الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Feb 5, 2009

طيفى الأثر .. و أجازة سفر






كيفكم جميعا .؟؟؟ يارب تكونوا بصحة و سعادة يااااااااااااااااااارب


أعزائى المدونين ..

طبعا تضاربت الاراء حول ماهية البوست الماضى ،

فمن المدونين من زعل ..و طالب بتعويض مادى و معنوى ... : )

و منهم من قال أننا بهذا قد نضع رأيا فى شخص بصورة سطحية،

أو نكون كونّا رأيا من موقف ثم يتضح العكس ...


فطبعا حبيت بس إنى أوضح وجهة نظرى بالموضوع ،

وحتى لا يحدث لبس ... وجب التنويه : )


طبعا طبعا .. من أكتر الناس اللى زعلت ، شخص ماقدرش أزعله خالث خالث

هو فيلسوفى العزيز فشكول .. و اللى أشترط للمصالحة إنى أنزل بوست كله ورد

و فل و حاجات كدا كتير أنا مش قدها ..: )


بس طبعا طلباته أوامر و أنا ماقدرش أزعله أبدا ..

طبعا دا لفيلسوفى العزيز الاول ..ها ؟؟

كدا مرضى؟؟


طب حبة بئا للمدونين عشان مايزعلوش هما كمان : )





طيب نيجى بئا لموضوع " عابرون بلا أثر "


الموضوع أولا مش حكاية حكم على الناس

و لا حكاية تقلبات مزاجية

الموضوع كله بيتكلم عن احساس أو شعور

أو انطباع بيسيبه كل واحد منا جوا شخص ما ، قابله فى لحظة ما ،

فى مكان ما ..


مش حكم عليه ، لأنه يمكن ماعملهوش أصلا .. بس هو بيكون شعور داخلى

بمعنى ..


أنا مثلا لو ماشية الصبح .. و لقيت كل الناس فى الشارع ، ماشية مبتسمة ،

تلقى تحية الصباح .. أكيد بالتبعية هتلاقينى مبتسمة ، مبسوطة

و بأصبح على كل الناس ..

دا مش حكم إن الناس دول حلوين .. لكن جوايا شئ ممكن نسميه تفاؤل .


مثلا .. دخلت الصيدلية لقيت زمايلى بيضحكوا و يهزروا ، هأبئا مبسوطة و أشاركهم ضحكهم

كدا .. دا الأثر اللى هما سابوه جوايا .. لكن مش ابدا حكم ..


لأن أصلا مش ممكن أحكم على شخص إلا بالمعاشرة و التعاملات ،

و دا صعب جدا جدا من مجرد لحظة أو موقف .


مثلا .. أنزل الصبح ، ألاقى اتنين ماسكين فى خناق بعض ،

و بيسبوا بعض .. دا يؤذينى أيما إيذاء ..

من جوايا هأبئا مقفولة .. متضايقة ، مش مستحملة كلمة..


مثلا .. جه شخص يطلب دوا ، مثلا كان ناقص أو كدا

و انتوا مستقصدينا و مش بترضوا تطلعوا الادوية الا للمعارف و حاجات كدا

دا طبعا بيسيب جوايا أثر سئ للغاية ..


مش أبدا حكم بالعقل .. لا دا شعور من غير ما تقصد بتلاقيك حسيته

تبعا لمواقف و أمور حياتية تمر عليك فى كل لحظة ..


عشان كدا بأحاول إنى أكون مبتسمة على طول ، مش أتعصب

أمتص كل شخص أدامى .. أعامله باللى يحبه ..

خاصة لو شخص الله أعلم هأشوفه تانى و لا لا


مثلا مريض جه الصيدلية .. أو أنا بأشترى شئ من محل

دايما بأحاول إنى ماضيقهوش .. أحس إنه مرضى و مبسوط

و أنا بردوا أكون مبسوطة ..بس بأسلوب هو يحبه و يقبله



و اللى فعلا لو دورنا جوا ديننا الجميل ..هنلاقى تعاليم الرسول –صلى الله عليه و سلم-

" تبسمك فى وجه أخيك صدقه "

" افشوا السلام "

" لا تغضب "

" ما كان الرفق فى شئ إلا زانه ، و ما نزع من شئ إلا شانه "

" ليس المؤمن بطعان و لا لعان و لا فاحش و لا بذئ "


اعتقد بس دول لو التزمنا بيهم .. أعتقد من مجرد لحظة واحدة بس

هنسيب أثر جميل فى نفس كل شخص بيقابلنا فى حياتنا


أتذكر كلام شخص قريب إلى قلبى ، أمضى جل حياته بالخارج ،

قال : بتلاقيهم هناك اسلام بدون مسلمين ..

ماشيين فى الشارع ، أو الشغل ، فى أى مكان ،

مبتسمين ، و هاى ...هاى .. بالظبط " أفشوا السلام "

تحس إن الدنيا كلها بتضحكلك ..


و دا اللى انا كان قصدى عليه .. إنى أكون طيف جميل لكل شخص مر بمدونتى

مش شرط يكون كون رأى فيا

لكن لما مر من هنا ..حس إنه ارتاح ، او انه مبسوط ..

أو على الأقل مقلش ايه المدونة الكئيبة دى ؟؟.. و راح و مش رجع تانى ..


أما بئا الناس اللى مننا و علينا .. و خاصة الجماعة البلوجرية من الأهل

و الاصدقاء و الجيران ...

اللى دايما الابواب متفتحة على بعضيها ، و عارفين بعض

فأكيد لو حصل مرة و كنت متضايقة و قلت كلمة مش و لابد ..

أولا هتعذرونى ..

ثانيا هتسألونى مالك ؟؟

ثالثا هتواسونى و تحاولو تطلعونى من المود اللى انا فيه ..

مش كدا و لا ايه؟؟؟


لالالالالا ... اوعو ، أزعل أوى ..

عشان انتو ماتعرفوش بأعزكو أد ايه ..و بعدين آخد فيكو مقلب ،

يبئا منظرى وحش اوى قدام نفسى ..

اه .. اصلى كل ما تقوم عليا و لا تقولى كلمة كدا و لا كدا أشكمها على طول

أقولها باقولك اييييييييييه ؟؟.. خليكى طيبة أحسن لك : )

تقوم تسكت و تبئا طيوبة و عسولة .. شفتوا بئا .. : D


يارب أكون قدرت أوصلكو اللى انا قصدته بالبوست اللى فات ،

هو إننا نحاول نعيش الحياة ببساطة .. و باقبال رغم الظروف ، و رغم كل شئ بيقولنا

اتضايقوا و اتنرفزوا و اتعصبوا ..

ازعلوا و اظلموا و ايأسوا ..

انهشوا فى بعض ، و كشروا فى وش بعض ،

و شيلوا من بعض ...


لااااااااااااااااااااااااااااااء ... احنا لسه جوانا قلبنا الابيض

برغم كل الظروف ، برغم كل المثبطات ..

بردوا هنضحك .. بردوا هنهزر ..

بردوا هنسأل على بعض ..

و نبتسم فى وش بعض ..

و مش هنشيل من بعض ..


يعنى كفاية الظروف تكون علينا ،

مش الظروف و انفسنا كمان ...


و بكدا نكون ... طيفى الأثر .. : )


ملحوظة كبيييييييييييييييييييييرة جدااااااااااااااااااا :

هتأخر عن زيارتكم شوية ، أصل بإذن الله ممكن النهاردة بعد الشغل أروح لقاء مدونى الدقهلية – ربنا ييسر-

و بعدها يادوب أرتب حاجتى عشان بإذن الله مسافرين الجمعة الصبح ..

مش عارفة هنقعد أد ايه بس اكيد بإذن الله مش هيزيد عن أسبوع


عاوزة أرجع بئا ألاقى كل شعب بلوجر عامل انقلاب ،

و بيطالب بعودتى ... : )


أستودعكم الله الذى لا تضيع ودائعه


و دمتم جميعا بكل ود ..



48 comments:

بنات افكارى said...

هيييييييييه اول تعليق

بدون حجززززززززز

وانا مش هطالب لسه بالعودة
اني اطالب بعدم الذهاااب
لا تتروكيني كتثبببببتي
:)))))

ايه ياقمر الورود والشغل الجامد
دا انا قولتلك اني عايزة من ا صححح

ماتتحرميش مني يارب
طبعا عندك حق فى كلامك
لان الحكاية مش حكاية حكم
على الناس اد ماهي مسئلة
ارتياح وراحة نفسية
من موقف او نظرة من شخص
وهكذا ارجع واقووووول
لااااااااااا تتروكيني
:((((

Soul.o0o.Whisper said...

ياااااااااااااااااه

مثاثتى العزيزة هنا
يا هلا يا هلا
أشرقت الانوار
و هلت الاطيار
و أينعت الازهار


حبيبة قلبى
والله مش هيهون عليا فراقكم
بس فعلا مش تعرفى أد ايه أنا محتاجة السفرية دى

أدعيلى بس كدا
و ربنا ييسر إن شاء الله
مش هتأخر بإذن الله



ربنا ما يحرمنى منك يارب
و خدى البوكبه اللى انتى عاوزاه

أول تعليق بئا
و أختارى براحتك
ههههههههههههههههههه





فى حفظ الله يا قمرى

gana magde said...

دى اول زيارة لي الى مدونتك
ومعاكى فيما قلتى
مش هينفع نحكم على حد بس ابسط حقوق الناس اننا نضحك فى وشها
عارفه احسن حاجه عجبانى فى اعلان موبينيل بتاع عشرين مليون مواطن ايه لو كل واحد وهو خارج من بيتهم رايح
شغله ابتسم
بالبتسامه والمعامله الطيبه اكيد ان مكسبناش حاجه مش هنخسر رغم ان حب الناس ليك هيكون اكيد ورد فعل طبيعى وده اكبر مكسب ممكن اى حد ياخده
دمتى مبتسمة وسعيده
تحياتى

حنان الشافعي said...

الله
الله
الله
الله
حلوه اوي البوكيهات يا سووووووووووووووووول
سول ها
اخده بالك
وحشتيني اوي ومش بشوفك اون لاين خالص
خلي بالك من نفسك وان شاء الله تتبسطي في السفريه دي
وترجعي بسرعه بسرعه
طبعا عندك حق في كلامك ما هو اثر يعني
ربنا يسعدلك ايامك
تحيااااااااااااااااااااتي

ضد التيار said...

ايه الورد و الحركات دى ياعم

انا عايزة لو سمحتى ورد ليا مخصوص ايوة امال ايه

انا طماااااااااااااعة بقى

فكرة البوست فهمتها من البوست نفسه

يعنى البوست ده هاخد منه شويه حاجات بس

اولا انك هتغيبى

و طبعا ده فى حد ذاته حلو

ييييييه قصدى وحش يعنى

:P

لا بجد ياقمر هتوحشينى كتيييييييييييير

و يارب مش تطولى بقى

بوسه كبييييييرة ليك ياجميلة

(:

fashkool said...

سوول الحبيبه .. ازيك يا سول
آه كدا حلو .. انا احب الفل واحب الورد .. واحب البنات العساسيل اللى زيك .. كويس كدا فل وورد وحاجات حلوه
ومهما بررتى فى البوست ده .. البوست اللى فات كان رحته مش حلوه وكان حزاينى شويه .. لكن انا كدا مصالحك ومش مخاصمك .. خلاص صافى يا لبن .. وانت بقى بعد ما ترجعى من السفر تبقى تقولى حليب يا قشطه
قاصدك يا سول الجو العام اللى الواحد عايش فيه يا يخليه متفائل يا يخليه مكتئب .. صح
انت مسافره رايحه فين؟؟؟؟ سؤاااااال وانت مش عايزه تقولى ليه ؟ برضه سؤااااال؟
بس عايز اقول فى الاخر ان الجو العام اصبح كئيب ومن يفلت من هذه الكآبه بيكون بطل ..
اقول لك بقى بالسلامه تسافرى وترجعى بالسلامه وتقولى حليب يا قشطه .. يا بنت يا دكتوره يا عسل وقشطه
تحياتى بقى

البت المشمشية حلوة بس شقية said...

اول تعليق
ازاى اهو كدة بقا رخامة

البت المشمشية حلوة بس شقية said...

انا هاخد لورد ده كلو ارجعو للراجل بتاع الورد واخد الفلوس ايه التبذير د بس

adel said...

لا لا لا
1-انا هاخد الورد و ابيعه اهو نطله بمصلحه

2-عرفتي انا ليه بحب اهزر بقي

3-انقلاب مين يا دكتورة اللي هنعمله عشانك

4-غيبي براحتك محدش هيفتقدك

ههههههههههههههههههههههههههههههه

اقصوصه said...

امممممم

حلو موضوع التدوينه

بانتظار رجوعك

تمنياتي بالتوفيق :)

Beram ElMasry said...

الاخت العزيزة . Soul.o0o.Whisper
السلام عليكم ورحمة الله وبركاته
عزيزتى الضرورات تبيح المحظورات ، والضرورات الشعرية تستوجب ذلك
لك تحياتى والسلام عليكم ، ولا سلام مع اليهود

fashkool said...

كنت عند عادل ولاقيتك مستأجره منادى ينادو ويقول سوول فين .. وبعدين انا اتخضيت .. هى سول مش لاقيه نفسها وجايبه منادى ينده عليها .. جيت انا كمان اجرت منادى عشان ينده على سوول ويقول يا ولاد الحلال .. سول بتدور على نفسها اللى يعرف طريق نفسها يقول لها ارجعى لنفسك
بس انا خايف تكونى عارفه وبتضحكى علينا
تحياتى

mahasen saber said...

سولو هو محدش على رايك يقدر يزعل عمنا فشكول منه

ولو حصل مينفعش البلوجر الا لما نصالحه

اما بخصوص التبسم فللاسف الناس بقت بتستخسر فى بعض الكلمه الحلوه والابتسامه
طتبيقا لمبدأ ليه افرح غيرى لما ممكن انكد عليه

تروحى وترجعى بالف سلامه
ويا ريت تنقليلنا صور اللقاء يبقى حلو قوى

اسماء واحلام فى وجدانى said...

اول تعليق

يا ورد منين اشتريك

بعد ما اختفيت من السوق

اتمنا لك التوفيق

marmar said...

سووول الطيبه
اولا تروحي وترجعلنا بألف سلامه وزي ما محاسن القمررر قالتلك متنسيناش بالصور لاني موهومة صور حبتين
ثانيا
موضوع الكلمه الحلوة والمعنى الاحلى والابتسامه والمعاني دي كلها
بتبقى مشاعر نفسيه داخلنا لو طلعناها هتبقى حياتنا حلوة اوي وطاهره ونضيفه
سلام يا جميلةةةةة

Belal said...

حلو الورد بس يا ريت لو كان البوست كله ورد في جنينه مش بوكيهات ورود

تحياتي
دمت بخير

م/ الحسيني لزومي said...

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

ن said...

السلام عليكم
أختى الغاليةوالكريمة سول
أشكرك يا عزيزتى على سؤالك الدائم عنى ويؤسفنى حين عودتى إنك تكونى فى أجازة ... ولكن ولا يهمك نحن فى انتظارك وأشكرك على هذه الورود الجميلة وأستاذنا فشكول يستاهل هذا الود الجميل
لك منى كل تقدير وإحترام
مع خالص تحياتى

د/ رامي شهاب الدين said...

مشاعر الفرح والحزن والغضب والضحك تنتقل بالعدوى ..مش معنى كدة إنها مرض لاسمح الله

فعلى سبيل المثال ..فى السينما مثلا لو بنتفرج على فيلم كوميدى بس رخم ولقيتى إتنين بيضحكوا عدوى الضحك بتنتقل للكل على السواء

وختاما عايز أقولك مفيش أحلى ولا أعظم من حب الناس ..لأنه هو الأبقى

دمتى بكل الود .. تحياتى

dr_samarmar said...

أنا قريت البوست اللى فات يا سول و عجبنى أوى :)

و الحمد لله فهمته على طول و مش زعلت و لا حاجة :)

ان شاء الله ترجعيلنا بالسلامة من غير انقلابات و لا حاجة :D

و خدى بالك من نفسك

و عايزة أطمنك ان اللى يقرا ف مدونتك مرة بجد لازم يتابعها و مايبطلش يزورها


تحيات و ود كبااااار أوى أوى أوى :)

smilyrose said...

حبيبتى سول

وحشتينى جدا

وحبيت اقلك انى بخير

جميلة قوى حقبة الورود

اللى انتى على رأسها طبعا

وفعلا حبيبتى احنا بنتأثر بكل شئ

حوالينا ويمكن دا من الحاجان

اللى بعدتنى الفترة اللى فاتت

لأنى خفت على كل الزائرين يلاحظو كطم

الألم الذى بداخلى

المهم موضوعك جميل

smilyrose

روح الحب الصادق

القلم السكندري said...

السلااام عليكم

جئتُ وقد نفدت باقاتُ الورد


المهم

سفراً سعيداً .. وعوداً حميداً



ومش هطول بقي كتير

نلقاكم علي خير إن شاء الله


في رعاية الله

تحياتي

كيــــــــــــارا said...

أنا مثلا لو ماشية الصبح .. و لقيت كل الناس فى الشارع ، ماشية مبتسمة ،

تلقى تحية الصباح .. أكيد بالتبعية هتلاقينى مبتسمة ، مبسوطة

و بأصبح على كل الناس ..

************

دا صح جدااااااااااااااا

-----

تروحي وترجعي بالف سلامه هتوحشيني ياصووووووووووووووووووووووووول

مش سوووووووووووووووول هه بس

انت تسال والكمبيوتر يجيب said...

دعوه
الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo

أميرة الجنة said...

السلام عليكم
مدونتك رووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووعة
ويارب ترجعى بالسلامة بس تجيبيلى حاجة حلوة معاكى انا بحب الشيكولاتة قوى
دمتى بخير

Soul.o0o.Whisper said...

gana magde

جنى

حقيقى نورتينى و شرفتينى
و يارب تنورينى دايما بزيارتك


فعلا معاكى حق فى اللى قلتيه
أبسط حاجة فعلا إننا نضحك فى وش الناس
ان ماكناش هنكسب ففعلا مش هنخسر


دمتى بكل ود

Soul.o0o.Whisper said...

حنووووووووووون


يا هلا يا هلا
وحشتينى والله

اه واخدة بالى
مافيش فايدة فى الناس أبدا

كل واحد مع مصلحته
هههههههههههه


الحمد لله يا قمر كانت سفرية جميلة و الحمد لله
ربنا يكرمك يا نونا يارب
و تكونى دايما سعيدة


جيالك قريب ان شاء الله





خالص ودى يا قمر

Soul.o0o.Whisper said...

ضدددد

كلاكيت خامس مرة
ههههههههههههههههه


حاضر يا دودى
تؤمرى بس
هأجيبلك وردة باسمك
يا سلااااااااااام

تؤمرى أمر


ربنا ما يحرمنى منك ابدا يارب
و دايما تعيشى و تشردينى
قصدىىىى تحرجينى بذوقك



دمتى بكل ود

Soul.o0o.Whisper said...

عمو فشكووووول

هييييييييييييييييه
هييييييييييييييييه
الحمد لله .. حليييييييييييييييييب يا قششششششششششششششششششششطة

:))
يا سلام يا فيلسوفى العزيز
ربنا ما يحرمنا من طيبتك و مسامحتك يارب


اه فعلا ..
اقصد ان نخلى الجو اللى احنا عايشينه حلو
فيه تفاؤل
و بلاش جو الكآبة اللى عايشينه و مش عاوزين نطلع منه دا
و يارب بئا نطلع أبطال

حتى فى النقطة دى بس




دمت بكل ود يا فيلسوفى
و جيالك قريب
ان شاء الله

Soul.o0o.Whisper said...

مشمشة


يا هلا ياهلا
دايما بتحرجينى كدا
أول تعليق على طول
هههههههههههههه

ماعنديش مانع بس ابئى اتصافى مع بنات افكارى
انا يادوب بانزل بوستات بس
انما انتو اللى بتعلقوا
ههههههههههههههههههههه


يااااااااااااااه
ياه ع البخل
يا بنتى مش عاوزة الورد فى ناس تانية عاوزة


ياربى ياربى

خلاص هأديكى المصروف ماتعمليش كدا قدام الناس
هههههههههههههههه



جيالك حالا ان شاء الله

Soul.o0o.Whisper said...

عادل

ايه دا؟؟؟
هو انت كمان منهم

ماكنتش اعرف عنك كدا



بس بردوا ماعرفتش انت بتحب تهزر ليه
:)



مش عارفة والله انقلاب ايه دا
الا صحيح انقلاب ايه؟؟
ههههههههههههههههه




أغيب براحتى؟؟
حااااااااااااضر
شاهدين ؟؟؟
هو اللى قاللى اهو
عشان لو غبت عنكم بعد كدا تاخدوا حقكم منه




دمت بود
و بكامل الدسم

Soul.o0o.Whisper said...

أقصوصة

يا هلا نورتى المدونة
و الحمد لله إن التدوينة عجبتك


و متشكرة جدا على كلماتك الرقيقة


دمتى بود

Soul.o0o.Whisper said...

Beram ElMasry


أستاذى العزيز

يا هلا يا هلا
معلش متأسفة على التأخير
أخلص بس ديونى دى و جاية على طول



دمتى بكل ود

Soul.o0o.Whisper said...

فيلسوفى العزيييييييييييز


يا هلا يا هلا
يااااااااه
حضرتك ديما تغرقنى بجمايلك

مش عارفة من غير حضرتك كنت عملت ايه
يعنى وصلتنى اخبار عن مكانها هأروح أشوفها و آجى أقولك على طول
هههههههههههههههههه



دمت بكل ود

Soul.o0o.Whisper said...

سنسسسسسسسسسسسسسسن


يا هلا يا هلا
آه صحمحدش يقدر يزعله
و اللى يزعله ناخد حقه منه على طول
:)


فعلا الناس بتستخر مع انها مش هتخسر حاجة والله
سبحان الله



ربنا ما يحرمنى منك يارب
و......
احم احم
صور؟؟؟
امممممممممممممممم
تصدقى و لا واحد صور
ههههههههههههههههههههههه

معلش أنا كنت ملبوخة
بس تقريبا هما كمان كانوا ملبوخين
هههههههههههههههههه



ياللا المرة الجاية ان شاء الله




دمتى بود يا قمرى

Soul.o0o.Whisper said...

معلش يا جماعة


أكمل رد بئا بكرة
سامحونى


مش هتأخر إن شاء الله

Soul.o0o.Whisper said...

اسماء واحلام فى وجدانى

أهلا بيك فى أول زيارة..
و يارب مش تكون الأخيرة

بجد شرفتنى و نورتنى

و ممكن حضرتك تشترى الورد من عادل أو البت المشمشية
هو اللى احتكروا الورد من السوق عشان يبيعوه لحسابهم
:)


دمت بود

Soul.o0o.Whisper said...

marmar

مرمورة العسولة

يا هلا يا هلا
صور؟؟
اممممممممممم
طب نخليها للمرة الجاية بئا معلش

بس حد غيرى يصور
و أنا أقتبس الصور منه
هههههههههههههه


كلامك صح الصح
:)
فعلا ياريت كل واحد فينا يطلع أحسن مافيه





دمتى بود يا قمر
و معلش ع التأخير

Soul.o0o.Whisper said...

Belal

أهلا و سهلا بحضرتك


حاااااااااااضر
المرة الجاية إن شاء الله
أجيب الورد بجنينته
:)



دمت بود

Soul.o0o.Whisper said...

م/ الحسيني لزومي


أولا : أهلا و سهلا بحضرتك

ثانيا : حاااااضر
هآجى أقرأها إن شاء الله



تحياتى
و دمت بود

Soul.o0o.Whisper said...

ن

أستاذتى العزيزة / أمل

أهلا أهلا أهلا
أشرقت الأنوار

يااااااااه
بجد وحشتينا خالص
و معلش بئا
حكم القدر كدا
:)

ان شاء الله جاية لحضرتك حالا
أخلص بس الديون اللى عليا دى


و فعلا عندك حق محدش يقدر يزعل
أستاذنا و فيلسوفنا العزيز فشكول




دمتى بكل ود

Soul.o0o.Whisper said...

د/ رامي شهاب الدين

أولا : أهلا و سهلا بيك
و نورت المدونة والله

أتمنى يارب مش تكون الزيارة الأخيرة

و فعلا ..
مافيش أحلى من حب الناس
ربنا يقدرنا و نكون أهل لهذه المحبة



دمت بكل الود

Soul.o0o.Whisper said...

dr_samarmar

سمورة
يا هلا يا هلا


الحمد لله انك مش زعلتى
:)


امممممممم
هو أنتى بردوا من هواة الحل السلمى
:)
طيب حاضر



ربنا يكرمك يارب يا سمورة
و مايحرمنيش منك و لا من زيارتك




دمتى بكل الود

Soul.o0o.Whisper said...

smilyrose

سمايلىىىىىىىى
حبيبة قلبى

الحمد لله انك بخير يا قمر
و انتى كمان وحشتينى خالص


ربنا يخفف عنك يارب
و يفرج كربك
و يسعدك بما يسرك


معلش عارفة انى مقصرة فى حقك
سامحينى





دمتى بود يا قمر

Soul.o0o.Whisper said...

القلم السكندري

و عليكم السلام و رحمة الله و بركاته

امممممممممممم
دايما كدا تيجى متأخر؟؟؟

طب ياللا معلش
هأبعت لك باقة مخصوص ليك
مانقدرش نزعلك ابدا


ربنا يكرمك يارب
و مانتحرمش من زيارتك




دمت بود

Soul.o0o.Whisper said...

جبــــــــــــاااااااااااااااارا


يا هلا يا هلا
يا حبيبتى كل اللى ييجى منك حلو

أهم شئ ما نقدرش نزعل الرئاسة مننا
:)


عاوزة أشوفك بئا
وحشتينى






دمتى بود يا قمرى

Soul.o0o.Whisper said...

انت تسال والكمبيوتر يجيب

الأخوة الأفاضل/

تسعدنى الزيارة الكريمة
و يشرفنى تلبية الدعوة


إن شاء الله أجيلكم فى أقرب فرصة


دمتم جميعا بود

Soul.o0o.Whisper said...

أميرة الجنة

و عليكم السلام و رحمة الله وبركاته
يا هلا بالأميرة

شرفتينى و نورتينى
و أتمنى أشوفك دايما


شيكولاتة؟؟؟
لا كدا هنقطع على بعض
:)
بس ياللا حلاوة أول زيارة بسسسس
هههههههههههه





دمتى بود يا جميل