الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Aug 5, 2009

قل من حرم زينة الله ؟؟




السلام عليكم و رحمة الله و بركاته


كيفكم يا شباب ؟؟ أخباركم ايه؟؟ يارب تكونوا كلكم بخير ...

عارفة ان انا متأخرة عليكم ، و كان نفسى بجد أخلص كذا موضوع كدا قبل رمضان ، بس قدر الله و ما شاء فعل .. أنا هأحاول أخلص كام موضوع منهم ، و الله المستعان ... أملى فى ربنا الشاشة تيجى قبل رمضان ... يااااااااااااااااارب

و موضوع النهاردة هيكون فى نقطة كانت مأثرة معايا جدا فى البداية ... ألا و هى : حدود الحلال و الحرام .

أو بمعنى تانى ، هو أنا لو تنعمت بشئ من متاع الدنيا ، يبئا كدا انا غلطانة و عملت شئ حرام!!!

طبعا هو ربنا خلقنا لطاعته و عبادته ، بس يعنى ساعات نفس الواحد بردوا بتبئا عاوزة تخرج و تشوف الدنيا ... تاكل كويس و تلبس كويس و تتفسح و كدا يعنى ...

بس الواحد مش مخلوق للعب ، و لازم يعمل لدين ربنا فى كل لحظة ، و يبلغ الحق اللى عرفه ...

بس يعنى هو ربنا خلق كل الامور الدنيوية دى فتن بس ؟؟!!! حرام حتى الواحد يفكر فيها؟؟؟


طبعا كانت كل الحوارات دى بتحصل جوايا ، و أنا مش قادرة أحدد ، لأن طبعا الواحد مقتنع ان طاعة ربنا دى مفهاش كلام ... بس ايه حدوده ؟؟و ايه المباح ؟؟ ... بصراحة من اللى كنت باسمعه ، كنت باحس ان الحياة كلها حرام فى حرام ، و أنا حكيت لكم بئا ان الواحد يقفل على نفسه و يتقشف بئا و كدا ..

لكن ... لنا وقفة مع هذه الاية الرائعة فى كتاب الله حيث يقول سبحانه :" قل من حرم زينة الله التى أخرج لعباده و الطيبات من الرزق قل هى للذين آمنوا فى الحياة الدنيا خالصة يوم القيامة "

معنى كدا ان كل زينة – و تستخدم للملبس- و الطيبات من الرزق – و تستخدم للمأكل و المشرب- هى حلال ، مش حرام ... إلا طبعا اللى ذكرهم ربنا فى القرآن بالتحريم ، و ما أتى التحريم بهم فى السنة ... يعنى الميتة و الدم و لحم الخنزير ولبس الحرير و الذهب للرجال و الاكل فى صحاف الذهب و الفضة ...كدا،

و الأصل فى الاشياء الاباحة مالم يرد فيها نص بالتحريم .

ثم ذكر فى الآية التالية بقية الامور المحرمة :" قل إنما حرم ربى الفواحش ما ظهر منها و ما بطن و الإثم و البغى بغير الحق و أن تشركوا بالله مالم ينزل به سلطانا و أن تقولوا على الله مالا تعلمون "

و الفواحش ما ظهر منها : قيل هو العرى .. لأن العرب كانوا قبل كدا بيطوفوا بالبيت عرايا ، فنهى الله المسلمين عن ذلك ، و كانت سبب نزول الاية التى تسبقها .

و ما بطن منها : قيل هو الزنا ... و الإثم : قيل هو الخمر و الميسر ، لأن فى الخمر اذهاب للعقل ، و فى الميسر اذهاب للمال و فى كلا الحالتين بيضطروا الانسان لارتكاب المعاصى ...

و البغى بغير الحق : البغى يعنى الاعتداء ، فإياك اياك اياك ان تعتدى على أحد بغير وجه حق ، لأن الظلم من أكثر الامور الجالبة لغضب الله ،حتى و ان كانت الامة مسلمة ... بس هل معنى كدا ان فى اعتداء بوجه حق ؟؟... اه ، ان تعتدى على من اعتدى عليك ، لكن بالمثل ... اما لو زودت يبئا انت كدا اعتديت بغير وجه حق .

و أن تشركوا بالله : و الشرك له صور كتير جداااااااا .. مش الشرك بس اللى هو حد يقول انا باشرك مع الله كذا و كذا فقط ، لا ... كل أمر فى نفسك بتسمع له و فيه معصية لربنا ، يبئا انت كدا اشركت مع حب ربنا حب الامر دا ... أو حتى لو كنت خايف من مخلوق و بتعصى ربنا بسبب خوفك من المخلوق دا ، يبئا انت كدا اشركت مع خوف ربنا خوف المخلوق دا ، و هكذا ...

و أن تقولوا على الله مالا تعلمون : يعنى تحلوا ما حرم الله ، و مثلها تماما تحريم ما أحل الله ... أيوا ، ماهو لما تحرم الحلال ، يبئا انت كدا بتضيق على الناس ، لان ربنا خلقنا نحب متاع الدنيا و زينتها ، و هى فطرة فينا ... فلما انسان ييجى بضد الفطرة دى ، او بتضييق عليها ... هنحس اننا مش مستريحين و ان دا ظلم ، و حاشا لله ان يكون ظالما لعباده ، غير كدا كمان نقطة لطيفة أشار لها المفكر الرائع (محمد الغزالى ) فى كتابه ( خلق المسلم ) :" و لابد من التفريق بين أهواء النفس المحرمة و مطالبها المعقولة المقررة ، فإن كثيرا من المتدينين يخلط خلطا سيئا بين الأمرين .

و ذلك أن الانسان إذا كانت له مطالب من متاع الحياة و سعتها التى لا حرج فيها ، فأُفهم خطأ أن هذه المطالب من الرذائل المحظورة فستكون النتيجة أن يُقبل على هذه المطالب المحتومة بضمير من يستبيح الجرائم ، و يرضى بالتدلى إليها ، و ضميره فى الحقيقة ضحية خطأ شنيع .

إنه مادام قد فهم أنه أصبح مسيئا و أن الرذيلة جزء من حياته ينتقل منها إلى عمل منكرات أشد ، أى منكرات حقيقية هذه المرة!....... أجل ، إن حظر الحلال الطيب قول على الله بلا علم ، وهو أخو السوء و الفحشاء الذين يأمر بهما الشيطان .... يكره الاسلام أن تعالج الغرائز بالكبت العنيف ، و ان تتملق بالاسراف البالغ و يشرع لها المنهج الوسط بين الافراط و التفريط" اهـ.

مظبوط جدا الكلام دا ، و بنسمعه كل يوم من شباب كتير ... يقولك يا عم هى حياتى أصلا حرام فى حرام هى جت على دى يعنى ؟؟!! و فعلا تلاقيه بدء يعمل فواحش كبيرة ... اللهم عافنا و اياكم ..

و فى حديث رائع جدا سمعته ، حقيقى بجد والله حسيت اد ايه فعلا الحياة قدامنا واسعة و جميلة ، بس لأن أصلا احنا اللى بئينا بنعمل كل حاجة غلط فى حياتنا فـ حاسين ان حياتنا كلها حرام ، لكن إذا نظرنا للجانب المباح و استغلناه اد ايه هنحس بالراحة ..

روى عن عثمان ابن مظعون أنه أتى الرسول صلى الله عليه و سلم و قال : غلبنى حديث النفس عزمت على أن أختصى ( يزيل سبب الشهوة فلا يشتهى نساء قط)

فقال : مهلا يا عثمان إن خصاء أمتى الصوم.

قال : فإن نفسى تحدثنى بالترهب .

قال: إن ترهب أمتى القعود فى المساجد لانتظار الصلاة ( الوقت بين الآذان و الصلاة ... مش يقعد ال24 ساعة )

قال : تحدثنى نفسى بالسياحة ( يعنى يخرج هائما على وجهه ..مش عارف رايح فين و لا جاى منين)

فقال : سياحة أمتى الغزو و الحج و العمرة .

فقال : إن نفسى تحدثنى أن اخرج مما أملك ( اخرج بفتح الالف مش ضمها ... يعنى يتصدق بكل فلوسه)

فقال : الأولى أن تكفى نفسك و عيالك و أن ترحم اليتيم و المسكين فتعطيه أفضل من ذلك

فقال : إن نفسى تحدثنى أن أطلق خولة ( يهجر زوجته تقربا لله)

فقال : إن الهجرة فى أمتى هجرة ما حرم الله

قال : فإن نفسى تحدثنى ألا أغشاها ( يعنى مايقربلهاش )

قال : إن المسلم إذا غشى أهله أو ماملكت يمينه فإن لم يصب من وقعته تلك ولدا كان له وصيف فى الجنة و إن كان له ولد مات قبله أو بعده كان له قرة عين و فرح يوم القيامة ، و إن مات قبل أن يبلغ الحنث ( قبل البلوغ يعنى ) كان له شفيعا يوم القيامة.

قال : فإن نفسى تحدثنى ألا آكل اللحم

قال : مهلا إنى آكل اللحم إذا وجدته ولو سألت الله أن يطعمنيه كل يوم فعله.

قال : فإن نفسى تحدثنى ألا أمس الطيب.

قال : مهلا ، فإن جبريل أمرنى بالطيب غبا (كتير) و قال لا تتركه يوم الجمعة.

ثم قال : يا عثمان لا ترغب عن سنتى ، فإن من رغب عن سنتى و مات قبل أن يتوب صرفت الملائكة وجهه عن حوضى"


يااااااااااااه ..بجد حديث رائع جدا ، و اللى فعلا يتتبع سنة رسول الله صلى الله عليه و سلم هيعرف ان التمتع بما فتح الله عليك من نعيم الدنيا وسيلة من وسائل شكر النعمة دى ...

معلش طولت عليكوا ... نكمل الموضوع المرة الجاية

...................................................

طبعا قلت أفكركم بردوا ان الليلة دى ليلة النصف من شعبان ، و هى ليلة ترفع فيها الأعمال إلى الله ، يعنى داخلين على سنة جديدة ، فياريت نستقبل السنة دى بأى شئ يرضى ربنا عنا ... قراءة شئ من القرآن ، صلاة ركعتين ، و غيرها ... و أمانة كل واحد يدعيلى دعوة من قلبه ... شوفتوا رحيمة بيكوا ازاى ؟؟... دعوة واحدة مش هاكتر : )

ياللا سلام


27 comments:

قلم رصاص said...

السلام عليكم ورحمة الله وبركاته

يبدو اني اول تعليق

أسأل الله ان يديم عليكي وعلينا جميعا نعمة الإسلام وأسأله التوفيق لكم وللمسلمين في كل مكان

بوست متميز جدا جدا جدا

فعلا وقفه رائة مع النفس

ما أجمل الحوار ان كان بين المرء ونفسه
فبالطبع ستكون النفس في أوج استعدادها
للتغيير ان كان له محل

دمتي في حفظ الله يادكتورة

adel said...

المقال حلو و قريته كله بجد

بس ده من المقالات اللي هاكتفي بالكامة دي و هي مش مجاملة و رغم المامي بكثير من الامور عن الدين الاسلامي
لكن من قال لا يعرف فقد افتي
:):):)

بس استمتع بالكلام و الاسلوب

عاشقة الأحزان said...

السلام عليكم

وحشتينى قووى خالص مالص ياقمر

وكل سنه وانتى طيبه ياقمر

طبعآ الحوار ده عجبنى قوووى

ربنا يزيدك ابداع ياقمر ويوفقك

تحياتى
انوسه

assafo anaroze said...

سيدتي العزيزة
ديننا دين و سطية و اعتدال
و الحلال فيه بين و الحرام بين
قم بجميع العبادات و اجتنب كل المحرمات و تمتع بما احله الله لك
في قولة عن عمر : اعمل لاخرتك كانك تموت غذا و اعمل لدنياك كأنك تعيش ابدا
مودتي الدائمة

【شُمـ°•. الإسلامـ.•° ـوخـ】 said...

لك يابنت ياصيدلانية يامحترمة
ملاقية وقت اطقي حنك وتنزلي موضوع جديد
عرضxطول
ومو ملاقية وقت تردي على التعليقات;)
أي بالوقت اللي أخدتيه بكتابة الموضوع فيكي ترد على التعليقات كلهاالقديمة والجديدة
العبيها على غيرنا:)
اسمعي قصدي شوفي
بس ومبروك بلاحدود للمرة التانية والتالته والرابعه
أوووووف تعبت خليها ترقيم أحسن
و5و6و7و8و9و10و11و12و13و14 و15و16 و17و18 و19و20
أكمل 10000000000000000000000000000000000000000000000000000000000000000000000000000000000000000000000000000000000000000000000000000000000000000000 ههههههه
ولا بلاش غلاسه
فتك بعافية

【شُمـ°•. الإسلامـ.•° ـوخـ】 said...

مبروك علي كمان لأول مرة
من الخمس الأوائل المعلقين
هههههههههههههههههههه

د. ياسر عمر عبد الفتاح said...

مظبوط ساعات كثير بنحرم علي نفسنا حاجات كثير حلال ,, بسبب الورع أو ضعف العلم أو التشدد الغير مرغوب

لكن المشكلة إن الظاهرة الأقوي دلوقت هيه الظاهرة العكسية

الله المستعان

يارب نصلح الكمبيوتر بسرعة بقي

rssamet_algera7 said...

السلام عليكم

الحلال بين والحرام بين

لكن كتير احيانا الاشيا بتتخربط فى بعضهاوبنتوه

ربنا يحمينا من وسوسة الشيطان والنفس الامارة بالسوء ويبعدنا عن الحرام

بارك الله فيكي على البوست الجميل
ونورتنينا من بعد غياب
وان شاء الله رمضان كريم علينا اجمعين

تحيتي لعيونك..

بدراوى said...

جميل الكلام ده
شكراً ليكى
و جزاك ربنا كل خير

دعواتك يا دكتورة

أحــوال الهـوي said...

هلت نفاحات رمضان

و فرصه لمواجهة النفس وتذكيرها

مقالك جميل و هزني من الداخل

بارك الله فيك و لك

تحياتي

مصعب صلاح said...

السلام عليكم
حدود الحلال والحرام معروفة لكن حاليا ابتدي الناس تغالط عشان مصلحتها
موضوع رائع

mohamed ghalia said...

معاكى حق يا دكتور
فعلا الأصل فى الأشياء الحلال ما لم برد نص بالحرمة
التوبك رائع تسلم ايدك

قيس بن الملووووح said...

علي فكره يا بنتي علماء السلف يقولون ان الاحتفال بليلة النصف من شعبان بدعه
اللهم بلغنا رمضان

احساس طفلة محبة للرومانسية بس واقعية said...

بس ايه حدوده ؟؟

هو دا السؤال يا سوول
واحيانا من كتر الكلام فى الموضوع دا
بقى كل واحد بيحط حدودة بنفسة

جميل اوى اسلوبك فى الحديث فى امور دينية
وتناولها من جوانب وافكار واقعية ومتعددة

ربنا يجازيك خير
تقبلى مرورى

ريمان said...

موضوع بجد جميل اوى

وربنا يبلغك رمضان يا رب


تحياتى

لو عرفوه هيحبوه said...

السلام عليكم

جزاك الله خيرا

ندعوك لمشاركتنا فى حمله لو عرفوه هيحبوه لنصره النبى صلى الله عليه وسلم

رابطة هويتي اسلامية said...

عليكم ورحمه الله وبركاته

موضوع هام جزاك الله خيرا

اللهم اجعلنا نحيا الدنيا على مرادك

نتمنى زيارتكم لرابطتنا هويتى اسلاميه

نسعد بذلك,,

صمت الحنين said...

السلام عليكم ورحمة الله وبركاته

جزاكى الله خيراااا على البوست الرائع
بجد استفادت منه
واول مره اسمع الحديث الجميل اللى ذكرتيه
ربنا يبارك فيكى ويجعل ماكتبتى فى ميزان حسناتك ان شاء الله

دمتى بخر وسعاده

Diyaa' said...

جزاكي الله كل خير
والإسلام دين الوسطية والإعتدال

لا الرهبنة مطلوبة ولا الفحشاء مطلوبة
والله أعلي وأعلم بكل ما هو مباح والعكس

تسلم إيدك يا دكتورة
وربنا يديم علينا نعمة الإسلام

فارس عبدالفتاح said...

عفواً

كلام جميل

لكن هناك سؤال


هل يوجد حديث صحيح بلغ حد التواتر بصيام نصف شعبان

ان كان هناك حديث بهذا الصدد وصل الى حد التواتر فيرجى ان تعلمينا به

مع الشكر والتقدير

صوت من مصر said...

بجد مش عارف اقولك ايه
كل سنه وانتى طيبه

ستيته حسب الله الحمش said...

بوست رائع وحديث الرسول صلى الله عليه وسلم فعلا شافي وكافي
كل عام وانت بخير وربنا يكرمك لأن قراءتي دي فرجت عني كتير

تأثير الفراشة said...

ربنا يكرمك البوست الجميل ده ، و خاصة الحديث الشريف اللى ذكرتيه

بارك الله فيكى ، جزاك الله كل خير

*البت المشمشية *حلوة بس شقية * said...

اسلوبك حلو اوى

كيــــــــــــارا said...

الله ياسول ياحبيبتي ولا اقولك هقولك

صول صول صول صول صول صول صول صول صول صول صول صول صول صول صول صول صول صول

اولا وبجد وحشتيني اوي وزحلانه منك خالث خالث

ثانيا البوست تحفه بجد وربنا يجعله في ميزان حساناتك

محمود افندى said...

موضوع جميل وشيق بس اسمحى لي ان أضيف شيئا لمعنى الأية الكريمة (قل من حرم زينة الله التى أخرج لعباده والطيبات من الرزق . قل هى للذين آمنوا فى الحياة الدنيا خالصة يوم القيامة )نفهم من الآية الكريمة أن جميع طيبات الدنيا أخرجها الله سبحانه وتعالى للمؤمنين فقط أما الكفار والمشركين فإنهم يرزقون بسبب وجود المؤمنين معهم فى الدنيا ولولا المؤمنين ما رزق الله الكافرين شيئا والدليل قوله تعالى فى نهاية الآية ( خالصة يوم القيامة )أى أن الطيبات والنعيم كله يوم القيامة للمؤمنين فقط .
بارك الله فيكي
وأتمنى زيارتك لمدونتى المبتدئة قريبا

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت