الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Aug 19, 2009

رمضان جـــــــــه ... و أنا كمــــــــان




كيفكم يا شباب؟؟؟ كل سنة و انتم طيبين و رمضان كريم على الجميع يارب ... و أسأل الله أن نكون جميعا من المقبولين فيه ... اللهم آمين


المهم ... بجد بجد وحشتونى جداااااااااا ، و أحب أبشركم إنى الحمد لله الحمد لله الحمد لله ... لالالالا ، لسه ماصلحتش الجهاز ، ماتفهمونيش صح ... ههههههههه


لا بجد الحمد لله من يومين جت الشاشة ، و خلاص الحمد لله نزلت الويندز رغم ان فى شوية مشاكل و الصوت مش راضى يشتغل مش عارفة ليه ؟؟!!... بس قلت بردوا لازم أدخل بئا و أهنيكم كلكم بحلول الشهر العظيم ، و ... ماقولتوليش صحيح إيه رأيكم فى النيو لوك؟؟؟ الحياة مع دخلة رمضان بئا لونها بمبى اهى ، بس عشان الدنيا حر قررنا التنازل عن بئيت مقاطع الاغنية : )


هو صحيح أنا لسه مجددة الدهانات و العفش من مدة صغيرة ، بس لأن التغيير كان غير واضح ، قلت لازمن و لابدن إنه يوضح كمان رمضان مش اى حاجة يعنى ، و بعديه العيد .. و مش ناقصة وجع دماغ تانى فى الترتيب و الترويق ، هى مرة واحدة و أخلص ... ماعدنيش وقت صراحة << ناس مهمة ... ; )



بجد وحشتونى جدا و كنت حاسة كدا لما الشاشة جت الحمد لله و دخلت نت احساس اللى كان غايب عن اهله و رجع ، اه والله العظيم .. ياااااااااارب مش نتفرق ابدا ، و تكون معرفة خالصة لله .

و قلت بئا ألكلك معاكوا حبة قبل دخول رمضان يعنى انتوا عارفين الواحد مش ناقص ذنوب فى رمضان ... : ) ،رأى شخص ما كان بيقول : أنا قلت اسرقه قبل رمضان ، اصل السرقة فى رمضان حرام << قال يعنى فى غيره حلال .... ماعلينا .


أحكيلكم بئا ايه و لا ايه .... أصل الاسبوعين اللى فاتوا دول كانوا حكااااااية ، بجد ...

صحيح الأول ، بالنسبة للبوست قبل اللى فات ، أستاذى العزيز / قيس بن الملوح قاللى انهم بيقولوا ان الاحتفال بالنصف من شعبان بدعة .. رغم انى مش عارفة هما انهى فيهم بالظبط بس هو اه .. الاحتفال بالنصف من الشعبان لانه النصف من شعبان بدعة .. لم يرد ان رسول الله و لا احد من التابعين احتفل بها ، و سأل أخى الفاضل / فارس عن ان كان فى حديث بالتواتر فى صيام ليلة النصف من شعبان و الحقيقى ان ما بلغنى فى فضل هذه الليلة أنها ليلة ترفع فيها اعمال السنة الى الله ، فمن كانت خاتمة سنته حسنة و بدايتها حسنة غفر الله له ما بينهما ، و أنا لما قلت نصوم اليوم أو نصلى ركعتين أو نقرأ شئ من القرآن ، فماكنش قصدى أبدا اننا نعمل كدا لانها ليلة النصف من شعبان ، لكن قلت لأنها ليلة ترفع فيها الاعمال ، فأكيد نحب ان ساعة مانيجى نقدم تقرير لرئيسنا فى الشغل مثلا انه يشوفنا بنشتغل و التقرير اول صفحات فيه جد و اجتهاد يقلب الصفحات يوصل للاخر يلاقى جد و اجتهاد ..فيتبسط منك ،

و لله المثل الاعلى ، رغم انه لا تأخذه سنة و لا نوم ، و رغم ذلك لما يشوفك على طاعة يفرح بيك و يغفر لك ما كان منك ... ربنا يغفر لنا جميعا و يعفو عنا يااااااااارب

و كمان كان رسول الله صلى الله عليه و سلم عندما يُسأل عن صيام الاثنين و الخميس يقول هى ايام ترفع فيها الاعمال فأحب أن يرفع عملى و أنا صائم .. فلهذا يحبب صيام هذه اللية و خاصة أنها ترفع فيها أعمال سنة كاملة ..

أتمنى تكون وجهة نظرى وضحت ليكم !!!


مممممممممممممم .. ياللا نبتدى رغى بئا؟؟ نرغى ؟؟

طب نبتدى من الاول و نقول بسم الله الرحمن الرحيم .. << هى القعدة لسه هتطول؟؟؟

لالالالا ، أنا مش عاوزة زهق من أولها ، اللى نفسه فى كيس لب ، كيس سودانى ، مكسرات .. عصاير ، تقعد كدا و تستربع مش عاوزين تكتيفه ، اه عشان تسمعوا من الاول للآخر ... استعنا عـ الشقى بالله ..


الاول الاسبوع اللى فات دا كان صعب عليا بجد ، لأن زى ما قلت لكم قبل كدا ان الصيدلية مش فيها غير اتنين صيادلة بس و ماسكين التلت فروع بتاعتها فطبعا ضغط جامد عليهم و ماصدقوا صيادلة جداد يروحوا علشان يستريحوا شوية ، و الاتنين دول اصلا من الدفعة اللى قبلنا على طول فدا شئ كويس جدا لأننا مش حاسين بفرق خالص مابينا ..

المهم ان مافيش اسبوع من الاستلام لقيت واحدة فيهم بتقولى ايه ، طبعا أنا بئالى سنة ماشفتش اجازات ، و الحمد لله انكوا جيتوا ، هآخد بئا أسبوع اجازة و انتى تشيلى مكانى لحد ما أرجع ... أنا واثقة فيكى ، و مطمنة والله و انتى قدها و قدود و قعدت تنفخ فيا لحد ما الفاس وقعت فى الراس و مضيت القائم باعمالها لحد ما ترجع .. و عينكم ماتشوف الا النور ، قضيت اسبوع ما يعلم بيه إلا ربنا ...

بجد تعبت جدا ، و مش حكاية المسئولية اللى كانت تعبانى اد احساسى انها حاجة واحدة تانية و هى أمانة فى رقبتى ، المهم .. طبعا كنت اقعد افقط التذاكر << ايوا هى اسمها تفقيط .. و اقوم اصرفها ،و اراجع الدفاتر و المنصرف اليومى و التسجيل فى الشهرى و افلام ..ماكنتش باحس فعلا الا و احنا مروحين


بس أكتر الايام فعلا اللى بتكون زحمة هو يوم الاربع ، دا مش بنعرف نبص حوالينا اصلا ، فعلا اليوم دا كان نااااااااار ، أنا ماحستش أصلا إلا و أنا بأقول للممرضة انزلى بعد نص ساعة أكون صرفت بأبص فى الساعة لقيتها 3:30 ...ياربىىىىىىىىىى ، نص ساعة مين ؟؟؟.... خليكى واقفة و دخلت أصرف كنت يادوب لسه مخلصة العيادة و بادئة فى القسم الداخلى ، طبعا كان لسه قدامى و لا ييجى 50 تذكرة ، و إذ فجأتن لقيت الصيدلية كلها داخلة تصرف معايا .. اه و ربنا << ماهما عاوزين يروحوا بردوا مش هيقعدوا يستنوا حضرتى .. : )


و دى تراجع و دى تصرف و انا اصرف و لو فى تفقيط يتفقط ، و كانت هيييييييييييييصة ، و الدكاترة يا ولاد ، و دى غلط الدكتور يصلحها و يمضى جنبها ، و دى اعمليها لاغى و امضى جنبها ، و ها .. قولى اللى موجود فى التذكرة و انا أجيبهولك عقبال ما تفقطى .. ههههههههههه بجد كان يوم عصييييييييب ، بس افتكره و اضضضضضضضحك ،


طبعا انا فضلت بأعيط لحد يوم السبت ، لأن طبعا حصلت فيه لخبطة جامدة و تذاكر اتصرفت مرتين و حاجات ماتصرفتش و عملت جرد يوم الخميس و لقيت الدنيا باظت رغم انى كنت جرداها الاربع الصبح قبل اللخبطة دى كانت الدنيا تمام ، فطيعا قضيت الخميس و الجمعة نفسيتى سيئة جدا و ماليش نفس أكلم حد ، و كوابيس بئا مش عاوزة أقولكم ، و قررت انى خلاص مش هاقدر اعمل حاجة الا لما صاحبة الحاجة تيجى و تشوف هنعمل ايه ...


بس الحمد لله ليلة السبت بئا حلمت ان التذاكر المصروفة مرتين رجعت و اننا ظبطنا الحاجة و كله بئا تمام ، و فعلا الحمد لله يوم السبت رجعنا الحاجات الزيادة و الدنيا اتظبطت و بئت تمام و تنفست الصعداء ... أخيييييييييييييييرا أخليت ذمتى هههههههههه .. بس كان أسبوع ، أحلف بيه والله


المهم بئا كمان انى رحت اتفسحت قضيت نهار فى دمياط و الليل على البحر فى بورسعيد ..بجد كان يوم راااااااائع ماعكروش غير احساسى بالذنب .. و طبعا رجعت أخدت دور برد أروع ، لسه يادوب النهاردة بادئة أفوق منه ... خير الحمد لله ..



ايييييييييييييه ... لكيت كتير أنا عارفة ، بس عاوزة أرغى معاكوا ، عندكوا مانع ؟؟

انتوا مابترضوش ليه؟؟؟ ها؟؟؟ ... يا جماعة؟؟؟ يا شباب؟؟؟ يا قوم؟؟؟


ماعلينا ... هأكمل رغى بردوا ، عاوزة أقولكم كمان انى الحمد لله والله رغم كدا باحب المكان و الناس اللى فيه ، رغم ان كل مكان فيه الحلو و الوحش ، بس الحمد لله حاسة إنى مستريحة ، خاصة المديرة بتاعتنا ، بجد مديرة رااائعة و أنا بحمد ربنا الحمد لله ان ليا مديرة زيها ... انسانة بجد ، و بتراعى كل واحد ، و مش بتحب ترسم نفسها ، بالعكس عادى يعنى تحس انها اختك الكبيرة ، و تنصحنا و تدينا من خبراتها و مش بتمنع عننا حاجة ، طبعا كل فترة تطمن علينا احنا الجداد و تحاول انها تحمسنا و تعينا على صعوبة الشغل لأنها عارفة اد ايه هو صعب ، بس الحمد لله لما بتكون مع ناس مستريح لها و حاببها دا بيهون عليك كتير ، و قعدت معانا فى يوم و قعدت تنصحنا و تنبهنا و أنا بصراحة من كلامها كنت هأعيط بس الحمد لله مسكت نفسى ، كنت هأتفضح قدام زمايلى ... ماعلينا ، هأحاول أقولكم شوية من الكلام اللى قالتهولنا -على وجه التقريب- :" طبعا أنا عارفة ان الشغل كله ورق و دفاتر و انكم ماخدتوش كدا فى الكلية ، بس بئا مانكابرش و نقول أصلنا ماخدناش دا فى الكلية ، انت مش بتتعلم فى الكلية عشان تقول اخدت و ماخدتش ،لا أنت بتتعلم عشان لما تتخرج و تمسك شغل زى دا تكون اد المسئولية ، و بعدين كلنا بنتعلم من بعضنا ، و اللى ميعرفش يسأل مش عيب ، أنا اهو لما حد يسألنى سؤال أحب الاول أسأل حد يأكد لى المعلومة أو لو مش عارفاها يعرفهانى ، و عادى مش عيب ، لا الولد يقول لا ماتعلمش من بنت ، و لا بنت تقول لا ماتعلمش من ولد ، كلنا بنتعلم من بعض و مفيش حد كامل ، و بالنسبة للتعامل مع المرضى أوعوا أوعوا أوعوا اسمع ان صيدلى زعق مع مريض و لا مريض اشتكى منه ، اوعوا يا ولاد .. دى ناس تعبانة ، عارفين يعنى ايه تعبانين ؟؟ دا الواحد لما بياخد دور برد بيبئا مش طايق اللى قدامه و اوعوا محدش يكلمنى أنا تعبان ، و يا ماما هاتيلى و يا ماما سويلى ، و انت نايم فى السرير ملك .. دى ناس يعنى عافانا الله ربنا ابتلاها بمرض مجرد اسمه بنخاف منه ، فيعنى الناس دى بتكون مش متحملة و بتكون جاية أصلا هى عاوزة تتشاكل ، مش نقمة عليك كشخص لكن من اللى بيها ، و كمان الدكتور يزعقله و يتحكم فيه و الممرضة تشخط فيه ، فيعنى مانكونش احنا و الزمن عليه ... أعوذ بالله هو مش الزمن ، يعنى هو امتحان ، بس يعنى مانزودتش الامتحان عليه ... هو عاوز حد يطبطب عليه و معلش يا حاج ، و ان شاء الله ربنا يخفف عنك ، و ان شاء الله ربنا هيكرمك ، انت مهمتك انسانية اكثر منها طبية ... و بالنسبة للممرضات أوعى اسمع ان حد شد مع الممرضات ، حتى و ان هما بدؤوا او قالوا كلام مايصحش ، تقولولهم لو سمحت كفاية كدا ، و دا مش مكان يتقال فيه الالفاظ دى و تنهوا الموضوع ، مش بئا انتى مش عارفة انتى بتكلمى مين ، و أنا دكتورة ماتكلمنيش بالطريقة دى ...لالالالا ، احنا ناس محترمين بتعامل باحترام "

و نكتفى بهذا القدر من المحاضرة و نتوقف مع فاصل اعلانى قصير و نعود لمواصلة الحوار ، قصدىىىىىىىىىىى الرغى ... : )


طبعا انا قلت كفاية عليكوا كدا عشان مانعيطش مع بعض ، يعنى كفاية الدنيا حر و الواحد مش مستحمل ...


فى حاجة تانية أحب أرغى فيها؟؟؟؟ امممممم ..... امممممممممم

مش عارف ... طب نخليها لمرة تانية بئا ، كفاية عليكوا كدا ، قوموا ناموا بئا تصبحوا على خير : )

دمتم جميعا فى رعاية الله ، و كل سنة و انتوا طيبين مرة تانية ، أروح أسلم عليكوا فى مدوناتكم بئا

سلااااااااااااااااامٍ


61 comments:

Soul.o0o.Whisper said...

أوووووووووووول تعلييييييييييييييييييق

هييييييييييييييييييه

حجزززززززززززززززز

Soul.o0o.Whisper said...

ياه ياه ياه

الواحد بئاله كتير محجزش
و لا حس نفس الاحساس دا من زماااااااااااان

ههههههههههههههههه

Soul.o0o.Whisper said...

طب ناخد كمان التالت

عشان تبئا التالتة تابتة

:))

adel said...

انا اول تعليق يعني

adel said...

شوفتي بقي الصدف

طبعا اولا و اخيرا
كل سنة و انتي طيبة ورمضان كريم
ويعود عليكي الايام بخير يارب

طبعا لو علقت علي البوست هابقي بفتي
:):)
فهسيب العلم لاهله بقي عشان محدش يزعل
:):):)

وايه كل الشغل ده
ده انت مرفهة بقي
ومش بتشتغلي
هههههههههههه

ربنا يعينك

وكفاية رغي بقي

♥نبع الغرام♥♪≈ said...

انا بقا تانى تعليق

فووووووووووووووووووووووووو

♥نبع الغرام♥♪≈ said...

مبروك على الشاشه ياقمر الحمد لله رجوعك لينا بالف سلامه

♥نبع الغرام♥♪≈ said...

ومبروك النيو لوك الجديد ايه الجمال ده كله

بجد تحفه قوووى

♥نبع الغرام♥♪≈ said...

ربنا يوفقك ويسعدك حبيبتى ونورتى البلوجر من تانى وان شاء رمضان سعيد علينا وعليكم وعلى الامه الاسلاميه وربنا يعنه على طاعته

وقيامه وصيامه

رمضان كريم

مودتى

Soul.o0o.Whisper said...

عااااااااااااادل

و انت طيب
و بجد متشكرة ليك جدا
دايما بترفع معنوياتى

ههههههههههه


انت بطلت بط و فراخ؟؟
هو انت بئيت بتخاف منهم بردوا
ياللا معلش

Soul.o0o.Whisper said...

أنوووووووووووووسة

حبيبة قلبى
والله ليكى وحشة كبيييييييييييرة
و رمضان كريم عليكى يا قمر


و الحمد لله ان الاستايل عجبك

دمتى فى رعاية الله يا قمر

مسدس صغير said...

كل سنة وانتى طيبة
رمضان كريم
ايه الاحتلال ده
انتى بتحجزى التعليق الاول كمان؟
ههههههههه
ماشى
فعلا ليلة النص من شعبان لم يرد فى شأنها اى شئ ولا حتى الاعمال بترفع فيها
الاعمال ترفع فى شعبان بصفه عامة
ده كلام احد العلماء المعتبرين
غير كده بئا ربنا يوفقك فى شغلك
مفيش لوك لوك ولا حاجة
انتى قلتى ايه يعنى
دول كلمتين ورد غطاهم
ههههههههههه
كل سنة وانتى طيبة رمضان كريم

kafrawy said...

كل سنه و انتى طيبه يا دوك ورمضان كريم

ع فكرة الشكل القديم انا شايف انه احلى و لو انها سنه الحياه
لازم تغيرى العفش و الدهان كل فترة برضه ههههههههههههه

سلام

rssamet_algera7 said...

السلام عليكم
كيفك سول ؟
بجد الف مبروك على الشاشة الجديدة
فرحتلك من البي
ومبروك النيو لوك الجديد..بيجنن
حاجة تشرح القلب
ومبروك علينا جميعا شهر الخير
رمضان كريم

ما تحرمينا من تواجدك
تحيتي لعيونك

Soul.o0o.Whisper said...

مسدس صغير

و انت طيب يارب و بصحة و سلامة

اه فعلا مفيش لوك لوك خااااااااالص

يادوب كلمتين و رد غطاهم
هههههههههه

و جزاكم الله خيرا على المعلومة
اول مرة اعرفها


دمت فى رعاية الله

Soul.o0o.Whisper said...

د.كفراوى

و انت طيب و رمضان كريم عليك

امممممممممم ... لولا اختلاف الاراء :)

متشكرة جدا ليك

دمت فى رعاية الله

Soul.o0o.Whisper said...

رسامة الجراح الجميلة

كل سنة و انتى طيبة يا جميل
و رمضان كريم على الامة كلها


و بجد بجد بافرح جدا لما باشوفك
و ان شاء الله حبيبتى اكون معاكم دايما

دمتى فى رعاية الله

ستيتة said...

اولا مبروك ع النيو لوك
ثانيا كل سنة وانت طيبة
ثالثا وببساطة انت بتشتغلي في رفاهية كبيرة قوي
ده انت كأنك في سبا وسونة وجاكوزي كمان ههههههههههههههههههههههه
رابعا بوست قصير قصير صراحة

ربنا يعيد عليك الأيام دايما بالفرحة

رحلتنا في الحياة said...

السلام عليكم ياسووووول ياقمر
كل سنة وانتى طيبة ياجميل يارب
مبروووك النيولوك ومبروكانك رجعتى اى نعم لسه عندك مشاكل فى الكمبيوتر بس الحمدلله انك رجعتلنا تانى وان شاء الله المشاكل كلها تتحل بسرعة
ربنا يعينك يااااااارب فى شغلك وانتى قدها وقدود طبعااااااا والحمد لله انك مبسوطة فى الشغل ربنا يوفقك كمان وكمان ياااااااارب

تامر علي said...

رمضان كريم :)

أعاده الله عليكم بالخير والبركة

تحياتي

حاجات جوايا said...

وحشتينىىىىىىىىىىى يا سوووول
غيابك طول قوووووووووى

ربنا يعينك يارب ويوفقك .. انتى اصلا ما شاء الله ادها وقدود


بس تعالى هنا
انتى جيتى تعملى ايه فى دمياط
؟؟؟؟؟؟؟
وتيجى وتمشى كده من غير ما حد يحس
انا زعلااااااانة
لو جيتى تانى تعرفينى
اتفقنا يا كميل


كل سنة وانتى طيبة يا حبيبتى
رمضان كريم عليكى وعلى اسرتك الكريمة وعلى الامة الاسلامية جمعاء


تعالى بقى خدى التاج
نياهاهاهاها
شريرة انا
بس ده تاج رمضان .. يعنى ميترفضش

مستنياكى يا سكر

رمضان كريم

mohamed ghalia said...

كل سنة وانتى طيبة يا سول
وربنا يسعد أيامك دايما

Anonymous said...

سول ابنتى الحبيبة
وحشنى خالص وكثير كنت بحاول ادخل وصفحة
التعليقات ماتفتحش
الحمد لله انها فتحت علشان
اقولك ياحبيبتى كل عام وانتى الى الله اقرب
بجد بجد سعيدة جدا انى عرفت اوصلك
دمتى ياحبيبتى بحفظ الرحمن

Unknown said...

رمضان كريم
يا دكتورة سوووول
و يارب يكون كله خير ليكى
و صحة و سعادة

بوست جميل
و ربنا يسعدك و يوفقك فى حياتك المهنية و حياتك كلها
--
مع تحياتى

فارس عبدالفتاح said...

والله مش عايز اخش في حوار طويل شوية

وسوف يكون من اراء اخرين وليس من رأيي لاني لست عارف او عالم به كثيراً واعرف عنك حسن نييتك وصفاء سريرتك

ولكن سمعت من الكثير من العلما وقرأت في بعض الكتب عن بعض الأأمة

انه لا يجوز لاحد ان يستن سنة لم يفعلها رسول الله

وانه لو علم رسول الله خيراً فيها لافعلها وامر بها

وهو اعلم الناس بالشرع والدين والعمل على التقرب الى الله

فلا يجوز ان نقيس شيء فعله الرسول او امر به الرسول في موضع اخر لنقيس عليه في مواضع اخرى حتى ولو تشابهت


وهذا هو راي جمهور ليس بالقليل من اهل السنة والجماعة ( اصحاب الحديث ) وهذا على مسؤوليتهم الشخصية بحكم علمهم بالاحاديث وبالشريعة وفقه الشريعة


فلذلك طلبت منك الحديث فاتيتي بحديث اخر عن رفع الاعمال في يوم الاثنين

على فكرة بما انك تحضرين حلقات الذكر وتتواصلين ببعض الدعاة فاكيد قد سمعتي منهم هذا او نهوكم عن هذا

فان حسن النية لا يعطي الحق للمسلم ان يتعدى حدود الشريعة ... وان هذا .. عفواً .. تطاول على الرسول بانه لو علم انه في هذا خير لفعله وامر به وانت لست اعرف ولا اعلم من الرسول


وهذا ايضا رأيهم


وانا انقله بكل امانة فقط لا غير لاحترامي لك ولتوضيح اشياء قد تكون غائبه عنك


واسألي في هذا ايضا .. حتى لا يكون كلامي غير قابل للنقاش والتمحيص

فارس عبدالفتاح said...

قال من أكرم الناس عشرة ؟ قال من أن قرب منح ، وإن بعد مدح ، وإن ظُلم صفح ، وإن ضويق سمح


قال من أجدر الناس بالصنيعة ؟ قال من إذا أعطي شكر ، وإذا منع عذر ، وإذا موطل صبر ، وإذا قدم العهد ذكر


قال فمن احلم الناس ؟ قال من عفا إذا قدر ، وأجمل إذا انتصر ، ولم تطغه عزة الظفر


قال فمن احزم الناس ؟ قال من اخذ رقاب الأمور بيديه ، وجعل العواقب نصب عينيه ونبذ التهيب دبر أذنيه

فاتيما said...

كل سنة و انتى بألف خير يا همس الروح
رمضان كريم عليكى بإذن الله
اسفة لأنى متاخرة ف الزيارة
بس النيولوك جميل و رقيق
و حمدلله على سلامة رجوع النت
كل الود ليكى يا عزيزتى
و رمضان كريم

سجود said...

كل عام وانتم الي الله اقرب وعلي طاعته ادوم

assafo anaroze said...

رمضان كريم و كل عام و انت بالف خير
ربنا يدخل عليك و علينا باليمن و السعادة و الخير و البركات
ربنا يدخل عليك و علينا و احنا في صحة جيدة و عافية
مودتي

صوت من مصر said...

كل سنه وانتى طيبه

تأثير الفراشة said...

الحمد لله على سلامتك و على سلامة الشاشة
:)

كل سنة و انت طيبة و إلى الله أقرب ، ربنا يتقبل منا و منكم بإذن الله

أتمنى أن تتذكرينى فى صالح دعائك

رمضان كريم ، دُمت بكل خير

Diyaa' said...

حمد الله علي السلامة يا دوك ورمضان كريم عليكي وبإذن الله تخرجي منه أحسن بكتير من دخولك ليه
وربنا يديم عليكي مديرتكم بجد إنسانة هايلة أوي وبتفهم

وكويس الموضوع عدي علي خير والحالة النفسية اتعدلت وبإذن الله متتكررش تاني

ربنا معاكي ونشوفك بخير دايماً ولو عايزة مساعدة في تعريف الصوت كلميني علي الياهو
رمضان كريم :)
كل سنة وإنتي طيبة

mimi said...

مبروك الدهانات الجديدة

ههههههههههههههههههههههه

mimi said...

اوعي تفهميني صح
هههههههههههههههههههه

mimi said...

كل سنة وانتي طيبة ومن رب العباد قريبة يارب

رمضان كريم

وحي القلم said...

كل سنة وحضرتك طيبة
واعاد الله علينا شهر رمضان بالخير واليمن والبركات

Soul.o0o.Whisper said...

د/ ستيتة الغالية

الله يبارك فيكى يارب
و كل سنة و انتى طيبة و رمضان كريم عليكى

عمالة أقولهم يا جماعة كدا هناخد على الكسل
يقولولى احنا عاوزين راحتك

مش عارفة اعمل معاهم ايه صراحة !!!

ياللا بئا معلش
هههههههههههههههه

ربنا يكرمك يااااااارب و تكون ايام خير و سعادة
دمتى فى رعاية الله

Soul.o0o.Whisper said...

آيوووووووووووشة

و عليكم السلاااااااام و رحمة الله و بركااااااااته

يا هلا يا هلا
كل سنة و انتى طيبة يا ايوشتى و رمضان كريم عليكى

و ياااااااارب مشاكل الجهاز تخلص على خير
بجد فعلا اهم شئ انى رجعت لكم تانى
ربنا ما يحرمنى منك ابدا

دمتى فى رعاية الله

Soul.o0o.Whisper said...

تامر علي

الله أكرم

و ياااااارب ايام خير و بركة على الامة كلها


دمت فى رعاية الله

Soul.o0o.Whisper said...

سلسولتى الغالية

أخبارك ايه؟؟؟
انتى كمان وحشتينى خااااالص

احم احم ... كنت بازور واحدة صاحبتى
معلش بئا
أكيد ان شاء الله ليكى زيارة
:)

بس كدا من اولها
تاااااااااااااج
عاااااااااااااا

طيب أمرى إلى الله

دمتى فى رعاية الله يا قمر

Soul.o0o.Whisper said...

mohamed ghalia

و انت طيب يا محمد
و رمضان كريم عليك يارب و على الكل

دمت فى رعاية الله

Soul.o0o.Whisper said...

أم مالك الغالية

والله حضرتك مش عارفة أنا مبسوطة اد ايييييه لما لقيت تعليق حضرتك

ربنا ما يحرمنى منك يارب و لا من سؤالك
و رمضان كريم على حضرتك يارب
و انتى الى الله اقرب

دمتى فى رعاية الله

Soul.o0o.Whisper said...

بدراوى

الله أكرم
و يارب انت كمان تكون فى صحة و سعادة

دمت فى رعاية الله

Soul.o0o.Whisper said...

أخى الفاضل / فارس

أولا كل سنة و انت طيب
و رمضان كريم عليك

و أجازة سعيدة بإذن الله

اما بخصوص الامر الذى أشرت إليه
و طبعا عندك حق جدا "فان حسن النية لا يعطي الحق للمسلم ان يتعدى حدود الشريعة"

دمت فى رعاية الله

Soul.o0o.Whisper said...

فاتيما

ياااااااااااااااه
حلم دا و لا علم؟؟؟

والله مش مصدقة
كل سنة و انتى طيبة يارب
و رمضان كريم عليكى
و كل سنة و سيفا بخير
و عقبال مليون سنة و انتى فرحانة بيه

دمتى فى رعاية الله

Soul.o0o.Whisper said...

سجود


اللهم آمين يارب و اياكى


منورة يا جميل

د. ياسر عمر عبد الفتاح said...

حمد الله علي السلامة يا دكتورة
يارب تكون أخر الغيابات

كل عام وإنتي بخير

علي محـمــــــد said...

كــل عـــــام وانتم بــخـــــيــر

Soul.o0o.Whisper said...

assafo anaroze

كل سنة و انت طيب
و رمضان كريم عليك يارب و على كل اهل المغرب

دمت بصحة و سعادة

Soul.o0o.Whisper said...

صوت من مصر

و انت طيب يا كيمو
و فى صحة و سلامة

Soul.o0o.Whisper said...

تأثير الفراشة

الدكتورة الغالية / نهى

الله يسلمك يارب
و كل سنة و انتى طيبة
و رمضان كريم عليكى

ان شاء الله ندعى لبعض

دمتى فى رعاية الله

Soul.o0o.Whisper said...

*البت المشمشية *حلوة بس شقية *

و انتى طيبة يا مشمشة
و بصحة و سلامة دايما يارب

Soul.o0o.Whisper said...

ضياء

الله يسلمك يارب
و كل سنة و انت طيب
و رمضان كريم عليك

و ياريت بجد لو ممكن تشوفلى حكاية الصوت دا احسن مجننى

دمت فى رعاية الله

Soul.o0o.Whisper said...

mimi

ميمى
ميماية
ميوية

كل سنة و انتى طيبة يا قمر
و رمضان كريم عليكى
و يارب دايما فى صحة و سعادة

و عقبال ما ابارك لك الدهانات الجديدة
;)

دمتى فى رعاية الله

Soul.o0o.Whisper said...

مصعب صلاح

كل سنة و انت طيب
و رمضان كريم عليك يارب
و على الاسرة كلها

و ياااارب ايام خير و بركة على الجميع

دمت فى رعاية الله

Soul.o0o.Whisper said...

د.ياااااااااااااااسر

الله يسلمك يارب
و كل سنة و انت طيب
و رمضان كريم عليك

و ان شااااااااء الله آخر الغيبات يااااارب


دمت فى رعاية الله

Soul.o0o.Whisper said...

على محمد

كل سنة و انت طيب و بخير و سعادة
و رمضان كريم عليك و على أهل السعودية كلهم


و معلش على التأخير


دمت فى رعاية الله

أحمد سعيد بسيوني said...

بسم الله

كل عام وأنتم بخير

أسأل الله العظيم أن يبارك لكم في هذا الشهر الكريم ويرزقكم القول والعمل الصالح

اللهم سلمنا إلى رمضان وسلم رمضان لنا وتسلمه منا متقبلا

دمتم في طاعة

ن said...

السلام عليكم
الابنة الغالية ..سول
كل عام وانتى بخير بمناسبة شهر رمضان .. اعاده الله عليكم وعلى الامة الاسلامية بالخير والبركات
مع خالص تحياتى

Soul.o0o.Whisper said...

أحمد سعيد بسيوني

كل سنة و انت طيب يا دوك

"أسأل الله العظيم أن يبارك لكم في هذا الشهر الكريم ويرزقكم القول والعمل الصالح

اللهم سلمنا إلى رمضان وسلم رمضان لنا وتسلمه منا متقبلا"

اللهم آمين

دمت فى رعاية الله

Soul.o0o.Whisper said...

استاذتى الغالية / أمل

و عليكم السلام و رحمة الله و بركاته

كل سنة و حضرتك طيبة
و رمضان كريم عليكى و على كل حبايبك


دمتى فى رعاية الله