الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Jul 20, 2010

يوم ميلاد .... جديد



ازيييييييييييييييكم كلكككككككككككككم؟؟؟؟

وحشتونى جدا جدا جدا ، يارب تكونوا كلكم بخير و صحة و سلامة يارب

عارفة انى بئالى فترة منقطعة عنكم ، و دا لأسباب كتير ...


أولا : ضغط و عدم استقرار أمور العمل


ثانيا : ضغط المذاكرة ... ادعولى كتيييييييييييييير كتيييييييييييييييير جداااااااااااااا ... امتحاناتى 1/9 لحد مش عارفة كام 10 ... : )


ثالثا : و دا المهم ... ان النت نفسه كان فاصل ... بس الحمد لله ربنا هداه و لسه واصل من يومين


دخلت النهاردة مخصوص اسلم عليكم ...

و أسلم على مدونتى حبيبتى ... عشان النهاردة كتكوتى كملت 3 سنين ... :) ...

أيوا بئالى فى عالم التدوين 3 سنين

يااااااااااااه ... الأيام الحلوة بتفوت بسرعة فعلا ...

عرفت ناس كتير ، و استفدت من ناس كتير ...

ناس عرفتها و سابت عالم التدوين ، و ناس لازالت فى عالم التدوين


لكن ... يبقى لكل منهم أثر فى داخلى ، و احمل لهم مكانة فى قلبى ... و صادق دعواتى للجميع بحياة سعيدة ، و للجميع بتحقيق كافة أحلامه ...

معلش مش هأقدر أطول ... و يمكن أغيب فترة عن هنا


لكن بهذه المناسبة السعيدة أدعوكم لمدونتى الجديدة o0O Deep Inside O0o و دى عبارة عن خواطر بس ، و مش هيكون فيها تعليقات ، لكن كل ما أحس إنى عاوزة أكتب هأكتب فيها ...


مع وعد بأن أول بوست فى المدونة دى هيكون رد على تعليقات الموضوع اللى فات ، و تعليق على رسالة وصلتنى على الميل لانسان أعتز باخوته ، و كنت وعدته بالتعليق على رسالته على المدونة ، آسفة إنى هأخرها....

بس عاوزة دعوات جاااااااااااااااااامدة موووووووووت ، لأنى بجد متوترة و قلقانة جدا لضغط الشغل و المذاكرة ... و الامتحانات

أشوفكم على كل خير يااااااارب ....

ملحوظة كبييييييييييييييييرة : الجميلة رحيل ( سارة ) كلمتنى و قالت لى على لقاء مدونى الدقهلية يوم الجمعة الجاية ان شاء الله ، بس مش قادرة أقرر والله ... حسب الظروف ساعتها ، بس أكيد لو أقدر مش هأفوت الفرصة ...

سلام


7 comments:

رحــــيـل said...

كل سنة ومدونتك منورة بلوج سبوت
وهنستناااااااااااااكي
ماجتش على يوم
لا اعذار ولا مبررااااات
:)

فارس عبدالفتاح said...

حمدلله على السلامة يا سول وربنا يوفقك مستنين بس حاولي متغبيش علينا بالطريقة دي مره تانية والله انا مفتقدك انت والاخت الفاضلة نون هي التانية بتمر بمرحلة تحول وامتنعت عن دخول النت اديله فتره

اتمنالك التوفق ان شاء الله

علي محـمــــــد said...

السلام عليكم
ازيك يادكتوره ؟ ان شاء الله تكوني بخير .. الله يكون في عونك ويوفقك وتحققي احلامك وتجيبي نتائج ممتازه ان شاء الله .. كلنا ننتظر الاخبار الحلوه عن امتحاناتك ولا تهتمي الا في دراستك وعملك

في امان الله

راء said...

كل سنة وانتي ومدونتك طيبين

حلوة مدونتك الجديدة..:)

ربنا يسعدك ويهنيكي دايما ويوفقك في امتحاناتك

عطش الصبار said...

وحشتينا يا سول
ربنا معاكى ان شاء الله تعدى الامتحانات على خير
فى انتظارك

ن said...

السلام عليكم
الدكتورة الغالية .. سول
كل عام وانتى بخير يا عزيزتى
رمضان كريم
مع خالص تحياتى

romansy said...

كل عام وانت الى الله أقرب
ولفعل الطاعات أسبق
وإلى الجنة أرغب
رمضان كريم