الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Jul 14, 2009

هكذا كانت البداية


السلام عليكم و رحمة الله و بركاته


كيفكم يا شباب ؟؟ أخباركم ايه؟؟

عارفة انى أتأخرت عليكم كتير فى تكملة الموضوع اللى كنت بدأته ، و شكلكوا نسيتوا اللى كنت قلته ..

بس معلش الفترة دى مش مستقرة شوية ، بس انا قلت هانزل بوست يعنى هانزل بوست ،غصب عن التكليف فى اللى عاوز التكليف و يبئوا يورونى شاطرتهم بئا ... : )


المهم ... طبعا أنا كنت اتكلمت عن المراحل اللى مريت بيها ، لحد ما الحمدلله ربنا انعم عليا و بدأت أعرف الاسلام صح و يااااااااارب أكون فعلا على الطريق الصح .


ابديت الاول بـ هكذا عرفت اسلامى والوجه الاخر للعملة وصدمات و تساؤلات ومرحلة البحث و المعرفة .


و فى الجزء دا هاتكلم عن اهم النقط بالتفصيل عشان فى ناس تاهت منى فى الجزء الاول و طالبت بامثلة عشان الامور توضح لها ، و هو دا ان شاء الله اللى ناوية اعمله ، فربنا ييسر الامور كدا ،و يهدى النت احسن بئاله فترة مش ولابد ... ويبارك لى فى الوقت .



بصراحة فكرت كتير ابتدى بايه؟؟..

لكن .. لقيت ان احلى حاجة ابتدى بيها هى نفس الكلمات اللى كانت معاها البداية – رغم انى مش هاذكر المواضيع بالترتيب- لكن الكلمات دى كانت قوية جدا بالنسبة لى ...

لكوا ان تعيشوا مع هذه الكلمات التى كانت اول كلمات فى مقدمة الكتاب – جدد حياتك- و اللى ادتنى حافز فعلا انى ابدء فورا و مش أتأخر ... أسيبكوا مع الكلمات ، و عاوزاكوا تقرؤها بقلبكم ...


" كثيرا مايحب الانسان أن يبدأ صفحة جديدة فى حياته ، ولكنه يقرن هذه البداية المرغوبة بموعد مع الأقدار المجهولة ، كتحسن فى حالته ، أو تحول فى مكانته ،و قد يقرنها بموسم معين أو مناسبة خاصة كعيد ميلاد أو غرة عام مثلا ...

وهو فى هذا التسويف يشعر بأن رافدا من روافد القوة المرموقة قد يجئ مع هذا الموعد فينشطه بعد خمول ، و يمنيه بعد إياس .. و هذا وهم ... فإن تجدد الحياة ينبع قبل كل شئ من داخل التفس .

و الرجل المقبل على الدنيا بعزيمة و بصرلا تخضعه الظروف المحيطة به مهما ساءت ،و لا تصرفه وفق هواها ... إنه هو الذى يستفيد منها و يحتفظ بخصائصه أمامها ، كبذور الأزهار التى تطمر تحت أكوام السبخ ثم هى تشق طريقها إلى أعلى مستقبله ضوء الشمس برائحتها المنعشة ، لقد حولت الحمأ المسنون و الماء الكدر إلى لون بهيج ، و عطر فواح ..

إن الإنسان بقواه الكامنة ، و ملكاته المدفونة فيه و الفرص المحدودة أو التافهة المتاحة له .. يستطيع أن يبنى حياته من جديد .

و صدق الامام حسن البنا حين قال : ( إن السعادة التى ينشدها الناس جميعا إنما تفيض عليهم من نفوسهم و قلوبهم و لا تأتيهممنخارج هذه القلوب أبدا ، و أن الشقاء الذى يحيط بهم و يهربون منه إنما يصيبهم بهذه القلوب و النفوس كذلك )

لا مكان لتريث ، إن الزمن قد يفد بعون يشد به أعصاب السائرين فى طريق الحق ، أما أن يهب المُقعد طاقة على الخطو أو الجرى فذاك مستحيل.

لا تعلق بناء حياتك على أمنية يلدها الغيب ، فإن هذا الإرجاء لن يعود عليك بخير . " اهـ .


طبعا اللى هواة اللغة العربية زيى هيحسوا بقوة الاسلوب و روعة الالفاظ ، و بجانب دا أن يخرج من مفكر إسلامى ... غير اسلوب الترهيب اللى بيتبعه البعض ..

طبعا أنا مش باعيب فى علم حد ... لا اطلاقا ، ربنا يبارك لنا فى علم الجميع ، و يعلمنا مما علمهم لكن الاسلوب بردوا له دور فى اقبال الواحد على تطبيق الكلام أو النفور منه


الكلام بجد رائع جدا و كل مرة باقرؤه باحس انى اتمليت نشاط و عاوزة أقوم أكسر الدنيا حالا ، و ياريت فعلا كل شخص جواه حزن أو هم أو ألم .. يعرف ان فعلا حزنه و المه و همه دا من كتر تفكيره هو ، و إنه مش قادر ينسى ، و لأن مفيش فى حياته شئ يسعى عشانه ، و بالتالى هينسى المه و همومه فى سبيل تحقيق هدف حياته دا ..


أنا نفسى الكلام دا يأثر فيكم زى ما أثر فيا ، و كل واحد قبل ما أقول يدور على الاسلام ..

لا ، يدور على الانسان جواه ، و يحاول يعرف حقيقى ايه الهدف اللى عايش عشانه فى الحياة ، و مايتأثرش ان الجو محبط هو عليه بذل الأسباب بس و ربنا هو اللى بيوفق ...


الناس اللى بنشوفها ناجحة و بتحقق شئ فى حياتها كل يوم و التانى دى و من هنا من نفس وسطنا و ظروفنا ، مانجحتش لأن حظها حلو و احنا حظنا وحش مفيش حاجة اسمها حظ ، فى حاجة اسمها توفيق ربنا و حاجة اسمها بذل الأسباب الناس دى خدت بالأسباب و هى بتقول يارب فربنا وفقها ، ياريت كل واحد فينا بردوا يدور على ايه الاسباب المتاحة ادامه و ياخد بيها وهو بيقول يارب و أكيد هيحس بالفرق ...




و المرة الجاية نكمل .... : )


ملحوظة مهمة : معلش أنا هأرد على التعليقات مجمعة مؤقتا ... إلا لو فى حاجة عاوزة توضيح أو مناقشة ، لحد ما ربنا يفرجها من عنده .. دمتم جميعا فى رعاية الله ..

سلاااااااااااااااااااااام

...............................

* إضافة من الناشر


39 comments:

وردشان smilyrose said...

السلام عليكم


واوووووووووووو

اول تعليق

لاميرة الحب الصادق

وردشان

وردشان smilyrose said...

والتانى عشان سول حبيبة قلبى

وحشاااااااااااااانى موووووت

جدا جدا جدا جدا ااااااااااااا

بجد

وردشان smilyrose said...

وبجد يارب يديم عليكى الايمان بالله

وينعم عليكى وعلينا فدربك

بقوة الصلة بالله عز وجل

ويارب دايما

هشوفك امتى

وردشان smilyrose said...

الرابع دا بقى عشان

يتم الاحتلال


وعلى فكرة انا بخير والحمدلله اخر تحليل

فيه نسبة تفائل كبيرة

ادعيلى

بحبك مووووووت

Soul.o0o.Whisper said...

وردتىىىىىىىىى

و عليكم السلام و رحمة الله و بركاته

و ربنا و ربنا و ربنا ما مصدقى نفسىىىىىىىىىىىىىىىىىىىى

ورد هنا؟؟؟

ياااااااااااااااه
ايه حظى الجميل دا

Soul.o0o.Whisper said...

احتلى يا بنتى احتلى

أخدلك تلاتة أربعة كمان من عندى؟؟؟
;)

ههههههههههههههههه

بجد مبسوطة جدااااااا جدا انك هنا
و بالخبر الجميل اللى قلتيه

بس بردوا دا لا يمنع ان تنفذى اللى اتفقنا عليه ... ماشى؟؟؟

لو موجودة ادخلى ميل

mohamed ghalia said...

حلوة البداية وجميلة جملة الشيخ حسن البنا
بس كلمتك كانت قاسية شوية عن المشايخ عشان دول علماء ليهم وزنهم معاكى انى الأسلوب عليه عامل بس ميمنعش انى علمهم غزير
غير كده المفروض انى عارفه كويس يعنى مثلا هما بينادوا بالنقاب مابين الفرضية والإستحباب وانتى منتقبة فى حد ممكن يشوف انى ده تشدد لأنى لو كان فضل يبقى كسبته ولو فرض يبقى تمسكت بيه
ممكن ناس تانية تفسر ده تشدد ولا هنسمع ليهم عشان هما مش عارفين
لكن بما انى حضرتك عارفة فموضوع بيحرموا عيشتنا وكده ممكن يفتح كلام كبير وكل واحد ميعجبوش حاجة فى الدين يقول انى ده تشدد
يارب بس ميكونش خلاف انا فاهم وجهة نظرك كويس
أنا خايف بس الى بيقرأ مش يوصله الكلام صح
بالتوفيق دايما وربنا يثبتنا وإياكى

فارس عبدالفتاح said...

للاسف انا لم اقرأ لحسن البنا اطلاقاً يمكن عشان اني عارف انه لم يأتي بشيء جديد في الفكر الاسلامي او بشيء فلسفي يستحق القراءة


مع عدم التهكم على شخصة او من يتبعونه او من يميلون الى الاخوان المسلمين

وعلى فكره انا لست مع وجهة نظر الاخوان المسلمين جملة وتفصيلاً ولكني اعترف بانهم لهم الحق في ان يصلوا الى السلطة مثلهم مثل اي مواطن

وحتى نستطيع ان نقييم مشروعهم عملياً دون اي ادعاء او مزايدة واعتقد ان هذا هو عين العدل في حق الاخوان او غيرهم ممن يدعون انهم يملكون الحقيقة المطلقة

adel said...

ازيك ياقمر

كالعادة اسلوبك هايل و انا متابع من اول الموضوع لان عاجبني اسلوبك قوي

بس سؤال رخم انا مش فاهم تعليق سمايلي الرابع ؟؟
هي تعبانة ولا ايه ؟؟؟؟؟؟
طمنيني عليها و عليكي

ودومتي بوز و بط و ديوك و حمام علي العودة دي

وميرسي لمرورك عندي
ولا مرور الدراسة و اللهي

ههههههههههه

♥نبع الغرام♥♪≈ said...

السلام عليكم


حبيبتى الغاليه

الف مليون مبروك نورت من تانى المدونه
ويارب منورانا كده على طوووول

طبعآ انا متابعه البوستات كلها من البدايه

وانا من عشاق حسن البنا
اللى انتى متعرفهوش انه هو من عندنا مولده الاساسى

ربنا يسعدك يارب ويوفقك ويكمل ليكى الفرحه بالنجاح يارب العالمين
اختك
انوسه
اموووووووووه

وحي القلم said...

السلام عليكم

يحضرني قول الرسول صلى الله عليه وسلم

وإن منكم لمنفرين

وقد قالها لرجل أطال الصلاة

Unknown said...

سووول

جميل الكلام ده بس واقعى فعلاً
و مؤلم كثيييييير

شكراً ليكى عليه
--------
بخصوص ردك على تعليقى على البوست اللى فات
واضح انك اضايقتى

انا لما قولت مفيش فرق كنت صريح كان ممكن اجامل و اقولك ايه التصميم ده محصلش زيه و الكلام ده
بس الصراحة انا مش شايف اى فرق
و مكنتش اقصد احبطك او اضايقك
----
سلام

قلم رصاص said...

السلام عليكم ورحمة الله وبركاته

تحية عطره برائحة المسك والريحان الى شخصكم الكريم يا دكتور

انا هعلق الاول على بداية البوست ولي عودة بالتلعيق مرة تانية على محتواه

انا عاوز اعرف انتي بقالك 40 سنة بتقولي الظروف مش متظبطة ..اعذروني .. السبب انتوا عارفينه .. التكلييييييييييييف

تعرفي بقى ، لو كان التكليف رجلا لقتلته ، مع الاعتذار للرجال
هههههههههههههههههههههه

المهم ان حضرتك بخير ان شاء الله

ونسأل الله ان يديم عليكم وعلينا نعمة الاسلاااااااااااااااام

لنا عوده بعد قراءة جوهر البوست

دمتم في حفظ الله

ستيتة said...

حبيبتي سول
السلام عليكم ورحمة الله
جميلة قوي البداية يا سول

عارفة الفرق بين انسان والتاني يقرأ ويسمع نفس الكلام
وواحد يأثر فيه تأثير يغير حياته
والتاني ولا كأنه أطلع على شيء؟

هي حاجة دايما بندعي ربنا بيها
ان ربنا يفتح لنا باب للحق
ان ربنا لا يزيغ القلوب بعد اذ هدانا
إن ربي مقلب القلوب والأبصار يثبت قلوبنا على دينه

هو محض فتح من رب العالمين يا حبيبتي يعلم ان احدنا يستحقه والآخر لا يستحقه
لأن الله يطلع على القلوب التي في الصدور ويعطي البشر على قدر نقاءها

تحياتي واعانك الله على التكليف وآخره يا والداه

قلم رصاص said...

السلام عليكم مرة تانية

ده تعليقي بقى على محتوى الموضوع

كلامك هذه المرة لا اجد له من جعبتي ما استطيع التعبير به عن اعجابي به جدا

حقيقي والله الكلام المرة مللاني أمل

"إن الإنسان بقواه الكامنة ، و ملكاته المدفونة فيه و الفرص المحدودة أو التافهة المتاحة له .. يستطيع أن يبنى حياته من جديد ."

طيبتم وطاب ممشاكم والله

نرجع لنقطة مهمة بخصوص أسلوب توصيل العلم او الدعوة

حضرتك فعلا عندك حق ، الأسلوب مهم جدا كي نستطيع القول انه الهدف بلغ مبتغاه
فما فائدة علم غذير ظل ويظل وسيظل أدراج عقل صاحبه دون ان يمده الى الاخرين عبر جسور التواصل المرئية او السمعية او المكتوبة ولكن الأسلوب ثم الأسلوب ثم الأسلوب

وهو ما أكده ويؤكد عليه العلامة الشيخ الجليل محمد حسان دوما ، في انه يجب على الداعية ان يكون له اسلوب مرن وجاذب يقنع به الاخرين كي يكون اتم مهمته في توصيل ما اراد له او يصل


بس أرجع وأأكد لحضرتك على حاجة خطيرة
جدااااااا واعتقد اننا كشباب متعلم
يجب علينا ان نكون متنبيهين له اكثر من الأخرين

هذا الشيئ انه رغم ذلك ، ليس معنى ان
كل من يملك أسلوبا رقراقا وجذابا دون ان يكون لديه علم حقيقي ان ننساق وراؤه كالقطيع ، فهذه الفئة بكل أسف
ظهرت منها نسخ كثيرة هذه الأيام على
سائرين على نفس درب ومنهج احد الدعاه
المعروف للجميع والذي كانت له بداية جيدة جدا والجميع شجعه عليها ، لكنه بكل أسف تغير 180 درجة وابتعد عن هدفه
الدعوي نتيجة فشله في التصدي للدعوة
بشكل صحيح ، واعترف بنفسه انه لم يعد
داعية اسلامي وانما هو الان مصلح اجتماعي ...ركب الموجه الغربية بكل أسف شديد

الراجل ده طبعا كلنا نعرفه بدون ذكر أسماء ، وكل علماء الامة شجعوه في بدايته لأنه فعلا كان كويس جدا في بدايته وكان لاهدف له سوى توعية الناس بصحيح الاسلام مستخدما اسلوبا مختلفا يصل للشباب بسرعه.... اما الان واصبح بكل أسف يعربد في الدين ويتكلم في أشياء لايعتقدها جااااااااهل كتابة وقراءة حتى ، أقسم بالله له أراء حالية تشتت العقل وتذهله ، كفاية بس انه قال مرة بالحرف الواحد : الشيطان لم يكفر

طب ازاي الشيكان لم يكفر يا أستاذ ، وهو اللي بيحاول يعلم الناس الكفر ، ازاي واتباع الناس ليه كفر في حد ذاته

هذه النوعية من الدعاه لم تعد تنطلي على الشباب انفسهم مايقولونه من تحريف وتخريف وتزييف لحقائق الثوابت في الاسلام.. أسأل الله ان يهدنا واياهم

معلهش خرجت عن السياق شوية ، بس حبيت اقول لحضرتك ، اني أتفق معكي في ان الاسلوب الجيد مطلوب للداعية
ولكن على الجانب الاخر يجب الا يكون هذا الاسلوب على حساب جوهر الاسلام وبدون علم


وننتظر بقية موضوعاتك في هذا الاتجاه

وطيبتم وطاب سعيكم وممشاكم
ودمتم في حفظ الله آمنين

والسلام عليكم

قيس بن الملووووح said...

مكن تشفقي علي اخي فشكول لكن انا باكتب باسم مستعار اللهم والباقي عليه يستاهل اللي هيجراله لانه فتح هذه البوابه الجميله
تحياتي

Darsh Basha said...

تسلمى ياسوول على الكلمات الجميلة دى
وانا جبت كتاب جدد حياتك ويدأت اقرأ فية..هو فعلا كتاب جميييييل جدا
ومفيد جدا

ومبروك الاستايل الجديد
والتكلييييييييف
وربنا معاكى

أحــوال الهـوي said...

انك لا تهدي من احببت و الله يهدي من يشاء

فالهدايه من الله قد تاتي من كلمة او فعل او تصرف و دائما اقول الاسلام دين لا نحكم عليه من اشخاص و لا تحكمه اهواء بل منهج متكامل

اللهم لا تزغ قلوبنا بعد اذ هديتنا انك انت الوهاب

تحياتي

assafo anaroze said...

سلام
و الف مبروك على التكليف
يكفيني الكلمات ديه : و كل واحد قبل ما أقول يدور على الاسلام ..
لا ، يدور على الانسان جواه ، و يحاول يعرف حقيقى ايه الهدف اللى عايش عشانه فى الحياة ، و مايتأثرش ان الجو محبط هو عليه بذل الأسباب بس و ربنا هو اللى بيوفق ...
و حقول كمان : يا رب
مودتي

Nostor Azzuro said...

جميل جمال مالوش مثال

صوت من مصر said...

لا استطيع التعليق سوى على اسلوبك الماعر جدا فى الاقناع

د.خالدأمين said...

علي فكره مدونتك بقت تقيله اوي علي ما بتحمل



هقرا وارجعلك


الموضوع شكله كبير خاصه وانك بادئاه بافه الافات


تعليق البدايات علي اوقات مجهوله


مش كده والا انا فهمت غلط


سلام مؤقت

Sweet Violet said...

سووووووووووووووووووووولى
يااااااااااااااااااااارب الكعب الداير يخلص بقى علشان تظهرى
v_v

و طبعا انا متابعه معاك ياقمر الموضوع من الاول
و بجد انا نفسى بستفاد منه فى بعض النقاط
^_^

Soul.o0o.Whisper said...

mohamed ghalia
...............

بأشكرك جدا على تعليقك ، معاك حق ان ممكن قصدى يوصل غلط و أنا صلحت الجملة ..

بس المثال اللى انت ذكرته دا -النقاب بين الفرضية و الاستحباب- مش قصدى اطلاقا
لانى لا اعيب علم أحد
أنا علقت على الاسلوب بس
يعنى فى واحد يقولك النقاب هذا فرض و اللى ماتلبوش ربنا يعمل فيها و يسوى فيها ..و فى نار جهنم و آثمة
بينما آخر يقول انه فرض .. ثم يذكر محاسنه و يقول انه طبعا صعب فى تطبيقه لكن نستعين بالله و ندعيه كتير ..كدا

اى الاسلوبين أفضل؟؟

هى دى النقطة أما نقطة الحكم نفسه ، فلا اتكلم فيه ، فلست بعالمة :)

بجد متشكرة جدا على التنبيه
و دمت فى رعاية الله

Soul.o0o.Whisper said...

فارس عبد الفتاح
................

هو حقيقى أنا مش عارفة انت بتعلق على موضوع البوست و لا على التعليق بتاعى عندك


لكن الحكمة ضالة المؤمن ..أنّا وجدها فهو أحق بها

يعنى مثلا استشهاد الناشر بمقوله لحسن البنا لا يعنى اتباعه له
و استعانتى بها هنا لا يعنى اتباعى له

و لا لأنى لا أفضل الشخص .. ألا أذكر كلاما حقا نطق به أو أقرء كلامه فلعل به شئ مفيد

أما نقطة الاخوان و مشروعهم ... فأنا عندى قاعدة ماشية عليها
اللى ماشى على نهج الدين فلا مانع من مساعدته و الوقوف بجانبه .. لكن أن أكون تابعا له ..لا

فالحقيقة المطلقة هى لله و كتابه
أما غير ذلك فكلنا خطاء

دمت فى رعاية الله

Soul.o0o.Whisper said...

adel
.....

بجد باكون سعيدة بتعلقيك
و أنا الحمد لله بخير
و سمايلى بخير
يعنى شوية توعكات صحية :)

ادعيلها بئا

و شكرا على دومتى و الوز و البط و الديوك و الحمام :)

ـــــــــــــــــــــــــــــــــــ
عاشقة الأحزان
.............

و عليكم السلام و رحمة الله و بركاته
الله يبارك فيكى يا جميل
و انتوا اللى منورنى دايما بجد

ربنا يكرمك يا قمر ويسعدك فى حياتك كلها

دمتِ فى رعاية الله
ــــــــــــــــــــــــــــــــــ
مصعب صلاح
.........

و عليكم السلام و رحمة الله و بركاته
طبعا الرحمة مطلوبة فى كل شئ
و الرفق ما كان فى شئ إلا زانه

دمت فى رعاية الله
ـــــــــــــــــــــــــــــــــ
بدراوى
.......

قد يكون الكلام واقعى و مؤلم
لكن لازم نقاوم و نتغلب عليه

أما بخصوص البوست اللى فات
فأناكنت باضحك معاك
ماتخدتش الكلام قفش كدا :)

دمت فى رعاية الله

Soul.o0o.Whisper said...

قلم رصاص
.........

و عليكم السلام و رحمة الله و بركاته

"انا عاوز اعرف انتي بقالك 40 سنة بتقولي الظروف مش متظبطة ..اعذروني .. السبب انتوا عارفينه .. التكلييييييييييييف

تعرفي بقى ، لو كان التكليف رجلا لقتلته ، مع الاعتذار للرجال"

هههههههههههههههههههه
ياريت والله... أهو كنا ضربنا عصفورين بحجر واحد
خلصنا من التكليف
و من واحد من الرجالة
;)

"كلامك هذه المرة لا اجد له من جعبتي ما استطيع التعبير به عن اعجابي به جدا"

على فكرة تقريبا أنت لسه متأثر بالمذاكرة و الامتحانات
بلاش الكلام الكبير دا

............

طبعا الاسلوب مهم جدا
لكن الاهم منه العلم

عشان كدا لما أتكلمت فى الاول قلت لازم مانخدش كل حاجة كلام مصدق ..لا لازم ندور و نبحث بردواعشان نوصل

فالعلم هو الاساس
و الاسلوب هو الوسيلة
فمن أحسن الاثنان فقد وفقه الله

و من كانت عنده مشكلة فى احداها فعليه علاجها قدر الامكان حتى لا يأخذ وزر من اتبعه

"الاسلوب الجيد مطلوب للداعية
ولكن على الجانب الاخر يجب الا يكون هذا الاسلوب على حساب جوهر الاسلام وبدون علم"

تمام جدا

متشكرة جدا على النعليق القيم دا
و دمت فى رعاية الله

Soul.o0o.Whisper said...

ستيته حسب الله الحمش
..................

و عليكم السلام و رحمة الله و بركاته
يا أهلا بيكِ يا دكتور

فعلا والله هو توفيق الله فوق كل شئ و ان يهدينا للحق و يثبتنا عليه

لكن فى الاول ربنا قال فى حديثه القدسى : " و لإن أتانى ..... أتيته..."
يعنى الاول لابد أن نرى الله من انفسنا قوة

فمن صدق صدقه الله
نسأل الله الصدق و الإخلاص و القبول :)

دمتِ فى رعاية الله
ــــــــــــــــــــــــــــــــــ
قيس بن الملووووح
................

ممممممممم .. عشان حضرتك بتكتب تحت اسم مستعار يعنى خلاص؟؟
بس ربنا كبير بردوا :)

دمت فى رعاية الله
ـــــــــــــــــــــــــــــــــ
mosooz
.......

مبروك عليك الكتاب
و إن شاء الله تستفاد منه لأنه فعلا كتاب قيم

و متشكرة جدا لكلماتك

دمت فى رعاية الله
ـــــــــــــــــــــــــــــــــ
أحــوال الهـوي
..............

"دائما اقول الاسلام دين لا نحكم عليه من اشخاص و لا تحكمه اهواء بل منهج متكامل"

طبعا الاسلام منهج متكامل " اليوم أتممت لكم دينكم"
لكن مع ذلك بعث الله رسوله ليكون منارا لنا و يوضح ما استصعب علينا فهمه

و كذلك العلماء هم ورثة الانبياء
لكن فى الاول و الاخير
المرجعيةلكتاب الله و سنة رسوله

"اللهم لا تزغ قلوبنا بعد اذ هديتنا انك انت الوهاب
"
اللهم آمين

دمتفى رعاية الله
ــــــــــــــــــــــــــــــــ
assafo anaroze
...............

و عليكم السلام و رحمة الله و بركاته
الله يبارك فيك أسافو
و يارب تكون بخير دايما

ربنا يوفقك دايما يارب
دمت فى رعاية الله

Soul.o0o.Whisper said...

Nostor Azzuro
..............

متشكرة جدا على مرورك الجميل :)

دمت فى رعاية الله
ــــــــــــــــــــــــــــــــ
صوت من مصر
...........

يا مسهل يارب
يعنى اقتنعت و لا ايه؟؟ :)

دمت فى رعاية الله
ــــــــــــــــــــــــــــــــــ
د.خالدأمين
..........

تقيلة؟؟
طب نشوف الموضوع دا

بس على فكرة
انت أخدت صفر من عشرة
يرجى اعادة حل الواجب بضمييييييييير :)

دمت فى رعاية الله
ـــــــــــــــــــــــــــــــ
Sweet Violet
.............

يارب ياختى يااااااااااااارب

ربنا يكرمك يارب يا ضدتى
و يكون باستفادة دايما يارب
:)

دمتِ فى رعاية الله

فارس عبدالفتاح said...

أما نقطة الاخوان و مشروعهم ... فأنا عندى قاعدة ماشية عليها
اللى ماشى على نهج الدين فلا مانع من مساعدته و الوقوف بجانبه .. لكن أن أكون تابعا له ..لا

اختاه

الموضوع ليس موعضوع عاطفة او تابع ومعارض

الموضوع في رائي اننا وانا لا استثني نفسي من هذا اننا نرى ما هو قريب و وننسى البعيد

بمعنى اننا نرى الفرع وننسى الاصل .. من اين نبت الفكر القومي العربي من العروبة ومن اين نبت الفكر الاسلامي سواء كان في البنا او حتى في الامام مالك

نتبت من الاسلام

والعروبة والاسلام من اين يأتيان من الرسول صلى الله عليه وسلم ومن قومه وصحابته ودولتهم ومشروع الانساني للبشرية الذي هو مرجعيته الله سبحانه وتعالي


فكل شيء موجود من القدم ولا نرى الا تحت اقدامنها .. والحكمة ضالة المؤمن نعم ولكن اصل الحكمة موجود في تراثنا العربي والاسلامي دون البنا او عبدالناصر او غيرهم ولكن ما يربطنا بهذه الشخصانية هو بعث القديم من جديد

ولم نكلف انفسنا ان نبحث وان نبعث من تلقاء انفسنا للقديم الاصيل

وعلى فكره انا ارد على موضوعك هذا وليس تعليقك في مدونة قومي عربي

Soul.o0o.Whisper said...

فارس عبد الفتاح
................

بالنسبة لموضوع عاطفة .. الموضوع عندى ليس كذلك

كما ذكرت فى ردى على د. أحوال الهوى
أن المرجعية أولا و أخيرا
هى لكتاب الله و سنة رسوله

لا قول البنا
و لا قول الامام مالك

و لكن لا بأس بالاستفادة بآرائهما ان كانت تخدم الموضوع

أخى الكريم
إذا رجعت تبحث فى كتب ابن القيم
و ابن الجوزى
لوجدت أن كلام محمد الغزالى هو بعث لكلامهما فى اطار يناسب العصر

و إذا رجعت لاقوال الصحابة و التابعين
لوجدت أن كلام ابن القيم و ابن الجوزى احياء لكلامهما فى شكل يناسب عصرهما

و قول الصحابة و التابعين مستقى من الكتاب و السنة

و انا هنا لا أقول ان نتبع قول فلان او علان
لا .. بل أقول علينا ان نعود للكتاب و السنة
فلم يأت أحدهم بجديد

و لكن الفارق أن علماء كل عصر يتحدثون بعقل عصرهم

و هذا لا يمنع من وجود نشذات فكرية
بل هى فطرة فى الانسان الخطأ

و لهذا لابد لنا ان نبحث لنصل الى القواعد
فإذا وصلنا إليها
استطعنا ان نستخلص الحق من بين الباطل
و نحن المستفيدين

.................

أما موضوع البوست
فهو لا يمت بصلة قريبة أو بعيدة للاخوان أو غيرهم

أنا أتحدث عن بدء حياة جديدة
ان نكون فيها انفسنا
لا مفعول به لعوامل العصر

و أن نقاوم مهما كانت الظروف و مهما كانت الفرص حتى نحقق شئ بذاتنا

و المقولة للبنا من كلام ناشر الكتاب و ليس للمؤلف
فكان حقا ان اشير إلى ذلك حتى لا يعتقد البعض أنها من كلام المؤلف -محمد الغزالى-

ودمت فى رعاية الله

elsha3er said...

السلام عليكم

ربنا يهديكى وكافة المسلمين للطريق الصح


تحياتى


احمد الشاعر

オラアルス said...

اختي الحبيبة سول

هنيئا لك هذه القناعات

وصدقت فعلا بعض الناس ينتظرون التغيير يأتي إليهم على طبق من ذهب بدون أن يسعوا إليها بأنفسهم
حضر إلى ذهني وأنا أقرأسطورك هذه بمن ينذر وشترط على الله لأن فعلت لي كذا لأصومن ولأبذلن المعروف
والنذر لايستخر إلا من بخيل كما أخبرنا رسول الله صلى عليه وسلم
أما عن كلمات الإمام البنا فهو قد أخذ من اسمه أوفر الحظ والنصيب من لقب عائلته ففعلا رحمه الله كان بناءا في أقواله .وعلى فكرة إن كنت تبحثين عن شيوخ لهم أسلوب رائع في الجذب للخير فأنصحك بالسماع للشيخ الدكتور محمد العوضي ومحمد العريفي والشيخ سليمان الجبيلان والدكتور عبدالمحسن الأحمد
هؤلاء الشيوخ لهم أسلوب رائع في النصح والوعظ
تحيتي ومودتي ياقمر
وانتظر ايميلك
بعتلك رساله خاصه
ولحد الآن مارديت
في الإنتظاااااااااااااااار
:)

احساس طفلة محبة للرومانسية بس واقعية said...

مبروووووك الشكل الجديد للمدونة الاول
انا اتأخرت اوى بس ظروف برضو مستنية ربنا يفرجها من عنده

الكلمات اللى قلتيها فعلا تدى حماس وتثير تساؤلات بين الانسان وذاتة
مواجهه صراحة تجعلنا نخجل من نفسنا لان كلنا بنعمل كدا تقريبا وعندنا خمول فى البداء فى اى شئ ما

بس اول خطوة وهى اصعب الخطوات
ان اجتزناها يصبح الامر سهل

ربنا يوفقك
تقبلى مرورى

mimi said...

أول تعليق


نيااااااااهاااااااااااااا

mimi said...

معلش عمي تعليقات بعيد عنك


....


وحشتيني اوي ...

أخبار التكليف ايه؟

مش كانوا لغوه ؟

طمنيني عليكي

لا اله الا الله ... محمد رسول الله

mahasen saber said...

اخبارك ايه يا سولوا

ازيك يا حبيبتى

حبيت اتطمن عليكى

يا رب دايما فى افضل حال

بس حابه اعقب على البوست وااقلك احنا هنا عندنا كوادر وناس مبدعه
بي ينكبتهم بالواسطه والمحسوبيه

وهلم جرا

اسماء واحلام فى وجدانى said...

انا جاى اسلم عليكى

واطمن على الاسهم

اللى حضرتك رفتى وبشدة

انها تتحرك اكتر من كده

بس هتروحى منى فين

انا فى المدونة لحد ما اوصل لـــــــ51

رحلتنا في الحياة said...

السلام عليكم ورحمة الله وبركاته ياسول
اخبارك ايه ياقمر يارب تكونى بخير دايما انا على فكرة قريت البوست دا اول واحدة وقبل ماالناس كلها تعلق بس للاسف كنت مش فى البيت علشان اعلق عليه
البوست جميل جدا وبيتكلم على حاجة فيا نفسى بجد اغيرها التسويف مع الكسل والسلبية بقول هتغير ومش بحاول واقول ان شاء الله هبدا قريب قوى واحد معاد مثلا لحفظ القران او لاى طاعات تانية وتيجى العزيمة وهمتى تتضعف وارجع للصفر تانى قعلا مش لازم نستنى وقت معين نعمل فيه اللى عايزينه لازم نبدا من اول ما الفكرة تيجى فى دماغنا ودا مش فى الطاعات بس فى اسلوب حياتنا
جزاكى الله خيرا يارب وجعله وربنا يبارك فيكى اللهم امين