رغم إنى فضلت لمدة طويلة مترددة ، و أصلا كنت رافضة نهائى اتكلم فى النقطة دى باعتبارها شئ شخصى و علاقة بينى و بين ربنا بس ...
لكن أحداث كتير جدا ، و مواقف كتير ، و يمكن كمان احساس بالمسئولية تجاه الموضوع كله مش النقطة دى بس خلانى أفكر بجد أكتب فى الموضوع دا ...
كمان استخرت ربنا فى الموضوع ، و استشرت اللى أثق فيهم ، فلقيت الكل شجعنى و قاللى فعلا ، شئ زى دا لازم تتكلمى فيه و تكتبى عنه ..
دا كمان فى ناس لامتنى إن ازاى أكتم حق و ان دا طبعا فضل و كرم من ربنا لازم أكلم الناس عنه عشان بجد يعرفوا اد ايه انه شئ جميل ...
بس بردوا كنت مترددة ، فقلت مابدهاش بئا .. استخير و استشير ، و اللى ربنا يعمله هو الخير ...
طولت أنا عارفة ،و مقدمة طويلة عريضة ، بس اسلوب تشويق بئا انتوا عارفين ...
;)
المهم .. الحكاية بدأت تقريبا من الكلية فى تعاملى من زميلاتى بمختلف الطبقات ، و كمان لما نزلت الشغل و اتعاملت مع الناس بمختلف انواعها ...
و تقريبا كنت بالحظ فى عيونهم كلهم نظرات استغراب .. و يقولولى : بجد مش مصدقين .!!.
أقولهم : ليه؟؟
يقولولى : اصل أول مرة نشوف منقبة كدا ...
طبعا عارفة إن فى حاجات اتفتحت و حاجات برقت ...عاااااااااااااااادى جدااااااااااااا
إيه دا؟؟ انتى بجد منتقبة يا سول؟؟
ياااه .. مش عاوزة أقولكم اتقالت لى كام مرة من المدونين اللى كلمونى و تطرق النقاش للنقطة دى ...
حسيت يا عينى انهم اتصدموا .. مش عارفة ليه؟؟!!..
و طبعا تباينت الاراء << حلوة تباينت الاراء دى ..صح
فى ناس طبعا اعترضت ، و مش مقتنعة أصلا بالموضوع دا .. و لهم كامل الاحترام فى وجهة نظرهم ، و بردوا هما اعتقد احترموا وجهة نظرى و زى ما بنقول دايما .."اختلاف الرأى لا يفسد ايييييييييييييييه؟؟... بالظبط كداااااااااا
عشان هما فعلا ناس بأعزهم جدا ..
و فى ناس بردوا التزموا الصمت و ماعلقوش ... بردوا لهم كامل الاحترام على انهم ما ناقشوش مسائل الناس شيفاها حريات شخصية ..
وفى ناس انبسطت جدا ، بالعكس كمان شجعتنى لما عرفت ..
لكن اللى وقفنى .. ان ناس استغربت اوى ازاى منقبة ..و باتكلم عادى يعنى ،و باهزر ،
و بناقش مواضيع مختلفة .. مش مقفلة يعنى ..
دا طبعا مش لأنى مغصبة عليه ، فبأعبر عن تمردى بأسلوبى دا ، زى ما واحد قاللى .. !!!!!!!!!!!!!!!! << مش مدون ..
لالالا .. اطلاقا ، أنا مقتنعة جدا بنقابى .. و مقتنعة بأسلوبى اللى عايشة بيه ، لأنى مش شايفة أى تعارض بينه و بين الاسلام ..
<< صحيح بس ساعات بأحس إنى بأزود الهزار شوية ..بس بأحاول أصلح النقطة دى ..
صراحة .. يمكن فى الاول كنت مقفلة أوى .. بس تعبت لأنى كنت حاسة إن مش معقول ربنا خالقنا عشان كدا ،
و لا يمكن نستخلف فى الارض بنظام اقفل على نفسك .. و ان الدنيا وحشة و خنقة ،
و الحيز اللى بتتحرك فيه يا دوب متر فى متر .. و الواحد يتقوقع بئا .. و مالوش دعوة بحد ..
بس الحمد لله ربنا أكرمنى باللى يعلمنى ، و مازال .. بجد جزاهم الله كل خير ، و رفع منازلهم دنيا و آخرة
حقيقى من ساعة ماعرفت يعنى اسلام ، و لسه باعرف .. بدأت أحب الدنيا << ليس قلبيا ، و شايفة الحياة حلوة رغم أشواكها ..
حاسة ان الدنيا كلها بين إيديا رغم انى لا أملك شئ فيها .. مفاهيم و أفكار اتغيرت خالص خالص خاااااااااااااالص
و انطلاق فى الدنيا شرق و غرب ..و اقبال على الحياة ، و زيادة أمل رغم كل المحبطات ..
بجد دا و حاجات اكتر بكتييييييييير لما بئيت بأبص للامور بمنظور اسلامى ..
بجد الاسلام دا طلع دين جميل اوى اوى اوىىىىىىىىى .. بس للأسف احنا اللى مش فاهمينه
و دا بإذن الله اللى ناوية أكتب عنه الفترة الجاية ... و يارب فعلا أقدر أوصلكم اللى عرفته من الاسلام ..
و ربنا يعلمنا جميعا يارب ... و سلام
طبعا هأفكركم بالتحديث بتاع البوست اللى فات
ياريت كلكم تحملوه و تسمعوه
103 comments:
السلام عليكم ورحمة الله وبركاته
أختي ف الله همس الروح
سعدنا بتوجهك وطريقة حياتك
ولك كل تأييد في ما اخترتي ان تكوني
فإلي الأمام
مع خالص مودتي وصادق دعائي
السلام عليكم ورحمة الله وبركاته
أحييكي يادكتورة من كل قلبي
كم انا سعيد بمعرفة هذا عنكم
القرب من الله عز وجل بأي شكل وبأي منطق وبأي طريقة وخصوصا الطريقة المتبعة على هدي وسنة الرسول عليه الصلاة والسلام والصحابة والتابعين شيئ راااااااااائع رااااااااائع للغاية وانا شخصيا أسعد به جدا واشجع حضرتك عليه جدا
وربنا يثبتك على هذا ويزيدك اكثر واكتر
فعلا بجد والله الاسلام ديننا اجمل حاجة في حياتنا كلها بلا جدال وربنا يزيد قلوبنا تقواها ويزكها فهو خير من زكاها
وسعيد جدا لأني اول تعليق عند حد مهم زي حصرتك
في حفظ الله
هذه حياتي
و عليكم السلام و رحمة الله و بركاته
ربنا يكرمك يارب
بجد ربنا يثبتا على الحق
و يرزقنا اتباعه
و يرنا الباطل
و يرزقنا اجتنابه
دمت بود
قلم رصاص
و عليكم السلام و رحمة الله و بركاته
صدقت أخى الفاضل / حقيقى لا شئ أجمل من الرقب من الله
و اتباع هدى رسوله على بصيرة
ثبتنا الله و اياكم
و رزقنا الاسلام كما اراده لنا
و الأول مكرر و لا تزعل
:)
دمت بود
سوووول
ربنا يجازيك خير
انا مش بعارض ولا بأيد
انا محايدة تمام وكل واحد
عندو حرية شخصية
بس رأيك وافكارك عجبانى
ومش معنى انك منقبة اننا نندهش
لا عادى انتى معملتيش حاجتين متناقضتين يعنى عشان نندهش
بالعكس انتى وازنتى بين الامور
ودى طبعا حاجة صعبة بس الحمد لله ان ربنا هداكى ليها
ربنا يهدينا كلنا للطريق الصحيح
ويحسن خاتمتنا ويتقبل منا صالح الاعمال
ربنا يبارك فيك
تقبلى مرورى
دكتورة سول
كم أنا سعيد حقا بحضرتك
وأفخر اني انا متابع لحضرتك
وأفخر اني باكتب تعليق عند حضرتك دلوقتي
على فكرة حضرتك معملتيش أي تناقض
ولو حد مستغرب من ده
فالرسول صلى الله غليه وسلم قال : أتي الاسلام غريبا وسيعود غريبا فطوبى للغرباء "
تقبلي مروري
همس الروح
جمال روحك وقلبك يغنينا
عن هذا الموضوع
وما انتى عليه حريتك الخاصة المحدودة
عليكى فقط وان كنتى تشاركينا فيها
فهذا كرم اخلاق منك
وان شاء الله جارى قراءة الموضوع
ذو الرابط
السلام عليكم
اولا وحشانى جدا جدا
ووحشنى الكلام معاكى
وربنا يارب يوفقك دايما
وبعدين مش معنى انك منقبه تبقى متزمته
ودا شئ لاحظته فى كلامى معاكى وروحك
الحلوة ونصايحك المستمرة لى
ومحاولاتك معايا للاهتمام بكل شئ فحياتى
ودايما بتدينى امل
ربنا يارب ما يحرمنى منك انتى واللى
عارفاهم واللى وحشونى قوى
لو بتكلمى ضد ياريت تطمنينى عليها
اجمل منتقبة شفتها فى حياتى ايه ده خيااااااااااانة على فكرة انا مكنتش اعرف زعلانة منك :(
بجد ياجميل والله انتى بنت زى السكر وعندك عقل يوزن بلد بحالها ودمك شربات
واخلاقك ماشاء الله ربنا يحفظ يارب دايما ويسعدك ويثبتك على الطريق
البوست ده حسيته اوى لانى كنت شايفة ان الصح والافضل اكون مقفلة علشان متعرضتش لاى مواقف تاثر فى عباداتى وطاعتى لربنا لكن بجد لما ابدتيت اتغير شوية وخصوصا فى عالم التدوين لقيت ان ممكن الواحد يعيش بدون تزمت ولا تشدد وكمان يرضى ربنا
ربنااااااااااااا يكرمك يجزايكى كل خير ياااااااااااااااارب
السلام عليكم و رحمة الله و بركاته
تذكرت سول كلمة قالتها حديثه عهد باسلام قالت
when i covered my head , I opened my mind
عندما غطيت رأسى عقلى تفتح
انا شخصيا كل اخالاتى منتقبات عدا واحده و اخواتى و امى منتقبات
و افتخر بذلك كثيرا كثيرا و مصدر عزة لدى حقاً و اشعر بفخر كبير بهم و كذلك ستكون زوجتى او زوجاتى ^^ ان شاء الله
و هم جميعاً ناجحون و الحمد لله ف حياتهم سواء ف العمل او كربات منزل
أسأل الله لكِ الثبات و كل بنات المسلمين
سعدت كثيرا بسماع ذلك
http://www.themodernreligion.com/women/w_hijab_mind.htm
http://muslimconverts.com/muslimwomen/muslimsisters.htm
هههههههههههههههه
ربنا يثبتك يا دوك
يا ريت كل الناس زيك و الله
دمتى بود
نسيت اشكرك
على تواجدك هناك
عاشوا عاشوا المتنقبات^_^
لؤلؤة والنقاب محارتها اللي بحافظ على جمالها
هادا هو النقاب
ملكة ملكة اللي بتغطي وجهها وهي في نعمة بيغبطوها عليها اخواتها التونسيات والجزائريات
والله من الأول ياسول وأنت كبيرة بعيني وهلى كبرت بزياده
عين العقل ياغالية وما عليك من المعترضين واللي مستغربين
بكيفهم خليهم يستغربوا
بكفي أن المسلمات الجدد وخصوصا الأوروبيات بيلبسوا النقاب والعباية الفضفاضة من أول مايسلمواوبقولوا
"هذا الحجاب الحقيقي
وبعرف وحده امريكية بتلبس عباية عالراس
جد برافو عليك وبوست بيستاهل نجوم السما:)
بتعرفي كنت رح اكتب موضوع عن حجابي وترددت كتير متلك وقصتي طويلة عريضة منشان هيك اجلتها لأجل بعيد
وإن أعطاني ربي عمر رح اكتب قصتي
دمت بازياد قرب من ربك
الله يثبتك حبيبتي ويثبتنا معك
وأحبك الله الذي أحببتيني فيه:)
الموضوع دة من احسن المواضيع اللى قراتها فى المدونة.
لان فى ناس فعلا بتشوف ان الالتزام تكشير فى الوجة ...وغلظة فى الكلام ..وبالذات اللى بيكونوا لسة ملتزمين..مع انى لسة معرفش يعنى اية ملتزمين ..لان الواحد المفرض بيتقرب الىل الله كليوم بحاجة جديدة..فلا اعرف معاد للألتزام.
وحينها يرى الطرف الاخر ان الالتزام واتباع الدين حاجة صعبة ومش كويسة ويستغربون حينما يكون منقبة او ملتحى بيهزر او بيضحك.
مع اننا لو قرأنا سيرة الرسول صلى الله علية وسلم ..نجد انة اكثر الناس تبسما ..وكان الرسول ايضا يمزح فى وقت المزح وجد فى وقت الجد.
بجد احنا فعلا نفسنا فى اللى بيبن للناس الاسلام على حق ..ويبين هذا الدين العظيم.
مستين بوستاتاك الجاية ..تحياتى
كل واحد ليه وجه نظره اما بالنسبه للهزار ده شىء عادى جدا هو الى لابس نقاب المفروض يبقى كئيب صعب اقولها انا ولا غيرى
اولاً إسمها منتقبة
مش منقبة
لأن النقاب سميَّ نقاب لوجود نقبي(يعني خرمين) عند العينين للرؤية
فلو قلنا منقبة يعني .. مخرمة
يبقي نقول منتقبة يعني لابسة نقاب
ثانياً بقي
ربنا يثبتك ويكرمك ويبارك فيكِ ويعزك كمان وكمان
النقاب ده هدي أمهات المؤمنين
يعني لو حد ضايقك في يوم .. يكفي إ يوم القيامة أمهات المؤمنين اللي همه زوجات النبي صلي الله عليه وسلم هيبقوا راضيين عنك
علي فكرة أنا حاسس بل كلمة قلتيها عن الناس والتناقض
لاني عايش الحياة دي وعايش النقد ده
وعلشان نجيب أخر الكلام
إعملي اللي يرضي ربنا أولاً
واللي يرضيكي ثانياً .. ومش مهم الناس
لأن دول مش هتعرفي ترضيهم أبداً
ضحكت فقالوا ألا تحتشم..بكيت فقالوا ألا تبتسم
بسمت فقالوا يرائي به..عبست فقالوا بدا ما كتم
صمت فقالوا كليل اللسان..نطقت فقالوا كثير الكلم
يقولون شذ إذا قلت لا..وإمعةً إذا وافقتهم
فأيقنت أنّي مهما أردت..رضى الناس لا بد لي أن أذم
ربنا يوفقك ومستنين حلقاتك عن الإسلام
السلام عليكم و رحمة الله و بركاته
أنا بصراحة مش عارف الأخوة اللى سبقوا بالتعليق جايين من بعد الفجر و لا بايتين هنا من امبارح ..
نفسى أردلك أول تعليق ليك عندى و أكون أول تعليق ...عندى العملية سهلة..ممكن تيجى متأخرة و تلحقى مكان فى الصف الأول ...لكن عندك الموضوع صعب خالص ...مش حسد طبعا!!!!!
قر ...
لسه مقرتش هروح أقرأ و أرجع أعلق
ممممممممممممم
طب انا بقى ولا اتفاجت ولا حاجة
اية اساسا المشكلة لمه نكون مبتسمين علطول وعندنا امل ومنقبين!!!
عموما الناس عندها افكار مشاء الله على المنقبين والملتحين لان بجدف ى منهم اعوذ بالله...
**عموما انا رائ الشخصى كل واحد حر مادام مش بيضر حد**
بس انا مبسوطة اكتر بكمية التفأل الكبيررررة دى..ياريت تقولى الزر لو سمحت فى المرات الجايه
***************
اقولك انا اتفاجت بايه بجد
انك انتى سول
اة
والله
انا اصلى سمعت الاسم دة من فترة كنت فاكرة مذكر
اتفاجا النهااااااااااااااردة
انه انتى!!!
لا بجد
اتخدييييييييييييييييت
عوووووووووووووووووووووو
السلام عليكم و رحمة الله و بركاته
جزاك الله خيرا د/(سول(
و الله فعلا فرحت لما عرفت انك منتقبة ..لأن النقاب بيغيظ ناس كتير ..ز أسأل الله أن يهديهم أم أن يزيدهم غيظا و كمدا ...
معلش أختى رفض النقاب مش حرية شخصية..الحرية الشخصية فى لبسه أو عدم لبسه..لأن ده زى ما كلنا عارفين خلاف بين العلماء ... منهم بيقول فرض و منهم بيقول سنة ...أما اللى مش عاجبو النقاب من الأصل ...فحسبى الله و نعم الوكيل
صحيح بس ساعات بأحس إنى بأزود الهزار شوية ..بس بأحاول أصلح النقطة دى ..
:)
كنت مش أقولك كده ازاى ..جت منك..
على العموم أختى فعلا ديننا جميل ليس فيه عقد و لا عزلة دائمة و لا انغلاق مطلق .. ديننا جميل نفخر به و نعيش به وسط الناس بكل تسامح و عزة ...
أسأل الله العظيم رب العرش العظيم أن يثبتك و يعزك و يمتعك بحياتك و يرزقك الفردوس الأعلى فى الأخرة
كنت مش أقولك كده ازاى
كنت مش عارف أقولك كده ازاى ...
معلش الكى بورد بيوقع شوية كلام
انت حر مالم تضر
و عمر الانسان ما كان بشكله او بلبسه
انا يمكن اوحش ناس قبلتهم و ندمتي اني عرفتهم
هما اللي حلوين و لباسهم علي الموضة و القلق ده
طبعا دي مش قاعدة بس قصدي انك مش عشان منقبة تبقي مغيبة و متعصبة و هتفجري نفسك في البيت بيتك
ههههههههههههه
الكلام ده في الافلام العربي و الحوادث المصرية بس
اصل بيبقي يامختل يا منقبة
خلي بالك بقي
----------------
مدام شايفة انك صح
تيت علي كل الناس
ربنا اهم منهم
بس المهم انك تكوني متاكدة من الصح
مش مجرد اقتناع وقتي
انا الحمدلله من فئة المحايدين
و كمان موضوع اللبس عموما ده انا بعتبره حرية شخصية
الفكرة اللى فى عقل الناس من المنتقابات للأسف جت من الناس اللى مش وجهه مشرفة ليه اللى كانوا واخدين النقاب موضه ليس الا
ايوة ماهو زى ما الحجاب طلع فى وقت من الاوقات موضة و البنات معظمهم اتحجبت و بعد ماخلاص خلعوه للأسف
بردو النقاب جيه عليه وقت و طلعوه موضة و بردو بعد فترة اتخلع
لكن فى اللى ربنا فتح عليهم و استمروا لانهم كانوا منتقابات عن اقتناع داخلى
و فى بقى اللى فضلوا لبسين النقاب كاوجهه للأسف و مش قد مسئوليته من حيث الاخلاق و تعليم الدين
و زى مافى الحلو فى الوحش
بس للأسف ياسول الوحش بقى اكتر
و ده اللى بيزعل الواحد فعلا
ربنا يثبتك ياجميلة و يكرمك
بوسه بقى كبيرة ليك و حضن
لحد مااشوفك
):
بت يا دكتوره انت يا بت
انتى بتبررى ايه وعايزه تقنعينا بايه
انت منقبه ؟ طب ايه المشكله
هو النقاب عيب ولا حرام
دا النقاب بيحافظ على الجواهر المكنونه
واللى مش عاجبه يخبط راسه فى الحيط
الحجاب فضل من عند الله
والنقاب زياده فى الفضل
يعنى انت عملت الزياده فى الفضل
وربنا اللى بيجزى من عنده
والعبد دا ظز فيه
المهمانك تكونى مقتنعه باللى تعمليه
انا عايز اقول
اللى بتلبس غطاء للرأس وتدارى مفاتن الشعر كتر خيرها
واللى بتلبس حجاب وتدارى مفاتن الشعر والصدر ... الله عليها
واللى تلبس نقاب وتدارى كل حاجه ... فضل ونعمه من عند ربنا
وعلى فكره انا ما كانتش مفاجأه ولا حاجه
لانى قرأتك وعرفت روحك الحلوه الطاهره من زمان
وكمان عرفت الجمال الداخلى فيكى
وعرفت من كتاباتك ودمك الخفيف بدون زياده
وكانت صورتك امامى دائما بالنقاب
وزى ما قلت
كل واحد حر
اللى يلبس الحجاب ... فضل
واللى يلبس النقاب ... زياده فى الفضل
ولا آله الا الله محمد رسول الله
تحياتى يا بت يا دكتوره وبرضه يا حلوه
أنا مؤيد
بجد ربنا يبارك فيكى
ويجزيكى خير ان شاء الله
ويارب يثبتك وبجد النقاب دا حاجه جميله اوى بيحافظ على البنت زى الجوهره وعمر ماكلن الالتزام يقال عليه انه كآبه وحزن بالعكس الانسان بيحس فيه بالرضا عن نفسه وبالراحه والاطمئنان
ربنا يكرمك يارب
دمتى بكل خير
السلام عليكم
ابنتى الغالية .. الدكتورة سول
أول رسالة منك على أميلى نورت الاميل كله ولما دخلت مدونتك اليوم وجدت نوراً آخر أضاء حياتك .
كنت أكتب الرد على المدون فارس عبد الفتاح بسبب السيجال الذى دار بيننا والذى أود أن تتابعيه من البداية
الغالية .. سول
قد تتعجبين لو قلت لك بأنى منتقبة من أربع سنوات ولنقابى قصةعجيبة أثارت جدلا كبيراً خاصةوقد كنت وقتها من مؤسسى الصحف المستقلة بالاسكندرية وزوجة لرجل مكانته مرموقة فى المجتمع قد يرى فى النقاب ظاهرة تخلف ورجعية ولا أنكر أننى قد عانيت الكثير ولكنى لم أتخذ هذه الخطوة الا عن دراسةمتأنية وقناعة وايمان بأن هذا من فرض الله علىّ ولكنى يوماً لم أنكر على الاخرين مظهرهم ولم أرى فى نفسى أننى وصلت الى قمة الايمان بهذا الالتزام بل كما قلتى إنها كانت بداية لحمل الامانة وتأدية الرسالة ودائماً أؤكد الجوهر وتهذيب النفس هما المظهر الاساسى .
وبعد رحلة شاقة اعتبرتها اختبار من الله على تحمل هذه الامانة وإن كنت قادرة أم لا بدأت الامور تأخذ مجراها مرة أخرى فمن يتقى الله يجعل له مخرجاً عدت الى عملى فى الجريدة وتابعت أعمالى وكتبت أهم تحقيقاتى وأنا منتقبة وتقبلنى الاخرون وكان لى لفيف من الاصدقاء لم أفقد مودتهم واحترامهم لأنى كنت بمثابة سفيرة لهذا الزى الظالم والمظلوم والذى اتخذ منه البعض ذريعة لتشويه صورته والضوابط الاخلاقية لا بد وأن تكون للمسلمة كظلها سواء بالنقاب أو بدونه والمشاركة فى الحياة هى من سنة الخالق فلا يكون الزى الزاماً بالبقاء فى الحرملك والانعزال التام عن الحياة والمجتمع فمن لم يتفبلنا فبالحسنى اجتنبناه لأن الخالق أبقى وأهم ومن تقبلنا فاليتعود منا صدق الحديث والاخلاق الحميدة فهم سفراؤنا الى الناس .. ومن تفهم الاسلام جيدا وترتدى النقاب وتلتزم بحدود الله وقتها ستعى معنى الحرية الحقيقة للمرأة وأعلمى بأننى حتى الان لم أفقد مودة الاخرين ولم أنسى يوما هويتى كمصرية .
والحوار لا ينتهى عند هذا الحد يا سول بل يستمر بأعمالنا وتأديةرسالتنا ووجبنا نحو الله والمحيطون بنا ووطننا الغالى .
مبروك يا دكتورة أعانك الله وثبت خطاك وأضاء عالمك
مع خالص تحياتى
انتي اجمل واحلي منتقبة شوفتها في حياتي
ولبسك حريه شخصية ليكي مش في حد له دخل فيها
انا فعلا بحبك اوي يااحلي منتقبه في العالم
ماشاء الله النقاب ده حاجه رائعه بجد !!
ومستغرب انك بتقولي ناس معترضه وناس معرفش ايه !!
ياحلاوتهم :)
ربنا يثبت حضرتك :)
بسم الله الرحمن الرحيم
السلام عليكم ورحمه الله وبركاته
رائع...
وعلي طريقتك في عرض أفكارك ... لي ملاحظه لابد من الألتفات اليها بجديه و ذلك في قول الله تعالي ...(ولا تخضعن بالقول فيطمعُ الذي في قلبه مرض و قلن قولاً معروفا )
أما بالنسبه للناس فلا يمكن ارضاء الناس كما قال... د/ياسر عمر
ْوعند اللغط وكثره الحديث و كل مَنْ هَب ودَبْ يُفتي... فالقاعده ...(أستفتي قلبك ولو أفتوك)
لكم كل التقدير والأحترام
ايه ده؟
اول مره اعرف انك منقبه
لالالالالالالالا
معقول؟
مفاجئه بمليون جنيه
(وش مزبهل)
يابنتى ده احنا صحاب ازاى مااعرفش عنك معلومه زى دى؟
(:
ربنا يقويكى ويثبتك يااااااااااارب
بسم الله الرحمن الرحيم
السلام عليكم ورحمه الله وبركاته
وسام جديد يفرض نفسه علي مدونتك وتدويناتك
رغم ما بها من أوسمه
في تقدم ورقي دائما
لكم كل الأحترام والتقدير
السلام عليكم و رحمة الله و بركاته
احم احم
من فرط الحماسه ف اول مشاركه لى نسيت او تناسيت امر هام و الحمد لله اشار الىه فرشكاوى و من قبله دكتور ياسر
اسأل الله لنا و لك الهدايه و التوفيق
طب تصدقي وتأمني بالله انا عنيا دمعت اول ماقريت البوست لاني ولله العظيم كنت حسا بقلبي حاجه زي دي بجد وقلت اسألك بس رجعت قلت لا يمكن تزعل فسكت اصلي الناس الي بجد بحبها اوي بحس بيها وانا متخيله شكلك بالنقاب اكيد سته وتسعين قمر
متسألنيش ليه ٩٦ هيا كده بقى لقيت ايدي بتكتبها لوحدها اقولا لا يعني
وضايقتني اوي جملة ال مش مدون خالص دي
لأنه من الطبقه السفلية الي مش فاهمة اسلامنا خالص
هقولك الي هتستغربي عليه بقى
انا كمان كنت منقبه لمده كام شهر كده بس قلعته ومقدرتش البسو تاني
رخامة بقى
بردو مش طمنتيني على ضد ماااشي الويل لكي يا فتاه
السلام عليكم..
همس الروح..عزيزتى..ان النقاب على الرغم من الجدل االشديد حولة بل امتد التطاول الى الحجاب ذاته الى ان وصلنا الى تلك القماشة الصغيره التى تغطى خصيلات الشعر لنجد القول وكفى بها نعمه !!
منتقبه.. اتشرف بذلك.. ولا تعارض بين حياتى ودينى ..فكل حياتى يحدها ايطار عام " الدين"
ولتعلمى لن يستطيع أحد جلب رضاء الكافه..
ولكن اعلمى من عمل بطاعة الله احبه الناس وإن ادعوا غير ذلك..ومن اللبس الشديد أن نرسم صوره فى أذهانا الى الملتزمين انهم دائما فى حاله من عبوس الوجه وتقطيب الحاجبين ولا يلفظون الا حرام !!
وفى الاخير نسال الله الثبات على الحق وأن يرنا الحق حقاً ويرزقنا اتباعه .. وأن يرنا الباطل باطلاً ويرزقنا اجتنابه..
دمتِ بخير دوماً..
ومن قال ان الاسلم دين انغلاق
انه دين الصواب
وفقط الصواب
جميل.. بل رائع ان ندرك حقيقته ونلتزم بتعاليمه
صدقينى كل ما يغاير فطرة الانسان لا يامر به الاسلام
بل هوو متوائم جدا مع طبيعة البشر واحتياجاتهم الا فيما يضرهم
هنيئا لك
تحياتى لك
معاكى حق طبعا دينا ده عظيم أووووووووووووى
بس للأسف إحنا الى بنسىء ليه
السعادة الحقيقية فعلا فى التزام دينا صح
ده لو حصل هنعيش حياتنا صح
ربنا يثبتك على الطاعة ويثبتك على النقاب ويحفظك
دمتِ فى سعادة
ماشاء الله عليكي بجد
ربنا يثبتك يارب ويهدينا جميعاً للطريق الصح
ربنا يحسن خواتيمنا يارب
ويعيننا علي الطاعات
تحياتي ليكي ياقمرر,,,
العرافة قالت ان كلامها خرافات
لان القدر كان واقف لها
وهى خايفة منه ،، خافت على انها تفقد قدرتها على التنجيم فى الوقت الا التنجيم فيه هو مصدر رزقها
وقوت اولادها وبعدين الكلام اللى قالته ماكنش تنجيم ده كان
احساس خارج منى وهى حسة بيه وكمان حكمتها فى حال الحب
اشكرك جدا
يا همس الروح
سوول الجميله
ما اخبارك
متهيأ لى كل التعليقات او معظمها على الاقل ما اتخضتش ولا حاجه وان كلهم فى تأييد كامل ليك
هيييييه
ما فيش صدمه ولاحاجه
بالعكس فيه ارتياح
المهم ليس المظهر ولكن المهم الجوهر
جوهرك طيب وثقتك بنفسك عاليه وثقافتك ايضا
قليلا ما اجد تعليقا يتوازى مع تعليقات
عمق فى الفهم
عمق فى تحليل المواضيع بمشرط جراح
تنفذين الى الموضوع ببساطه ولا تتركى فيه اى ثغره
هو ايه المطلوب غير الموضوعيه فى الانسان
اماالمظهر مالناش دعوه بيه
هو ملك لصاحبه
وتحياتى يا سول
سول
مش عيب اننا نتبنى مواقف و ايديلوجيات العيب في ان لا نحترم الاخر مهما كانت ايديولوجيته
سيدتي هناك بعض الاشخاص يحاولون تقييد الاسلام بالتزمت و حشا و كلا ان يكون ديننا الحنيف دين تزمت بل على العكس دين وسطية و اعتدال
بحييك على موقفك و اتمنى لك التوفيق في حياتك
مودتي
السلام عليكم
انها أختياراتك وقناعاتك
ونحن المدونين نتصفح عقول وليس وجوه وزى
وننتظر رؤيتك ورؤاكِ الأسلاميه بفارغ الصبر
-----------
سعدت بزيارتك لمدونتى
وأعطيكِ فرصه ثانيه
لفهم ما أفعل على أن تقرأى تدوينتى السابقه 10 أبريل أولاً
ويبقى التواصل
ودمتِ بخير
السلام عليكم
اختي الغاليه سوووووول
ربنا يكرمك ويثبتك يارب العباد ...
وليه مش نصدق حاجه زي كدا
تعرفي انا بحس من تعليقاتك انك شخصيه جميله وعارفه هي ماشيه ازاي وعايزه ايه
ومش بعيد عن شخصيتك ديه انك تحبي تكوني قريبه من الله اكتر واكتر
بس اللي عجبني فيك بجد انك عارفه تعيشي حياتك عادي وبكل سهوله وسط مجتمعنا دا اللي مش بيرحم وبيفضل يعقد ويضيق الحصار علي الملتزمين ...
ربنا يجزيك خير ويثبتك وينفع بك الاٍسلام والمسلمين
دمت بكل خير
ربنا يوفقك يارب فى حياتك واللى انتى شايفاه صح اعمليه
للأسف الفكرة اللى الناس وخداها عن المنقبات ده نتيجة لتصرفات مجموعة منهم اللى هى ابعد ما يكون عن الدين بس المشكلة ان الناس مبتميزش ومبتخصصش فالتعميم غلط طبعا
دايما موفقة
اههههاهههههههااهههههه
انا في حالة ضحك شبه هستيري وفي حالة اندهاش بس اندهاش ايجابي وليس سلبي وحاسس اني انخدعت او كنت مغفل مش عارف ليه بس هو ده اللى حاسس بيه وبرضه احساس ايجابي وليس سلبي
وعدم تركيز ومش هقول رأيي الان .. لكن سوف تعرفيه في وقت لاحق ان شاء الله
اههههههههه والله العظيم دى حكاية
تدوينه جدا رائعه غاليتي
وفعلا اللي يفهم الدين يصح
يجد متعه كبيره في الحياه
الله يثبتك على ما انتي فيه
ويهدي الجميع يا رب
تقبلي مروري :)
السلام عليكم ورحنة الله وبركاته
أولا أنا مبرقتش ولا فتحت بقي مترين ولا حاجه
ثانيا طبعا لك كل الإحترام والتقدير على ارتدائك النقاب واعتزازك بيه كمان
ثالثا
أنا مش عارف ليه الناس بتعترض على النقاب
إذا كان الإسلام أمر بكده إزاي أي حد ييجي يقول رأيه ويعترض ويتريق
وكمان في الزمن ده النقاب أنا شايف إنه لازم جدا جدا
كلنا عارفين شوارعنا بقت عامله إزي
ومع ذلك لا بيسيبوا المتبرجه في حالها ولا بيسيبوا المنقبه في حالها
ربنا يهدي الجميع
ولك تحياتي
سلام
ابنتي الدكتورة انت كما انت الذكية الفطنة واسعة الافق حاضرة البديهه ويسعدني تعليقك وتحليلك وانه يعوضني عن المقربين المتميزين الذين افتقدت نقدهم ومنهم القلم السكندري وفشكول والعزيز الغالي د.توكل مسعود والماكس بتاع زمان ورئيس التحرير وسمكة واحدة وتراكيب واحوال الهوي والمصري افندي ونائمة في الارياف و محاسن صابر وكيارا ونهار وروح الحب الصافي واخريين...................
ولك تحباتي والسلام ولا سلام مع اليهود
جزاكم الله خيرا واثابكم على اعمالكم خير الثواب.
نسأل الله ان يتقبل صالح الاعمال وان يحسن ختامنا جميعا.
طبعا الاسلام ده دين عظيم ولولا عظمتة ما تسيد رعاة الغنم الدنيا بأسرها.
لقد جعل الاسلام العبيد سادة ورعاة الغنم رؤساء وامراء وملوك ..
احييكى على البوست
سلامى
الأبنه العزيزة الدكتوره جميلة القلب سول
أولا مسأله نقاب من عدمه من حجاب من أي شئ آخر مسأله طبعا شخصيه
ثانيا لنا ما أمرنا الله به.. ومن زاد.. فهذا فضل.. إلا إذا كانت زياده في خطأ.. كمن يصلي المغرب 4 ركعات .. عشان يبقى أحسن من غيره...
وطبعا ماحدش ينفع ينتقص.. أي يصليها ركعتين
اعتمدت الإسرائيليات في عمليه التعتيم على الدين الإسلامي ومسحه.. اعتمدت على عامل الوقت.. أي نبدأ بشئ صغير ونزيد فيه من باب انه أكثر تقربا من الله.. ثم مع الوقت.. يتم ادخال بدعة في سياق الموضوع .. حتتى تتحول البدعه إلى أصل...
من أحد أهم الأحاديث النبويه الشريفه حديث... الحلال بين والحرام بين وبينهما أمور متشابهات .. فاجتنبوها...
قام سيدنا عمر بن الخطاب .. بوقف حد السرقة في عام المجاعة
إذا كنت تقولين أنك تلبسين النقاب وتقومين بكل أمور حياتك.. فهذا حق مكفول للجميع ونحترمه...
أما إذا كانت القضيه حول أهمية النقاب .. فهو كما قال فشكول الحكيم زياده فضل.. وأزيد.. قد لا يكون له ضروره في عالمنا الحالي.. حتى لا ينتشر الغش في الإمتحانات مثلا من تحت نقاب يلبسه بعض ضعاف النفوس...
وهناك أمثله أخرى كثيره لا يتسع المجال لها
أعلم أن ألف رأي ورأي ضدي...
ولكن
ولله العزة ولرسوله وللمؤمنين ولكن المنافقين لا يعلمون
بمعنى...
نريد عزة الإسلام
نريد إسلام قوي.. لا يقوم على شكليات.. ( مع إحترام الأساسيات) وفي ذات الوقت.. لا نشغل بال أمه بحالها في أمور شخصية
نريد إسلام
فيه العمل عباده
وتبسمك في وجه أخيك صدقه
وخيركم خيركم لأهله
والمؤمن القوي خير من المؤمن الضعيف وفي كل خير
وهكذا
أطلت عليكم
ولكن
نقابك يا دكتوره ..
هو فضل لك
وحجاب المهندسه أو غيرها هو أمر لها
وتلك التي تظهر شعرها.. ندعوا لها
أن يلهمها الله الصواب
..دون تدخل مننا أو (زن) مثلا...
المهم أنكن جميعا
تقمن باعملكن تجاه أسركم ومجتمعكم بما يرضي الله
ترفعن راية الإسلام دون تعصب
تعطين صوره طيبه عن هذا الدين السمح
دين الرحمه الذي بعث به نبي الرحمه
عليه الصلاة والسلام
______
ملحوظه
إنما كتبت هذا كله للجميع وليس لك يا دكتوره
جميع فتياتنا
عليكن بحب الله ورسوله
مع العمل بما أمرنا الله به
حفظكم الله
ازيك يا دكتوره
تحياتى
اخبارك ايه اليومين دول واخبار التكليف ما قلتيش لنا حاجه عن الموضوع
موضوع قوم لوط يا سوول هو تخيل لما يكون قد حدث ومحاولة فلسفته او تخيله او حتى توهمه .. طبعا انا لم اخرج عن الاطار العام لمعنى عذاب هؤلاء القوم
الاطار العام هو ان الله عذبهم عذابا شديدا ومحى اثرهم من الوجود
والباقى لكى ان تتخيلى ما قد يكون قد حدث واظن نوهت عن ذلك
اصل الموضوع ايييييييه ؟؟؟
شوفى يا ستى اقول لك الموضوع اييييه:
كنت قريب فى بعض المدونات لمثليين ومثليات ودا التسميه المودرن بتاعة اليومين دول
ولقيتهم بيعتروا دا حق من حقوقهم
طبعا تماشيا مع امركة المجتمع المصر
فحبيت اقول نصيحه بشكل غير مباشر وافكرهم بعذاب الله لمن كانوا على شاكلتهم فى التاريخ الانسانى
وقعدت اتخيل ولو قرأتى السلسله تجديها كلها كالاتى
هل يكون انبعاع الارض تحت قوم لوط بفعل الحراره
هل ... وهل ... وهل
وكلها كانت تساؤلات ولم تكن حتى معطيات لماحدث
والله غالب على امره
واذا اراد شيئا يكون بفعل الكينونه
وليس فى حاجه الى نظريات او غيره
كن ... وخلاص ... يكون باذن الله
وتحياتى يا دكتوره
ياختي عليكي وعلي جمالك
يا بنتي النقاب ده نعمة انا ببكي اني معملتهاش من زمان
بجد انا ببكي بالدموع اني منتقبتش من زمان
يا الهي علي جمال النقاب وجمال الايمان
النقاب ده والله اجمل حاجة ممكن البنت تلبسه
بصي انا شايفة ان موضوع انك تتكلمي عن نقابك وتقولي عنه ده مش رياء ولا فيه حرمانية
بالعكس بكلامك هتشجعي غيرك ليه
وهتحسسي الناس انك برغم تفتحك وشخصيتك فانتي منتقبة
انا ان شاء الله ناوية اكتب عنه كتير
والله اعلم بنيتي
ده حق النقاب علينا اننا نتكلم عنه
ذي ما غيرنا بيشتم علني في النقاب
ولا ايه
بقولك
انا عوزة ايميلك اتمني نكون اصدقاء
لاني بامانة ربنا ادركت يعني ايه الصحبة الصالحة
وانتي حد من ساعة ما علقتي عندي علي موضوع لبسي للنقاب
بجد
تعليقك رفعني السما
ولحد الان بستخدمه كرد علي ناس كتير بيكلموني
اتمني تضيفي الميل ده بتاع مدونة اقلع همومك هو ميل معروف
ضيفيني عليه
وهضيفك علي ميلي الخاص بعديه
اتمني نكون اصدقاء
بس النقاب مش حرية شخصية
النقاب فرض
وفي ناس بتقول سنة
وفي كلا الاحوال مينفعش يبقه حرية شخصية
لان المولى عز وجل قال
"وما كان لمؤمن ولا مؤمنة إذا قضى الله ورسوله أمراً ان يكون الخيرة من امرهم ومن يعص الله ورسوله فقد ضل ضلالاً مبينا"
مفيش حرية في العبادات
اللى يقوم بالعبادة يجازا عليها الخير
واللى يمتنع عنها الله محاسبه
طول عمرى بقول انك جميلة
مسمياكى سول الجميلة :)
انتى بجد جميييلة
عارفة يا سول.. حاولت كتير أقفلها مرة واحدة
ألبس الاسدال الطويل دا و أصلى كل السنن و أقرا جزء قرأن فى اليوم و ماسمعش حاجة فى التليفزيون غير القنوات الدينية
و بجد بجد كنت بتقهقر بسرعة ماتتخيليهاش و أرجع زى الأول
:)
ربنا يوفقك و يثبتك يا سول يارب
ما شاء الله
الله أكبر عليكى :)
بس فى نقطة استوقفتنى
ليه بتقولى عايزة تقللى من الهزار بتاعك؟.
ليه يا ترى؟
هو دا غلط؟
دانتى لسة قايلة ان ديننا جميل و انه مش كدا
احساس طفلة محبة للرومانسية بس واقعية
هلا بالجميل
و جزانا و اياك يا قمر
و ربنا يهدينا جميعا لحق و يرزقنا اتباعه
و يرينا الباطل و يرزقنا اجتنابه
و منورة يا جميل
و معلش على التأخير
دمتى بكل ود
مصعب صلاح
حقيقى أنا اللى فخورة بيك
و إن لسه فى شباب صاعد بفكرك كدا
ربنا يثبتنا جميعا و يرزقنا الاسلام الحق
نورتنى حقيقى
و دمت بود
اسماء واحلام فى وجدانى
أولا أنا بأعتذر لك عن التأخير
و بأشكرك جدا حقيقى على كلماتك الجميلة
أما بخصوص الموضوع فهو ليس تكرم منى
بل هو حق على
و أتمنى أن أجيد ايصاله لكم كما وصلنى
و دمت بود
smilyrose
و عليكم السلام و رحمة الله و بركاته
هلا هلا بوردتى الجميلة اللى وحشانى و مطلعة عنيا
:)
انتى اللى وحشانى اكتر
ولو فعلا وحشتك كنتى تردى عليا
بس ياللا
مسيرى أقفشك فى يوم
ربنا ما يحرمنى منك أبدا يا جميل
و يديم الاخوة و المودة بينا على طول
دمتى بكل الود يا قمرى
ايوشة
أنتى الاجمل يا أيوووش
بس إزاى ماتعرفيش ؟؟؟
دا كلام؟؟
لالالا .. هأبلغ السلطات البلوجرية عنى
هههههههه
ربنا يكرمك يارب يا أيوش
و الله شكلك واخدة مقلب فيا
بس ياللا مش مشكلة
فعلا يا أيوش
لما الواحد بيعرف و يتعلم
بيلاقى ان الحدود اللى بيتحرك فيها واسعة
انما بغير علم
بيحس حياته ضيقة و كئيبة
ربنا يعلمنا جميعا يارب
دمتى بكل الود يا جميل
أحمد عمر
و عليكم السلام و رحمة الله و بركاته
ما شاء الله تبارك الله
ربنا يكرم والدتك و اخواتك و خالاتك يارب
و ان شاء الله تكون زوجتك كدا
بس بلاش موضوع زوجاتك دا
هههههههه
بيجيب لى حساسية
فعلا والله الزى الشرعى دا ..مصدر فخر والله
بس للى فعلا يعرف معناه
ربنا يثبتنا جميعا يارب
و بجد متشكرة جدا على الروابط
ربنا يكرمك يارب
دمت بود
kafrawy
د.كفراوى
ربنا يثبتنا جميعا على الحق
و متشكرة جدا لمرورك الكريم
دمت بود
اسماء واحلام فى وجدانى
لا شكر على واجب
ربنا يفرج كرب كل مكروب يارب
و شكرا على تواجدك هنا مرة تانية
:)
دمت بود
【شُمـ°•. الإسلامـ.•° ـوخـ】
شموخ حبيبة قلبى
والله احرجيتينى يا شيمو
أنتى الاجمل و الاحلى يا قمر
و ربنا يعلم مكانتك عندى
ربنا يديم الاخوة و المودة بينا يارب
و منتظرة قصتك على أحر من الجمر
ربنا يثبتنا جميعا ياجميل يا رب
و دمتى دائما طيبة و بكل خير و ود
mosooz
"فى ناس فعلا بتشوف ان الالتزام تكشير فى الوجة ...وغلظة فى الكلام ..وبالذات اللى بيكونوا لسة ملتزمين."
صح
و دا لأنهم مع الاسف -و مع كامل الاحترام لهم- بيكونوا داخلين بعواطفهم
و مش لسه اتعلموا اسلام صح
انما واحدة بواحدة لما بيتعلموا
بيعرفوا ان دا كان غلط
ربنا يرزقنا جميعا الاسلام كما أراده لنا
و متشكرة بجد على تعليقك الجميل
و دمت بود
صوت من مصر
فعلا ..كل واحد عنده قناعة معينة و وجهة نظر
لكن لازم نعرف الصح الاول عشان وجهة النظر دى تكون على قواعد حقيقية
و المشكلة فى الصورة اللى اترسمت عندنا من زمان عن المنتقبات
متشكرة جدا على مرورك الجميل
و بانتظارك دائما
دمت بود
د. ياسر عمر عبد الفتاح
احم احم
ايوا ايوا طبعا يا دوك
منتقبة
منقبة ايه بس
دا احنا كدا اتبهدلنا خالص
هههههههه
فعلا بجد ربنا يثبتنا جميعا
و يهدينا إليه صراطا مستقيما
و فعلا ان تتبع أكثر من فى الارض يضلوك عن سبيل الله
و مش هنقدر نرضى كل الناس
اهم شئ فعلا هو رضى ربنا
ربنا يرضى عنا جميعا يارب
نورتنى بتعليقك المميز
و دمت بود
dr aly khamis
و عليكم السلام و رحمة الله و بركاته
"أنا بصراحة مش عارف الأخوة اللى سبقوا بالتعليق جايين من بعد الفجر و لا بايتين هنا من امبارح "
هههههههه
لالالا .. انت بس اللى تقريبا كانت المواصلات زحمة عندك شوية
"نفسى أردلك أول تعليق ليك عندى و أكون أول تعليق "
يا دوك أهم شئ فعلا هو تواجدكم
و تفاعلكم مع الموضوع
و بعدين انت بس أخلص النية هتلاقى الموضوع اتيسر على طول
هههههههههه
".مش حسد طبعا!!!!!
قر ..."
استر يا ستييييير
طب استنى اما اروح اقرأ الاخلاص و المعوذتين و آجى
"لسه مقرتش هروح أقرأ و أرجع أعلق"
كل دا ولسه؟؟!!
طب ياللا مستنية تعليقك
دمت بود
كيكى
"ممممممممممممم"
ايه انتى غيرتى
مش كانت
عوووووووووووو
هههههههههه
بس طبيعى يا كيكى انك مش تتفاجئى
أنت بتفاجئى الناس بس
هههههه
بس فعلا كلامك صح
فى ناس كويسة و فى ناس ربنا يهدينا و يهديهم
بس دا يا جميل لان الانسان بطبعه مش معصوم
ربنا يغفر لنا جميعا يارب
بس ايه دا ؟؟؟
كنت فاكرانى مذكر؟؟؟
يا فضيحتى وسط بلوجر
ليه كدا يا كيكى ؟؟
دا أنا طيبة والله
بس الحمد لله انك اتخضيتى
مرة من نفسى يا شيخة
هههههههههه
دمتى بكل ود يا جميلة
dr aly khamis
و عليكم السلام و رحمة الله و بركاته
أهلا بيك مرة تانية يا دوك
و جزانا و اياكم
أيوا يا دوك
فعلا
رفض النقاب فى حد ذاته مش حرية شخصية
لأنه من الدين
و ربنا يهدينا جميعا لقبول الحق
بس انا زعلانة منك
"كنت مش عارف أقولك كده ازاى ..."
عشان حق المسلم على المسلم نصحه
بس معلش هأعديها المرة دى
انما بعد كدا المفروض اى شئ شايف انه غلط تقولى
و جزاكم الله كل خير
"فعلا ديننا جميل ليس فيه عقد و لا عزلة دائمة و لا انغلاق مطلق .. ديننا جميل نفخر به و نعيش به وسط الناس بكل تسامح و عزة ..."
فعلا والله
أسأل الله العظيم رب العرش العظيم أن يثبتك و يعزك و يمتعك بحياتك و يرزقك الفردوس الأعلى فى الأخرة"
اللهم آمين
جميعا يارب
حقيقى سعيد بتعليقك
و بانتظارك دائما
دمت بود
adel
"انت حر مالم تضر "
صح
بس كمان ماتضرش نفسك
بس يا عادل
كل ناس و كل فئة فيها الحلو و الوحش
دا شئ اتعلمته
اهم شئ فى الانسان فعلا هو تعامله
مش شكله و مظهره
و دى نقطة لازم كلنا ناخد بالنا منها
لأن احيانا بتغرنا المظاهر
"قصدي انك مش عشان منقبة تبقي مغيبة و متعصبة و هتفجري نفسك في البيت بيتك
الكلام ده في الافلام العربي و الحوادث المصرية بس
اصل بيبقي يامختل يا منقبة
خلي بالك بقي"
تصدقققققققق
طب كويس انك قلتى لى
هبئا آخد بالى بعد كدا
ماعدتش هأسيبه فى بيتنا
هههههههههه
"بس المهم انك تكوني متاكدة من الصح
مش مجرد اقتناع وقتي"
فعلا . ربنا يثبتنا جميعا يارب
متشكرة بجد على التعليق الجميل
دمت بود كامل الدسم
Sweet Violet
يا هلا يا هلا
ضد ظهرت على الشاشة
ايه المفاجئات السعيدة دى؟؟
"انا الحمدلله من فئة المحايدين"
طيب يا ستى ..ربنا يجعلنا جميعا من المحايدين
فعلا يا ضد .. النقاب كان فترة موضة
و لسه لحد الوقتى بتطلع فيه تقاليع غرييييييييبة
ربنا يعافينا يارب
و زى ما قلتى فى الحلو و فى الوحش
انما الشخص الوحش لا يعبر عن سوء الشئ اللى بيعبر عنه
انما بيعبر عن جهالة الشخص دا
و انه غير اهل ليه
"ربنا يثبتك ياجميلة و يكرمك
و اياك يارب يا قمر
بوسه بقى كبيرة ليك و حضن
لحد مااشوفك
يااااااااارب يكتب لنا لقاء عن قريب يارب
دمتى بكل الود و الحب و يا جميلة
فشكووول
عمو فشكووووووووول
بت يا دكتوره انت يا بت*
نعم ..
انتى بتبررى ايه وعايزه تقنعينا بايه*
و لا اى حاجة خالص خالص
دا انا حتى قاعدة ساكتة و مؤدبة اهو
انت منقبه ؟*
اه الحمد لله
طب ايه المشكله*
و لا اى مشكلة خالص
هو النقاب عيب ولا حرام*
و لا عيب و لا حرام
دا النقاب بيحافظ على الجواهر المكنونه
واللى مش عاجبه يخبط راسه فى الحيط*
صح صح
يا رئيس جمهورية فشكولستان
اللى أنا رئيسة وزرائها و ولية عهدها
هههههههههههه
الحجاب فضل من عند الله
والنقاب زياده فى الفضل*
احم احم
الحجاب طبعا فضل من ربنا
لكنه فرض فى شريعته
و النقاب على أقوال العلماء
هو درجة من الحجاب
و أنا مش بحب المسميات
كلنا محجبات
و لله الحمد و المنة
ربنا اللى بيجزى من عنده
والعبد دا ظز فيه
المهم انك تكونى مقتنعه باللى تعمليه*
فعلا يا عمو فشكول
ربنا يثبتنا يارب
على فكره انا ما كانتش مفاجأه ولا حاجه
لانى قرأتك وعرفت روحك الحلوه الطاهره من زمان
وكمان عرفت الجمال الداخلى فيكى
وعرفت من كتاباتك ودمك الخفيف بدون زياده
وكانت صورتك امامى دائما بالنقاب*
ايييييييييه دا؟؟؟
طب خدت صورتى منين
مش تقولى؟؟؟
ههههههههههه
ربنا يكرمك يارب يا عمى العزيز
والله انا حقيقى فعلا سعيدة و فخورة بمعرفة حضرتك
كل واحد حر
اللى يلبس الحجاب ... فضل
واللى يلبس النقاب ... زياده فى الفضل*
طب ممكن أقول أنا
الحجاب فرض
و النقاب .. زيادة فى الفضل ( عند بعض العلماء)
تحياتى يا بت يا دكتوره وبرضه يا حلوه*
تحياتى يا رئيس جمهورية فشكولستان
و اللى انا بردوا رئيسة وزرائها وولية العهد فيها
ههههههههههه
حسام غانم
أنا مؤيد*
يا مسهل يارب
كدا كام كام؟؟
ههههه
منور يا دوك
صمت الحنين
و فيكم بارك الله و جزانا و إياكم كل خير
و ثبتنا الله و اياكم على الحق
فعلا يا صمت
النقاب نعمة مش بتحس بيها
إلا اللى فعلا لبسته
ربنا يثبتنا و يتقبل منا يارب
دمتى بكل الود يا قمر
ن
و عليكم السلام و رحمة الله و بركاته
هلا هلا بأستاذتى الغالية
ربنا يكرمك يارب يا استاذتى
والله كله فضل و كرم من ربنا
ان شاء الله هأقرأ المساجلة كلها
و أعلق عليها
...........
بس بجد ما شاء الله على حضرتك
ربنا يثبتك و يثبتنا جميعا يارب
هو فعلا كل شئ فى بدايته بيكون صعب
و اختبار من ربنا
هل هنثبت
و لا كان مجرد كلام بس
"لكنى لم أتخذ هذه الخطوة الا عن دراسةمتأنية وقناعة وايمان بأن هذا من فرض الله علىّ ولكنى يوماً لم أنكر على الاخرين مظهرهم ولم أرى فى نفسى أننى وصلت الى قمة الايمان بهذا الالتزام بل كما قلتى إنها كانت بداية لحمل الامانة وتأدية الرسالة ودائماً أؤكد الجوهر وتهذيب النفس هما المظهر الاساسى ."
صح كلامك يا استاذتى
ربنا ينقى سرائرنا يارب
و يرزقنا قلوبنا طاهرة
و نفوسا زكية
بجد بجد مش قادرة أوصف لحضرتك مدى سعادتى بكلامك دا
و نفسى بجد أسمع قصة حضرتك مع النقاب
و أنا كمان بإذن الله هانشر قصتى لحد ما وصلت كدا على المدونة
لعلها تكون صدقة جارية فى ميزان حسناتى
و يارب تكون خالصة لوجهه و أن يتقبلها منى
دمتى طيبة
و بكل خير و سعادة و توفيق
خالص ودى
كيــــــــــــارا
كيتى
أنتى الاحلى يا جميلة
و ربنا يعلم أنا كمان باحبك اد ايه
لان نفسك جميلة اوى يا كيتى بجد
ربنا يبارك لك يا قمر
و يديم الاخوة و المودة ما بينا
و يارب يكتب لنا لقاء قريب ان شاء الله
دمتى بكل الود يا جميل
عمك ياض
أهلا و سهلا بحضرتك
و حقيقى نورت المدونة
و أتمنى دوام التواصل ان شاء الله
فعلا النقاب شئ رائع جدا
بس للى يعرف قيمته
و يحترمه
ربنا يثبتنا جميعا على الحق يارب
دمت بود
فركشاوي ..ناوي
و عليكم السلام و رحمة الله و بركاته
استاذى العزيز
ربنا يبارك فى حضرتك يارب
و ان شاءالله مانقعش فى الخضوع بالقول
و ربنا يتجاوز عما سلف
ياااااااارب
حقيقى بيسعدنى مرور حضرتك
دمت بود
عاشقه الرومانسيه
دودوووووووووو
لالالالا
يا شيخة؟؟؟
انتى كمان
لالالا
كدا شكلى هآخد عقوبة مضاعفة
مفاجئه بمليون جنيه*
طب ايدك عليهم
مش هاقول لا
هههههه
يابنتى ده احنا صحاب ازاى مااعرفش عنك معلومه زى دى؟*
و لا أنا اعرف بردوا والله
يا بنتى راجعى نفسك
اكيد بس نسيتى!!
لا حول و لا قوة إلا بالله
:)
ربنا يقويكى ويثبتك يااااااااااارب*
اللهم آمين
و إياك يا جميل يارب
دمتى بكل الود يا قمر
رئيس التحرير
و عليكم السلام و رحمة الله و بركاته
اهلا بحضرتك
بجد سعيدة بتواجدك
و متشكرة خالص على كلامك الجميل
حضرتك احرجتنى بجد
ربنا يوفقنا جميعا يارب
و يحعله خالص لوجهه
دمت بود
أحمد عمر
و عليكم السلام و رحمة الله و بركاته
"من فرط الحماسه ف اول مشاركه لى نسيت او تناسيت امر هام و الحمد لله اشار الىه فرشكاوى و من قبله دكتور ياسر"
و لا يهمك
ربنا يكرمك يارب
و يجزيك كل خير
"اسأل الله لنا و لك الهدايه و التوفيق"
اللهم آمين يارب
دمت بود
marmar
هلا هلا بالجميل
"طب تصدقي وتأمني بالله انا عنيا دمعت اول ماقريت البوست لاني ولله العظيم كنت حسا بقلبي حاجه زي دي "
ربنا يبارك فيكى يا رب يا أجمل ريم
عشان انتى انسانة صافية من جوا
:)
"وقلت اسألك بس رجعت قلت لا يمكن تزعل فسكت "
لا ابدا يا جميل
انتى أى حاجة عاوزة تسألى فيها
اسألى على طول
:)
"اصلي الناس الي بجد بحبها اوي بحس بيها وانا متخيله شكلك بالنقاب اكيد سته وتسعين قمر "
ربنا يكرمك يارب يا قمر انتى
و انتى بئا تمام المية
هههههههههه
"ضايقتني اوي جملة ال مش مدون خالص دي"
معلش يا مرمر
اصل فعلا هو بيكون على حسب ماعرف من الدين
ربنا يعلمنا جميعا يارب
و بالنسبة للنقاب
أهم شئ يا مرمر
ان تكون جوانا القناعة
لأن لو مش مقتنعة
كلمة بتوديكى و كلمة بتجيبك
ربنا يثبتنا جميعا يارب
و خلاص اطمنتى على ضد و لا لسه؟؟
(( الخوف حلو بردوا
دمتى بكل الود يا جميل
Nour
و عليكم السلام و رحمة الله و بركاته
هلا بالجميل
"منتقبه.. اتشرف بذلك.. ولا تعارض بين حياتى ودينى ..فكل حياتى يحدها ايطار عام " الدين""
صح جدا كلامك يا نور
ربنا يبارك فيكى يارب
"ولتعلمى لن يستطيع أحد جلب رضاء الكافه..
ولكن اعلمى من عمل بطاعة الله احبه الناس وإن ادعوا غير ذلك."
صح يا نور والله
ما شاء الله عليكى
"ومن اللبس الشديد أن نرسم صوره فى أذهانا الى الملتزمين انهم دائما فى حاله من عبوس الوجه وتقطيب الحاجبين ولا يلفظون الا حرام !!"
مظبوووط
لكن يا نور زى ما بيقولوا الزن على الودان ايه؟؟؟
فلما الاعلام يرسم الصورة دى
و الناس تتكلم بالصورة دى
غصب عن اى واحد لازم ياخد الانطباع دا
ربنا يرزقنا جميعا الحق
و يرضينا بيه
"نسال الله الثبات على الحق وأن يرنا الحق حقاً ويرزقنا اتباعه .. وأن يرنا الباطل باطلاً ويرزقنا اجتنابه.."
اللهم آمين يارب يا جميل
و دايما منورانى بنورك الجميل دا
خالص ودى و حبى يا جميل
رؤية
هلا بيك يا جميل
مظبوط
الاسلام هو دين الفطرة
و لم يأمر الاسلام بشئ ضد الفطرة ابداااااا
و ان احد قال بذلك فقد افترى عليه ظلما و بهتانا
ربنا يرزقنا جميعا الاسلام كما اراده لنا
و بجد منورانى
دمتى بكل ود
mohamed ghalia
فعلا يا محمد
ديننا دا أعظم دين
بس للى يعرفه و يفهمه
و فعلا بتلاقيه عايش فى سعادة حقيقية
ربنا يثبتنا جميعا يارب
دمت بود
قلب ارهقته الاحلام
اهلا بيكى
و نورتى المدونة
و يارب تنورينى كدا دايما على طول
و ربنا يثبتنا جميعا و يحسن خواتمنا
و يعيننا على الطاعة
و يقبل منا
دمتى بكل ود
اسماء واحلام فى وجدانى
العرافة قالت ان كلامها خرافات
لان القدر كان واقف لها
وهى خايفة منه ،،*
و يمكن لأنها عارفة انها مش صادقة
فحبت فى لحظة تتكلم صدق
وبعدين الكلام اللى قالته ماكنش تنجيم ده كان
احساس خارج منى وهى حسة بيه وكمان حكمتها فى حال الحب*
:)
كان واضح تماما فى كلماتك
انها تتحدث بلسان حالك
حقيقى ربنا يوفقك
و يكتب لك الخير دائما
دمت بود
فشكووول
عمو العزيز / فشكول
ما اخبارك*
الحمد لله تمام
يارب تكون انت كمان بحير
متهيأ لى كل التعليقات او معظمها على الاقل ما اتخضتش ولا حاجه وان كلهم فى تأييد كامل ليك*
الحمد لله رب العالمين
دا كرم و نعمة من ربنا
المهم ليس المظهر ولكن المهم الجوهر*
فعلا يا عمو فشكول
ربنا يرزقنا جميعا حلاوة الجوهر
بس حضرتك أحرجتنى خالص خالص
اللهم لا تؤاخذنى بما يقولون
و اغفر لى مالا يعلمون
و اجعلنى خيرا مما يظنون
و تحياتى يا عمى العزيز
assafo anaroze
أهلا بيك أسافو
"مش عيب اننا نتبنى مواقف و ايديلوجيات العيب في ان لا نحترم الاخر مهما كانت ايديولوجيته"
صحيح .. احترام الاخرين
و معتقداتهم شئ حث عليه الاسلام
و لم ينكره اطلاقا او يهمشه
"ناك بعض الاشخاص يحاولون تقييد الاسلام بالتزمت و حشا و كلا ان يكون ديننا الحنيف دين تزمت بل على العكس دين وسطية و اعتدال "
دا صحيح جدا
ربنا يرزقنا جميعا الوسطية
و يثبتنا على الحق
تحياتى لك
و بالتوفيق دائما
واحد من العمال
و عليكم السلام و رحمة الله و بركاته
أهلا بحضرتك
و سعيدة بتواجدك
و إن شاء الله البوستات هتنزل تباعا
الله المستعان
و متشكرة خالص على الفرصة التانية
:)
و ان شاء الله هآجى أقرأ البوست اللى فات و دا
و ارد عليهم
دمت بود
ghorBty
و عليكم السلام و رحمة الله و بركاته
هلا بغربتى الجميلة
ربنا يكرمك يارب يا جميل انتى كمان
و يثبتنا جميعا على الحق
بصى يا غربتىالمشكلة فى عدم العلم
مشكلة الكتير مننا انه ماشى ورا اى كلام بيتقال
انما لما نتعلم و نعرف
بنلاقى الدنيا واسعة ادامنا
لاننا بنعرف الحدود اللى ممكن نتحرك فيها
و بالتالى ازاى نستغلها
ربنا يعلمنا جميعا يا قمر
و يثبتنا
دمتى بكل الود و الحب
arsenalwy
اهلا بيك
فعلا السيئة بتعم و الحسنة بتخص
بس اهم شئ الواحد يعمل اللى عليه
عشان هو هيتحاسب عن نفسه
ربنا يهدينا جميعا
و يثبتنا
دمت بود
فارس عبدالفتاح
حقيقى انا باضحك من ضحكك
"حاسس اني انخدعت او كنت مغفل مش عارف ليه بس هو ده اللى حاسس بيه وبرضه احساس ايجابي وليس سلبي "
ههههههه
يا سبحان الله
"اههههههههه والله العظيم دى حكاية"
فعلا
واضح كدا
:)
دمت بود
اقصوصه
اقصوصة الجميلة
هلا بيكى و منورة
فعلا يا جميل ديننا دين جميل جدا
و راقى جدا
و اللى يعرفه صح
يحس اد ايه الحياة جميلة
بجد نورتينى
و دمتى دائما طيبة
و بكل خير
واحد من الناس
و عليكم السلام و رحمة الله و بركاته
"أولا أنا مبرقتش ولا فتحت بقي مترين ولا حاجه "
طيب الحمد لله
"ثانيا طبعا لك كل الإحترام والتقدير على ارتدائك النقاب واعتزازك بيه كمان
"
الحمد لله
دا فضل و نعمة من ربنا
"ثالثا
أنا مش عارف ليه الناس بتعترض على النقاب
إذا كان الإسلام أمر بكده إزاي أي حد ييجي يقول رأيه ويعترض ويتريق"
هو رغم اختلاف العلماء فيه
لكن فعلا ماحدش أنكره
لكن اللى ينكروه و بيتريقوا عليه دول
بتلاقيهم فعلا مش عندهم علم
"وكمان في الزمن ده النقاب أنا شايف إنه لازم جدا جدا
كلنا عارفين شوارعنا بقت عامله إزي
ومع ذلك لا بيسيبوا المتبرجه في حالها ولا بيسيبوا المنقبه في حالها"
فعلا
سبحان الله
ربنا يهدي الجميع"
اللهم آمين يارب
متشكرة جدا على مرورك الجميل
دمت بود
Beram ElMasry
أستاذى العزيز/
حمدلله ع السلامة
و نورت المدونة و الدنيا كلها
و ان شاء الله مش تفقد حد منهم
حضرتك عارف الدنيا بتلهى كل واحد
بس ان شاء الله يظل الود بيننا كما هو
دمت بكل الود
مسدس صغير
أهلا بيك
و نورتنى
و جزانا الله و اياكم كل خير
و ربنا يجعل اعمالنا خالصة لوجهه و يتقبلها منا يارب
بالفعل الاسلام دين عظيم جدا
و اللى يفهمه صح
فعلا يسود بيه الدنيا
.........
سعيدة بتواجدك
و يارب تنورنى دايما
دمت بود
من غير عنـــوان
أستاذى العزيز/
أولا بجد بأشكر لحضرتك تعليقك الرائع
و يارب دايما كدا تنورنى بتعليقاتك الجميلة
"مسأله نقاب من عدمه من حجاب من أي شئ آخر مسأله طبعا شخصيه"
نعم .. القناعات مسألة شخصية
"ثانيا لنا ما أمرنا الله به.. ومن زاد.. فهذا فضل.. إلا إذا كانت زياده في خطأ."
صحيح
"أما إذا كانت القضيه حول أهمية النقاب .. فهو كما قال فشكول الحكيم زياده فضل.. وأزيد.. قد لا يكون له ضروره في عالمنا الحالي.. حتى لا ينتشر الغش في الإمتحانات مثلا من تحت نقاب يلبسه بعض ضعاف النفوس..."
أستاذى العزيز
لم أنشر البوست بقصد النقاب فى حد ذاته
الامر يا استاذى يتوقف على القناعات و مدى ارتباطك بالله
أما ان كنا سنتوقف عن فضائل الاعمال-عند البعض-لأن البعض الاخر أساء لها
فهذا غير منطقى
فالواعز أولا و أخيرا هو ضمير الانسان
فإن لم يكن يستشعر رقابة الله
فمهما كانت هيئته فلن يوقفه شئ
"نريد إسلام
فيه العمل عباده
وتبسمك في وجه أخيك صدقه
وخيركم خيركم لأهله
والمؤمن القوي خير من المؤمن الضعيف وفي كل خير"
دا حقيقى و مطلوب جدا
لأن تدرجك فى عبادة من العبادات
هى صلة بينك و بين الله
أما مع الناس
فالتعاملات هى اساس الحكم عليك
ربنا يرزقنا جميعا الاسلام كما اراده لنا
فعلا بجد هتكون الحياة غير كدا خالص
بجد حقيقى سعيدة جدا جدا بتعليق حضرتك
ربنا يكرمك يارب
و يعلمنا
و يثبتنا
دمت بود
فشكووول
هلا يا عمو فشكول
الحمد لله بخير والله
و بالنسبة للتكليف لسه مفيش أخبار :(
الناس دول على فكرة نايمين فى الخط خالص
و مش عاوزين يريحونا
مش تتصرف معاهم يا حضرة الرئيس؟؟
بجد ربنا يكرمك يا عمو
و يجعل البوستات دى فى ميزان حسناتك
هو كله اجتهاد
و المقصد منه هو الحق
فربنا ان شاء الله يؤجر حضرتك
بالنسبة لتعليقى
طبعا مش معناه انى واخدة الامور كدا كأنها يقين
لكن هى محاولة ايضا لوضع تصور صحيح
ربنا يهدينا جميعا
و يردنا اليه ردا جميلا
و منتظرة البوست الجديد
دمت بود
maha zein
يا هلا بموها الجميلة
أولا مبروك عليكى النقاب يا جميلة
و ربنا يثبتنا جميعا على الحق يارب
فعلا يا مها النقاب نعمة
مش بتحس بيها اللى فعلا ربنا من عليها بيه
و أكيد إن شاء الله هأتكلم عنه
الله المستعان
و منتظرة بوستاتك انت كمان عنه
أنا ضيفت ميلك اهو
يا مسهل يارب
:)
و حقيقى فعلا الصحبة الصالحة نعمة كبيرة
ربنا يجعل صحبتنا فيه
و يديمها يارب
بالنسبة للنقاب يا مها
فعلا ..
شرعا هو فرض أو فضل
على اختلاف اقوال العلماء
لكن المقصود انك كانسانة الوقتى ناضجة و بالغة
المفروض انك تلبسيه
طب مالبستهوش؟؟
خلاص حريتك
بس هتتحاسبى
ماحدش يقدر يجبر انسان على شئ
المشكلة يا مها فى وجهة نظرى هى مسألة يقين
و علاقة بربنا
فيارب فعلا يرزقنا اليقين
و يردنا اليه ردا جميلا
دمتى بكل الود يا جميلة
dr_samarmar
سمورة العسولة
ربنا يكرمك يارب
انتى الاجمل يا سمر والله
بصى يا سمورة
فى حاجة اسمها التدرج
و ربنا لما انزل القرآن على سيدنا محمد
لم ينزله دفعة واحدة
ليييييييييه؟؟
لأن الناس لها فطرة و طبيعة
مش آلة
تبرمجيها و فى ثانية تمسحى كل حاجة و تبرمجيها من جديد
لا .. بالعكس
و هى دا أجمل مافى الاسلام
انه ماشى مع فطرتك
ابدئى واحدة واحدة
و استعينى بالله
و لما تبدئى بشئ بسيط و تثبتى عليه
ابدئى فى شئ جديد
و صدقينى هتفرحى لما تتنقلى من خطوة لخطوة
اكتر من انك تفرحى بتغيير كامل
ثم ترجعى تانى زى الاول بل يمكن اكتر
..........
بالنسبة للهزار بئا يا سمورة
فالحكاية مش كدا
احنا بنتكلم عادى
و بنضحك
انما نحاسب عشان مانوصلش لدرجة " الخضوع بالقول"
ربنا يثبتنا جميعا ياقمر
و يهدينا للحق
و دمتى بكل الود و الحب يا جميلة
Post a Comment