الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Jul 2, 2009

احساس غريب

كيفكم يا جماعة ؟؟ أخباركم ايه؟؟

والله لكم وحشة كبيرة جدا جدا جدااااااااااااااااا ربنا أعلم

بس معلش بئا انتوا عارفين غصب عنى والله

............

عارفين ..

احساس غريب جدا اللى انا حاسة بيه الفترة دى


عارفين احساس الواحد فى فترة الامتحانات .. لما لسه له مادة واحدة

و زهقان و مش قادر يذاكر ،و فى نفس الوقت اعصابه مشدودة و مش عارف يركز

احساس اللى مستنى بكرة عشان يخلص المادة دى و يخلص؟؟!!


اهو دا نفس احساسى الفترة دى .. مش عارفة ليه ؟؟


ضغط على اعصابى جامد .. و كذا حاجة مستنية نتيجتهم

و ورق التكليف اللى مش عاوز يوصل بئا ، و مطلعين عينى فى المديرية

و كمان شذى سافرت النهاردة .. ولا حول و لا قوة إلا بالله


و كمان لقيت تعليق مش عارفة بجد أرد اقول ايه للى كتبه


" ولكن لأنه يرضي غرورك ..ويساير هواك

فلا تقف لتتفكر
... "

في أول مداخلة لي في مدونتك التي تعرفت عليها عن طريق مدونة أخري لفت نظري تلك الجملة التي إقتبستها وتعجبت منها كثيرا

اري اختاه أن كلمة فلا تقف لتتفكر لا محل لها هنا وكان الأحري بك أن تعيدي صياغتها

عجيب أمرك اختاه ...بل الأعجب أنه أنه يتناقض تماما مع دراستك الصيدلانية كما علمت من تصفحي السريع لمدونتك

كيف أختاه تنهي عن التفكر وهو قمة الفكر ومبلغ المني وطريق التصحيح

فالتفكر لغة كما عرفها الفقهاء تدور حول أواخر الأمور وعواقبها " فالتدبر هو النظر في عواقب الأمور وما تؤول إليه ومن هنا نستطيع أن نفهم التدبر هو التفكر الشامل الواصل إلى أواخر الدلالات
فاعتمادا على هذا التعريف يكون التدبر هو " التفكر باستخدام وسائل التفكير والتساؤل المنطقي للوصول إلى معان جديدة
في كل الأحوال نحن مأمورين بل ومثابين علي التفكر ومراجعة أخطائنا في كل الأحوال سواء كنا مصيبين أو علي خطأ عظيم

علي أية حال لا زال لدي سؤال أتمني أن أوجهه إليك ...ولعلك بالطبع حديثة العمل ولكن بعد وقت قليل سوف تكتشفين انه حتي شركات الأدوية قد تسحب منتجاتها من الأسواق التي قامت بعمل دعاية ضخمة لها في وقت سابق عندما يظهر لها بعد مضاعفات ولكن يحدث هذا أيضا بعد التفكر والتدبر لتفادي تكرار الخطأ

لن أطيل عليك فلا شك أن لديك من الذكاء والعقلية العلمية التي تزن الأمور بكثير من التحليل لا يخلو من المنطق ما يمكنك فهمه دون الخوض في تفاصيله

الحياة كلها تفكر وتدبر أختاه ...هذا ما نفهمه جميعا من ديننا

علي أية حال ما زلت أتفكر في بيت شعر كان يعجب به سيدنا عمر بن الخطاب

والمرء ساع لأمر ليس يدركه...والعيش شح وإشفاق وتأميل

أسفي مقدمي ان تعارضت مداخلتي مع قناعاتك

شكري وإحترامي


و شكرى و احترامى لك على اسلوبك اللطيف ، لكن الظاهر حضرتك ماقرأتش لحد آخر الخاطرة ، ووصلت للجزء دا :

"إنه ليس القدر ،
بل نحن من نفعل هذا بأنفسنا ،
فلا تلومن القدر ..
و تحسس لمواضع قدمك .."

كما أتمنى ان حضرتك تكون قرأت البوست اللى بعده .. اعتقد وضح أمور كتير

............................

و أخيرا .. بجد تدعولى كتييييييييييييير كتييييييييييير ..

سلامركز



29 comments:

أحــوال الهـوي said...

ربنا ينجحك يا زميلتي العزيزة و منتظرين التكليف فهناك مرضي

يحتاجونك و في انتظارك

زميلك القديم بثلاثين

تحياتي

Nostor Azzuro said...

ربنا يوفقك

صوت من مصر said...

مش فاهم
عروستى

Sweet Violet said...

وحشاااااااااااااااانى ياوحشة انت
قولتى هتدخلى و مش حصل
صحيح كلام الفون بعد قفل السماعه يسيح
v_v

حمدلله على السلامة بقى و مش تغيبى كتير كده
ربنا معاك و يوفقك ياقمر

^_^

قلم رصاص said...

السلام عليكم ورحمة الله وبركاته

أسأل الله العظيم التوفيق لكم في الحياة والعمل

في حفظ الله

*البت المشمشية *حلوة بس شقية * said...

الاحساس ده انا مجرباه
ربنا معاكى بجد

Ramy Wasel said...

ربنا معاكى بأذن الله
وتكونى فى افضل حال
وفقك الله الى ما فيه الخير

فشكووول said...

ازيك يا سوول
طبعا مش ح اقول لك ايه اخبارك عشان انت حكيتى لنا عليها وانك منتظره نتيجة التكليف وقاعده يا عينى ومتحفزه وقلبك بيدق وعقلك بيرف عشان تعرفى النتيجه
بس الموضوع اللى اختلف معاك فيه كان عن ايه ... انا دائما قارئ لكل بوستاتك ومش عارف انتم اختلفتم على اسلوب التفكير فى اى بوست
بس كلامه منطقى جدا وانتى كمان ما عهدتش فيك السطحيه فى موضوعاتك او تعليقاتك وانا اعرف عنك ان تعليقاتك عميقه وتحليلاتك ايضا عميقه .. لكن دا عشان هو لسه حديث العهد بافكارك
تحياتى سول

assafo anaroze said...

اول شيء يا سول سلامي الحاربعد طول غياب
ثاني هام دعواتي لك و متنياتي بالنجاح و السعادة
ثالث هام انت فعلا صح اي شيئ لازم نعمله لا يأتي هكذا بل بعد تفكير و تأمل و تدبر لعواقبه و نتائجه و بالتالي من المنطق ان نتفكر قبل عمل اي شيئ
مودتي المتواصلة

ريمان said...

ايه ده

انتى برضه كنتى غايبه


انا مش حسيت بغيابك لانى كنت غايبه برضه

بس بجد روقى كده وظبطى احوالك وكله هيبقى تمام

Unknown said...

ازيك يا دكتورة ربنا
يوفقك يارب
---
مع تحياتى
---
اه و شكراً على اعتذراك على عدم متابعتك لمدونات كثيرة
و اعتذارك مقبول طبعاً
بس مالوش لزوم
لأن احنا مقدرين ده

Unknown said...

قصدى مقدرين انشغالك
ووقتك

mohamed ghalia said...

ربنا يكرمك وبالتوفيق دايما

وحي القلم said...

السلام عليكم
ربنا معاكي يارب

وان شاء الله التكليف جاي

تقبلي مروري

Kiara said...

سوووووووول وحساني طبحا حارفه ان امبارح زهقتوا مني انا وضد من كتر الثواني بث محلثي

ام هند وحثتيييييييييييييييني اوي

وردشان smilyrose said...

حبيبة قلبى

وحشتينى جدا والله يعلم وحدتى

بدونكم وبدونك انتى بالذات


واعذرينى على التأخير عليكى

فقد بدات امتحاناتى

ورغم عدم تركيزى

الا اننى احاول قدر المستطاع

ربنا ييسرلك الحال وان شاء الله خير

وردشان

روح الحب الصادق

romansy said...

اهلا يا دكتوره
اكيد عارفين الظروف
ومش هنقدر نعزل منك

ربنا يوفقك واكيد بقى انتى خلاص اتعودتى كل كل الضغوط دى كلها

ن said...

السلام عليكم
الدكتورة الغالية .. سول
اولا كان الله فى عونك
ثانيا شكرا لك على هذه المشاركة الفعالة وتقيمك لسلسلة القادمين وانا مازلت أقرأ تعليقاتك ومستمتعةجدا
ثالثا .. جالى اول تعليق منك باسم مختلف عن المدونة وفكرت انك عملتى مدونة جديدة ولكنى لم اجد شيء ازاى حصل ده
ارجو ان توضحى لى الامر من فضلك
لى عودة معك بعد قرأة باقى التعليقات الممتعة
مع خالص تحياتى

علي محـمــــــد said...

السلام عليكم
الحمدلله عالسلامه يا دكتوره
ما اعرف ايه الموضوع بالضبط لكن بناءً على الحوار المحطوط بينك وبين المعلق الكريم .. اقول
يقول عمر بن الخطاب رضي الله عنه نهرب من القدر للقدر *_^
يمكن هذا هو اللي احنا نسميه احساس او اختيار او توقع :)
تحياتي لك

في امان الله

قلب ارهقته الاحلام said...

ربنا معاكي يارب ويكرمك ويوفقك ان شاء الله

ويبعد عن قلبك اي إحساس يعكر صفوه

ومستنيين أخبار حلوة بأة ان شاء الله

وحشتينا بجد :)

marmar said...

اجمل وارق سوووول في الدنيا وحشااااااني يا حبيبتي مووووووت
ليكي وحشه بحجم الدنيا كلها
معلش يا قلبي استحملي
وافتكري المقوله اللي بتقول :
واثق الخطى يمشي ملكا ..
وامشي ملكه يا اجمل ملكه انتي

msafa said...

انا مش قادر اتواصل مع الافكار دى مش عارف انا اسف مش قدرت اكمل قرايه بشكرك على الزياره لمدونتى
دمتى بألف خير
مودتى

فارس عبدالفتاح said...

يا سول


انت مش محتاجه تعتزري على عدم تواصلك معي في المدونة انا اعرف جيداً انه ليس من طبعك ان تتجاهلي احد سواء اكان تعرفيه مسبقاً او اول مرة اعرف انك تهتمين بالناس ولا تتجاهليهم وانك اجتماعية الى حد لا بأس به

وانا اعذرك واتمنى من الله ان يعطيك ما تريدين في عملك وحياتك واخرتك وعلى فكرة انا معجب برأيك في موضوع القادمون بخصوص جزئية معينة تحدثتي عن ان من يذهب الى الحج كثير فمنهم من يذهب ليسرق ومنهم من يذهب لطلب الغرفان من الله سبحانه وتعالى

وبناء عليه فان موضوع الطاقة هذا امر مبالغ فيه الى حد كبير وانا معك في هذا

بل اني اتطرف في هذا الى ابعد مدى واقول انه لا توجد هذه التخريفات عن الطاقة

ما دام الانسان لدية وعي وادراك ومعرفة لا يؤثر فيه اي شيء على الاطلاق

واستشهد في هذا بحديث عن رسول الله فيما معناه انه اعرابي سأل الرسول عن المسيخ الدجال فقال له الرسول انه سوف يستحوذ على الطعام

فقال له الاعرابي اني سوف اخذ منه الطعام ولن اومن به

فتبسم الرسول ودعى له وقال انه قلبه مؤمن

قد تستطيعين ان تؤثري على اي انسان باي طريقه مادام هو لا يدرك ولا يعي جيدا كيفية وماهية من يلقى اليه وما يعرض عليه وما يفصل له

وقد اكدت كثيراً في حوارات معك ومع الاخت نون عن الادراك والوعي وعدم الاخذ بكل ما يقال لنا انه حقيقه مسلم بها

rssamet_algera7 said...

ان شاء الله كل التوفيق ليكي
وسلامة قلبك من الضغوطات..وان شاءالله تنتهى هالفترة على خير
موفقة

اسماء واحلام فى وجدانى said...

وانا معدى من جنب عم فشكول

سمعت ضحكة شريرة خارجة من المدونة قلت ادخل اشوف مين اللى بيضحك بشر اوى كده
وكانت الصعقة الكبرى
الدكتورة همس الروح
بصراحة ما كنت مصدق قمت غلست راسى بمية ساقعة ورجعت لاقيت بردة الدكتورة همس بنفس الضحكة الشريرة
ربنا يستر بقى على باقى المدونات
وخصوصا انا خايف على اسهمى الموجودة هنا ربنا يستر

أم أحمد المصرية said...

حبيبتي و حشتيني
بس مالك يا قمر مزاجك مش تمام
انا عارفة الاحساس اللي بتقولي عليه بس هي الدنيا كده لازم نتشد و نزعل و نفرح و نتعب و نرتاح مش دنيا و بعدين حتي نشتاق للجنة ونعرف الفرق :))
مش حتحسي بمتعة الخير لما يجيلك الا لو انتظرتيه و تمنتيه بس ما تتركيش نفسك للحالة دي تطول اقعدي معها و قولي لها مالك يا بنتي ما الحياة حلوة اهي وز عددي لها بعض المميزات اللي عندها و فهميها ان كل اللي بيحصل ده معناها انكم عايشين الحياة مش احسن ما تقعد ما فيش ما يشغلها و تشعر بالملل

اوعي تكوني تهتي مني :))))))))))))
انا بتكلم عن الحوار بينك و بين نفسك

ووصيها كمان تقرب من رنا اكتر بالدعاء و قراءة القرآن بيفرق كبير في تحسن الحالة النفسوية

كفاية عليك كده بقي و مستنية تبعتي لي كشف الدكتور النفساني :)))))))

♥نبع الغرام♥♪≈ said...

السلام عليكم

وحشتينى قوووى قوووى اخبارك ايه يارب تكونى بخير وبصحه جيده
ربنا يوفقك للخير يارب

ومتشكره ليكى على سؤالك عنى

يارب يديم الود
انوسه

فشكووول said...

السلام عليكم سول العزيزه
انت اللى قلتى على نفسك انك شريره
ومن ناحية شريره ...دى ما فيهاش كلام يعنى
بس يا سول
ابقى تعالى قابلينى لو قدرتى تحوشى عن نفسك .. انت فاكره الحكايه سايبه ولا سايبه .. دا يا بنتى ابن الهرمه ده مش بيستأذن ومش بيخبط ع الباب .. هو كدا زى المدب .. تلاقيه بيدب فجأه ومن غير ميعاد .. كمان من غير سبب ... ولأ والاكاده ممكن يكون من غير عقل وما لوش منطق ولا معقوليه .. يا بنتى دا ابن ستين فى سبعين .. اسألينى انا اللى عارفه وفاهمه
يبقى بقى حظك حلو لو كان بالدبله او جه مع الدبله ... تبقى مسعوده يا مرزوقه

تحياتى

صدفة جميلة said...

السلام عليكم
ياترى ايه الاخبار عدة ايام وياترى هانشرب الببسى ولا خلاص