الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Nov 5, 2011

عيد سعيد ... من مذكراتى


السلام عليكم و رحمة الله و بركاته 

كيفكم جميعا ؟؟؟؟
عيد سعيد على الجميع إن شاء الله





و ياريت ميكونش حد زعلان منى ...
بجد كلكم وحشتونى جدا .. و عارفة انى مقصرة فى حقكم بس معلش اعذرونى ...


طبعا كنت متعودة فى العيد ان اعمل بوست عن ذكريات ..
و يمكن بئالى عيدين مش عملت كدا ... لكن قررت العيد دا انى احتفل معاكو ببوست عن مذكراتى
خاصة إنى قررت العيد دا اقلب الاوضة رأسا على عقب 





مش عاوزة أقولكم ... ياااااااااااااااااااااه

رجعت لأيام زمااااااااااااااااااااااان ... فتحت مذكرات يمكن مافتحتهاش من سنين 
مذكرات من اعدادى و ثانوي و جامعة
بس اكتشفت اكتشاف مذهل جدا جدا جدااااااااااا

وهو انى كنت باشتغل نفسى اوى 
ههههههههههههههههههه
فتحت فيما فتحت كدا خير اللهم اجعله خير 
لقيتنى باتكلم عن ناس و مواقف و طول مانا باقرأ عمالة أسأل نفسى هى مين الناس دى ؟؟
طب والله ما حصل !!!
هو أنا جالى زهايمر و لا ايه يا جدعان !!!
طب ايه؟؟؟
و اقعد اعصر دماغى جدا ... بس و ربنا ما اعرف الناس دى و لا عمرى المواقف دى حصلت معايا
عاااااااااااااااااااااااااااا
انا جالى زهايمر ... يا عينى عليا ، هو اللى حصلى دا قليل !!!

قووووووووووووووم ايييييييييييييييييه ؟؟؟
قوم بعد ما خلصت الجزء دا و فى آخر صفحة ، ألاقينى كاتبة بما معناه
 " حلو الاشتغالات اللى انتى بتشتغليها لنفسك دى ، تعيشى و تاخدى غيرها ...!!"
مش عاوزة أقولكم على اللى عملته ... كان ناقص اقوم اصلى ركعتين شكر لله
اهو أشتغل نفسى و لا انى اطلع عندى زهايمر هههههههههههههه

ياللا .. عشان مابئاش ازعل من حد لما يشتغلنى
إذا كنت انا اشتغلت نفسى !!!
لا يا ماما .. انا اشتغلك اه ، حد تانى لا ..مفهوم؟؟
بسم الله الرحمن الرحيم .. انتى بتطلعى امتى ؟؟
باطلع وقت ما يعجبنى .. المهم كلامى يتنفذ 
يا شيخة اجرى كدا .. قال يعنى شاطرة اوى و مابتخليش حد يشتغلك !!
لا .. مش باخلى الباقى عليكى بئا ...
طب حلى عن سمايا بئا عشان مش طلباكى الوقتى 
نعم؟؟ ماسمعتش كدا تانى ؟؟
باقول يا سول يا حبيبتى يا روح قلبى ماما جايبالك مصاصة .. روحى الحقيها قبل ما يفترسوها 
طيب ماشى .. بس بمزاجى على فكرة !!
ماشى هو انا قلت حاجة :)

عادى يا جماعة ماتخدوش فى بالكو 
دا اللى بيحصل كل يوم  ... ربنا يصبرنى عليها 

المهم بئا ايه كمان ؟؟!!!
اكتشفت انى كنت بردو باكتب حكم ... اه والله شوف ازاى ؟؟!!
لقيتنى كاتبة بتاريخ 23/4/2003 :
" الإنسان مش بس بشكله و لا بمنظره و لا بوزنه فلوس ،
الإنسان بشخصيته  بأخلاقه بوزن حبه للناس و حبهم ليه ،
يمكن لسه ماليش تجارب فى الحياة اد كدا ، بس تجارب الناس 
و حياة السابقين خير دليل على كدا ، خاصة لما تقعد تسمع ليهم و أد ايه عانوا فى حياتهم ؟؟!!
أكيد دا بيديلك شئ ممكن تستفيد منه ،
و لما تحب تسأل ، تسأل مجرب .. مش تاخد رأى اللى هواهم هواك و بس ،
و دا لأنك هتبئا متأكد إنه عن تجربة سابقة و هتبئا نصيحة تفضل معاك على طول .."

يا سلااااااااااااام يا نفسى ، 
والله ساعات بيطلع منك كلام لوز لوز لوز :D

و بعد مرور أكتر من 8 سنين و نص ، اقدر أقولها كلامك والله مظبوط 
و اسمحيلى اديكى نصيحة أنا كمان :
" لما تعوزى تعملى حاجة .. اول شئ لازم تكونى مؤمنة بيه تماما ...
و تخلصيها لربنا .. لأنه ماكان لله دام و اتصل ..
و ما كان لغير الله انقطع و انفصل ..
و كمان عشان تاخدى الفايدة الكاملة من الحاجة دى ..

و خليكى دايما مؤمنة اوى إن ... ما أخفاه الله عنا كان أعظم "

عيد سعيد عليكم جميعا ،
و معلش بئا وجعت دماغكم بمشاغباتى مع نفسى 

دمتم فى أمان الله

3 comments:

فارس عبدالفتاح said...

عيد مبارك عليك وعلى الاهل والاحباب


وكل اشتغالة وانتي طيبة

Soul.o0o.Whisper said...

عيد سعيد على الجميع ان شاء الله


و كل اشتغالة و انت طيب
هههههههههه

ابراهيم رزق said...

كل سنة و انتى طيبة

عيد سعيد عليكى