الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Nov 5, 2009

لقاء المنصورة .... 2*1

كيفكم يا شباب؟؟؟
هاااااااااا
استعديتواااااااا؟؟!!!

استعديتوا لإيه؟؟؟؟؟؟
لالالااااااااااااااا

كدا نزعل من بعض أوى
انتوا نسيتوا و لا ايه؟؟؟

مش معادنا بكرة إن شاء الله؟؟!!!

ياللا أدينى فكرتكوا و اياكوا ثم إياكوا ثم إياكوا
حد يتخلف عن هذا الركب المهيب ....



للناس اللى جاية إن شاء الله
زى ما صبرنى قالت ... هنعيد تانى

"اولا هانتقابل قدام مستشفى الاطفال بجامعة المنصوره الساعه 10 صباحا

وهافضل واقفه بره لحد عشره ونص كده ان شاء الله وبعد كده هاندخل جوه المستشفى فى بنك الدم عشان نتبرع

والى يجى فيكم بعد كده يدخلنا جوه او يتصل بينا على الرقم الى انا هاسيبه هنا

وبعد كده هانروح نصلي الجمعه فى مسجد السلاب

وبعد الصلاه هانروح كوك دور نتغدى ان شاء الله

وهنا تتغير الخطه

هانشوف بقى حسب وقتكم ومزاجكم واحنا فى كوك دور نروح نادي ولا نقعد فى كافيه

هانشوف لما نتقابل ان شاء الله

اي حد هايجى من فضلكم يتصل عليا الصبح يقول انه جاي عشان يلاقي حد مستنيه بره

وادي رقم التليفون الى هايكون معايا وقت اللقاء اهو تااااااااني

0126379796

الرقم ده انا فاتحاه النهارده لحد الساعه 12 بالليل لا حد عايز يتستفسر عن حاجه

وطبعا بكره من الصبح هايكون مفتوح "

خلااااااااااص؟؟؟


اما بئا الناس اللى من القاهرة و بتتحجج إن مش هتعرف عشان مش متعودة تسافر لوحدها
أو مش عارفة الطريق

خيخة دحضت كل حجكوا
و أعلنت الآتى :

" الناس اللى هتيجى من القاهرة
هنتقابل الساعة 7 صباحا فى موقف عبود
عند العربيات اللى بتروح المنصورة

اللى هايجى بالمترو يتزل محطة المظلات
ويسأل فين موقف عبود
اللى هايجى بحاجة تانية غير المترو
ربنا يتولاه برحمته بقى


رقم تليفوني
اهوه
0180004374
هيكون مفتوح من الساعة 6 صباحا
لحد ما العربية اللى هاركبها تتحرك
وبعد كدة هاقفله
يعنى اللى يتصل بعد الساعة 7 ويلاقى التليفون مقفول
يعرف اننا خلاص اتحركنا
وعليه انه يتحرك مع نفسه بقى"

تماااااااااام؟؟؟


ياللا بئا
حسكوا عينكوا حد يتأخر

............

ملحوظة على جنب : آسفة بجد على عدم متابعتى فى الفترة الأخيرة
بس بجد مطحونة جدا فى الشغل
و تسليم عهد و استلام عهد
و محاضر جرد
دا غير طبعا شغل نهاية كل شهر و بداية شهر جديد

فمعلش استحملونى الفترة دى
بس عزائى انى هأشوفكم بكرة ان شاء الله :)

ياللا سلااااااااام

9 comments:

Unknown said...

طب انا ليا عندك تعليق فى مدونتى
ده على اساس انى مش جاى بكره مع الأسف

وردشان smilyrose said...

السلام عليكم

اخبارك يا منية القلب

وحشانى وكان نفسى اجيلكم

بس ما منعنى هو من هو اقوى منى

لولا التعب والحمى كنت جيت

بس ملحوقة ان شاء الله

قلم رصاص said...

ان شاء الله هيكون لقاء جميل من غيري

ههههههههههههههه

بس اهم حاجة تتصرفوا على اني موجود

معاكم .. ولما كل واحد يجي عليه الدور

في الكلام ..تعملوا حسابي وتفضلوا ساكتين

صم بكم على اساس اني بتكلم يعني

ان شاءالله يكون لقاء مفيد فكريا

دمتم في حفظ الله

عاشقه الرومانسيه said...

اتمنى لكم يوم ممتع
اجمل مافى اللقاء انه مجمع كل احبابى
فاتيما وشيما وصبرنى وانتى وخيخه وناس كتيييير كان نفسى اشوفهم
ربنا يجعله يوم جميل لكم يارب

أحــوال الهـوي said...

ربنا يوفقكم يا دكتور

تحياتي

اسماء واحلام فى وجدانى said...

مــــــــــــــحـــــــــاضر


لا حول ولا قوة الا بالله

عين وصابتك يا بنتى

ان شاء الله يكون يوم جميل باذن الله
وربنا يوفقكم لعمل الخير دايما يارب

مسدس صغير said...

ان شاء الله
نشوف وشكو على خير

أحمد سعيد بسيوني said...

بسم الله الرحمن الرحيم

جزاكم الله خيرا وأعانكم على فعل الخير دائما وأبدا

سنكون متواجدين معكم إن شاء الله تعالى

دمتم بخير

سجود said...

ها عملتووووووووا ايه