الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Oct 4, 2010

خـُــلـُــصـــتْ


خلاص ... خلصت امتحانات الحمد لله

بس عقبال ما خلصتها ... بجد بجد
خُلُصت روحى معاها

ماكنتش متصورة ان ممكن فترة تمر عليا بالسوء دا!!!
لا ، و الأسوء ان كل حد قابلته يقولى ، لسه ماشفتيش حاجة
اللى فات دا السهل ، ربنا يهون فى اللى جاى
بجد حاسة انى تعبانة اوى ... و من جوا متعلم عليا أوى أوى أوى

زعلانة على نفسى !!
يمكن .....
زعلانة على جو صدمنى فعلا ، و خلانى حاسة من جوا بالتضارب و التشتت!!
يمكن ....

بس كل اللى بئيت عارفاه
انى بجد بجد نفسى اخلص رسالتى باى شكل
و أهج برا البلد دى

ياااااااااااااااااااااااااااااااااااارب
يارب بجد اخلصها على خير
و تكون كاتب لى هجرة من البلد دى
بس مش لأى بلد
انت عارف
ياااااااااااااااااااارب
حققهولى

بس كله بعد رضاك طبعا
و توفيقك

خلاص
ماعتش فى كلام اقدر اقوله

13 comments:

قلم رصاص said...

السلام عليكم

حمدلله على السلامه يادكتوره
والحمدلله انها عدت على خير
وبالتوفيق في الجي ان شاء الله

هاه عاوزه تهاجري لأي بلد؟
على فكره لو في دماغك امريكا يعني
باب التقديم لقرعة الهجره العشوائيه
المعروفه بالجرين كارد هتبدأ بكره الثلاثاء لحد اول شهر نوفمبر

والتقديم عن طريق النت فقط

بالتوفيق دايما

adel said...

مبروك
وبالتوفيق

!!!!!
هجرة
مش بطال
:)

طالبة مقهورة ..درجة أولى said...

امممممم اخيرا.!!

ربنا يوفقك ان شاء الله وتخلصي

مع اني مش بأيد فكرة الهجرة ديه

فارس عبدالفتاح said...

اخيراً ..


لسه وصلك خلاصة النظام في مصر واسلوبه في الادارة والتنظيم

حمدلله على السلامة

على العموم انا لاغاية دلوقتي معرفتش انت عايزه تهجي على فين بس يا رب متكنش دولة اوروبية غربية .

على العموم بالتوفيق بس انا معرفتش لغاية دلوقتي موضوع الرسالة هو اكيد هيكون في الطب مع اني معلوماتي متواضعة الى حد بعيد في هذا الموضوع .

بس يا ريت بعد ما يحددوا معاد لمناقشتها تبعتينا نسخة عشان نقرأها ونشوف انت عملتي ايه .


اتمنى لك التوفيق والسداد والرشد في العاجل والاجل .

يا ريت متنسيش نسحة حتى على الوورد عشان نقرأها .. او حتى عشان نعرف اسلوبك في الكتابة العلمية عامل ازاي او ديباجة الكتاب ومنهجية الرسالة شكلها ايه .

أحــوال الهـوي said...

مبروك يا دكتوره

يا فخر الصيادله
و الهجرة ليه هو كل المتفوقين كارهين البلد ليه

ربنا يوفقك في اختارك و يكتب لك السعاده اينما كنتي

تحياتي

كيــــــــــــارا said...

اخيرااااااااااا


يابنتي انا تعبتلك اصلا

ربنا يقدرك علي اللي جاي

و هجرة مين ياتوتا

هتتضربي

Soul.o0o.Whisper said...

قلم رصاص
........


و عليكم السلام و رحمة الله و بركاته


الله يسلمك يا فندم
ياااااااااااااه
كان كابوس و فات اول جزء منه :)
لسه الباقى
ربنا يهون

امريكا؟؟؟!!!
ممممم
يوم التلات؟؟
لا هاكون لسه ماخلصتش الرسالة
هههههههههه
يمكن لما اخلصها افكر



منور المدونة
و شكرا على المرور الطيب

Soul.o0o.Whisper said...

عاااااااااااااادل
.................


ياااااااااااه
حاسة بئالى قرن مشفتكش


ربنا يوفقنا جميعا
بس مالك؟؟
مش عادتك يعنى؟؟
فين الهزار؟؟


و بعدين مالها الهجرة؟؟
عندك اعتراض؟؟
:)


دمت بود

Soul.o0o.Whisper said...

طالبة مقهووووووورة
..................

اه يا اوختشى اخيرا
و ليس اخيرا
ههههههههههه


يااااااااااااارب
يارب اخلص على خير يارب ان شاء الله

ان شاء الله لما تخلصى كلية
هتعرفى ليه الناس بتفكر فى الهجرة
و مش بعيد تفكرى!!!

دمتى بود

Soul.o0o.Whisper said...

فاااااااااارس
.............

اه اخيرا الحمد لله
مع انه ليس اخيرا يعنى

بس الحمد لله على اللى خلص


حقيقى ان النظام و اسلوب الادارة و التنظيم معروف معروف معروف يا ولدى
:)

و كل واحد تيجى تكلمه يطلع لك القطط الفطسانة فيه
و كأنه المبرء مما يقول

لكن للاسف هو جزء من النظام دا
بس دايما شايف اخطاء غيره و مش شايف نفسه غلطان

الشئ اللى مزعلى
هو اسلوب التفكير خاصة من ناس شايف انهم ارقى من كدا

و بجد بجد هأتقهر اكتر
لو الناس اللى مسافرة رجعت و بئت جزء منهم
بجد هارعل عليهم اوى

لأنى أكيد هأبئا فى يوم زيهم



الهجرة فين!!
دى لسه فى علم الغيب
لكن اصبحت على قائمة المطلوبين :)

و لغاية الوقتى لسه ماتحددش موضوع الرسالة ، تخيل!!

لمااااااااااااا
اخلصهااااااااا
ان شاااااااء الله
أكيد مش هأبخل عليكم

بس تعمل حسابك ان الموضوع مش علمى بس
بل علمى و بالانجليزى

بس بردوا مش هابخل عليك :)

بس تدعيلى بئا


دمت بود

Soul.o0o.Whisper said...

أحوال الهوى
..........

استاذى و دكتورى العزيز

الله يبارك فى حضرتك
و حضرتك احرجتنى جدا جدا
دا الصيادلة هيتبروا منى بعد شوية :)

ممممممم
بالنسبة للهجرة
اعتقد ان اى واحد عايز يعيش حياة محترمة
يبئا لازم يدور على بلد محترمة يعيش فيها

لأن المجتمع المصرى حقيقى مش هيتغير
بتاع كلام و بس
و دا شئ متيقنة منه
رغم انى مش فاقدة الامل و باحاول بردوا

بس اعتقد ان حضرتك موافقنى فى كدا
و لا ايه؟؟

دمت بود

Soul.o0o.Whisper said...

كيــــــــــارا
...............

كيتىىىىىى
اه
أخيرا يا أوختشى
ااااااااه

والله يا بنتى كل الناس تعبتلى سلف
و كلهم بلا استثناء قالولى: انتى جبتيلنا اكتئاب يا شيخة
و لا مرة جرتى خاطرنا فى امتحان

قلت لهم : دا هما اللى ماجبروش خاطرى فى اى امتحان
هههههههههه


هيييييييييييييييييه
فات القليل ما بئا الا الكتير
ربنا يهون
:)


اه يا كيتى
انتى ان شاء الله كدا تتجوزى و تسافرى

و انا اخلص الرسالة
و احصلك ان شاء الله :)

دمتى بكل الود

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت