الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

May 31, 2009

نـحـن .. و القــدر

طبعا يا جماعة أنا كنت عاوزة أكمل السلسلة
بس قلت آخد فاصل اعلانى تانى

و البوست دا إهداء لكل شخص حزين
أوتعبان
أو شايف ان العيب بس على الحياة

...............................................




عندما تسير فى رسم القدر ..
لا تدرى ماذا هو فاعل بك ؟؟!!..

لكن...
لأنه يرضى غرورك .. و يساير هواك ..
فلا تقف لتتفكر ..

بل تسير معه .. باسط زراعيك على صفحاته ...
تحملك أمواجه ،
تترفق بك نسماته ،
فترتسم على شفتاك ابتسامة ...تتسع

ثم عندما تهب الريح ..
و يتقلب بك الموج ..
و تشتد بك العواصف ..

يقتطب جبينك ،
و يرتسم الفزع على ملامحك ،
ثم تأتى العاصفة الأخيرة ..
لتقول كلمة النهاية

فإذا بك حطام على أشلاء الحياة تتناثر ...
تبكى بقاياك ...
و تعيب القدر الذى فعل بك هذا ..
و لا تدرى أنك انت سلمت نفسك للقدر ..

فلم تتمهل ،
و لم تترفق ،
بل ظننت الموج دائم الهدوء ..
و النسيم صفته الرفق ..
و لم تدرى أنه دائما هناك ما يسمى بـ..
الهدوء الذى يسبق العاصفة

فانظر فى مدك و جزرك ..
و لا تركن إلى هواك ..
فالنهار حتما يصرعه الليل ..

إنه ليس القدر ،
بل نحن من نفعل هذا بأنفسنا ،
فلا تلومن القدر ..
و تحسس لمواضع قدمك ..

عندها حتما ستوقن أن..
الليل يغلبه النهار ..

86 comments:

Soul.o0o.Whisper said...

أول تعليق محجووووووووووووووووووز


لحد ما صاحبه ييجى

ماليش دعوة

Soul.o0o.Whisper said...
This comment has been removed by the author.
mohammed alsha3r said...

ومن فينا أقوي من القدر
أسلوب جميل

حوراء المقـدسية Jerus Nymph said...

عندها حتما ستوقن أن..
الليل يغلبه النهار ..

ليس دائما يا قمري الليل مغلوب
و النهار غالب

فما من ليل الا و بعده نهار
و لا من نهار الا و بعده ليل

تقبلي مروري

حاجات جوايا said...

محجوز لمين بقى ان شاء الله
ماشى
ماااااااشى

ازيك يا كميلة وحشتينى اووووووى

البوست ده ايه نظامه ؟؟
ها
اعترفى
بقالى فترة كل ما اقرا حاجة الاقيها منطبقة عليا

حكايتكوا ايه معايا بالضبط
هو فيه جواسيس فى الكمبيوتر ولا اييييييه ؟؟

فعلاااااااا
لما الرياح بتأتى كما تشتهى السفن
مبتضيعيش وقت فى التفكير فى الوقت اللى هتقلب فيه
بتبقى واثقة فيها
وفى نفسك
وفى الحياة كلها
مش شايفة منها غير جانب واحد بس
الجانب الطيب
المبتسم
الحنون

اما لما الجو بيقلب
وتاتى الرياح بما لا تشتهى السفن
بيقى قدامك خيارين
إما تتشبسى كويس جدا حتى آخر لوح على ظهر السفينة
وإما ان تلقى بنفسك فى البحر على اساس انها بايظة بايظة وكده كده غرقانة

العيب طبعا مش فى السفينة ولا فى الرياح ولا فى البحر
العيب فى اللى ركب السفينة من غير ما يتابع الحالة الجوية وياخد احتياطاته

---------------
فانظر فى مدك و جزرك ..
و لا تركن إلى هواك ..
فالنهار حتما يصرعه الليل ..

إنه ليس القدر ،
بل نحن من نفعل هذا بأنفسنا ،
فلا تلومن القدر ..
و تحسس لمواضع قدمك ..

عندها حتما ستوقن أن..
الليل يغلبه النهار


رااااااااااااااائعة يا سول

اسماء واحلام فى وجدانى said...

انا جيت وطمعان فى اول تعليق والطمع فى الخير دى حاجة افتخر بيها وشرف ليا

يعنى من الاخر التعليق المحجوز ده ملكى انا بالذوق او بالذوق انا اللى هاستولى عليه

واللى عنده اعتراض يتصل بيا

اسماء واحلام فى وجدانى said...

محدش اتصل بيا طيب خلاص

كده اقدر اقول ان اول تعليق

كان من نصيب

اسماء واحلام فى وجدانى

اشكرك جدا دكتورة همس

اسماء واحلام فى وجدانى said...

الليل فى كلماتك قد صار بلا آثر

قد عان كثيرا واختار الفرار المختصر

ماذا فعلتى به وبحزنه الذى اكتثر

صار كلماتك له الامل

صار الحزن عاطلا بلا عمل

ماذا فعلتى فالفرح هنا قد اكتمل

ماذا فعلتى لا اعرف ولو تعرفين

اتصلى ب 140 دليل

اسماء واحلام فى وجدانى said...

عاوزينك الحلم الباسم فى السَحَر
وللسعادة الطريق المختصر
و الأمل لو اليأس انتشر
والتفاؤل اذا التشاؤم حضر

انا كنت جاى اقولك انك تعملى بوست وتقولى فيه كلام زى ده
فوجدت ما يسر القلب فكلمات الطيبة
ربنا يبارك فيكِ

احتلال رسمى

adel said...

ايه يابنتي ده بس ؟؟ :):)
بتقولي حكم علي الصبح كده

علي العموم اهو صاحب التعليق الاول جه
هههههههههههههه

و فعلا مفيش حاجة اسمها قدر في انا عاوز اعمل كذا او لا
مينفعش نبقي متكلين علي حجج واهية

بدراوى said...

المقدمة الخاصة بالإهداء
ليا طبعاً

ما هو انا الشخص ده
الحزين التعبان

يعنى اوقات حزنى مستمرة اكثر من اوقات الفرح

---
الكلام جميل
انا ناقصنى حاجة واحدة
الإرادة
---
مع تحياتى
---
انا نشرت بوست جديد بناء على طلب من استاذ مهندس حر
و خلاص انا مش زعلان من اى حد

Ramy Wasel said...

انا اريد
وانت تريد
والله يفعل ما يريد
والقدر هو اراده الله
ولكن يجب ان يكون لنا فكرنا واسلوبنا
وبعد ذلك نستسلم للقدر
لان من يستسلم للقدر دون اراده له
يكون انسان بلا شخصيه


اسلوبك جميل وبسيط

موضوع رائع

تحياتى

رامى واصل

اسماء واحلام فى وجدانى said...

عادل

عادل

عادل

والله انا باشكرك جدا لانك اول معترف بان اول تعليق من حقى وده جميل فى رقبتى
عمرى ما هانساه

عاشقة الأحزان said...

السلام عليكم ورحمة الله وبركاته


سول حبيبتى ربنا يبارك فيك ويسعدك يارب

كلامك جيل

القدر مينا فينا اقوى من القدر

المهم ربنا يعافينا يارب ويسترها معانا

دمتى فى حفظ الرحمن

اختك انوسه

ن said...

السلام عليكم
الدكتورة سول
الحقيقة جيت أعمل كوبى من ردى على سؤالك بالمدونة عن مادة اليخضور .. ولكنى لقيت بوست جديد والمعذرة سوف أعود لك مرة اخرى لقرأته

الدكتورة .. سول
اتمنى من الله الا يحرمنا من ودك الدائم وصفاءسريرتك .
لقد سألتى عن مادة اليخضور
هو اليخضور دا ..قصده بيه الكلوروفيل؟؟
أجل .

اليخضور هو المصطلح العربى المستخدم لترجمة الكلمة اللاتينية كلوروفيل
Chlorophyll
ولقد أظهرت أبحاث العلماء المتتابعة أن السر فى مادة اليخضور يعود الى عنصر الماغنسيوم الاساسى فى تكوين مادة اليخضور وانه كلما زادت نسبة هذا العنصر فى النبات كلما زاد اخضراره .
وقد أثبت محللو الأغذية بالفعل أن أعشاب البحر مفرطة الخضرة والطحالب ذات اللون الأزرق المائل للإخضرار والخضروات الورقية التى تصطبغ بلون أخضر زاه وداكن مثل البقدونس والسبانخ واللفت والكرنب والخس هى الأكثر غنى باليخضور وبمعدن الماغنسيوم على وجه الخصوص
ويشيرالعلماء الى أن مادة اليخضور هى بذاتها أعجوبة خلق فى عالم النبات إذ لولاها ما كان للنبات وجود .. ولولاها ما كان للحيوان أو للإنسان طعام ممدود .
ولقد نقلت لك هذا الجزء الذى اعجبنى من بحث يعرض لك هذه المعجزة .
فحين تطل الشمس بأشعتها الذهبية على الأرض ، وتنهمر على أوراق النبات الخضر على هيئة بلايين البلايين من الفوتونات ، فإنها تضرب بلايين البلايين من الإلكترونات فى جزيئات الكلوروفيل (اليخضور) ، وتحدث المعجزة .. فثمة غاز من الهواء هو ثانى أكسيد الكربون ، وماء به عناصر معدنية من الأرض إذا هم جميعاً فى طرفة عين مواد غذائية . والمواد السكرية هى أولى المغذيات التى تبدأ أوراق النبات فى تخليقها ، ثم تحويلها إلى بروتينات بإضافة ما فى أملاح التربة من أزوتات ، كما تحولها إلى دهنيات وهى التى يستفيد منها جميع الكائنات الحية على الارض .
مع خالص تحياتى

adel said...

هههههههههههه

اسماء واحلام فى وجدانى

هههههههههههه

انا كنت اقصد نفسي علي فكرة

ههههههههه

بس مش خسارة فيكي يامعلم
انا متنازل الدور ده

بس اللفة الجاية بتاعتي

ههههههههههه

د. ياسر عمر عبد الفتاح said...

الكلام رائع
والإسلوب جميل
والمعني نفسه بديع

وإن كنت اتمني تبديل كلمة القدر
لأن القدر رباني لا تبديل فيه ولا تغيير
ومحدش يقدر يخالفه
ويجب الإيمان بيه
وفيه باب كامل في العقيدة عن الإيمان بالقدر

أنا متأكد إن حضرتك متقديش القدر الرباني وغن كلمتك هنا مجازية

ممكن تشوفي كلمة تاني تبقي بنفس المعني

أنا جيت متأخر المدونة دي وأول مرة أشوفك بتكتبي بالإسلوب ده

همه الصيادلة كلهم كده .. عمالقة وعباقرة وبيدوسوا في أي حاجة

mimi said...

والله برافو عليكي ... هوا ده توقيت رائع للبوست ده ...

بجد كلماتك رسمت الأمل ... اللهم يتقبل منك ويجعله في ميزان حسناتك ...

تحياتي يا سكرة

mimi said...

علي فكرة انا اللي لغيت التعليق التاني الملغي ده ...

يعني انا اول تعليق رسمي
ماليش دعوة
عاااااااااااااااااااااااا

اسماء واحلام فى وجدانى said...

همس الروح

بعد اذنك طبعا فى كلام بيتقال غريب اوى هنا

ميمى بتقول انها صاحبة اول تعليق اللى ملغى طيب ازاى وانا اللى كتبته ولاغته والنبى يا جماعة حد يشوف الموضوع ده ايه حكايته

******************************
عادل

عادل

واجبك وصل وان شاء الله البوست الجاى الحقه من اول واكتبلك التعليق الاول باسمك بس يارب همس ما تاخد بالها من ميعاد البوست اللى جاى

*********************
معلشى بقى يا همس احنا احتلينا المدونة
بتاعتك النهاردة
هى الدنيا كده يوم لك وويوم عليك

maha zein said...

هل بردو البوست ده من القدر


يعني هل اللى بيحصل معايا ده من القدر

مش عارفة اقولك ايه
غير اني عوزة اقولك اني بحبك في الله

ويكفي انك كنتي جزء من قدري

وانتي عارفة ليه

القدر خير حلوه وشره
القدر هو ما اراده الله لنا
وافقنا او ابينا

القدر هو رحمة الله بنا
هو تيسير امورنا
هو حب الله
هو رضاءنا
هو السعادة

دلوقت عرفت يعني ايه انسان بيحب ربنا
وسعيد ديما
انسان مهما يحصله يقول انا لله وانا اليه راجعون


بحبك في الله
وادعيلي

واحد من العمال said...

السلام عليكم ورحمته وبركاته

إنه ليس القدر ،
بل نحن من نفعل هذا بأنفسنا ،
فلا تلومن القدر ..
و تحسس لمواضع قدمك ..

عندها حتما ستوقن أن..
الليل يغلبه النهار
-------
نعم لا يجب أن نلوم القدر
فنحن من نختار الطريق
ولكن متى نرى الليل يغلبه النهار
متى ؟؟
ودمتى بخير

mimi said...

عزيزتي همس
==============
لا مؤاخذة يا أحمد انا اللي لغيت التعليق ...

لو فيه اعتراض ... بس حد يتكلم

ايوة بالظبط بلطجة

اسماء واحلام فى وجدانى said...

همس الروح

بيان رقم واحد

تحولت مدونتك بكل اسف الى ساحة قتال على التعليق الاول ومن هنا احذرك يا ميمى من التقدم على اى شىء قد لا تستطيعى التراجع منه
التعليق الاول انا حجزه من الصبح وبعدين البوست ده كله علشانى هى همس مش قالت لكل شخص حزين وتعبان وشايف الحياة بالمقلوب
انا كل دول يبقا انا احق واحد باول تعليق وخدى بالك انتى كده ممكن تتسببى فى ازمة مدوناتية شديدة المدى

دمت لى بالخير

قلب ارهقته الاحلام said...

الله عليكي ياسول

ايه الجمال ده بجد رائعة

تسلم ايديكي


علي قدرتك علي رسم صحوة للأمل

ابدعتي بجد

دمتي بألف خيرر وسعادة يارب

تحياتي ,,,

mahasen saber said...

لا لا لا سولو اخيرا وبعدعناء
ااقعد استريح شويه بئه
وانتى عارفه ليه

mahasen saber said...

اخيرا اخيرا يا بشر النت امهلنى انى اعلق على القدر

نهاية القصيده تحفه يا سولو بس زى ما النهار بيمحى الليل
الليل برضه بيمسح النهار باستيكه وبيغطى عليه
ههههههههههههه شفتى التشاؤم

القصيده تحفه تحفه زى ما قلتلك من كام ساعه كده

ووحشتينى قوى قوى ومبسوطه جدا جدا جدا ان التعليقات فتحت وان النت من الاساس اشتغل
يا فرحتى

mahasen saber said...

اخيرا اخيرا يا بشر النت امهلنى انى اعلق على القدر

نهاية القصيده تحفه يا سولو بس زى ما النهار بيمحى الليل
الليل برضه بيمسح النهار باستيكه وبيغطى عليه
ههههههههههههه شفتى التشاؤم

القصيده تحفه تحفه زى ما قلتلك من كام ساعه كده

ووحشتينى قوى قوى ومبسوطه جدا جدا جدا ان التعليقات فتحت وان النت من الاساس اشتغل
يا فرحتى

dr aly khamis said...

أوووووووووووووووول تعليق ...
هيه
أخيرا عملوها الوحوش ..
عملوها الأبطال

dr aly khamis said...

السلام عليكم و رحمة الله و بركاته
أختى الكريمة د / سول
رديت على تعليقك فى مدونتى ...اقريه
بدل ما اعمله ( قص و لزق)
و ازحملك مدونتك

و الله موضوع راااائع
و أسلوب فعلا جميل

فعلا هذه هى الحياة نسيم خفيف ثم ريح شديد
موج يداعبك ثم تسونامى تقلبك (اللهم ارحم موتى المسلمين)


و لا تركن إلى هواك ..
فالنهار حتما يصرعه الليل ..

إنه ليس القدر ،
بل نحن من نفعل هذا بأنفسنا ،
فلا تلومن القدر ..
و تحسس لمواضع قدمك ..

عندها حتما ستوقن أن..
الليل يغلبه النهار

خاتمة و لا اروع

"أولما أصابتكم مصيبة قد أصبتم مثليها قلتم أنى هذا قل هو من عند أنفسكم
"

بس انت كده علقتينا ...كنت مستنى بقيت السلسلة...
على العموم يغفر لك هذا الفاصل الممتع..

بارك الله فيك و ثبتك
تقبلى خالص تحياتى

dr aly khamis said...

الالالاالالالا
ده فى خناقة جامدة أوى على أول تعليق ...
ده الموضوع شكله كبير أوى

بس على العموم هى البلد دى كده .....بلد وسايط
و اللى ليه ضهر ما ينضربش على بطنه
و انا واسطتى كانت واصلة

أسأل الله لى و لك و لسائر المسلمين ......الجنة

مسدس صغير said...

كلماتك جميلة
اسمى من امدح فيها
احييكى عليها

بل تسير معه .. باسط زراعيك على صفحاته ...
تحملك أمواجه ،
تترفق بك نسماته ،
فترتسم على شفتاك ابتسامة ...تتسع

ثم عندما تهب الريح ..
و يتقلب بك الموج ..
و تشتد بك العواصف


احييكى على البوست المعبر
دمتى فى سعادة

عاشقه الرومانسيه said...

واللى شايف ليله مالوش اخر يعمل ايه؟

ايوشة said...

إنه ليس القدر ،
بل نحن من نفعل هذا بأنفسنا ،
فلا تلومن القدر ..
و تحسس لمواضع قدمك ..

والله عندك حق ياسوول بجد فعلا احنا اللى بنعمل فى نفسنا كده ساعات بنحب ضعفنا واستسلامنا ومش بنحب نغير من نفسنا
تسلم ايديكى ياقمر دايما كل بوست بيجى فى وقته كده ربنا يخليكى يااااااااارب

Soul.o0o.Whisper said...

mohammed alsha3r

أهلا بيك
و نورت المدونة

و بالنسبة للقدر
نحن لا نعانده فنرى من فينا أقوى
بل نحاول ان نتفهم كيف تسير الحياة حتى لا نصبح ضحايا أنفسنا


دمت بود

Soul.o0o.Whisper said...

حوراء المقـدسية Jerus Nymph

هلا حورى

"ليس دائما يا قمري الليل مغلوب
و النهار غالب "

لم أقل ذلك يا حور
فبالفعل
"فما من ليل الا و بعده نهار
و لا من نهار الا و بعده ليل
"

الفارق هو الترتيب لديك
من السابق و من اللاحق


دمتى بكل ود يا قمر

Soul.o0o.Whisper said...

حاجات جوايا

احم احم
معلشى بئا يا سلسل

كل واحد و نصيبه

بجد انتى اللى وحشانى اوى
أخبارك و أخبار دودو؟؟

:)
طبعا فى جواسيس
أمال انتى فاكرة الشاتات بتروح هدر كدا؟؟
هههههههههههههه

بصى يا سالى
هو فعلا كدا
لما بنلاقى فرصة للأسف مش بنقف نفكر شوية
و نحسب الايجابيات و السلبيات
و نحط احتمالات

لا .. هو انا شايف انها فرصة و باجرى
و لما اتكعبل و اقع أقول يادى الحظ

لا هو مش حظ
انت اللى عملت كدا فى نفسك

ياريت فعلا كل شئ فى حياتنا نفكر فيه قبل ما ناخد قرار نرجع نقول يا ريتنى


ربنا يكرمك يارب يا سالى
و ما يحرمنى منك أبدا


دمتى لى بكل خير

Soul.o0o.Whisper said...

اسماء واحلام فى وجدانى

؟؟؟؟؟؟؟؟؟؟؟
طب طمعان و قلنا ماشى
ياللا بيحرجنا عشان ياخده

انما بالذوق او بالذوق هاستولى عليه؟؟
لالالا
دا احتلال بئا

Soul.o0o.Whisper said...

اسماء واحلام فى وجدانى

ايه دا؟؟
و كمان محدش اتصل بيك؟؟

محدش يدافع عن مدونتى
عااااااااااااااا

ماكنش العيش و الملح
قصدىىى ماكنش بوست و تعليقات
ماشى يا بلوجرية


لالالالا
أعترض و أشجب و أندد

Soul.o0o.Whisper said...

اسماء واحلام فى وجدانى

كمان فصلت الحرارة عن المدونة
طب اتصل انا الةقتى إزاى؟؟


لالالالا
أنا ماعرفتش

بس كنت أطلب النجدة طيب

Soul.o0o.Whisper said...

اسماء واحلام فى وجدانى

"انا كنت جاى اقولك انك تعملى بوست وتقولى فيه كلام زى ده
فوجدت ما يسر القلب فكلمات الطيبة
ربنا يبارك فيكِ"

و فيكم بارك الله

بس أنا مش بيضحك عليا بالكلمتين دول
اه

ماهو بعدها أعلنت الاحتلال

ايه دا بئااااااااا؟؟؟

Soul.o0o.Whisper said...

adel

حمدلله ع السلامة
أنا افتكرتك تهت

بس الحمد لله لسه فاكر عنوان المدونة:)

اه شفت صاحية بئا الصبح
قلت أخرج حكمى عليكو
:)

هو أنت كمان دخلت فى اللعبة
طيب ياللا
اتصل عليه و اعترض
هههههههههه


"فعلا مفيش حاجة اسمها قدر في انا عاوز اعمل كذا او لا"
هو فى طبعا قدر
بس فعلا ماينفعش أتكل عليه
و كل شئ وحش أقول هو ربنا كاتب عليا كدا

و إلا بئا ماكنش حاسبنا على أفعالنا
مش كدا و لا ايه؟؟


دمت بود

فارس عبدالفتاح said...

هو فعلاً باين عليه فاصل اعلاني


هو في حد يقدر يتحكم في القضاء او القدر يا سول

انت قصدق التواكل والتواني والتسويف والمماطلة وضعف الهمم والتخاذل وكل هذه المصطلحات

ثم يقول القضاء والقدر

واحذر كل الحذر أن يخدعك الشيطان عن الحزم فيمثل التواني في صورة التوكل ويسلبك الحذر ، ويورثك الهوينا بإحالتك على الأقدار فإن الله إنما أمرك بالتوكل عند انقطاع الحيل والتسليم للقضاء بعد الأعذار ، بذلك انزل كتابه وأمضى سنته فقال ( خذوا حذركم )

وعلى فكرة دي فقرة من موضعي الاخير من رسالة الجاحظ ( المعاش والمعاد ) مع خالص التقدير

Soul.o0o.Whisper said...

بدراوى

"المقدمة الخاصة بالإهداء
ليا طبعاً"

:)
ياااااه بس كدا
خلاص ليك

"انا ناقصنى حاجة واحدة
الإرادة"

و الارادة بتيجى من حسن الظن بالله و جميل التوكل عليه

ربنا يرزقنا جميعا يااااارب



و معلش أتأخرت على البوست
بس حقك محفوظ طبعا

و الحمد لله ان مفيش زعل



دمت بود

Soul.o0o.Whisper said...

Ramy Wasel

"انا اريد
وانت تريد
والله يفعل ما يريد"

نعم
و لكن الارادة يتبعها الفعل
ثم عندما يقضى الله شيئا
فعلينا التسليم

لا أن نجلس لننظر حكم الله فينا


"لان من يستسلم للقدر دون اراده له
يكون انسان بلا شخصيه"

تمام
ربنا يبارك لك يارب

دمت بود

Soul.o0o.Whisper said...

اسماء واحلام فى وجدانى



"عادل

والله انا باشكرك جدا لانك اول معترف بان اول تعليق من حقى وده جميل فى رقبتى
عمرى ما هانساه"

هههههههههههه

و جون و جون و جووووووووون

لكن طلعت براااااا

يا خسارة يا خسارة يا خسارة
هههههههههه

Soul.o0o.Whisper said...

عاشقة الأحزان

و عليكم السلام و رحمة الله و بركاته

هلا أنوووووسة

"سول حبيبتى ربنا يبارك فيك ويسعدك يارب"
و اياكى يا قمر يارب


أنوسة ..زى ماقلت فى تعليقى على ا.محمد الشاعر

اننا لا نعاند القدر فنرى من فينا أقوى
بل نحاول ان نتفهم كيف تسير الحياة حتى لا نصبح ضحايا أنفسنا


تحياتى ليكى يا قمر

Soul.o0o.Whisper said...

ن

و عليكم السلام و رحمة الله و بركاته

أستاذتى العزيزة
ربنا يبارك لحضرتك يارب

حقيقى أستفدت من الاضافة اللى حضرتك قلتيها
و احنا فعلا كنا اخدنا ان الكلوروفيل قائم على الماغنيسيوم

و طبعا مهمة جدا لغذاء النبات
و من ثم الحيوان و الانسان


و منتظرة تعليق حضرتك على البوست

دمتى بكل الود

Soul.o0o.Whisper said...

adel

ايه دا يا عادل؟؟؟

كدا تستسلم بكل سهولة كدا؟؟

و أنا اللى قلت انك هتدافع عن المدونة
و تحمى حمى التعليق الاول

يا خسارة
ماكنش العشم


(( طبعا باحب أهدى النفوس
واضح جداااااااااااااا

Soul.o0o.Whisper said...

د. ياسر عمر عبد الفتاح

"لأن القدر رباني لا تبديل فيه ولا تغيير
ومحدش يقدر يخالفه
ويجب الإيمان بيه
وفيه باب كامل في العقيدة عن الإيمان بالقدر"

بالتأكيد قدر الله لا تبديل فيه و لا تغيير
و لكن الله لم يكتبه علينا
فنأتى نحن لنمضى فيه رغم أنوفنا
ثم يحاسبنا عليه الله

لا
بل لعلمه بنا
و بما ستكسبه ايدينا
خط كتابه
ثم خلقنا شهداء على أنفسنا

يعى بردوا أولا و أخيرا
" ذلك بما قدمت يداك و أن الله ليس بظلام للعبيد"

و الايمان بالقضاء و القدر
ركن من اركان الايمان لا يستطيع مسلم نفيه

لكن رسول الله صل الله عليه و سلم قال عن رب العزة " أنا عند ظن عبدى بى "
إن خيرا فخير ..و إن شرا فشر

و بالتالى اللى اقصده
أننا لا تغرنا الحياة فنمضى فى ركابها بملئ ارادتنا
ثم عندما تنقلب علينا نقول هذا من القدر

لا انت عندك اختيار انك تمشى معاها أو انك تفكر الاول و تشوف الاحتمالات
لكن انت فضلت تمشى من غير تفكير
فلا تلومن إلا نفسك

مش عارفة قصدى وصل ولا لا
و ياريت لو فى نقطة غلط انك توضحها لى




و دمت بود

Soul.o0o.Whisper said...

maha zein

هلا موها

"هل بردو البوست ده من القدر
يعني هل اللى بيحصل معايا ده من القدر"

بكل تأكيد يا مها
و بعلم من الله
عشان يشوف هنتصرف إزاى
و هل فعلا صادقين و لا لا


"مش عارفة اقولك ايه
غير اني عوزة اقولك اني بحبك في الله"
أحبك الذى أحببتنى فيه يا حبيبتى
و أشهد الله أنى أحبك فيه

"دلوقت عرفت يعني ايه انسان بيحب ربنا
وسعيد ديما
انسان مهما يحصله يقول انا لله وانا اليه راجعون"

فعلا يا مها
"أولئك عليهم صلوات من ربهم و رحمة و أولئك هم المهتدون"
و مش عاوزاهم يكونوا بيحبوه و سعداء بما كتبه لهم؟؟؟


ربنا يكرمك يارب حبيبتى
و يفرج كربك
و يعوضك كل الخير ان شاء الله



دمتى بكل الود حبيبتى

Soul.o0o.Whisper said...

واحد من العمال

و عليكم السلام و رحمة الله و بركاته

"نعم لا يجب أن نلوم القدر
فنحن من نختار الطريق
ولكن متى نرى الليل يغلبه النهار
متى ؟؟"

لو طريق يخص حضرتك فقط
فأكيد بيقينك بربنا
ليلك يغلبه النهار

أما لو طريق جماعى
يبئا لازم الكل يكون عنده نفس اليقين عشان الليل يتحول نهار

و هى دى النقطة




دمت بود

Soul.o0o.Whisper said...

mimi

سورى يا ميمى والله مش أخدت بالى

ربنا يكرمك يارب حبيبتى
و يتقبل منا جميعا



دمتى بكل الود

Soul.o0o.Whisper said...

mimi

ايه دا يا ميمىىىىىىى

هى شركة المرعبين المحدودة وصلت و لا ايه؟؟
لالالالا
ماينفعش كدا


بس كويس انك حجزتى الملغى
كدا المتأكد عليه محتل واحد إلى الان


كويس كويس

Soul.o0o.Whisper said...

اسماء واحلام فى وجدانى

نياهاهاهاها
حتى أنت بئيت تتشاكل على الملغى

كدا المتأكد خالى طرف
هيييييييييييه
هييييييييييييه

مين يلحق ؟؟
مين يلحق؟؟

هههههههههههه


"معلشى بقى يا همس احنا احتلينا المدونة
بتاعتك النهاردة
هى الدنيا كده يوم لك وويوم عليك"

طبعا شركة المرعبين المحدودة وصلت

بص .. انت خلاص من هنا و رايح
شلبى سوليفان
قطتى
"بمناسبة انك بتحب القطط"

هههههههههههههه

Soul.o0o.Whisper said...

mimi

شعنونتىىىىىىىىى
ههههههههههههه

و انتى يا ميمى
بئيتى سالى شعنونتى

و بعدين يا ستى عادى
مش الحمد لله جت فى الملغى

كدا الحمد لله مش هيحصل صدام مع صاحب التعليق
:-P

Soul.o0o.Whisper said...

اسماء واحلام فى وجدانى

نعم يا سوليفان

ماينفعش كدا
بتخوفنى يعنى؟؟


اااااااه
دا لميمى
قصدىىىىىى
شعنونتى


لا حول و لا قوة إلا بالله
أسيبهم يوم يعملوا فى بعض كدا


طب اضربوا بعض بس من غير دم
ماشى؟؟؟
ههههههههههه

Soul.o0o.Whisper said...

قلب ارهقته الاحلام

هلا بالجميل

ربنا يكرمك يارب يا قمر
و يبارك لك يارب

متشكرة بجد على كلامك الجميل
و يارب فعلا يكون قدر يزود جرعة الامل جواكى
:)


دمتى بكل الود يا جميل

Soul.o0o.Whisper said...

mahasen saber


ههههههههههههههه
حمدلله ع السلامة يا سنسنتى

اه عندك حق
اقعدى استريحى من المشوار

:)

Soul.o0o.Whisper said...

mahasen saber

"اخيرا اخيرا يا بشر النت امهلنى انى اعلق على القدر"

فطستينى من الضحك والله
معلش بئا حظك كدا

قصدىىىىىىىىى
قدرك كدا
;)

"نهاية القصيده تحفه يا سولو بس زى ما النهار بيمحى الليل
الليل برضه بيمسح النهار باستيكه وبيغطى عليه
ههههههههههههه شفتى التشاؤم
"
ههههههههه
بس بردوا يقوم النهار كابس على نفس الليل
وقاعد عليه :D

شفتى التفاؤل


ربنا يكرمك يارب يا محاسن
و بجد انتى كمان وحشتينى اوى
اشوفك على خير يارب



دمتى بكل الود يا قمر

Soul.o0o.Whisper said...

dr aly khamis

و أخيرا
و أخيرا
و أخيرا جيييييييت

احمدك يارب

لحقت التعليق المتأكد

ياللا مبروووووووووك عليك أول تعليق

Soul.o0o.Whisper said...

dr aly khamis

و عليكم السلام و رحمة الله و بركاته

حاااضر هأروح أقرؤه

"أولما أصابتكم مصيبة قد أصبتم مثليها قلتم أنى هذا قل هو من عند أنفسكم
"
صدق الله العظيم
فعلا هو دا اللى اقصده


و ماتزعلش السلسلة نستأنفها البوست الجاى ان شاء الله


دمت بود

Soul.o0o.Whisper said...

dr aly khamis

"الالالاالالالا
ده فى خناقة جامدة أوى على أول تعليق ...
ده الموضوع شكله كبير أوى"

اه شفت
بس قدرك بئا انهم سابوا المتأكد و راحوا للملغى
ههههههههههه

"بس على العموم هى البلد دى كده .....بلد وسايط
و اللى ليه ضهر ما ينضربش على بطنه
و انا واسطتى كانت واصلة"
اه بس هى المرة دى بس
هههههههههههه
بعد كدا ماعدتش حاجزة لحد
انتوا مش كل واحد عنده جهازه و ووصلة نته
و حسابه على جوجل؟؟

خلاص اللى يلحق بئاااااا


دمت بود

Soul.o0o.Whisper said...

مسدس صغير

متشكرة جدا
حقيقى احرجتنى


ربنا يكرمك يارب
و بانتظارك دائما


دمت بود

Soul.o0o.Whisper said...

عاشقه الرومانسيه

هلا دودوووو

"واللى شايف ليله مالوش اخر يعمل ايه؟"
يروح يشترى له لمبة
ههههههههه

ايه يا بنتى الكلام دا؟؟
يا دودو اى انسان عنده يقين بربنا
و حسن طن بيه
عمره ما يشوف ليله بلا نهاية

بالعكس
شايف ان دايما كل حال من احواله فيه الخير و الفرج
او على أقل تقدير ان الفرج جاى
و النهار هيطلع اهو


روقى كدا يا جميل
و ارمى حمولك
و سيبيها على الله



دمتى بكل الود يا قمر

Soul.o0o.Whisper said...

ايوشة

هلا أيووووش

"والله عندك حق ياسوول بجد فعلا احنا اللى بنعمل فى نفسنا كده ساعات بنحب ضعفنا واستسلامنا ومش بنحب نغير من نفسنا "

و عشان كدا لما ربنا يحاسبنا على دا
مش هننكر
لأننا عارفين اننا اللى بنعمل كدا فى نفسنا
بس بنحب الكسل


ربنا يرزقنا همة عالية ياااااارب


ربنا يكرمك و يبارك لك يا جميل
و دمتى بكل الود

Soul.o0o.Whisper said...

فارس عبدالفتاح

"هو فعلاً باين عليه فاصل اعلاني "

طيب خير خير

"هو في حد يقدر يتحكم في القضاء او القدر يا سول "

مش حكاية يتحكم
بس مدام شئ ربنا هيحاسبك عليه
يبئا اكيد كان لك اختيار فيه
يبئا مش نرمى القدر بكل شئ وحش فى حياتنا


"انت قصدق التواكل والتواني والتسويف والمماطلة وضعف الهمم والتخاذل وكل هذه المصطلحات

ثم يقول القضاء والقدر "

تماااااااااااام

"واحذر كل الحذر أن يخدعك الشيطان عن الحزم فيمثل التواني في صورة التوكل ويسلبك الحذر ، ويورثك الهوينا بإحالتك على الأقدار فإن الله إنما أمرك بالتوكل عند انقطاع الحيل والتسليم للقضاء بعد الأعذار ، بذلك انزل كتابه وأمضى سنته فقال ( خذوا حذركم )"

صدق والله
سبحان الله
هو كدا فعلا

ربنا يعافينا يارب
و يعيننا على شيطاننا



دمت بود

ريمان said...

الله يفتح عليكى بجد


جزاكى الله خيرا

فعلا بوست كلنا محتاجينه اوى

mimi said...

ومين بقي أندل بوكس ...

؟؟؟؟؟؟؟؟؟؟؟؟؟؟؟؟؟؟

نياهاااااااااااااا

رحــــيـل said...

سول الجميله

معاكى حق اوقات بيجيلنا الشعور ده نتيجه لتراكمات مرت علينا فغصب عننا للحظه ممكن نفكر ان ده قدرنا
بس اكيد احنا سبب فى حاجات كتير بنحصل لينا
يارب تكونى بخير
:)

احساس طفلة محبة للرومانسية بس واقعية said...

دائما عندما يكون الحزن عنوان
لكل شئ فى الحياة نبحث عن من نرمى علية اللوم ليتحمل نتيجة حزننا

بدل من المقاومة او التفكير
والبعد عن مسار القدر

لازم نتحمل الحزن كما نتحمل السعادة
احيانا يكون القدر واحيانا نكون نحن
وفى كل الاحوال لازم نقاومة ومنستسلمش ونرمى اللوم على حد

كلماتك عجبتنى اوى يا سول
خاصة فى وقت الاكتئاب
اللى منتشر عند المدونين دا

شكرا ليك
تقبلى مرورى

rovy said...

اختى الغاليه
حسيت ان البوست و الاهداء علشانى
يمكن لانك هديتى لى الخاطره الجميله قوى دى فى تعليقك عندى
شكرا حبيبتى لكى و ربنا ما يحرمنا من
احساسك الراقى و قلمك المبدع

ارق تحياتى

mohamed said...

الابنه الغاليه
همس روح نقيه
ابنتى
من الايمان بالله تعالى
الرضا بقدر الله
والاطمئنان به
أحداث حياتنا نوعين
1- أحداث قدرها الله تعالى علينا
2- أحداث قد أخترناها بأرادتنا
مثال لما قدر علينا الرزق بكل معناه المتسع من مال وابناء الى أخره
الرزق قد محدد من الله سبحانه
أما أختيارنا فهو أن نكتسبه من حلال أو حرام ,أن ننفقه فى حلال أوحرام

لو صفت قلوبنا ,اخذنا بالاسباب
لبارك الله تعالى لنا فيه وكفانا ما لانستطيع دفعه من أعباء الحياه
أما لو أعتقدنا أننا نرزق أنفسنا
فأنه سبحانه يتركنا لدنيانا ولانفسنا بطمعها وجشعها وطمع الناس وجشعهم
ولنرى كانت قدرتنا تستطيع
أن تدفع عنا ما بالدنيا من أبتلاء

ابنتى
هل هناك عند الانسان فى الدنيا
أغلى من نفسه بالطبع لا
فأذا كنا مهما كنا وما نملك لانستطيع
دفع أذاى حشره صغيره قد تسبب لنا فقدان الصحه
فما قيمة أن يتصور الانسان بكل الجهل والغرو أنه يملك من الدنيا أكثر من غيره ,انه يستطيع ويقدر على ما لايقدر
عليه الغير

أبنتى
من أحب فليحب لله
ومن احسن فليحسن لله


أبنتى
أن خير الامور أن يسلم الانسان
نفسه لله تعالى
فيرضى بما قدر ويصبر على ما قدر

فيكفيه الله سبحانه ما لايقدر عليه


تحياتى لابنتى الغاليه النقيه

عمووووووووووووووووووووووو
محمد

Beram ElMasry said...

ابنتي الدكتورة افتقدتك كثيرا وارجو ان تكون اللخبطة اتفكت ان شاء الله ولا حرمنا الله من ضوء تعليقاتك ومناقشاتك . وحقك دائما محفوظ!!
ابنتي العزيزة الذكية ......نعم انا معك وده برده لاننا اصبحنا لا نقرأ تاريخنا ولما ينقراه مبنفهموش ولو حفظناه بنبغبغ به ونلخبط الحابل بالنابل ونوصل في الاخر لابو حفيظة... من كل بستان زهرة والموضوع غير مكتمل!!!!
خالص تحياتي والسلام ولا سلام مع اليهود

مصعب صلاح said...

السلام عليكم
اسلوب رائع حقيقي
بس ياريت مش اي حاجة نقول قدر
احنا ممكن نقصر برده

تقبلي مروري

هذه حياتي said...

كلمات ذات سجع موسيقي

جميل


ودمتي بود

Sweet Violet said...

قلبى قال للحزن ابعد عن طرييييييييييييييييييقي ترا ترا ترا ترا

***
ايوة عارفة انها (قول للحب ) مش (قال للحزن) بس حسب البوست تأتى الكلمات
^_^
*****

هو اى نعم البوست مش ليا الحمدلله لاني مش حزينة

لكن بجد جميل جدااا و معناه حلو قوووى كمان

ربنا يبعد عنك وعن الجميع الحزن والضيق ويجعل حياتك كلها سعادة

(:

دمتِ بكل حب و ود

جريدة الصباح العربي said...

شاركوا معنا في أختيار العمل الأفضل للنشر عبر صفحات جريدة الصباح العربي
http://sabaharabi.blogspot.com/
وذلك عن طريق التصويت في المدّونة على القصة التي أعجبتكم
أو التصويت عبر جروب الجريدة على الفيس بوك
http://www.facebook.com/group.php?gid=78080770039
وذلك لرعاية المواهب العربية الشابة

كيــــــــــــارا said...

و لا تدرى أنك انت سلمت نفسك للقدر ..

*************

صح كداااااااااااااااا

كيــــــــــــارا said...

وحشاني وربنا عامله اييييييييييييه

rasamet_algera7 said...

احنا مخيرون وليس مسيروون
يعني احنا بايدينا بنصنع قرارتنا ..ما فينا نرمي نتائج اعمالنا على القدر

soul whisper

تسلمي على اختيارك الجميل
بانتظار جديدك
احترامي

تأثير الفراشة said...

جميل جداااا المعنى اللى ذكرتيه و أسلوبك و تشبيهاتك فيه جميلة
ما شاء الله

ذكرنى كلامك بأركان الإيمان و إن الركن السادس هو الإيمان بالقدر خيره و شره

و بعدين الانسان حقيقى حقيقى مايعرفش الخير فين
و الرسول صلى الله عليه و سلم قال" لو علمتم الغيب لاخترتم الواقع"صدق رسول الله صلى الله عليه و سلم

و أكبر مثالين على المعنى ده همّه
قصة سيدنا موسى و الخضر، و قصة سيدنا يوسف عليه السلام

ربنا يمنحنا جميعا قوة الإيمان و الرضا بالقدر

أشكرك على المعنى الجميل و أسلوبك المبدع
جزاك الله خيرا

فشكووول said...

ايه ده يا سوول
انت خليتى مخى يسخن وخليتينى اهرش فى دماغى واقعد افكر لحد مخى ما هنج زى الكمبيوتر
مش فاهم حاجه خالص
طب اقرأ تانى واحاول افهم؟؟؟؟
شوفى عشان اريح نفسى ناخد الموضوع واحده واحده

الاول ماذا يفعل بى القدر
وهل انا استطيع ان اساير او اسير القدر فليفعل بى ما يفعل فهو من الله سبحانه وتعالى
واذا رضى غرورى فبها ونعم فهو من الله سبحانه وتعالى وفعل الله يكون

وعندما تهب الريح ويحصل اللى يحصل فانى ارضى بقدر الله وكيف لا ارضى ولا املك من نفسى شيئ

ومدى وجزرى بامر الله سبحانه وتعالى
ولكن فيما انا مخير فيه على طاعة الله ورسوله وفعل الخير والسير فى الحياه بما امر به الله سبحانه وتعالى

خليتى مخى يوجعنى .. الله يسامحك
تحياتى

حنعيش يعنى حنعيش said...

عظمة على عظمة على عظمة ياست
بفتح العين والظاء والميم
الله ينور بجد المقادير والطرقة مية مية
الامضاء
فتافيت

شواطئ said...

ولكن لأنه يرضي غرورك ..ويساير هواك

فلا تقف لتتفكر...

في أول مداخلة لي في مدونتك التي تعرفت عليها عن طريق مدونة أخري لفت نظري تلك الجملة التي إقتبستها وتعجبت منها كثيرا

اري اختاه أن كلمة فلا تقف لتتفكر لا محل لها هنا وكان الأحري بك أن تعيدي صياغتها

عجيب أمرك اختاه ...بل الأعجب أنه أنه يتناقض تماما مع دراستك الصيدلانية كما علمت من تصفحي السريع لمدونتك

كيف أختاه تنهي عن التفكر وهو قمة الفكر ومبلغ المني وطريق التصحيح

فالتفكر لغة كما عرفها الفقهاء تدور حول أواخر الأمور وعواقبها " فالتدبر هو النظر في عواقب الأمور وما تؤول إليه ومن هنا نستطيع أن نفهم التدبر هو التفكر الشامل الواصل إلى أواخر الدلالات
فاعتمادا على هذا التعريف يكون التدبر هو " التفكر باستخدام وسائل التفكير والتساؤل المنطقي للوصول إلى معان جديدة
في كل الأحوال نحن مأمورين بل ومثابين علي التفكر ومراجعة أخطائنا في كل الأحوال سواء كنا مصيبين أو علي خطأ عظيم

علي أية حال لا زال لدي سؤال أتمني أن أوجهه إليك ...ولعلك بالطبع حديثة العمل ولكن بعد وقت قليل سوف تكتشفين انه حتي شركات الأدوية قد تسحب منتجاتها من الأسواق التي قامت بعمل دعاية ضخمة لها في وقت سابق عندما يظهر لها بعد مضاعفات ولكن يحدث هذا أيضا بعد التفكر والتدبر لتفادي تكرار الخطأ

لن أطيل عليك فلا شك أن لديك من الذكاء والعقلية العلمية التي تزن الأمور بكثير من التحليل لا يخلو من المنطق ما يمكنك فهمه دون الخوض في تفاصيله

الحياة كلها تفكر وتدبر أختاه ...هذا ما نفهمه جميعا من ديننا

علي أية حال ما زلت أتفكر في بيت شعر كان يعجب بع سيدنا عمر بن الخطاب

والمرء ساع لأمر ليس يدركه...والعيش شح وإشفاق وتأميل

أسفي مقدمي ان تعارضت مداخلتي مع قناعاتك

شكري وإحترامي

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت