الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Nov 27, 2009

العيد فـرحــة ... و ذكــــــــــريـــــــــــــــات



صباح الخيييير بالليييييييييييييييييل ....

أخباراتكم ؟؟ أهراماتكم ؟؟ جمهورياتكم؟؟؟


يااااااااااارب يااااااااااااارب ياااااااااااااااارب عيد سعيد على الجميع ،

و تكونوا كلكو بتقضوا وقت جميل ... :)


بصراحة يا ولاد مكنش ليا نفس اكتب حاجة العيد دا ، و كمان كان عندى دور برد جااااااامد و كنت نايمة فى السرير طول امبارح كله ..

بس الحمد لله النهاردة بركة اليوم الجميل دا ، ادتنى دفعة كدا ، و قلت لازم أخرج و أعيد كدا ، ماينفعش أعيد فى السرير ، مش كدا و لا ايه؟؟؟


قوم اييييييييييه بئا يا ولاد ؟؟؟ طبعا عارفين ان اول يوم باقضيه فى بلد بابا ، خلاص أكيد حفظتوا ..

فـ واحنا راجعين بئا ، رجعنا مع عم من اعمامى ، قام قالنا – أنا و أختى- تعالو يا ولاد لما نرجع من على جسر البحر – طريق بيعدى وسط الأراضى الزراعية ( الغيطان ) لحد ما ندخل المدينة – بدل ما نرجع من الطريق السريع ، و آهى فسحة ...

طبعا قلت له : موافقون :) ... و كان بها ...


ياااااااااااااااااه ... كنت مبسوطة مووووووووووووت ، بجد منظر الخضرة روعة روعة رووووووووعة ، من زماااااااااااااااااان أوى مش مشيت فى الطريق دا ، و بدأت أسترجع ذكرياتى بئا لما كنت لسه صغتووووتة – و مازلت بردوا .. أوعى حد يفهم صح – كنت فى تالتة أو رابعة ابتدائى كدا كنت هاموت و أروح البلد و اقضى يوم من اوله لآخره هناك ، لأننا مش بننزل إلا فى العيد و يادوب كام ساعة و نرجع ،و بعدين فى يوم رحت مع اختى البلد ، و كان نفسى اروح الغيط و أشوف الخضرة و كدا ...


قام أولاد عمى بئا اللى قاعدين فى البلد جابوا – أعزكم الله – الحمار وكام جاموسة كدا و راحوا الغيط و أنا و اختى و بنات عمى حصلناهم ، قوم اييييييييه .؟؟؟ قوم و احنا بنلعب كدا ... و انا كنت باجرى لقيت الحمار بيجرى ورايا ، طبعا اتخضيت و طلعت اجرى بكل قوتى و هو ورايا و أعييييييييييط و ولاد عمى يجروا وراه ، و اجرررررررى وهو ورايا وولاد عمى وراه ، لحد ما أخيرا مسكوه ، و طبعا انا من الخضة ماكنتش شايفة قدامى خلاص ، و نفسى أتقطع ماعدتش قادرة آخد نفس ، و أعييييييييييط ، و هما يهدوا فيا ، و أعييييييييييط ... لحد ما أخيرا تمالكت أعصابى و روحت البيت عندهم ، و بعدها مانزلتش الغيط دا تانى إلا يمكن مرة واحدة مع بنات عمى بسسسسسسسسسسس ...


طبعا كان منظرنا أصلا يضحك و كله بيجرى ورا بعضه ... ياربىىىىىىى ، كان يوم ... بجد كل ما افتكره أموت على نفسى من الضحك ....


أنا أصلا من النوع اللى باخاف من اى كائن حى ..موووووت موت يعنى ، اللهم إلا النمل و الذباب و الناموس .. دول ممكن أتعامل معاهم بالمضرب ..

أى حاجة تانية لا يمكنننننننننن ابدا ابدا ابدا ، دا ماما مرة من كام سنة كدا لما قالوا على حكاية هرمونات الفراخ المضروبة دى و قالت خلاص نبئا نجيب الفرخة نأكلها كام يوم عشان نتأكد منها و بعدين ندبحها ...

ماما مسكت الفرخة و لوت راسها لورا .. وقالت لى ألمسيها بس ... المسيها ، و أنا يادوب لمست ريشة من ريشها كدا ، و عينكو ما تشوف إلا النور ، قلبى كان هيفط من مكانه و الدم ضرب فى ودانى و قعدت اتنفض ... ماما كانت هتصوت منى والله ، و طبعا الخبر اتنشر فى الجرايد الرسمية مش عاوزة أقولكوا ...

دا أنا مش بامسك الفرخة و هى مدبوحة و متنضفة – اللهم إلا بجونتى – تقوم تقولى امسكى الفرخة و هى صاحية ... يالهوىىىىىىىىىىىىىىىىىىى


و لا أيام الكلية !!!.. مأساة بجد ...

فضلت لحد اليوم اللى قبل الامتحان دا مش بامسك الضفادع و لا الفيران و لا اعرف بيتحقنوا ازاى ....

قووووووووووم ايييييييييييه ؟؟؟ طبعا الامتحان بعد يومين ، و لازم اتعلم وإلا درجة العملى تروح منى ، قمت جبت المعيدة و لبست اتنين جونتى فوق بعض ، وقولت لها يانا ياهما النهاردة ، و خليكى ورايا لحد ما أمسكهم ... أتوسل إليكى ..عاااااااااااااااااا

قامت ربنا يكرمها ، جابت ضفدع و فار ، و فضلت ورايا لحد ما مسكت الضفدع ... و مش عاوزة اقولكو بئا على اللى حصل ، باتنفض بطريقة بشعة و صحابى اللى كانوا معايا يقولولى انتى ؟؟ و احنا اللى كنا معتمدين عليكى؟؟؟

و أنا ماسكة دموعى بالعافية عشان ماتنزلش ، و نبض الضفدع بين ايدى مش قادرة مش قادرة أوصف لكم بجد احساسى كان ازاى ، بجد كنت هامووووووووت ...

أنا عاوزة اقولكم ان كل دا و الضفدع أصلا مش بيتحرك ، دا هو اول ما تمسكه بيستكين خاااااالص و مش بيتحرك !!!!


بجد المعيدة بذلت معايا مجهود بس عشان مارميهوش من ايدى لحد ما هديت كدا شوية ، و قالت لى ياللا احقنيه بئا ، طبعا ايدى كانت بترتعش موووووووووت و أنا بادخل سن السرنجة ، و كنت خايفة اوى على الضفدع بصراحة ...

المهم خلصنا الضفدع ... ندخل بئا على الفار ... ياربىىىىىىىىىىىىىى ... مش عاوزة أقولكو ، طبعا انتو متخيلين الوضع كان عامل إزاى ، و الفار بئا مابيهمدش ، و حركة حركة لدرجة إنى كنت بأعيط جنبه ...


الحمد لله امتحانات الكلية عدت ، و لا مرة جالى فار ... ربنا كان عالم بحالى والله ... بس كل دا و اتنين جونتى على الاقل ، ماقدرش امسكهم كدا بايدى ، دا أنا أروح فيها ... صحباتى اللى كانوا بيمسكوهم بايدهم دول بجد جبابرة ، ماعرفش لحد الوقتى كانوا بيقدروا ازاى ... قدرات بئا ...


بصراحة الكائن الحى الوحيد اللى اتجرأت شوية و لمسته ، كان حصان ... لأنى بأعشق الاحصنة بطريقة غرييييييبة ، كنت وقتها فى تالتة اعدادى و كنا يومها فى بلد ماما ، و كان ناس معرفة لسه جايبين حصان جديد ، و كنا بالليل ... قوم اييييييييه ؟؟ أنا سبتهم و رحت بعد مجاهدات مع نفسى ، و يادوب بس مشيت ايدى عليه ، طبعا قلبى كان هيفط ... بس مش مشكلة ، المهم انى لمست الحصان ..كنت سعيييييييييدة

قام عمو بئا اللى كان جايب الحصان دا ، قاللى دا انتى جريئة اوى ، الحصان دا لسه جايبينه جديد ، و محدش بيقدر يقرب منه لأنه لسه هايج و مش واخد على المكان ... – طبعا مايعرفش اللى فيها – بس دا زاد سعادتى بجد ، لأنه كان هادى لما جيت ألمسه و ماهجش عليا و إلا كنت اتعقدت ...


اه ، اصل و أنا صغيرة بردوا ... كانت تيته – والدة بابا- تحكيلى على حكاية الجمّال اللى كان فى بلدهم ، و فى يوم قسى اوى على جمل من جماله ، و فضل يضرب فيه لحد ما كسر العصاية عليه ... قام الجمل شاله من راسه و طراااااااااااخ على الارض ، طبعا الراجل راح فيها ... لكن الجمل مش اكتفى بكدا و بس ... لا قام بارك عليه بصدره و فضل يمرغه فى الارض لحد ما جثته ياعينى ما بئت حتت ... :(


من ساعتها ، و أنا باخاف لو شفت جمل قريب منى ، بيتهيألى انه هييجى يعمل فيا نفس الحركة ...

اييييييييييييييييه يا ولاااااااااد ... ذكرياااااااااات


ياللا بئا كفاية عليكو كدا ... كل واحد مدونته مدونته ، خلاص خلصنا حكايات

و قضوا وقت جميل :)

ياللا سلاااام

.................................


طلب بئا على جنب :

اللى يعرف نمرة أم مالك ياريت يبعتهالى فى ميل على الميل اللى فى البروفايل ، و يبئا جزاه الله كل خير


24 comments:

الأحــــــ إيناس ــــــزان said...

كل سنة وانتى طيبه

الأحــــــ إيناس ــــــزان said...

عيد سعيد عليكى وعلى الامة الاسلامية واسرتك الكريمة جمعاء

الأحــــــ إيناس ــــــزان said...

الف مليون سلامة عليكى ربنا يكمل شفاكى على خير يارب ويكرمك


وجميل قووى موضوع الحمار اللى جرى وراكى دا باين عليه معجب بيكى ههههههههههههه ربنا يروق بالك واجازة عيد سعيد عليكى يا جبانه حاكم انا زيك كده وامر منك بخاف اوووووووووووووووى

يالهوووووووووى حصلى مواقف كتير برده
يلا تعيشى وتاخدى غيرها
وكفاية انك لما تقعدى كده مع نفسك هتفتكرى وتفضلى تضحكى اصل الضحك الايام دى بقا عملة صعبة اووووووووووووووى

ربنا يسعدك يارب ويارب منورة فى وسطنا كده على طول
تحياتى
ايناس

قلب ارهقته الاحلام said...

كل سنة وانتي طيبة ياقمرر

واحشانييي جداا

الف سلامة عليكي

بالنسبة للحمار تعيشي وتاخدي غيرها ههههههه

انا حصلتلي قبل كده بس مع قطه :(

ووقعت واتعورت كمان عااااااااا

ده القطط دي حبايبي لييه معاهم قصص :))

انتي بتدخلي امتي يعني ولامرة عارفه اشوف :D

كل سنة وانتي طيبة وبخيرر وصحه وسعادة دايما يارب

ليس فقيرا من يحب said...

كل سنه وانتى طيبه يا حبيبتى

عيد سعيد عليكى وعلى كل حبايبك يارب

ربنا يسعدك دايما يارب

يوميات شاب منوفى said...

كل سنة وانتى طيبة وعيد سعيد الا بلدكوا تبع انهم محافظة

adel said...

ههههههههههههه
ادي اخرة اللي ميسالش عني
دور برد و ذكريات تعيسة مع الحيوانات و الكائنات الحية
هههههههههههههه

يلا ماعلينا
سماح عشان العيد بس
وكووووووووول سنة و انتي طيبة و عيد سعيد

romansy said...

الف الف مليون سلامه
يا سول

عيد سعيد

romansy said...

كل عام والمسلمين فى مصر والعالم الاسلامى بكل خير ومحبة وسلام لكل الانام

عيد اضحى سعيد

اعاده الله على الجميع بالامن والاستقرار

والسرور والتسامح

سجود said...

السلام عليكم
كل سنه وانتي طيبه

اسماء واحلام فى وجدانى said...

ذكريات تحت بند الجنايات
اولا كل سنة وانتى طيبة خالص خالص
ثانيا العيد فرحة بس معانيه معانا عيد بعد عيد بنتغير ومفهموم العيد بيكون له شكل مختلف كل العمر ما يمر بينا وطبعا موضوع انك لسة نونو ده هننظر فيه ، بس اجمل حاجة فى ذكريات الغيطان والزرع والخضرة طبيعة فى منتهى الجمال والاحساس بالامان بجد
، بس انا كان ليا استفسار صغنن ممكن اعرف ايه مصير الاخ اللى كان بيجرى وراكى فى الغيط اكيد يا عينى طلعت عينه لانه كان بيجرى ورا هداف مدرب ازاى يهرب ، نشل غلط الحمار ،، اما عن الحصان فانا اتوقع انه اكيد سمع عن اللى حصل فى الحمار وراح خاف وقالك الطيب احسن ،، كل سنة وانتى طيبة يا همس وربنا يعيد عليكى الايام بخير يارب ،، ويهديكى من ناحية السهم اللى مغلبك ده ،، ده مجرد سهم لانسان يا عينى غلبان خالص ،، نسيت اقولك موضوع خوفك من اى كائن حى موضوع اقولك على سر خلاص مش بقى سر بعد دلوقتى ، حاولى تركزى بعينك فى عين اى كائن حى قطة كلب حصان حمار وشوفى هتحسى بايه بس المهم انك تبصى بعناية وكانك بتبصى لبنى ادم زيك

كل سنة وانتى طيبة

اقصوصه said...

عسى ايامكم كلها عيد :)

وردشان smilyrose said...

كل سنة وانتى طيبة يا قمر

وحشانى مووووووووووووت

وعيد سعيد عليكى يارب

وخلى بالك من نفسك

ولا ايه

z!zOoOo said...

السلام عليكم

كل سنه وانتي طيبه

وعيد سعيد عليكي وعلي العائله وجميع المسلمين

تحياتي

mohamed ghalia said...

كل سنة وانتِ طيبة يادكتور
وعيد سعيد عليكى وعلى كل اسرتك

【شُمـ°•. الإسلامـ.•° ـوخـ】 said...

كل سنة وأنت طيبة ياجميله
دامت افراحك
وسرد حكاياتك

سامر محمد عرموش said...

بسم الله الرحمن الرحيم

كل عام وانتم بخير والامة الاسلامية جمعاء

تقبلوا مروري الاول واسمحوا لي بالتجول في المدونة الطيبة والجميلة
تحياتي

واحد من العمال said...

السلام عليكم

ألف سلامه
وكل عام وأنتِ بأحسن حال

ودمتِ فى أمان الله وحفظه

خواطر شابة said...

عيد سعيد وكل عام وانت بخير انت وكل من تحبين
جميلة الذكريات وجميل ان نسترجعها دائما
بس سؤال مادمت بتخافي من الفار والضفدع ايه وداك علمي ده انت قلبك جامد هههه
تحياتي لك

قلم رصاص said...

كل سنة وانتي طيبة يادكتورة
وعيد سعيد عليكِ وعلى اسرتك الكريمة والامة الاسلامية كلها

وذكرياتك جميلة اوي والله

وتضحك جدا هههههههههههههه

خصوصا الجمل اللي مثل بجثة الجمال

وكمان ليكي مع كل كائن حي قصه

هههههههههههههههههه

ربنا يكرمك يارب

في امان الله

blue-wave said...

كل سنه وانتى بالف الف خير

أحمد سعيد بسيوني said...

بسم الله

كل عام وانتم بخير

تقبل الله طاعتكم وجعلها في ميزان حسناتكم

نسألكم الدعاء لظروف الامتحانات العصيبة

دمتم بسعادة

اسماء واحلام فى وجدانى said...

ازيك يا همس
كل سنة وانتى طيبة
اكيد طبعا انك تبصى فى عين اى من اللى قلت لك عليهم صعب بس من ناحيتهم هما لانهم مش بيركزوا اوى
بس انا كنت عايز اقولك انك هتحسى بضعفهم وببراءة عمرك ما هتحسيها الا فى طفل نونو بس الفرق ان الحيوان ممكن تحسيه بيكلمك او بيقولك رسالة على فكرة كلامى ده عن تجربة مش مع القطط بس ده انا ساعات باحس القط بيراقبنى وفاهمنى السوسة ، طبعا انا عارفك هتقرى من هنا وتقولى الله يرحم عقلك يا احمد ما كنت بخير يا ابنى ،، بس انا ولا هياثر معايا وهاقولك حاولى حتى من بعيد لبعيد مش لازم يعنى تمسكيه من ودانه وتقول له هات عينك ورينى ايه اللى فيهم ،، وبعدين الحصان انا اولا مش اعرفه ولا اعرف اى حاجة عنه بس هو حساس جدا وبيحس بالامان من اللى قصاده وبعدين عمرى ما افتن على همس ابدا يعنى معقول اخون العيش والاسهم اللى بينا ده حتى يبقى عيب فى حق البلوجر نفسه ،، مش عايز اطول عليكى اكتر من كده ، كل سنة وانتى طيبة والحصان كمان طيب ،، وشذى يارب ترجعلك بالسلامة وتكون بخير دايما يارب ، وياسمين ترجع تستغلك وتخليكى تكتبلها الجوابات تانى يلا سلام بقى

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت