الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Apr 21, 2009

ا لــتـــــحـــــــــــــــــــا م

تحديييييييييييث : أولا بجد بأعتذر لكم عن الرد على التعليقات الاخيرة و هأرد عليها إن شاء الله فى أقرب وقت
ثانيا : بجد بجد بأشكر أختى الحبيبة و الغالية








عاصفة أخرى من عواصف الشتاء الممطر ، استقبلتها تلك الليلة فى وجوم قابض ..

ليلة استتر فيها القمر بنصفه الاخر هربا من برودة الجو ، و اندفاع البَرَد و الامطار ..

اصوات خافتة تنبئ أن احدهم قد سولت له نفسه الخروج فى تلك الليلة البهماء ،

أو ربما هو ابن سبيل يلتمس طريقه وسط تلك العواصف و الاوحال المقذية ...


أخذت قدماه تلوصان فى ذلك الوحل ، و تحاولان أن تنجيا من شراكه ،

ارتطام حبات البرد و المطر بجسده و رأسه جعلته يرفع يديه فى استماتة ليحمى رأسه..

و بعد محاولات مضنية ، أنهكته و أتعبته ..

استطاع أن يرى ذلك الشعاع الخافت يطل من غرفتها فى ذلك البيت القابع من بعيد ..


خفق قلبه بعنف .. موجة من الافكار سرت برأسه ، أنسته الاوحال الغارقة فيها قدماه ، و ارتطام البرد برأسه و جسده ..

أيقترب ؟؟!!.. أم يتراجع أدراجه ؟؟!!.. ، أيصمم على قراره ؟؟!!.. أم يُرجئ النظر فى أمره لوقت آخر ؟؟!!...

إنه ذلك الصوت بداخله يحثه على المواصلة .. فى حين يشعر فى قرارة نفسه بأسف و ندم عميق ..

فكم له من الوقت وهو بعيد عنها ،هجرها ..و ضرب بتوسلاتها عرض الحائط وهو لا يرى إلا حاجاته ..


ضربة قوية على رأسه أنتزعته من أفكاره .. انتبه إلى قدماه تغوصان أكثر و أكثر فى تلك الاوحال ،

و قذائف البرد توجعه تارة بعد أخرى ، و سيل الامطار يصم أذنيه ...

أسرع الخطى يحاول النجاة من كل هذا .. أقترب أكثر و أكثر ، و ازداد خفقان قلبه أكثر و أكثر ...

المسافة بينها و بينه تقل .. شعاع النور من نافذتها يزداد وضوحا ..

ازداد اندفاع الدم فى عروقه ، و برغم برودة الجو و شدة الامطار ..

أحس أن ذلك المتساقط على جبينه لم يكن مطراً ، و إنما .. عرق..

نعم ... برغم البرد القارص تصبب العرق من جبينه ...


أخذ يدعو ألا تصده ، ألا توبخه ، فقد عانى الكثير ..

فقط يريدها أن تضمه إليها ، يريد فقط نظرة عميقة فى عينيها تزيل عنه كل همومه و أحزانه ..


وصل البيت .. أدار المزلاج فى خفوت .. و لعجبه فتح معه فى سهولة ..

دلف إلى الداخل و أغلق الباب ... موجة من الرهبة لفته فى صمت ..

البيت ساكن مظلم إلا من ذلك الشعاع الخافت المنبعث من غرفتها ..

سابقته ساقاه إلى الدرج يريد الصعود ...ثم...توقف فجأة ..


أهكذا يكون اللقاء ؟؟!!..

نظر إلى ملبسه الرث ، و قدماه الموحلتان .. كيف له أن يقابلها هكذا ؟؟

إنها كانت دائما ما تحتفظ بإزار له هنا .. أما زالت تحتفظ به؟؟!!

اتجه إلى مكانه المعهود ، فإذا به هناك .. مطويا نظيفا .. كأن لم يؤثر فيه الزمن ..

أسرع يخلع عنه ملابسه و حذاءه .. ثم ألتف بإزاره .. و مضى يدفعه حنينه ، فكم اشتاق إليها ...

طرقات خافتة على بابها ، ثم دلف إليها ..


لحظات من الصمت والترقب سادت بينهما .. دفعه حنينه إلى الاقتراب منها ، فأوقفته بإشارة من يدها ..

صُدم .. لماذا؟؟!!.. تساءل فى صمت ، و نظرات عينيه تنبئان بعمق الاسى مما عاناه ، بشدة حاجته إليها ..

حاولت هى أن تبدو صامدة أمام نظراته ، إلا أنها سرعان ما انسكبت عبراتها فى حرقة ..

أسرع إليها يضمها وهو يغالب دموعه فى لوعه ..


شلال من الكلمات انهمر من فيه ،وهو يعتذر إليها ، و يبثها معاناته فى بعدها ،

وعدها بأنه سيظل معها أبد الدهر ، أنهما سيتصديان لكل أحزانهما ..

سيمضيان معا فى درب هدفهما ..

طوفان من الاطياف لفهما فى ضوء مصباحها ..


إنها لحظة صدق سجل فيها الزمن التحامهما بعد فرقه ..

نعم .. التحام جسد بروح فرقتهما حياة دنيا ..

جسد انهكه التعب فى اوحالها المقذية ، و روح أنهكها الهروب من شرورها المطغية ..


التحام ...

خط امضاؤه فى ميثاق الحياة ،

و كان شاهداه ..

العزيمة و القدر .


96 comments:

صوت من مصر said...

جميل جدا
انا لسه معلقتش عليه لانى بجد هموت وانم ولما اصحى ابقى اعلق بجد

Soul.o0o.Whisper said...

صوت من مصر

طيب خلاص هأسامحك بس عشان خاطر النوم
بس هأستنى التعليق

ماشىىىىىىىى

ياللا افراج

عاشقه الرومانسيه said...

انا التعليق رقم 2 بعد صوت من مصر
ماليش دعوه بيكى

عاشقه الرومانسيه said...

لالالالالالا
الموضوع شكله كده كبير
بكره نقرا ونعلق

اسماء واحلام فى وجدانى said...

انه الحب يا سيدتى

اسماء واحلام فى وجدانى said...

كنت بالامس اسعد بقدوم الربيع

وجئت صباح اليوم لاقرا كلماتك التى

جعلتنى اعود الى الشتاء مرة اخرى

فلن تكن كلماتك الا الة الزمن من عمق

صدقها تاخذنا للخيال بدون ارادة

انا لست ناقد كى احكم على قصتك

الجميلة ولكنى اتذوق الكلمات جيدا

وكلماتك اخذتنى من البرد الى الدفء

من الياس الى الامل

واعود لاقول لك مرة اخرى

انه الحب

بعينه

اسماء واحلام فى وجدانى said...

وعقبال ما دودو تيجى

اهو نحجز لنا كام تعليق

محدش عارف بكرة فيه ايه

اسماء واحلام فى وجدانى said...

وكمان واحد

علشان ياسمين

اسماء واحلام فى وجدانى said...

لسة دودو مجاتش

طيب

كمان واحد

علشان نقفل الحساب اللى علينا

اسماء واحلام فى وجدانى said...

انا جيت تانى و دودو

لسة ماجتش

طيب مش مشكلة

همس الروح

ان شاء الله لامة يجىء ميعاد القبض طبعا انا اقصد

المرتب مش القبض عليكى

هابعتلك حوالة بجنيه وتكلفتها 3 جنيه

وربنا يصبرنى المرتب كده ضاع وهو لسة ماجاش

رحلتنا في الحياة said...

تسلم ايديكى ياجميل حلوة اوى بس انا مش مع انها تسامحه فى الاخر ازاى يعنى يبيع ومنتظر فى الاخر انها تكون مستنياه

سقراط said...

كلماتك جميلة جدا
دى اول مرة ازور مدونتك
وعجبتني جدا التدوينة
واكيد هازورك تانى ان شاء الله
تحياتي

オラアルス said...

ايه ياسول؟
يعني عاملة نفسك مش شايفه البوست بتاعي
ادخلي المدونة بتاعتي دلوقتي

واشوفي جرى ايه؟
اسمك منور ياجميله

صوت من مصر said...

نعم التسامح فى الحب شىء جميل
لكن ليس تسامح على كل الاشياء
ارجو ان اكون فهمت لانى لسه صاحى
عموما انا اول تعليق
اروح اكمل نوم بقى

د. ياسر عمر عبد الفتاح said...

القصة نفسها جميلة جداً
وكلماتها رائعة وفيها صور بديعة وأسلوب تشويقي بارع وسياق إحترافي

بجد كلها علي بعضها جميلة جداً جداً

ن said...

السلام عليكم
الدكتورة الرقيقة سول
ذكرتينى بقصيدة نزار قبانى بهذا المشهد المعبر
أيظن أني لعبة بيديه؟

أنا لا أفكر في الرجوع إليه

اليوم عاد كأن شيئا لم يكن

وبراءة الأطفال في عينيه

ليقول لي : إني رفيقة دربه

وبأنني الحب الوحيد لديه

حمل الزهور إليّ .. كيف أرده

وصباي مرسوم على شفتيه

ما عدت أذكر .. والحرائق في دمي

كيف التجأت أنا إلى زنديه

خبأت رأسي عنده .. وكأنني

طفل أعادوه إلى أبويه

حتى فساتيني التي أهملتها

فرحت به .. رقصت على قدميه

سامحته .. وسألت عن أخباره

وبكيت ساعات على كتفيه

وبدون أن أدري تركت له يدي

لتنام كالعصور بين يديه ..

ونسيت حقدي كله في لحظة

من قال إني قد حقدت عليه؟

كم قلت إني غير عائدة له

ورجعت .. ما أحلى الرجوع إليه ..

............................
بالمناسبة أعتذر لك لقد طلبتى أميلى من قبل وشغلتنى الظروف ونسيت أن أكتبه لك
ها هو
aml_fathey@yahoo.com
مع خالص تحياتى

Unknown said...

البوست شدددددددددديييييد

بجد البوست جامد وهايل اوى

ن said...

ن يقول...
السلام عليكم
الدكتورة .. سول
أولا أشكرك على كل تواصلك معنا وأحب أن أخبرك بأن رد المهندس الحسينى لزومى بسبب أننى تدخلت فى تعليقه مع الاستاذ فشكول فنشأ عن ذلك نوع من الحوار ولكل منا وجهةنظره وعلينا جميعاً أن نحترم وجهات نظر الاخرين لأنها تهمنا والاختلاف يثير البحث وتقصى الحقائق المهم أن يكون الاختلاف هادف وأنا أحترمكم جميعاً ويكفينى أنكم تشاركونى فى هذه المدونة .

أما عن سؤالك عن أمر فرعون فاسمحى لى بأن أقول لك إن ما عرضته هو وجهة نظرى ورداً على سؤالك وأحببت أن أصحبك فى رحلة تأملية وهقولك ايه الحكاية .

هناك بعض الباحثين حاولوا إثبات أن بناء الاهرامات مبنى على نظرية الطين المحمى وسوف أرسل لك بعض الروابط التى تفيد هذا الغرض وحاولوا أن يثبتوا بأن هذا البناء العظيم بنى بعمل قوالب من الطين المخلوط ببعض المعادن ليكون الحجر الذى بنى به الهرم الاكبر مثلاً وكانوا يتعجبون بأنه كيف كان للمصريين القدماء كل هذه القوة لرفع مثل هذه الحجارة العملاقة الى أن تصل الى كل هذا الارتفاع .. وجاءت نظريات كثيرة عبثاً تحاول أن تجعل لبناء الاهرامات خرافات كثيرة منها أن المصريين استعانوا بالجان أو بمخلوقات من الفضاء لبناء هذا الصرح الى أن جاءت نظرية الكتور أسامة السعداوى هذا العالم النابغة الذى أثبت حقيقة الامر وسقطت أمام نظريته كل الاراء السابقة .
http://egyptology.tutatuta.com/operations/GP.htm
والانعود للنفطة التى كنا نتحدث عنها وهى الاية الكريمة
* وقال فرعون يا أيها الملأ ما علمت لكم من إله غيري فأوقد لي يا هامان على الطين فاجعل لي صرحا لعلي أطلع إلى إله موسى وإني لأظنه من الكاذبين *الاية 38 القصص
وقال تعالى
*وَقَالَ فِرْعَوْنُ يَا هَامَانُ ابْنِ لِي صَرْحًا لَّعَلِّي أَبْلُغُ الأَسْبَابَ *أَسْبَابَ السَّمَاوَاتِ فَأَطَّلِعَ إِلَى إِلَهِ مُوسَى وَإِنِّي لَأَظُنُّهُ كَاذِبًا وَكَذَلِكَ زُيِّنَ لِفِرْعَوْنَ سُوءُ عَمَلِهِ وَصُدَّ عَنِ السَّبِيلِ وَمَا كَيْدُ فِرْعَوْنَ إِلاَّ فِي تَبَابٍ* غافر الايات 36و37

هنا تدخلت بعض النظريات التى أخذت من الاية * فأوقد لى على النار * وفسروها بأنها الطين المحمى الذى استخدم فى بناء الاهرامات وسموها الصروح وأثبتوا بذلك أقوالهم .
ولكنى تأملت معك معنى الايتين فى كلمة إجعل والتى معناها ابتكر أى يفوق التصور وكان فرعون يستخدم هذه اللغة على أنه إله .يمكن أن يصنع المعجزات فأخذته العزة بأن يتصور بأنه سيرى الله فى السماء وهذا من حماقةفرعون وجهله
وعندما تتأملين الموقف قد تجدين بأن الاهرامات احتاجت زمناً طويلاً للبناء بنيت عن علم وفكر وعقيدة وليست عن فكرة طارئة كالتى طلبها فرعونمن هامان
إذاً الوقود على الطين هنا كان لسبب مؤقت وليس لسبب دائم إذا علينا أن نتصور بأن فرعون طلب إيقاد النار على الطين لصناعة شيء ما يفيد الرحلة التى ينوى القيام بها .هل من الممكن أن يكون صنع له مركبة فضائية مثلاً ولم لا وقد أوتيت الامم التى سبقتنا علوماً
مازلنا عاجزين على اكتشافها .. فسفن الفضاء فى عصرنا يدخل فى صناعتها مادة السيراميك كما أوضحت لك وهذه معلومات متوفرة فى أبحاث كثيرة وقد حللت لك الامر فى المرة السابقة وأوضحت لك أن الطين يدخل ضمن هذه المكونات ويحرق فى أفران عالية الحرارة لكى يتم الحصول على المادة المطلوبة لصناعة المركبات الفضائية .المصريين القدماءكانوا مهرة فى الصناعات المختلفة وبرعوا فى الكيمياء والفلك وكثير من العلوم
أما ما أقصده بأن اختراع فرعون الذى طلبه كان وقتى أى أن الصرح الذى بنى لفرعون لمطلبه الجاهل لم يكن له أثر بل يمكن أن يكون دمر كما تتحطم كثير من المركبات الفضائية وتنتهى أما الاهرامات التى أعتمد البعض على الاية فى تفسير بناءها بأن الاهرامات صنعت من الطين المحمى فهذا يخالف الواقع بدليل أن صرح فرعون ليس له أثر أما الاهرامات فباقية تجاهد عوامل الطبيعة ومازلنا نراها شامخة شاهدة على علم أصحابها ولم تكن صرحاً لفكرة جاهلة ومجنونة طرأت على عقل فرعون .
وفى النهاية الامر تصور للحدث وليس مسلم به وقد يكون مرفضواً أو مقبولاً.
والله أعلم
وأرجو منك دائما لو تعذر عليك فهم وجهة نظرى فلا تتردى وأطلبى أن أوضح لك الامر مرة ثانية وأنا شاكرة لك ولمجهودك معى فى متابعةالحوار الدائم ومن أعماقى أتمنى أن يدوم هذا التواصل
مع خالص تحياتى

فارس عبدالفتاح said...

انا كنت متوقع انك في اخر الموضوع هتقولي ان امه اللى مستنياه في الشباك وهو موسخ هدومه وهي مش هتكلمه


اههههههههها

ده اللي تخيلته وانا بقرا لكن في الاخر وجدت ان الموضوع فلسفي شوية


عبدالوهاب يقول في احد اغانيه المشهورة

عشقت الحب في معبد بنيته بروحي وكياني جعل الامل راهب ملوش عندي امل تاني



وبعيدن هنا في امر تاني لماذا يصف الادباء والفلاسفة ان الفضيلة تاتي من الروح والرزيلة تاتي من الجسد الطيني

يقولون ان الروح خلق راقي من الله وهي سر لا يعلمه الا الله

والجسد خلق من الطين وهو خلق اقل من الروح ولكن لدي رأي في هذا الامر

لا الروح خلق راقي ولا الجسد المخلوق من الطين اقل رقي

كلهما وكل شيء خلقه الله متساوي فلا نستطيع ان نقول هذا ارقى ولا نستطيع ان نقول هذا ادني

الرزيلة تنسب الى النفس وكذلك الفضيلة تنسب الى النفس

فهناك نفس يستطيع الانسان ان يسيطر عليها بعقله حتى لا يتبع هواها وهناك نفس منفلته لا يستطيع العقل ان يسيطر عليها فترميه في الرزائل وهكذا تكون الامور وهذا هو مفهومي عن الفضائل والرزائل

وعن الروح والنفس والجسد

فما الروح الا الطاقة التى تحرك هذا الجسد هذه وظيفة الروح فقط

اما الجسد هو فهو وعاء للنفس والعقل ولذلك قال الله في كتابه الكريم اعوذ بالله من الشيطان الرجيم " في أي صوره ما شاء ركبك " وهنا المقصود بتركيب النفس والعقل في اي شكل ،،، في شكل بطه وزه نمله فيروس ديناصور كوكب في مجره زره في فضاء الكون ... اي شيء يخطر على بال البشر او لا يخطر على بال البشر

لذلك ثبت في الاثر ان احد العارفين طلب منه ان يصف الروح النفس والجسد فقال ما الجسد الا كرجل قعيد .. ونفسه تنظر الى ثمرة على اغصان شجره وفوجد انسان اخر ولكنه ضرير فطلب منه ان يحمله على كتفيه حتى يستطيع ان يلتقط هذه الثمرة وهذا الانسان الاخر هو الروح

وهنا يصف الروح بانسان ضرير وهذا لا يعني ان الروح اقل شئناً من الجسد والنفس ولكن هو يصفها كأداة لتوصل النفس ورغباتها الموجوده داخل جسد الانسان المخلوق من الطين والذي لا يستطيع التحرك بدون مساعدة فطلب من الروح ان يحمله حتى يصل الى غايته فالغاية من النفس وكذلك قال الله سبحانه اعوذ بالله من الشيطان الرجيم كل نفس ذائقة الموت

ما ان الله يحدثنا في كتابه العزيز عن الفؤاد فما هو الفؤدا ليس القلب بمعناه التشريحي انما هو وجدان النفس وشعورها بالامور الفاضلة والروحانية وهو الجانب الاخر عن الادراك المحسوس بالحواس الخمس الشم والتزوق واللمس والسمع والبصر

والموضوع طويل طويل جداً جداً وهنخش في حوار طويل وانا الحين لدي عمل اقوم به فارجوا المعذرة فتقبلي كل التحية والتقدير

وبعيد طلباتك اوامر بس مفيش عصير شكولاته اصلي ما بحبش عصير الشكلاته فيه عصير فنيليا ينفع واللى نبعت نجيب من محل تاني

قلم رصاص said...

السلام عليكم

كلمات رائعه وجو اروع من التناغم بين الافكار والصياغه الفنية الرفيعة المستوى


قلمكم يجب ان يحترم

في حفظ الله

عاشقه الرومانسيه said...

حللووووووووووه قوى القصه دى
والجزء ده حسيته قوووووووى
حاولت هى أن تبدو صامدة أمام نظراته ، إلا أنها سرعان ما انسكبت عبراتها فى حرقة
..
تسلم ايدك


قوليلى هو الناس بوستاتها بتظهر الجديد بتاعها ولا الاقدم؟
الريدر مش قارى البوست ده قارى بوست قديم وجايبك فى اخر القايمه
اتصرفى فى الموضوع ده يمكن يكون العيب من الاعدادات عندك
اشمعنى انتى يعنى اللى بلوجر حطك فى دماغه
(:

محمد said...

السلام عليكم ورحمة الله وبركاته

دكتورة همس الروح

بسم الله ماشاء الله خلاص عدينا وبقينا علي البر التاني وبقينا نكتب تصويرات جميلة كالعادة ..... وطبعا تشبيه جميل وتصوير حلو للحالة اللي بيتنازع فيها الإنسان من خلال شد وجذب نفسي بحت بحت بحت

؟؟؟؟؟؟؟؟؟؟؟؟؟؟؟ بس اشمعني التصوير ده ولا طيب هو العقل الباطن مش بيعطينا دايما كل المبررات

خالص مودتي وصادق دعائي

Anonymous said...

سول

جميله جدا جدا قصتك وتعبيرك عنها

تعرفى الغريب فعلا الصراع اللى جوانا اللى بيخلينا اوقات بندى لنفسنا الحق فى مبررات تريحنا بغض النظر هى بتجرح الطرف التانى ولا بتريحه
بس عشان الانسان بطبعه مش بيهمه غير نفسه اولا واخيرا فبيقنع نفسه بالمبررات دى بس عشان يريح ضميره ويحس انه مغلطش فى حق الطرف التانى او انه عمل ده لانه شايف ان ده الصح

بس انا مش شايفه ان ده مش حب
اللى بيحب بجد مش بيسيب الحد اللى بيحبه ولا فى لحظه ممكن يسببله الم او يجرحه
منتهى الانانيه لما نفكر بالشكل ده

بس احنا دايما فى كتباتنا بنشوف الجانب الرومانسى والخيالى اللى بنتمنى انه يكون حقيقه بس صدقينى الواقع غير كده
*********************
اسفه على التحليل الممل ده فكك منه

القصه على المستوى الادبى عجبتنى موووووت

Anonymous said...

جسد انهكه التعب فى اوحالها المقذية ، و روح أنهكها الهروب من شرورها المطغية ..

آسف:

انتِ اللى كاتبه دا؟!!

قصه رائعه و انت تقراها تشر كانك جزء منها و من احداثها

رائع سول

بارك الله فيك

Soul.o0o.Whisper said...

عاشقه الرومانسيه

ماشى يا ستى تانى تعليق و لا تزعلى

بس إيه ماليش دعوة بيكى دى؟؟

بئا دى الصحوبية؟؟
عااااااااااااا

Soul.o0o.Whisper said...

عاشقه الرومانسيه

نعممم؟؟
عاوزة ايه تانى ؟؟

بكره؟؟
طيب لما نشووووووف



يا مسهل يارب

Soul.o0o.Whisper said...

اسماء واحلام فى وجدانى

ان ان ااااااااااااااااان

Soul.o0o.Whisper said...

اسماء واحلام فى وجدانى


مادامت الكلمات قد أخذتك
من البرد إلى الدفء
و من اليأس إلى الأمل

إذن فقد انتهى فصل الشتاء
ليحل فصل الربيع
:)

و لربما






كان حبا


دمت بود

Soul.o0o.Whisper said...

اسماء واحلام فى وجدانى

ااااااااه
مااااااشى

ماهو عشان سايبة الباب مفتوح بئا


ماشى

منور بردوا

Soul.o0o.Whisper said...

اسماء واحلام فى وجدانى

ياسمييييييييييين


ههههههههههههههههههههه


ياسمين لما قلت لها انكم بتسلموا عليها
و اتبسطتوا منها

بئت تجيلى كل يوم تقولى اكتبى لى جواب لبابا
طب لأختى
طب لجدو
طب لستو


بئيت باشكاتب و أنا مش واخدة بالى



صبرنى يارب

Soul.o0o.Whisper said...

اسماء واحلام فى وجدانى

كمان واحد ؟؟

انت ايدك مش وجعتك ؟؟

ههههههههههههههههههههه

طيب
ماشى


منور بردوا

Soul.o0o.Whisper said...

اسماء واحلام فى وجدانى

دودو أصلا زمانها نايمة

ماتحطش امل انها تيجى الوقتى
ههههههههههههههه


اه طبعا قبض المرتب
انا فاهمة
هههههههههههه


3 جنيه
طب و حق الرد عليك؟؟؟



يبئا كدا خمسة جنيه

بس بسرعة الله يكرمك
احسن أنا اشهرت افلاسى

هههههههههههههههههه





دمت بود

Soul.o0o.Whisper said...

ايوشة

ايوشتى الجميلة

هو بعد لما شاف انهم مش قادرين يتوافقوا مع بعض
و كان دا الحل الامثل من وجهة نظره

لكن لما بعد و قاسى فى الحياة و عرف
رجع تانى لها
لأنه عرف انها كانت على حق



دمتى بكل ود يا قمر

Soul.o0o.Whisper said...

سقراط

أولا : أهلا و سهلا بيك نورت المدونة

ثانيا : بجد متشكرة جدا لاطرائك اللطيف
و ياريت فعلا تنورنى على طول



دمت بود

Soul.o0o.Whisper said...

【شُمـ°•. الإسلامـ.•° ـوخـ】

أروقتى الغالية

والله فعلا مش شفته
معلش سماح

هاااا

خلاص؟؟

متشكرة خالص يا قمر
دايما بتحرجينى بذوقك

و انتى اللى منورة والله

kafrawy said...

رائعه من روائعك يا دوك

خمسه وخميسه
مش ملاحق ع البوستات


دمتى بود

Soul.o0o.Whisper said...

صوت من مصر

التسامح أمر ضرورى جدا
فى كل أحوال الحياة

خاصة لما تكون علاقة لا يمكن تنفصم إلا
بالانتقال إلى العالم الاخر


هههههههههههههههه
روح كمل نوم بئا




دمت بود

Soul.o0o.Whisper said...

د. ياسر عمر عبد الفتاح

حقيقى أحرجتنى باطراءك الجميل
ربنا يبارك لك يارب


ودايما تنورنى



دمت بود

Soul.o0o.Whisper said...

ن

أستاذتى العزيزة /
و عليكم السلام و رحمة الله و بركاته

أولا : بجد أسعدتينى بهذه القصيدة الرائعة
فعلا جميلة بجد

ثانيا : ضفت ميل حضرتك
و يارب اتعرف عليكى عن قرب اكتر



دمتى بكل ود

Soul.o0o.Whisper said...

اصحى يا مصر : اسلام ديو


مرورك أشد و أجمد
:)


شكرا على المرور الجميل


دمت بود

Soul.o0o.Whisper said...

ن

و عليكم السلام و رحمة الله و بركاته

أهلا بحضرتك مرة تانية
حقيقى بيسعدنى تواجدك

و طبعا زى ما حضرتك قلتى
كل وجهات النظر لها احترامها
و اختلافنا
لا يفسد للود قضية
:)


اها
أنا كدا فهمت قصد حضرتك
و النقط اللى كانت غامضة عليا

بجد ربنا يكرم حضرتك يارب و يبارك لك

و إن شاء الله مش هأتردد فى سؤالك عن اى شئ
:)

و بجد أنا اللى سعيدة جدا بتواصلى معكم


دمتى بكل خير و ود

Soul.o0o.Whisper said...

فارس عبدالفتاح

أولا بأشكرك جدا بجد على تعليقك
و تحليلك العميق

"بعيدن هنا في امر تاني لماذا يصف الادباء والفلاسفة ان الفضيلة تاتي من الروح والرزيلة تاتي من الجسد الطيني "


فعلا كتير جدا بياخدوا ان الروح رمز الفضيلة
و ان الجسد رمز الرزيلة

بس دا لا يعنى اطلاقا ان احدها اعلى من الاخر
أو افضل منه

فالجسد خلق الله
و الروح خلق الله

لكن ربنا اعطى لكل شئ مقومات و غرائز
فالجسد دائما ما ترى حاجاته دنيوية
و شهواته دنيوية
و إن لم تكن نفسه لوامه
او طيبة
فهى أمارة بالسوء
تجذبه إلى أوحال الدنيا

أما الروح
فتشتهى القرب من الله
و الخضوع بين يديه
و الزهد من كل أمور الدنيا
و التبتل فى محراب عبادته و طاعته

عندما يتحد الاثنان معا فى رؤيتهما و منهجهما
تحت لواء الاسلام
تجده لم يحرم احدهما حقه من المتع و الشهوات
و ايضا لك يغلب احداها على الاخر

فتجد أن الانسان اللى فاهم دينه صح
مبسوط و سعيد
لأنه مشبع كل من الجسد و الروح


انما عندما يترك لجسده النزوح إلى رغباته
أو يفضل الزهد و التبتل و يقصى حاجات الجسد و يهينه

تجد النفور الغريب بينهما


فينطلق الجسد لا يرى إلا حاجاته و شهواته فقط
و بالتالى لا حد و لا رقيب

و تنفر النفس إلى محرابها
لا ترى إلا مولاها تخضعبين يديه

ثم عنما يتعب كل منها من فراق رفيقه
و يعلم انه كان مخطأ عندما استأثر بذاته

تجد التوافق و يعود الالتحام سريعا
لأنها الفطرة التى خلقنا الله عليها


بجد أنا سعيدة جدا بكلامك
و خد راحتك خالص

البيت بيتك
و المدونة مدونتك


و ماشى مش هاقولك لا
هات الفانيليا
بس بردوا مش هاتنازل عن الشيكولاتة

ماليش دعوة
هه
بس




دمت بود

Soul.o0o.Whisper said...

قلم رصاص

و عليكم السلام و رحمةالله و بركاته

حقيقى متشكرة جدا على كلماتك الرقيقة
و اتمنى فعلا ان القصة ترتقى الى المستوى اللى وصفته




عميق احترامى

و دمت بود

Soul.o0o.Whisper said...

عاشقه الرومانسيه

يااااااااااااااه
صح النوم يا دودو

انتى جاية بعدما الناس ما مشت
ههههههههههههههه

كان فى ناس مستنياكى
بس تقريبا فقدت الامل

.................

تسلمى يا جميلة بجد على كلامك
و على مرورك


بس فعلا يا دودو
مش عارفة ليه بلوجر مستقصدنى

ينوبك ثواب لو تعرفى حل للمشكلة دى قوليلى



ربنا ييسر





سلام يا جميل

Soul.o0o.Whisper said...

هذه حياتي

و عليكم السلام و رحمة الله و بركاته

"لحالة اللي بيتنازع فيها الإنسان من خلال شد وجذب نفسي بحت بحت بحت "

يرحمكم الله

انت خدت برد ولا ايه؟؟

لالالا .. روح لدكتور ، انت حالتك ما يتسكتش عليها
ههههههههههههههه


"بس اشمعني التصوير ده ولا طيب هو العقل الباطن مش بيعطينا دايما كل المبررات "

مش باقولك شكلك خدت دور برد جامد!!..

ههههههههههه



بجد أنا باشكرك جدا على تفهمك للموضوع
بس هو مش شد و جذب نفسى بحت
أنا باقولك الرموز معنوية بحته
مش شد و جذب نفسى بحت
:)

لا هى حالة شد و جذب نفسى و جسدى و روحى
لكن فى النهاية لن يستقيم الحال
إلا لو وصلوا لاتفاق وسط
:)

و بالنسبة للعقل الباطن
و الظاهر كمان

فأكيد طبعا الانسان لما بيكتب شئ أكيد حسها او مر بيها



متشكرة جدا على متابعتك
و دمت بود

Soul.o0o.Whisper said...

Anonymous

"الغريب فعلا الصراع اللى جوانا اللى بيخلينا اوقات بندى لنفسنا الحق فى مبررات تريحنا بغض النظر هى بتجرح الطرف التانى ولا بتريحه "

صح
مشكلة فعلا
إن كل واحد بيبص للامور من وجهة نظره
و يحلها من وجهة نظره
و ينسى ان فى حد تانى بيشاركه قراراته


"اللى بيحب بجد مش بيسيب الحد اللى بيحبه ولا فى لحظه ممكن يسببله الم او يجرحه
منتهى الانانيه لما نفكر بالشكل ده"

بصى يا ستى
هو فعلا اللى بيحب حد بيكون خايف على مشاعره
بيخاف يجرحه

لكن لما نوصل لنقطة
أنا مش فاهمك و لا انت فاهمنى
يبئا نفترق
و دا اللى حصل نتيجة فهم خاطئ
بعد كدا لما اكتشفوا انهم غلطانين
رجعوا لبعض على طول

:)


....................

و الحمد لله ان القصة عجبتك يا جميلة
ومنورانى



دمتى بكل ود

Soul.o0o.Whisper said...

أحمد عمر

آسف:
انتِ اللى كاتبه دا؟!!

خيييييييييير
فى ايه؟؟
هيتقبض عليا؟؟
هههههههههههه

ربنا يبارك لك يارب
حقيقى اسعدنى مرورك و تسجيعك الجميل



دمت بكل ود

Soul.o0o.Whisper said...

kafrawy

د.كفراوى

ههههههههههههههه
بجد ضحكتنى

ربنا يكرمك يارب

و الحمد لله ان البوست عجبك



دمت بود

اسماء واحلام فى وجدانى said...

ماشى يا حضرت الباش كاتب

ممكن تكتبلى عريضة

تشتكلى الحزن

وتقولى يبعد عنى

ويسيبنى

وتقولى لياسمين

احمد بيسلم عليكى وبيقولك

اوعى يعدى يوم

وما تكتبيش جواب

لكل اقاربك

صمت الحنين said...

جمييييله اوى القصه وطريقة سردها رائعه
خاصة النهايه حلوه اوى

rovy said...

السلام عليكم

جميله و رقيقه و رومانسيه

عجبنى كمان طريقةسردك و اسلوبك الرقيق جدا و الحالم

دمتىبكل الخير

تحياتى

د/على خميس said...

السلام عليكم و رحمة الله و بركاته
أختى الدكتورة / سول
معلش أنا دايما كده متأخر
بارك الله فيك و الله رائعة ...أسلوبا و معنى و تصويرا... لقد كدت أرفع يدي لأحتمى من البرد المتساقط....
بس واضح إن العزيمة يجب أن تخوض معارك طاحنة من أجل أن تلتقى بقدرها ...ربنا يقوينا
أسأل الله أن يجعل قدرنا فى الدنيا النجاح و التوفيق و الهداية و فى الأخرة الجنة الرضا
تحياتى و اعجابى بهذه القصة

اسماء واحلام فى وجدانى said...

همس الروح

اولا باشكرك على كل كلمة قولتيها هناك

مع انى تقريبا توهت كتير اوى منك

اخذتينى من مكان الى مكان ومن فصل الى فصل

ومن احساس الى احساس

واختصارا لكل هذا

اسمحى لى ان اوضح لك شىء

هذه القصة الحقيقى فيها

هو المكان ورقم الرحلة واتجاهها وميعادها ايضا

وحتى رقم الرصيف حقيقى

ولكن الشخص ليس انا

فى اخر مرة تواجدت بها فى القاهرة

عند عودتى شاهدت ذلك الموقف بين اثنين

بالطبع لم اعرف ماذا كانوا يقولون

ولكن لو كنتى مكانى كنتى روحتى ضربتى

سواق القطار علشان ما يمشيش

والله كان فعلا موقف صعب عليهم

وان كان اصعب عليا اكثر لانى انفعلت اوى معاهم

وبعدين مفيش حد مشاعره رقيقة زيك كده

ويكون بخيل ابدا

ماحبش تقولى على نفسك كده تانى

لانك وبكل اسف اتحسب عليكى التعليق ده

بستة تعليقات

ولك منى كل الشكر والتقدير

اسماء واحلام فى وجدانى said...

الو

ايه الغيبة دى كلها

لو ما ظهرتيش النهاردة

ولا اقولك بلاش

خليها مفاجئة

فارس عبدالفتاح said...

عفواً : يوجد التباس

الجسد ليس له حاجة دنوينة أو اخراوية إطلاقاً .. وقطعاً .. الجسد ما هو اللى وعاء وهيكل للنفس ،،، والجسد لا يعمل إلا بالروح والجسد والروح سخرهم الله بأمره لخدمة النفس .

لذلك يأتي الجسد يوم القيامة ويعترف على الإنسان ويتبرأ مما أمرته به النفس أن يفعله الجسد ويقول الله سبحانه أعوذ بالله من الشيطان الرجيم : يوم تشهد عليهم أيديهم وأرجلهم بما كانوا يفعل .

والآيات كثيرة جداً والأحاديث أكثر وأكثر الجسد ليس لدية أي رغبة أو شهوة أو نزعة أو ميول إطلاقا وقطعاً

ولقد ذكرت النفس اللوامة والنفس الطيبة ( الطمأنة ) والنفس الأمارة بالسوء

أما عن اتحادهم أي الروح والجسد تحت تعاليم الإسلام في رؤيتهما ومنهجهما فقد وصفت .. ( لم يحرم احدهما حقه من المتع و الشهوات و أيضا لك يغلب أحداها على الأخر ) ..

وهنا أقول

ليست شهوات بل نعم فالشهوة ما ذاد عن الحد وألحت النفس عليه أما المتع أو التمتع بنعم الله هذا مباح شرعاً ولكن في حدود شرعية حددها الله التمتع بالزواج التمتع بالمال ولكن أداء حق الله فيه من زكاة وصدقات وإذا أراد العبد أن يستزيد منها وصل إلى مرتبة الإحسان وهو أن تؤدي حق الله وزيادة من عند العبد وكذلك المأكل والمشرب واللبس والتنعم بالأنعام والخيل المسومة والحرس والبنون ..... الخ

كلها نعم وليس شهوات إلا إذا زادت عن حدها الشرعي أصبحت مذمومة مكروه وفي بعض مواضع يحرمها الشرع .

وتقولين

( إنما عندما يترك لجسده النزوح إلى رغباته أو يفضل الزهد و التبتل و يقصى حاجات الجسد و يهينه تجد النفور الغريب بينهما فينطلق الجسد لا يرى إلا حاجاته و شهواته فقط و بالتالى لا حد و لا رقيب و تنفر النفس إلى محرابها لا ترى إلا مولاها تخضع بين يديه ثم عندما يتعب كل منها من فراق رفيقه و يعلم انه كان مخطأ عندما استأثر بذاته تجد التوافق و يعود الالتحام سريعا لأنها الفطرة التى خلقنا الله عليها )

أختي الفاضلة

هذا الوصف غير دقيق ولا يجتمعان في هيكل واحد لا يستطيع الإنسان أن يسلك طريق التقى وان يسلك طريق الملذات في وقت واحد مستحيل وإذا كان فإنه ينافق في أحداهما إما في التقى والعبادة وأما في الانحراف عن الطريق القويم لا يجتمعان أبدا .

يا أختي الفاضلة

هناك في النفس أدوات إدراك مادية وغيبية


هناك إدراك مادي من ملامسة وشم ونظر وسمع وتزوق هذه أمور أدرك يتعلم بها العقل وتزداد خبراته

وهنا سؤال وعفواً فيه التلذذ بالملامسة هل من الجسد أم من الروح أم من العقل أم من النفس

من النفس طبعاً ولكن النفس غيبية ولكن أدواتها مادية تستخدم الجسد لتتلذذ

وأيضا إذا أكلت شكولاته كما تحبين وجلستي تأكلي وتأكلي هل جسدك أو روحك أو عقلك هو الذي يتلذذ بالأكل بالطبع لا بل النفس تشعرك بالرضا وبالفرح وبالسعادة لتلبية رغبة تحبها

وهناك أيضا أمور كما شرحت لك من قبل عن الفؤاد ليس القلب بمعناه التشريحي إنما هو وجدان النفس وشعورها بالأمور الفاضلة والروحانية والغيبية وهو الجانب الآخر عن الإدراك المحسوس في النفس

فما هي الفراسة وما هو ذكاء القلب وما هي الحاسة السادسة ... الخ

هذه كلها أمور مدركة ومحسوسة تعلمها النفس يدركها العقل ولكن لا يلمسه الجسد ولا يستطيع أن يعرفها لأن الله خلقه من المادة والروح من خلق آخر غير المادة ( غيبية ) والنفس هي التي تستطيع أن تعيش عالم المادة وتشعر بعالم الغيب .

لذلك أقول : النفس النفس ليس إلا

لها ما كسبت وعليها ما اكتسبت

Darsh Basha said...

اية الكلام الجامد دة
بجد توبيك رائع وجميلة
وتصوير اجمل من رائع

سلام مؤقت لحين ظهور التوبيك الاخر

فشكووول said...

انا لسه ما قرتش الموضوع بس قلت اخش امسى لانى عارف انى ماثر
صعلوك بن فشكول

فشكووول said...

سووول ياحلوه
انت نقلتى على كتابةالقصص
اصل يا سول الانسان اما بيراجع نفسه ساعات بيحس انه غلطان
واحسن حاجه فى الانسان النفس اللوامه هى اللى بتصلح كل الاخطاء اللى بتحصل لصاحبها

وكمان عارفه لما يقولوا ابتعد شويه وشوف الموضوع من وجهة النظر الاخرى
ساعتها الواحد بيقدر يشوف الموضوع على حقيقته
لان ساعة الزعل كل واحد بيبقى متمسك بوجهة نظره
لكن لما يقعد مع نفسه ويراجعها يكتشف الحقيقه سواء كان مخطئا ام مصيبا
بس هى المشكله مين اللى بيقدر يطبق الحكايه دى
فيه ناس ما بتراجعش نفسها خالص وراكبه دماغها وما بتنظرش للوجه الآخر من العمله
ودى ناس الله لا يوريكى
لكن اللى بيفكر ويراجع نفسه
هو دا الانسان الصح واللىماشى على الطريق الصحيح
تحياتى بقى

assafo anaroze said...

سول
يسعد مساك
قصة رائعة
، فأوقفته بإشارة من يدها ..
بالرغم من ذلك لم تستطع ايقاف ذلك البركان الجارف من الحنين و الاشتياق الى من تحبه فكان هذا الحب هو رمز الغفران للحبيب الذي هجرها و اتى بعد طول فراق
الحب بالرغم من هجرانه شفع له لدى الحبيبة و لم تترك العنان للعتاب و اللوم فكان الالتحام خير جواب على كل شيء
مودتي

اسماء واحلام فى وجدانى said...

همس الروح

ازيك

انتى لسة مصممة تغيبى

طيب

ده تانى تحذير

احساس طفلة محبة للرومانسية بس واقعية said...

الله عليكى

انا رغم كرهى الشديد للفراق بين الاحباب الا انى اعجبت بالقصة جدا

مش عشان الالتحام بس
لا عشان حبهم خلاهم ميقدروش يكملوا بعد
عشان بحب الشتاء والجو دا حتى بالوحل والبرد الشديد

عشان تمسكهم بالحاجات اللى كانوا بيعملوها رغم الفراق

بجد بجد الله عليكى
تقبلى مرورى

اسماء واحلام فى وجدانى said...

همس الروح وانا معدى

لاقيت نفسى قريب من هنا

قلت اسال عليكى

واعرف انتى عاملة ايه

يا رب تكونى بخير

♥نبع الغرام♥♪≈ said...

السلام عليكم
أختى الحبيبه
متشكره قووى ليكى على الكلام الجميل اللى وجهتيه ليا بمدونة اسلام
يارب يبارك فيكى
وأتمنا التواصل دومآ
تحياتى لكى إيناس

marmar said...

ويسبرتي حبيبة قلبي الجميلة انا بجد بجد بجد بجد بجد بجد بجد بجد اسفه جدا على تأخيري في البوست مش عارفه مش طالع عندي ولا انا اتحولت بس ريدر مش قاريه ولا ايه بس بجد بتمنى انك تعذريني لأني مش مهملة ولله دنا بعشق مدونتك اوي بجد

كلامك خدني لدنيا تانية دنيا كلها حب واخلاص انا ضد رأي ايوشه الي قالت انه يبيع ويرجع يلاقيها مستنياه طب ما ده احلى انواع الاخلاص والحب والرقه وبمرور الوقت هيعرف ان الي عملو غلط في غلط

بالنسبه لضد هو كلامها ده حقيقي يعني اقصد حصل ده النهارده ارجوكي تفهميني وتخلي بالك منها
بحبك في الله

فشكووول said...

اسمعى يا بت يا دكتوره انت
انت عايزه حتة لحمه وكمان عايزه تبقى رئيس وزاره
ما عنديش مانع
بس ضرورى تقدمى السبت عشان تلاقى الحد
يعنى كدا حقنتين فيتامين فى العضل وكمان شوية بلابيع يخلى صحة الواحد
زى الجمل ماذا والا ما فيش لا رئيس وزارى ولا حتى وكيل وزاره
من قدم شيئ بيداه التقاه وهنيالك يا فاعل الخير والثواب عند الله
ازيك يا سوول
وحشتينى
تحياتى

كيكى عوووووو said...

أم يتراجع أدراجه ؟؟!!.. ، أيصمم على قراره ؟؟!!.. أم يُرجئ النظر فى أمره لوقت آخر ؟؟!!...

إنه ذلك الصوت بداخله يحثه على المواصلة .. فى حين يشعر فى قرارة نفسه بأسف و ندم عميق ..

فكم له من الوقت وهو بعيد عنها ،هجرها ..و ضرب بتوسلاتها عرض الحائط وهو لا يرى إلا حاجاته ..

*******************
انتى جبتى كل جوانب المشكلة فى الجملتان دول!!!
****************
غير كدة بقى خدى البوسة دى امواااااااة
عشان طريقتك واسلوبك فى القصة
وواحدة مجانية تانى
امواااااااة
عوووووووووووووووو

جلال كمال الجربانى said...

السلام عليكم ورحمته وبركاته

قصه جميله وسرد دافىء ورقيق وكلمات ك موصل جبد
وكلماتك تستحق أن يضمها
غلاف عليه أسمك ورسمك

وتقبلى تحيتى ومرورى

オラアルス said...

لوووووووووووووووول

اندمجت مع القصة وتوقعت النهاية تكون قصة شاب عاق لمامتو
آاااااااااااخ منك آاخ
لازم تفشلي مخيلتي هههههههه
لكن جد جد
كان البوست يستحق تأجيل قراءته لحتى ينقرا على رواااااااااااااااااق
فعلا أسلوبك وبدون أي مجامله راااااااااااائع
جذبتي عيني للنقطة الأخيرة في سطر البوست
ماحسيت بملل بالمررررررررة
ايه ياسول أنت صيدلانية ولا كاتبة قصص
ولابتاعة كلو
ربنا يفتح عليك ياعسولة
ويعطيك كل اللي بتتمنيه من خير الدنيا والآخره
وجزاك رب الجنه ونعيمها على نشرك رابط قصة الاخت جوسيس بمدونتك :)
تفاجأت اليوم لما غيرت استايل المدونة وفتحت على مدونتك لحتى آخد الرابط واحطها بقائمة المدونات ولقيت اسمي فوق آخر بوست إلك ..
جد جدجد كتير بسطتيني ربي يسعدك يارب ويجعلها ثقل ثقيل بميزان حسناتك...وزادك ربي حرص على نشر الخير ..اللهم آمين
جورية لقلبك الأبيض وروحك الطيبة
دمت خير أخت :)

حاجات جوايا said...

سووووووووووووول
عارفة دى المرة الكام اللى بكتب فيها التعليق ده

كل ما اكتب تعليق اقوم قبل ما احفظه ويرووووووووح
عاااااااااا

المهم الحق اكتب ده بقى

يوووووووووووه
نسيت انا كنت هقول ايه
؟؟؟؟؟؟


هروح ابص عليه وارجعلك تانى
نياهاهاهاهاها

حاجات جوايا said...

بجد اسلوبك تحففففففففة ما شاء الله عليكى
ولا الادب العالمى يا بنتى والله
اتوقعلك بجد مستقبل ادبى كبير
المهم متقتصريش عالمدونة واعرضى اعمالك فى مجالات تانية
مثلا ابعتى لمدونات مصرية للجيب
بجد يا سول بجد ممتازة
ربنا يكرمك ويباركلك فى موهبتك الجميلة
يارب

حاجات جوايا said...

بعوض الغياب

ههههههههههههههه


ما شاء الله .. ما شاء الله
ربنا يزيد المسلمين يارب

حملت الملف الصوتى وبسمعه اهه

هى البنت دى مصرية ؟

الله اكبر ولله الحمد
ما شاء الله لا قوة الا بالله

ربنا يزيد المسلمين يارب ويبارك فى قوتهم
اللهم آمين

Soul.o0o.Whisper said...

اسماء واحلام فى وجدانى

"ممكن تكتبلى عريضة
تشتكلى الحزن
وتقولى يبعد عنى
ويسيبنى"

نداء إلى الحزن

برجاء البعد عن أخونا الكريم
إن به سم قاتل

فخوفا عليك و على صحتك المصونة
برجاء البعد عنه
و شوفلك حد تانى تلعب معاه"

هههههههههههههه
كدا تمام؟؟


"وتقولى لياسمين
احمد بيسلم عليكى وبيقولك
اوعى يعدى يوم
وما تكتبيش جواب
لكل اقاربك"

والله مش عاوزة أقولك يعنى هى واخدة بنصحيتك
و لو مفيش جواب مفيش مانع تيجى ترغى حبة
يعنى البنت تكتم فى نفسوياتها؟؟
حرام بردوا
هههههههههههه




دمت بود

Soul.o0o.Whisper said...

صمت الحنين

أولا اهلا بيكى نورتى المدونة

ثانيا : متشكرة خالص يا جميل على كلماتك الرقيقة

ربنا يكرمك يارب



دمتى بود

Soul.o0o.Whisper said...

rovy

و عليكم السلام و رحمة الله و بركاته

هلا بالجميل

بجد متشكرة خالص على كلماتك الرقيقة دى
بجد رفعتى روحى المعنوية
هههههههههههه



دمتى بكل ود يا جميل

Soul.o0o.Whisper said...

dr aly khamis

و عليكم السلام و رحمة الله و بركاته

"معلش أنا دايما كده متأخر"

لا أبدا والله
دا انا اللى دايما متأخرة

و بجد ربنا يبارك لك
و يكرمك يارب

فعلا برغم كل الصعاب فلابد من عزيمة ماضية لتخط قدرها فى اصرار


"أسأل الله أن يجعل قدرنا فى الدنيا النجاح و التوفيق و الهداية و فى الأخرة الجنة الرضا"

اللهم آمين يارب


دمت بود

Soul.o0o.Whisper said...

اسماء واحلام فى وجدانى

يا هلا يا هلا


معلش إذا كنت توهتك
بس يعنى من احداثك للقصة

باقولك لو فعلا كانوا اتقابلوا من يوم بس
يبئا دا مش حب

مش عاوزة اتوهك معايا تانى
و انا بردوا ماتوقعتش انه تكون انت

بس أنا دايما بتكلم باعتبار ان الشخص هو صاحب قضية البوست اللى كاتبه
سواء هو او لا


و متشكرة خالص
ماعدتش هأقول عليا بخيلة
ينفع اقول عليك؟؟
ههههههههههههه


باضحك بس والله
دا أنت كريم خالص
حتى باين هتكمل العشر تعليقات اهو


و كمان بتحسب لى التعليق بستة
يعنى بجد آخر كرم




دمت بود

Soul.o0o.Whisper said...

اسماء واحلام فى وجدانى


مممممممممممممممم
طب قول بئا


قول
قول


ههههههههه





دمت بود

Soul.o0o.Whisper said...

فارس عبدالفتاح


هناك فقط بعض الملاحظات :

1- معنى كلامك ان الجسد غير مؤاخذ بما يفعل فهو مطية النفس
و بكدا يبئا ربنا مايعذبوش لأنه مالوش قوة أو ارادة


2- بأشكرك بجد لأنى ماكنتش أعرف الفرق بين المتع و الشهوات

3- أعتقد ان النفس هى صوت الجسد الداخلى
يعنى ممكن بكدا فعلا ربنا يعذب الجسد لأنه سمع كلام نفسه
:)


4- "إنما عندما يترك لجسده النزوح إلى رغباته أو يفضل الزهد و التبتل و يقصى حاجات الجسد و يهينه تجد النفور الغريب بينهما فينطلق الجسد لا يرى إلا حاجاته و شهواته فقط و بالتالى لا حد و لا رقيب و تنفر النفس إلى محرابها لا ترى إلا مولاها تخضع بين يديه ثم عندما يتعب كل منها من فراق رفيقه و يعلم انه كان مخطأ عندما استأثر بذاته تجد التوافق و يعود الالتحام سريعا لأنها الفطرة التى خلقنا الله عليها"

هذه الفقرة لم أقصد بها اطلاقا التلازم الزمنى

و خلال الكام بوست الجايين بإذن الله هتفهم قصدى


بجد انا بأشكرك جدا على متابعتك العميقة
و استفاضتك
لأنى حقيقى عرفت حاجات ماكنتش أعرفها

ربنا يبارك لك يارب





دمت بود

Soul.o0o.Whisper said...

mosooz

بجد بأشكرك جدا على مرورك الجميل
و على كلماتك

و ان شاء الله الموضوع الجديد قريب



دمت بود

Soul.o0o.Whisper said...

فشكووول

قصدىىىىىىىىى
صعلوك بن فشكول
ههههههههه



معلش انا كمان مقصره معاك
ياريت سماح


هأحاول اجيلك قريب



دمت بود

Soul.o0o.Whisper said...

فشكووول

عمو العزيز فشكوووووووووووول

يا مرحب يامرحب

"انت نقلتى على كتابةالقصص"
اه .. ايه رأيك المرة دى؟؟؟


فعلا يا عمو فشكول
النفس اللوامة بيتحاول تصلح
و ربنا بيعينها

ربنا يرزقنا نفسا طيبة و إلا فلوامة


صح فعلا لو نبص للأمور من فوق
هنلاقى فعلا الامور ابسط
و بيكون الحل اسهل


انما لما كل واحد يبص للامور من منظوره هو بس بيلاقى الامور ضيقة
و مش بتتحل


ربنا يرزقنا جميعا الحق و الصح



و دمت بكل ود يا عمى العزيز

Soul.o0o.Whisper said...

assafo anaroze

يسعد صباحك
:)
دا بمناسبة اننا الصبح



صح معاك حق
انه الغفران

عندما يكون الصدق هو الحكم بينهما

دمت بود

Soul.o0o.Whisper said...

اسماء واحلام فى وجدانى

انا الحمد لله بخير

مش مصممة و لا حاجة
هو اللى مصمم
شوفلك حل معاه
هههههههههه



و بعدين تحذير تحذير

شكلك عاوز تتهرب من الدفع

لالالالالا
الشهر الجديد جاى اهو




دمت بود

Soul.o0o.Whisper said...

احساس طفلة محبة للرومانسية بس واقعية


الله عليكى أنتى و على مرورك الجميل

فعلا .. الرابط اللى كان بينهم
كان اقوى من انه يخليهم يكملوا بعد

عشان عارفين ان مالهمش إلا بعض



منورة يا جميل بجد

و دمتى بكل ود

Soul.o0o.Whisper said...

اسماء واحلام فى وجدانى

ماتحرمش من سؤالد أبدا يارب

أنا الحمد لله بخير
يارب انت كمان تكون بخير



بس يا ترى
دا التعليييييييييييق
رقم
كااااااااااااااام

ههههههههههههههه





دمت بود

Soul.o0o.Whisper said...

عاشقة الأحزان

و عليكم السلام و رحمة الله و بركاته

هلا انوووووس
العفو يا حبيبتى

ربنا يسعدك يارب
و يهنيكى
و يجعل حياتك كلها فرح فى فرح


و ان شاء الله يا قمر يدوم التواصل




دمتى بود

Soul.o0o.Whisper said...

marmar

مرمرتى الجميييييييييييييييييييييييلة
يا هلا يا هلا

و الله نورتى


ماتتأسفيش و لا حاجة يا جميل
أنا عارفة ان البوست دا مش ظاهر فى الريدرات
و مش عارفة المشكلة فين؟؟؟

حاولت احلها بس مفيش فايدة:(

................

أما بالنسبة للقصة
ففعلا بالاخلاص و الصدق
فيلاقوا انهم غلطانين

و انهم ملهمش إلا بعض
...........


بالنسبة لضد
فانسانة غالية عليها فقدتها
بعد جدتهاعلى طول

فدا مأثر عليها شوية

دعواتك ليه يا جميل



دمتى بكل الود يا قمر

Soul.o0o.Whisper said...

فشكووول

يا هلا برئيس جمهورية فشكولستان العظمى
اللى انا وليه العهد فيها و رئيسة وزرائها
هههههههههههههههه


اسمعى يا بت يا دكتوره انت*
نحم يا سيادة اللئيس
هههههههههههه

انت عايزه حتة لحمه وكمان عايزه تبقى رئيس وزاره*
لا انا حضرتك سعادتك باقولك فيفتى فيفتى
هههههههههههههههههه


ما عنديش مانع *
يااااااااه
كنت عارفة ان حضرتك سعادتك فخامتك مش هترضى تكسفنى


يعنى كدا حقنتين فيتامين فى العضل وكمان شوية بلابيع يخلى صحة الواحد
زى الجمل ماذا والا ما فيش لا رئيس وزارى ولا حتى وكيل وزاره *

أكيد أكيد طبعا
مدام هأبقى رئيس الوزرا وولى العهد

خلاص هاجيب لسعادتك المصنع كله عندك
و لا يهمك


ازيك يا سوول
وحشتينى*

أنت كمان يا عمو فشكول
طولت الغيبة علينا

مش تغيب تانى بئا




دمت بكل ود

Soul.o0o.Whisper said...

كيكى

يا هلااااااااااااا
نورتى المدونة كلها يا قمر


متشكرة خالص على كلامك
و الحمد لله انها عجبتك

ياللا خدى انت بئا
بيج هج فور يووووووووو




دمتى بود

Soul.o0o.Whisper said...

واحد من العمال

و عليكم السالم و رحمة الله و بركاته


اهلا و سهلا بحضرتك
و حقيقى نورتنى


حقيقى بأشكرك على كلماتك الرقيقة
و أنا لا استحق كل هذا


شكرا مرة تانية

و دمت بود

Soul.o0o.Whisper said...

【شُمـ°•. الإسلامـ.•° ـوخـ】

هلا شيمو الجميلة

اندمجت مع القصة وتوقعت النهاية تكون قصة شاب عاق لمامتو
آاااااااااااخ منك آاخ
لازم تفشلي مخيلتي هههههههه*

معلش يا جميل
تعيشى و تاخدى غيرها
ههههههههههه


كان البوست يستحق تأجيل قراءته لحتى ينقرا على رواااااااااااااااااق*
خدى وقتك يا قمر
أهم شئ بجد انه عجبك الحمد لله
و متشكرة خالص على كلماتك الجميلة
أحرجتينى خالث خالث

ربنا يفتح عليك ياعسولة
ويعطيك كل اللي بتتمنيه من خير الدنيا والآخره
وجزاك رب الجنه ونعيمها على نشرك رابط قصة الاخت جوسيس بمدونتك :)*
اللهم آمين يارب
و اياك
و كله طبعا فى ميزان حسناتك عشان انتى اللى نشرتيها الاول

و مبرووووووووك عليكى النيو لوك
بجد جميل
ربنا يجعله بركة و خير عليكى يارب


جورية لقلبك الأبيض وروحك الطيبة *
و لكى أيضا يا جميلة


و دمت خير أخت و خير صديقة
إنى أحبك فى الله

Soul.o0o.Whisper said...

حاجات جوايا

سلسولة العسولة

معلش يا جميل ...حظى أنا اللى وحش
بس خير خير

لحقتى اهو الحمد لله
ههههههههههههه



نسيتى؟؟؟
معلش هو دايما اللى بييجى هنا بتظهر عليه الاعراض دى
ههههههههههههه



مستنياكى

Soul.o0o.Whisper said...

حاجات جوايا

يا هلا يا هلا

أنا قلت بردوا اكيد مش هتتأخرى


بس بجد
بجد يعنى أحرجتينى
كل دا عشانى؟؟؟
ههههههههههههه



طب ماعندكيش واسطة
*_^
ههههههههههه

متشكرة خالص يا جميلة على كلامك بجد
رفعتى روحى المعنوية
و نفسوياتى المتدنية
ههههههههههههههههههه


مش عارفة هى مصرية ولا لا
بس باين من لهجتها



لما تخلصى بئا مستنياكى عند شموخ
:)


دمتى بكل ود يا جميلة

فارس عبدالفتاح said...

فارس عبدالفتاح


هناك فقط بعض الملاحظات :

1- معنى كلامك ان الجسد غير مؤاخذ بما يفعل فهو مطية النفس
و بكدا يبئا ربنا مايعذبوش لأنه مالوش قوة أو ارادة

ملاحظة جميلة اختي الفاضلة

بعد البعث سوف يخلقنا الله خلق آخر ليس من الطين أو لحم ودم وعظم سوف نكون خلق آخر لا يعلمه إلا الله والآيات كثيرة في القرآن عن هذا الأمر .

ما الجسد إلا هيكل للنفس أي بترينه أو أداة أو صورة فلا تتحرك هذه الصورة إلا بالروح والروح بمثابة الطاقة أو البطارية أو المحرك الذي يدير حركة المادة وهو الجسد والاثنان مسخران بامر الله لرغبات النفس


3- أعتقد ان النفس هى صوت الجسد الداخلى
يعنى ممكن بكدا فعلا ربنا يعذب الجسد لأنه سمع كلام نفسه
:)


الجسد هو هيكل النفس الخارجي وليس كما تقولين ،، وأقول لك ان الله جلا وعلى سوف ينشئنا خلاقاً آخر ولكن بنفس المواصفات التي كانت في الدنيا من حيث الشكل أو اللون أو التركيبة الجينية أو غير ذلك ولكن هنا أقوال تقول أن الله سوف يبسط لنا في الخلق فتكون أجسادنا اكبر مما كنا عليه في الدنيا واستدلوا على ذلك بحديث عن النبي عليه أفضل الصلاة والسلام ولكن لا اذكر الآن المقاس الذي حددوه .

ولكن سوف يكون اكبر مما نحن عليه اليوم .

ولقد شد انتباهي الدكتور مصطفي محمود في احد حلقاته عن نظرية اينشتين عن سرعة الضوء حيث قال انه إذا بلغ أي جسم سرعة الضوء فإن الزمن يتوقف وإذا زاد عن سرعة الضوء فإنه يدخل إلى الماضي وهذه أمور أثبتها العلم والعلماء

فقال أن الله سوف يخلقنا خلقاً نورانياً وبذلك يتوقف الزمن يوم القيام ويكون هناك الأبدية وأنا اعتقد بأنها وجهة نظر تستحق التوقف أمامها كثيراً .

ولكن أيضاً كما سألتي أنا أسأل الدكتور مصطفي محمود إذا اتفقنا أن أهل الجنة سوف يخلقهم الله من النور أو من مادة تشبه سرعتها سرعة الضوء فما المادة التي سوف يخلق الله منها أهل النار هل ستكون من الضوء أم ماده أخرى لابد وان تكون مادة غير المادة التي خلق الله سبحانه وتعالى منها أهل الجنة لأن أهل الجنة مكرمون وأفضل من أهل النار

اسماء واحلام فى وجدانى said...

ايه رايك لو نتحاسب بالسنة

وبالمرة اكون عملت جمعية واقبض الاول

واخلع برة البلد

بس على شرط تدخلى معايا وتقبضى التانى

وابلغ عنك

اصلى انا مش بحب الخيانة

واصحاب الجمعية كلهم حبايبى

يرضيكى اخونهم

وحي القلم said...

آسف ع التأخير
بس انتي عارفه الظروف
عموما
كلماتك رقيقة
وياريت ندي وناخد