الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Nov 7, 2009

يوم فووووووووووق الخيااااااااال


تحديييييييييييييييث : عاوزة أقولكم يا جماعة ان اليوم أكتمل النهاردة بوجود حرووووووووفى الجميلة

بجد كانت أحلى مفاجأة لما لقيتها بتتصل و بتقولى قدامى نص ساعة و أكون فى المنصورة

و عاوزة أشوفك ...

و طبعا لأن ما ينفعش أخرج من الشغل ، فالبنت بكل جدعنة أقتحمت المركز فى عملية سطو مسلح

هههههههه ... و كان معاها المفاجأة التانية بجد

و اللى فرحت خاااااااالص لما شفتها .. غادة ( قلب الأسطورة )

إن شاء الله ربنا ييسرلك الامور يا غودة و ترجعى لمدونتك قريب

و أديكى عرفتى الطريق و ماعدتش ليكى حجة :)

...................................

بخخخخخخخخخخخخخخخ

أنا جيييييييييييييييييييييييييت

:)


بجد بجد بجد امبارح كان يووووووووووووووم راااااااااااااائع

رائع رائع بكل مافيه ...

الأول هأقول الناس اللى جت ( اللى هأفتكرهم يعنى ، و معلش على الزهايمر )


صبرنى يارب

مسدس صغير

سما مصر ( إيمان )

بت خيخة

فاتيما

ميرا ( امرأة بعقل رجل )

عسقول

خالد همس الأحباب

ضياء ( بيوتفل مايند )

سارة (رحيل )

محمد ( رحلة بحث )

محمد عبد الرحمن ( بلاد السحر و الخيال )

مصطفى ( فك زنقة)

شيما ( الشعب لابد له من حكومة تشكمه )

مى ( حلم كان )

دعاء ( مجرد حلم )

ا.أحمد حسن البنا

ابراهيم العدوى ( كأنى أتكلم )

ساسو ( مورنينج دوف )

عاشقة و غلبانة ( سالى )

إيناس ( عاشقة الأحزان )

بوبو و زوجها و ابنها( عمر عمووووووووووور ... عشان ما تزعليش :) )

داليا (قوس قزح )

ليدى ( روح طفلة مش عايزة تكبر )

أميرة على كوكب مهجور

بنت المنصورة

ليساندرا


و معلش بجد للناس اللى اسمها مش مكتوب ، حاولت أعصر ذاكرتى ، بس دول اللى فى بالى

أما بئا الناس اللى اتكلمت ...


شمس النهار ( شموسة )

و سمايلى روز ( وردشان )

و بدرااااااااااوى

خالو أحمد الصباغ


اليوم كان رائع جداااااااا ... طبعا كنت متفقة مع صبرنى نوصل بدرى حبة

و بعد ما وصلت هناك بأتصل عليها بتقولى معلش أتأخرت عليكى أنا نازلة اهو !!!!

و استنى و استنى .... هووووووب ألاقيها بتتصل تقولى انا جوا .. انتى فين؟؟

يا سلااااااااااام !!... ههههههههههههههه


المهم دخلت جوا و سلمت عليها ، بجد شخصية لطيفة جدا ، و مرحة و عسولة

و طبعا كان معايا بنت خالى ، أصل أنا لقيت البنت زهقانة قلت آخدها افسحها ... بس شوفوا بعد كدا حصل لها ايه؟؟!!!

المهم شوية و لقينا ميييييييييين ؟؟؟


لقينا صلاح ( مسدس صغير ) ... و بصراحة بئا مش عارفة اقول عليه ايه ؟؟

خفة دم بصراحة ربنا يبارك له ، لا و عمل فصل فى صبرنى ياربىىىىىىىىىىىىى

اتصل بيها بيقولها : أنا مش مدون و مش هأتبرع و لا هأصلى و لا هأتغدى بس هآجى معاكوا

طبعا هى احرجت و ماكنتش عارفاه ، فقالت له : حضرتك تشرف ...ههههههههههههههههههه

و طبعا طلع هو فى الآخر ...

لا استنوا كمان – لازم نعمل معاك واجب يا صلاح –

و احنا فى النادى ، فكنا عاوزين نركب مركب ، فواحد من المسؤلين هناك قال : اتنين شباب بس يروحوا يجيبوا المركب من على البر التانى ، فصبرنى تقريبا أو مش فاكرة مين ، قال : طيب اتنين شباب من المنصورة آدى صلاح واحد ... قام صلاح قايل : يا جماعة بيقولكوا اتنين شباااااااااب .... فقلت له : دا باعتبار انك مش من الشباب مثلا ؟؟!!!. هههههههههه


بعد كدا وصلت ايمان ( سما مصر ) شخصية جميلة و خجولة ، و برغم تعبها و انها قافلة مدونتها من مدة ، بس قررت انها تيجى و تشاركنا اليوم ... و طلعت كمان جارتى ، لا و كمان نفس الاسم ، يا سبحاااااااان الله .... مبسوطة بالتعرف عليكى ، و أتمنى أشوفك قريب تانى

المهم بعد كدا دخلنا جوا نشوف الوضع بئا ايه ، أحسن التنضيف كان لازمن و لابدن ياخد حقه معاهم اليوم دا ، و فضلنا لحد 10:20 تقريبا عقبال ما بدوؤا يعملوا اختبار الفصايل و الهيموجلوبين ...


طبعا دخل فوج كدا ، أنا معرفتش حد فيهم ، فباسأل مين ؟؟؟ قالولى دى فاتيما ... فاتيما ؟!!!!. و جرى طبعا رحت سملت عليها ، بجد كان نفسى أشوفها من زمااااااااان .. شخصية بجد جميلة اوى ، و رقيقة خااااااااااالص و كنت فرحانة بفرحها طول اليوم ،


لقيتها بتقولى و خيخة كمان اهى ... يا شيييييييييييييخة؟؟؟ هى دى خيخة ؟؟ دا أنا حسبتها واحدة من اللى فى المستشفى ، أصلها دلخت فيهم شمال اول ما دخلت ، و ياللا عاوزة اتبرع ، ياللا ... و مش هاعمل اختبارات ، هاتبرع على طول ، و الراجل يقولها : بس لازم نعمل اختبار الهيموجلوبين طيب نطمن !! ، و دى تقوله لا .... المهم ربنا هداها و عملت الاختبار طلعت 10 و شوية قالها لا ماينفعش ، لازم على الاقل يكون معدى ال 11 ، المهم يمين شمال فوق تحت و اتبرعت فى الاخر ... ههههههههه


أنا بئا كان الدور عليا ، أول ما الراجل شاف لون دمى اتخض ، و قاللى : لالالالا ، على فكرة انتى مش هتنفعى خااااااااالص ، و حط العينة فى الجهاز طلع 9 ... طبعا الراجل قال كلا البتة و الوزة كماااااااااان ...

كانوا عاوزين ينقلولى هما دم ، بس مرضوش يحرجونى قدام الناس ....هههههههههههه

دا الراجل بعد ما شاف النتيجة قال : شكلى هاخلى الناس تتبرع من غير ما تعمل الاختبار ، كدا محدش فيهم هيتبرع ... هههههههه


المهم ... الناس تتابعت ، فبأقول لخيخة مين بئيت الفوج المصاحب ؟؟؟ قالت لى : دا خالد ( همس الأحباب ) ... بجد انسان رائع ، و دمه خفيف اوى ، و صبرنى ضبطته متلبس ... اللى عاوز يعرف يروح مدونة صبرنى يعرف ...هههههههههه


بعد كدا عسقووووول ... ايه دا ؟؟ بجد عسقول ؟؟؟ ... قالى :مين؟؟ .. قلت له : لا مش هاقولك ...

لا بجد مين؟؟؟

سووول ...

لقيته برق كدا : لا مش معقول ، بجد؟؟؟ ....

اه ، والله ..


كان فرحان يعينى اول اليوم بهيموجلوبينه العالى ، قاموا خدوه يتبرع لحالة ، و جه خلصاااااااااااان ... و اكتشفت انه راح يتبرع لها فى مركز الاورام ... قلت له طب مش كنت تقول كنت عملت لك اى واجب هناك؟؟؟ بس ياللا مكنتش هناك بئا ... اتكلمنا كتير و اتناقشنا فى عدة مواضيع ، بس كان صعبان عليا خاااااااالص بجد ، و قعدنا نشربه عصاير و نأكله بسكوت ... و ربنا يتولاه بئا ... هههههههه


و كمان ضياء beautiful mind وهو فعلا بيوتفل مايند ، سعدت جدا انى شفته و اتعرفت عليه ، و ميرا ( امرأة بعقل رجل ) شخصية لطيفة رغم انى مالحقتش اتعرف عليها ...


داليا قوس قزح ، بجد شخصية جميلة جدا ، و ان شاء الله ، ربنا ييسر و نشارك معاكى و البؤج الجاية بإذن الله


و طبعا بعد كدا وصلت رحيييييييل حبيبة قلبى ، و صديقتى الجميلة و اللى فضلنا مع بعض طول الوقت تقريبا ، و قالت لى و انا جاية فى الطريق لقيت ناس بتتكلم عرفت من كلامهم انهم جايين لقاء المدونين ، واتعرفت عليهم و كمان سألوا عليكى .... مييييييين؟؟؟


أنووووووووسة الجميلة ... إيناس الاحزان ، مبسوطة جدا انى شفتك و اتعرفت عليكى يا أنوسة ، و معلش معرفتش اقعد معاكى وقت طويل ... و ربنا يكرمك يارب و يسعدك يا جميلة ..


مممممممممم ... كمان م .محمد ( رحلة البحث ) شخصية محترمة ، و ربنا يوفقه فى شغله ، و طبعا عرفت من خلاله هو و عاشقة .. الجوب و التريب و الذى منه ههههههههههه ، شفتوا بئيت مثقفة ازاى؟؟؟


و طبعا عاشقة و غلبانة ، بنت شربات بجد ، و داخلة شمال فى كله ، بس للاسف ماكملتش معانا عشان كان عندها نبطشية ، اتمنى اشوفك تانى يا سالى


و ساسوووو ، اللى كان اول مرة اشوفها و اعرف مدونتها كمان ، وهى مدرسة لغة انجليزية و كان لابد زى ما قالت انها تضيف بصماتها على اللغة – طبعا بوظتها خااااااااالص ... بس شخصية جميلة اوى بجد ، و كانت عاملة جو


مصطفى ( فك زنقة ) و اللى قالى من أول ما جيت و أنا عمال أقول : هى دى ، هى دى ... قلت له ، طبعا مميزة :) ، مبروك عليك و عليا و علينا كلنا العدد الأول من مجلة شخبطة ، و عقبال كل عدد يااااارب ... سعيدة جدا بالتعرف عليك


و كمان محمد عبد الرحمن ( بلاد السحر و الخيال ) ، و مغامراته مع التاريخ و مدرس الفرنساوى ... ههههههههه

بجد شخصية جميلة ، و سعيدة بالتعرف عليك


مى ( مجرد حلم ) شخصية جميلة و رقيقة ، و مغامراتها مع الدكاترة فى المحاضرات بردوا ... سعيدة بالتعرف عليكى يا مى ،


شيما ( الشعب لابد له من حكومة تشكمه ) كانت عاملة جو حلو وقت التبرع ، بس جت بعد الأكل و هنجت خالص و ماكنتش عاوزة تكمل اليوم ، بس على مييييييييييين ... شديناها و رجعت تانى لنشاطها خاصة وقت المركب :)

و بئيت الناس كلها بجد كنت سعيدة باتعرف عليها رغم ان ماكنش فى وقت اقعد معاها ،


لكن الجميل فى الموضوع بئا هو بنت خالى ، لأنى كنت واخداها افسحها ، قووووم ايييييييييييه ؟؟ البنت لسه اصلا داخلة كلية ، و ماكنتش فى مصر أصلا ، قوم أول ما أخدها افسحها ، قالت تعمل اختبار هيموجلوبين احتياطى ... البنت ما شاء الله طلعت 13 قالت طيب خلاص هأتبرع .... قام فاتيما تقولى : انتى جاية و جايبة الكيس بتاعك معاكى ... هههههههههه ، ماشى يا فاتيما ،

و البنت فضلت طول النهار ، ما تلمسيش ايدى ، ايدى بتوجعنى ، بس الحمد لله بئت أحسن


أما بئا الناس اللى أسعدتنى بسماع صوتها ،

فكانت شمس النهار ... شموسة الجميلة ، بجد فرحت اوى بمكالمتك ، و أتمنى ربنا ييسرلك أمورك كدا و ترجعى للتدوين بسرعة ...


سمايلى ، سمايلتى ... وردتى الجميلة ( وردشان ) ربنا يقومك بالسلامة يا جميلة ، ادعولها بئا احسن دور البرد مخلص عليها خاااااااالص


كمان بدراوى ، و اللى اتفاجأت صراحة لما بيقولولى كلمى ... مين يا جماعة ؟؟؟ بدراوى ...


و قعد يحسسنى بالذنب بئا ، حلو كدا يعنى انتوا تتجمعوا و انا قاعد محبوس هنا مش عارف اروح و لا آجى ؟؟ قلت له طب و ماجتش ليه ، ما بتوع القاهرة اتجمعوا و جم اهو ... ياللا معلش يا بدراوى ، خيرها فى غيرها ، و نشوفك المرة الجاية ان شاء الله


بجد يا جماعة مش عارفة أقول ايييييييييه ... بجد مبسوطة بيكم اوى ، و خلاص خدنا تعهد من بتوع القاهرة ان المنصورة هتدخل فى لائحة التجمعات بعد كدا و يكون لها معاد دورى فى كل دورة تدوينية ان شاء الله :)

عارفة انى كتبت كتيييييييير اوى ، بس رغم كدا ماوفتش اليوم حقه ، و زعلانة ان فى ناس كتير مجتش ، على رأسهم عمو فشكول اللى قال هييجى و ماجاش ...

ياللا أسيبكم بئا عشان ألحق أجهز للشغل ... و ممكن تتابعوا مواضيع الناس اللى كتبت عن اليوم

يا حبات اللولى ..تسلمولى

كان اجمل يوم

كل تجمع و انتوا بخير

يووم جمييل


ياللا سلااااااااااااام

36 comments:

واحد من العمال said...

يابختكم بهذا اليوم
شىء جميل ان الواحد يعرف ناس ويتواصل معاها بدون لقاء
وبعدين فجأه يشوفهم وجهها لوجه
أنا فرحان ليكوا قوى والله

ودمتم فى خير وفرحه

تأثير الفراشة said...

ما شاء الله

من وصفك الجميل لليوم حسيت كإنى كنت موجودة معاكم

ربنا يجمع المدونين على خير دائما يا رب

تحياتى ليكى يا سووول

رحــــيـل said...

ايه ده انتو لحقتو تكتبوا امتى
ههههههه
انا شكلى هجمع كل التدوينات اللى كتبت واكتفى بكده بجد مش لاقيه كلام اقوله اليوم كان اكتر من راااااااائع
جميل قوى كل الناس اللى حضرت وان شاء الله اليوم يتكرر تانى بالزوق بالعافيه هنكرره بقى بلطجه بقى
هههههههههه

رحــــيـل said...
This comment has been removed by the author.
فشكووول said...

ازيك يا سوول

قريت تدوينات معظم اللىكانوا هناك وفرحان جدا بيكم وزعلان جدا عشان ما حضرتش .. بس الظروف كانت اقوى منى .. ان شاء الله ولايكتر على الله شيئ اى تجمع تانى اكون موجود .. بس عشان مشوار المنصوره متعب جدا لى خصوصا وانى بقى لى شهرين وانا باروح المنصوره بانتظام كل يوم اثنين وان شاء الله انا رايح المنصوره يوم الاثنين الجاى .. بس سؤال صغير ..

هو فيه ناس عواجيز مبعجرين زى كدا كانوا موجودين .. والا كنت انا الوحيد اللى عجوزومبعجر اللى كنت حاكون موجود .. اصلى باتكسف شويه كمان ما كنتش حاعرف اتبرع بالدم ..وقلتى احسن بالطريقه دى

تجمع طيب وان شاء الله اشوفكم على خير فى تجمعات تانيه

بنت قلبى said...

يعنى ليا حق ازعل واتخانق علشان اللقاء الجميل داااااااااااا
ومش عوزنى اكون موجوده فى وسط الناس دى
اعزورونى يانااااااااس والنبى فى ك الا عملته

اسماء واحلام فى وجدانى said...

كل ده حصل امبارح

تعرفى انا تخليت نفسى هناك وقت ما قلت عايزين نركب مركب لانى باترعب من السيرة دى اوى
لو كنت معاكم بجد كنت اخد كل الدم اللى اتبرعته به غير اقامة يومين لحد ما افوق من الصدمة

قلب ارهقته الاحلام said...

انا زعلاااانه :((

يلا متعوضة ان شاء الله

بس لو مش كان يوم جمعة كنت جيت والله

ويمكن اشوفك النهاردة ياسووول :)

الحمد لله انه كان يوم جمييل ليكم

ويارب تكرروها قريب

Saso said...

هييييييييييييييييييييه
انا جيت اهه
قلت اصبح
صباح الشيكولاته

samamasr said...

:)

BoBo said...

لا لا لا انا زعلانة بجد .. طيب تنسيني انا وكينج توت ماشي ، انما كمان تنسي عمر؟ لا كدة ازعل اوي .. لازمن ولابد اسم عمر يتحط في التدوينة دي والا هفرقع المدونة كلها

BoBo said...

لا لا لا انا زعلانة بجد .. طيب تنسيني انا وكينج توت ماشي ، انما كمان تنسي عمر؟ لا كدة ازعل اوي .. لازمن ولابد اسم عمر يتحط في التدوينة دي والا هفرقع المدونة كلها

عاشقه وغلبانه said...

سوووووووووول حبيبتي

ماحدش يفكرني بالمركب بقي اصلي بزعل
انا اتبسطت جدا باليوم ويارب يتكرر تاني

انا لو كنت كملت كلام مع محمد عن البترول كان نفسي اعرف بيطلعوا الغاز الطبيعي منين
ههههههههههههههههههههههههههه

همس الاحباب said...

جزاكى الله خيرا
واليوم فعلا كان رائع وممتع
والمنصورة جميلة بناسها الطيبين
سعدت جدا بمعرفتك
وان شاء الله نجتمع دائما على خير
تحياتى

لو عرفوه هيحبوه said...

السلام عليكم ورحمه الله وبركاته

جزاكم الله كل خير

تابعونا فى الحمله ومع بدايه الشيقه فى الدعوه للاسلام

يسعدنا تواجدكم

قلم رصاص said...

الحمدلله على نجاح اللقاء

حتى ولو لم احضره


بس انا اتمنى بعد كده انه النوعية دي

من اللقاءات تتغير جذريا وتكون مخطط ليها

بحيث تكون لقاءات فكرية اكتر منها تعارف

عشان يكون بجد للمدونات دور فاعل في

تغيير الواقع

اتمنى ده يحصل في الفترات الجاية

دمتي في حفظ الله

سجود said...

كان نفسي احضر معاكم فعلا بس يلا خير تتعوض في طنطا ونغيظكم
هههههههههههههه

romansy said...

يا سلام على اللقاءات الجميله
شكلكوا انبسطوا
واتفسحتوا
وشوفتوا يوم جميل
ربنا دايما يجمعكوا على خير
يا سووووووووووول

بس انا قريت عن اللقاء دا فى مدونات كتير
بس انتى بقى شرحه الوصف التفصيلى

ليس فقيرا من يحب said...

ربنا يجمع المدونين دايما على خير

نفسى فعلا احضر لقاء زى كده

محمد عبدالرحمن شحاته said...

هو بصراحه كان يوم نفسي يتكرر دايماً
انا سعيد جدا اني حضرت واتعرفت عليكوا
وانا كمان سعيد جدا بحضرتك
وان شاء الله يتم التواصل الدائم
تقبلي مروري

الشعب لابد له من حكومه تشكمه said...

ايه ده ايه ده؟؟؟؟؟؟؟؟؟
انتى عرفتى منيييييييييييين انى هنجت:) دول 3 بس اللى اكتشفوا كده:)

انا كمان مبسوطه جدااااااا انى عرفتك , دا انتى الامام بتاعنا فى صلاة العصر:)
بس نسيت اقولك ادعيلى:( ادعيلى ياسول

Tamer Nabil said...

لواعرف كان زمانى معاكم

ربنا يوفقك ويكرمك

مع خالص تحياتى

د. ياسر عمر عبد الفتاح said...

ِكله كان يوم جامد
عملوها المدونين ياريتني كنت معاهم


يلا تتعوض مرة تانية
علي الأقل أكون اتعالجت من اللي أنا فيه ده وعرفت أتبرع بالدم بقي

(طبعاً مش هقول إيه هوه ده علشان هوه ده اللي طلعني من الجيش)

فاتيما said...

سووووول يا حبيبتى
احنا اللى كنا فى قمة السعادة
و طايرين على جناح الخيال
اليوم كله بلا إستثناء كان روعة
و الأهم من المكان و البلد و النيل و التبرع و الغدا الحلو و النادى و ..و ...
الاهم من دا كله الصحبة
و المقابلة الحلوة
و القلوب اللى حضنتنا من قبل ما نيجى و لغاية ما روحنا
و علطول إن شاء الله
الود اللى كان مالى اليوم فوق الوصف
و انا نفسى مكنتش أسيبكوا بس حكم القوى بقى
لازم نرجع
بس هنيجى تانى
لازم هنيجى تانى
بحبك قوى و اشكريلى سلوى قوى و لازم تعمل مدونة بقى عشان اعرف اغلس عليها و اسأل براحتى بدل ما اخوتك كل شوية و اقولك
سلوى عاملة إييييه؟
بوسة و حضونات يا حبيبتى
يا ارق همس للروح

بدراوى said...

كان يوم حلو بوجودكم جميعاً
يارب يديم المعروف
و انا اتبسطت بالإتصال بيكوا
كأنى كنت موجود معاكوه

norahaty said...

ايه دا؟دا انتى
بتوصفى الاحداث بالضبط
سينما صوت وصورة بجد كأنى كنت معاكم
يوم جميل يجعله ربى فى ميزان حسانتكم
وخلى بالك من نفسك شوفى حكاية
الهيموجلوبين ال9جرام دهـ
لازمـن ولابـدن تعليه :)

رحله البحث said...

ازيك يا سوول
بصراحه مبسوط انى قابلتك لانك انتى وساره بس يمكن فى كل اللى موجوديين اللى اعرف مدوناتكم من قبل كده
بجد كان نفسى اتعرف عليكى اكتر خصوصا اننا ملحقناش نتكلم لكن فرصه تانيه ان شاء الله
ومفاجأه ليا انك انتى وساره مش بلديات
كان يوم جميل ويارب دايما متجمعيين على الخير
تحياتى يا فندم ونشوفك على خير ان شاء الله

فارس عبدالفتاح said...

يا رتني كنت معاكم فعلاً المنحوس منحوس ولو حطوا على راسوا فنوس

مسدس صغير said...

بجد سعيد انى اتعرفت عليكى
شخصية محترمة جدا
وبشوشة جدا
اما انا بقى خفيف الدم ازاى دى؟؟
هههههه
متشكر جدا على الكلام الحلو ده
بجد كان يوم جميل جدا
عملت بوست عن التفاصيل بقى
ابقى شوفه
وامرى لله
اتمنى تكرار اليوم ان شاء الله

مصعب صلاح said...

السلام عليكم
انت بتغيظيني بأه
كان نفسي احضر والله
بس ربنا مش عاوز
جزاكم الله خيرا ع التقرير دا
ســـلام

Darsh Basha said...

سوووول
اخبارك اية

انتى كنتى منورة الاجتماع
والله انا كنت سعيد جدا جدا بمعرفتك بيكى ..ومتتصوريش قمة سعادتى اية .

والف مبروك ليكى انتى كمان بطلوع المجلة
وان شاء الله هتبقى احسن بيكوا.

mohamed ghalia said...

ايه ياجدعان انتوا جايين تغيظوا فينا ولا ايه
عااااااااااااا
عااااااااااااااااااااااااااااا

العيسوى الصغير said...

كويس انى مجيتش ولانه كان هيبقى يوم طلمة واعاصير وبرد

حـــلـــم كــــان said...

بجد والله اانتى ذى العسل وانا حيتك جدآ انا اى نعم فضلت معاكى مده قصيره بس بجد حبتك جدآ

u&i said...
This comment has been removed by the author.
arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت