الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Sep 16, 2009

فلولا قرية آمنت


كيفكم يا جماعة أخباركم ايه؟؟؟ يارب تكونوا كلكم بخير ...

و خلاص رمضان خلص و العيد بعد أربع ايام كل سنة و انتوا طيبين ...

و طبعا للمستجدات العصرية قررنا نعمل فاصل اعلانى و نعود لقصة الخلق بعده ، و طبعا الفاصل الاعلانى هيكون عن ايييييييه؟؟؟ شطااااااار .. عن انفلونزا الخنازير ..



طبعا داء انفلونزا الخنازير الكلام عنه كتر جدا و الكل خايف منه ، طب نعمل ؟؟ و الوقاية منه ازاى ؟؟؟ ...

و أجهزة الاعلام شغالة ( و احنا على أهبة الاستعداد لمواجهة المرض الدخيل )<< تقولش احنا فى حرب عصابات ... ما علينا


و الدراسة أتأجلت أسبوع ، والله أعلم هتتأجل كمان و لا لا ... و كمان فى الكليات السكشن اللى هيظهر فيه عدوى ،السكشن كله هيتحجز اسبوعين ، و اسبوعين فى اسبوعين ...و الحمد لله ماعدتش علام يا ولاد ...

و احتمال نقعد فى بيوتنا بئا و نقفل علينا ... ان لزم الامر يعنى ، و مفيش أى مشاكل خالص ....

كل دا من فيرس؟؟؟.... حكمتك يارب ، يجعل سره فى اضعف خلقه


و طبعا للاسف مش واخدين بالنا من حاجة مهمة جدا جدا ، ألا وهى ان الفيرس دا ما كان ليظهر إلا بأمر الله ، و إنه جند من جنود الله زى ما أى حاجة فى حياتنا هى جند من جنود الله يصرفها كيف يشاء ...

محدش فكر إن دا بلاء بذنوبنا؟ محدش فكر إن الحل ممكن يكون بتوبة عن الذنوب و التقصير ،و الاستغفار؟ محدش فكر إن الفترة من ساعة ما بدئنا نسمع عن الفيرس لحد ما يبئا وسطنا فعلا دى فترة انذار و امهال من ربنا لينا ، ها .. هترجعوا و تتوبوا و لا اسلطه عليكوا؟؟


للأسف يا جماعة إحنا مش عارفين إن دى سنة إلهية ... و السنن الالهية دى علم كامل لوحده ممكن نبئا نتكلم عنه بعدين ، لكن اختصارا هو علم يختص بأفعال الله فى خلقه ، و دى أفعال ثابته بالنسبة للبشر ، و القرآن مليان بسنن الله فى خلقه لكن للاسف محدش بيتكلم عنها و لا بناخد بالنا منها ...

يقول الله تعالى :" و ما أصابكم من مصيبة فبما كسبت أيديكم " يعنى أى مصيبة أو بلاء فى حياتنا ، فدا مننا احنا و بسببنا احنا ، نشوف إحنا بنعمل ايه ، عشان ربنا يعاقبنا كدا ...

و سنن الله من صفاتها الثبات ... يعنى اللى هيعمل كذا هيتعاقب بكذا ، العقاب دا ثابت على مر القرون ، مش بيتغير ، و لا بيتحول ، يعنى مايكونش نازل لـ(س) يقوم رايح لـ (ص) ... لا ، هو عارف طريقه ...

و السنة اللى احنا فيها دى اللى قال عنها رسول الله صل الله عليه و سلم :" لم تظهر الفاحشة في قوم قط حتى يعلنوا بها إلا فشا فيهم الطاعون والأوجاع التي لم تكن مضت في أسلافهم الذين مضوا ".

و طبعا الحديث مش عاوز شرح ، و لا ضرب أمثلة ، و اللبيب بالاشارة يفهم ...


فبالتالى الامراض اللى ظهرت بصورة غريبة فى عصرنا هذا مش محض صدفة ، و لا عبث قدر ، و انما عن حكمة و تخطيط و علم من رب العالمين .. و بردوا بما كسبت أيدينا

و طبعا رفع البلاء لا يكون إلا بزوال المسبب ... يعنى من الآخر يا جماعة ، الحل ربنا قالهولنا فى قوله تعالى :" فلولا قرية آمنت فنفعها إيمانها إلا قوم يونس لما آمنوا كشفنا عنهم عذاب الخزى فى الحياة الدنيا و متعناهم إلى حين " ، و دى بردوا من ضمن سنن الله فى خلقه ، الايمان بالله و تطبيق شرعه بيحميك و يبعد عنك الشر ، و دى مش لقوم يونس بس ... دى لأى حد استحق عقاب الله بس لحق نفسه و رجع لربنا ، فحق على ربنا انه يتقبله و يرفع عنه العقاب دا ... و طبعا مش معنى كدا إننا ماندورش على علاج بئا و لا ناخد المصل – دا لما يتوفر ان شاء الله - و لا كدا... لالالالالا طبعا ، بالعكس طلب الدواء من ضمن التوكل على الله ...


بس نعرف ان السبب الاول و الاساسى هو بعدنا عن ربنا ، و اتجاهنا للدنيا بدون استشعار رقابة الله و لا تطبيق شرعه ، و ان الحل الاول و الاساسى هو الرجوع لربنا و المشى على طريقه ...

و أولا و أخيرا بردوا ... "قل لن يصيبنا إلا ما كتب الله لنا" ، و ان كل واحد الساعة و الدقيقة و اللحظة اللى مكتوب له فيها انتهاء عمره مكتوبة من قبل خلقه ، فليه الخوف و الهلع اللى احنا عايشين فيه ؟؟؟


ربنا يعافينا جميعا يارب و يكتب لنا السلامة ، بس مع البحث عن أسباب الوقاية ياريت نعرف ان دا كله بذنوبنا ، و النجاة ممكن تكون بتوبة و استغفار ...و كمان الدعاء – سلاح المؤمن- ماننساش الدعاء دايما ان ربنا يحفظنا و يبعد عنا كل مكروه

و أوصيكم بئا بـ " بسم الله الذى لا يضر مع اسمه شئ فى الأرض و لا فى السماء و هو السميع العليم " 3 مرات صباحا و مساء

و الاخلاص و المعوذتين 3 مرات و آية الكرسى بردوا صباحا و مساء ، و خواتيم سورة البقرة قبل النوم ..

و ربنا يعافينا جميعا .... و سلااااااااااام


26 comments:

mimi said...

يعني أقول أنا أول تعليق؟

mimi said...

يااااه يا دكترة... من زمان وأنا مش أول تعليق عندك

بالنسبة للبوست ... أجمل ما قرأت عن انفلوانزا الخنازير

ربنا يتقبل منك الخير ويجعل موضوعاتك في ميزان حسناتك يارب
كل عام وأنتي بخير

رحلتنا في الحياة said...

ربنا يعافينا ويعفو عنا اللهم امين يارب العالمين
كل سنة وانتى طيبة وبصحة وسلامة ياقمر

حنين القلب said...

ربنا يعافينا ويعفو عنا
والله لو بنخاف الله وبنستغفره
اكيد هيرفع البلاء عنا

ربنا يرحمنا

كل سنه وانتى طيبه يا حبيبتى

عاشقه الرومانسيه said...

ربنا يعافينا يارب
وحشتينى ياسول

بنت الصالحين said...

كلامك صحيح

اللهم اغفرلنا وتب علينا برحمتك يارب العالمين

>>>طمنيني عليكي

Nostor Azzuro said...

والله كلامك صح
واحنا عالم راكبنا الغلط
ونستاهل كل اللى بيجرالنا
ربنا يستر علينا فى الايام اللى جاية
واللهم بلغنا ليلة القدر

Darsh Basha said...

يارب استرها ..وعافنا يارب العالمين
بم ان احنا اول بلد تستضيف انفلونزا الخنازير بعد القاهرة .
ةبتةع المنصورة المفروض يحزروا مننا
لنعطس فى وشهم ولا حاجة

احب اقولك ..ان فعلا دا كلة من بعدنا عن الدين ..وانا كنت بتكلم فى الموضوع دة مع اصحابة قريب..

بس هى عملة حاجة حلوة اوى ..يعنى خلتنا نتطور ..عملوا عندنا المحاضرات هتبقى على النت ...يعنى تسمع المحاضرة وانت فى البيت.

ويمكن كمان تمتحن وانت فى البيت
ربنا يستر علينا يارب ..ويحمى ويحمى كل المسلمين.

د.آيه said...

أولا جزاكِ الله خيرا على التوبيك الهايل ده ..
أنا بصراحة لسه سامعة كلام زى ده من شيخ المسجد ..
فعلا لاوم نشوف إيه الغلط الكتير اللي بنعمله و نعترف بيه و نتوب و هى فرصة يمكن يكون النهاردة ليلة القدر ندعى جامد و نتوب و كل واحد يبدأ بنفسه ..
أسألك الدعاء بظهر الغيب ..
و كل سنة و انتى طيبة

Anonymous said...

انفلونزا الخنازير .... مصاب كبير للعالم في هذا القرن , و حسبنا الله و نعم الوكيل

mahasen saber said...

ربنا يعافينا جميعا الواحد جاتله هلاوس كل ما يعطس يقول ليكون الوباء
ربنا يلطف بينا

كل عيد وانتى بكل صحه وسلامه يا سولو يا حبيبتى

ايام مباركه عليكى يا جميله

Unknown said...

عندك حق يا دكتورة
عارفة لما الموضوع انتشر
سألت نفسى يا ترى الأخوة الملحدين مسألوش نفسهم
ازاى فيروس موقف العالم على رجل و مش عارف يتصرف ازاى

مش ده معناه ضعف الإنسان و انه فيه خالق خلقه

بس فعلاً ده بلاء
و ده يدل رغم كل مظاهر التدين ان فيه غلط برده عندنا

فليعد للدين مجده said...

شكرا علي توضيحك الوافي للعلاقة بين الاوبئة وفساد البشر
وكما قال تعالي
(ظهر الفساد في البر والبحر بما كسبت ايدي الناس)

بلاش فضايح said...

ربنا يعافينا جميعا
ويزيل البلاء عننا
ويرحمنا برحمته

قلم رصاص said...

السلام عليكم ورحمة الله وبركاته

كيف حالك يادكتورة؟ عسى ان تكوني بخير

وفعلا على رأيك : يوضع سره في أضعف خلقه

واتفق معاكي جدا في ان هذا البلاء او الابتلاء هو جند من جنود لله يرسله الملك لعباده الذين قصروا

والحل كما قلتي ايضا : هو التقرب لله عز وجل والدعاء والتوبة النصوحة والاخلاص في القول والعمل

ونصيحتك في نهاية البوست الحمدلله انا مداوم علي تحصين نفسي بمشيئة الله بأذكار الصباح والمساء كما ذكرتيها حضرتك في نهاية البوست

وجزاكم الله خيرا

والله تعالى أسأل ان يرفع غضبه ومقته عنا وان يقينا شر الأمراض

دمتي في طاعة

م/ الحسيني لزومي said...

تقبل الله منا ومنكم
وكل عام وانتم بخير

ن said...

السلام عليكم
الدكتورة الغالية .. سول
بمناسبةحلول عيد الفطر المبارك
كل عام وانتى بخير وكل الاخوة المدونين المشاركين على هذه الصفحة كل عام وهم بخير
مع خالص تحياتى

Anonymous said...

سول الحبيبة
انا جاية تانى اهو
علشان اعيد واقولك
كل سنة وانتى طيبة ياحبيبتى
والسنة الجاية اشوفك يارب
وانتى محققة كل امانيكى
واولها صيدلية كبيرة باسمك باذن الله
تحياتى

♥نبع الغرام♥♪≈ said...

السلام عليكم

كل سنه وحضرتك طيبه وبصحه وسعاده انتى واسرتك الكريمه والامة الاسلاميه

بمناسبة عيد الفطر المبارك اعاده الله علينا باده يارب
وبجد انتى وحشتينى قوووووووووووووووى
طمنينى عليكى وبلاش تغيبى عليا كده
تقبل الله منا ومنكم صالح الاعمال
اموووووووووواه

فشكووول said...

يا بت يا دكتوره انت انا كنت مخاصمك ومقموص منك

لكن انت لحقتينى فى الوقت الضائع وصالحتين واناقلبى طيب وبينضحك على بسرعه

عموما خدى الكلمتين دول

انت بتقولى :
يقول الله تعالى :" و ما أصابكم من مصيبة فبما كسبت أيديكم " يعنى أى مصيبة أو بلاء فى حياتنا ، فدا مننا احنا و بسببنا احنا ، نشوف إحنا بنعمل ايه ، عشان ربنا يعاقبنا كدا ...

صح شوفى اصل اللى انا اعرفك ان هناك حرب سريه فى معامل الابحاث العسكريه وبيقال ان فيرس انفلونزا الطيور وانفلونزا الخنازير ... استنى اما اتقمع شويه واكتب اسمهم العلمى H1 N5 & H1 N1 يا سلام ايه الفتاكه دى

بيقولوا يا سول ان هاذين الفيروسين افلتت من العلماء فى مراكز ابحاث الجيوش وخصوصا الجيش الامريكى ولم يستطيعوا السيطره عليه ففعل ما فعل ... واذا كان الكلام كذلك فان هذه المراكز تملك التحصين ضد المرض لانهم وعادة عند اختراع اى فيروس لابد من اختراع التحصين ضده ويظل الاختراع والتحصين فى المعامل سرا

ايه اللى حيحصل بقى فى الايام اللى جايه ... الله اعلم ورسوله والمؤمنون

نسيتينى اقول لك كل سنه وانت طيبه وصوما مقبولا وافطارا شهيا ويعيد الله عليك عيد الفطر المبارك وانت فى اتم حال وافضل نعمه وتكونى مع العريس اللى ربنا يفرح بيه قلبك

romansy said...

اجمل التهاني وارق الاماني بحلول عيد الفطر المبارك
اعاده الله عليكم وعلينا بالخير واليمن والبركات
راجين من الله ان يديم علينا الاعياد والايام السعيدة
وان تستمر اعيادنا لابد

كل عام وانتم بخير

تامر علي said...

كل عام وانتم بخير

عيد سعيد عليكم وعلى الأسرة الكريمة

تحياتي :)

adel said...

طب انا مش بسال مش اكيد في سبب
نبقي نسال

كل سنة و انتي طيبة ياستي
وعيد سعيد يارب

وانا حضرتك كان عندي امتحان و كمان بعيد عنك لسه من يومين عملت نضارة و لبستها و مصدع قوي و مش بقعد كتير للاسف

دومتي بكل خير

لا بلاش جبنة
غريبة و بيتفور بكل خير

شمس النهار said...

كل سنه وانت طيبه وبخير وسعاده

عيد سعيد ان شاء الله

من غير عنـــوان said...

كل عا وأنتم بخير

assafo anaroze said...

يسعد الله مساك
احل علينا و عليكم العيد يا رب يتقبل منا و منك شهر الصيام من صلاة و ركوع و قيام و سائر العبادات و المعاملات
عيد سعيد على الجميع و يا رب تكون بالف خير