كيفكم جميعا؟؟ اخباركم ايه؟؟
طبعا بئالى فترة طويلة جدا مش دخلت على بلوجر
و طبعا كلكوا وحشتونى جدا و معترفة بالتقصير
و بأشكر كل اللى سألوا و بيسألوا عليا ، و بأقولهم : معلش استحملونى
لأن الفترة اللى فاتت كانت فترة عصيبة جدا سواء فى الشغل او فى الماجستير و مازالت !!....
تقريبا الناس دى لسه ماوصلهاش ان مصر قامت فيها ثورة
معلش بئا فرق التوقيت ، و طبعا كمان الغاء التوقيت الصيفى ساعد فى تفاقم هذه المشكلة
بس ان شاء الله ثقتنا فى د.عصام كبيرة و انه ان شاء الله يساعدنا على تجاوز هذه المحنة
<< والله مش عارفة الراجل دا هيلاحق على مين و لا مين ؟؟
ياللا ، ما علينا ...
أنا جيت بس اسلم عليكم ، و أقولكم كل سنة و انتوا طيبين بمناسبة الاجازة السعيدة دى
يااااااااااااااه من كام سنة ماخدناش يوم بدل أجازة ... كيك كيك كيك
3 ايام مرة واحدة ؟؟؟!! والله الثورة بتاعتنا دى عظييييييييييييمة
الناس تقوم بالثورة عشان تبنى من أول و جديد و احنا نعمل ثورة عشان ناخد بدل أجازة .. هكذا نحن نختلف عن الاخرين : )
فكل سنة و انتوا طيبين
و الاخوة المسيحيين كل سنة و هما طيبين
و كل سنة و كل مصرى بخير و طيب و بصحة و سلامة
و كل ثورة و انتوا طيبين و ربنا يعيد علينا الثورات بخير
و نقابلكم الثورة الجاية و انتوا فى أحسن حال
و بالمناسبة دى سؤال ع الماشى: تفتكروا ممكن نكتشف ان حسنى مبارك بردوا اشترى نجم باسمه زى ما بن على عمل؟؟
و لا ممكن يكتفى بملك ملوك افريقيا زى القذافى؟؟؟ !!!
سؤال برىىىىىىىىىىىىىىىىىىىئ جدااااااااااااااااااااا
و سلام بئا لحد ما أشوفكم تانى فى تهييس آخر
ازيكم يا جماعة ؟؟؟ أخباركم ايه؟؟؟
يارب تكونوا كلكم بخير .. و كل سنة و انتوا طيبين ، و يوم أجازة سعيد على الجميع ...
و يارب ايام السنة كلها أجازات ههههههههه ، نفسى اترحم من جرد كل يوم ، احسن خلاااااااص بجد
هنجت هنجت هنجت آخر تلت اربع خمس ست سبع تمن ....الخ حاجات .... :)
المهم ... انتوا اخباركم ؟؟ و أهرامكم؟؟ و جمهوريتكم ؟؟؟
بصراحة أنا ماليش عين اتكلم أصلا و عارفة انى مقصرة – اسطوانة قديمة و محفوظة –
طيب الجديد إنى قرأت قدرا كدا عن حملة اسمها ( 30 يوم تدوين )
و بصراحة الكلام اللى كان مكتوب فى الاعلان بتاعها خلانى فى شديد الاحراج منكم كلكم ...
خلانى اقف مع نفسى و أعيد شوية حسابات ، و بردوا اتكلم معاكم بصراحة شوية ولو انها ممكن تزعل البعض
أولا : يعنى ايه واحد ييجى يزور مدونتى ، و يعلق عندى ، و تاعب نفسه حتى ان كانت ضغطة زر ... او حتى ماعلقش بس عداد الزوار بيقول ان عدد كذا النهاردة زارنى .. و أنا ماردتش على الناس دى ؟؟ بالذمة دى أصول؟؟
صحيح انى وقتى ضيق ، صحيح ان كتير بتكون نفسيتى لا تسمح انى ازور حد او اعلق عنده ، صحيح المذاكرة كتمت على نفسى و حاسة انى اغرق اغرق اغرق ... بس بردوا مش مبرر انى اقطع و اسيب الناس اللى بتزرونى كل يوم و التانى عشان جديد ... و المدونة لا حياة لمن تنادى
اللى بيعلقوا مش بيلاقوا رد فعل لتعليقهم ، و بصراحة دا مايصحش خالص ، على الاقل ردود مجمعة ...
و بالتالى يا جماعة فعلا فعلا بجد و عن صدق نية بإذن الله هأحاول أرجع زى ما كنت ، أكتب ولو مرة فى الاسبوع ، و أرد على التعليقات ولو مجمعة ، و أزور ولو مدونة واحدة فى اليوم ...
بس بشررررررررررررط
أرجوكم أرجوكم محدش يزعل ... يعنى مش معنى انى زرت النهاردة فلان او علان انى بافضله ، و ليه علقت عنده و ماجتش علقت عندى ، و يزعل منى ...
الزعل مرفوض مرفوض مرفوض يا ولدى ... :)
هأحاول انى أزور الكل ، و أعطى لكل واحد حقه ، بس بردوا بالراحة عليا ، لأن فعلا مضغوطة جامد .. لكن ليكم حق عليا ، لأنى لما بدأت فى المدونة دى بدأت عشان أتواصل مع ناس و يتواصلوا معايا ... صحيح ماكنتش فاكرة اننا نوصل لدرجة انى حاسة اننا فعلا عيلة واحدة ، بس دا يكتر من واجباتى تجاهكم ...
فمن هنا ، و من هذه الاراضى السولية ، بأعلن يا جماعة انى هأحاول ارجع للتواصل معاكم ، و هأشيل المنشور اللى محطوط فوق دا ... خلاص آسفون
لكن هذا لا يعنى إنى مشتركة فى الحملة ، لأنى مش هأقدر أدون كل يوم ، و صحيح جميل اننا نرجع لعالمنا و تواصلنا مع ناس عرفناهم و ارتبطنا بيهم ... لكن حرام ، هيلاحقوا على مين و لا مين و لا مين :)
عندى اكتر من 250 مدونة فى الريدر لو كل يوم واحد كتب بوست ، يبئا اعتزل التدوين بئا هههههههههههههههه
يعنى اعتبروا دى مقدمة كدا ... و يااااااااارب يااااااااااارب فعلا ارجع تانى
بس زى ما قلت ... مفيش زعل
ياللا سلام مؤقت .... :)
