الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

Feb 3, 2010

حقيقـة الـعلـــم




فى قصة العلم .. أتكلمنا عن قيمة العلم فى ديننا ، و عرفنا ان نوع العلم لم يحدد ، و انما وجهته هى اللى اتحددت ، و عرفنا كمان انه لا فضل لفقيه على طبيب مثلا إلا بقدر ما انتفع الناس بعلم هذا أو ذاك ...

و قلنا بردوا ان القرآن لم يترك التنويه عن علم من العلوم المعروفة لدينا اليوم إلا أشار إليها مباشرة أو بطريق غير مباشر ...


لكن الغريبة إننا عايشين حالة من الفصل بين العلوم الدنيوية و العلوم الشرعية ، و دعاة هذا يقللون من قيمة ذاك ، و العكس .. و نسينا إن الاتنين جايين من مصدر واحد .


تعالوا نقرأ كلام الشيخ سيد قطب فى مقدمة الظلال ، يقول:" إن هناك عصابة من المضللين الخادعين أعداء البشرية يضعون لها المنهج الإلهى فى كفة ، و الإبداع الإنسانى فى عالم المادة فى الكفة الأخرى ، ثم يقولون لها اختارى !! اختارى إما المنهج الإلهى فى الحياة و التخلى عن كل ما أبدعته يد الإنسان فى عالم المادة ، و إما الأخذ بثمار المعرفة الإنسانية و التخلى عن منهج الله !!"


و أعتقد إننا شايفين دا بعنينا، أو على الأقل أنا لمساه ، لما تلاقى واحد عاوز يقرب من ربنا أكتر ، تلاقى أول حاجة يقولهالك : و أسيب كلللللل حاجة كنت بأعملها فى حياتى !!! .. والله أعرف بنات لما أخدوا خطوة الاقتراب من ربنا سابوا دراستهم ، و ناس كتير جدا تراجعوا عن الدراسات العليا بسبب انهم عاوزين يقربوا من ربنا !!! .. و دا طبعا عشان هما فاهمين انك تقرب من ربنا يعنى تسيب أى حاجة متعلقة بالدنيا خاااااااااالص ..


نكمل كلامه –رحمه الله- :" و هذا خداع لئيم خبيث ، فوضع المسألة ليس هكذا أبدا .. إن المنهج الإلهى ليس عدوا للإبداع الإنسانى ، و إنما هو منشئ لهذا الإبداع و موجه له الوجهة الصحيحة .. ذلك كى ينهض الإنسان بمقام الخلافة فى الأرض .. هذا المقام الذى منحه الله له ، و أقدره عليه ، ووهبه من الطاقات المكنونة ما يكافئ الواجب المفروض عليه فيه ، و سخر له من القوانين الكونية ما يعينه على تحقيقه ، و نسق بين تكوينه و تكوين هذا الكون ليملك الحياة و العمل و الإبداع .. على أن يكون الإبداع نفسه عبادة لله ، ووسيلة من وسائل شكره على آلائه العظام ، و التقيد بشرطه فى عقد الخلافة ، وهو أن يعمل و يتحرك فى نطاق ما يرضى الله "


و دا اللى قلناه فى البوست اللى فات ، إن نوع العلم لم يحدد ، لك مطلق الحرية فى اختيار نوع العلم اللى تتعلمه و شايف نفسك فيه ، بسسسسسس تكون حاطط فى نيتك انك بتتعلم العلم دا لله ، و إن شاء الله تطبقه فى شئ يرضى ربنا .. لأن النية دى بتهذب العلم و العمل بالعلم دا ، و هنتكلم عن النقطة دى مرة تانية ان شاء الله ..



و بجانب بئا ان فى ناس بتحاول تفهمنا ان هذان الصنفان من العلوم متخلفين متضادين ، لكن فى سبب تانى بيساعد فى اننا نشوف الاتنين منفصلين ، وهو جهلنا بالخيط اللى بيربط طرفى العلم دول ببعض ...

يقول سيد قطب مكملا :" و هنالك آخرون لا ينقصهم حسن النية ، و لكن ينقصهم الوعى الشامل، و الإدراك العميق .. هؤلاء يبهرهم ما كشفه الإنسان من القوى و القوانين الطبيعية ، و تروعهم انتصارات الإنسان فى عالم المادة. فيفصل ذلك البهر و هذه الروعة فى شعورهم بين القوى الطبيعية و القيم الإيمانية و عملها و أثرها الواقعى فى الكون و فى واقع الحياة ، و يجعلون للقوانين الطبيعية مجالا ، و للقيم الايمانية مجالا آخر ، و يحسبون أن القوانين الطبيعية تسير فى طريقها غير متأثرة بالقيم الإيمانية ، و تعطى نتائجها سواء آمن الناس أم كفروا ، اتبعوا منهج الله أم خالفوا عنه ، حكموا بشريعة الله أم بأهواء الناس !!....

هذا وهم .. إنه فصل بين نوعين من السنن الإلهية هما فى حقيقتهما غير منفصلين ، فهذه القيم الإيمانية هى بعض سنن الله فى الكون كالقوانين الطبيعية سواء بسواء .. و هذا هو التصور الصحيح الذى ينشئه القرآن فى النفس حين تعيش فى ظلال القرآن ..

ينشئه وهو يتحدث عن اهل الكتب السابقة... " ولو أن أهل الكتاب آمنوا و اتقوا لكفرنا عنهم سيئاتهم و لأدخلناهم جنات النعيم . ولو أنهم اقاموا التوراة و الإنجيل و ما أنزل إليهم من ربهم لأكلوا من فوقهم و من تحت أرجلهم "

ينشئه وهو يتحدث عن وعد نوح لقومه :" فقلت استغفروا ربكم إنه كان غفارا. يرسل السماء عليكم مدرارا. و يمددكم بأموال و بنين . و يجعل لكم جنات و يجعل لكم أنهارا " ..

ينشئه وهو يربط بين الواقع النفسى للناس و الواقع الخارجى الذى يفعله الله بهم :" إن الله لا يغير ما بقوم حتى يغيروا ما بأنفسهم " .. "

طبعا فى أول هوجة انفلونزا الخنازير دى أنا كتبت بوست اسمه فلولا قرية آمنت .. و اتكلمت فيه سريعا عن شئ اسمه السنن الالهية ، و ذكرت حديث رسول الله –صلى الله عليه وسلم – عن سبب تفشى الامراض الغريبة اللى ماسمعناش عنها قبل كدا ..

و بردوا الواقع اللى احنا عايشينه الوقتى .. مالوش سبب حقيقى غير اننا اتغير ما بأنفسنا فغير الله ما بنا ...



خلاصة الكلام ...


ان كل ما يدرج تحت مسمى علم ...علينا اننا نتعلمه ، لأن ربنا أمرنا بكدا ..و هنتحاسب عن كل علم مابرعناش فيه ، لأن العلوم دى مع بعضها بتوصل بينا لمقام الخلافة اللى ربنا خلقنا ليه أصلا ..

و ان العلوم الشرعية و الدنيوية مكملين لبعض ، و بيساعدونا اننا نفهم الكون من حوالينا ماشى ازاى ، و كمان بتقربنا من ربنا ..

لكن شرط العلم ، هو انك تخليه لله .. لأن لو بتتعلم لأجل العلم فقط ، فدا بيخليك تستخدمه فى خير أو شر مش هيفرق معاك ، لأنك شايف انك بتطبق علم و خلاص .. زى اللى بيحصل من دول العالم اللى مابتؤمنش بربنا ... لكن دا له موضوع خاص بيه ، إن شاء الله نتكلم فيه قريب ... سلاااام


27 comments:

فارس عبدالفتاح said...

اول تعليق


هيه هيه هيه

فارس عبدالفتاح said...

طيب يا اخت سول

امال علماء السلف والخلف رفضوا علم الكلام ليه مع ان علم الكلام والفلسفة الاسلامية

نشأت اصلاً من اجل توحيد الله جلة قدرته والدفاع عن الدين وعن وحدانية الله سبحانه وتعالى

بالعقل والمنطق

فانكر السلف وعلى اثرهم الخلف علم الكلام وعلم الفلسفة وبالاخص المذهب السني ( اهل الحديث )

مع انهم ساهموا مساهمه عظيمة في الفكر الاسلامي والحضارة الاسلامية


ومن بينهم كل التيارات الاسلامية المحافظة التي تبدأ من الاخوان المسلمين وغيرهم وهذا حديثا فضلاً عن المدارس المذهبية القديمة

ومع ان المرحوم سيد قطب غالا في هذا الامر ووصل الى تكفير المجتمع والدولة وهو احد مؤسسين فكر الجماعات الاسلامية وحركة الجهاد والكثير من الحركات الاسلامية الحديثة


فكيف نفرق بين الحق وبالباطل ما دمنا نؤول النص ونطوعه لاغراض او انحرافات او نخطأ في فهمه

وعليه تبنى افكار خطيره جداً


وعلى فكرة سيد قطب والزعيم عبدالناصر وجلال الدين السيوطي وعمر مكرم

والقائمة تطول من الرموز الوطنية والدينية بلدياتي

SHAPE YOUR LIFE (ABOALI) said...

العلم علم
مثل العلم طريق دليل طريق نور
والعلوم ليس بينها تضاد كلها من معين واحد
وقال الشيخ الشعرواى يوما
القبح فى الوجود جمال
هناك استغلال للعلم فى طرق لا تنفع
وهذا يدل على ان توجية الله لنا باخذ العلم الدنيوى مع العلم الشرعى
علشان نفهم احنا كابشر عاديين ان وجود الاثنين وان شطا احدهما دى رؤية من الله لنعلم عظمة ذلك التوجية

مستمتع بقراءة موضوعك واتجاه معانيه

لك كل الخير

sakayar said...

ماشاء الله
ربنا ينفع بيكي الناس يا سول
أعجبتني التدوينة النهاردة بجد
بقالي فترة متابع من ع الجوجل ريدر لاني معدتش بلاقي كلام أكتبه ف التعليق ف بكتفي بالقراءة والدعاء ربنا يجزيكي خير وينفع بيكي الناس
:)
يارب يثبتك على الخير والايمان دايماً
ودايماً قريرة العين بكل خير ورضوان من ربنا

romansy said...

العلم شئ جميل مالوش نهايه بس كونا اننانفرع العلوم ممكن بس كله يندرج تحت اسم العلم بس انا مش مع اللى بيفرقوا بين تلك العلوم لاننا العلم فى الاساس الكتاب والسنه
ودعا الش الشعراوى اننا نتاخذ من كل شئ شئ ناخد فكره عن كل العلوم وبعدين نتخصص بعد كده فى العلم اللى نحبه

د. ياسر عمر عبد الفتاح said...

كلام مظبوط
ونقطة غاية في الأهمية

ناس كثير أوي أو ما بيلتزموا
بيسيبوا دراستهم ويحولوا دراسات إسلامية

ده فهم خاطيء للدين
العلوم الدنيوية ده فروض كفاية علينا
ولازن نكفيها

جزاكِ الله خيراً

قلم رصاص said...

"و ان العلوم الشرعية و الدنيوية مكملين لبعض ، و بيساعدونا اننا نفهم الكون من حوالينا ماشى ازاى ، و كمان بتقربنا من ربنا .."

كلام منطقي جدااا

جزاك الله خيرا دكتوره سول

في حفظ الله

mohamed ghalia said...

أكيد ياسول مفيش فصل بين الغتنين كلها ثغور لازم تسد

Soul.o0o.Whisper said...

فارس عبد الفتاح

مبرووووك عليك أول تعليق :)
دا أولا

ثانيا
بالنسبة لعلم الكلام و الفلسفة أنا بصراحة مش متعمقة فيهم
لكن فعلا علماء السلف و الخلف رفضوا علم الكلام لأنه بيتكلم فى الذات الالهية

و مع انه فعلا نشأ من أجل الرد على المشككين و دفاعا عن الدين
لكن البعض قد تجاوز فى الكلام فيه

بالنسبة ليا يا فارس أنا لا أحب الاتجاهات
يعنى أنا الحمد لله و دا من فضل الله عليا منهجى الأول و الأخير هو القرآن و السنة بعدين أشوف الكلام اللى بأقرؤه لو ليه اللى يعضده من الآيات أو الاحاديث باخد بيه

و اللى مش مقتنعة بيه و لا ليه اللى يسانده من القرآن و الاحاديث ماليش دعوة بيه
و ان يظل بردوا كلام قائم قابل انه يكون صح أو غلط

و مش معنى انى استشهد بكلام شيخ من الشيوخ أو عالم من العلماء إنى مقتنعة بكل كلامه او متبعاه فى اللى بيقوله

لكن باخد منه اللى مقتنعة بيه و باحاول أشرح بيه وجهة نظرى

أما بخصوص تأويل النصوص
فأنا والله ماعرفش
لكن اللى أعرفه ان فهم النصوص ليست عملية احتكارية ... يعنى أنا ممكن افهم من النص اللى غيرى مايفهموش
و أطلع منه بشئ ماحدش طلع بيه قبل كدا

لكن احنا عندنا الاساس الاول اللى فهم بيه الصحابة القرآن
نقرؤه و نفهمه .. و اللى نخرج بيه من الايات بعد كدا أكيد هيكون عن قاعدة صحيحة

"وعلى فكرة سيد قطب والزعيم عبدالناصر وجلال الدين السيوطي وعمر مكرم

والقائمة تطول من الرموز الوطنية والدينية بلدياتي"

ناس واصلة بئا نقول ايه؟؟
:)


دمت بكل الخير
و عذرا على التقصير

Soul.o0o.Whisper said...

ABOALI

أولا شرفتنى و نورتنى والله
و سعيدة بالتعرف على حضرتك فى اللقاء
و ان شاء الله يدوم التواصل

فعلا العلوم الشرعية مع العلوم الدنيوية الاتنين بيهذبوا بعض
و دى قناعة شخصية عندى عشان كدا باحاول انى آخد بالاتنين والله المستعان

سعدت بمرورك
و لك أيضا كل الخير

Soul.o0o.Whisper said...

sakayar

ياااااااااااه
عاش من شافك :)

جزاك الله كل خير على كلامك الطيب
و الحمد لله ان التدوينة أعجبتك
و ان شاء الله تفيدك


و ربنا يثبتنا جميعا على الخير و الايمان
و يقر أعيننا بكل خير و رضوان


دمت بكل خير

Soul.o0o.Whisper said...

ناخد فاصل
و لما أرجع من الشغل نكمل


:)

ENG./ELSAYED,PMP said...

احيكى ع الموضوع وع الصياغة وع الفهم
واختيارك لمقدمة الظلال
لم أقراء كل الظلال
فهى كما تعلمين حوالى 5 مجلدات ( ده لو مخنتنيش الذاكرة )
ولكنى اتعقد دائما ان مقدمة الظلال
من اروع ما قرئت فى حياتى
رحمة الله على صاحب الظلال
وجزاه عن الاسلام خير

رحمة الله على سيد قطب
الذى لم يكفر المجتمع

ولكن كانت فكرته اكبر من ذلك بكثير

على ما اذكر ان احد افكاره - وانا لا اتقول على الرجل - انا اتكلم من الذاكرة

انه لا يصح تطبيق الشريعة الاسلامية فى مصر
الا قبل جعل الناس فى الاول مسلمين
حيث انهم يعيشون نوع من انواع الجاهلية

تذكرت الان وانا اكتب

ان الدكتور مصطفى محمود - رحمه الله رحمة واسعة - قد قال اننا نعيش عصر الجاهلية الثانية

" ولا تبرجن تبرج الجاهلية الأول "
وعلى ما اذكر ايضا ان الجاهلية الاولى كان تبرجها لا يعدو ظهور خصلة من الشعر من تحت حجاب المرأة

فسمى الراحل ما نحن فيه بالجاهلية الثانية

اذكر له ايضا

انه قال
ان المرأة هُبل القرن العشرين

واستشهد بذلك
بأن كل شىء فى حياتنا عليه صورة امرأة
المجلة
الكتاب
الادوية
الصيدلية
الاعلانات
الجرايد
كل شىء


اسف جدا ع الاطالة

ولكن انتى عرفانى بقى من ساعة اللقاء
بحب النقاش

مصعب صلاح said...

السلام عليكم
طبعا العلم هو ما نريده لتحقيق الريادة الحقيقة
اكمالا لحدجيثك يرجي قراءة كتاب الدكتور /احمد زويل
عصر العلم

عاشقة الفردوس said...

عدّاكي العيب يابنتي


فييييينك.؟؟؟؟؟؟؟؟


اعمل فيكي ايه بسسس؟؟

طمنيني عن اخبااااارك

Soul.o0o.Whisper said...

romansy

يا هلا يا هلا
عندك حق يا رومنسى
المفروض فعلا اننا ناخد من كل شئ شئ

و بعدين نعرف عن شئ كل شئ
:)


دمت بكل خير

Soul.o0o.Whisper said...

د. ياسر عمر عبد الفتاح

فعلا العلوم الدنيوية فرض كفاية
و لازم نوفيها

لأننا مسؤلين عنها
و ياريت فعلا كلنا نفهم دا

جزانا و إياكم كل خير
و حمدلله ع السلامة
:)

Soul.o0o.Whisper said...

قلم رصاص

جزانا و اياك يا قلم يا رصاص
:)

و منور الصفحة دايما

دمت بكل خير

Soul.o0o.Whisper said...

mohamed ghalia

تمااااااااام يا محمد

دايما منور
:)


دمت بكل خير

TWEETY said...

ايه الكلام الكتير دا
انا مفهمتش منه حاجة
بس اكيد لما اكبر هفهم
انا مبسوطة انى زرت المدونة
وهستنى حضرتك تزوروانا

فشكووول said...

ازيك يا دكتوره

حنختلف لسه عن علم الكلام وعن الفلسفه الاسلاميه
مع انه هذه العلوم قتلت بحثا قبل ذلك وقيل فيها كل شيئ

لكن ببساطه كل العلوم متشابكه وتوصل الى التقنيه العلميه سواء تقنيه تكنولوجيه او تقنيه فلسفيه فى شكل نظريات او تقنيه كلاميه من اجل الكلام

تحياتى

Soul.o0o.Whisper said...

ENG./ELSAYED,PMP

أهلا أهلا بحضرتك
و بالفعل فمقدمة الظلال من أروع ما قرأت

و رغم انى لم أقرأها كلها بعد ،
و لم أقرأ غريها للشيخ سيد قطب

إلا ان الكلام اللى حضرتك ذكرته
و إن كان معنى الكلام
فهو صحيح 100%
على الاقل فى وحهة نظرى

و كذلك كلام د. مصطفى محمود

المشكلة بئا مش فى كدا
المشكلة اننا فعلا مش شايفين دا و لا مقتنعين بيه


و أنا سعيدة جدا بمناقشة حضرتك
و طول زى ما أنت عاوز
البيت بيتك
و أنا اللى باعتذر عن التأخير

Soul.o0o.Whisper said...

مصعب صلاح

و عليكم السلااام و رحمة الله و بركاته
ألف حمدلله ع السلامة يا مصعب

و ياريت لو عندك لينك للكتاب تبعتهولى و جزاكم الله خيرا



دمت بكل خير

Soul.o0o.Whisper said...

عاشقة الفردوس

يااااااااااااااه
لا بجد مش معقووووووول

عاشقة الفردوس بحالها هنا
يا ألف نهار أبيض

ان شاء الله حبيبتى اكلمك قريب
و اطمن عليكى

بجد مبسوطة جداااا انك هنا:)

Soul.o0o.Whisper said...

TWEETY

تويتى الجميلة
هلا هلا

معلش إذا كان الكلام صعب عليكى
هأحاول أبسطهولك حاضر

و أكيد أكيد جيالك يا جميلة
:)

Soul.o0o.Whisper said...

فشكووول

يااااااااااااااه يا عمو فشكووووووووول

والله أنا وشى من حضرتك فى الأرض
و ماليش عين أتكلم خالص خالص لأنى عارفة أد ايه أنا مقصرة << وش مكسوف

بس أنا فعلا متفقة مع حضرتك ان العلوم فى مجملها تقود لهدف واحد

و علم الكلام و الفلسفة هو نوع من العلوم
و بالتأكيد كل نوع له الجانب المشرق منه
و له الجانب الآخر فياريت ناخد منه اللى يفيدنا
و مش نجادل فى امور لن تجدى كثيرا


بجد مبسوطة جدا ان حضرتك هنا
و هأحاول أعوض تقصيرى


دمت بكل خير

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت