السلام عليكم و رحمة الله و بركاته
إزيكم يا شباب ..؟؟؟ أخباركم؟؟؟
يارب تكونوا كلكم بخير ...
طبعا ناس كتير جدا اتكلمت عن موضوع غزة ،
و كلٌ أدلى بدلوه فى هذا البئر العميق ...
و طبعا لأنى مش بأحب أفتى من غير علم ،
فأنا حاليا فى مرحلة البحث و التعلم ،عشان اعرف افتى صح ... ; )
لكن فى نقط معينة بداية أحببت إنى أشير إليها
أولا : ضد مين؟؟
عجبنى أوى إن ناس كتير لما كتبت عن القضية قالت ...حرب صهيونية ،
حتى فى الفضائيات ..قنوات كتيرة قالت الحرب الصهونية ، حتى الاجنبى منها ..
و دا دليل على انها حرب عقائدية ... مش حرب أرض و لا حق مغتصب- دا لا يمنع أنها جزء من القضية- ..
و كذلك استخدام لفظ حرب صليبية ..
طيب حلو جدا ، و جميل إننا عارفين إنها حرب صهونية و صليبية ..
بس السؤال .... ضد مين؟؟؟
ضد غزة ؟؟؟.... ضد فلسطين؟؟؟
لا يا جماعة ... دى حرب ضد الاسلام و المسلمين ..
طب ماحنا عارفين إنها حرب ضد المسلمين ، أمال يعنى أهل غزة مش مسلمين ؟؟
و لا أهل فلسطين مسلمين ؟؟؟
لا مش قصدى كدا ... طبعا اهل غزة و فلسطين نحسبهم جميعا على خير عظيم ،
ربنا يثبتهم يارب ، و ينصرهم نصر عزيز مقتدر ...
بس النقطة اللى اقصدها مش كدا خالص ،
اللى اقصده .. انهم بيبصولنا كلنا –كل البلاد المسلمة- على إننا كيان واحد ، وحدة واحدة
أينما ضربت ... فقد أصبت ، و واحدة واحدة نخلص من الكيان دا للابد – بزعمهم-
طب ماحنا عارفين اننا كلنا اخوات ووحدة واحدة ، ماجبتيش جديد يعنى ...
للاسف عارفين ، انما مش حاسيين و لا مؤمنين بدا ، بدليل إننا لسه قاعدين نتفاوض
دول غزاويين ، و إذا كانت القوات الفلسطينية نفسها منقسمة ،
يبئا احنا ليه نتدخل ، هوا احنا مالنا ؟؟؟
و لا ... عشان مصر تدخل ، يبئا لازم كل الدول تشارك عشان ندخل ،
و لا ... المعبر يتفتح ليه ، إذا كانوا لما دخلوا اول مرة قضوا على الاخضر و اليابس
و بعدين مش باحب الفلسطينيين صراحة ... أصلهم بتوع مصلحتهم ...
ايه الكلام دا يا جماعة ؟؟؟
بغض النظر عن كونه حقيقة او تهيؤات .. فللاسف الاستعمار قدر يفرق بينا
قدر يزرع جوانا الفرقة ، و طالما بعيد عن دارى ، يبئا انت فى حالك و انا فى حالى
لا ...خااااااااااااااااالص ، رسول الله –صلى الله عليه و سلم - قال ايه :" المسلم للمسلم كالبنيان ، يشد بعضه بعضا "
و كمان " مثل المسلمسون فى توادهم و تراحمهم كمثل الجسد الواحد إذا اشتكى منه عضو ، تداعى له سائر الجسد بالسهر و الحمى "
يبئا ايه معنى الفرقة اللى جوانا دى؟؟؟
شوف التناقض ... أنتى مش لسه قايلة انهم بيبصوا لنا على اننا كيان واحد .؟؟؟ و بعدين تقولى بيزرعوا جوانا الفرقة ؟؟
ايوا ماهو عشان يعرفوا يخلصوا مننا، لازم يقطعونا حتت حتت و يزرعوا دا جوانا عشان لما ياكلوا حتة ، مانزعلش عليها ،
آهى خلصنا منها ...
اتضربت الشيشيان و كشمير و افغانستان و العراق و حرب الفصائل فى السودان و الصومال و غيرها و غيرها ...
كل بلد يستغلوها و يستعمروها تحت مسمى معين ، و كل حتة تبئى تحت سطوتهم ، احنا نهيج و نميج حبة ، و بعدين لما الوضع خلاص يهدى ،
نهدي احنا كمان ..
مين الوقتى بيفكر حال المسلمين فى افغانستان عامل ازاى؟؟؟
مين بيفكر فى حال المسلمين فى العراق عامل ازاى ؟؟؟
مين بيفكر فى مشكلة اى مسلم على وجه الارض ؟؟؟؟
عايشين فى حالة من الاثارة الدائمة ، من شعب لآخر ،
لنتلهى بهذا حينا و ذاك آخر ، دون أن نسأل على حال اللى قبل دول بئا مصيرهم ايه ..؟؟؟
و شوية و الحرب على غزة تهدى ، و نلتزم الصمت القاتل مرة أخرى ، أو ربما دارت رحى الحرب فى مكان آخر ،
و ننشغل و ننسى ما كنا ندافع عنه اليوم ...
و دا ينقلنا للنقطة التانية و هى : ليه؟؟؟
ليه زعلانين و متأثرين ، ولو أتفتح لنا باب الالتحاق بالكتائب هناك هنروح؟؟؟؟
لا حول و لا قوة إلا بالله ... أنت تعبانة يا بنتى ؟؟؟
أنتى مش لسه قايلة اننا كيان واحد و المسلم للمسلم ، و مثل المسلمون ؟؟؟
أيوا صح ... أنا قلت كدا ، بس بجد ..ليه هنروح؟؟؟
يا بنتى افهمى ... دول اخواتنا ، اخواتنا ،
بلاش ...بشر ، يعنى نروح ندفع عنهم البلاء دا ، دا الاجانب اللى هما مالهمش فى الاسلام خالص فرحانين انهم جايين يعملوا لهم حاجة ...
نقوم احنا ياللى مسلمين مش نعمل لهم حاجة ؟؟؟... و بعدين كفاية انه جهاد ...جهااااااااااااااااد !!...
ماشى ...فاهمة ، طب سؤال ...لو وقع فى ايدك جندى اسرائيلى ، هتعمل ايه؟؟؟
هاعمل ايه ؟؟...لا ،انتى اكيد بتهزرى ، دا أقل واجب اقتله و اشرب من دمه ،
لا أقتله ...اقتله ايه ، دا لازم اعذبه الاول شوية ...و بعدين اقطعه حتت وهو حىّ ...
يعنى تنتقم منه ..مش كدا ؟؟؟
لا .... هألعب معاه ، طبعا هانتقم لاخواتى و لاهلى اللى قتلوهم دون وجه حق ...
طب اسمحلى اقولك ان دا مش جهاد ، و لا حرب ، دا اسمه انتقام او تار زى ما بنسميه ،
لأن الجهاد ... لاعلاء كلمة الله ...بس ..
انما رايح عشان تقتل زى ما بيقتلوا ، يبئا مش ليها لازمة ، و ناس بتقتل فى بعضها و بس ...
يا سلاااااااااااااااااااااااااام ..
اه والله ، يعنى تعرف تقوللى لو وقع فى ايدك يهودى ، هتأسره و تحسن معاملته ، و تراعى حرمة الأسير ؟؟
حرمة؟؟؟ حرمة مين ان شاء الله ؟؟؟ ... هو كان راعى حرمة حد؟؟؟
بس الاسلام بيقولك ، طالما وقع فى ايدك ، يبئا هو أسير ..ماينفعش تأذيه ..
ههههههههههه ... طب خلاص هأقتله قبل ما أءسره ...
بجد يا جماعة دى نقطة مهمة جدا ، طبعا نية الدفاع عن الارض و العرض مهمة جدا ،
لكن بعد اعلاء كلمة الله ... وحدود الله لازم تطبق ، مش أهواء ...
و عشان احنا مش فاهمين دا ، فكل ما بتهدى مشكلة ، بنهدى ...
لأن احنا واخدنها من منطلق المشاعر و الانسانية ... مش واخدنها بمنطلق كلمة الله ..
طيب النقطة التالتة بئا : وجهة نظر ...
هأقول وجهة نظرى من حيث حل نقدر نعمله و احنا فى مكاننا ،
اولا : زى ما قلت فى الاول اننا كيان واحد .. و لازم نؤمن ، و باقول نؤمن مش نعرف دا ..
و بالتالى .. فكل ما يصيب مؤمن على وجه الأرض فكأنه موجه لى أنا ..
ماشى؟؟؟؟
ماشى ...
نيجى بئا لنقطة ... هو ربنا يهمه مين على الأرض ؟؟؟
يعنى ايه ربنا يهمه مين على الأرض ؟؟؟
يعنى ربنا لما ينظر لاهل الارض ، لو شاف مين عصاه يغضب منه اوى ، ولو نظر اليه وهو بيعمل طاعة يحبه ؟؟؟
اممممممممم ...كل انسان بيعمل معصية أكيد ربنا يغضب منه ، و اى انسان يطيعه يحبه ..
أيوا يعنى لو كافر أو مشرك عصى ربنا ، ربنا هيغضب عليه زى ما يغضب على المسلم اللى يعصاه؟؟
طبعا لا ...
ليه؟؟؟
امممممممممممممممم ... عشان دا مسلم ، يعنى عارف ربنا ، انما التانى مشرك بيه او حتى كافر ..
بالظظظظظظظظظظظظبط ... يعنى احنا قلنا لربنا سمعنا و أطعنا ، و هما قالوا لربنا سمعنا و عصينا ،
يعنى لما يعصوا ربنا .. شئ معروف مش غريب عليهم .. انما لما مسلم يعصى ربنا ، تبئا كبيرة فى حقه ... صح؟؟؟
زى مثلا –ولله المثل الأعلى – لو أب له ولدين ، واحد عاق و التانى مطيع، و قالهم مثلا بلاش تنزلوا النهاردة تلعبوا مع اصحابكم ، قام الاتنين نازلين يلعبوا مع اصحابهم ... يا ترى ايه موقف الاب من الاتنين ؟؟؟
اممممممممم ... اعتقد هيزعل من المطيع ، لأنه مكنش متوقع منه كدا ،
انما العاق بتهيألى ممكن أصلا مش يكلمه .. عشان هو واخد منه على كدا ...
بالظظظظظظظظظظبط ... حتى لو عاقب ، هيعاقب ازاى ؟؟؟
مش المفروض يعاقب المطيع اوى عشان لما يحس بمرارة غلطه مش يكرره تانى؟؟؟
بينما هو عارف مهما يعمل فى العاق مش هتفرق معاه ؟؟؟
اه ....صح
طيب نيجى للجهة التانية ...
لما المطيع يعمل اللى باباه قال عليه و مش ينزل ، و العاق ينزل ، و يغيظه انه نزل و لعب من أصحابه وهو لا ،
الاب ساعتها يعمل ايه؟؟
امممممممممممم ... هيقوله انزل العب مع اصحابك ، و ارجع وقت ما تحب ،
أو حتى يعطى له وقت اطول من المعتاد ...عشان مش يحس انه أقل من التانى ...
مظبووووووووووووط .....عليكم نووووووووووووور
اهو كدا بالظبط بئا ...طبقوه على حال المسلمين الوقتى ، وشوفوا هما ايه مع ربنا ...
شوفوا اد ايه هما عاصيين ربنا ، كل واحد يقف مع نفسه ، و يشوف هل فعلا أنا بأطيع ربنا؟؟؟
أنا بأحقق اللى ربنا امرنى بيه ، عشان يبئا ليا عين لما أطلب منه شئ إنه يحققهولى؟؟؟
و لا على اد ركعتين باخطفهم ، و ياريت كمان يكونوا اول الوقت ، و الحمد لله باصوم رمضان ، لا باكل و لا أشرب
و أبئا كدا و رضى أوى ... أنا أحسن من غيرى ؟؟؟
مشكلتنا إن احنا دايما بنبص للى أقل مننا قرب لربنا ، و نقارن نفسنا بيه ..
و إذا حد جه يكلمنا عن حد أعلى مننا فى قربه من ربنا ...نقوله يا عم دا متشدد ،
أو مش بيفهم حاجة فى الدنيا كل همه ، الصلاة و خلاص ..و فالقنا طول النهار ربنا ربنا ..و لا بيعمل اى حاجة .
بجد .. لو كل واحد وقف مع نفسه بجد .. هل انا كدا ربنا لو عرضت عليه صحيفة أعمالى يفرح لها ؟؟؟ أم يغضب على؟؟
مش عاوزة إجابة للسؤال ... كل واحد بينه و بين نفسه ...
و بعدين بعد كدا نعممها على الحال العام للمسلمين ... هل نحن أهل لأن ينصرنا الله ؟؟؟
هو ايه دخل اللى بتقوليه دا فى الموضوع ... يعنى مش فاهم والله ؟؟؟
و بعدين يعنى هما المجاهدين هناك مش عارفين ربنا ؟؟؟... دا ايمانهم احسن مننا كلنا ...
و ربنا بيقول :" و كم فئة قليلة غلبت فئة كثيرة بإذن الله " ... ها ؟؟؟ ايه رأيك بئا ؟؟.. و ربنا هو اللى بيقول ،
مش أنا و لا غيرى ...
ماشى يافندم والله ...صح ، ربنا قال كدا ...
بس بص ... أنا قلت لك فى الاول اننا كلنا كيان واحد ... ما ينفعش تخص فئة دون أخرى ...كلنا عند الله اسمنا مسلمين ،
يبئا لما ربنا ينصر فئة مسلمة ...يبئا نصر للمسلمين كلهم ...صح؟؟؟ حتى احنا بنفرح بالنصر دا لأننا بنعتبره نصر لينا ...صح؟؟؟
اه ...صح .
طيب يبئا لما يكون واقع المسلمين كله مؤسف بالشكل دا ...فأكيد ربنا غضبان على المسلمين بصفة عامة ..
صحيح فى ناس كويسين أوى مع ربنا ... ناس بيطيعوه مش بيعصوه ، دول ربنا يرضى عنهم على المستوى الشخصى ..
بمعنى ... لو دعوا ربنا بحاجة مستقلة بيهم هما ..مثلا تفريج كربة ، او قضاء دين او كدا ...ربنا يستجيب لهم ،
انما يقولوا يارب انصر المسلمين ...طب ماهو احنا بئالنا خمسين سنة بندعى يارب حرر فلسطين ...و فينا الصالحون و فينا الدعاة ..
ليه ربنا مش استجاب لدعاء دول ؟؟؟
ببساطة لأن الواقع العام للمسلمين لا يستحق نصر الله لهم ، لأنهم عصوه و تماشوا مع مجريات العصر،
بعدوا عن شرع الله و حكم الله ، و خلاص بئا ايمان عند البعض انه ما ينفعش للعصر دا –حاشا لله أن يكون حكمه فيه عوجا-
صحيح المسلمين المرابطين فى غزة أكيد أكيد عندهم يقين بالله كبير جدا ... بس ربنا هينصرهم النصر الذى يبيض وجوههم هم ، مش وجوه المسلمين بصفة عامة ...
زى بالظبط حرب العراق ...لما المقاومة فضلت صامدة مدة ، و بعدين لما تم القضاء عليها ، و وجدوا المجاهدين فى مقابر يفوح منها الروائح الطيبة و ظلت اجسادهم بدون تحلل و بردوا ايام حرب افغانستان ... اهو دا ربنا بيض وجوههم فى الدنيا و نصرهم على المستوى الشخصى ...إنما بوجه عام ايه اللى حاصل؟؟؟.... افغانستان محتلة و العراق محتلة ...صح؟؟؟
و بردوا نفس الحال هيكون فى غزة ... ربنا هينصرهم النصر اللى يبيض وجوههم هم ، مش وجوه المسلمين عامة ..
هو انتى هتدخلى كمان فى حكم ربنا ؟؟؟... يعنى انتى عرفتى انهم مش هينتصروا ؟؟؟
لا مش كدا ... بس فى شواهد ، فى معطيات ... فى آيات محكمات من ربنا .... فى أسباب ربنا قال خدوا بيها ، لما كل دول نتغاضى عنه و نقعد حاطين ايدنا على خدنا و نقول يارب .... فخلاص ، نقول يارب ... يااااااااااااااااارب .
باقولك ربنا بيقول " كم من فئة قليلة غلبت فئة كثيرة " ... هتعارضى كلام ربنا ؟؟؟
لا ..حاشا لله ، أنا اقدر ؟؟!!...
بس تعالى نشوف ...ربنا قال كدا فى مين ؟؟؟
اممممممممم ... أول حاجة فى قوم طالوت و جالوت ..
طيب تعالى نشوف ... كان فى فئة مؤمنة تانية غير الجنود اللى مع طالوت عشان يحاربوا و قالوا لا ؟؟؟
اه ، مش ربنا بيقول " فلما فصل طالوت بالجنود قال إن الله مبتليكم بنهر ، فمن شرب منه فليس منى ، و من لم يطعمه فإنه منى ، إلا من اغترف غرفة بيده ، فشربوا منه إلا قليل منهم " يعنى فى ناس تانية اهى مش حاربت معاه ...
لا يا فندم ... دول اصلا مش بئوا منه " فمن شرب منه فليس منى " ... يعنى خلاص خرجوا من الفئة المؤمنة أصلا ...
فلما مش ملك ايده غير القليل اللى مش شربوا من النهر ...فخلاص ، مش بإيده شئ ..
لكن خد بالاسباب ..جيش على أهبة الاستعداد .. معاه العدة و العتاد ، لكن لا يملك غير هذا العدد ...هنا خلاص بذل كل الاسباب ، يبئا حق على الله ان ينصره ...
طب و الرسول –صلى الله عليه و سلم- ماهو كان عددهم بردوا صغير خالص ... و رغم كدا ربنا نصرهم ..
ماهو يافندم بردوا نفس الحكاية ... هو كان فى مؤمنين تانيين و قالوا لا ...مش هنحارب ؟؟
الرسول –صلى الله عليه و سلم- بذل كل الاسباب – و كان ربنا قادر على نصره بكن فيكون- و رغم كدا عمل اللى يقدر عليه ، فلما أخد بالأسباب كان حقا على الله نصره ...
طب و غزوة تبوك ؟؟... أظن بئا مالكيش كلام فيها ، أهو كان فى مسلمين تخلفوا عن الغزوة ، و رغم كدا ربنا نصر المسلمين ...
طب سؤال ...عدد اللى تخلفوا بالنسبة للى راحوا يحاربوا ..كام ؟؟؟ مثلا 99%
امممممممم ..مش عارف والله النسبة ، بس أكيد لا ...دول حبة كدا ..
طيب يعنى الغالبية كانت على الصلاح و الحق ..
و بعدين ربنا قال فاللى تخلفوا عن الحرب ايه ؟؟؟وصفهم بإيه ؟؟
مش وصفهم بالمنافقين ؟؟؟ ...يعنى بالظبط زى اللى شربوا من النهر؟؟
عشان كدا ربنا مش عاقب المسلمين بذنبهم ..
كام اللى ربنا عفا عنهم من المتخلفين عن الغزوة ؟؟؟
امممممم ...تلاتة .
طيب هل يؤاخذ الله جيش المسلمين بذنب تلاتة ؟؟؟
على العكس بئا شوف لما فى غزوة أحد ... لما الرماة عصوا أمرالرسول – صلى الله عليه و سلم- ربنا عاقبهم إزاى ؟؟؟
عارف ايه اللى حصل فى غزوة أحد ؟؟؟
آه ... انهزم المسلمين ..
امممممممممم ...هو مش كدا بالظبط ، بس بعد فرحة النصر علي المشركين ، و الرماة شافوا الغنائم ، فرحوا بيها ، فنزلوا يحتفلوا مع إخوانهم المسلمين ...فالمشركين عملوا ايه ؟؟... حاوطوهم و طلعوا على الجبل و انزلوا بهم الهزيمة ، و كسرت رباعية الرسول –صلى الله عليه وسلم – طب كل دا ليه؟؟؟... كان كافى ان ربنا يوريهم عقوبة الذنب فى هزيمة و خلاص ... لازم خيرة الصحابة يقتل و يمثل بحمزة و تكسر رباعية الرسول – صلى الله عليه و سلم- ؟؟؟
فاكرين حكاية الولد المطيع لما يعصى والده ...أد ايه بتكون عقوبة الاب قاسية ، عشان مايرجعلهاش تانى ؟؟؟
اهو نفس الحكاية ...
تعالو بئا لعصرنا دا ... يا ترى نسبة اللى فعلا ملتزمين بأمر ربنا أد ايه ؟؟؟ و نسبة العاصين اد ايه ؟؟؟
بأى حق لما يكون المسلمين مليار و شوية ...و بضعة مئات اللى مرابطين يقاتلون ، بأى حق نطلب نصر الله لنا ،
و باقول بردوا لنا ، لأننا كلنا كيان واحد يا جماعة ... كيااااااااااااان واااااااااااااحد ..لازم دا يتحفر جوانا اوى ..
لازم نشد على ايد بعض ، لازم نقوى بعض ، اللى يشوف واحد بيعصى ربنا ينصحه ..يقوله انت كدا سبب ان ربنا يأخر نصرنا
كل ذنب أنت بتعمله سبب فى رصاصة بتضرب فى قلب أخ مسلم ليك هناك ...
نفهم سيرة الرسول و الصحابة ... نفهم القرآن اوى ..عشان نعرف مخرجنا من اى سكة؟؟؟
طبعا أنا عارفة ان ناس كتير مش هيعجبها كلامى ..لكن أنا حبيت أوضح وجهة نظرى ، و دى بردوا مش كلها ، دى خطوط عريضة بس .
اللى شايف انها صح ... فبها و نعمة ..و اللى شايف انها غلط ، فبردوا شئ يرجع له ..بس أكون عملت اللى عليا و قلت اللى عندى ...
و ياريت اللى عنده رأى بردوا يقوله ...
و...... سلام
20 comments:
Soul.o0o.Whisper
صباح الخير
بدوعى السلم ح تسوق لنا زوره*
و دا لييييييييييه ؟؟؟
حلم مريض لثحيق ذات وضيعة مع فكر قاصر
تحياتى لابنتى
موضوعك جميل غير انه محرم على ضعاف البصر صح
على فكرة الموضوع طويل بعض الشيء وانا بعمل الان وسوف انسخه واقرأه في وقت لاحق وبعدها سيكون عليه تعليق .
يوجد بعض الاستفسارات والتوضيح والاسئلة البسيطة الان لكن لا يجوز ان اطلب هذا قبل ان اقرأ جيداً وملياً ..
مع خالص التوفيق
سلام عليكم
بعد القراءة للموضوع
الاستفسار الأول : إذا كانت حرب صهيونية أو صليبية أو غير ذلك فهل معنى ذلك أنها تغير معنى كلمة الحرب بمعنى سواء دينية أو قومية أو أثنية أو إيديولوجية فهي بالآخر حرب ... فما الرفق في ذلك.
الاستفسار الثاني : عن موضوع الجهاد هل حماس تحارب من اجل الجهاد في سبيل الله بمعنى أنها تحارب من اجل إعلاء كملة لا اله إلا الله محمد رسول الله أم أنها ترفض الاعتراف بدولة إسرائيل وأنها تقاومها من اجل الدفاع عن الأرض أم أنها تقاومه بسبب الظلم الواقع على الشعب الفلسطيني والتمييز بين الفلسطيني صاحب الأرض والإسرائيلي المستوطن الغاصب أم أنها تقاومها نيابة عن المسلمين العرب وغير العرب ..... وإلى أخر الأسباب .
أم كل هذه الأسباب مجتمعه .. وإذا كانت هذه الأسباب مجتمعه فماذا كان ومازال بعض المصريين الذين مؤمنون بالفكر الساداتي ومن ساروا على طريقه بأنهم لا دخل لهم بما يدور في فلسطين والسودان والصومال والشيشان وكل قطر عرب أو إسلامي .. ومن يخالفهم الرأي في عهد السادات والى الآن يتهم بأنه غير وطني وان الوطن مختصر في رأي وشخص السادات أو مبارك .
معا أن السادات كان يرفع شعار دولة العلم والإيمان ... وبعد ذلك يقول لا دين في السياسة ولا سياسة في الدين .
حاجة غريبة فعلاً وشيء غير مفهوم .
وبعد كده يخلي السيدة الفاضلة الماجدة جيهان هانم ترقص مع كيسنجر في حفل في أمريكان على شرف رئيس الجمهورية العربية المتحدة ، والتي كان من شروط كمب ديفيد أن يغير اسم الدول وعلم الدول الذي كان عليه نجمتين ممثلان بسوريا ومصر .
حتى اسم وزارة الحربية غير إلى وزارة الدفاع .
وأشياء لا حصر لها ولا عدد .
فما رأيكم في هذا
هدانا وهداكم الله إلى ما يحبه ويرضاه .
الاستفسار الثالث : إذا كانت إسرائيل أو أمريكة تعلن أنها حرب صليبية أو حرب صهيونية فلماذا تنكرون عليهم أن يعلنوا أنها حرب دينية وأنتم كمسلمين ترفعون راية الجهاد .
بمعنى تحرمون على أمريكان وإسرائيل ما تحلوه لأنفسكم ... وارجوا أن لا تقولي إننا نحن على الحق وهم على الباطل وأنهم هم الذين أتوا إلى بلادنا ونحن لم نذهب إليهم فالمسلمين فتحوا العالم أو كما يقولن المستشرقين أو الأوروبيين والغرب بشكل عام يصفها بالغزو والاحتلال . وان الأمريكان والإسرائيليين يرون ما نحن نراه ويقولون ما نقوله بالحرف .
لأن هذا الرد مفروغ منه ولا يدخل في نطاق الدعوة إلى الله فالدعوة إلى الله قائمة على البينة والحجة والدليل المادي والعقلي ...
مع خالص الاحترام والتقدير
فارس عبد الفتاح ... قومي عربي
أنا معجبة بكلامك ووجهة نظرك و أسلوبك جدااااااااااااااااا
و بحييكى عليهم
بحييكى بجد و معجبة بكل كلمة قولتيها و سعيدة بأرائك:)
Beram ElMasry
صباح النور بالليل يا أستاذى
:)
حلم مريض لثحيق ذات وضيعة مع فكر قاصر*
نعم صدقت
و خالص التحية لك يا أستاذى
بس البوست مش محرم
طب اقولك ... نخليه لصفر
مافيش أى مشاكل
هههههههههههه
مالكش حجة أهو
خالص ودى
فارس عبد الفتاح
أولا بأشكر لحضرتك الزيارتين ... حقيقى ماتوقعتش إن الموضوع يشد انتباهك و ينال اهتمامك بهذا الشكل ..
ثانيا بأشكر حضرتك بردوا على أسلوبك الراقى فى عرض الاستفسارات ،
أيوا كدا .. بالراحة عليا ، عشان يادوب انا لسه تاتا تاتا خطى العتبة : )
يعنى بأحاول على ادى كدا ..
و هأعبر عن رأيى أنا من خلال فهمى ... أيوا رأيى أنا ، أنا بس
و معلش بئا هتضطر إنك تستحمل طول البوست و طول التعليق .. معلش ربنا يصبرك يارب : )
الاستفسار الأول *
أستاذى .. الحرب هى الحرب ، قتال بين فئتين ، كل منها تظن أنها على حق ،
ولأن الحق واحد لا يتجزأ ... فبالتأكيد الحق المبين مع إحداها ، و الأخرى على باطل ..
و طالما لم يفارق كلانا سلاحه ، و لم نبرح أرض المعركة فنحن فى حلٍ أن نسلك كل السبل التى تؤدى إلى النصر ،
منها القتل ...
لكن بمجرد أن يتنازل خصمى عن سلاحه ، أو أن أملك أمره ... فقد أصبح أسيرا ، رهن يدى ..
و لأنه فى الاسلام القتال لأجل إعلاء كلمة الله ، فقد أذللت خصمى بأسره .. و على هذا لا يجوز لى تعذيبه أو قتله ،
هذا هو الفرق عندما يكون المسلم طرفا فى القتال ...
بعكس الطرف الآخر الذى ينتهز أى أسير ليعذبه و يذيقه الويل أو يقتله ...
فهنا يتجلى رفق الاسلام أثناء الحرب وبعده .....
ففى الحرب يقول الله سبحانه وتعالى" وَقَاتِلُواْ فِي سَبِيلِ اللّهِ الَّذِينَ يُقَاتِلُونَكُمْ وَلاَ تَعْتَدُواْ إِنَّ اللّهَ لاَ يُحِبِّ الْمُعْتَدِينَ (190) وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُم مِّنْ حَيْثُ أَخْرَجُوكُمْ"
وقد قال أبو بكر فى شان سياسة القتال في الإسلام عندما أرسل يزيد بن أبي سفيان إلى فتح الشام فقال له
ستجد قوماً زعموا أنهم حبسوا أنفسهم لله فذرهم وما زعموا أنهم حبسوا أنفسهم له وإني موصيك بعشر:
لا تقتلن امرأة، ولا صبياً ولا كبيراً ولا هرماً ولا تقطعن شجراً مثمراً، ولا تخربن عامراً، ولا تعقرن شاة ولا بعيراً إلا لمأكلة، ولا تحرقن نخلأً ولا تفرقنه ولا تغلل ولا تجبن الحديث رواه مالك في الموطأ
وبعد انتهاء الحرب ، أمرنا الله بحسن معاملة الأسرى
فلا خضوع و لااستسلام فى وقت الحرب بدعوى ان الاسلام دين سلام و رحمة ،
فالله –سبحانه و تعالى- الذى شرع الاسلام قال عن نفسه "الغفور الرحيم" لكنه قال أيضا عن نفسه " شديد العقاب "
فلكل مقام مقال ... أليس كذلك؟؟
يعني الحرب في الاسلام من أولها لآخرها فيها رحمة ورأفة بالآخرين بعكس غير المسلم عندما يكون طرفا في الحرب .
وعايزة اضيف نقطة توضيحية أخيرة انا بتكلم من جهة الإسلام وليس بما يحدث اللآن بدليل ان الموضوع اسمه متى نصر الله؟
وأكيد مش هننتصر غير لما نرجع لدستورنا ألا وهو القرآن
الاستفسار الثاني *
رأيى .. رأيى أنا ...
أننى لست اهلا للخوض فى كل هذا ، حضرتك رحت بيا لحتت بعيد أوى : )
عاوزنى أتكلم عن حماس ، و عن الفكر الساداتى و مبارك و كل الفئات؟؟
حقيقى حملتنى فوق طاقتى ...
أنا باتكلم بصيغة المفرد ، و بتكلمنى بصيغة الجمع ... : (
و أنا مش درست و لا بحثت دا كله عشان أحكم عليه ..
و بالنسبة لحماس ، فأنا أتحفظ على موقفى منها ،
لكن أنا أقول إن كنا نريد جهاد ... فلابد أن يكون جهاد كما أراد الله ،
بضوابطه و موانعه ... مش بأهواء تحكمنا ..
و قبل دا كله .. نكون احنا نفسنا مسلمين صح ، فاهمين أصلا ايه اللى بيدور حوالينا ..
الاستفسار الثالث *
أعتقد اللى فهمته من كلام حضرتك إنك بتقول ان الاسلام انتشر بالسيف ، فليه بننكر عليهم الحرب بالسيف ( السلاح يعنى )
على حد علمى هأجاوب على حضرتك ، بس بردوا دا رأيى الشخصى .. و يارب يكون صح ..
أولا إن رسول الله –صلى الله عليه و سلم- بعث للناس كافة ...صح؟؟؟
و ربنا اللى أمره بتبليغ الدعوة دى... صح؟؟
طب إيه بئا اللى كان بيحصل ؟؟
الرسول فى مكة ، فى المدينة ، فى المناطق المحيطة ... كان يا إما بيدعو بنفسه ،
يا إما إنه بيبعث وفد يدعو هؤلاء القوم .. بالدعوى الحسنة ، و الموعظة و الحكمة
لأنه كان قادر يوصل لكل شخص يدعوه ، اللى يؤمن به ، فالحمد لله
و اللى يكفر .. فإثمه على نفسه ... وهى دى حرية العقيدة فى الاسلام
و أقام الرسول دولة له فى المدينة دون رفع سيف واحد ... صح؟؟؟
إذن فالدولة الاسلامية فى أصلها لم تقم على السيف ..
ثم بعد أن أستتب الامن فى المدينة ، و تم فتح مكة أيضا دون سلاح ،
و انظر كيف كان عفوه صلى الله عليه و سلم عنهم رغم الايذاء الذى رآه منهم ،
فهذا مثال على الجهاد الحق .. فهو لاعلاء كلمة الله فقط
المهم ... بعد أن أستتب الامن فى المدينة و استقرت الاوضاع
أرسل رسول الله وفودا إلى الدول الاخرى ليبلغها دعوة ربها ..
فإن استجابت لترك الوفد يدعو الى الله فبها و نعمه ، و ان قتلته او رفضت دعوته
كان سجال بين فرقتين .. على موعد سابق ، بكامل عدة و عتاد من الفريقين ، فى أرض محددة
فمن كانت له الغلبة ، كان له الحق فى نشر دعوته ، فيدخل المسلمون البلد الذى انتصروا فيه
فيبلغون دعوة ربهم ... فمن استجاب لهم فالحمد لله ، و من لم .. فله حرية الاختيار ،
على أن يدفعوا الجزية حق الحماية ...
هكذا كانت الحرب فى الاسلام ... لا لاجبار الناس على اعتناق الاسلام ، و انما لتبليغ الناس دعوة الاسلام
بعكس ماهو كائن اليوم ... هل هى حرب؟؟؟
عندما تأتى الجيوش لتغزو بلد فى عقر دارها ، و جل ضحاياها من الشعب الاعزل ، و الاطفال و النساء
عندما تعذب الاسرى و تذلهم ؟؟؟
بأى حق نقارن بين القتال هنا و هناك؟؟؟ ..
ثم إن اليهود لا يحاربون من أجل تبليغ الناس اليهودية ، بل يحاربون لابادة شعب هو بالنسبة لهم عبيد
لأنهم شعب الله المختار
تسمح لى أهديك هذا الرابط
http://www.youtube.com/watch?v=ffUTRjQSihk
أعتقد بعد اعتراف الحاخام مافيش كلام .... مش كدا بردوا؟؟؟
مع خالص الاحترام والتقدير *
و خالص احترامى و تقديرى لشخصك العزيز
dr_samarmar
سمرمووور
يا هلا بالدكترة
نورتى المدونة بجد
و يارب مش تكون الاخيرة
و تنورينى دايما على طول
بأشكرك حبيبتى على كلماتك الجميلة
بس دى مش من نفسى
كلها من القرآن و السنة
اللى فعلا ياريت نحبهم و نرجع لهم على طول
خالص التحية يا قمر
سلام عليكم ورحمة الله وبركاته
الآنسة الفاضلة المحترمة
تحية فائقة ،،
أولا : أنا سعيد باهتمام الزائد على استفساراتي المتواضعة ، طبعاً أن كنت عايزك تردي عليا بطريقة فكرية سياسية .
لكن من الواضح أن العاطفة الدينية هي الطاغية وهذا أمر جميل وهي ظاهرة في مشاعرك وأفكارك ولكن لابد أن نفصل بين المشاعر وبين العقل ... ومن الواضح انك لم تصلي لما كنت اقصد ويمكن أن يكون من أسلوب المعقد ويكاد يقترب إلى الفلسفة الفكرية وهذا ذنبي أنا ... وأنا معترف بيه .
المهم
إني لم اقصد في الاستفسار الثالث أني أقول أن الإسلام انتشر بحد السيف كما يقول المستشرقين الأوروبيين .
اههههههاهاههههههه
لا ... قطعاً .... وعندي الرد على هذه الادعاء وليست موضوعنا الآن ، بل ما كنت اقصده في هذه الاستفسارات الثلاثة ... العقلية الإسلامية والعربية المعاصرة التي فقد المعنى وتمسكت بالمسميات .
اكرر أن العرب المسلمين يتمسكون بنطق الكلمة ( المفردات ) ويتيهوا في معنى الكلمات ... مثل حرب صليبية أو حرب صهيونية حرب استعمارية حرب امبريالية .
أول مفرده هي حرب وهذه هي الأساس والثانية هي مكملة لهذا الأساس استعمارية صهيونية امبريالية ...الخ .
وعليها تكون التعبئة والتخطيط والنضال ضد هذا .
وان حماس تستغل العاطفة والمشاعر الدينية الإسلامية لأغراض سياسية حركية لصالحها وهذا أمر مشروع بشكل عام ولكن بخصوص الدين الإسلامي في رأيي هذا أمر ليس محترم أن تفعله حماس أو أي حركة سياسية إسلامية تحترم نفسها وتحترم جماهيرها الشعبية .
وهنا أنا لا أقول كما قال السادات أن ( لا دين في السياسة ولا سياسة في الدين ) .
ولكن أقول أن إذا كنت حماس حركة إسلامية محترمة وتحرص على أن تكون لها قاعدة شعبية سياسية وقاعدة سياسية عربية وقاعدة سياسية عالمية لا تستخدم مفردات الدين والدعوات الجهادية حتى لا تظلم نفسها ولا تظلم الجهاد وهذا حق مشروع في الإسلام .
يعنى تستخدم مفردات مثل النضال مثل الصراع مثل المقاومة الكفاح إلى آخر المسميات والمفردات التي لا تدل على معاني دينية في خطابها الشعبي والعربي والدولي .
حتى لا تنتقد من المسلمين الجهلاء والعملاء والمتخلفين .
وبناء عليه : هي تعطي أيضاً الحق لأمريكا وإسرائيل أن تعلن أنها حرب صليبية وصهيونية لصد الجهاد الإسلامي .
فالمسألة ... مسألة – جدلية – عميقة وسطحية في نفس الوقت
وأجدد اعتذاري على أسلوبي الذي لا يخلوا من الصعوبة وتشتيت الأفكار
تقبلي كل التحية والتقدير والاحترام .
فارس عبد الفتاح ... قومي عربي
بنت يا دكتوره .. انت مخك حيسخن وحيهنج ولا ايه .. اسئلتك كتيره قوى .. عملتى فى البوست ييجى 152.5 سؤال وقلتى كل الاسئله .. امال انا اسأل بقى واقول ايه .. انت خلصتى على كل الاسئله .. بس فيه نقطه مهمه انت قلتيها وقلتى
خلينا واحده واحده
مين الوقتى بيفكر حال المسلمين فى افغانستان عامل ازاى؟؟؟
احنا يا سول اللى عملنا فى نفسنا كده .. فاكره افغانستان زمان من الثمانينات اما كانت بتحارب الاستعمار الروسى : كان المسلمين فى كل بلاد الدنيا بتساعدهم باسم الاسلام .. بس ما كانتش حرب اسلام .. دى كانت حرب تحرير ضد الاحتلال الروسى.. بعدين تم ابعاد الروس عن افغانستان ودخل امراء الحرب ضد بعض والبلد كلها هاجت ضد بعضها فى فتره سموها فترة امراء الحرب .. وكانت افغانستان فيها اكثر من فصيل .. فصيل قلب الدين حكمت يار .. وفصيل تانى .. والله يا سول ما انا فاكر اساميهم وهاتك يا ضرب فى بعض وهدم فى البلد لحد طالبان ما طفت على السطح .. خدى بالك يا سول انت بقيتى فاهمه عمك فشكول عايز يقول ايه .. طالبان سودت الدنيا فى عيون الناس الافغان باسم الاسلام .. يعنى يا سول هو الاسلام عايزنا نبقى متخلفين ونستعمل العربيات الكارو ولازم نلبس عمامه وشكل مظهرى دينى واعادت القضاة بتوع زمان اصحاب العمائم وبدون علم اللهم انتمائهم لطالبان .. وحكمت على المرأه ان لا تخرج من المنزل تقريبا سجنوها وكأنها رجس من عمل الشيطان وارتكبوا اخطاء فادحه فى حق شعبهم وفى حق الغير مما جر عليهم هذا الوباء ..خدى بالك يا سول لو فيه اسد فى صحراء لقى قديمه فريسه سهله .. حيعمل ايه .. طبعا لازم يلتهمها ..ودا كان .. اما حرب العصابات اللى بيتعمل اليومين دول .. الله اعلم بنتيجته .. احنا فى افغانستان بصينا للمظاهر وسبنا الجوهر
مين بيفكر فى حال المسلمين فى العراق عامل ازاى ؟؟؟
شايفه العراق اللى بقت سنه وشيعه واكراد .. اوعى تقولى الاستعمار هو اللى عمل فينا كده .. الاستعمار هو الاسد فى الصحراء .. طب احنا الفريسه ليه .. ليه يا سول ما فتحناش مخنا وفهمنا ان الاسد حياكلنا .. طب ليه ما لجأناش لكهف ولا جبنا حتة حديده ندافع بيها عن نفسنا .. ليه سبنا الاسد يعمل فينا الفرقه .. يا سول احنا اللى غلطانين .. مش فى حق الاسد .. غلطانين فى حق نفسنا
مين بيفكر فى مشكلة اى مسلم على وجه الارض ؟؟؟؟
عايشين فى حالة من الاثارة الدائمة ، من شعب لآخر
طبعا ما حدش حيفكر فى مشكلة اى مسلك وحنفضل عايشين فى حاله من الاثاره الدائمه .. عشان ما بنفكرش بعقولنا .. عشان ما بنخططش لبكره .. عشان خلينا العلم فى الخلف در وكل حاجه اهم .. يا سول عشان نسينا ربنا فانسانا انفسنا
فى نهاية كلامك يا سول بتتفقى معايا فى كل اللى انا بقوله وبترمى باللائمه علينا زى انا ما بقول بالضبط .. ودا كلام رائع ابتدينا نعرف الغلط فين وما دمنا شخصنا المرض اكيد لابد للعلاج ان ينجح .. وفيه ناس كتير قوى زيك كدا صحت من النوم وابتدت تفكر صح .. ويا ريت كل العرب يفكروا صح ويعملوا كل حاجه صح زى ربنا ما امرنا ان كل حاجه نعملها صح (من عمل منكم عملا ان يتقنه)
سلام بقى
فارس عبدالفتاح
طبعاً أن كنت عايزك تردي عليا بطريقة فكرية سياسية .
لكن من الواضح أن العاطفة الدينية هي الطاغية وهذا أمر جميل وهي ظاهرة في مشاعرك وأفكارك ولكن لابد أن نفصل بين المشاعر وبين العقل ... ومن الواضح انك لم تصلي لما كنت اقصد ويمكن أن يكون من أسلوب المعقد ويكاد يقترب إلى الفلسفة الفكرية وهذا ذنبي أنا ... وأنا معترف بيه .*
اعذر لى يا أستاذى عدم ردى بالاسلوب المنشود، أو عدم فهمى ذلك ...
لقد حاولت أن اصل لمستوى تفكيرك ، حتى افهم ما ترمى إليه .. لكن يبدو ان محاولتى باءت بالفشل ،
ففضلا و ليس امرا لو تكرمت بشرح وجهة نظرك ... : )
المهم
إني لم اقصد في الاستفسار الثالث أني أقول أن الإسلام انتشر بحد السيف كما يقول المستشرقين الأوروبيين
اههههههاهاههههههه
لا ... قطعاً .... وعندي الرد على هذه الادعاء*.
: )
اكرر أن العرب المسلمين يتمسكون بنطق الكلمة ( المفردات ) ويتيهوا في معنى الكلمات ... مثل حرب صليبية أو حرب صهيونية حرب استعمارية حرب امبريالية .
أول مفرده هي حرب وهذه هي الأساس والثانية هي مكملة لهذا الأساس استعمارية صهيونية امبريالية ...الخ .
وعليها تكون التعبئة والتخطيط والنضال ضد هذا .*
وددت لو تكرمت على بمزيد من التوضيح ، فلم أفهم كلية؟؟؟
أستاذى .. بالنسبة لحماس ، أعتقد أنى قلت أنى أتحفظ على رأيى فيها ...
ولو انك استرجعت كلمات البوست كلها ، لم تجد كلمة حماس إطلاقا .. كما لن تجد كلمة جهاد أو مجاهدين كوصف للعمل القائم حاليا ، رغم أنى لم أكن أريد التنويه عن هذا .. درءا للخلافات التى لن تؤدى لتغيير وضع أو فكر ...
لكنى وددت لو اوضحت رأيك انت فى الموضوع ، فلقد طلبت رأيى و لم توضح رأيك ... : )
وأجدد اعتذاري على أسلوبي الذي لا يخلوا من الصعوبة وتشتيت الأفكار *
و لا يهمك ..
سأحاول .... أعدك ، أن افهم ما ترمى إليه ..
تقبلي كل التحية والتقدير والاحترام .*
و تقبل خالص احترامى و تقديرى لشخصك العزيز
fashkool
فيلسوفى العزيييييييييييييييز ... حمدلله عالسلامة
تصدق كنت مستنية ردك من زمان : )
آه والله ... عماله اقول يارب هو نسى العنوان و لا ايه؟؟؟
بس الحمد لله ...جيت اهو
و بعدين 152.5 بس ؟؟ و النص دا بونص و لا ايه؟؟؟
و بعدين أنا قلت بدل ما اتعبك و تقعد تفكر و تكتب ...قلت اكتبهم بدالك ... : )
فيلسوفى العزيز ..
فعلا عندك حق فى اللى قلته عن حال المسلمين ، و إن فعلا السبب مننا احنا الاول ،
و دا واضح جدا من حديث رسول الله صلى الله عليه و سلم " إن الله زوى لي الأرض . فرأيت مشارقها ومغاربها . وإن أمتي سيبلغ ملكها ما زوى لي منها . وأعطيت الكنزين الأحمر والأبيض . وإني سألت ربي لأمتي أن لا يهلكها بسنة عامة . وأن لا يسلط عليهم عدوا من سوى أنفسهم . فيستبيح بيضتهم . وإن ربي قال : يا محمد ! إني إذا قضيت قضاء فإنه لا يرد . وإني أعطيتك لأمتك أن لا أهلكهم بسنة عامة . وأن لا أسلط عليهم عدوا من سوى أنفسهم . يستبيح بيضتهم . ولو اجتمع عليهم من بأقطارها - أو قال من بين أقطارها - حتى يكون بعضهم يهلك بعضا ، ويسبي بعضهم بعضا "
ففعلا ... كل اللى احنا فيه دا من نفسنا احنا ، لو نصلح نفسنا ماحدش هيقدر علينا .. : )
و للاسف لأننا بردوا بنندفع باسم الدين –بحسن نية- تجاه اى حد يتخذ الدين شعار ،
فدا بيوقعنا فى مشاكل كتير ، و فهم خاطئ للدين و تعاليمه ..
و الاكتر من كدا فعلا إننا ناسيين ربنا ، و مش عارفينه صح ...
بجد لو نعرف ربنا صح ، حاجات كتير أوى هتتصلح ..
خالص تحياتى وودى لفيلسوفى العزيز .. و دايما متفقين ، و ربنا مايجبس سوء تفاهم أبدا .. : )
و سلام يا أستاذى
Soul.o0o.Whisper
بارك الله فيك وكل عام وانت فى سرور
انا اشتريت جهاز جديد وهذا الرد منه ولكن الماسينجر فيه عفريت ، وبالمناسبة يوجد تحذير فى موقع قلم رصاص ينبه على وجود فيروس جديد ارجو زيارة مدونة قلم رصاص
لتحقيق ذات ، اقصد من ينشط بالمؤتمرات فى الازمة ، والفرقعة الاعلامية ، ثم سيدعون للسلام فى بلادة
لك تحياتى وشيكولاتة وشكرا على المعايدة
Beram ElMasry
أستاذى العزيز
انا اشتريت جهاز جديد وهذا الرد منه *
ما شاء الله ... دى هدية الميلاد ؟؟
على فكرة سبحان الله امبارح (الخميس ) كان ميلاد بابا بردوا ...قدر
يا سبحان الله
ولكن الماسينجر فيه عفريت *
خلاص قوله ...انصرففففففففف
هههههههههههههههههههههه
ربنا يصرف عنا كل عفريت
و شكرا على التحذير
و الشيكولااااااااااااااته
خالص ودى
السلام عليكم
موضوع جميل اووووي
كلمات ذهبيه و معبره على اشياء كثيرة
بوستت مميز ولطيف
احييك
تحياتي
القلب المنكسر
دمتي بكل خير و سلام
واتمني زيارتك الي مدونتي المتواضعة
و اخر حاجه بقي سوري مش فاكر ههههههههههههه
شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية
الفاضلة المحترمة
يرجى الاحاطة ان محور التواصل بيننا هي الكتابة وقد يحدث منى ان اتجاوز ما قد كنت اقصد بالتحديد .. بمعنى ان ابالغ فيه .
فارجوا وهذا رجاء من القلب ان لا يكون هناك اي حساسية في فهم كلامي واحيطكم علماً باني رجل لا يفهم كثيراً في الامور الدبلوماسية الكلامية .
شاكراً لكي حسن تفهمك .
ولكي كل الاحترام والتقدير
فارس عبدالفتاح .. قومي عربي
** القــــلـــب المنـــكـــســر**
و عليكم السلام و رحمة الله و بركاته
الأجمل هى زيارتك
و كلماتك الرقيقة
شرفتنى بأول زيارة و يارب مش تكون الاخيرة
و لما تفتكر قولى بئا
:)
دمت بود
رابطة هويتي اسلامية
بإذن الله أتابع اللقاء
دمتم جميعا بخير
فارس عبدالفتاح
يعلم الله أنى لا أحمل كل إلا كل الاحترام
و أعدك ألا آخذ كلامك بمحمل من الحساسية
:)
فأنت أخ فاضل تسعدنى زيارته و مشاركاته
و أتمنى ألا تحرمنى آرائك و مناقشاتك
دمت بود
بسم الله الرحمن الرحيم
حديث الروح...او كلام الروح ...او همس الروح..
ايما كان الاسم...
السلام عليكم ورحمه الله وبركاته
روح قلبي بنتي الغاليه...
انت شقيه خالص مالص
وعكروته
وفاهمه وحريصه ومؤمنه بقضيتك الي حد كبير .
انا متفق معاكي في كل همسه من همسات الروح.ولي عوده ثانيه وثالثه ورابعه حتي نتخرج من جامعه الحياه.
أبنتي المشاغبه
لو طالعتي تدويناتي عن غزه ستعرفين الكثير ....وتعرفين ان خطوطنا العريضه واحده.
الي ان نتفق اتركك في رعايه الله.
Post a Comment