الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Dec 6, 2010

احساس ما تحت السلم


احساس فعلا صعب أوى ... احساس مش أول السلم ، لا على رأى (ح) زميلى ، احساس ما تحت السلم ...

احساس انك لسه فى اول حياتك ، لسه مش عارف انت رايح فين بالظبط ، و كل من هو أكبر منك بيتحكم فيك ...

نفسك تخرج من الدرجة دى و الاحساس دا ، و تحس بقيمتك ، و اعتقد دا احساس عادل جدا و رغبة طبيعية لأى شخص فينا


...


كلمتنى اليوم فى محاولة للتنفيس عما يجيش بنفسها ، و بكثير من الاختصار حكت لى كيف انه-بوقاحة- اوضح لها انه لا أهمية لرأى أى منا ، و انه يقول شمال يبئا المفروض نروح شمال ، يقول يمين يبئا المفروض نروح يمين ، و لو قلنا لا يحدفنا كدا هو

قالت : كنت عاوزة أرد عليه و مش قادرة أسكت ، بس مسكت نفسى بالعافية ، لأنى فعلا تحت سلطته ، و محتاجة انى أخلص مصلحتى فرديت عليه : ماهو حضرتك لو حدفتنى هأرد لك تانى !!


...


ساعتها تذكرته ، و تذكرت غضبه و رحيله الى الابد لأنه ... لأول مرة تصعب عليه نفسه !!

سألنى : عمرك قبل كدا جربتى الاحساس دا؟؟؟

ابتسمت فى مرارة و قلت له : يااااااااااه ، انت على كدا هتتعب فى حياتك اوى


...


أنا فعلا مع كل يوم بأكتشف ان الحياة على هذه القطعة من الكرة الارضية أصبحت ضربا من المستحيل ، و ان التغيير اللى كل واحد بتشدق بيه كل ثانية و التانية لونا من الخيال ..

دا مش اكتئاب و لا يأس ... دا نوع من الشفافية ... :)

محاولة لاستقراء الواقع ، و فهمه صح عشان مازعلش بعد كدا لما موقف منتهى قلة الذوق و الادب يخرج من شخص المفروض يكون قمة الذوق و الادب ...

و فى الاخر حجتنا هى ... أنا لا أكذب و لكنى أتجمل !!!

..............

معلش وعدت بكذا موضوع و لحد الوقتى فعلا مش قادرة أنزل اى واحد فيهم

بس بجد تدعولى كتيييييييييييييير

لأن اللى بيحصل فعلا فعلا كتييييييييييييييييييييير

تحياتى

14 comments:

فشكووول said...

السلام عليكم
لسه ياما فى الجراب يا حاوى
ما تنسيش احنا بلد الحزب الواحد وبلد المدير الواحد وبلد الفرصه الواحده وكل ما تعيشى حتشوفى من كدا كتير
تحياتى

adel said...

نفس الاحساس التحت سلمي :)

حاجات جوايا said...

ظلم وقهر
كلمتين بقوا اساسيتين فى قاموس الحياة المصرية
لا عدل ولا عدالة
ولا احساس بقيمة اى شيء له قيمة
ربنا يهون علينا

بس سيبك انتى وحشتينى اوى اوى
بجد مفتقداكى
ومفتقدة لمتنا الحلوة عالماسنجر
كل سنة وانتى طيبة قمر
يارب السنة دى تكون بداية لوضع الامور فى نصابها الصحيح


تحياتى

Soul.o0o.Whisper said...

عمو فشكوووووووول

و عليكم السلام و رحمة الله و بركاته
كل سنة و حضرتك طييييييب

و بجد مبسوطة جدا جدا بزيارة حضرتك دى

لا طبعا مش هأنسى
بس مش هأنسى كمان اننا احسن ناس بنتكلم و بنرسم الاحلام :)

هييييييييه
ربنا يدينا و يدى حضرتك طولة العمر
;)

دمت بود

Soul.o0o.Whisper said...

عاااااااااااادل

نفس الاحساس بردوا؟؟
يا سبحان الله !!

ههههههههه


دمتى بالجبنة المشطشطة

Soul.o0o.Whisper said...

سااااااااااالى

كل سنة و انتى طيبة يا حبيبتى
و بجد انتى كمان وحشانى جدااااااا
و فعلا وحشانى اللمة

لكنها الحياة !!

فعلا ظلم
و اذلال

لازم اللى قدام يحس بسطوته و قوته
عشان يحس بارضاء نفسه

"يارب السنة دى تكون بداية لوضع الامور فى نصابها الصحيح
"

ياااااااارب
و لكنها تظل أمنية طى الأمانى
:)


دمتى بكل ود

still-searching said...

من الطبيعي اننا نحلم ويبقى لينا طموح في الحياه
لكن المشكلة اننا بنستعجل الاحداث بطريقة مذهلة
يمكن السبب في كده المجتمع اللي حوالينا والتقدم التكنولوجي الرهيب والعولمة
حياتنا كلها بقت سريعة
فمحتاجين احنا كمان ننط السلالم بسرعة
بس لازم واحنا بنفكر في السلم
نفكر ازاي نطلعه صح
وازاي كمان نبقى عارفين ان كل حاجة مكتوبة عند ربنا وهتحصل في وقتها


وللأسف زي مانتي بتقولي
التغيير نوع من الخيال

بس نسيبها على الله
وربنا هيكرمنا كلنا ان شاء الله

رحــــيـل said...

سووول
ازييييك
يارب تكوني بخير
ماتزعليش هتتصدمي شويتين تلاته وبعدين تتعلمي ازاى تتعاملى مع كل الاشكال دي
لان بجد الطيبة مش بتنفع انا جربت ده وبقالى خمس سنين فى الشغل والاكيد انى واحده تانية غير اللى كانت
فى اسس بتفضل طبعا ثابتة اللى بيتغير مهارات التعامل مع البشر المريضة نفسيا
ربنا معاكي ويهون عليكى

على فكرة في لقاء اخر الشهر عاوزين نشوفك اكييييييييد مش زى المرة اللى فاتت :)

فارس عبدالفتاح said...

اول مرة اشوفك فعلاً واقعية الى حد بعيد ولكم اكدت لك هذه النقطة وذلك الموضوع بوضوح ولكنك كنت تستخدمين الرد الدبلوماسي بحيث انك لا تقرينني بهذه القحيقة التي اطرحها بفجاجة وحدة

وبين عدم اقرارك الكامل بها حتى يكون هناك دائماً خيوط من الضياء الذي هو غير موجود اصلاً في العالم كله وليس في بلادنا فقط وهذا ايضا منذ بدأ الخليقة فاول جريمة واول كبيرة ارتكبها الانسان كانت قتل اخيه الانسان

وهذا ايضا واقع مرير لا يفطن له الا النجباء .. كذلك ان الموت حقيقة لا نقاش فيها ولا جدال .



ولكن هل تخيل انسان عندما يتجبر على البشر امثاله وتصور ساعة خروج روحه من جسده وهو ملقى وينظر الى الشلل الذي اصاب جسمه وهي تخرج منه وهو يحس بالوان من العذاب الذي لا حدود له .


قد تصورت يوماً هذه اللحظة ساعتها لم استطع ان انام .



اههههههههههههههههههههه



مش بهزر ولا بهرج .. مأساة الانسان انه لا يعرف قدرته الحقيقية ومأساته ايضا انه يريد ان يستحوذ على كل شيء فنفسه وعدم قدرته على السيطرة عليها تعطية غي وغرور وغفله

لا حدوووود لها ... مع ان الحقيقة المجردة والواقع غير ذلك


ما تقوليه فعلاً نوع من انواع الشفافية وما تقوليه ليس في مصر فقط ولكن سوف تجديه في الصين واليابان وفرنسا وانجلترا واميركا وفي كل مكان يوجد فيه انسان


ولكن بنسق واطارات ونماذج مختلفة .. واعتقد ان هذا هو بداية الوعي والادراك الحقيقي لديك


فتحلي الصلابة والصمود .. والتحدي .. مع عدم التخلي عن القيمة الاخلاقية السليمة ومجابهة الواقع بكل وضوح وحزم مهما كان صعوبته ومهما كانت قوته ومرارته


اتمنى لك التوفيق

Soul.o0o.Whisper said...

لولا

بصى يا لولو ، فكرة اننا ننط السلم شئ طبيعى اننا نحلم بيه

بس اللى قصدته ان كل واحد فوقك بيدوس عليكى و لا كأن ليكى قيمة
فتحسى بانك تتتتتتتحت السلم حتى

ان شاء الله ربنا هكرمنا كلنا
بس لما نعمل اللى قالنا عليه

دمتى بكل ود يا جميل

Soul.o0o.Whisper said...

سااااااااااارة

أخبارك ايه؟؟؟
ليكى وحشة بجد

فعلا الحياة بتعلم
و بتخليكى تشوفى أشكال من البشر كنتى بتسمعى عنها بس

ربنا يعينا جميعا و يهونها علينا

ان شاء الله حبيبتى ربنا ييسر و أحضره :)

دمتى بكل ود

Soul.o0o.Whisper said...

فااااااااارس

ان ان اااااااااااان
فعلا يا فارس انت بتكتب عن الواقع بواقعية
:) حلوة دى

بص هو مش حكاية عدم اقرار
بس تقدر تقول فعلا ان الواحد كان عايش بامل
و لازلت بردوا
لأنى موقنة بقدرة ربنا على كل شئ

عشان كدا لسه عندى امل فى خيوط الضياء

لكن يمكن الفرق هو انى كنت عارفة
لكن الوقتى كل يوم عن التانى بشوف بعينى و بتغلغل جوا نفسيات و شخصيات كنت باسمع عنها بس

دا بيخلينى أفكر طبعا بشكل غير لما اسمع بس

فعلا يا فارس لو كل واحد يتفكر فعلا فى انه راجع راجع
و لحظة موته .. أكيد ماكنش طغى كدا

بس بردوا هى دى حكمة ربنا فى اللى ينساه و يتجبر

ادعيلى فعلا اتحلى بالصلابة و الصمود و التحدى مع عدم التخلى عن القيم لأن فعلا هو دا الامتحان

دمت بود

شمس النهار said...

برضه عندي امل

لسه عندي امل
خاليها علي الله

Soul.o0o.Whisper said...

شمس النهار

بدون أمل ... لا فائدة للغد
لكن النسبة تتفاوت

أتمنى يظل الامل حلفنا الى الابد :)


دمتى بكل الود