الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Sep 29, 2009

وعد الله ... و وعد الشيطان (الأخيرة)


النهاردة يا جماعة بإذن الله نكمل موضوع وعد الله ، و اللى ان شاء الله نختمه النهاردة بيوم القيامة ، وحال المؤمنين اللى سمعوا كلام ربنا و العصاة اللى ماسمعوش كلامه ، و نشوف ربنا قال فيهم ايه ....


يقول تعالى :" المنافقون و المنافقات بعضهم من بعض يأمرون بالمنكر و ينهون عن المعروف ( و طبعا شايفين حوالينا الامر بالمنكر منتشر فى كل مكان ، و اللى يعمل حاجة صح الناس تضحك عليه ) و يقبضون أيديهم ، نسوا الله ( نسيوا ان ربنا مطلع عليهم و ان بايده الامر كله ، فكان عقابهم ... ) فنسيهم إن المنافقون هم الفاسقون * وعد الله المنافقين و المنافقات و الكفار ( اييييييييه ؟؟؟ ) نار جهنم خالدين فيها هى حسبهم (يعنى مش بس مجرد عذاب ، لا دا مخلد كمان ...و ياريت دا وبس لا ...) ولعنهم الله ( و طبعا اللعن اللى هو الطرد من رحمة الله ... يعنى مفيش أى أمل ) و لهم عذاب مقيم ( خلاص قاعدين قاعدين ) " التوبة ( 67-68 )

و طبعا على النقيض : " المؤمنون و المؤمنات بعضهم اولياء بعض يأمرون بالمعروف و ينهون عن المنكر ( رغم كل الظروف اللى حواليهم ، رغم ان فى منافقين بينهوهم عن المعروف دا ... رغم انهم ممكن يظلموهم و يعتدوا عليهم ....و كمان ) ويقيمون الصلاة و يؤتون الزكاة و يطيعون الله و رسوله ( ماشين على نهج ربنا ، برغم كللللللللل اللى بيشوفوه ...طب ليه؟؟؟؟؟ أصل ربنا وعدهم ...) أولئك سيرحمهم الله ( ياااااااااااااه ، رحمة ... رحمة فى كل الاحوال ، فى الدنيا و فى الاخرة ، و فى كله ) إن الله عزيز حكيم ( أصل اللى بيتكبروا عليهم دول عاوزين لنفسهم العزة و الكبرياء فى الارض ، فربنا بيقولهم لاااااااااا ... ربنا هو العزيز ، و كمان حكيم ، أوعوا تفتكروا انكم بتكبركم دا خرجتوا عن حكمته ...لالالالااااااااااا بردوا تحت حكمته ، لأنه الحكيم ...و مش كدا بس ، شوفوا فى الاخرة بئا )* وعد الله المؤمنين و المؤمنات جنات تجرى من تحتها الانهار خالدين فيها ( يعنى مش بس نعيم .. لا دا نعيم خالد ) و مساكن طيبة فى جنات عدن ( أيوا عدن ، مش أى جنة تانية ، عدن دى اللى ربنا شيدها بيده ...ياااااااااااارب نكون فيها ياااااااااارب ) ورضوان من الله أكبر ( و أى جزاء أحلى من ان ربنا يكون راضى علينا ...و مش كدا و بس ...لاااااااااا دا رضوان أكبر :) ) ذلك هو الفوز العظيم ( فعلا والله الفوز العظيييييييييييم ، عظيم فى ذاته ، عظيم بعظمة اللى وهبه لينا ، عظيم فى تمتعنا بيه ، عظيم فى كل شئ ) " التوبة ( 71- 72 )



طيب تيجى نشوف بئا حال العصاة يوم القيامة عامل ازاى ؟؟؟

" ولو يرى الذين ظلموا إذ يرون العذاب أن القوة لله جميعا ( يوم القيامة فعلا هتقر كل الخلائق ان القوة لله جميعا مؤمنهم و كافرهم ...و خدوا بالكم من ظلموا دى ...ماشى؟؟ ) و أن الله شديد العذاب ( عشان الناس اللى بتقولك ان الله غفور رحيم ) * إذ تبرأ الذين اتُبِعوا من الذين اتبَعوا ( كل اللى ماشى ورا حد و يقولك والله غصب عنى ، ماهو كل الناس بتعمل كدا ... اصل مش عارف ايه... اهو يوم القيامة هيتبرؤوا منكم و يقولولكوا ولا نعرفكوا ) و رأوا العذاب و تقطعت بهم الاسباب ( و هتدوقوا العذاب اللى ربنا قال عليه و خلاص مالكمش أمل فى النجاة) * و قال الذين اتبَعوا لو أن لنا كرة فنتبرأ منهم كما تبرؤوا منا ( اللى ماشيين بئا زى التابع دول و ماحكموش دماغهم ...هييجوا بئا يندموا وقت لا ينفع الندم ، يقولوا ياريتنا نرجع تانى و نتبرأ منهم فى الدنيا و لا نمشى وراهم زى ما هما اتبرؤوا منا الوقتى ) كذلك يُريهم الله اعمالهم حسرات عليهم ( عذاب تانى فوق العذاب انهم يلاقوا كل اعمالهم راحت كالهباء المنثور فيتحسروا على حياتهم اللى راحت هدر ) و ماهم بخارجين من النار ( خلاص ...قضى الامر ) " البقرة ( 165- 167 )


" ويوم يحشر أعداء الله إلى النار فهم يوزعون ( ماهو اليوم دا إما تكون حبيب الله أما تكون عدو الله ، مافيش حاجة تالتة )* حتى إذا جاءوها شهد عليهم سمعهم و أبصارهم و جلودهم بما كانوا يعملون ( أصل فى ناس من اللى بتكدب فى الدنيا فاكرة انها ممكن تكدب على ربنا فى الاخرة ) * وقالوا لجلودهم لم شهدتم علينا ( طبعا لو اى حد يحط نفسه الموقف دا هيبئا نفسه يقتل نفسه و يشرب من دمها عادى يعنى ... دا أقل واجب ) قالوا أنطقنا الله الذى أنطق كل شئ وهو خلقكم أول مرة و إليه ترجعون ( حتى الجلود ... عارفة ان ربنا هو الخالق و اننا هنرجع له تانى )* و ماكنتم تستترون أن يشهد عليكم سمعكم و لا أبصاركم و لا جلودكم ( يعنى ماكنتوش عاملين حسابكم ان كل حاسة من حواسكم دى هتشهد عليكم ...لكن مش دى المشكلة بردوا ، المشكلة الاكبر هو ...) و لكن ظننتم أن الله لا يعلم كثيرا مما تعملون ( فاكرين انكم عشان طايحين فى الدنيا و محدش قادر يقف قدامكم انكم هتيجوا يوم القيامة تعدوا زى الشعرة من العجين ، و ان عشان محدش عرف عنكم فى الدنيا انكم بردوا هتضحكوا على ربنا فى الاخرة ..لااااااااااا) * و ذلكم ظنكم الذى ظننتم بربكم أرداكم ( أمنتم مكر ربنا ، و قعدتوا تقولوا ربنا غفور رحيم ، و المسامح كريم ، و خلاص يعنى كل الناس بتعمل كدا ) فاصبحتم من الخاسرين ( خلاص ... مش انتم اللى اخترتم كدا ؟؟ أديكوا خسرتم ) * فإن يصبروا فالنار مثوى لهم ( يعنى كدا كدا هما فى النار عافانا الله و اياكم صبروا او ماصبروش ) و إن يستعتبوا فما هم من المعتبين ( يعنى هيندموا و يقولوا سماح و معدناش نرجع تانى ، خلاص فات الاوان لدا ) " فصلت (19- 24 )


و ياريت على اد ان كل واحد جلده يشهد عليه ، و خلاص ... و اللى فات دا طبعا مش عذاب هين ، لكن لسه بردوا العذاب مخلصش :" قال ادخلوا فى أمم قد خلت من قبلكم من الجن و الانس فى النار ( يعنى روحوا مع اللى زيكم ) كلما دخلت أمة لعنت أختها ( ماهما اخوة فى الكفر و الصد عن سبيل الله ) حتى إذا اداركوا فيها جميعا ( خلاص جهنم قفلت أبوابها ... يبدا نوع تانى من العذاب ) قالت اخراهم لأولاهم ربنا هؤلاء أضلونا فئاتهم عذابا ضعفا من النار ( دول يارب اللى عملوا المعصية أول ناس ، و احنا جينا لقينا الناس بتعمل زيهم ، فعملنا زيهم ، مالناش ذنب ، عذبهم هما ) قال لكل ضعف و لكن لا تعلمون ( يعنى مش بس العذاب المادى ، لا كمان المعنوى ، و شايفين بعض كل ثانية ، فيفتكروا حسرتهم و غلطهم )* و قالت أولاهم لأخراهم فما كان لكم علينا من فضل فذوقوا العذاب بما كنتم تكسبون ( يعنى محدش أحسن من حد ...هتتعذبوا زينا ، أصل انتم كان ليكم عقل تقدروا تحكموا بيه )" الأعراف ( 38- 41 )


" و لو ترى إذ الظالمون موقوفون عند ربهم يرجع بعضهم إلى بعض القول ( يعنى دول يرموا على دول و دول يرموا على دول ) يقول الذين استضعفوا للذين استكبروا لولا انتم لكنا مؤمنين * قال الذين استكبروا للذين استضعفوا أنحن صددناكم عن الهدى بعد إذ جاءكم ( الناس اللى بتقول أصل أنا خايف اطيع ربنا يعذبونى و لا ياخدونى شبهه ...اهو الناس اللى انت خايف منهم اول ناس هيبرؤوا منك ) بل كنتم مجرمين ( انتوا اللى اجرمتوا فى حق نفسكم ...مالناش دعوة )* و قال الذين استضعفوا للذين استكبروا بل مكر الليل و النهار إذ تأمروننا أن نكفر بالله و نجعل له أندادا ( لااااااا .. مش انتوا اللى كنتوا بتقولنا مانروحش المسجد نصلى احسن تاخدونا تحرى ، مش انتوا اللى قلتوا لنا مانزكيش ، مش انتوا اللى قلتوا لنا ان طريق ربنا دا كله تخلف و رجعية؟؟) و أسروا الندامة لما رأوا العذاب ( بس ندموا لما عرفوا انهم كانوا غلطانين ، و محدش هيفيدهم ) و جعلنا الاغلال فى أعناق الذين كفروا هل يجزون إلا ما كانوا يعملون ( الجزاء من جنس العمل ... شوف أنت بتعمل ايه ؟؟و كون متأكد ان زى ما هتعمل هتلاقى و ان ماكنش دنيا هيكون آخرة )" سبأ (31- 33)



بس مش الكل هيهرب من بعضه ، و يتبرؤوا منهم " الأخلاء يومئذ بعضهم بعض عدو إلا (مييييييييييييين ؟؟؟) المتقين ( ياااااااااارب اجعلنا من المتقين يارب و اجمعنا على طاعتك ... عارفين !! كنت باتفق مع صحباتى – اللى أنا عرفتهم فى الله طبعا- ان اللى هتدخل فينا الجنة الاول ، تقف على الباب و تقول يااااااارب ليا صحباتى كذا و كذا و كذا و تذكرنا بالاسماء ، و تقول يااااااااارب مش هأدخل الجنة إلا بيهم ، يارب دخلهم الجنة معايا ... فيااااااااارب يجمعنا جميعا فى الجنة ، و اللى هيدخل الجنة الاول يا ولاد يفتكرنى ، و يقول يارب كان ليا اخت فى الدنيا ، ندخل الجنة سوا يارب .... قولوا آمين ... يا خراشى ، قولوا آمين يا ولاااااااااااااد ) "



طبعا فى آيات كتير جدا بتتكلم فى موقف يوم القيامة بس أنا أخترت دول بس ، و انتوا بئا كملوا الباقى ....


و طبعا بعد ماشفنا أصل القصة من اولها لآخرها هنرجع تانى ، و نذكر قول الشيطان لما قضى الامر " إن الله وعدكم وعد الحق ووعدتكم فأخلفتكم و ما كان لى عليكم من سلطان إلا أن دعوتكم فاستجبتم لى فلا تلومونى و لوموا أنفسكم ما أنا بمصرخكم و ما أنتم بمصرخىّ إنى كفرت بما أشركتمون من قبل إن الظالمين لهم عذاب أليم "

عكس قول المؤمنين لما ربنا حقق وعده ليهم " أن قد وجدنا ما وعدنا ربنا حقا " و سؤالهم اصحاب النار " فهل وجدتم ما وعد ربكم حقا ؟" و اقرار اصحاب النار "نعم "


و بعد دا كله ، شوفوا بجد كرم ربنا لما يرجع تانى يقول لنا :" استجيبوا لربكم من قبل أن يأتى يوم لا مرد له من الله ( مش ناويين ترجعولى بئا ؟؟ مش عاوزين تسمعوا كلامى ؟؟؟ مش خايفين من عقابى و عذابى يوم القيامة ؟؟ ) مالكم من ملجأ يومئذ و مالكم من نكير ( محدش هينقذكم و لا هتلاقوا ملجأ لما تشهدوا على نفسكم ، و لا هيفيدكم الانكار !!! )" الشورى (47 )


أصل ربنا عارف الحجج اللى هنيجى بيها يوم القيامة ، و بردوا مش هتنفع ...

" أن تقول نفس يا حسرتى على فرطت فى جنب الله و إن كنت لمن الساخرين ( فى ناس هتقول والله يارب ماكنا نقصد ، و آسفين على تضييع الوقت ، صحيح كنا بنضحك على اللى بيلتزموا و نقول عليهم رجعيين و متخلفين ، بس آسفين .... يارب اغفر لنا يارب ، بس طبعا ......!!!) * أو تقول لو أن الله هدانى لكنت من المتقين ( أصل ربنا ماهدانيش ، لو كان هدانى كان زمانى الوقتى احسن واحد فى الدنيا ... ارادة ربنا بئا ، هوا بإيدى يعنى ؟؟... و طبعا إحنا اتكلمنا فى نقطة الهداية قبل كدا ، و قلنا ان ربنا ورانا الطريق و ساب لنا حرية الاختيار .. يعنى حجة بايخة ) * أو تقول حين ترى العذاب لو أن لى كرة فأكون من المحسنين ( و دول –اعتقادى والله اعلم – انهم عملوا عمل صالح و كويس ، بس لما شافوا العذاب استصغروا اوى عملهم و حسوا انه مش هينجيهم ، لأنهم قالوا ( من المحسنين ) يعنى الدرجة اللى تلى الاسلام و الايمان ... يعنى يوصلوا لدرجة أعلى .... ربنا يجعلنا من المحسنين يارب ) " الزمر ( 56- 58 )


فياترى بعد ما عرفنا حقيقة الصراع اللى عايشينه فى الدنيا ، و عرفنا عدونا عاوز منا ايه ؟؟؟ لسه مصرين بردوا نمشى وراه ؟؟؟ لسه مفيش حاجة جوانا اتغيرت ؟؟؟ لسه مش عاوزين طريق ربنا؟؟؟


أنا كدا خلاص الحمد لله خلصت الجزئية دى ، و حاسة انى طولت عليكم اوى ، و بئالى فترة طويلة ماشية فى السلسة دى ، مش عارفة يا ترى فعلا فادتكم ؟ - و طبعا الكلام لنفسى اولا –



قررت إنى اتوقف عن الكتابة فيها فترة عشان ماتزهقوش ... و ممكن نرجع نكمل فيها لو تحبوا ، بس أنا حاسة حاليا مش هأقدر أكمل لشوية حاجات كدا ، ادعولى ربنا ييسر لى أمرى ... و يهدينى ... و يطهر قلبى ... و يغفر ذنبى ... و يسامحنى ، و يعفو عنى ... اللهم آمين

أشوفكم على خير ان شاء الله ...

25 comments:

نور العيون said...

اول تعليق

عاشقة الأحزان said...

لالالا يا نور انا اول تعليق

عاشقة الأحزان said...

اركنى شويه وبعدين علقى

يا نور
هههههههههههههههههههه

ازيك ياقمر بجد وحشتينى قووووووووووووووى

عاشقة الأحزان said...

كل سنه وانتى طيبه ويارب تكونى بخير معلهش كنت مسافره عه من السفر
قلت اطمن عليكى اهوووووووووووووووو

نور العيون said...

الله عليكى بجد استمعت بالقراءة هنا
ربنا يجزيك عنا كل الخير ويجعله بميزان حسانتك

وان شاءالله ربنا يكرمك وترجعلنا بالسلامه يارب

عاشقة الأحزان said...

بسم الله ماشاء الله عليكى
ربنا يبارك فيكى يارب ويسعدك ويجعل كل حرف بميزان حسانتك قادر يا كريم

وربنا معاكى يا حبيبتى ييسر ليكى امرك يارب
وترجعلنا بالسلامه
منتظرين الباقيه
خلى بالك من نفسك

Soul.o0o.Whisper said...

نور العيون

أهلا بيكى و منورة البلوج يا جميلة

و بجد سعيدة ان البوست عجبك
و يااااااااارب تنورينى دايما على طول

Soul.o0o.Whisper said...

نور العيون

أهلا بيكى و منورة البلوج يا جميلة

و بجد سعيدة ان البوست عجبك
و يااااااااارب تنورينى دايما على طول

Soul.o0o.Whisper said...

عاشقة الجميلة

اللى دايما منورانى و بتسأل عليا
و أنا مقصرة فى حقها


حمدلله على سلامتك يا جميلة
و نورتى بلوجر من تانى

و ربنا يكرمك يارب

و انا ان شاء مش أبعد عنكم
انا باقول هأنقل لمواضيع تانية من باب التغيير يعنى :)


يارب دايما بخير

آيوشة said...

السلام عليكم ورحمة الله وبركاته يادكتورة سوووول ربنا يكرمك يارب ويجعل كل البوستات دى فى ميزان حسناتك اللهم امين يارب العالمين
جزاكى الله خيرا يارب

Soul.o0o.Whisper said...

جزانا و اياكى يا أيوشة

و بجد منورة
و وحشانى

يارب تكونى بخير

ستيته حسب الله الحمش said...

ربنا يبارك في هذا الجهد الرائع
تقبل الله منك صالح الأعمال وجعلها في موازين الحسنات

تحياتي

فركشاوي ..ناوي said...

بسم الله الرحمن الرحيم
السلام عليكم ورحمه الله وبركاته
لا املك الا الدعاء لكم بقبول العمل الصالح و جعله الله في ميزان حسناتكم .

mimi said...

ربنا يباركلك يارب

تعرفي أسلوبك بيفكرني بأسلوب عمرو خالد
اللي هوا السهل البسيط اللي بيدي المعلومة الكاملة ...

ربنا يجعل مدونتك تتقل ميزان حسناتك يارب

ويجمعنا بيكي في الجنة

yasmina said...

السلام عليكم
بجد بكون فرحانة اوى فى المدونة الجميلة دى
لانى بستفاد كمان كتيييييييير
وجزاك الله كل خير على الكلام الجميل دة بجد
وننتظر المزيد
سلااااااام

TWEETY said...

ازيك ياابلة

صباح الخير

الكلام كتير انا معرفتش اقراه كله

بس انا مبحبش الناس المنافقة ماما قالتى انهم هيروحوا النار

وكمان انا بصلى علشان ربنا يودينى الجنة

انا كتبت حاجة مش عارفة هى حلوة ولا لا

عطش الصبار said...

انا متابعه السلسله دى من بدايتها
ربنا يبارك فيكى ويجازيكى كل خير اسلوب شرحك ممتع وشيق
ان على فكره متبعاكى على طول
تحياتى

فشكووول said...

ازيك يا دكتوره

انا رحت المدونه بتاعة د. اون لاين موضوع الاورام القديم رجت تانى على المدون الاصليه

ربنا يا دكتوره يجعلنا من سكان الجنه .. حاجه ولا يصفها اى حاجه ..حاجه من عند ربنا واللى من عند ربنا ما لوش وصف حتى لو وصفناها باحسن وامتع واعظم الاوصاف ... ازاى نوصف حاجه ما شفنهاش ولا عرفنهاش وليس من سمع كمن رأى واحنا ما شفناش ولارئيناش وكله بالسمع ... سبحان الله ..
كل سنهوانت طيبه

romansy said...

اهلا اهلا يا دكتوره اخبارك ايه
واله يا دكتوره ادينا بنحاول نكون على اد المسئوليه ونحاول نرفع رفع دينا
وياريت نقدر نعمل اللى علينا بس

وبعدين ليه الغياب عننا
ياريت ترجعلنا بسرعه ومتطوليش

اسماء واحلام فى وجدانى said...

ازيك يا همس

يارب تكونى بخير دايما يارب

اتعودنا منك كل فترة بيبقى فى هدنة
ونشوف فى الهدنة دى بوست من خواطرك
وعلى ما اعتقد ان اخر هدنة
كانت من سنين
يا ترا مفيش هدنة قريب
وعشان اشجعك اكتر ليكى عليا كل هدنة منك بربع سهم من اللى معايا
بس اوعى تعملى كل يوم هدنة وترجعى الاسهم كلها ساعتها انا ممكن ارحل من البلوجر كله يعنى يرضيكى اقعد فى مدونتك من غير اسهم
باذمة مش حرام

أحــوال الهـوي said...

ليه يا دكتور
تتوقفي شويه
بس ما تفيبيش
اتمني لك التوفيق

تحياتي

mahasen saber said...

هتغيبى ليه هدنه من الكتابه ولاا انشغال بالشغل

ترجعى بكل سلامه يا سولو يا حبيبتى

قلم رصاص said...

السلام عليكم

بارك الله فيكِ يادكتورة

في ميزان حسناتك ان شاء الله

دمتي على خير

وترجعي بالسلامة

تامر علي said...

جهد رائع ورؤية عميقة للنصوص
احييك على هذه الرؤية والمجهود وفي انتظار المزيد :)

تحياتي :)

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت