الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Oct 26, 2009

لـم تـلوثـه الـحـيــــــــــــاة


كيفكم يا شباب؟؟؟ أخباراتكم؟؟ اهراماتكم ؟؟؟ جمهورياتكم؟؟؟

ياااااااااارب دايما بخير ...



بئالى كام يوم كدا عندى شعور مش عارفة ايه هو ؟؟!!!

يعنى ممكن تقولوا كدا منسجمة مع نفسى :) ... هدنة مؤقتة ممكن بردوا


يمكن لأن فى طيف لانسان عبر بحياتى – صحيح عبور سريع جدا – لكنه ترك أثر فوق الراااااائع


فاكرين بوست عابرون بلا اثر ؟؟!!


و أد ايه فعلا كل حركة و كلمة مننا بتسيب أثر فى نفس الشخص اللى قدامنا ؟؟


للأسف احنا بئينا بلاوعى بنعمل كل شئ يطعن الشخص اللى قدامنا فى مقتل ..

بنجرح ، و نألم ناس كتير من غير م ناخد بالنا ، و بردوا بننجرح من ناس و هما مش واخدين بالهم انهم بيؤذونا

اد ايه جميل لما نحس باللى قدامنا ، و نحسسه بقيمته و انسانيته ...


أنا بصراحة من كتر ما شفت ، جت لى فترة حسيت ان الناس كلها بئت وحشة ، و كله بيمثل على كله

و كله عاد بيتعمد يجرح بعضه ، و تحكمت فيهم الأنا ...


لكن حقيقى كل ما أتذكر شخص بعينه ، شخص ..... فعلا جمييييييييييييييييل

شخص أطلقت عليه لقب " انسان لم تلوثه الحياة "



الشخص دا شفته مرة واحدة بس ، جمعنى به القدر حوالى ربع ساعة ،

و كان الكلام دا من ... مش أقل من 5-6 سنين

لكن الشخص دا ساب جوايا أثر .... لحد الوقتى مش بأقدر أنساه

الشخص دا كل ما أفتكره بس ، بأعيش حالة من الصفاء النفسى ...



أكيد فى حياة كل واحد منا ، انسان كدا ...


الانسان بس مجرد ما تقعد معاه تحس باطمئنان نفسى رهيييييييب ، يبدأ يتكلم تبئا مش عاوزه يسكت ، لأن كلامه كله جميل ، يكلمك عن ربنا ، عن الحياة ، عن الناس و طيبتها زمان ، عن معاملة الناس و الصبر على أذاهم ...


و بصراحة مفيش حد جاب سيرة الشخص دا ادامى إلا و كان احساسه بيه نفس الاحساس ،

انسان تحس إنك لو اكتفيت بيه دونا عن الناس كلها ... كفاك

لأنه فعلا انسان جمييييييييييييل ...



أنا مش عارفة أقولكم ايه عنه ، لأنى أنا نفسى ماعرفش عنه حاجة ...

و يمكن حتى مش فاكرة الكلام بالظبط اللى قاله ، لكن الأثر اللى سابه فى نفسى بجد رهييييييييب


لحد الوقتى كل بس ما افتكره ، باحس ان الدنيا لسه بخير ، و ان فعلا ربنا حافظنا بالناس اللى لسه نقية ، لسه ما أثرتش عليها الحياة ، رغم ان الشخص دا حاليا يمكن بئا جد ... بس توفيق ربنا طبعا ، و محافظته على القيم اللى اتربى عليها ... بجد خلته انسان جميل داخليا قبل خارجيا


باقعد أفكر و أدعى ربنا فعلا إنى أكون زيه كدا ، بس مجرد عبور طيفى فى حياة اى انسان اسيب أثر حلو فيها ، يكفى بجد ان برغم المدة الطوييييييييلة دى ، و مجرد انى اقعد معاه بس الربع ساعة دى يسيب فيا الأثر دا ...


أكيد انسان رااائع ، و أكيد علاقته بربنا أروع عشان يخليه كدا ... بجد ربنا يجمعه بالحبيب المصطفى ، لأنه قال " أقربكم منى مجلسا يوم القيامة أحاسنكم أخلاقا " و برغم انى ماعرفوش ... بس شهادة ان الانسان دا جميل ... و ياااااااااااااارب أوصل للدرجة دى ..


يااااااااااارب أكون بأسيب أثر ولو بالميكرو ... مش مشكلة ، أهم شئ انه يكون أثر جميل ..

حقيقى بأفرح جدا لما بألاقى حد فى التعليقات بيقولى انه بيكون سعيد لما بيزور المدونة ، أو بيشعر براحة نفسية لما يدخلها و يقرأ فيها ، بأحس إنى بأعمل شئ مفيد ...



مش عارفة بجد أنا باكتب كدا ليه ... تقريبا والله أعلم حلاوة روح :)

ربنا يسترررررررررررر


و حقيقى بجد محدش يزعل من تقصيرى معاه لأن غصب عنى ربنا يعلم


وابئوا أسألوا عليا يا ولاد ، و ادعووووووووووووولى


ياللا سلام



28 comments:

اسماء واحلام فى وجدانى said...

الحمدلله انا اول واحد اسال واقولك ازيك يا همس الروح

اسماء واحلام فى وجدانى said...

وكمان ازيك

يا همس الروح وباقى الارواح

فواكه بقى ونعناع

كل اللى يجىء منك كويس

اسماء واحلام فى وجدانى said...

موضوع الشخص اللى انتى اتكلمتى عنه ده انا مش هاتكلم عنه خالص
لان الشخص ده مجرد احساس بنحسه وصعب نقدر نقدره بكلام







اما عن تقصيرك ربنا ان شاء الله يرجعك بالسلامة ويقويكى على اللى انتى فيه ويوفقك فى حياتك يارب
وان شاء الله لامة ترجعى تعوضى اللى فاتك مع انك موجودة دايما الحمدلله
واكيد اللى يعرف همس هيقدر ظروف غيابها ومش هيزعل لو اختفت شوية

آيوشة said...

سووووووول انا معتزلة التدوين الايام دى ومش بتابع المدونات زى الاول بس بقرا البوستات وبكسل اعلق بصراحة يمكن حالتى لا تسمح بانى اعلق فى اى بوست
انما كان لازم اعلق واقول انك فعلا سيبتى اثر فى حياتى وكبير جدا كمان ولو مش مصدقة تعالى اسالى اخواتى واصحابى كل ما تيجى فرصة بذكرك دايما بالخير
ربنا يكرمك يارب

أحــوال الهـوي said...

ما هو الاثر اللي يمكن يسيبه شخص مش فاكرين كلامه او قال ايه و الراخه اتت بذكر هذا الشخص؟

سؤال سالته لنفسي و لم اجد له اجابه بل تخمين انه رمز تزامن مع راحة نفسية و الرابط كان صورة الشخص مثل التفائل بوجود شخص ما لارتباطه بحدث فارق في حياتنا

هنيئا لك لحظات الصفاء النفسي

تحياتي يا دكتوووور

adel said...

برضه عملتيها و اتكلمتي عني
:(:(:(
قالتلك اني متواضع و مش بحب التسيح ده

كده هتلاقي البنات هلت عليا اكتر ما هم هلاين اشاسا

ههههههههههههههههههههههه

بس والله كلامك حلو بس لما حاولت افتكر منين ساب اثر كده فيا من لحظتين تلاتة تقريبا مقلتش
او لو اعتبرنا ان كتابات نبيل فاروق و اني قبلتله اخيرا يبقي ده اثر فيا
وممكن يوسف شاهين برضه مع اني مشفتوش للاسف
بس الراجل ده ساب تأثيؤ مش بس سينمائي لا في الدنيا كمان مش معقول

يا دومتي بذكريات سعيدة
like happy dreams :D

سجود said...

انا السابعه يعني حرام ده ولا حلال
ههههههههههه
احنا الحمد لله بخير المهم انتي
وفعلا ذي ما انت قولتي فيه فتره الناس اتحكم فيهم الانا ده فعلا صحيح ولحد دلوقتي بس بجد ديه حاجه وحشه وخصوصا اما تيجي من حد عزيز عليك
وفيه ناس فعلا بعد معاهم برتاحلهم علي طول
بس الناس دول مش كتير في الزمن ده

ليس فقيرا من يحب said...

فى حياه كل حد فينا

انسان لم تلوثه الحياه

ربنا يريح بالك يارب

يا حبيبتى ويوفقك

فركشاوي ..ناوي said...

بسم الله الرحمن الرحيم
السلام عليكم ورحمه الله وبركاته
هكذا كل شيئ جميل
يظهر لحظات قليله
وقبل ان تشعر بجماله
يسافر يغادر يهاجر
وحين ألفنا همس أمس
تأتي اليوم
وتقول لنا بودع
سَلاموو ..عَاليكو

بدراوى said...

كلام جميل اووووووووى
و يا ترى الشخص ده لسة عايش و لا توفى
اصل مفيش حد نظيف كدة و يعيش بينا
ربنا يرحمنا برحمته

الأحــــــ إيناس ــــــزان said...

كلامك جميل قوووووووووووووى

ربنا يكرمك يا حبيبتى

وبدعليك من قلبى لانك من الناس اللى بجد بحبهم قوووووووووووووووووى

تمنايتى ليكى بالتوفيق
مودتى

romansy said...

الله الله الله على الصفاء الروحى دا
دلوقتى يا سووول لما تلاقى انسان جميل كده نفسنا بتبقى مرتاحه قوى ومش مصدقه ان فيه حد كده فى الزمن دا بس اقولك ان فيه كتير من الناس الطيبين اللى عايشه علشانهم الارض والحياه
اللى بتطرح الشجر خير
علشان الناس الطيبن دول
المطر بينزل علشان الناس الطيبنن دول
ربنا يجعلنا منهم يارب

mimi said...

همس الروح

" عارفة طبعا مين بيقول كده"

كلامك مش محتاج تعليق طبعا عليه

بس انا قابلت انسان زي كده بالظبط

ثقافة علم اخلاق تدين روح مرحة محب للناس والخير وبجد شخصية وحيدة ومش شفت زيه أتنين .. غير حياتي للأحسن وزود ثقتي في نفسي وفي اللي حواليا

بجد انا حسيت إن الكلمة دي تنطبق عليه

" لم تلوثه الحياة"

تسلم ايدك اللي كتبت الموضوع

وتسلم أفكارك اللي فكرتني بالشخصية دي
تحياتي

mimi said...

أحلي تعليق من وجهة نظري

لعادل .. إييييييييه ده؟

ههههههههههههه

فارس عبدالفتاح said...

لا احب التأثير علي لا وجدانيا او نفسياً سواء بالسلب او بالايجاب قد اعجب او انبهر او ادهش او استعجب ولكن لا يترك اثر طويل المدى .. لاني لا اشغل ذهني او وجداني بما هو ليس لي .. هذه قاعدة

واعتقد ان لكل انسان لديه من الصفاء الوجداني والنفسي والذهني ما يمكنه من ان يكون مثل هذا الرجل او اكثر منه

وكذلك لديه بحور متلاطمة الامواج في وحدانه وظلمات حالكة السواد

المهم ان يستطيع الانسان ان يفهم ما بداخله ويترجمه الى عمل ايجابي يستفيد منه هو شخصياً قبل ان يستفيد منه الناس

فارس عبدالفتاح said...

هذا المقال مهدى اليكم اتمنى الاستفادة والافادة ... مع خالص الاحترام


http://www.aljazeera.net/NR/exeres/83F4E819-9BEC-48B7-8B86-B29DDE48A83A.htm#

حنان الشافعي said...

سووووووووول
الله علي جمال الشخص ده
في ناس كده ربنا بيبعتهالنا معاها رساله لينا
تنور طريق توضح حاجه غامضه
او بس تحسسنا براحه
حتي لو هي مش عارفه ده
انا مؤمنه جدا ان كل انسان صاحب رساله لناس تانيه
حتي لو مخدش باله
اقولك ايه
ربنا يستجيب دعاكي وتكوني حد مميز كده في حياتنا كلنا
عشان انتي فعلا مميزه كده

ودي وحبي

احساس طفلة محبة للرومانسية بس واقعية said...

لم تلوثة الحياة
جملة معبرة بكل المقاييس
قد اية جميلة وقد اية صعبة
كلنا نتمنى اننا نكونها

وحشااانى جدا
يارب تكونى بخير
فى حفظ الله ورعايته يا قمر
تقبلى مرورى

لو عرفوه هيحبوه said...

السلام عليكم ورحمه الله وبركاته

اسال الله ان يوفقك لكل ما يحبه ويرضاه

نتمنى زيارتكم لحملتنا لو عرفوه هيحبوه لنصره النبى صلى الله عليه وسلم

هذا اقل واجب نقدمه لحبيبنا صلى الله عليه وسلم

وجزاكم الله كل خير

قلم رصاص said...

السلام عليكم

فعلا يادكتور فيه ناس لسه موجودين بالشكل ده في حياة البعض منا

صحيح قليلون لكن مش بالعدد لكن بالتأثير الجميل بتاعهم

وربنا يوفقك يارب

دمتي في حفظ الله

mahasen saber said...

شفتى فعلا مبيفضلش من الانسان الا الذكرى الحلوه والاثر الطيب اليى بيسيبه على نفس من تعامل معهم

واحد من العمال said...

أنا مع تفسير أخونا أحوال الهوى
وأدينا بنسأل يامشغولين على طول
وربنا يعينك ويوفقك

ودمتِ بخير حال

أم أحمد المصرية said...

يا رب كده دايما منسجمة مع نفسك
و اكيد يا حبيبتي بتتركي اثر جميل في

اللي يعرفوكي في الحقيقة و في النت
ده انت همس الروح :)

donya said...

اول زياره
ولاقيت بوست جميل جدا
فعلا في ناس ممكن نقعد معاهم وقت قليل ويسيبوا اثر جميل
وفي ناس العكس تماما

*تحياتي

يوميات الحارة said...

جميلة تدونيتك ورائعة تقبلى مرورى

فشكووول said...

ماشى يا ولاد احنا جينا نسأل عليكى

وكمان انا باستريح نفسيا لما اجى ازور المدونه دى .. هيييه .. ايه رأيك .. ازيك بقى

يا ستى من حبه ربنا حبب الناس فيه .. عشان كدا الراجل دا لازم ربنا بيحبه .. اهه .. انا باستريح لما بأجى هنا آهه .. آه عشان تبقى اخر انبساط واخر راحه ومعنوياتك عاليه

Nostor Azzuro said...

بعد الشر عليكى
ربنا يديكى طولة العمر
لحد ما تبقى زى الانسان اللى اثر فيكى

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت