الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

May 18, 2009

الـوجـه الآخـر للـعـملـة + تحديييث

تحدييييث : أنا بأعتذر للكل عن تأخيرى فى زيارتكم و الرد على تعليقاتكم .. و طبعا الكل حاطط فى دماغه انى بالعب مع شذى بئا
عارفة أنا الحقد الدفين دا ..
لالالا اطمنوا أنا أخدت الدور منها ، و نايمة فى السرير من ساعتها
عاااااااااااااااااااااااا
ماشى .. ماشى .. ماعدتش هأقولكم على حاجة
هه .. بس
أما أروح أرد عليكم بئا
................................




أولا يا جماعة أحب أقولكم خبر جمييييييييل جدااااااااااا ..على الاقل بالنسبة لى .. :)
عاوزة أقولكم إن ..شذى جتتتتتتتتتتتتتتتتتتت ..هييييييييييييييييييييييه
و طبعا إذا حضرت شذى .. غابت سول عن المدونة و الدنيا كلها

فمعلش لو هأقصر معاكوا شوية سامحونى
طبعا لازم آخد حقى منها
بس بجد أدعولها جامد .. البنت ياعينى أخدت دور برد جامد و مولعة نار .. ربنا يتم شفاها على خير يارب



ثانيا بئا ..نكمل مع بعض مغامراتى الرائعة مع مفهومى للاسلام :)


طبعا كنت من أشد المعارضين للحجاب الشرعى ..

كنت رافضة تماما فكرة الخمار دى .. و لا متصورة أصلا انى ألبس جيبة ..

و بابا و ماما : يابنتى يهديكى .. يرضيكى ،

و أنا أبداااااا : ..هو أنا كدا وحشة ؟؟ مانا لبسى واسع و محتشم أهو .. لازم الجيبة يعنى ؟؟

يابنتى بس كدا ماينفعش ..المفروض بئا نلتزم ..

يعنى أنا كدا مش ملتزمة ؟؟

و هكذا نقاشات لا تنتهى ، و أنا أرفض لمجرد الرفض .


و فى يوم ، فاكراه كويس أوى .. كنت بأكوى الخمار و النقاب لماما عشان نازلين المسجد .. قوم اييييييييييه ؟؟

ضربت فى دماغى و هالبس الخمار-هو طبعا كله بفضل الله و توفيقه-

يابت اعقلى ..ايه اللى انتى هاتعمليه دا؟؟

لا هو كدا .. و قرار يعنى قرار ،و هانفذه اللحظة دى

<< تقريبا هما كانوا داعيين لى بقلب جامد فى ساعة إجابة : )


المهم رحت لماما قلت لها : عاوزة خمار من بتوعك لحد ماشترى واحد ..

طبعا ماما ماكنتش مصدقة ..بس فرحت اوى و قامت بسرعة تجيب لى واحد قبل ما أغير رأيى ،

و لبست جيبة .. اه والله تخيلوا ؟؟.. طبعا انجااااااااااااااز


المهم .. طبعا أنا نازلة بأتنطط على السلم عادى يعنى و فرحانة ..و نزلت اول دور و على اول سلمة من الدور التانى ...هوب ..

تاك .. تاك .. تاك .. طرااااااااااااااااااخ

و الدنيا بئت سوداااااااااااا .. و محستش بأى حااااااااجة .. شوية كدا حاولت أفتح ، طبعا مش شايفة حاجة .. أوبا ، فى ايه ؟؟..حبة كدا و الرؤية بدأت تتضح – طبعا انتوا عرفتوا ايه اللى حصل : ) – قعدت حبة كدا آخد نفسى ..

شفتى ، آدى آخرتها .. كان لازم يعنى تلبسى خمار و جيبة ؟؟ يابنتى انتى مالكيش فى الكلام دا ..

بصى .. انا أخدت قرار ، و مش راجعة فيه ،و اللى عاوزة تعمليه اعمليه ..-طبعا الثبات من عند ربنا ، فلله الحمد-

طيب ياختى لما نشوف ..


طبعا قررت إنى هأعاند نفسى و أنزل الدرس بردوا .. بس ايه نزلت واحدة واحدة ..

و طبعا تانى يوم .. بئا وشى ميكب ناتشورال ..هههههههههه


المهم بعد ما الحمد لله ربنا ثبتنى على الخمار .. بدأت نظرتى تتغير بالنسبة للدروس اللى كنت بأحضرها ، يعنى مابئتش اسمع بس ، لا .. اسمع و بأحاول أطبق ..

بس طبعا لأن الدروس بردوا ماكنتش الاسلام كله ،و إنما الاسلام المتقشف ، جانب الزهد ..

فكنت بأعمل حاجات أووفر شوية ..

مثلا : بصى يا ماما ،خلاص بئا هما جيبتين و بلوزتين و خمارين .. هأعمل إيه بكل دا ؟؟.. شيلى ..

إيه دا يا ماما؟؟ أنام على سرير !! .. حاشا و كلا و بئيت أنام على الأرض <<بس ساعات كنت بأنزل المرتبة على الارض لما أتعب :D

طبعا ماكنتش حياتى كدا على طول ..ساعات كنت باتمرد على نفسى ، و اطلع عليها اللى بتعمله فيا : )


و بردوا حكاية التساؤلات اللى كانت تيجى فى دماغى دى بئيت أقفل عليها خالص .. هو أنا اللى مش فاهمة ، لما أعرف اكتر أكيد كل حاجة هتوضح ..و بعدين هو ربنا قال كذا يبئا كذا .. مش عاوزين كلام كتير ..


كمان بئا بئيت بأشوف الاخوات اللى بيعطوا دروس دول أو الشيوخ ..كأنهم ملايكة الله فى أرضه ، و ماينفعش دول أصلا يغلطوا ..


و الدنيا وحشة و كلها معاصى ،و إن الواحد لازم يبعد عن كل الحاجات دى ،

و كنت طلبت من بابا كمان إنى ألبس النقاب ، بس هو رفض تماما .. لأن ساعتها كانوا بيرفضوا دخول البنات المدارس منتقبات ،و كمان كان عندنا مدرسات انتقبوا فبئوا يخلوهم من على بوابة المدرسة يكشفوا وشهم ..

و قعد يقولى: كدا انتى هتضرى نفسك و النقاب فضل مش فرض ، المهم .. وافقت على مضض إنى أءجل الموضوع شوية .


بس كان فى حاجات اووفر أوى صراحة بأشوفها من البنات اللى التزموا الفترة دى ، يعنى فى بنات فيهم فضلوا يغيبوا لحد ماتفصلوا عشان التعليم مالوش لازمة ،و ان البنت مكانها البيت ،و هتعمل ايه بالتعليم؟؟ و خلاص حياتهم بئت للعبادة و القرآن و الصلاة ..

الصراحة كنت بأرفض المبدأ دا خالص ، يعنى صح نفسى أتفرغ لعبادة ربنا و حفظ القرآن .. بس مش كدا ..


و ياه بئا على التصورات اللى كانت وقتها ، يعنى مثلا مدام واحدة التزمت يبئا خلاص اللى ترتبط بيه ماينفعش غير انه يكون شيخ و حافظ القرآن .. و لما يرزقهم بأولاد ، يبئا واحد فيهم القارئ الفلانى ،والتانى الشيخ الفلانى .. و .. و .. و .. لالالا ، كانت أفكار عظيمة جدا : )


و لا بئا كنت حاطة فى دماغى انى لما انتقب ايه ..خلاص بئا هأبئا الملاك اللى مش بيغلط و مثالى فى كل شئ ، و ابئا حد زى الصحابة كدا .. و شوية أفكار يعنى بجد .. ساااااااااااااااااااذجة جداااااااااا ..

بلاش ضحك ..ماشى ، شايفاكوا بتضحكوا اهو ..



لا بجد كنت عايشة مع نفسى خالص ، يمكن كمان لأن فترة ثانوى كنت مقفولة خالص وكان حيز التعامل و الخروج للحياة قليل ، فكان الواحد بيرسم تصوراته و يعيش معاها ..و فضلت كدا لحد ما جيت داخلة الكلية .. اللى كان فيها أكتر من مرحلة مروا عليا .. بس بجد أحلى أيام كانت أيام الجامعة ..

المرة الجاية نشوف بئا عملت ايه فى الجامعة ، او هى عملت ايه فيا !!!!..


و .. سلاااااااااااااااااااام


107 comments:

حاجات جوايا said...

أووووووووول تعليق برضه
ايه الهنا ده
ههههههههههههههه


وحشتينى يا قمر
أخبار شذى ايه ؟ لسه تعبانة ؟

ربنا يشفيها يارب ويبارك فيها ويخليهالكوا يارب العالمين


جميلة اوى السلسلة دى يا قمر
والله انا جاتلى برضه خيالات كده انى البس النقاب
بس خاااايفة
خصوصا انه فضل مش فرض
وانى مش من النوع اللى يلبس النقاب وبعدين يقلعه
وان بلدنا مبقتش بتعترف بالحريات الشخصية والمنقبات بيتعرضوا لمضايقات كتيرررررررررر أمنيا ومش معقول كل مااروح فى حتة اكشف وشى عشان تحقيق الشخصية

ربنا يهدينى لما فيه الخير
ويهدى كل المسلمين
ويثبتك يا قمر التدوين
:)


سلام يا جميلة

ســـهــــر said...

ربنا يهديكى لما فية الخير يا جميلة
والف سلامة على شذى
الا بالحق هى مين شذى :$

تحياتى ليكى

د. ياسر عمر عبد الفتاح said...

شذي رجعت ..!!
والله رجعت .. حقيقي انا مبسوط


شذي مين ؟؟


المهم
والله أنا حاسس بكل كلمة اتقالت
عمال أشوف شريط حياة ناس كثير قدامي
وحتت كمان شبه شريط حياتي
هيه بدايات الإلتزام كلها واحدة وشبه بعض
بس والله بيبقي فيها أجمل أحاسيس إيمانية .. ولا يوم من أيامها
وموضوع التقشف ده مشفتهوش غير في الإعتكاف بس

بس علي فكرة الأفكار دي مش وحشة .. والتشدد في البدايات بيبقي كويس في النهايات بس لو الواحد كمل
ربنا يثبتك يارب
ويثبتنا جميعاً

Soul.o0o.Whisper said...

حاجات جوايا
...........

ساااااااااااااالى الجميلة
مبروووووووك عليكى أول تعليق يا قمر

أنتى كمان وحشتينى والله
اه شذى لسه تعبانة
و على طول بتعيط
ربنا يتم شفاهها على خير يارب


مممممممم
ان شاء الله موضوع النقاب دا هأفرد له بوست ان شاء الله

عشان فى ناس كتير كلمونى فيه
و إن شاء الله يا قمر ربنا يهديكى لما فيه الخير

بجد مبسوطة بتعليقك اوى يا سولا
ربنا ما يحرمنى منك يا قمر




دمتى بكل الود

Soul.o0o.Whisper said...

ســـهــــر

أولا : أهلا بيكى يا جميل
نورتى المدونة و بلوجر كله

ربنا يثبتنا جميعا يارب

شذى؟؟!!!..
ماتعرفيش شذى؟؟

لالالالا
زعلتينى منك
ههههههههه

شذى بنت أخويا يا قمر
نزلوا أجازة بس أخويا لاااااااا
عااااااااااااااااا

ربنا يرجعهولى بالسلامة يارب

دمتى بود يا جميل

Soul.o0o.Whisper said...

د. ياسر عمر عبد الفتاح


شذي رجعت ..!!
والله رجعت .. حقيقي انا مبسوط*

و أنا كمان مبسوطة
:)

شذي مين ؟؟*
ان ان اااااان
طيب مش مشكلة هأعديها
شذى بنت أخويا



بص يا دكتور هو بيكون حسب المجتمع اللى انت فيه
و بعدين المواقف دى من معايشتى للناس و معرفتى بيهم
مش ناس ماليش علاقة بيهم و شايفة عليهم كدا

أنا بأتكلم عن معتقدات و أفكار
انما فى الشارع تحس انهم ناس عاديين
فاهم قصدى؟؟

بس علي فكرة الأفكار دي مش وحشة .. والتشدد في البدايات بيبقي كويس في النهايات بس لو الواحد كمل*

فعلا يا دكتور والله
تعرف لما بأقعد أفكر
باقول سبحان الله
فعلا قناعتى بالاسلام ،و بجوهره اللى عرفته يمكن ماكنتش هتبئا كدا لو ماكنتش مريت بالمراحل دى قبل ماعرفه

بجد ربنا حكيم فى تقديره فعلا
و بيعطى كل انسان اللى يناسبه

ربنا يثبتنا جميعا يارب

و دمت بود

mahasen saber said...

يا حبيبتى شذى اتحسدت ربنا يعافيها ويبارك فى عمرها
اديها بوسه كبيره منى قبل الاكل وبعده وهتخف علطول ان شاء الله

وحشتتتتتتتتتتتتتتتتتتتتتنى يا سولو
ان شاء اللع عمرى ما اغيب عنكوا تانى

وحشتونى بجد يا اسرتى الغاليه على قلبى

mahasen saber said...

عارفه يئه يا سولو كل اليى انتى مريتى بيه ده وتخبطتى فيه ساعات اغلبنا مرينا بيه
بس العبره باليى بيقدر يفهم دينه صح يا سولو
ويعمل باليى جه فيه
عارفه فيه ناس والعياذ بالله كتر التفكير فى مفهوم الدين الصحيح بيقلب معاها والعياذ بالله غلط

Soul.o0o.Whisper said...

mahasen saber

سنسنننننننننننن
حمدلله على السلامة و نورتى الاراضى البلوجرية

ايه يا بنتى الغيبة دى؟؟
وحشتنى جدا بجد
يارب تكونى بخير ،و بيرو كمان

تصدقى أنا بردوا باشك فى كدا؟؟؟
:)
ربنا يتم شفاها و شفا مرضى المسلمين جميعا على خير

و هأنفذ الوصفة حاضر
;)

Soul.o0o.Whisper said...

صح يا محاسن والله
العبرة باللى يقدر يفهم دينه صح

ربنا يعلمنا جميعا يارب
و يفهمنا
و يرشدنا للطريق الصح دايما



ربنا يكرمك يارب يا قمر
و تنورينى دايما على طووووووول


لكى منى كل الحب
:)

فارس عبدالفتاح said...

طيب يا سول هو الوحدة لما تقعد في البيت وتتجوز واحد حافظ القران وبيعرف ربنا واتخلف عيال سواء كانوا بنات مع اني مبحبش خلفة البنات اصلي صعيدي لكن اذا جم خلاص عاد هاعمل ايه الحمد لله

ولا اولاد

يبأ هي كده محبكاها شوية ولا وشويتين يمكن يا ستي يجيلها ابن الحلال اللى هي عيزاه وربنا يطيب خاطرها


وبعدين سواء جالها او مجلهاش المفروض شرعاً وعرفاً انها تقعد في البيت مدام فيه القائم عليها وعلى شئونها وبعدين مدام هي اتعلمت سواء خدت شهادة ولا مخدتش شهادة يعني اللى هيجوزها باصص لشهادتها مثلا

اللى اذا كان انسان عايز يشغلها ويتعبها ويستفيد من وراها باسم المشاركة في الحياة والكفاح الاسري وهذه الاشياء

الاسلام اوجب على الزوج ان يتكفل اهل بيته وهذا امر شرعي واجب

اما المرأة حتى ولو كانت ثرية حتى ولو كانت تملك الدنيا ومن عليها لا يوجد عليه واجب شرعي بالانفاق على بيتها وزوجها واولادها

بل اذا كان زوجها معسر او بسيط وتفضلت هي عن طيب خاطر واعطته او انفقت من مالها عليه او على بيتها او على اولادها فهذا كرم منها وليس حق شرعي او حق مكتسب


والكثير من الرجال يرفض هذا سواء اكانت زوجته غنية او حتى تملك ان تساعد

وهناك ايضا من يستغلها باسم المشاركة في الحياة او بطرق متعددة

احساس طفلة محبة للرومانسية بس واقعية said...

عرفت شذى مين كنت لسة هسأل
ربنا يشفيها ويحميها

بصى انا شايفة ان الحاجات
اللى قلتيها ايجابية ومفيهاش حاجة غلط بس زى ما قلتى اوفر اووى

او يمكن صح ومفروض بس فى مجتمعنا صعب يكون دا الهدف بس
يعنى نقدر نفيد غيرنا ونفيد نفسنا
فى دنيا وفى الاخرة
ونكون بين اليسر والعسر مش فى جانب منهم بس

وبعدين فى ناس كتير منقبة وبتقول دروس وخطب وملتحين بس مش ملايكة فى الارض
بالعكس ممكن تشوفى منهم تصرفات ميعملهاش حد متسيب فى الدين
يعنى مش الكلام اللى يحدد التدين

مفيش افضل من الالتزام فى حدود واطار معين

مستنياكى تكملى
تقبلى مرورى

Sweet Violet said...

للولولولولولولولولى

احلى زغروطه لرجوع شذى

عاااااااااااااااااااااااااااااااااااااااااااااااا

و ده بقى علشان هى تعبانة

الف سلامة عليها ياقمر

بوسة بقى كبيرة و حضن ليها جاااااااااااااااااااااااااامد قوى قوى لحد ماتفعصيها

عارفة لو مش فعصتيها هحقق الرسالة اللى بعتها نيهاهاهاهاهاهاها

(شريرة شريرة يعنى مافيش كلام )

^^^^

عارفة فكرتينى بأول مرة ألبس جيب

كنت ماشية زى الانسان الآلى اى و الله و ماكنتش عارفة امشى و كانت ليلة الصراحة

بس الحمدلله مش عملت زى ناس تانية اكيد اكيد

مش تعرفيهم طبعا
(رخاااااااااااااامة)

موضوع التقشف ده بجد بستغربه لان زمان كانوا عايشين حياتهم و ملتزمين

بجد بعض الشيوخ بيحسسونى ان الاسلام دين بيدعى الى الفقر اكتر منه القناعة و الرضي

و اعتقد فرق شاسع مابينهم

منتظرة التكملة طبعا بس بلاش تأخير بقى ماشى

علشان ضد مش تطلع انا بقول اهو

تحياتى ياجميلة

(:

اسماء واحلام فى وجدانى said...

اسماء واحلام فى وجدانى

ايوشة said...

السلام عليكم ياسووووول
الف حمدالله على السلامة لرجوع شذى وربنا يشفيها ياااااااارب ومعلش بقى هنسامحك على الغياب علشان خاطر شذى بس ربنا يخليهالك ياااااااارب
وبالنسبة للبوست كل الكلام اللى بتقوليه انا بمر بيه دلوقتى بصراحة اى نعم لسه ما اخدتش قرار النقاب والخمار بس كل فترة تتطلع فى دماغى اعمله يعنى هعمله بس بتراجع علشان خايفة انى فى لحظة تانية اخلعهم ربنا يثبتك يااااااارب ويهديــــــــــنى ويهدى كل المسلمين امين يارب العالمين

رحــــيـل said...

سول
ربنا يخلي شذى وتفرحى بيها بس بعد مانفرح بيكى طبعا
:)
جميل جدا ان وصلت من المرحلة اللى كنتى فيها للمرحله دى وانك بتطبقى حاليا عن فهم واقتناع ان الحياه مش احنا نفقل علينا وخلاص

ربنا يثبتك دايما يارب

hamada said...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/group.php?gid=45202724108#/group.php?gid=78080770039

romansy said...

الف سلامه على شذى واصحاب شذى
الذكريات اجمل شئ فى الوجود دايما بنحس بيها بنحتاجها اوقات كتير ترجعنا تانى لحاجات جميله فى حياتنا
ربنا يهدينا جميعا
لما فيه الخير والصلاح

عاشقة الأحزان said...

السلام عليكم
طبعآ حمد الله على سلامة شذى رغم انى مش عارفه مين شذى
ههههههههه
وجميل قووى ماكتبتى من ذكريات منظرين منك المزيد ربنا يبارك فيكى
تحياتى ليكى حبيبتى
ايناس

قلم رصاص said...

السلام عليكم

اولا حمدلله على سلامة شذى

واحييكي بكل التوقير والاحترام على هذا البوست المتميز

حاجة جميلة جدا ان الانسان يحاول يرصد جوانب حياته بشكل أو بآخر

وانا سعيد جدا باقتناعك بارتدائك الحجاب الشرعي ..لأنه أكيد مقربة لله اكتر

وربنا يجازيكم كل خير

والله تعالى نسأل التوفيق لي ولكم ولكل المسلمين

في حفظ الله

mimi said...

لا إاله إلا الله .. محمد رسول الله

حمد الله علي سلامة شذي

mosooz said...

وانا بقول الدنيا نورت كدة لية
اتارى شذى جت
على العموم ربنا يشفيها ..وتبقى احلى

بس لسلسلة دى جميلة جدا
وفعلا المشكلة اللى عند معظم الناس التفكير..فلو احنا فكرنا كويس ..هنشوف الحياة بطريقة كويسة
..والعكس


تحياتى

رؤية said...

هو انتى عاملة زيى بتقعى على السلم من زماااان
بس انا بقى مش علشان الجيبة
المهم

فى انتظار الباقى

تحياتى

هذه حياتي said...

السلام عليكم ورحمة الله وبركاته

أختنا العزيزة همس الروح

عودا حميدا لشذي

ولك أيضاااااا

وكلام جميل مشوق في انتظار الجديد ونرجو من الله أن يزيدك ثباتا وتمسكا بطريق الخير وتفهما للحق

خالص مودتي وصادق دعائي

ريمان said...

عشان بقى شذى جت يبقى خلاص


هتنسينا يعنى بقه

ماشى ماشى

مقبوله منك يا سيتى

حلوه اوى حكاياتك الجميله دى

ربنا يزود فى قلبك الايمان يا رب

حنعيش يعنى حنعيش said...

الف سلامة على شذى دة اولا
ثانيا بقى انا متوقع النهاية

صوت من مصر said...

هعلق بعد اسبوعين عشان بمتحن

مسدس صغير said...

فعلا اللؤلؤ لا يعرض للناس وانما يوارى.
كذلك البنت المسلمة
نسأل الله لكى الثبات.

عاشقه الرومانسيه said...

حمدالله على سلامة شذى
ايوه ياعم
من لاقى احبابه نسى اصحابه
ولا ايه؟
ربنا يشفيها ياااااارب

وربنا يزيدك من فضله ويثبتك ياقمر
قولى امين يابت
(:

اموووووووووه

الجواز و سنينه said...

حمدلله على سلامه شذى
و هيه كل الاطفال كده
ماطلعناش بالساهل
هههههههههههه
طلعنا عنين اباهاتنا و اماهتنا اسألينى انا
المهم انتى كالعاده سكر و عثل و طحينه يا بنتى انتى شربات
طيب اقولك ايه تانى اكتر من كده
بس ماله السرير و مال التقشف
عملتى فى نفسك كده ليه يا سول
انا عارفه انها محله و عدت بس مش متخيلاكى كده
ههههههههههههه

ن said...

السلام عليكم
أختى الكريمة .. سول
جميل انك طول الوقت تجاهدين نفسك وتعملين على تقويمها وتهذيبها فالنفس أمارة بالسوء الا ما رحم ربى ان ربى غفور رحيم
ولكن يا سول الالتزام بما أمرنا به الله لا يجعلنا نعيش حالة التقشف أو الزهد ونحن مجبرين عليها وليس الزهد أن تنامى على الارض ولديك سرير أو نأكل الخبز الجاف وورق الشجر وقد انعم الله علينا بالثمرات .. الزهد مسألة اكبر من ذلك بكثير وأنا ارى الحكمة فى ما أجمل أن يسعى اليك المال وتسنخدمه وأنت زاهد فيه اعلم انها معادلةصعبةولكنها تحتاج مجاهدة للنفس قد تبنى فى سنوات ولكننا حتماً نصل لأن الله عز وجل يحب لنا مجاهدة النفس لأن الجنة ليست مجاناً فالطريق اليها يبدأ من كبح جماح هذه النفس
جزالك الله كل خير
مع خالص تحياتى

رحله البحث said...

انا اوافق تماما انا النقاب حريه شخصيه ولكن الغريب اننا فى مجتمعنا قد نوافق على اى شىء شاذ وخليع على انه من الحريات الشخصيه بينما نظهر بعض القلق تجاه الملتزمين وقد يكون لذلك لاسباب كثيره اهمها الاعلام
ولكنى اعيب على معظم من يلتزمون شيئا ولقد لمسته بنسبه 80% من الاشخاص المحيطين بى الذين التزموا ان كل من يلتزم يتغير مظهريا 180 درجه ولا اعلم لماذا يتمسك بسنه تقصير الملبس وينسى الكثير من سنن النبى صلى الله عليه وسلم الخلقيه ويبدأ فى التعامل كانسان آلى
كلهم متشابهون يقولون نفس الكلمات ونفس الأفكار ليس لاحد فيهم فكره الخاص الذى استنار من دراسته وتوغله فى الدين العظيم اكثر واكثر واقترابه من الله عز وجل
حتى قد يبدو ان كلماتهم كما لو كانت ملقنه بل ان البعض منهم يبدأ بالكلام بصيغه نحن وهم
من نحن ومن هم ؟
نحن يقصد بها الملتحيين وهم يقصد بها الغير ملتحيين
سبحان الله
انا احترم واقدر كل من يلتزم وكل من ترتدى النقاب لانه ان دل على شىء فيدل على الالتزام ولكنى ارجو من كل من يلتزم حديثا ان لا يتسرع بتغيير الكون وترديد الكلام فليتعلم اولا
لان السلف الصالح قضوا معظم أعمارهم يتعلمون ولم يكن من السهل تكفير المحيطيين بهم ولا اخراج الفتاوى من افواهم بدون علم فلنتعلم جيدا ثم ندعوا الى الله ونتكلم
اسف للاطاله

rovy said...

السلام عليكم
ازيك يا سول
الف سلامه على شذى بنت اخوكى زى ما عرفت ..
ربنا يشفيها ياارب و يبارك لكم فيها
ربنا يهدينا جميعا الى ما فيه الخير و يثبتنا على الحق و يحسن ختامنا جميعا
متابعه معاكى حبيبتى باقى الموضوع و ايه اللى حصل لما دخلتى الجامعه ..

دمتى غاليتى بكل الخير

تحياتى

حوراء المقـدسية Jerus Nymph said...

ثيتك الله على الاسلام يا سول

و تقبلي مروري و تعليقي

:)

Nour said...

السلام عليكم..
ان شاء الله تكونى بخير يا همس وشذى .. وحمد لله على سلامتها وشفاها الله وعفاها..
افضل شىء فى تلك الفتره هى الانعزال عن المجتمع الصاخب حتى تتضح الرؤيه وتولد الافكار ويتم تثبيتها حتى يولد اليقين الكامل ..
وربنا يثبتك يا همس.. ويهدينا والجميع..دمتِ بخير

أم مالك said...

اول مرور على مدونتك وسعيدة جدا
نموذج مثالى للفتاة الملتزمة
مرحة ولذيذة ودمك خفيف
وهذا ماقصدت غير الفكرة اللى الناس
واخدها عن الالتزام
ربنا يبارك فيكى وفى انتظار باقى الاجزاء
وادعوكى لزيارة مدونتى ولى الشرف
تقبلى مرورى ودمتى بخير

عمك ياض said...

حاجه حلوه والله ان حضرتك بتحكي ازاي وصلتي للقرار بتاعك وكنتي بتفكري ازاي واحساسك قبل وبعد وكل الكلام ده.. عشان الناس تحس بالموضوع اكتر وتشوف حاله عمليه يعني :)

جزاكم الله خيرا يافندم :)

سما أحمد said...

جميل يا سول
جميل جداا

انا رح اعلق على نقطة كانت فعلا بتغيظني ايام الجامعه للاسف مكنتش لسه محجبه ولا حتى بصلي اهو اعتراف خطير حصري ليكي بس

والحمدلله الذي هداني

نيجي للبنات بتوع الارشاد والنصح للاسف طريقتهم منفرة جداااا وممكن من هون من عندك ننبه انه الارشاد بيكون بطريق التحبب والوصول للاخر بالاقناع بالكلمة الحلوة مش بالترهيب والنظرة بقرف للغير محجبة رغم كنت متلك مش محجبه لكن ملابسي مش اوفر وعاديه جدااا

المهم انه لقيت بنت احتوتني بطريقه رائعه ومحببه وفعلا كان لها اثر كبير في تغييري وتعلمت منها الصلاة ثم ارتديت الحجاب
فلاحظي الفرق بين ناس كان ممكن تنفرني من الدين وناس كانو الطريق للالتزام والحمدلله
متابعه يا قمر يالا بسرعه
شوقتينا

واحد من العمال said...

السلام عليكم ورحمه الله وبركاته

ماذلنا متابعين لخطواتك نحو الحقيقه
ومستمتعين

وحمداُ لله على سلامه شذى
هى مين شذا؟؟

ودمتِ فى أمان الله وحفظه

جارة القمر said...

أجمل حاجة هنا تلقائيتك وكأنك بتكلمينا

بجد اتسلوبك رائع

وانشالله حنتواصل

شكرا لزيارتك لي ومساندتي

احترامي

ستيته حسب الله الحمش said...

حمد الله على سلامة شذى

اما عن البدايات فأظن بشكل او بآخر كلنا بدأنا كده
بتحدي لنفسنا ورغباتنا المكبوتة اللي نفسها عكس ما امر ربنا ووقوع السلالم من الجيبات وكل الحبشتكانات

في الآخر بعضنا وصل لترويض النفس
وبعضنا لسه بيسايس فيها وربنا يهديها

انا معاكي ومش بحب "الساسبنس" يالا لخصي وخلصي
عاااااااااااااااااااا

فركشاوي ..ناوي said...

بسم الله الرحمن الرحيم
السلام عليكم ورحمه الله وبركاته
-------
أنا عرفت مين شذي
ربنا يحميهاويشفيها
شذي يا جماعه اللي أكلنا تورته وجاتوه وشربنا من كيعانا في عيد ميلادها ايه بتاكلوا وتنسوا
-----
رائع يا دكتوره الصراع بين النفس و ما يجب ان نكون عليه
يجب ان نكون كما امر الله
لا كما نحب ونهوي
كما أمرنا المُخلف نسير علي نهجه ومنهجه
كلام يتطابق مع مفهومك للخلافه في الأرض كما وضحتي في تعليقك عند رئيس التحرير
ربنا يوفقك و سلامي لشذي
و ابو شذي
وكل أسره شذي الموقره .

Ramy Wasel said...

كان فاضل الدقن

بس الحمد لله جات سليمه
وللاسف فى شيوخ كتار بيفهموا الناس الدين غلط
ولكن الاسلام فى اصله البساطه والسماحه
وليس بالتذمت والتشدد

تحياتى
رامى واصل

mimi said...

برجاء قراءة موضوعي الجديد للأهمية

تحياتي

dr aly khamis said...

السلام عليكم و رحمة الله و بركاته
د / ( سول )
أولا أسأل الله العظيم رب العرش العظيم أن يشفى شذى
ثانيا : انت ليه كنت بتنامى على الأرض .. سمعتى حد بيقول ان ده أحسن يعنى و لا انت توقعتى كده

و طبعا تانى يوم .. بئا وشى ميكب ناتشورال ..هههههههههه

ههههههههههه :)
فكرتينى بحاجة ...










بتدورى على ايه
مش هقولك عليها

اسأل الله أن يثبتك ..
مستنى المادة اللى بعد كده بعد ما تشبعى من شذى ..
بالمناسبة سلميلى عليها

بارك الله فيك
تقبلى خالص تحياتى و تقديرى

Soul.o0o.Whisper said...

فارس عبدالفتاح
...............

أخى الفاضل / ا.فارس

بجد تعليقك رائع جدا
و أسجل اتفاقى معك فى الرأى

فعلا هو دا المفروض
وهو دا اللى شرع قاله

أنا طبعا مش معترضة على ان الواحدة لو عاوزة تتجوز واحد حافظ القرآن و تجيب أولاد و يعيشوا فى تبات و نبات كمان ..ربنا يوفقهم

لكن اعتراضى ان يكون دا هو مفهومنا عن الاسلام و ان الاسلام لم يرد منا غير ذلك

الاسلام اكبر من كدا بكتييييييييير
و اعطى لكل شخص منا متسع من الحرية يتحرك فيه انى شاء

إذا هو رضى بزاوية فقط منه
فله ذلك و لا يعيبه ذلك
و لكن أن يظن أن الاسلام لا يشمل إلا زاويته و غير ذلك حرام و بدعة أو غير ذلك

فقد أخطأ فى حق الاسلام

مش كدا و لا ايه؟؟
اعتقد انك فاهم قصدى


"المفروض شرعاً وعرفاً انها تقعد في البيت مدام فيه القائم عليها وعلى شئونها "

الشرع رغب فى أن تمكث المرأة فى بيتها اولا خوفا عليها
ثانيا حتى لا تثير فتنة
لكنها متى التزمت بضوابط الشرع و أرادت الخروج فلا حرج عليها
لكنه ليس الافضل

و فى مجتمعنا الحالى أصبح العرف هو خروج المرأة للعمل
يبئا لسه ايه؟؟
لسه انها تلتزم بضوابط الشرع
مش كدا و لا ايه؟؟

أرجو منك أن تقرأ هذا البوست
لأن كدا هندخل فى موضوع تانى غير الموضوع الاصلى للبوست
:)

http://voice00of00mine.blogspot.com/2008/02/blog-post_29.html

دمت بود

Soul.o0o.Whisper said...

احساس طفلة محبة للرومانسية بس واقعية
...................................

عرفت شذى مين كنت لسة هسأل
ربنا يشفيها ويحميها*

يااااااااارب اللهم آمين
و أنا معاها :)

بصى انا شايفة ان الحاجات
اللى قلتيها ايجابية ومفيهاش حاجة غلط بس زى ما قلتى اوفر اووى *

بصى يا جميل أنا ماعترضتش عليها و قلت انها غلط فى ذاتها

أنا كل اعتراضى
ان يكون دا بس هو منظورنا للاسلام
و مفهومنا ليه


وبعدين فى ناس كتير منقبة وبتقول دروس وخطب وملتحين بس مش ملايكة فى الارض *

صح يا جميل و دا لأننا فى الاول و الاخر بشر
و البشر خطاء

مفيش افضل من الالتزام فى حدود واطار معين *
دا طبعا بعد ما نعرف حدود اسلامنا
و نشوف قدراتنا و ناخد اللى يناسب قدراتنا
عشان يبئا لا افراط و لا تفريط
:)


بجد سعيدة بتواجدك و مستنية رأيك دايما


دمتى بكل ود

Soul.o0o.Whisper said...

Sweet Violet
............

ضدتىىىىىى
يا هلا يا هلا

حضنتها ياختى
حضنتها لحد مافعصتها
هوب قمت واخدة الدور منها و نمت انا

ماشى يا ضد
آدى آخرة اللى يمشى ورا كلامك
عاااااااااااا

فكرتينى بأول مرة ألبس جيب
كنت ماشية زى الانسان الآلى اى و الله و ماكنتش عارفة امشى و كانت ليلة الصراحة*
انا بافكر نبئا نعمل بوستات نقول فيها ذكرياتنا
هههههههههههه


موضوع التقشف ده بجد بستغربه لان زمان كانوا عايشين حياتهم و ملتزمين
بجد بعض الشيوخ بيحسسونى ان الاسلام دين بيدعى الى الفقر اكتر منه القناعة و الرضي*

بصى يا ضد أنا اكتشفت والله اعلم
إننا اللى بنفهم غلط
يعنى بنسمع الدرس من هنا
و نعيش مع اللى فهمناه منه
مفيش حد نسأله هو اللى فهمناه صح و لا غلط
طب هو ايه المفروض نعمله
و بالتالى بيكون فى صراع داخل كل واحد منا

عشان كدا مش لازم نكتفى باللى نسمعه بس
لازم ندور و نبحث عشان تكتمل عندنا الصورة



و هأكمل بسرعة اهو
اخد نفسى طيب
:)

دمتى بكل الود يا جميلة

Soul.o0o.Whisper said...

اسماء واحلام فى وجدانى
..................

لما نشوف آخرتها معاك

أدينا مستنيين

يا مسهل يارب

Soul.o0o.Whisper said...

ايوشة
.....

السلام عليكم ياسووووول*
و عليكم السلام و رحمة الله و بركاته
هلا أيوووش

الف حمدالله على السلامة لرجوع شذى وربنا يشفيها ياااااااارب*
ياااااااااااارب
و أنا كمان

كل الكلام اللى بتقوليه انا بمر بيه دلوقتى بصراحة اى نعم لسه ما اخدتش قرار النقاب والخمار بس كل فترة تتطلع فى دماغى اعمله يعنى هعمله بس بتراجع علشان خايفة انى فى لحظة تانية اخلعهم*

أولا يا جميل ربنا يثبتنا جميعا يارب
بس اللى اقدر اقولهولك ان مشكلتنا فعلا هى نقص يقين
عارفة يا أيوش لما تقرئى عن الاسلام و عن ربنا و عظمته ..و حكمته
والله هتلاقيكى انتى من نفسك بتدورى هو ربنا امرنا بايه عشان تعمليه
لان خلاص اصبح راسخ جواكى ان هو دا الخير حتى و ان كان معترض او مش مقتنع

ربنا يهدينا جميعا يا جميل
و يثبتنا على الحق



خالص ودى يا قمر

Soul.o0o.Whisper said...

رحــــيـل
.........

يا هلا يا هلا

ربنا يخلي شذى وتفرحى بيها بس بعد مانفرح بيكى طبعا*
و بعديييييييين
مش قلنا بلاش السيرة دى
ربنا يجعل كلامنا خفيف عليهم
ههههههههههههههه

ربنا يثبتنا جميعا على الحق يا جميل
و يرزقنا الفهم الصحيح



بانتظارك دائما

دمتى بكل ود

Soul.o0o.Whisper said...

hamada
......

سعيدة بدعوتكم الكريمة
و سأحاول التواصل ان شاء الله


دمتم جميعا بود

Soul.o0o.Whisper said...

romansy
.......

الف سلامه على شذى واصحاب شذى*
و عمة شذى بالمرة
ههههههه

الذكريات اجمل شئ فى الوجود دايما بنحس بيها بنحتاجها اوقات كتير ترجعنا تانى لحاجات جميله فى حياتنا *
صح
و الاجمل اننا نتعلم منها
عشان مانقعش فى غلط مرتين


ربنا يهدينا جميعا
لما فيه الخير والصلاح*
اللهم آمين



دمت بود

Soul.o0o.Whisper said...

عاشقة الأحزان
............

السلام عليكم*
و عليكم السلام و رحمة الله و بركاته

طبعآ حمد الله على سلامة شذى رغم انى مش عارفه مين شذى
ههههههههه*
طب هأغششك بس ماتقوليش لسول انى اللى قلت لك
شذى دى تبئا بنت أخويا ;)

ربنا يبارك فيكى يا قمر
و يسعدك دايما يارب

و بانتظارك دائما


دمتى بكل الود يا قمر

Soul.o0o.Whisper said...

قلم رصاص
........

السلام عليكم*
و عليكم السلام و رحمة الله و بركاته

اولا حمدلله على سلامة شذى*
الله يسلمك

حاجة جميلة جدا ان الانسان يحاول يرصد جوانب حياته بشكل أو بآخر*
طبعا ..و كمان لما يحاول يستفيد منها
و يتعلم

ربنا يعلمنا جميعا يارب

ربنا يجازيكم كل خير*
اللهم آمين و إياكم

والله تعالى نسأل التوفيق لي ولكم ولكل المسلمين *
اللهم آمين


دمت بود

Soul.o0o.Whisper said...

mimi
....

لا إاله إلا الله .. محمد رسول الله*
صل الله عليه و سلم

حمد الله علي سلامة شذي*
الله يسلمك يا جميل
:)


دمتى بكل الود

Soul.o0o.Whisper said...

mosooz
.......

وانا بقول الدنيا نورت كدة لية
اتارى شذى جت*
ايوا ..نورها غطى على الكهربا
ههههههههه

على العموم ربنا يشفيها ..وتبقى احلى*
ياااارب ، و أنا كمان

فعلا المشكلة اللى عند معظم الناس التفكير..فلو احنا فكرنا كويس ..هنشوف الحياة بطريقة كويسة *
صح بس يكون التفكير مبنى على أساس صح

ربنا يعلمنا جميعا يارب


دمت بود

Soul.o0o.Whisper said...

رؤية
....

و انتى عاملة زيى بتقعى على السلم من زماااان*
اه شفتى ازاى؟؟

بس انا بقى مش علشان الجيبة*
امال عشان ايه؟؟
ها؟؟
ههههههههههه



دمتى بكل الود يا جميل

Soul.o0o.Whisper said...

هذه حياتي
.........

السلام عليكم ورحمة الله وبركاته *
و عليكم السلام و رحمة الله و بركاته

عودا حميدا لشذي
ولك أيضاااااا*

متشكرة خالص .. ربنا يكرمك

نرجو من الله أن يزيدك ثباتا وتمسكا بطريق الخير وتفهما للحق *

اللهم آمين و اياكم يارب




دمت بود

Soul.o0o.Whisper said...

ريمان
....

ريمىىىىىىىىى
هلا هلا
وحشانى بجد يا جميل
أخبارك ايه؟؟

عشان بقى شذى جت يبقى خلاص
هتنسينا يعنى بقه*

لالالا
ماقدرش اسيبكوا يا ريمى
بئا دا كلام بردوا


طب شفتى لما فكرت بس مجرد تفكير حصللى ايه؟؟
عااااااااااا


ربنا يزود فى قلبك الايمان يا رب*
اللهم آآآآآآآآآآمييييييييييييين يارب
و اياكى يا قمر


دمتى بكل الود

Soul.o0o.Whisper said...

حنعيش يعنى حنعيش
................

أهلا يا دكتور

الف سلامة على شذى دة اولا *
الله يسلمك

ثانيا بقى انا متوقع النهاية*
مممممممممم
طب خلاص بئا
بلاش تقطع عليا
هههههههههههه


بانتظارك دائما


دمت بود

Soul.o0o.Whisper said...

صوت من مصر
..........

هعلق بعد اسبوعين عشان بمتحن*

ربنا يوفقك يااااااااارب
و يدينا و يديك طولة العمر
هههههههههه



دمت بود

Soul.o0o.Whisper said...

مسدس صغير
........

فعلا اللؤلؤ لا يعرض للناس وانما يوارى.
كذلك البنت المسلمة*
فعلا والله الاسلام كرم البنت ايما تكريم

ثبتنا الله و اياكم على الحق دائما



دمت بود

Soul.o0o.Whisper said...

عاشقه الرومانسيه
................

دودوووووووو

حمدالله على سلامة شذى *
الله يسلمك يا جميل

ايوه ياعم
من لاقى احبابه نسى اصحابه
ولا ايه؟*
احم احم

ربنا يشفيها ياااااارب*
ياااااااارب
و انا كمان

وربنا يزيدك من فضله ويثبتك ياقمر
قولى امين يابت*
آآآآآآآآآآآآآآآميييييييييييييييييييين
:)


دمتى بكل الود يا قمر

فشكووول said...

بت يا تكتوره يا حلوه
عارفه انا شمتان فيك فى الهدر اللى على السلم
.. مش عارف ليه

عشان زى انتم ما بتقولوا غلاسه وخلاص
طبعا انت ملخومه مع شذى الله يشفيها ويشفيك انت كمان
وانا كمان ملخوم مع احمد حفيدى وهو واد رخم وغلس ومش بينزل من على كتفى خالص وانا خلاص مش قادر اشيله
بس عسل زى شذى
تحياتى

اقصوصه said...

حلوه وايد التدوينه

صدق اثرت فيني :)

Soul.o0o.Whisper said...

الجواز و سنينه
.............

يا هلا يا هلا
والله وحشانى يا بنتى

فينك؟؟

حمدلله على سلامه شذى *
الله يسلمك يا جميل

يه كل الاطفال كده
ماطلعناش بالساهل
هههههههههههه
طلعنا عنين اباهاتنا و اماهتنا اسألينى انا *
أيوا أسأل مجرب و تسألش خبير
;)

بس ماله السرير و مال التقشف
عملتى فى نفسك كده ليه يا سول*
تعملى ايه يا أختشى
كل ماحد يتكلم يقولك كان سرير رسول الله صل الله عليه و سلم عبارة عن كذا
أما الصحابى فلان فكان لا يملك إلا ثوب واحد
و التابعى الجليل كان يفترش الارض
اما مش عارفة مين حفر قبره فى غرفته و كان ينام فيه

تعملى ايه بذمتك؟؟؟
مش تنامى على الارض برضوا؟؟

بس مش متخيلاكى كده
ههههههههههههه*
معلش معلش
حاولى ..لا تيأسى
ههههههههه



تحياتى يا جميلة
و طمنينى عليكى

Soul.o0o.Whisper said...

ن
..

أستاذتى الغالية /
و عليكم السلام و رحمة الله و بركاته

ولكن يا سول الالتزام بما أمرنا به الله لا يجعلنا نعيش حالة التقشف أو الزهد ونحن مجبرين عليها وليس الزهد أن تنامى على الارض ولديك سرير أو نأكل الخبز الجاف وورق الشجر وقد انعم الله علينا بالثمرات ..*

صح .. و دا اللى اكتشفته بعد كدا
ماهو الواحد لازم يجرب عشان يعرف الصح من الغلط
:)

ما أجمل أن يسعى اليك المال وتسنخدمه وأنت زاهد فيه *
فعلا.. معادلة صعبة
ربنا يقوينا عليها يارب
و يثبتنا

لأن الله عز وجل يحب لنا مجاهدة النفس *
والله يا أستاذتى دى من أعظم الاشياء اللى اتعلمتها
و عرفت أد ايه ربنا رحيم بينا من خلال معرفة هذه القيمة و استشعارها

ربنا يعلمنا يارب


دمتى بكل الود يا أستاذتى الغالية

Soul.o0o.Whisper said...

رحله البحث
..........

أهلا بك مرة أخرى فى رحاب مدونتى :)


الغريب اننا فى مجتمعنا قد نوافق على اى شىء شاذ وخليع على انه من الحريات الشخصيه بينما نظهر بعض القلق تجاه الملتزمين وقد يكون لذلك لاسباب كثيره اهمها الاعلام*
صدقت

ان كل من يلتزم يتغير مظهريا 180 درجه ولا اعلم لماذا يتمسك بسنه تقصير الملبس وينسى الكثير من سنن النبى صلى الله عليه وسلم الخلقيه ويبدأ فى التعامل كانسان آلى*
طبعا ربنا يعلمنا جميعا ويهدينا لما يحب و يرضى
و لكن ..
ربما اكتفى البعض بما يسمع
و الانطباع الذى تكون لديه مما سمع
و عشان كدا بيتعامل بمنطق الاعتقادات اللى ترسخت عنده

ربنا يهدينا جميعا يارب

نحن يقصد بها الملتحيين وهم يقصد بها الغير ملتحيين*

للأسف بعض الناس أصبحت تحكم على مقدار التدين من الظاهر
و الشكليات
و طبعا دا مش معيار اطلاقا

لكنى ارجو من كل من يلتزم حديثا ان لا يتسرع بتغيير الكون وترديد الكلام فليتعلم اولا
لان السلف الصالح قضوا معظم أعمارهم يتعلمون ولم يكن من السهل تكفير المحيطيين بهم ولا اخراج الفتاوى من افواهم بدون علم فلنتعلم جيدا ثم ندعوا الى الله ونتكلم*

كلامك صحيح جدا
فعلا والله لما الواحد بيقرأ و يتعمق فى سيرة السلف و الصحابة
و يفهم بجد
هيعرف اد ايه الاسلام مش كدا
اوسع و ارحب من مجرد شكليات

سعدت بتعليقك جدا
و ياريت تنورنى دايما



دمت بود

Soul.o0o.Whisper said...

rovy
.....

السلام عليكم*
و عليكم السلام و رحمة الله و بركاته

ازيك يا سول *
الحمد لله يا جميل
أخبارك انتى ايه؟؟

الف سلامه على شذى بنت اخوكى زى ما عرفت ..
ربنا يشفيها ياارب و يبارك لكم فيها *
اللهم آمين يارب

ربنا يهدينا جميعا الى ما فيه الخير و يثبتنا على الحق و يحسن ختامنا جميعا*
اللهم آمين آمين آمين

دمتى بكل ود و سعادة يا جميل
و بانتظارك دائما

Soul.o0o.Whisper said...

حوراء المقـدسية Jerus Nymph
..........................

يا هلا بالجميل

ثيتك الله على الاسلام يا سول *
اللهم آمين
ثبتنا جميعا على الاسلام


دمتى بكل الود

Soul.o0o.Whisper said...

Nour
....

السلام عليكم..*
و عليكم السلام و رحمة الله و بركاته

ان شاء الله تكونى بخير يا همس وشذى *
الحمد لله حبيبتى أفضل حالا
:)

افضل شىء فى تلك الفتره هى الانعزال عن المجتمع الصاخب حتى تتضح الرؤيه وتولد الافكار *
صح يا نور ..العزلة أحيانا بتكون كويسة عشان تعطى وقت لنفسك تترسخ جواها افكارها
بس من غير معلم
غلط
لأنك بتاخدى و تبنى من غير ما تتأكدى اللى فهمتيه دا صح و لا غلط

وربنا يثبتك يا همس.. ويهدينا والجميع.*
اللهم آمين يارب


دمتى بكل الود يا جميلة

Soul.o0o.Whisper said...

أم مالك
.......

اول مرور على مدونتك وسعيدة جدا*
أنا أسعد والله
و أتمنى أن يدوم التواصل :)

نموذج مثالى للفتاة الملتزمة
مرحة ولذيذة ودمك خفيف*

نموذج مثالى ؟؟!!.
والله انتى انتقصتى المثالية بنسبى إليها
ربنا يهدينا جميعا يارب

ربنا يبارك فيكى وفى انتظار باقى الاجزاء*
و فيكم بارك الله

وادعوكى لزيارة مدونتى ولى الشرف*
دعوة كريمة
و لى شرف تلبيتها ان شاء الله :)

دمتى بود

Soul.o0o.Whisper said...

عمك ياض
.......

حاجه حلوه والله ان حضرتك بتحكي ازاي وصلتي للقرار بتاعك وكنتي بتفكري ازاي واحساسك قبل وبعد وكل الكلام ده.*

الحمد لله انى قدرت اوصل الموضوع كدا
طبعا توفيق الله اولا و أخيرا

جزاكم الله خيرا يافندم*
جزانا و اياكم ان شاء الله

و بانتظارك دائما
دمت بود

Soul.o0o.Whisper said...

سما أحمد
.......

يا هلا بسمسمة الجميلة

نيجي للبنات بتوع الارشاد والنصح للاسف طريقتهم منفرة جداااا*
فعلا يا سمسمة فى البعض بيكون من غيرته على دين الله بينصح
بس للأسف مش عنده اسلوب النصيحة الكويس
و بالتالى بينفر الناس منه

المهم انه لقيت بنت احتوتني بطريقه رائعه ومحببه وفعلا كان لها اثر كبير في تغييري وتعلمت منها الصلاة ثم ارتديت الحجاب*
فعلا .. فرق كبير
(ولو كنت فظا غليظ القلب لانفضوا من حولك)
فلنا فى رسول الله الاسوة الحسنة

ربنا يبارك لك يا سما يارب
و يثبتنا جميعا على الحق

و حاضر بسرعة اهو
المواصلات بس
:)


دمتى بكل ود يا قمر

Soul.o0o.Whisper said...

واحد من العمال
..............

السلام عليكم ورحمه الله وبركاته*
و عليكم السلام و رحمة الله و بركاته

ماذلنا متابعين لخطواتك نحو الحقيقه
ومستمتعين*

الحمد لله ان البوستات عجبت حضرتك

حمداُ لله على سلامه شذى
هى مين شذا؟؟*
هههههههه
شذى بنت أخويا

فى انتظارك دائما
دمت بود

Soul.o0o.Whisper said...

جارة القمر
..........

يا هلا بيكى يا جميلة

شكرا ليكى على كلماتك الرقيقة
و يسعدنى دوام التواصل بيننا


دمتى بكل الود يا جميلة

Soul.o0o.Whisper said...

ستيته حسب الله الحمش
.................

يا هلا يا هلا
د.ستيتة بحالها هنا؟؟
و أنا أقول ياربى المدونة منورة ليه؟؟
هههههههههههه

حمد الله على سلامة شذى*
الله يسلمك يا رب

اما عن البدايات فأظن بشكل او بآخر كلنا بدأنا كده
بتحدي لنفسنا ورغباتنا المكبوتة *
دا حقيقى
تحدى النفس دا بداية الطريق
و الهداية من عند ربنا

ووقوع السلالم من الجيبات وكل الحبشتكانات*
ايه دا؟؟
انتى كمان؟؟
هههههههههههه

في الآخر بعضنا وصل لترويض النفس
وبعضنا لسه بيسايس فيها وربنا يهديها*
ياااااااااارب
ربنا يهدينا جميعا

انا معاكي ومش بحب "الساسبنس" يالا لخصي وخلصي
عاااااااااااااااااااا*
حاضر حاضر يافندم
انتى تؤمرى بس
:)


دمتى بود

Soul.o0o.Whisper said...

فركشاوي ..ناوي
...............

السلام عليكم ورحمه الله وبركاته *
و عليكم السلام و رحمة الله و بركاته

أنا عرفت مين شذي
ربنا يحميهاويشفيها *
اللهم آمين يارب
مفيش دعوة ليا؟؟

شذي يا جماعه اللي أكلنا تورته وجاتوه وشربنا من كيعانا في عيد ميلادها ايه بتاكلوا وتنسوا *
ايوا ايوا ..فكرهم
هههههههه

يجب ان نكون كما امر الله
لا كما نحب ونهوي
كما أمرنا المُخلف نسير علي نهجه ومنهجه *
صححححححححح
و لازم يكون عن اقتناع و يقين

ربنا يعلمنا جميعا و يهدينا يارب

ربنا يوفقك و سلامي لشذي
و ابو شذي
وكل أسره شذي الموقره*

حاضر يوصل إن شاء الله
:)


دمت بود

Soul.o0o.Whisper said...

Ramy Wasel
..........

أهلا بيك
نورت المدونة

كان فاضل الدقن
بس الحمد لله جات سليمه*
اه الحمد لله
:)

للاسف فى شيوخ كتار بيفهموا الناس الدين غلط
ولكن الاسلام فى اصله البساطه والسماحه
وليس بالتذمت والتشدد*
صح الاسلان فى اصله البساطة و السماحة

لكن للاسف احنا اللى بنفهم غلط
و بالتالى بنطبق غلط

ربنا يعلمنا جميعا يارب

بانتظارك دائما
ودمت بود

Soul.o0o.Whisper said...

mimi
....

قرأته يا جميلة

و مستنيين نشوف هيعمل ايه؟؟

وراه وراه و الزمن طويل
;)


دمتى بود يا جميلة

Soul.o0o.Whisper said...

dr aly khamis
..............

السلام عليكم و رحمة الله و بركاته*
و عليكم السلام و رحمة الله و بركاته

أولا أسأل الله العظيم رب العرش العظيم أن يشفى شذى*
يااااارب ..و أنا كمان

ثانيا : انت ليه كنت بتنامى على الأرض .. سمعتى حد بيقول ان ده أحسن يعنى و لا انت توقعتى كده *
ممممممممممم
تقدر تقول توقعت
أصل غالبا كانت الدروس ان احنا فى نعيم كبير
و كيف كان الصحابة لا يملكون شيئا
و من من السلف كان يفترش الارض
و ان احنا كدا ملوك فى الارض

فطبعا كان الواحد يحتقر نفسه
و يرجع يقول سرير ايه اللى ينام عليه دا؟؟
حاشا و كلا

فدا طبعا نتيجة عدم وجود معلم يفهمك الصح
و يمشى معاك واحدة واحدة


ههههههههههه :)
فكرتينى بحاجة ...










بتدورى على ايه
مش هقولك عليها*

دى تعليقه بئا يا دوك ولا ايه؟؟
لالالا
احنا فينا من الكلام دا؟؟
ماليش دعوة
مدام علقتنى كدا يبئا تقول
ها؟؟؟؟؟؟؟؟


اسأل الله أن يثبتك ..*
اللهم آمين و اياكم يارب
و جميع المسلمين

مستنى المادة اللى بعد كده بعد ما تشبعى من شذى ..
بالمناسبة سلميلى عليها*
حاضر .. يوصل ان شاء الله

و ربنا يبارك لك يارب



دمت بود

Soul.o0o.Whisper said...

فشكووول
........

عمو فشكوووووووووووول
لك وحشة والله

بت يا تكتوره يا حلوه*
نعمم
(( وش مكسوف

عارفه انا شمتان فيك فى الهدر اللى على السلم
.. مش عارف ليه*
عااااااااااااااااا
كدا يا عمو فشكول؟؟؟
طب ابئا شوف مين بئا هيبئا ولى العهد
انا خلاص هأقدم استقالتى
هه

طبعا انت ملخومه مع شذى الله يشفيها ويشفيك انت كمان*
ياااااااااااارب
اللهم آمين

انا كمان ملخوم مع احمد حفيدى وهو واد رخم وغلس ومش بينزل من على كتفى خالص وانا خلاص مش قادر اشيله
بس عسل زى شذى*
ربنا يخليهولك يارب يا عمو
و يفرحك بيه يارب
سلملى عليه كتيييييييييير


دمت بود يا عمو العزيز
و مش تغيب كدا تانى

Soul.o0o.Whisper said...

اقصوصه
......

اقصوصة الجميلة
الحمد لله ان البوست عجبك

و يارب الباقيين يعجبوكى



بانتظارك دائما يا جميلة
دمتى بكل الود

جارة القمر said...

احم احم

داخلة بس اسلم

يارب تكوني بخير

أم أحمد المصرية said...

معلش الوقعة اللي وقعتيها اول مرة رنا يجعلها في ميزان حسناتك :))
تعيشي و ما تخديش غيرها
ان شاء الله داية تواصل دائم

من غير عنـــوان said...

اللهم ما ثبتك
وتقبل منك صالح الأعمال

تحياتي

كيــــــــــــارا said...

الف سلامه ياقمريتي

وربنا يهدي الجميع

انتي عثوله وقمر

ربنا يهدينا جميعا

dr aly khamis said...

أسأل الله العظيم رب العرش العظيم أن يشفيك

أسأل الله العظيم رب العرش العظيم أن يشفيك

أسأل الله العظيم رب العرش العظيم أن يشفيك

أسأل الله العظيم رب العرش العظيم أن يشفيك

أسأل الله العظيم رب العرش العظيم أن يشفيك

أسأل الله العظيم رب العرش العظيم أن يشفيك

أسأل الله العظيم رب العرش العظيم أن يشفيك

حسام مصطفى إبراهيم said...

ما شاء الله عليكي
ربنا يزيدك من نعيمه
شكرا على مرورك

mimi said...

سلامتك يا سول يا قطتي .. ربنا يشفيكي يارب

" أنا بشتغل مديرة علاقات عامة فعلا .. في الحقيقة ... شفتي الصدف؟ "

فارس عبدالفتاح said...

بص يا سول

انا احب الفلسفة اه بحب النقاش والجدال ولكن بالمنطق والعقل والعرف والشرع والحقيقة

يعنى انت بقولي بان خروج المراة للعمل اصبح ضرورة يعني امر حتمي جبري لا نقاش فيه ولكن بشرط ان لا يخل هذا بدورها الاساسي وهو بيتها

وهنا يحدث الالتباس والتخبط في المنطق والعقل

العقل والمنطق يقول كلا ميسر لما خلق له

يعني متجيش حضرتك او اي حد يقولي ان المراة تسطيع ان تألف الجيوش وتخوض الحروب وتقيم المجازر والتسفك الدماء


وهذا غير واقعي وغير منطقي ويجافي الحقيقة
الحقيقة هي

هيبقى جيش ام حسن

اهاهاهاهاها

مع احترامي الشديد

خلينا منطقيين

وبعدين يا ستي هي ربنا خلقا لبناء الرجال وليس لمزاحمة الرجال في ارزاقهم وفي شؤونهم وقال الله في النساء المترجلات وفي الرجال المتمثلين بالنساء ما قد شرح



العرف والشرع

العرف يقول بما اننا عرب ولسنا اوروبيين ان المراة لها وضعها الخاص ولها احترامها ولها معاملتها الخاصة ولها قدرها ولها عزتها ولها مقامها وشرفها ونبلها الخاص بها

مش عرف توتو وانتي وممتي وأنا

دع عرف دخيل على عرفنا يا اختى الكريمة وهذا لا مجال فيه للمناقشة بالنسبة لي وقد تقولي اني انسان رجعلي وغير متحضر


اقول لك في هذا الجانب نعم انا محافظ بكل ما تحملة الكلمة من معنى على العقدية والفكر والخصوصية الشخصية والهوية الفردية للفرد العربي خاصة

اما من نحاية الاسلام

فالكلام فاصل والحكم حاسم في هذا الامر وحتى ولو كانت المراة ملتزمة بالشرع في لبسها

فالشرع لا يجيز لها الخروج من البيت الا بسبب شرعي

اكرر سبب شرعي من قضاء حاجة ملحة او ليس هناك من يقوم بقضاءها او لامر طارئ حتى ولو كانت ملتزمة بالزي الشرعي




ولكن القاعدة هي التزام المراة البيت هذه هي القاعدة يا سيدتي

مع خالص الاحترام

rasamet_algera7 said...

.o0O Voice Of Mine O0o.
اول شي..ربنا يشفي شذى ويقومها الك بالسلامة

تاني شي بهنيكي على جرأتك فى سرد هالشي يللي ممكن يعرضك لكتير انتقادات

بس انا حاسة انه الدروس كانت شوية مزودة حكاية التدين..ومخلياكي شايفة الدنيا جحيم ؟
والدين مش هيك ابدا..

ربنا يهدينا اجمعين للخير والحق

بكل الشوق بستنى بالمرحلة التالية
احتراميّ..

فشكووول said...

ازيك يا سوول
كيف حالك وكيف حال شذا
يارب تكون بخير وتكونى انت بخير
وتكونوا انتم الاتنين شفاكم الله
وسلامتكم من كل شر
تحياتى

بدراوى said...

انا ديه اول مرة اجى عندك
زى ما ديه اول مرة تيجى عندى فى مدونتى
حكايات جميلة
و الغريب انها جايه مع مناقشانى حوالين النقاب

بصى حقول لحضرتك حاجة
طبعاً انا معرفش هو انتى منتقبة دلوقتى و لا محجبة و لا مش محجبة

بس بلاش لما تحبى تلتزمى تأخذى كل حاجة مرة واحدة
عشان حتسيبى كل حاجة بعدها تانى
لازم يبقى بالتدريج
و ربنا يهدينا جميعاً
و يرحمنا

تحياتى
----
اه انا ضفت مدونتك فى الرول عندى
---
هو شذى شريكتك فى المدونة ؟

Soul.o0o.Whisper said...

جارة القمر

يا هلا بيك يا جميل
بيتك و مطرحك
قصدىىىىىى
مدونتك و مطرحك تشرفى فى أى وقت
:)



دمتى بود يا جميل

Soul.o0o.Whisper said...

أم أحمد المصرية

بجد شرفتينى
و ان شاء الله بداية لتواصل دائم

"معلش الوقعة اللي وقعتيها اول مرة رنا يجعلها في ميزان حسناتك "

يااااااااااااااااااارب
:)

كل الود لكى

Soul.o0o.Whisper said...

من غير عنـــوان

ياااااااااااارب
اللهم آمين
جميعا


دمت بود

Soul.o0o.Whisper said...

كيــــــــــــارا

كيتى العثولة
الله يسلمك يا حبيبتى

وحشانى خالص بجد
طمنينى عليكى



دمتى بكل الود يا قمر

Soul.o0o.Whisper said...

dr aly khamis

اللهم آمين آمين آمين

و كل مرضى المسلمين ياااااارب


متشكرة جدا بجد



دمت بود

Soul.o0o.Whisper said...

حسام مصطفى إبراهيم

يا هلا يا هلا
خطوة عزيزة يافندم و نورتنى بجد

ربنا يعلمنا جميعا من فضله
و يارب مش تكون آخر زيارة




دمت بود

Soul.o0o.Whisper said...

mimi

الله يسلمك يا ميمايتى يا قمر

شفتى .. سبحان الله
يا بنتى باين عليكى
ههههههههههههههههه


ربنا يوفقك يا قمر يارب


دمتى بكل الود

Soul.o0o.Whisper said...

فارس عبدالفتاح

للمرة الثانية بأسجل خالص احترامى
و موافقتى على تعليقك

و بلاش حكاية رجعى و متخلف دى
مش عارفةليه كل مابناقش حد فى الموضوع دا يقول لو عاوزة تقولى عليا رجعى و متخلف قولى
بس أنا رأيى كدا

بجد والله يا ا.فارس لو الشباب فكرهم زيك كدا ماكنتش خربت مالطة

و بالنسبة لنقطة الوظائف
أنا فعلا قلت فى البوست أنها تختار الوظائف الملائمة لها
ماجبتش سيرة جيش و لا غيره

خلينا فى السليم
و بعدييييييييييين؟؟
:)

أما بالنسبة لنقطة العرف
فأنا لا أناقش هو عرف مين؟؟
و لكن أناقشه كعرف فرض نفسه على الساحة
كيف نتعامل معه من منظور دينى


الاسلام لم يحرم خروج المرأة للعمل
إذن هو مباح
و فعلا المباح لضرورة
و قد فرضت ضرورة الحياة حاليا خروجها

و أقول أنه إذا احتاج المجتمع خروجها للعمل فلابد أن تجيب
و لا اقول إن المجتمع بحاجة لعمل المرأة
و لكن بحاجة لعمل المرأة الواعية

التى تؤدى دورها كأم و زوجة و ربة منزل
و تلبى حاجة مجتمعها إليها


يعنى برؤيتك لواقع الشباب "الذكور" حاليا
تعتقد انهم بهذه الحالة قادرون على بناء مجتمع

نحن بحاجة إلى أختيار الصفوة من الجنسين حاليا لبناء مجتمع قوى

و صدقنى أنا لو ألاقى واحد أكفأ منى أو يستاهل فعلا المكان اللى انا فيه
هأتنازل له عن طيب خاطر

أولا هأريح نفسى من تعب
ثانيا أكون أعطيت المكان للى هو أحق بيه و اهو على الاقل هيفتح بيت
اعتقد دا شئ أنفع من شغلى

مش كدا و لا ايه؟؟

دمت لى أخا كريما
و بانتظارك دائما


دمت بود

Soul.o0o.Whisper said...

rasamet_algera7

"اول شي..ربنا يشفي شذى ويقومها الك بالسلامة"
يااارب ياقمر يااااااارب
و أنا كمان :)

"تاني شي بهنيكي على جرأتك فى سرد هالشي يللي ممكن يعرضك لكتير انتقادات"
حبيبتى فى الاول و الاخر نحن نبحث عن الحق
و أعتقد كان لازم أوضح النقط دى رغم فعلا انها ممكن تثير انتقادات

ربنا يعلمنا جميعا يا قمر
و تابعى و إن شاء الله تعرفى حصل ايه بعد كدا




دمتى بكل الود يا جميل

Soul.o0o.Whisper said...

فشكووول

عمو فشكووووول

يا هلا يا هلا
الحمد لله احنا بئينا أفضل الحمد لله

ربنا يسلمك يارب يا حضرة الرئيس
و منورنى دايما

و خلاص كدا النت و الكومبيوتر اتظبط الحمد لله.؟؟؟



دمت بكل ود

Soul.o0o.Whisper said...

بدراوى

أولا : حقيقى شرفتنى بأول زيارة
و يااااااارب مش تكون الاخيرة


طبعا متفقة معاك ان اللى بياخد حاجة بحماسة أوى
ممكن تترد عليه
بالعكس ممكن يرجع اسوء

أنا الحمد لله منتقبة
و شذى دى بنت أخويا
كتكوتة عندها سنة و كام شهر
:)

و يشرفنى انك ضفتنى عندك و أنا كمان أن شاء الله أضيفك


دمت بود

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت