الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Jun 12, 2009

اعتذار .. خبر ... تاج 3*1

طبعا يا جماعة أنا باعتذر عن تأخيرى عليكو الفترة اللى فاتت

معلش والله غصب عنى ... ياريت محدش يكون زعلان منى

وإن شاء الله هأرجع أتابعكوا والله بس أخلص من الورطة دى


أما الخبر بئا .. اللى هو الورطة اللى واقعة فيها

ألا وهى التكلييييييييييييييييييييييييييف

أيوا يا بشر التكليف ظهر الحممممممممممممد لله

بس ايه بئا ... كعععععععععب دااااااااااااااااير

و سفر و بهدلة

ربنا يرحمنا ياااااااااااااااااااااااااارب


هو الحمد لله جالى التكليف فى ادارة طلخا ..و لله الحمد و المنة

بس يارب يكون فى المستشفى المركزى مش فى وحدة صحية

ربنا ييسر ...

لكن الاهم من كدا ان جايلى انتداب لمركز الاورام بالجامعة

و رغم انى الحمد لله لفيت على ورقه و خلصته فى الوزارة

بس لسه مترددة اقبل و لا لا ...؟؟؟

ادعولى ربنا ييسرلى الخير


نيجى بئا للتااااااااااااااااج الجميييييييييييييييل اللى حدفنى بيه 3 أخوة مدونين

طبعا اولا ..سالى (حاجات جوايا ) ، و احساس طفلة محبة للرومانسية لكن واقعية ، و د. على خميس ( متفرقات )

مش عارفة أودى جمايلهم فين بصراحة .. دا إذا كان خبطتين فى الراس توجع ..امال 3 يبئوا ايه؟؟؟

هه استعنا على التاج بالله ... يا مسهل


من أنت ؟

انسانة مسلمة صيدلانية


وما الذى تفعله هنا ؟

اهو زى مانتوا شايفين كدا بالظبط :)


إسرائيل تقصف كل جنوب ممكن بحثا عنك ، أى شمال ستقصد؟

أكيد الشمال اللى جاى منه القصف


أنت مكلف بحذف حرف من حروف اللغة العربية .. أيها ستختار ولماذا ؟

اللام .. عشان اتكررت 3 مرات ..كفاية عليها مرتين ..هتنهب


لو قدر لك أن تدخل السجن فما هي القضية التي تتمنى ان تدخل بها إليه؟

والله ادام هى قضية ..بحق و حقيق يعنى فخلاص ، أما إذا كانت تلفيق ..لاااااااااااااااااا


بالمناسبة.. منذ متى اكتشفت نفسك؟

لما اكتشفت انى لسه ماكتشفتش نفسى :)


على مفترق طريق الافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟

ولا واحد .. و هاسجد سجدة شكر إنى وقفت لحد كدا و مكملتش

احنا ناقصين افتتان ؟؟!!.


نحن لا نعيش حياتنا بل نتعلم فيها كيف نعيش ما تعليقك؟

ودنك منين يا جحا !!!


بجملة واحدة فقط أكتب تعريفاً لكل كلمة من الكلمات التالية

الوطن

شعور بالانتماء و مراغما كثيرا و سعة


الأم

مدرسة إذا أعددتها أعددت شعبا طيب الاعراق


الليل

فترة من الزمن يعقبها نهار و يسبقها نهار


الحب

نهر رقراق ضفتيه المودة و الرحمة إذا فقد احدهما او كلاهما تحول إلى طوفان هائج


أمريكا

ارم ذات العماد


المرأة

اوسط ثلاث حُببت إلى خير الأنام


الصمت

أيسر العبادة و أهونها على البدن


الانترنت

عالمك الذى تصوغه ، إلا إذا أردته أن يصوغك هو أيضا


أخترمنصباً واتخذ قرارا ؟

ماقلنا قبل كدا رئيس وزراء اسرائيل

وهأعلن حالة الحرب


قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟

أصل أيامها كانوا الرجالة بس اللى بيمضوا حضور

بس حاليا ماعدتش ... الاتنين بئوا بيمضوا


أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل

لاااااااااااااااااا لاااااااااااااااااااا لا تكذبىىىىىىىىىىىى

كدا .. ناس دماغها ضارب بئا تقولوا ايه


إلى أين تمضي كلمات الحب .. بعد أن نقولها؟

إلى وجهتها


هل تجد علاقة بشكل أو بآخر بين المرأة وقطاع الطرق ؟

بالتأكيييييييييييييد







حرف الواو :)


هذا فراق بيني وبينك .. متى ولمن تقولها ؟

فى أى لحظة

لأى شخص خائن

كيف هو غداً ؟

24 ساعة أتمنى أن يكونوا أفضل من سابقيها


تمرر التاج لمين ؟

جالك الموت يا تارك الصلااااااااااااااااااااااااااااااااة

استنوا بئا عشان فى تار فى الموضوع دا

طبعا فى ناس التاج راح لها قبل ما أجاوبه أساسا ...: )

د.شادى (واحد من الناس) و د.محمد الجوهرى

مممممممم .. إيناس (عاشقة الأحزان ) لو لسه ماجوبتهوش

عشان طبعا هى مدبسانى فى تاج لسه ماحلتهوش بردوا

عااااااااااادلللللللللللل .. و بدراوى

عمو محمد (شوية كلام ) و مش هنفاصل .. : )

د.اسلام ( حنعيش يعنى حنعيش ) تدبيسة يا دكتور

هو د. ياسر حله ؟؟؟ على العموم زيادة الخير خيرين

مصطفى محمد (فك زنقة )

صبرنىىىىىىىىىىىىىىىىى يااااااااااااااااااااااارب : )

محااااااااااااسن صااااااااااااااااااابر

و ضدتىىىىىىىىىىى

و كيتىىىىىىىىىى

د.نهى (تأثير الفراشة )

أسافو أناروزا

غربتى و ريمان

أحمد عمر و سما أحمد

و بصراحة بصراحة نفسى عمو فشكول و استاذتى الغالية أمل (ن) يجاوبوا عليه

بس مش عارفة ظروفهم ايه ؟؟

و طبعا أنا متأكدة ان التاج دا اتبعت لحامى حمى الاوطان (اسماء و احلام فى وجدانى )

وهو مطنش على الآخر و مش حله .. بس ياللا نفكره بيه

مها زين طبعا و أيوشة و روفى

رحييييييييييييييييييل

و سكايااااااااااااااااااااار

ممممممممممم رامى واصل ..

يارب مش أكون نسيت حد يارب

على العموم ان شاء الله لسه فى تاج جاى ...لا تقلقوا هههههههههه

و اللى ماتقالش المرة دى ينتظر الكشف الجاى


ياللا سلااااااااااام



60 comments:

حاجات جوايا said...

أوووووووووول تعليق يا قمر

بحجز بس
وراجعالك تانى

Soul.o0o.Whisper said...

سالىىىىىىىىىىىىىىى

مبرووووووووووووووووووك عليكى اول تعليق

مستنياكى
:)

Dr.Mohammed Gohary said...

بصراحة
.. مش عارف هجاوبه ازااااي؟؟
بس هحاول

منك لله يا بدران

عجبتتني أوي ودنك منين يا جحا
هههههههههههههههههه


تحياتي

Soul.o0o.Whisper said...

Dr.Mohammed Gohary

بصراحة
.. مش عارف هجاوبه ازااااي؟؟
بس هحاول

أيوا حاول
خلى بالك ان دا تانى تاج

يعنى بعد كدا هاقيم عليك الحد
:)


دمت بود

عاشقه الرومانسيه said...

المفروض اكون التعليق التانى
بس النت عملها معايا
عاااااااااااااا
هاروح اقرا وارجع
عاااااااااااا
انا حزينه لانى التعليق التالت
اه ماليش دعوه بيكى ياسول
التالت يعنى التالت

Soul.o0o.Whisper said...

دودوووووووو

حاااااااااضر يا قمر

التالت يعنى التالت
أنا اقدر اخالف المديرة
هههههههههههه



ياللا مستنياكى

قلب ارهقته الاحلام said...

ايه الاجابات الجمييله دي ياسول

بجد إجابات عاقلة ومتزنة

ماشاء الله عليكي ربنا يكرمك ان شاء الله

والف الف مبرووك ع التكليف ياقمرر ^^

بس حبيت اقولك بالنسبه لمركز الاورام بتاع الجامعه

ياريت تسألي كذا حد الاول قبل ماتقبلي انتداب

بنت عمي كان تكليفها هناك بس اخدت اجازة قريب بيقولوا النظام متعب وصعب شوية

وربنا يارب يوفقك للخير دايما بإذن الله

والحمد لله اسمي مش مكتوووب :)

هييييييه

romansy said...

يا هلا يا هلا
تاجات مش بتجى غير للناس الشاطرين
وانتى بقى شطوره وربنا هيوفقك
وتلاقى نفسك خلصتى التكليف وكله يعدى على خير

adel said...

ليك وحشة ليك وحشة
:):):)

عادل مين سعادتك
اكيد مدون غيري خالص طبعا
ههههههههههههههههههههه

الاجابات حلوة قوي
يارئيسة وزرا اسرائيل
متنسيش تاخديني وزر الدفاع بدل الست ليفني عشان مش بستحمي
ههههههههههههههههههههههه

د/على خميس said...

تأخيييييييييير
هو احنا بنطلع قدام و لا بنرجع ورا
تراجع فى المستوى ...السابع
رايح الشغل بالليل اقرأ و أعلق

مسدس صغير said...

مبروك التكليف
تاج جميل
واجابات جميلة
احييكى على البوست

رحــــيـل said...

ربنا معاكى ان شاء الله فى التكليف
والحمد لله انه جالك فى مكان قريب ليه عشان السفر والبهدلة

شكرا ليكى على التاج
بس انا بقالى كتير مش بجاوب تاجات بس جايز اجاوبه فى يوم ما
انا التدوين اصلا مبقاش عالكى المبهج زى الاول

يارب تكونى بخير سول

رحلتنا في الحياة said...

السلام عليكم ياقمر
اولا نقول الف مبروك وربنا ييسر كل امورك يارب وترتاحى فى الشغل اللى تختاريه
اما بخصوص التاج انتم اكييييييييييد حد مسلطكم عليا ايه ده كل يوم تتدبسونى فى تاج عااااااااااااا

Unknown said...

ماشى يا دكتورة
انا بكره هذا التاج بالذات
بحسه تاج بايخ اووووى
هههههههههههههه

اخرتى ادبس فيه
و لا كأنك قولتى حاجة
مين بدراوى ده


يا جماعة اللى شاف بدراوى يقول انه مش انا ده تشابه اسماء ليس الا
!!!
ههههههههههههههههه

ماشى يا دكتورة لولا تكليفك كنت شوفت واسطة ليكى يبقى تكليفك فى الجامعة الأمريكية

واخذة بالك
ههههههههههههههههههههههههههه

Anonymous said...

السلام عليكم و رحمة الله


أهلا آنسه : أسف :)

مرحباً جداا اتأخرتى و افتقدنا تدوينك
----
مبارك ع التكليف و ان شاء الله يجيبلك ما تتمنيه يارب
-----
اجابات تنم عن شخصيه جدااا يعتذر الجميع بيها :)

mahasen saber said...

يا تيجانك يا سولو

وبتهديه ليا كمان وسالى كانت ممرراراه قبل كده
يعنى هديتين من الحبايب تفرح

تسلموا يا قمرات

mahasen saber said...

بسطبيعى يبقى عندك الام ثم الام ما انتى اصلا متبنيه بنت اخوكى لا مش متبنياها اعتقد انك خطفاها

يا بنتى عندك احساس بالامومه عجيب
وده هايل طبعا
بينعكس على كل اليى حواليكى بالاهتمام

mahasen saber said...

بسطبيعى يبقى عندك الام ثم الام ما انتى اصلا متبنيه بنت اخوكى لا مش متبنياها اعتقد انك خطفاها

يا بنتى عندك احساس بالامومه عجيب
وده هايل طبعا
بينعكس على كل اليى حواليكى بالاهتمام

حنعيش يعنى حنعيش said...

ماشى ....ماشى نردهالك فى الافراح

وردشان smilyrose said...

السلام عليكم

وحشتينى يا زهرة الياسمين

كما وعدتك عدت الى بيتى الصغير

الكبير بمن فيه ممن يحبهم قلبى

اشتاق الى لقائنا القادم

كما اتفقنا

smilyrose

وردشان

روح الحب الصادق

عاشقه الرومانسيه said...

انتى مررتى التاج لامة محمد يابنتى
ههههههههههه
فى اسئله عجبتنى ردودها واسئله استغربت لردودها قوى
اللى عاجبنى زى

على مفترق طريق الافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟ ولا واحد .. و هاسجد سجدة شكر إنى وقفت لحد كدا و مكملتش احنا ناقصين افتتان


وده كمان

الليل فترة من الزمن يعقبها نهار و يسبقها نهار


وضحكت قوى من ده

لماذا هذا التغييب للمرأة؟ أصل أيامها كانوا الرجالة بس اللى بيمضوا حضور بس حاليا ماعدتش ... الاتنين بئوا بيمضوا


واندهشت من ده

أخترمنصباً واتخذ قرارا ؟ ماقلنا قبل كدا رئيس وزراء اسرائيل وهأعلن حالة الحرب
هتعلنى الحر على مين يابت؟
هو ده منصب تختاريه؟


بس عموما الاجابات كلها حلوه
لانها منك ياقمر

حنين القلب said...

ايه ده التكليف جه فى طلخا

ربنا يقويكى يا رب

بس ايه الاجابات الجامده دى
بس نستينى الحمد لله
انا مش بحب التاجات دى

وحشاااااااااانى

Sweet Violet said...

طب ماتختصرى بقى و تقولى كل اللى عندك على الريدر احسن

ايييييييييييه .. هو مافيش تاج الواحد يقدر يهرب منه عندك

عاااااااااااااااااا

مش كفاية المرارة اللى كانت قربت تتعمل

^_^

و كمان هو لسه موضوع التكليييف ده

ايه يابنتى هو انتى مش ناوية ترتاحى ولا ايه

شوفتى لو كنتى فضلتى لحد المحشى كان كل حاجة عدت

((:

وحشااااااااانى موت

اممممممموة

سلامى لسمسم كتييييير

صوت من مصر said...

احمدك يارب انى مش منهم الى هيجاوبه عليه
وعموما اجاباتك هايله وتحفه
اى خدمه

د/على خميس said...

السلام عليكم و رحمة الله و بركاته
أختى الكريمة د/ سول
أول حاجة مش عارف ابارك و لا اواسى ...يعنى انتى مبسوطة ان تكليفك فى طلخا و بتقولى الحمد لله ...طب ليه قلتى فى الأول انه كعب داير...
ربنا ييسر لك كل الخير إن شاء و طبعا لا تنسى الدعاء و الإستخارة و الإستشارة....

نيجى بقى للتاااااج

عموما اجاباتك جميلة جدا تجمع ما بين العمق و اللذاذة

طبعا انتى هتتعبينى علشان لغيتى قص و لزق.....الله المستعان خلاص يعنى الحرامية واقفين ورا الباب...

بس فى الإجمال التعريفات هايلةو عميقة ماعدا الصمت....ده اصعب عبادة الواحد عرفها....:)
و من الحاجات الذيذة
اللغة العربية ..
قيس و ليلى

كنت متوقع ان اجاباتك هتكون حلوة كده بس
مع متابعتى كتاباتك و تعليقاتك فى المدونات
صراحة صراحة كنت متوقع منك احسن

دمتى عاقلة و مبدعة
بارك الله فيك و زادك فهما و علما
تقبلى فاااااااائق التحية

الجواز و سنينه said...

بتعجبنى ردودك كالعاده يا جميل

ghorBty said...

ربنا يوفقك يارب ويصلح لك الاحوال

وبعدين ربنا يعينك علي التيجان ديه

اجابات (خير الكلام ما قل ودل )

ربنا يبارك فيك وينفع بك

انا عملت حالي مش واخده بالي من اسمي المكتوب في الاهداء:( خيها في سرك مش بحب التيجان خااااااالص


سلاااام يا قمري

د. ياسر عمر عبد الفتاح said...

بالنسبة للإجابات
فجيملة ودمها خفيف

بس حديث الثلاثة اللي بيحبهم الرسول وبيحبهم أبو بكر وجبريل والكلام ده مش صحيح
فيه حتة بس صغيرى اللي صحيحة
(كده ..فيه صيادلة يغلطوا في الأحاديث؟؟)

بالنسبة للتكليف
قالحمد لله
وألف مبروك
دي دفعتي اتهدلت بهدلة سودة
يعني يبقي واحد من بني سويف ويروح أسيوط وقنا والجيزة والفيوم
منه له .. منه له
أنا شخصياً تقدير (لو اتخرجت يعني)
ممكن يوديني إعارة غزة أو دارفور
لأنهم بيقولوا مش عاوزين حد في حلايب ولا حدود ليبيا ولا السلوم

فيه سؤال بقي
هوه التاج ده بقي بيتاخد مرتين في اليوم ولا إيه؟
قبل الفجر ألاقي حنعيش بيدهولي .. وبعد الفجر حضرتك؟
دوبل دوز يعني؟ ولا ده سستيند ريليز؟

التاج ده جاوبته مره
وجالي بعدها ألف مره
ومعجبنيش بالمره
لأن أسئلته صعبه ومره
وبقله ياريت تزورني في السنة بس مره
وياريت يعني لو تنساني بالمره

طبعاً مش هجابوه تاني .. سيت أمبوسيبل
أنا أصلاً مبحبش التاجااااااااااااات

جلال كمال الجربانى said...

السلام عليكم ورحمته وبركاته

إجاباتك بتعكس شخصيتك الجميله

والحمد لله إنك لم تتذكرينى


ودمتِ بخير

حاجات جوايا said...

أنا جبت القلم الاحمر اهه وجيت اصحح
ههههههههههههههههههههههه

حلوة اجاباتك يا سوووول .. حاسة انك جاوبتى المرة دى اكتر من المرات اللى فاتت .. فاكراهاااااا ؟؟؟؟
ههههههههههههه


عجبنى أوى
-----------
المرأة اوسط ثلاث حُببت إلى خير الأنام
&
الصمت أيسر العبادة و أهونها على البدن
&
الانترنت عالمك الذى تصوغه ، إلا إذا أردته أن يصوغك هو أيضا


بس ايه الكلام اللى بعده ده .. ها ؟؟؟

أخترمنصباً واتخذ قرارا ؟ ماقلنا قبل كدا رئيس وزراء اسرائيل وهأعلن حالة الحرب

خير اللهم اجعله خيررررر
هو ده المنصب اللى اختارتيه ؟؟
وهتعلنى الحرب على مين ان شاء الله ؟؟

شكلى أنا اللى هبلغ عنك يا سوول
بعرفك مقدما اهه القضية اللى هدخلك بيها البعثة ههههههههههه


تسلمى يا قمر على الاجابات
وكل تاج وانتى متوجة
:)

اسماء واحلام فى وجدانى said...

مين ده اللى يقدر يطنش
ممكن تشاورى عليه وانا اتعامل معاه
بس قبل كل شىء عايز اقولك ان النسبة اصبحت 48 فى المية
يعنى هانت خلاص كلها 3 بونت بس
طبعا انا باشكرك على اهدائى التاج
بس انا وبكل اسف الدكتور مانع عنى اى تاج وحضرتك دكتورة وعارفة ان كلام الناس دى مهم جدا لاحساسنا وصحتنا
فان شاء الله مع تحسن الصحة اكيد فى فترة نقاهة وبعد فترة النقاهة اكيد فى تعب تانى ويمكن بعد التعب التانى
يكون القدر قال كفاية عليك كده
الله اعلم

ريمان said...

هههههههههههه


حلوه حلوه ودانك منين يا حجا دى


وايه بقه اللى بينك وبينك حرف اللام


مالك بس وماله

ما تسيبيه فى حاله

ههههههههههه


اجاباتك ضحكتنى اوى

اهو انا لو اعرف احل التاج ده زيك كده كنت حليته

التاج ده جالى كذا مره والله بس انا بقه بطنش واعمل نفسى مش واخده بالى

وحي القلم said...

السلام عليكم

ربنا يوفقك في موضوع التكليف ده

بالنسبة للاجابات

ممتازة بجد

بس مش ينفع تحذفي أي حرف من اللغة مهما كان

ولو حذفنا اللام

هيبقى اسمك سو

تقبلي مروري

احساس طفلة محبة للرومانسية بس واقعية said...
This comment has been removed by the author.
احساس طفلة محبة للرومانسية بس واقعية said...

هو كدا التكليف جة قريب يعنى
لحسن دا احيانا بيجى فى مكان بعيد جدا
ومعلش هو تقريبا سنة
وتخلصى منه على خير و ان شاء الله يكون فى المستشفى
:)

اسمحيلى بقى يا سول عجبنى تعليق دكتور ياسر جدا التاج فعلا مفروض يتحق فوقة كدا الكلمتين دول :)

نيجى لأجابتك على لتاج بقى


عجبنى اوى تعريفك للحب قمة التوازن
:)

بس يعنى هتكونى رئيس وزراء اسرائيل وتعلنى الحرب عليهم ولا علينا عشان تخلينا نحارب اجبارى ولا اية ؟

وبعدين ما حلمك ممكن يكون خير للبشرية وتحققية وتفيد الناس

ربنا يسعدك ويوفقك يا قمر
تقبلى مرورى

Kiara said...

في ناس هتتضرب هناااااااااااااااااااااااااااااااااااااااااااااا

انا هقاطع المدونه دي هه بث

ايه ياختي دا

كل اما ادخل تاج الاقيه محدوفلي

انا هقااااااااااااااااااااااطعكووووووووووووووو

Kiara said...

اجاباتك طبعا جميله وعجبتيني اوي لما قولتي انك لسه مش اكتشفتي نفسك

فارس عبدالفتاح said...

المرأة

اوسط ثلاث حُببت إلى خير الأنام

يعني ايه اوسط ثلاث حببت الى خير الانام

لوغارتمات دي وللى ايه انا مش فاهم ممكن تشرحي من فضلك

Anonymous said...

ازيك ياسول
قلبى عندك وربنا يحقق امنيتك فى
موضوع التكليف ده
ربنا يكتب لك الخير ياابنتى
اما الاجابات مش عارفة اقول ايه
هى ديه سول الجميلة
تحياتى ودمتى بخير

۩ Nour ۩ said...

السلام عليكم..

كان صعب موضوع التكليف يمر بدون تعليق لان لازم زى ما كانت الدعوه فى بدايته تكون بعد ظهوره وربنا يوفقك يا همس وييسر لك كل امورك..


ونفسى اعرف اجابة سؤال .. مين اللى بيكتب اسئلة التاج ؟

دمتِ بخير..

*البت المشمشية *حلوة بس شقية * said...

وحشانى

شمس النهار said...

اجاباتك لطيفه جدا جدا

ومبروك التكليف وربنا يوفقك
والا كعب داير والا حاجه وهيخلص ان شاء الله
واهي ايام وهتعدي

واحد من الناس said...

إجاباتك جميله

وراها عقليه متفتحه وناضجه

شكرا لتمرير التاج

ولو إنه تاج تقيل شويه وعاوز قعده

بس هنجاوب إن شاء الله

تحياتي

♥نبع الغرام♥♪≈ said...

السلام عليكم

حبيبتى الغاليه سول

اشكرك على مرورك الكريم ويارب تدوم المحبه بيننا
انا الحمد لله بخير ورجعت احسن بكتير

نيجى بقا ليكى ربنا يوفقك يارب ويصلح حالك

دمتى بكل خير

واجابتك فى قمة الروعه
ههههههههههههه

هربتى منه اهو جالك اهو


تحياتى
اختك
ايناس

فشكووول said...

انت جالك التاج ده يا سوول
التاج ده منتشر فى كل المدونات وناس كتير اهدونى بيه بس انا طنشته
تحياتى

قلم رصاص said...

السلام عليكم ورحمة الله وبركاته

ألف مبروك التكليف

واتمنى لك التوفيق ان شاء الله


واجابات رائعة

في حفظ الله

maha zein said...

مها زين ايه
مها زين خلاص
جهازها باظ
يعني عوزين عمرة من اول وجديد
انا بايتة عند تيتا عشان ارعف بس اتابعكم لمدة يوم
وحشتيني جدا
ومبروك الفين مبروك يا حبيبة قلبي التكليف


والله فرحتلك
ايوة كده ارفعي راسنا
كنتي فينك الايام اللى فاتت عن مدونتي
كنت محتاجة تعليقك يكون موجود في موضوع كنت نشرته كده و كنت هتضرب فيه
بس سيبك انتي

النظرية ان المجادلة دي الحاجة الوحدية اللى تبصيلها وتمشي من غير ما تبصيلها نظرة تانية

المهم وحشتيني
ومبروك تاني
وبمناسبة الخبر الحلو ده بقه مش هتبتعيلي اللاب توب بقه
عوزاه بقه زهقت
ده ايه ده

مبرووووووووووووووووووووووووووووك
والتاج بقه ربنا ييسر لما اجيب جهاز
سلام عليكم ورحمة الله وبركاته

rssamet_algera7 said...

السلام عليكم

اممم

اجابات جميلة بروح حلوة

منذ متى اكتشفت نفسك
لما اكتشفت انى مكتشفتهاش

عنجد اجابتك عجبتني كتير


الف عافية لعيونك

بانتظار كل جديدك

احترامـــيّ

محمد said...

طبعا اجابات جميلة يا دكتورة


ودمت طيبة

معلهش التأخير

فشكووول said...

ازيك يا سول
تحياتى

د/على خميس said...

أسأل الله أن ييسر لك أمر و يشرح لك صدرك و يكتب لك الخير كله فى الدنيا و فى الأخرة

م/ الحسيني لزومي said...

انه تكليف لا تشريف
جاء وقت الجد الحقيقي وتطبيق التحصيل العلمي فهيا علي جد العمل
والله الموفق

Darsh Basha said...

اية الاجابات الرائعة دى
وانا بقول التكليف جالك قريب لية
اتارى علشان مجاوبة اجابا نموذجية

وتسلمى على الهدية دى
وانا جاوبت علية

تحياتى

Ramy Wasel said...

معلش على التأخير فى التعليق
بس بسبب ظروف قاهره
وهى موت هاردى الفقيد الاسبوع الماضى
مما منعنى من دخول النت

ومبرووك التكليف

ربنا يجعله خفيف عليكى ويعدى على خير

د/على خميس said...

يارب يكون التأخير و الغياب خيرا
لو حتى تحديث صغير نعرف انك بخير؟؟؟؟

أحــوال الهـوي said...

ازيك يا زميلتي العزيزة
اعود و اشكر لك اهتمامك و مشاعرك الجميله

امر لاسجل تحياتي

mimi said...

ايه ده .. انا أتأخرت كل ده ...

تلميذتك يا دكترة ... كويس انك خليصتي من الأناتومي والبوتاني والسيوتكس ..

ومبروك التكليف عليكي ... ومبروك القوافل اللي هتدوخي فيها

نياااااااااهااااااااااا

اللهم لا شماتة وانتي عارفاني

هههههههههههههههههه


بجد وحشتينيييييييي جدااااااااااا

mimi said...

نسييييييييييييت أقوووووووول

مبروووك التاج

mohamed ghalia said...

ربنا يعينك على التكليف وترجعلنا بالسلامة

ن said...

السلام عليكم
الدكتورة الغالية .. سول
شكرا لأنك تذكرتنى وأستاذنا الفاضل فشكول وبدون أسئلة وإجابات انت تعتبرى تاج مرصع بالاحجار الكريمةمن خلال مدونتك التى تعبر عن اخلاقك واحترامك للأخرين
ديما متألقة يا دكتورة
أعانك الله على التكليف
مع خالص تحياتى