الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Jul 27, 2009

OCMU









السلام عليكم و رحمة الله و بركاته


ازيكوا ازيكوا ... وحشتونى كلكوا : )

بجد بجد بجد مفتقداكوا جدا جدا جدااااااااااا

محدش عنده كمبيوتر زيادة ؟؟؟ ... عاااااااااااااااا


بجد حاسة إنى فجأة بئيت فى كوكب تانى ... كوكب غريب ، مش هو اللى أنا متعودة عليه ...

المهم ... عاوزة أقولكم إنى الحمد لله ... الحمد لله ... الحمد لله استلمت التكليف ... هييييييييييييييييييه







لكنى اخليت طرففففففففففف ... نياهاهاهاهاهاها










بس بردوا استلمت انتدابى فى مركز الاورام ... كيك كيك كييييييييييييييييييك


ايوا ايوا ... اللى هو اختصاره اللى أنا حطاه فى العنوان دا

Oncology Center- Mansoura University

مركز الاورام - جامعة المنصورة



خلونى الاول أحكيلكم عن الوحدة اللى أنا استلمت فيها

و طبعا مش هأحكى عن اللف اللى لفيته عشان أخلص الورق ، عشان أنا من النوع اللى لما بأتخنق بجد مابعرفش أحكى


المهم .. بعد طول معاناة استلمت فى وحدة اسمها شرنقاش ..و محدش يقولى يعنى ايه عشان معرفش .. وهى كمان بلد باباتى العزيز .. دا غير كدا كمان الوحدة بجد جميلة اوى اوى اوى .. و الناس هناك شالونى على كفوف الراحة صراحة و نفسهم يخدمونى باى شئ .. و مديرة الوحدة يوم ماكنت ماشية – اه اصلى ماقلتلكوش انى استلمت هناك اسبوع، بس طلعت عينى والله عشان اجراءات الاستلام و اخلاء الطرف و حاجات كدا- المهم .. قالت لى لو حد فيهم بس كلمك كلمة واحدة تلغى انتدابك على طول و ترجعى .. احنا هنا نتمنى نخدمك باى حاجة و جرتلى العيلة كلها .. نفر نفر .. اسلم عليهم هههههههه –كووسة-


اه ..مقلتش ليكم كمان ان الوحدة دى واخدة الوحدة النموذجية و علامة الجودة .. و بجد المكان هناك اسرنى جدا لدرجة انى استلفت موبايل مخصوص عشان اصور لكم المكان هناك .. شوفوا شوفوا استلمت فين ...: )

دا المنظر من قدام الوحدة

و دا المنظر من جواها

و دى الواجهة بتاعتها

معلش التصوير وحش شوية بس استحملوا

و هذا عن اليمين

و هذا عن الشمال

و دا المنظر من فوق السطح - خلف الوحدة

و دى من الجنب

أما دى بئا فغرف الوحدة

و فى زيها على الجنب التانى

و دى بئا الاستراحة

سيبكوا من الكرسى المكسور دا ، أنا رحت تانى يوم ملقتوش : )

أما دا بئا فالمنظر من قدام باب الصيدلية

و دا من قدام الشباك

اللى يغيظ بئا إن كل حاجة مكتوب عليها USAID من الشعب الامريكى

و حيطة كاملة عليها بوستر عريض كدا ... يعنى شحاته علنى

حتى ياربى الموازين و دى لقطة استفزتنى جدا لميزان

ركزوا كدا فوق الكلمة ...شايفين مكتوب ايه؟؟

مكتوب MADE IN CHINA

طبعا ... لا تعليق D :



بس بجد ماكنتش متخيلة المكان حلو اوى كدا... دا كنت رايحة متعكننة والله ...بس لما رحت هناك فرحت اوىىىىى ...




طبعا بعد ماشفتم المكان و جماله ... كان نفسى أصور لكم بئا المكان اللى استلمت فيه فى الاورام لكن طبعا ماينفعش ... ليه؟؟؟

عشان ... انت مراقب بالرادار .. قصدىىىىىىىى انت مراقب بالكاميرات .. اه والله ، كل مكان كاميرا مراقبة .. و طبعا الحضور و الانصراف بالبصمة و كل واحد له كود ..يعنى لا مفرررر .. و الحضور رسميا آخرك 8:30 و الانصراف 3:45 لكن طبعا اللى بيحصل غيركدا ...


لالالالالالاااااااااااااااااا ..مش زى كل الناس يا بابا .. احنا لازم التميز ، يعنى الحضور رسمى 8:30 انت على 8:15 تكون على مكتبك ، و الانصراف 3:45 مش قبل 4 نكون ماشيين نياهاهاهاهاها

مش باقولكم تميزززززززززززززز


بصوا دى صور من على النت

الواجهة الرئيسية

و المبنى من الجنب


هييييييييييييييييييييه ... اقولكم ايه و لا ايه؟؟ .. بس والله .. ما شاء الله ، الشغل مش بيهدى لحظة واحدة ، يعنى اليومين اللى قضيتهم هناك مش حسيت بالوقت خالص ..و الشغل الى الان لذيذ جدا و حلو ..و الحمد لله والله أنا كان نفسى ربنا يستخدمنى فى مكان فعلا محتاج ..مش اروح زيادة مليش اى لازمة ..و شغل سبهللة ... و الحمد لله ربنا وفقنى للشغل دا و أنا الحمد راضية عنه جدا رغم انه تعب مش راحة زى الوحدة مثلا ..


أنا فعلا اول ما روحت الوحدة دى بعد كمية المشورة و التعب اللى شفتهم ... جه فى بالى على طول حديث رسول الله صل الله عليه و سلم عن يوم القيامة انه يؤتى بأشقى أهل الارض وهو من أهل الجنة فيغمس غمسة فى الجنة فيقال له هل ذقت بؤسا قط – أو شقاء قط - ؟؟ فيقول لا والله يارب ... فعلا والله أنا أول لما قعدت اتمشى فى الوحدة و اتفرج على المناظر دى نسيت كللللللل التعب و بئيت فرحانة اوى

بعكس امبارح لما رحت استلمت فى المركز و شفت كمية الشغل و الالتزامات و الحدود المسموح بها حسيت انى مقيدة و اتضايقت شوية ..و بردوا سبحان الله جه فى بالى الجزء التانى من الحديث انه يؤتى بأنعم أهل الارض و هو من أهل النار فيغمس غمسة فى النار ثم يقال له هل ذقت نعيما قط؟؟ فيقول : لا والله يارب ... فعلا كل انسان فينا بيكون فى مشاكل و هموم و لحظة الفرح بينسى كل همومه ..و بيكون فى نعيم دائم و لحظة الحزن ما يفتكرش غير حزنه بس .. سبحانك يارب


بجد أنا حسيت انه اختبار من ربنا .. يعنى الوحدة دى كنت اروح براحتى 9:30 – 10 و اروح الاقيهم مضولى حضور و كل الناس بتعاملك بصراحة بعاطفة جميلة ، و كمان على 1 او قبلها اكون ماشية و هما يبئوا يمضولى انصراف وقت الانصراف ، و اخرج و اروح و آجى براحتى ، ولو عاوزة كمان مجيش وحد يمضيلى انصراف براحتى ، و الجو بجد جميل اوى اوى و الشغل هادى اوى و مفيش ضغط

دا غير طبعا انى باخد مرتبى و حوافزى و بدلاتى و حقى تالت و متلت ...


اروح لمكان الشغل مابيهداش لحظة و الحضور و الانصراف بالبصمة و الكل طبعا مظبط ساعاته على ساعة البصمة – على رأى ماما ... ادببببببببب - و الكاميرات فى كل مكان .. يعنى حتى ممنوع الكلام فى الموبايل ..تتكلم و انت قاعد على مكتبك اه و سريع سريع .. مش بئا ازيك يا توتو و وحشتينى يا فوفو و نفتح بالساعة ساعتين .. أصلا مفيش وقت .. اااااااااه بالحق ..نسيت أقولكم ان موبايلى حبيبى رجعلى بالسلامة و طبعا بردوا ظبطوا على ساعة البصمة : )

دا طبعا غيران مفيش غير المرتب بس اروح اخده من الوحدة اللى انا مكلفة عليها و مفيش حوافز و يادوب كام جنيه بدلات ..كيك كيك كيييييييك ..يعنى من الاخر نظام من وجهة نظر البعض كله مساوئ و عيوب و ناس كتير هتقولى الغى انتدابك و ارجعى الوحدة و اولهم طبعا كانت انتيمتى ..


بس لا ، أنا الحمد لله مبسوطة و يارب اقدر اوفى فى المكان اللى ربنا اختارنى ليه ... و كفاية بس بجد انك تحس بذاتك و انك بتقدم خدمة جميلة لناس فعلا فعلا محتاجين ...

عارفين ... بجد الناس بتوع السرطان دول اكتر ناس عاوزين تبرع – و بالمناسبة دى بردوا عاوزة أقولكم ان المركز فعلا محتاج تبرعات جامدة جدا عشان يكمل و ممكن تقرؤا المقال دا اللى اقدر اقولكم بكل ثقة ان الكلام دا حقيقى 100% بعد ما شفت دا بعينى – عارفين ان العلاج هناك الحقنة الواحدة من جرعات الكيماوى بتعدى الالف ..الف و متين و تلتمية .. عارفين فى علبة دوا اقراص ب 11 ألف جنيه و طبعا الدوا دا المريض اقل مافيها بيمشى عليها 3 سنين و العلبة الواحدة بتكفيه شهر واحد .. انتوا متخيلين .. بجد بجد مبالغ رهيييييييييبة ، و للأسف مفيش ميزانية كفاية ..و هأقولكم ايه و لا ايه .. بجد ربنا يشفى كل مريض ياااااااااااارب ..



طولت عليكوا معلش .. بس فى خبر تانى بردوا حلو عاوزة أقولكم عليه وهو انى الحمد لله الحمد لله الحمد لله قبلت ماجستير ميكروبيولوجى .. و هابتدى دراسة مع السنة الجديدة ان شاء الله .. دعواتكم بئا ربنا ييسر لى الامور ..

بجد أنا سعيدة جدا بكرم ربنا عليا ، و يارب يارب يقدرنى و اشكره على نعمه دى ..اللهم لك الحمد كما ينبغى لجلال وجهك و عظيم سلطانك ..


و كمان كان فى مفاجأة بصراحة لم أتوقعها ... وهو انى فى اجتماع المدونين – مدونى الدقهلية- اللى فات ، فوجئت إذ فجأتن فى التعارف بواحد بيقول : أحمد – محامى – الصحيفة الكاشفة ... طبعا انا مكنتش واخدة بالى ، هوب الصحيفة الكاشفة دى لفتت انتباهى ...

فبقوله نعم؟؟

بيقولى الصحيفة الكاشفة ...

طبعا انا لسه باستوعب هى دى الصحيفة الكاشفة اللى اعرفها و لا واحدة تانية ...

قام قالى : الصحيفة الكاشفة و استراحة الكاشفة و بيدون معايا عسقول ...

انا بئا فى عقل بالى –يبئا انت الباحث - ...

قام قال و أنا الباحث ...

يا سلام ؟؟؟؟ انت الباحث ؟؟؟ و أنا سوووول ...

سوووول؟؟؟ اهلا اهلا يا دكتورة ، تخيلوا يا جماعة دى اكتشافى ...

اه ، سبحان الله اكتشافك و أول مرة أشوفك ... ههههههههههههههه ، بس طبعا يا باحث لسه مدين ليا باجابة السؤال : كنت بتعمل ايه فى المنصورة؟؟؟



ايه تانى ؟؟ ايه تانى ؟؟ ايه تانى ؟؟؟

ياللا كفاية عليكوا كدا رغيت معاكوا كتير و زمانكم زهقتوا ... بس أنا قلت آخد حقى بئا : )


.....................................


طبعا طبعا طبعا .. شكرى العميق لاستاذى الغالى بيرم المصرى اللى لقيته باعت لى رسايل بيطمن عليا و بيهنينى ب23 يوليو وحلول شهر شعبان و بيسأل عليا و انى غايبة .. معلش والله يا أستاذى العزيز ، بس والله مش نسياكم .. و لا أقدر أغيب عنكم ، ربنا ييسر و أجيب كمبيوتر جديد بئا عشان القديم خلاص سلم نمره ..


و كمان بجد بأشكر كل حد سأل عليا أو ساب تعليق فى البوست اللى فات .. معلش والله مفيش وقت خالص و كمان حكاية أنى اروح سايبر دى او استغل حد من الاقارب و الجيران باحرج جدا جدا .. فادعولى بئا ربنا ييسر ، و هأحاول كل فترة و التانية أطمن عليكوا و اطمنكوا عليا ..


ياللا بئااااااااااااا ...زمانكوا بتقولوا قومى روحىىىىىىى ..

حاضر حاضر... بالحق يا عمو فشكول ..ليه زهقان و طهقان و متضايق؟؟؟

يابنتى ارحمينا بئا ..امشىىىىىىىى

حاضر حاضر ...ابئا قولى فى تعليق يا عمو فشكول ..ماشى؟؟

ماتزقوش كدا ...خلاص ماشية اهو ....يا ساتر


ياللا سلام ........ : )


50 comments:

رحلتنا في الحياة said...

السلام عليكم ياسوووووووول ياقمر مسبوطة علشانك ياجميل ربنا يسعدك دايما ويسرلك كل امورك اللهم امين يارب العالمين
يااااااااارب تجيبى كمبيوتر جديد بسرعة بقى علشان نفسى اتكلم معاكى ياقمر

رحلتنا في الحياة said...

هييييييييييييييه اول تعليق ليا انا :))

رحلتنا في الحياة said...

تعرفى ياسووول اجمل حاجة لما تلاقى لايامك هدف وتلاقى وقتك مشغول دايما بشئ يقربك من ربنا اكتر واكيد شغلك فى المكان دا هيفيدك كتير على الرغم من المناظر اللى بتكون فيه صعبة جدا وربنا يشفى كل الناس اللهم امين يارب العالمين

رحلتنا في الحياة said...

هو مفيش حد غيرى هنا ولا ايه :))

رحلتنا في الحياة said...

طيب احتلااااااااااااال لغاية ما حد يجى بقى

رحلتنا في الحياة said...

خلاص خلاص هروح امشى بقى انجر على مدونتى اشوف اغير القالب للمرة ال100 هههههههه

اسماء واحلام فى وجدانى said...

صباح الايوشات

كل دول ايوشة

احتلال وافترا

مش كفاية علينا التكليف

ياربى ايه ده كله

اسماء واحلام فى وجدانى said...

غيابك خلى حب الاحتلال

يتولد جوانا

الواحد مش ضامن انتى هتنزلى بوست


تانى امتى

اسماء واحلام فى وجدانى said...

ايوشة

اللى يطلع بالنص

وبعدين انا ليا اسهم فى المدونة كتير

واللى عنده اعتراض يسمعنى صوته

اسماء واحلام فى وجدانى said...

اجمل حاجة فى البوست ده

انك خلاص استريحتى وخلصتى من وجع الدماغ اللى كان بعدك عننا ومستمر معاك وكان بالنسبة ليكى كابوس ربنا يبعد عنك كل شر ويحفظك من كل سوء

اسماء واحلام فى وجدانى said...

سؤال ممكن تحسى كده انه سؤال مالهوش جواب يعنى الصورة اللى من فوق السطح كان لازمتها ايه اصل اخوكى عنده فوبيا الاماكن العالية والمغلقة كمان
وياريت لو عندك وصفة تبقى بكده عاملتى فيا معروف

اسماء واحلام فى وجدانى said...

التعليق ده بقى علشان نوصل للتعادل

6 \ 6

وياريت تقولى للحكم يصفر

اسماء واحلام فى وجدانى said...

تصدقى الماتش طلع فى وقت اضافى

لان لازم حد يفوز

وبكده النتيجة بقت 7 \ 6

معلشى بقى يا ايوشة

الماتش اللى جاى

قصدى البوست اللى جاى

كان معك من ارض المدونة

اسماء واحلام فى وجدانى

د. ياسر عمر عبد الفتاح said...

ألف مبروك علي كمية الأخبار _اللي إنتي شايفاها حلوة
لأني بصراحة نفسي أفهم ازاي حد الكلية تقوله روح امشي مش عاوزينك تاني
خلاص إنت خلصت دراسة
يقوم يرجه بكامل قواه العقلانية ويقولها
طيب أنا أصلي عاوز أدرس تاني .. عاوز ماجيستير

لكن موضوع معهد الأورام ده جميل بجد
الفلوس مش كل حاجة ,, والراحة مش دايماً كويسة

ربنا يوفقك

mohamed said...

ربنا يوفقك كمان وكمان
وكمان تقدرى تدخرى قرش ولا مليون قرش
طبعا لشراء الكمبيوتر
وكمان مراجع الماجستير
وبعدها الدكتوراه
قولى أنشاء الله تعالى
وأن متأكد أن بنتى عبقريه
مبروك حتى مطلع الفجر
ومبروك من الفجر حتى العشاء
ومن العشاء للفجر طبعا هتكونى مستريحه من التعب , ربنا يبسطك
عموووووووووووووووووووووووووووووووو
مين
محمد
صح

♥نبع الغرام♥♪≈ said...

السلام عليكم

وحشتينى قووووووووووووووووووووووى فينك كل ده يوه الكمبيوتر ده مش هيجبها البر معاكى ولا ايه
عاااااااااااااااااا

ان شاء ربنا يعوضك باحسن منه يارب مش تقلقى
وان شاء الله الاحسن والخير ليكى وربنا يسعدك يارب ويوفقك ويبعد عنك اى سوء

اختك انوسه

ليس فقيرا من يحب said...

السلام عيكم
الف مبروك يا حبيبتى
ربنا يوفقك يارب
ويحققلك كل احلامك

تقبلى تحياتى

adel said...

ايه كل ده :):)
و ان اسمي فين ؟؟؟
:(:(:(

بس مبروك علي التكليف و ربنا بيحبك بجد
و كمان الماجيستير و اشوفك دكتورة قد الدنيا كده و تعلاجيني ببلاش
هههههههه

وبعدين صحيح
ولا بلاش خلاص
المسامح كريم و عمر و محسن

دومتي بكل وز و فراخ
بس خالي بالك من انفلونزا الطيور

صوت من مصر said...

سيبك انتى
مفيش احلى من حاج واحده وهى صنع فى الصين
وشحاته الشعب المصرى
ومبروك

ستيتة said...

اجمل ما في الأخبار دي كلها بجد انك فرحانة ومتحمسة
ايييييييييييييييه ها اسيبك للزمن لا عتاب ولا ندم
وربنا يتقبل عمل بتعمليه خالصا لوجه الكريم
وربنا يعينك على تمهيدي الماجستير بقى ويفرح قلبك

تحياتي وبوستك طويل لكن انبسطت جدا جدا جدا وانا بقرأه

قلب ارهقته الاحلام said...

حمد الله ع السلامة ياقمررر

ووحشاتينا بجد

الحمد لله انك طمنتينا عليكي ^^

ربنا يوفقك للخير دايما

دمتي بألف خيررر

تحياتي ,,,,

قلم رصاص said...

السلام عليكم ورحمة الله وبركاته

ألف مبروك يادكتورة على الشغل وعلى الفرحة اللي حاسينها ماليه قلبك حقيقي مبسوطين جدا عشانك وربنا يوفقك

بس قوليلي بقى مين البتاعة دي (شرنقاش) بتيجي من أي صديلية في مصر يعني
ههههههههههههههههههههههههه

طب هي بتتاكل ولا بتتشرب ولا ايه حكايتها يعني .. طب هل تم اكتشافها في مصر من زمان ولا حديثة العهد .. وليها حل ولأ يعني
ههههههههههههههههههههههه

بخصوص مركز الأورام والتبرعات انا بصراحة مصدوم من الوضع انا عارف طبعا ان التبرعات دي حقيقية وفيه فعلا ناس محتاجة وفيه فعلا برضه تبرعات كتيرة جدا وبتحل مشاكل ناس اكتر

لكن اللي صادمني انك تقولي ممكن حقنة كيماوي واحدة لمريض فقير تتعدى ال 1300 ج

في حين انك لو قريتي البوست الاخير عند عمنا كلنا فشكول بيه هتلاقي حاجات توجع القلب وتوقف العقل عن النمو الطبيعي له

هتلاقي واحد زي عاطف عبيد بعد ماطلع من الوزرارة شغال في بنك بمرتب نصف مليون جنيه شهريا ووكذلك الأمر وززير الاسكان السابق بياخد مليون وشوية

مش حقد ولاحسد بس زعلان من التناقض الحكومة تدي الناس دي بلاحدود وفي نفس الوقت مصدعانا بحملات جمع التبرعات للناس الغلابة في مستشفى الاورام

------

واللي ضحكني اويي بصراحة في البوست حتة العلبة اللي مكتوب عليها هدية من الشعب الامريكي ، وفي نفس الوقت مصنوعه في الصين
هههههههههههههههههه

بجد تجنن والله الحتة دي

على فكرة تلاقيها في الاساس يا اما كلها امريكية او يا اما انها صينية
لكن بمجرد دخولها الحدود المصرية حصل لها تحول جيني وحول في النظر وبقت بالشكل اللي حضرتك وريتوهولنا ده
ههههههههههههههههههه

سبحان الله فعلا

المهم باقول من كل قلبي ألف مبروك
وربنا يوفقك دايما في المرحلة الجديدة وخصوصاالماجستير وانا اشجعك عليه جدا
طلب العلم صدقيني له مذاق خاص في اي وقت من حياة الانسان خصوصا ان كان عنده اهدافه اللي بيسعى لتحقيقها

دمتي في حفظ الله وطيبتم وطاب سعيكم وممشاكم

قلم رصاص

وردشان smilyrose said...

وحشتييييييينى مووووووووووت

الف مبروك

ويارب تكونى من المميزين يا سووووووول

ياريت نعرف مواعيد الاجازات بسرعة

هههههههههههههههههههه

عشان نعرف نتقابل بقى

ايه دا

وحشتينى بجد

وعذرا على التقصير

blue-wave said...

احمدى ربنا انك اترحمتى من الوحدات الصحيه وقرفها
تحياتى

احساس طفلة محبة للرومانسية بس واقعية said...

اية الاخبار الجميلة دى كلها ربنا يديمها عليك ويديم عليك حماسك واحساسك دا

جميل انك تحسى انك بتادى دور مهم وبتحققى ذاتك وبتختارى الاصعب رغم ان الاسهل موجود

ربنا يوفقك كمان فى الماجيستير
بالتوفيق يا قمر
تقبلى مرورى

Ramy Wasel said...

مبروك الاستلام
وبعدين ما الوحده زى الفل اهو
عاوزه ايه تانى
مش علشان يعنى امريكا بتعايرنا بالمعونه
نقوم نزعل
كل حاجه فى مصر ماشيه كده
عربيات الاسعاف مكتوب عليها
من الشعب اليابانى الى الشعب المصرى
عاوزين فضايح اكتر من كده
على راى المثل
متعوده دايماااااااااااا

Darsh Basha said...

الف مبرووووووووووك
ياسول على التكليف اللى المدونين كلهم كانوا مستنينوا بفارغ الصير..وانا اولهم
علشان بجد وحشوتينا

ووحشنا مواضيعك

بس المبانى اللى مصورة بالجامعة دى مبينة انة مبنى فخم
والصور اللى انتى مصوراها..مبيناها انة دوار

يالا مبروك للمرة الثانية
وربنا معاكى وتجيبى كمبيوتر جديد

rssamet_algera7 said...

يعطيكي الف عافية سووول
ربنا يوفئك

assafo anaroze said...

سول العزيزة ربنا يوفقك كمان و كمان
بالفعل لما الانسان بيحس انه بيعمل حاجة للناس و يقدم خدمة جليلة للناس اكيد بيرتاح بالرغم من العمل الشاق اللي بيعملوا
سعيد لك جدا يا سول و يا رب تكوني سعيدة و بقي اسألي

assafo anaroze said...

ممكن اتواصل معاك عالنت نفسي اتعرف على الشخصية الرقيقة شخصية سول
اميلي :assafo7@hotmail.com
مودتي

rssamet_algera7 said...

هنا تعليقي على مقطع الفيديو
ربنا يهدينا ويحسن خاتمتنا اجمعين
الفيديو بيقشعر البدن
" ربنا ىتنى فى الدنيا حسنة وفى الآخرة حسنة وقني عذاب النار والقبر "

تقبلي تعليقي

اقصوصه said...

اممم

قرأت التدوينه من الالف الى الياء

جميل جدا ان الانسان يشتغل

في مجال تخصصه

ويكون مستمتع بالشيء اللي يسويه

سعيده جدا لسعادتك

الله يوفقك لكل ما فيه خير :)

فارس عبدالفتاح said...

الف مبروك على قبول الماجستير ......................ربنا يوفقك

وحي القلم said...

السلام عليكم

الف مبارك يا سول وعقبال العريس

mohamed ghalia said...

ربنا يعينك على الى جاى
وبالتوفيق دايما

تأثير الفراشة said...

الف مبروك على التكليف و الماجستير، ربنا يوفقك

و انت بتحكى عن لفة التكليف و الاجراءات ، فكرتينى بأول ماجيت استلم تكليفى و برضه كان فيه انتداب ، حاسة بيكى جدااااا
:) :)

ربنا يعينك و يستخدمك دائما فى الخير

ن said...

السلام عليكم
الغالية الدكتورة.. سول
مبروك .. الف مبروك
انا هنا لأطمئن عليكى وأعانك الله على تحمل المسؤلية وتأديةواجبك ورسالتك فى الحياةعلى أكمل وجه وتعودى لنا بالسلامة يا دكتورة
مع خالص تحياتى

maha zein said...

السلام عليكم ورحمة الله وبركاته
اذذذذذذذذذذذذذيك يا سووووووووووووووووول يلي برنلك سعات الفجر ومبتعبرنيش

يا ست يا بتاعت الوحدة
انتي كمان جهازك باظ

طيب ما تشوفلنا حد يشوفلنا جهازين كده


عموما الصور وهم
يا بنت الايه انتي بقه اعدة في الطبيعة دي كلها

عموما عموما شغلك كله بحس انه اكتر حاجة ليها فايدة
شغل الطبيب ده نعمة كبيرة


ربنا يوفقك يا حبيبتي
واعذريني لغيابي
انا قلت ابات عند تيتا عشان اسلم عليكم والله
ابقي رني يا ست انتي
لحسن اكسر بقية كراسي الوحدة المتدشدشة عليكي بقه
حاكم انا بضرب علطول بالكراسي

جلال كمال الجربانى said...

السلام عليكم

تهانينا القلبيه بالعمل
لكن قولى لى ليه إستلام العمل فى مكان والعمل فى مكان أخر
وكل شهر حتدوخى على القبض؟؟
ومبروك على التسجيل فى الماجيستير
وعقبال مانهنيكى بالدكتورا
وربنا يصلحلكِ الأحوال

تحياتى

تامر علي said...

المكان جميل فعلاً ...لكن الاجمل ان الانسان يحب عمله ..كده المعادلة تكتمل

ربنا يسهلنا ولك الامور كلها ويرزقك بكمبيوتر آخر صيحة أو حتى لاب توب :)

تحياتي :)

الخبز قبل الحب أحياناً said...

ربنا يوفقك ويعينك
ويبارك فيكى
ويحققلك كل اللى تتمنيه
اتمنى الزيارة

الفاتح اليعقوبي said...

السلام عليكم
وفقك الله في عملك وأعلمي أن عملك هذا رسالة فليني للمرضي وابذلي أقصي مافي وسعك تجاه هؤلاء المساكين رد الله عليهم صحتهم

وجاءت لي 0خاطرة بسيطة وانا أقرا البوست هذه الاجهزة مهداة من الشعب الامريكي إلي الشعب المصري ماذا لو حدثت بيننا وبين أمريكا مشكلة وجاء الدور علينا بماذا سنعالج مرضانا عفوا بل بماذا سندافع عن انفسنا علي اعتبار أيضا أن الاسلحة التي تأتينا مهداة من الشعب الامريكي
وعامة لعله خير أسال الله أن يعينا علي نهضة هذه الامة وإخرجاها من غفوتها

وعامة لعله خير

وحمد لله علي السلامة
والسلام

Sweet Violet said...

حمدلله على السلامة ياقمر
و مبروووك لكل الاخبار الحلوة دى
ربنا معاك و يوفقك يارب

اسماء واحلام فى وجدانى said...

فين الجلوكوز

يا مؤمنين

م/ الحسيني لزومي said...

الف مبروك والي الامام دائما

طالبه الفردوس said...

السلام عليكم

الف حمدالله عالسلامه وان شاء الله ربنا يبدلك جهاز خير من جهازك اللى سلم نمره
وبجد ما شاء الله المكان روعه ويريح الاعصاب جدااا
اما بالنسبه للمعونات الامريكيه المستورده من الصين فاحنا بقينا شعب مصرى بنكهات متعدده للاسف ربنا يرحمنا ويخرجنا من الدنيا دى على خير ولازم نفوق شويه ونفهم الاحتلال الاقتصادى كويس
وبالنسبه للفيديو رااااائع

جزاك الله كل خير يا دكتوره وبالتوفيق دايما ان شاء الله

Soul.o0o.Whisper said...

أيوووووووووووووشة
هلا هلا بالقمر
والله انتوا كمان وحشنى مووووووووت

دعواتك يا جميلة
......................

اسماء واحلام فى وجدانى

وجون و جون و جووووووون
مبروك عليك الوقت بدل الضايع
و هارد لك أيوشة
;)

متشكرة جدا لسؤالك
........................
د. ياسر عمر عبد الفتاح

د.ياسر
حمدلله ع سلامتك أولا ولو انها متأخرة

ولولا اختلاف الاراء ايه؟؟
بالظبط كدا ماكنش يبئا فيه ماجستير و لا دبلومات
:)

.......................
mohamed

عموووووووو محمد
ماشى يا عمو
شمتان فيا و مبسوط

ماشى ماشى
ربنا يبسطك كمان و كمان
:)

متشكرة جدا لحضرتك
...........................

عاشقة الأحزان

و عليكم السلام و رحمة الله و بركاته
هلا أنووووسة
والله انتى كمان وحشانى موووووووووت

يارب تكونى بخير
و دعواتك يا جميلة
............................
سناء الملك

متشكرة للزيارة
و بإذن الله أول ما ارجع بشرفنى زيارة مدونتك

..........................
ليس فقيرا من يحب

و عليكم السلام و رحمة الله و بركاته
اهلا بيكى فى المدونة
و متشكرة جدا لكلماتك
و يشرفنى زيارتك قريبا ان شاء الله
......................

adel

عااااااااااااااااادل
اكيد اسمك فى الحفظ و الصون انت بتتكلم ازاى؟؟

بجد متشكرة جدا ليك
و يارب موفق انت كمان فى حياتك

دعواتك
بش بلاش انفلونزا فى النص
:)
...................

صوت من مصر

ههههههههههه
دايما فى الصميم يا كيمو

يارب تكون بخير
....................

ستيته حسب الله الحمش

د.ستيتة
يا هلا يا هلا
والله أنا مبسوطة جدا

دعواتك ليا ربنا ييسر لى أمورى
و دايما منورة
...................
قلب ارهقته الاحلام

الله يسلمك يا جميل
و دعواتك ربنا يصلح حال الجهاز
عشان بجد وحشتونى جدااااااااااا

.................

قلم رصاص

و عليكم السلام و رحمة الله و بركاته

اولا كدا عشان مانزعلش من بعض مالكش دعوة بشرنقاش خالص
باقولك اهو
البنية قاعدة فى حالها و ماتكلمتش

و كمان بنشحت باسمها و بردوا ساكتة
تعمل ايه اكتر من كدا؟؟!!
:)

أما بالنسبة للمركز ففعلا الكيماوى غالى جدااااااا
و المركز مديون لشوشته والله
و مع ذلك الحمد لله لسه قائم و كل اللى فيه صراحة ناس جميلة جدا
ربنا يكرم الجميع و يتم شفى كل مريض

بجد متشكرة جدا ليك
و بالتوفيق لك انت كمان

..........................

smilyrose

سمايلتى الجميييييييييييلة
والله ربنا اعلم انتى كمان وحشانى ازاى

بصى يا ستى عندى اجازة الجمعة بسسسسسس
بس ربنا ييسر و أشوفكم قريب
ياااااااااااارب

يارب تكونى بخير
........................

blue-wave

د.عمرو
الحمد لله على كل حال

كل مكان و له مشاكله
بس المهم الناس تكون متفاهمة وو متعاونة
:)

...................

احساس طفلة محبة للرومانسية بس واقعية

هلا هلا بالجميل
ربنا يكرمك يارب يا قمر
و يوفقنا جميعا للى فيه الخير

....................

Ramy Wasel

هههههههههههههه
حلوة متعودة دااااااااااايما دى

عادى عااااااااااادى
لازم نقبل كل حاجة بروح رياضية
:)

Soul.o0o.Whisper said...

mosooz

الله يبارك فيك يارب

بس الصور الاولانية دى للوحدة
و الصور اللى من على النت دى حقيقية

دعواتك بئا ربنا ييسر الامور
.........................

rssamet_algera7

هلا بالغالية
و دايما منورة يارب

ربنا يهدينا جميعا
ياااااااااااااارب
و يوفقنا لما يحب و يرضى
........................

assafo anaroze

أنا فعلا متأسفة جدا
عارفة انى مقصرة فى حق الجميع
لكن ربنا يصلح الحال عن قريب يارب

و تمت الاضافة
:)
..................

اقصوصه

اقصوصة الجميلة
ربنا يكرمك و يسعدك دايما يارب
و دايما تنورينى

...................

فارس عبدالفتاح

متشكرة جدا ليك
و ربنا يوفقك انت كمان فى حياتك كلها

.....................

مصعب صلاح

و عليكم السلام و رحمة الله و بركاته

الله يبارك فيك يا مصعب
بس عقبال ايه؟؟؟

معلش مسمعتش
اصل سمعى بيتقل ساعات كدا من نفسه3
;)

..................

mohamed ghalia

اللهم آمين يارب
و ربنا يوفقك انت كمان للخير دائما

.....................

تأثير الفراشة

بجد ؟؟؟
انتى كمان؟؟

طب خلاص عاوزة ابئا اعرف منك ماشية ازاى و عاملة ايه؟؟
بس الشاشة تيجى بس
يا مسهل
:)

....................

ن

استاذتى الغالية أمل
بجد وحشتينى جدا جدا جدا
يارب تكونى بخير

و ربنا يستجيب منك ياااااارب

.....................

maha zein

و عليكم السلام و رحمة الله و بركاته
موهااااااااااااا
هلا يا جميلة
والله وحشانى يا بنتى انتى كمان

لو لقيتى حد ابعتهولى على طول
:)
يارب تكونى بخير

Soul.o0o.Whisper said...

واحد من العمال

و عليكم السلام و رحمة الله و بركاته
متشكرة جدا لحضرتك

اما بالنسبة للشغل
فأنا ممكن استمر فى الوحدة عادى

لكن الانتداب دا بيكون وقتى
يعنى سنة اتنين تلاتة
و بارجع مكانى الاساسى
عشان كدا المرتب بيكون من المكان الاساسى

.........................

تامر علي

فعلا الواحد لازم يكون بيحب اللى بيعمله

و بالنسبة للجهاز يااااااااااااارب
:)

...................

الخبز قبل الحب أحياناً

بأشكرك جدا للزيارة الجميلة

ووعد ان شاء الله أول ماجيب الشاشة
أوفى حق الزيارة
:)

.................

الفاتح اليعقوبي

و عليكم السلام و رحمة الله و بركاته.
فعلا كل لحظة فى حياتنا المفروض تكون لله
و عمل كل شخص فينا المفروض يكون رسالة يحاول يأدى حقها


أما بالنسبة لأمريكا و غيرها
فيكفى أننا مسئولون أمام الله على تقصيرنا إلى هذا الحد

.................

Sweet Violet

حبيبتى الجميلة
الله يبارك فيكى يارب
معلش مقصرة فى حقك سامحينى

..................

اسماء واحلام فى وجدانى

ها؟؟
ايه الاخبار؟؟؟

..................

م/ الحسيني لزومي

الله يبارك فى حضرتك
و متشكرة جدا

................

طالبه الفردوس

و عليكم السلام و رحمة الله و بركاته
يااااااااااااااااااارب اللهم آمين

اما بالنسبة لأمريكا و الصين
فدا عشان يعرفوا اننا شعب متسامح و يقبل من الغير بصدر رحب

يعنى مش عامل تكليف
ههههههههههه
الله المستعان

オラアルス said...

بعد طول معاناة استلمت فى وحدة اسمها" شرنقاش( ..و محدش يقولى يعنى ايه عشان) معرفش
ههههههههههههههههه
شرنقاش من الشرنقة والظاهرالمنطقة مليان فيها شرانق هههههههههه
>>>>خلينا احللها بكيفي
فينك يابت ؟
على فكرة مكملتش بعد صور الصيدليه من النت بس قرأت الكلام الللي قبلو وبكفي وبعدين بنكمل الباقي
بس جد فرحت لأن كنت بدعيلك من قلبي ربي ييسرلك ناس طيبيبن بشغلك
مبرووووووووووووووك خيتو
عقبال العريس ;)