الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Dec 21, 2008

لأنــــــــــــــــــــا نختلـــــــــــــف

السلام عليكم و رحمة الله و بركاته

كيفكم يا شباب ؟؟؟ يارب تكونوا بخير ...

كان فى خاطرة كنت كاتباها من مدة كدا ...
و كنت فاكرة إنى نزلتها هنا ،
و قعدت أدور و أدور فى الأرشيف كله ...

مش لقتها

و بعدين أكتشفت إنى مش نشرتها هنا ،
شفتوا إزاى ؟؟؟

مش باقولكوا زهايمر ...

المهم ،
موضوع الخاطرة مهم أوى
على الأقل بالنسبة لى ....

على العموم هأسيبكم مع الخاطرة ،
و بعدين نتناقش فى موضوعها .....




لأنا نختلف


أكثر ما يسعدنى فى الحياة ... أن أجد شخص لديه طموح و آمال ...

و رغم ما نعيشه من ظروف محبطة ... إلا أنه لا يتنازل عن طموحه و آماله هذه ،

و لا يتوانى عن انتهاز أى فرصه لتحقيقها ...



و لكن ما يستفزنى فعلا ... أن يحاول إقناع كل الناس بطموحه و آماله هذه ،

و كأنه منقذ العالم ، و إن لم يتحقق ما يسعى اليه ، فإن مصير العالم إلى زوال ...


قابلت هذا الصنف من الناس ... و لكم حاول اقناعى بأهدافه و طموحاته ...



نعم ... انا لا أرفض طموحاتك و آمالك ،

بل إنى أشجعها و أحثك عليها ،

لكن لتعى شيئا واحدا ...


قد أشجعك و أدفعك إليها ، بل قد تقنعنى باحد اهدافك حتى يصير هدفا لى ...

لكن من فضلك ... لا تجبرنى على انتهاج سبيلك ...


لتعى ... أنا نختلف ...



نعم ... أنا شخص ، و أنت شخص آخر ،

انظر إلى رسمك ، انظر إلى نهجك ، انظر الى عقلك ...

كل شئ فينا يختلف ...



نعم ... قد نكون فى ذات البحر ، لكن كل منا فى مركب مختلف ...

أو قد نكون فى نفس المركب ، لكن كل منا فى مكان مختلف ...

أو قد نكون فى ذات المكان ، لكن كل منا فى تفكير مختلف ...

فلتعى ... أنا نختلف ...



نعم ... قد نتكامل ، لكننا ابدا لا نتماثل ...

لتعى اننا فى دائرة كبيرة ، و هدفنا الاخير واحد ...

لكن سبيلى غير سبيلك ...



قد نتقابل فى نقاط .. و نفترق فى أخرى ،

ترأب صدعى ، و أرأب صدعك ، و غيرنا يكملنا ،

حتى نظهر فى الأخير كوحدة واحدة ...


لا تسىء فهمى ... فأنا لاأقلل من شأنك ...

أنت شخص مهم ، لكن .. لتعى أيضا أنى شخص مهم ،

و كل فرد فينا مهم ، لكن لكل دوره ...



و ذلك .... لأنا نختلف ...


فهل أدركت أنا نختلف ؟؟!!...





23 comments:

adel said...

الخاطرة فعلا جميلة قوي

و مش معني اننا نختلف يبقي في حد غلط

الاختلاف لا يفسد للود قضية

و احنا احيانا كتير بنبقي مختلفين مع الناس بس بكمل بعض

و كل واحد من حقه يرفض او يقبل الاخر لكن من غير ما يجي عليه

عادل
http://elbald-dy.blogspot.com/

Soul.o0o.Whisper said...

adel


دايما مشرفنى على طول

و فعلا صح كلامك
...

ياريت فعلا اختلاف الآراء لا يفسد للود قضية

خاصة إذا كنا كلنا بندور على الحق


...................

خالص تحياتى

adel said...

شكرا علي الكلام الجامد

و بجد مش عارف انزل بوست جديد...يعني كوميدي ولا شعر ولا ايه ولا ايه

سبع صنايع و البخت ....هههه

و مداد معانا الحق...هنخاف من ايه

Soul.o0o.Whisper said...

خلاص بسيطة

اعمل قرعة و حسب ما تطلع

هههههههههه






خالص تحياتى

fashkool said...

انت قصدايه يا سول يا مكاره .. احنا فعلا بنختلف وشوفى يا ستى يابنت يادكتوره ياشقيه
نورتى البيت .. ولا حاقول لك ولا كلمه واحد ..ولا حفتح بقى معاكى .. كل يوم تطلعينى من نقره توقعينى فى دحديره .. حارد عليكى وعلى تساؤلاتك فى مدونتك بس اما افضى من الرد على الزملاء
بس عارفه يا سووول احسن حاجه فى الموضوعين بتوع الجزمه ده ان التعليقات عندى فيها وجهات نظر كتير جدا والكل بيقول وجهة نطره باحترام .. انا احترمت المدونين وانا بقول .. وهما اختلفوا معايا .. بعضهم بشده وبعضهم بالهوينا .. لكن الجميع وانا منهم بنختلف بادب .. برضه كويس .. آهى بدايه ازاى نعرف ونتقبل ثقافة الاختلاف...سلام

Beram ElMasry said...

ابنتى الحبيبه . Soul.o0o.Whisper
لماذا دائما ننتظر أن تُشكلنا العوامل الخارجية
لان الانسان تشكله البيئه ولا يشكلها الا فى نطاق ثقافته المكتسبة من البيئة ، وما يضفيه عليها يصير جزءا منها تشكل به نسله وهكذا
نحن بحاجة يا سيدى اولا إلى أن نعرف من نحن
نحن العرب تعرضنا لغزو خارجى اعانه مخدوعون بوهم الزعامة منذ مئات السنين
لو قلنا لاطفالنا ان ما فعله الزيدى تهور لتعلم الجبن وعجز عن التفكير فى البدائل ، وصارت معاييره تقاس بردة فعل الخصم ، يجب ان يتعلم الطفل ان كل شئ ضد العدو مباح وعائده يضعف من عزم العدو واتباعه ، ولا ننسى ان الانسان ثقافة لا بناء اجسام بغال واحلام عصافير
معزرة فالنت والجهاز يداعبوننى
دمت بخير

shaimaa samir said...

الاختلاف اساس تكوين بشريتنا
ولولا اختلافنا
شكلا ومضمونا
لكنا كتلا منسوخه
ولما كرمنا الله
فالعقل هو سبب الاختلاف
لذا اوجدنا الله
اناس بعقول مختلفة

كل التحية

Soul.o0o.Whisper said...

fashkool

انت قصدايه يا سول يا مكاره *

و لا أى حاجة خالص يا أستاذى
دا أنا حتى مؤدبة و مربعة إيدى أهو

يابنت يادكتوره ياشقيه *

أحرجتنى يا استاذى العزيز

ولا حاقول لك ولا كلمه واحد ..ولا حفتح بقى معاكى *

ليييييييييه بس كدااااااااااا ؟؟؟

حارد عليكى وعلى تساؤلاتك فى مدونتك بس اما افضى من الرد على الزملاء *

آه ... أنا اتخضيت
ههههههههههههههه


حضرة الفيلسوف العزيز ...

دائما عندما ننظر للأمور من زاويتنا فقط
نجد أنها زاوية حادة ..

لكن عندما ننظر إليها بوجهة نظر الآخرين
نجد أنها تحولت إلى زاوية منفرجة

(( حلوة الرياضة دى ؟؟؟


:)
دمت بود استاذى الفاضل

و فى انتظار الرد







خالص تحياتى

Soul.o0o.Whisper said...

Beram ElMasry

الانسان تشكله البيئه ولا يشكلها الا فى نطاق ثقافته المكتسبة من البيئة ، وما يضفيه عليها يصير جزءا منها تشكل به نسله وهكذا *

نعم تشكله البيئة حتى سن معين
بعدها يتمرد على هذه البيئة
و يبدأ هو فى نشكيلها

بدليل التغيرات الرهيبة التى طرأت على مجتمعنا
و بيئتنا التى أصبحنا نضحى بشكل و نمسى بشكل

أليس كذلك؟؟


لو قلنا لاطفالنا ان ما فعله الزيدى تهور لتعلم الجبن وعجز عن التفكير فى البدائل ، وصارت معاييره تقاس بردة فعل الخصم ، يجب ان يتعلم الطفل ان كل شئ ضد العدو مباح *

تعرف يا أستاذى فعلا استوقفتنى كلماتك ؟؟
ماذا لو سألنى طفل ، ما معنى ما فعله الزيدى؟؟؟

هل سأقول له تهور ؟؟
أم رد اعتبار؟؟
حقيقى تحيرت ...

لكن...
كل شئ ضد العدو مباح
جملة لها مدلولات كثيرة جدا

أتمنى لو أحكمتها فى كلمات دقيقة




مع خالص أمنياتى لكل الأجهزة فى الوطن العربى بالشفاء
:)





خالص تحياتى

Soul.o0o.Whisper said...

shaimaa samir


أولا : مرحبا بكى
نورتى المدونة
:)

ثانيا : صدقتى
فالاختلاف سنة
و بها و لها خلقنا الله


دمت بخير
و خالص تحياتى

مولان said...

و لكن ما يستفزنى فعلا ... أن يحاول إقناع كل الناس بطموحه و آماله هذه ،

و كأنه منقذ العالم ، و إن لم يتحقق ما يسعى اليه ، فإن مصير العالم إلى زوال ...


شدني اوي الكلام ده

arsenalwy said...

بجد روعه

عجبتنى اوى الرسالة اللى بتوصلها الخاطرة

صح كل واحد ليه طموحه وفكره بس متجبرنيش على فكرك

Soul.o0o.Whisper said...

مولان

مولاااااااااااااااا
وحشتينى خالث خالث

و بعدين حاسبى على نفسك
لو شدك جامد قوليلى
:)



خالص تحياتى

Soul.o0o.Whisper said...

arsenalwy


أولا : نورتنى
و أتمنى أن تتكرر الزيارة

ثانيا : الحقيقة أن البوست للفكرة و عكسها
يعنى لا أجبرك على فكرى
و لا أنت تجبرنى على فكرك
:)



خالص تحياتى

حروف (دلو مرة ثانية وجرح ثاني سابقا) said...

صح كل الناس في الاصل مختلفة عن بعضها وعمر ما حد حيتماثل مع حد ممكن يكون بينهم تفاهم لدرجة كبيرة لكن عمرهم ما حيتماثلوا لازم وجة اختلاف وفي لحظات الاختلاف لازم احترام الاخر خاطرة جميلة واول مرور ليا ومش الاخيرة ان شاء الله

fashkool said...

بنتنا العزيزه سووول ويزبر .. تحياتى
ابتدينا نكتب ونكتلم فى ثقافة الاختلاف .. والله حاجه كانت ناقصانا فعلا وشيئ جميل
نتكلم بقى
كنت فى الاول فاهم ان الرد السلبى بتاع بعض المدونين استهجان لكتاباتى وكنت زعلان من ردود افعال بعض الزملاء لكن لما فكرت قلت كل واحد بيرد بثقافته ومن وجهة نظره .. لا اقصد ان ثقافاتهم ضئيله او ضحله لا سمح الله ولكن اقصد انها نتيجة لثقافة المجتمع السائده وفى اتجاه واحد وهو اتجاه الثوريه .. بعدين لما لقيت تفكيرهم شويه بدأ يتغير وفى بوست جيفارا لقيتهم بيفكروا شويه .. راجعى الردود عندى تلاقى كده دى حاجه اسعدتنى كثيرا .. التفكير وتقليب العمله على وجهها الاخر ةترك القوالب الجامده اللى اتعلمناها من يوم قيام الثوره حتى الآن .. كويس ؟ .. كويس.
ثقافة الـ 50 شنه الماضيه كانت التمسك برأينا فقط .. الاستعمار والاستغلال .. والاسبهلال .. وكل اللى جاى من الغرب مرفوض .. مع اننا نعيش حضارة الغرب وثقافته وروحه ايضا .. كما يكون عندنا انفصام فى الشخصيه .. نرضى بحضارة الغرب ونرفضهم رفضا قاطعا لانهم غربييين .. شوفى المثل ده بيقول ايه ؟
(ما فيش حاجه تيجى من الغرب تسر القلب) مع ان الكمبيوتر غربى والنت غربى والتليفزيون والمالبس وكل ما نستعمله فى حياتنا تقريبا .. حتى الجزم .. احلى الجزم بتيجى من ايطاليا .. كويس ؟ كويس
اما عن كون جيفارا مش مسلم ومش عربى صحيح .. وكنا بنحبه .. وصحيح ايضا ان الحق والسعى له فطرة الله فى الخلق .. وكان جيفارا رمز وقيمة من قيم الحق التى نفتقدها الان فى اوطاننا
وانا قلت عايز ازورك وتقدمى لى تفاح وحاجات حلوه فدا عشان قصدى اقول ... طول عمرنا كشعب ما لناش قوه شرائيه ... لاننظر الا للفول والطعميه ونفسنا فى اللحمه وكمان نفسنا فى حاجات حلوه كتير ليه ؟ لان الحكومه اللى هى قاطرة المجتمع فى كل شيئ تعطى اجور رمزيه ويتأسى بها الجميع ..قطاع خاص وقطاع عام .. يقوللك شوف مرتبك فى الحكومه حيبقى كام ويقوم رابط لك مرتب على قد مرتب الحكومه اللى هو رمزى وليس مقابل العمل ..شوفى يا سوول يا اللى حتبقى دكتوره صيدليه قد الدنيا بصرف النظر عن امكاناتك الشخصيه وامكانات عائلتك متيسره او غير ذلك .. خريج الصيدله وعلى اعتبار ان خريج الصيدله وكليه الصيدله من احسن الكليات وخريج الصيدله من احسن الخريجين وله مقامرفيع فى مجتمعنا شوفى بقى زميلك بره شكله ايه وانت هنا شكلك وايه الامكانيات اللى متوفره لخريج الصيدله هنا الصيدلى بعد التكليف بياخد من الحكومه فى حدود 400 او 500 جنيه على اكثر تقدير بعد البدلات والاقتصادى وخلافه يعنى قولى 500 هما دول وخلاص .. وباعتبار انك صيدليه حتقفى فى صيدليه بعد الضهر شوفى بقى ايه الامكانيات اللى متوفره ليكى حتقفى على رجليك طول النهار وركبك تتكسر وتروحى آخر النهار تحطى رجليك فى ماء بملح عشان بطن وكعب رجليك اللى بيوجعوكى من الوقوف 6 او 5 ساعات فى الصيدليه .. اصل تسعيرة الصيدلى فى الصيدليات 50 أو 60 جنيه فى الساعه قولى 7 ساعات يبقى 60 × 7 = 420 جنيه فى الشهر + الـ 500 يبقى 900 جنيه فى الشهر يبقى الصيدلى حيعيش ازاى ويتجوز ازاى ويشترى له سكن او يسكن فى شقه بـ 700 جنيه ازاى طب وياكل منين .. الواحد ياكل مراته .. والزوجه تاكل جوزها .. لاحظى انى اتكلم عن الصيدلى اللى الفرص قدامه كبيره .. فما بال خريج التجاره والاداب ومن هم على شاكلتهم
خلاص يا سوووووول .. مش اقول تانى عليكى الزميله .. خلاص يا بنتى .. كويس كده .. يارب يعجبك يا سول
اصل انا عندى بنتى صيدليه وكوزها صيدلى ومرات ابنى صيدليه ... هو احتلال ولا ايه .. الاستقلال التام او الموت الزؤام
كمان يا سول ما تطلعيش من نافوخى .. هو انا ورايا ايه ؟؟؟؟

محمد said...

فى أنتظار زياره منك
على مدونة مشاعر وأفكار
محمد
شوية كلام
مشاغر وأفكار

Soul.o0o.Whisper said...

حروف (دلو مرة ثانية وجرح ثاني سابقا)

أولا : اسعدتنى زيارتك جدا
و يارب فعلا تشرفينى على طول


ثانيا : صح كل اللى قلتيه
و ياريت فعلا ننفذ كلامنا على أرض الواقع
أكيد حاجات كتير هتتغير

:)



خالص تحياتى

Soul.o0o.Whisper said...

fashkool


التفكير وتقليب العمله على وجهها الاخر وترك القوالب الجامده اللى اتعلمناها من يوم قيام الثوره حتى الآن *

:)
حقيقى أنا سعيدة بكلام حضرتك دا


وكل اللى جاى من الغرب مرفوض .. مع اننا نعيش حضارة الغرب وثقافته وروحه ايضا .. كما يكون عندنا انفصام فى الشخصيه *

تصدق النقطة دى بالذات عاوزة وقفة جامدة جدا
لأننا فعلا زى اللى بيضحك على نفسه
أو مش فاهم
أو عنده انفصام فى الشخصية زى ما حضرتك بتقول


وكان جيفارا رمز وقيمة من قيم الحق التى (نفتقدها الان فى اوطاننا)*

فعلاااااااااااا
و النقطة دى بالذات فيها كلام كتير
بس شوية كدا



خريج الصيدله وعلى اعتبار ان خريج الصيدله وكليه الصيدله من احسن الكليات وخريج الصيدله من احسن الخريجين وله مقام رفيع فى مجتمعنا*

خدعوك فقالوا
أمال لو مش كانت العيلة عندك كلها صيادلة كنت قلت ايه؟؟؟
لالالالالالالالا
ماكنتش فاكرة ان حضرتك هتطلع علينا إشاعات مغرضة كدا
ههههههههههههههههههه



وباعتبار انك صيدليه حتقفى فى صيدليه بعد الضهر *
مين داااااااااا
أنا أروح شغل الحكومة و بعدين أرجع أقف فى صيدلية
و بعدين إذا ربنا أكرمنى و عرفت أرجع بيتنا أقوم بشغل البيت؟؟؟

دا افترى والله
دا أنا أروح فيها
هههههههههههههههه


هأكتفى بالـ400 أو 500
بس هما ييجوا
:)



الحكومه اللى هى قاطرة المجتمع فى كل شيئ تعطى اجور رمزيه ويتأسى بها الجميع ..قطاع خاص وقطاع عام .. يقوللك شوف مرتبك فى الحكومه حيبقى كام ويقوم رابط لك مرتب على قد مرتب الحكومه اللى هو رمزى وليس مقابل العمل *

للأسف يا أستاذى العزيز
هو دا الواقع
بس إذا فضلنا بنفس فكرنا
و فضلنا نقول لما تبئا الحكومة تقدرنا نبئا نشتغل و ننتج
يبئا إن شاء الله هتخرب أكتر مما هى خربانة
و خللى بالك
أنا قدمت المشيئة أهو
ههههههههههههههههههههههه


يا سوول يا اللى حتبقى دكتوره صيدليه قد الدنيا بصرف النظر عن امكاناتك الشخصيه وامكانات عائلتك متيسره او غير ذلك *

ياااااااااااااارب
يارب يارب يارب
ايوا كدا ادعيلى



خلاص يا سوووووول .. مش اقول تانى عليكى الزميله .. خلاص يا بنتى .. كويس كده .*

اه كويس خالص خالص خالص
أهو حتى عشان الواحد مش يحس باليتم

أصلى كنت فاكرة هأفضل طول عمرى يتيمة
بأب واحد و أم واحدة
لكن كدا الحمد لله
بئا عندى 3 بابا و 3 ماما
ياما أنت كريم ياااااااااارب
هههههههههههههه



اصل انا عندى بنتى صيدليه وكوزها صيدلى ومرات ابنى صيدليه ... هو احتلال ولا ايه .. الاستقلال التام او الموت الزؤام *

أى نعم
و إنه لكذلك
إلى الجهااااااااااااااااااد
معتدل مااااااااااارش
:)



كمان يا سول ما تطلعيش من نافوخى .. هو انا ورايا ايه ؟؟؟؟*

متشكرة خالص خالص
مش باقولك لحضرتك بتحرجنى بذوقك
:)





خالص تحياتى

Soul.o0o.Whisper said...

محمد


أسعدتنى دعوتك
و فى الطريق إلى هناك




خالص تحياتى

المستنصر بالله said...

ايه المانع لو وجه نظره صح انك تتبعيه
او حتى توصلوا لنقطه وسط بينكم
انا شايف ان الاختلافات بين اتنين ممكن تذوب بالتفاهم بينهم وبعض التضحيه
بس خاطرة جميله فعلا

تحياتى لحضرتك

Soul.o0o.Whisper said...

المستنصر بالله

أولا : بأشكرك على تشريفك لى بالزيارة رغم تقصيرى ،
و لكن اعذرنى فليس عن قصد ...

ثانيا : *ايه المانع لو وجه نظره صح انك تتبعيه
او حتى توصلوا لنقطه وسط بينكم *

ماختلفناش
إنما إنى أصبح مجرد تابع
و ما يقوله أمر واجب النفاذ

فأنا ألغى عقلى و شخصيتى
ألغى سلطة خولنى الله إياها ، و كرمنى بها ....

و لو رجعت إلى الخاطرة
ستجد أنى قلت
و لربما أقنعنى ببعض أهدافه حتى صارت أهداف لى
لكن طريقة التنفيذ ليس فرضا على أن أنتهج نهجه إلا إذا كنت مقتنعه

أليس كذلك؟؟؟


انا شايف ان الاختلافات بين اتنين ممكن تذوب بالتفاهم بينهم وبعض التضحيه *

امممممممم
اختلافات تذوب ... أشك
لكن نقدر نسميها قبول الاختلاف و معايشته
و دا فعلا ييجى ببعض التضحية من الطرفين للوصول للهدف المنشود
إنما مش بإلغاء رأى أحدهما فى سبيل الآخر

دى مش تضحية
دى اسمها سلبية

و فى الآخر ...

دى كلها وجهات نظر
و كلها أعتقد مازالت فى دائرة القبول و الاحترام المتبادل

بمعنى آخر :
اختلاف الرأى لا يفسد للود قضية


مش كدا بردوا؟؟؟
:)




خالص تحياتى

فركشاوي ..ناوي said...

بسم الله الرحمن الرحيم
.o0O Voice Of Mine O0o
السلام عليكم ورحمه الله وبركاته
الحمد لله علي ما من علينا به من نعمه الأختلاف و الأتلاف.
والحمد لله أن من علي بعقل آخر أطس فيه ويرجعني لعقلي (زي عم فشكول المهزوم)
اللي هو عقل الصيدلانيه الغلبانه
لقد قرأت الخاطره والتعليقات والتعليق علي التعليق حتي انني لم اجد شيئ أقرأه ولا استطيع ان اكتب.
كلامك في الصميم شل عقلي لاني لم اكن اتصور ان هناك بنت مصريه تفكر بهذه الطريقه.
لي عوده ثانيه لدراسه الموضوع واتمني ان يكون النقاش مثمر ومفيد
لي رجاء
مامعني؟
Soul.o0o.Whisper؟