الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Nov 14, 2010

عـــيـــد ســـعـــيــــــــــــــد



كل عام ونحن إلى الله أقرب ، و على طاعته أدوم ...

و السنة الجاية يااااااااااااااااارب ، يارب نكون على عرفات جميعا ..

و حتى لو ماكنش بس بجد ياااااااااارب يارب نكون دايما قريبين منك ، و ماشيين فى طريقك ...



أخباركم ايه كلكم؟؟ بجد لكم وحشة كبيرة يعلم الله ، و التدوين وحشنى بشدة ، و نفسى أرجع

لكنها الحياة ... :)


حبيت استغل العيد و آجى أعيد عليكم ، و أتمنى لكم جميعا عيد سعيد ، و يارب تحققوا كل أمانيكم ،

و أهنى كل واحد وواحدة فيكم بكل حلم كان بيحلم بيه و حققه ...



بصوا أنا مش محضرة كلام اقوله ، لكن هأسيب الكلام يخرج زى ما يخرج ...


حاسة العيد دا إنى مبسوطة من قبل ما ييجى ... :) ،

يمكن لأنى مشتاقة له عشان ماعيدتش العيد اللى فات و كنت حبيسة اوضتى و المذاكرة !!!...

ماهو بردوا حرام سنة كاملة ماخرجتش خروجة محترمة ، و لا شفت قرايبى

هأحاول إنى أقضى وقت حلو ، و حاولوا انتوا كمان قضوا وقت كويس ...


مش عاوزة أطول عليكم ، أو أدخل فى موضوع من المواضيع اياها ، عشان احنا داخلين على عيد ، بس هأثير تساؤل بسيط عن حاجة قرأتها من كام يوم ، خلتنى مذهولة يمكن ، بحاول أستوعب يمكن ، مش عارفة ...

بس هأنوه عنها مؤقتا ، و بعدين نتكلم فيها ...


طبعا عيد الأضحى ، و ذكرى فداء اسماعيل بذبح عظيم ، و اللى هو و ابراهيم عليه السلام فى الأساس أقاموا البيت العتيق .. و أرجع لدعائهم " ربنا و ابعث فيهم رسولا منهم يتلوا عليهم آياتك و يعلمهم الكتاب و الحكمة و يزكيهم انك انت العزيز الحكيم " .. الأية دى اتكررت فى اربع مواضع فى القرآن ، مش بالنص ، بس المضمون ...

و أول مرة فيهم ذكرت على لسان ابراهيم عليه السلام ، و اشتملت أسس الاسلام ... تلاوة الآيات ، تعليم الكتاب ، تعليم الحكمة ، التزكية ...

و لما نتلو آيات ربنا ، فنجد انه سبحانه عندما حمد نفسه قال " الحمد لله الذى خلق السماوات و الأرض و جعل الظلمات و النور" ثم نجده فى موضع آخر يقول " الحمد لله الذى أنزل على عبده الكتاب و لم يجعل له عوجا "

ثم نجده سبحانه يقول " تبارك الذى بيده الملك وهو على كل شئ قدير " ثم فى موضع آخر يقول "تبارك الذى نزل الفرقان على عبده ليكون للعالمين نذيرا "

و عندما نتعلم كتاب الله فنجد قوله تعالى " و بالحق أنزلناه و بالحق نزل " ثم نجده يقول " ما خلقنا السماوات و الأرض و ما بينهما إلا بالحق "

فبالتأكيد أن هناك حكمة لابد ان نتعلمها ، هذه الحكمة تؤدى إلى زكاة النفس و الروح ، لأنها ستعرف ربها عن يقين و علم

حد فاهم حاجة؟؟؟

أعتقد ان محدش فاهم حاجة ...

طيب ملاحظين ان مرة ربنا بيذكر كتابه المنظور ( الكون ) ، و مرة كتابه المقروء ( القرآن )

حد بدء يفهم؟؟؟

طيب هأسيبكم كدا شوية و بعدين نرجع نتكلم ... :)

و مرة تانى ... عيد سعيد على الجميع ، و حاولوا قضوا وقت كويس

19 comments:

بنجاواتى said...

السلام عليكم

عيد أضحى سعيد عليكى وعلى كل المسلمين

فى انتظار التوضيح لأن الفكرة مش واضحة بالنسبة لى

تحياتى

adel said...

كل سمنة و انتي طيبة :)

شمس النهار said...

كل سنه وانتي طيبه وبخير وسعاده
وترجعي مدونتك تاني بنتظام

:))

قلم رصاص said...

كل سنه وانتي طيبه يادكتوره

وان شاء الله يكون عيد سعيد عليكم


بخصوص موضوع البوست
أنا مشوفتش حاااااااااجة
انا واخد كونجيستال ومش فاضي
ورايا شوية تعب

^_^

صوت من مصر said...

;g skm ,hkjn fodv

كــركــبــة دمـــاغ ㋡ said...

كل سنه وانتي طيبه وبالف خير وصحه وسلامة

وربنا يعود عليكي الايام بكل خير وفرح وحب وسعاده وانيت في احسن حال يارب

عيد سعيد عليكي وعلى كل اللي بتحبيهم

(f)

Soul.o0o.Whisper said...

بنجاواتى
.........

و عليكم السلام و رحمة الله و بركاته

و عيد سعيد على الكل يارب

و منور المدونة
و ان شاء الله التوضيح فى تدوينة قادمة

اتمنى تشرفنى بحضورك

دمت بود

Soul.o0o.Whisper said...

عادل
....


كل سمنة و زيت و سكر
و اى مشتق من المشتقات التموينية و انت طيب
:)


و منور

Soul.o0o.Whisper said...

شمس النهار
.........

شموسة الجميييييييييييلة

لا بجد بجد مفاجأة جمييييييييلة

كدا العيد فعلا جه

كل سنة و انتى طيبة و بسلامة

و بجد مبسوطة جدا بزيارتك الجميلة دى



دمتِ بود

Soul.o0o.Whisper said...

قلم رصاص
........

و انت طيب يا متر
و عيد سعيد على الكل ان شاء الله


اما بخصوص التعب اللى وراك
فدا غلطك انت
خليك انت وراه

^-^

دمت بود

Soul.o0o.Whisper said...

صوت من مصر
...........

, hkj 'df dh ;dl,

كيك كيك كيك

Soul.o0o.Whisper said...

كركبة دماغ
..........

و انت طيبة و بصحة و سلامة يارب

و عيد سعيد على الجميع

و منورة المدونة



دمتِ بود

رحلتنا في الحياة said...

كل سنة وانتى طيبة ياقمر وبألف خييييييير وعيد سعيد عليكى ياااااااااااارب

د. ياسر عمر عبد الفتاح said...

كل ستة وحضرتك بخير

وربنا يرزقنا جميعاً السنة الجاية الحج والعمرة

Hanan Elshafey said...

كل سنه وانتي بألللللللللللللللللللللللللللللللللللللللللللللف خير وسعاده
:)

z!zOoOo said...

كل سنه وانتي طيبه

ربنا يجعله اسعد عيد عليكي

معلش بقي انا ماقريتش

بس اكيد هرجع تاني هقرا واعلق

عيد سعيد عليكم يارب

فشكووول said...

السلام عليكم
تحياتى
عيد سعيد وعمر مديد
اعاده الله عليك بالخير واليمن والبركات

فارس عبدالفتاح said...

اعوذ بالله من الشيطان الرجيم بسم الله الرحمن الرحيم

افلا ينظرون الى الابل كيف خلقت والى السماء كيف رفعت والى الجبال كيف نصبت والى الارض كيف سطحت فذكر انما انت مذكر لست عليهم بمسيطر الا من تولى وكفر فيعذبه الله العذاب الاكبر انا الينا اليابهم ثم ان علينا حسابهم ..


.......................



سنريهم اياتنا في الافاق حتى يتبين لهم انه الحق اولم يكفي بربك انه على كل شيء شهيد


........................



افلم يدبرو القول ام جاءهم ما لم يأتي آباءهم الاولين ام لم يعرفوا رسولهم فهم له منكرون ام يقولون به جنه بل جاءهم بالحق واكثر للحق كارهون ولو اتبع الحق أهواءهم لفسدت السماوات والأرض ومن فيهن بل أتيناهم بذكرهم فهم عن ذكرهم معرضون أم تسألهم خرجا فخراج ربك خير وهو خير الرازقين وإنك لتدعوهم إلى صراط مستقيم وإن الذين لا يؤمنون بالآخرة عن الصراط لناكبون


.........................



ليهْلِكَ من هلك عن بينة ويحيى من حىَّ عن بينه


صدق الله العظيم



كل سنة وانت طيبة

قوس قزح said...

البؤجة يا جدعاااان
متنسوش يوم 10 ديسمبر تجيبوا البؤجة و تيجوا
و لو مش هتقدروا يا ريت تبلغوا اكبر قدر ممكن من الناس
و التفاصيل هنا
http://hams07.blogspot.com/2010/11/blog-post_21.html
او هنا
http://kouskoza7.blogspot.com/2010/11/blog-post.html