
عشان دنيتنا تكون صافية زى دنيتهم



دمت بود

Soul.o0o.Whisper said...

mosooz

فعلا ياسمينة زى العسل

و كل البنات كدا بردوا
و صح لما بيكبروا بردوا

حلاوتهم بتزيد
هههههههههههههههههههههههههه
ههههههههههههههههههههههههه


دمت بود

Soul.o0o.Whisper said...

nona

نونا الجميلة
فعلا مفيش احلى من الطفولة و البراءة

فعلا دوام الحال من المحال


ربنا يستر
:)

دمتى بود يا جميلة

Soul.o0o.Whisper said...

كيــــــــــــارا

كيتىىىىىىىىىىىى
ههههههههههههههههههههه

هل هلالك شهر مبارك
ايه يا بنتى الغيبة دى
ههههههههههههههههههه


بجد نورتينى و اسعدتينى
و فرحتينى
و كل ...ـينى
....ـينى


ياللا روحى العبى بعيد بئا
ههههههههههههههههههههه



خالص ودى يا قمرى

Soul.o0o.Whisper said...

Beram ElMasry

أستاذى العزيز/

و عليكم السلام و رحمة الله و بركاته
"كالعادة تدخلي تنكشي الحاجة وتعيدي ترتيبها بطريقة اكثر تاثيرا "

أيوا انا بانكش
بس اكثر تأثيرا دى
باشك فيها
هههههههههههههههههههه

"علي فكرة دي يسمينا حقيقي ولا الياسمينا الي جواك"

احرجتنى يا استاذى والله
بس هى ياسمينا حقيقى
هههههههههههههه

حاضر ... هاوصل لها السلام


دمت بكل ود

Soul.o0o.Whisper said...

ريمان

ريمىىىىىىىى
و عليكم السلام و رحمة الله و بركاته

اممممممممممممممم
الهدية؟؟؟

طب خلاص هاقولك بعدين
هههههههههههههههههه


و ربنا يسعدك يا جميلة
و يفرح قلبك ياااارب



خالص ودى يا قمر

Soul.o0o.Whisper said...

Nour

نور الجميلة
و عليكم السلام و رحمة الله و بركاته

الحمد لله حبيبتى بخير
يارب تكونى انتى كمان بخير

ياسمين وامثالها هم من يضعون الامل فى انفسنا..وان مهما انتكست الفطرة..فانه توجد نبته لازالت تعلن عن الخيرية التى نأمل لها وبها..*

فعلا يانور
و ياااااااااااارب تفضل دايما كدا

دمتى بكل ود يا جميلة

Soul.o0o.Whisper said...

Shams

أولا أهلا بيكى نورتى المدونة

ثانيا : فعلا أجمل شئ فى الدنيا الاطفال
ربنا يرزقك يارب
:)


دمتى بكل ود يا جميل

Soul.o0o.Whisper said...

*البت المشمشية *حلوة بس شقية *


مشمشتى العسووولة
يا هلا يا هلا

اممممممممممم
خلاص هاعمل معاها لقاء صحفى

و ننزله على الهوا
:)



دمتى بكل ود يا قمر

Soul.o0o.Whisper said...

صعلوك

احم احم

ربنا يبارك لك يارب
و نورت مدونتى

عاوزين نشوفك على طول



دمت بود

Soul.o0o.Whisper said...

صمت المشاعر

فعلا أحلى حاجة هما الاطفال
ربنا يرزقنا براءتهم يارب

شكرا على المرور الجميل يا قمر



و دمتى بكل ود و حب

Soul.o0o.Whisper said...

dr_samarmar

سمرمورة العسووولة


الله عليكى انتى يا قمر
فعلا ربنا يرزقنا افئدة كأفئدة الاطفال
و مشاعر كمشاعرهم

بجد الدنيا هتبئا حلوة اوى

تحياتى ليكى يا جميلة

Soul.o0o.Whisper said...

فشكووول

عمو فشكوووووووول
يا هلا يا هلا

فعلا الطفولة دى
مفيش احلى منها
براءة و صفاء
وبساطة

و كل حاجة حلوة


و هاوصل السلام حاضر لياسمينه


و احرجتنى يا عمو والله
ربنا يتقبل منك يارب
ههههههههههههههه

تحياتى ليك يا عمى العزيز

Soul.o0o.Whisper said...

adel

أكييييييييييييييييييد عرفنا يا عادل

طبعا طبعا مش أى حد
ياااااااااااااااارب يرزقك كدا يا عادل
و تفضل على طول بينهم
:)



دمت بود كامل الدسم

سجود said...

السلام عليكم
فعلا احسن حاجه في الدنيا انك تشوفي بنت برئيه او ولد اطفال والدنيا ليسا مش مغيراهم وبيتكلموا بطبيعتهم كدا بس الظاهر ان ياسمين ديه عسل ابقي سلميلي عليها

simply me said...

ماشاء الله على يا سمينا الجميله دى
ربنا يخليها لماماتها يارب
هما البنات طيبين كده على طول

واحد من الناس said...

طبعا

مفيش أحسن من الطفوله

أحلى وأنقى أيام

بوست رائع

سلمت يمينك

marmar said...

سووووولتي حبيبتي
ازيك يا ارق ملكه تدوين
وحششششششااااني يا حبيبتي
يااااااه تخيلي ان عيني دمعت من الكلام الجميل والطفوله الجميله دي
فكرتيني ببنت كنت بزورها دايما في دار ايتام وكانت كل ما اروح تقوم جرياعليا وتحكيلي حواديت من اللي بيحصل معاهم وكنت بعلمها واحفظها قران
بجد اجمل حاجه زي ما قلتي الطفوله بتحسي بعالم البراءه بجد والجمال

بس انا مفهمتش اللي حصل في النص
هيا لما ادتك الظرف عشان تقري لقيتي مكتوب ام ياسمين ازاي؟؟
وضحهالي والنبي عشان افهم

ن said...

السلام عليكم
الدكتورة سول
دائماً تملكين ميكروسكوب للتركيز فى رؤية الاشياءوتحديد الهدف فى وقت قصير .
لقد ذكرتى فى تعليقك معلومة مهمة ولكن قبل مناقشتها تعالى أذكرك بآيت الله كاملة .
* وقال فرعون يا أيها الملأ ما علمت لكم من إله غيري فأوقد لي يا هامان على الطين فاجعل لي صرحا لعلي أطلع إلى إله موسى وإني لأظنه من الكاذبين *الاية 38 القصص
وقال تعالى
*وَقَالَ فِرْعَوْنُ يَا هَامَانُ ابْنِ لِي صَرْحًا لَّعَلِّي أَبْلُغُ الأَسْبَابَ *أَسْبَابَ السَّمَاوَاتِ فَأَطَّلِعَ إِلَى إِلَهِ مُوسَى وَإِنِّي لَأَظُنُّهُ كَاذِبًا وَكَذَلِكَ زُيِّنَ لِفِرْعَوْنَ سُوءُ عَمَلِهِ وَصُدَّ عَنِ السَّبِيلِ وَمَا كَيْدُ فِرْعَوْنَ إِلاَّ فِي تَبَابٍ* غافر الايات 36و37
وهنا نجد فرقاً ما بين اجعل لى صرحاً وابنى لى صرحاً
فكلمة إجعل هنا تعنى ابتكر أو اخترع أما كلمة ابنى فهى تعنى التصميم أو التركيب لما سوف أذكره لك الان من وجهة نظرى .. أما كلمة الاسباب فتعنى حسب أقوال المفسرين الوسائل والطرق التى يريد أن يصل بها .. تعالى نربط هذه الاحداث ونرتبها ثم تعالى أناقش معك معلومة مهمة لعلنا نتبع الاسباب من خلال دراسة مختصرة.
من المعروف بأن السفن الفضائية يدخل فى صناعتها السيراميك وذلك بعد معالجته ليقاوم درجات الحرارة العالية وبعض العوامل الاخرى كما تدخل اللدائن المعالجة ايضاً فى صناعة السفن الفضائية واليك التقرير التالى وهو تقرير مختصر ايضا.
من المعروف علميا بأن صناعة السيراميك يدخل فيها الطين مع مواد أخرى كالرمل والفلسبار وغيرها من المواد ويتم مرورها على مجال مغناطيسى لألتقاط المعادن التى تتأثر بالجذب ثم يخمر الخليط لفترة زمنية ثم يحرق حرقاً مدروساً لتسوية الخلطة على حسب إستخدامه ويتم معالجة المواد التى تدخل فى صناعة سفن الفضاء معالجة دقيقة تستلزم وقتاً وجهداً وعلماً ..ونظرية صناعة السيراميك معروفة منذ زمن سحيق والاثار المصرية التى تركها لنا الاجداد شاهدة على ذلك .. وهذا الامر يبين لنا بأن بناء صرح فرعون كان وقتى وليس كنظرية بناء الاهرامات التى أخذت وقتاً وجهداً وبعداً آخر يخالف ما ذكره بعض الباحثين بأن الاهرامات بنيت على نظرية الطين المحمى والدليل بأنه رغم قوة التقدم العلمى الذى نعاصره نجد بأنه من الممكن حدوث أى خطأ قد يحطم الطائرات أو السفن الفضائية وتتناثر فى الفضاء وقد تسقط بقاياها على الارض أما الاهرامات بناؤها ثابت مع مرور الزمن رغم محاولة هدمها من قبل بالديناميت من قبل الغزاة وأصلح من تحدث عن سر بناء الاهرام هونظرية الدكتور أسامة السعداوى يمكنك مراجعتها من خلال موقعه..
وهذا يثبت بأن الاختراع الذى طلبه فرعون كان وقتى ولم يأخذ من الزمن قرنا ً أو قروناً كما أدعوا .. ولما وصف الله عز وجل فرعون بأنه ذى الاوتاد هنا المقصود ثقل ورسوخ البناء كما ذكر الله عز وجل عن ثمود الذين جابوا الصخر بالواد أى نحتوه وهذا ايضاً رسوخ آخر أما الايات التى تتحدث عن الوقود على الطين هنا لا يوجد رسوخاً بل مسألة وقتية لسبب .. ثم هناك شيء هام هو أن المصريين القدماء علموا بأن الارض كروية وكتبوا ذلك فى مخطوطاتهم وقد برعوا فى علوم الفلك فكيف لأمة تدرك بأن الارض كروية بلا رؤية أو مشاهدة من خلال الفضاء .. والله أعلم
مع خالص تحياتى

Sweet Violet said...

ربنا يخليها لمامتها يارب

و يااااارب ياهانم سووووول تتعلمى من ياسمين

طبعا عارفه ليه بقول الكلام ده .. لان لحد الان هديه الام مش جت ليا

يعنى ينفع الكلام ده ؟؟ هه

لالالالالا انا زعلانه ... فين هدية عيد الام ؟؟؟؟

اروح اشتكى لياسمين بقى و اقولها طنطك سول مش جابت هديه عيد الام ليا

)):

خلاص خلاص مش عايزة حاجه بلاش عياط يابنتى

علشان انتى وحشانى اصلا .. هتنازل عن الهديه

(:

ربنا يرزقك يارب ياسمينة تنورلك حياتك

اسماء واحلام فى وجدانى said...

همس الروح

بعد ما رجعت

ممكن اهزر معاكى

تفتكرى لو ياسمين ماكانتش اخذت الابرة

بايدك كانت عملت كده

ربما تبدل الدواء

بحنانك وحبك للاطفال

********************

واما عن الجد

فعلا الاطفال حاجة جميلة جدا

لانهم لسة بفطرتهم الربانية

اسماء واحلام فى وجدانى said...

اما عن اخر تعليق لك عندى

مش شرط انى اعيش الجرح بالحجم دى

علشان اعرف اكتب عنه

لان الكلام ده لو حقيقى

المفروض انى انتحر فورا

اسماء واحلام فى وجدانى said...

همس الروح

انتى فين

اسماء واحلام فى وجدانى said...

خمسة غلاسة

انا حابب اعوض شوية من اللى عليكى


سسسسسسسسسسسسس

سسسسسسسسسسسسس

سسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسس

سسسسسسسسسسسسسسسسسسسسسسسسسس

سسسسسسسسسسسسسسسسسس

رئيس التحرير said...

بسم الله الرحمن الرحيم
السلام عليكم ورحمه الله وبركاته
إن شاء الله ربنا ها يكرمك و يروق بالك ويحل لك كل المشاكل لجل خاطر ياسمين
في انتظار...
مزيدا من الافكار

msafa said...

اسف لانى مش بتابع اول بأول
على فكرة التدوينه رائعة ودمها خفيف اوى
انا حسيت ان اللى جابت الهدية انتى مش ياسمين

اسماء واحلام فى وجدانى said...

مين غير ضحك او تفهمينى غلط

فاكرة فيلم اسماعيل باسين فى

مستشفى المجانين

لامة كان شغال فطاطرى وبيحب هند رستم

والشاويش عطية كان تمرجى

اظن كده افتكرتى

فى مشهد له مع الخواجة بيجو لامة كان

عايز يكتب جواب لاخوه

ووقفه عند كلمة مش عارفين يكتوبها

وجه عبد الفتاح القصرى

علشان يكتبها بردو معرفش فسال

هى دى لغة

رد عليه اسماعيل ياسين وقاله دى

لغة حَمَارى

اقصد من اللفة الطويلة دى كلها

ان فى لغات لحد دلوقتى احنا ما نعرفش

حاجة عنها

وبعدين انا ما قولتش انى بحب انسانة

انا قلت انى بحب حورية

انتى اتكلمتى مع حورية قبل كده

وده التعليق الخامس

فين الربع جنيه

من غير عنـــوان said...

أحلى حاجه في الدنيا

براءة الأطفال
تلقائية جميله

أحسنت يا دكتوره

أمنياتي


ملحوظه الأطفال مقياس حب
بمعنى بما إن ياسمينه بتحبك
يبقى إنت طيبه ومحبوبه

Hanan Elshafey said...

جميله ياسمينه
احلي من الياسمينه كمان

اطمني انا كويسه
وحشاني
حبي

اسماء واحلام فى وجدانى said...

همس الروح انا كنت عند دودو دلوقتى

وشوفت اول تعليق ليكى

وتانى تعليق سمعت فيه

ضحكة مرعبة جدا

بس مش مصدق انك انتى صاحبة الضحكة دى

معقول الرعب ده منك انتى

نياهاهاهاهاها

وَحش يا اخواتى

Soul.o0o.Whisper said...

سجود

سجود الجميلة
و عليكم السلام و رحمة الله و بركاته
معلش مقصرة معاكى من فترة

صح يا سجود
فعلا والله
تحسى انهم لسه مالوثتهمش الحياة

حاضر هأسلم لك عليها
:)

دمتى بود

Soul.o0o.Whisper said...

Bondoka

بندقة الجميلة
أهلا بيكى
و شرفتى المدونة

فعلا يا بندق
البنات دايما طيبين خالص خالص

مش عارفة بيطلعوا عليهم اشاعات مغرضة ليه
ههههههههههههههههه



دمت بود يا جميل

Soul.o0o.Whisper said...

واحد من الناس

فعلا يادوك

ما أروع الطفولة




تسلم على المرور

Soul.o0o.Whisper said...

marmar

مرمورة العسولة
انتى كمان وحشتينى والله

معلش كنت مشغولة الفترة اللى فاتت شوية
بس الحمد لله بخير يا قمر

"يااااااه تخيلي ان عيني دمعت من الكلام الجميل والطفوله الجميله دي"
يا حبيبتى عشان تعرفى انك اللى رقيقة خالص
:)


بصى يا ستى
هى لما مشت
فى طريقها لقت ظرف مرمى

قامت واخداه
و كتبت عليه ام ياسمين
بس عارفة انتى الخط الطفولى
فخافت احسن مامتها مش تعرف تقرؤه

فحبت تعرف يعنى
:)


و توتة توتة خلصت الحدوتة
ههههههههههههههههههه



خالص ودى يا قمرى

Soul.o0o.Whisper said...

ن

أستاذتى الغالية /
و عليكم السلام و رحمة الله و بركاته

ربنا يكرم حضرتك يارب
بجد شرح رائع
رغم ان فى بعض النقط الغامضة


لكنى سآتى سريعا لمناقشتها مع حضرتك


دمتى بكل خير وود

Soul.o0o.Whisper said...

Sweet Violet

ضدددددددددددددد

ضد ظهرت على الشاشة يا بشرررررررر
طب كنتى قوليلى
كنت جبت لك ياسمينة من زمان

طيب خلاص عرفت الحل
لو فكرتى تغيبى هأجيبلك ياسمين على طول
ههههههههههههههه


"يااااارب ياهانم سووووول تتعلمى من ياسمين"

احم احم

"طبعا عارفه ليه بقول الكلام ده .."
ما خلاص بئا
لازم فضايح على المدونات

"لان لحد الان هديه الام مش جت ليا"
!!!!!!!!!!!!!!!
يادى الفضاااااااااااااااايح


"يعنى ينفع الكلام ده ؟؟ "
ما خلاص بئا
استرى عليا يستر عليكى ربنا

"لالالالالا انا زعلانه ... فين هدية عيد الام ؟؟؟؟"
ما قلنا خلاص هأجيبها
اقفلى بؤك بئا فضحتينى

"اروح اشتكى لياسمين بقى و اقولها طنطك سول مش جابت هديه عيد الام ليا

)):
عاااااااااااااااااااااا

خلاص خلاص مش عايزة حاجه بلاش عياط يابنتى "

لاء هأعيط بئا
هه
و هأفضحك زى ما فضحتينى
و بعدين فى الاخر جاية تقولى خلاص مش عاوزة

اه ارسمى الطيبة بئا
اما وريتك
عااااااااااااااااااا


"انتى وحشانى اصلا .."
انتى وحشانى انتى والله يا ضدتى
معلش مقصرة معاكى


ربنا يرزقك انتى كمان
بالزوج الصالح اللى تقر بيه عينك
و يرزقك بأحلى ياسمينة



خالص ودى يا قمر

Soul.o0o.Whisper said...

اسماء واحلام فى وجدانى


أهلا اهلا اهلا
و أنا اقول بلوجر ضلم ليه
أتارى نورك عمل قفلة معاه

هههههههههههههههههه
(( أوعى تزعل بأضحك بس

لو ماكنتش ياسمين اخدت الحقنة منى ؟؟؟
اممممممممممممم
امممممممممممممممم
يبئا مامتها هتضطر تديهالها
هههههههههههههههههه

فعلا
أحلى شئ بالوجود هما الاطفال

ياللا عقبال ما نشيل لك قريب


دمت بود

Soul.o0o.Whisper said...

اسماء واحلام فى وجدانى

مرة تانية أهلا بيك
:)

اممممممممممم
مش عارفة
انت اللى خليتنى احس كدا

يبئا الغلط عليك
هههههههههه

والله فى ناس بتوصل معاهم للحالة اللى وصفتهالك دى و اكتر

لكن العبرة بتبئا فى مدى علاقتك بربنا
و تمسكك بيه
مش تروح تنتحر

تنتحر ايه يا راجل
و تموت كافر؟؟؟
ههههههههههههههه

لالالا بعد الشر عليك
خليك دايما مع ربنا فى اى حاجة حلوة ..وحشة
صغيرة كبيرة

و لا تقل يا رب عندى هم كبير
و لكن قل يا هم عندى رب كبير
:)



دمت بود

Soul.o0o.Whisper said...

اسماء واحلام فى وجدانى

انا اهو
مش شايفنى و لا ايه؟؟؟

لالالا كدا ازعل
هههههههههه


على فكرة الاستضافة لمدة 3 تعليقات بس
بعد كدا بالدفع

Soul.o0o.Whisper said...

اسماء واحلام فى وجدانى

دا رابع تعليق على فكرة
لسه لك واحد و تدفع ربع جنيه

تدفع انت
مش انا
ماشى؟؟

و بعدين شوية من اللى عليك
مش اللى عليا
ههههههههههههههههههه

هش هش
ايه النحل دا

دا عشان ياسمين و لا ايه؟؟؟

Soul.o0o.Whisper said...

رئيس التحرير

استاذى العزيز /

و عليكم السلام و رحمة الله و بركاته

يااااااااااااارب يكرمنا جميعا
و يحل لنا كل مشاكلنا
و يقوينا
:)

سعيدة بتواجدك
و دمت بود

Soul.o0o.Whisper said...

msafa


اهلا بيك نورتنى

و لا يهمك أهم شئ تكون كويس و بخير
:)


بس ياسمين والله اللى جابتها
ايه اللى خلاك تحس كدا؟؟؟
!!!!!!!!



دمت بود

Soul.o0o.Whisper said...

اسماء واحلام فى وجدانى

الصراحة قعدت افتكر

افتكر

افتكر


مافتكرتش ...اعمل ايه؟؟؟

اممممممممممممم
بس فهمت قصدك والله
بس هو لازم المشهد؟؟
:)


و بعدين اصلا ماجتش سيرة انسانة
انت هتتبلى عليا و لا ايه؟؟
لالالالا
مفيناش من كدا


و بعدين فين انت الربع جنيه
انت هتاكل الربع حنيه كمان

:|

Soul.o0o.Whisper said...

من غير عنـــوان

استاذى العزيز/

فعلا احلى حاجة براءة الاطفال
ربنا ما يحرمنا منهم
:)



"ملحوظه الأطفال مقياس حب
بمعنى بما إن ياسمينه بتحبك
يبقى إنت طيبه ومحبوبه"

يااااااااااااارب
يارب يرزقنا حبه
و حب من أحبه
و حب كل عمل يقربنا الى حبه


دمت بود استاذى

Soul.o0o.Whisper said...

حنان الشافعي

حنوووون

بجد انتى اللى وحشانى اوى
و كمان خضتينى عليكى

يارب تكونى بخير


و ربنا يرزقك بياسمينة
:)


خالص ودى و حبى يا جميلة

Soul.o0o.Whisper said...

اسماء واحلام فى وجدانى


"تانى تعليق سمعت فيه
ضحكة مرعبة جدا
بس مش مصدق انك انتى صاحبة الضحكة دى
معقول الرعب ده منك انتى"

(( وش مكسوف
يادى الفضايح

لا أكيد هى سقطت سهوا

و بعدين أنا ضحكت بينى و بينها
ليه بئا انت تسمعها


الحمد لله انك تعليقك كان الاخير
عشان محدش ياخد باله
هههههههههههههههه


وَحش يا اخواتى*
!!!!!!!!!!!
مين دا؟؟؟

دا انا حمل وديع خاااااالص
ههههههههههه

دمت بود

オラアルス said...

بصراحة ياسول

البوست ده بموت فيه

تعرفي ليه؟

عشان أنا بموووووووووووووووووووووت في براءة الأطفال


الأطفالرياحين القلب

لو عندك هموم تقل الجبال بتتزاح كلها بس تشوفي براءة الأطفال
وده السر اللي خلاك مبسوطة طول يومك لانك ساعدت طفله بريئة ودخلت الفرحة بقلبها

لأن الأطفال أحباب الله
بجد بجد تسلم ايدك على مشاركتنا يومك الحلو مع البراءة الحلوة
وربنا يحفظ ياسمين لمامتها
ويحفظك لمامتك ياسول
سلام ياجميل

قيس بن الملووووح said...

وبراءة الاطفال في عينيه