الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Apr 23, 2011

سلام ...و حبة تهييس


كيفكم جميعا؟؟ اخباركم ايه؟؟

طبعا بئالى فترة طويلة جدا مش دخلت على بلوجر

و طبعا كلكوا وحشتونى جدا و معترفة بالتقصير

و بأشكر كل اللى سألوا و بيسألوا عليا ، و بأقولهم : معلش استحملونى

لأن الفترة اللى فاتت كانت فترة عصيبة جدا سواء فى الشغل او فى الماجستير و مازالت !!....

تقريبا الناس دى لسه ماوصلهاش ان مصر قامت فيها ثورة

معلش بئا فرق التوقيت ، و طبعا كمان الغاء التوقيت الصيفى ساعد فى تفاقم هذه المشكلة

بس ان شاء الله ثقتنا فى د.عصام كبيرة و انه ان شاء الله يساعدنا على تجاوز هذه المحنة

<< والله مش عارفة الراجل دا هيلاحق على مين و لا مين ؟؟

ياللا ، ما علينا ...

أنا جيت بس اسلم عليكم ، و أقولكم كل سنة و انتوا طيبين بمناسبة الاجازة السعيدة دى

يااااااااااااااه من كام سنة ماخدناش يوم بدل أجازة ... كيك كيك كيك

3 ايام مرة واحدة ؟؟؟!! والله الثورة بتاعتنا دى عظييييييييييييمة

الناس تقوم بالثورة عشان تبنى من أول و جديد و احنا نعمل ثورة عشان ناخد بدل أجازة .. هكذا نحن نختلف عن الاخرين : )

فكل سنة و انتوا طيبين

و الاخوة المسيحيين كل سنة و هما طيبين

و كل سنة و كل مصرى بخير و طيب و بصحة و سلامة

و كل ثورة و انتوا طيبين و ربنا يعيد علينا الثورات بخير

و نقابلكم الثورة الجاية و انتوا فى أحسن حال

و بالمناسبة دى سؤال ع الماشى: تفتكروا ممكن نكتشف ان حسنى مبارك بردوا اشترى نجم باسمه زى ما بن على عمل؟؟

و لا ممكن يكتفى بملك ملوك افريقيا زى القذافى؟؟؟ !!!

سؤال برىىىىىىىىىىىىىىىىىىىئ جدااااااااااااااااااااا

و سلام بئا لحد ما أشوفكم تانى فى تهييس آخر

10 comments:

قلم رصاص said...

كل سنه وانتي طيبه
مالك بقى انتي ومال الثوره؟
مش فاهم انا الفلول عاوزين ايه بالظبط؟ ههههههههههه
:P

بس استايل المدونه الاولاني احسن
من وجهة نظري
:)

حمدلله على السلامه
بلوجر نور
:)

الفراغ said...

اول مرة اجى
وكل سنه وانتى طيبه
وايه جكاية ان مبارك اشترى نجم دى
عايزه اعرف ماشى
سلام بقا

hasona said...

كل سنة وانت بخير

hasona said...

كل سنة وأنت بخير

ربنا يسهل ومصر تتجاوز كل المحن
وتتحرك الي الامام والعلي والتقدم

AhMeD RaDy said...

اولا منورة من تانى

وربنا معاكى يارب

وان شاء الله خير وبالتوفيق

بالنسبة للثورة .. لسسسسسسسسسسسسه الجى افضل باذن الله تعالى

اما بقى للاجدازة قفيلا بقى من نفسك

بس ما تتمعيش فى اكتر من كدا

وكل سنة وانتى بخير .. وايام سعيدة على مصر كلها يارب

Soul.o0o.Whisper said...

قلم رصاص
........

و انت طيب يارب

خير بئا؟؟
كنت بتقول ايه؟؟
معلش علّى صوتك شوية أصل انت عارف النهاردة اجازة و الناس كلها بتتكلم :)

على العموم كويس ان الاستايل عجبك
خخخخخخخخخخخخ

و الله يسلمك
و شكرا ليك

Soul.o0o.Whisper said...

الفراغ
......

أهلا بيكى و نورتى المدونة
و يارب اتشرف بيكى على طول

و كل سنة و انتى طيبة و بسلامة

بس دا مش مبارك
دا بن على اللى اكتشفوا انه اشترى نجم !!!
فيعنى ممكن يكون مبارك من باب المشاركة الانسانية اشترى واحد معاه
و اهو بردوا يونسوا بعض فوق :)

سلام

Soul.o0o.Whisper said...

hasona
.......

و انت طيب و بسلامة

و ان شاء الله عندى أمل ان القادم أحلى
بس نكون كلنا ايد واحدة

شكرا ليك

Soul.o0o.Whisper said...

AhMeD RaDy
..........

أولا شكرا ليك
و المدونة منورة بزوارها :)

و ربنا معانا و يوفقنا جميعا

أما بالنسبة للثورة
فالقادم أحلى ان شاء الله
و مش هأطمع :)

شكرا ليك

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت