ياللا حالا بالا بالا .... هنوا أبو الفصاد

كيفكم يا شباب ؟؟؟ أخباركم ايه؟؟؟

يااااااااه ..عدت سنة ، بسرعة كدا !!!

مش يادوب كنا لسه امبارح بنحتفل بيوم ميلادى اللى عدى ؟؟؟

يقوم جرى جرى كدا ييجى بسرعة؟؟؟

ياللا مش مشكلة :)

كل عام و أنا إلى الله اقرب ... و على طاعته أدوم

و كل عام و أنا دايما معاكوا .. و على حب الله متجمعين

مممممممممم

شايفة الناس بتقول و بعد المقدمة دى يعنى ؟؟ مش ناوية تأكلينا بئا و تشربينا و لا ايه ؟؟

ههههههههههههههه

حاضر حاضر ... يا ساتر استر يارب

ياللا وسعوا طرييييييييييييق

عن اذنك يا أبلة

شوية كدا يا أستاذ ، شيلى الواد يا مدام

ياللا ياللا ... اتفضلووووووووووووووووا

بس كفاية كفاية ... خلوا مكان للتورتة و العصير

ياللا اتفضلوا

و دول طبعا لهواة الشيكولاتة

ياربى على الطفاسة

ههههههههههههههههه

و العصاير بئا

و طبعا عشان مانزعلش من بعض ، فى عزومة خصوصى

اه ... بأقول اهو ،

نبدأ الأول بأختى العسولة اللى حلفت لازم تهديلى الاول تورتة

ماشى يا ستى ... متشكرين خالص ، ربنا ما يحرمنى منك

و أبعتلها أنا بئا تورتة

و نيجى بئا لعزومة أحلى أخ فى الدنيا – ربنا يرجعك ليا بالسلامة يااااااااااارب-

خد يا بودى – ماحدش يبص بأقول اهو ...

و طبعا دى لحرمه المصون ...

و دول لشذى ... خدى شُذّه –حبيبة عمتو انتى –

شايفين البنية قاعدة و مستعدية إزاى ؟؟؟؟

<<هى الناس دى هتفضل سايبانى أتفرج على الشوكة كتير؟؟؟

مجرمة البنت دى .... ههههههههههههههه

بجد مامتها بتشد شعرها منها ، آخر صيحة بئت بتفتح درج المكتب و تستخبى فيه

هههههههههههه ... و مامتها تفضل وراها يا شذى يا شذى ... و البنت قاطعة نفس

و بعد ما تطلع عينها يا عينى تلاقيها مستخبية ...

دا مرة كنا قاعدين مع بعض و شذى بتلعب على الارض جنبنا ، قمنا نعمل حاجة و مامتها رجعت مالقتهاش

قعدنا ندور ، و مامتها بئت هتتجنن ، أنا لسه سايباها هنا

و بعدين بالصدفة بأرفع غطا الكنبة لقيت البنت بكل برااااااااااءة مستخبية تحتها ... ياربىىىىىىىىىىىى

بجد فطسنا على نفسنا من الضحك ....

ياللا ربنا يسهل و يبعتولى صورها عشان أعملكوا مغامرة جديدة لها ...

*****

بجد أنا سعيدة جدا و مبسوطة بوجودى وسطيكوا

بأشكر كل اللى شخبط على الوول عندى

د.محمد الجوهرى : "كل سنة وانتي طيبه يا سول
عيد ميلاد سعيد
عقبال 1234 سنة"

و أنت طيب يا دوك ... و نردهالك يوم ميلادك ان شاء الله

سالى (حروف ) :" كل سنة وانتي طيبة وعيد ميلاد سعيد وهابي بيرث داي تو يووو"

و أنتى طيبة يا قمر ، و عقبال يوم ميلادك و انتى سعيدة و مبسوطة

أحمد (رومنسى ):" كل سنه وانتى طيبه يا سوووووووووووووووووووول
انتى كده محتاجه صيدليه هديه
علشان تلاقى مكان للعيديه بقى
يارب دايما تحققى احلامك يارب"

هههههههههههه ... و أنت طيب يا أحمد

متشكرة خالص ، و مستنية الصيدلية ;)

تدبييييييييييييييسة

منى ( كيارا) :" كووووووووووووول سنة وانتي طيبه ياقمرايا"

و أنتى طيبة يا قمر ، ماتحرمش منك أبدااااااااا يارب

أيوشة الجميلة :" كل سنة وانتى طيبة ياقمر وعقبال 100 سنة ياااااااااااااااااارب فى طاعة الله ويارب دايما محققة احلامك وكل اللى تتمنيه"

يارب اللهم آمين و إياكى يا أيوشة ، و متشكرة خالص على التورتة و المقطع يا جميلة

عمووووووو محمد :" كل سنة وأنتى طيبه وسعيده وفرحانه ومبسوطه ومتفائله ومطمئنه وربنا راضى عنك والدك راضى عنك ووالدتك راضيه عنك وسيدنا محمد بيحبك وتكون كل أيامك ومستقبلك مشرق وجميل
مرسله من عمووووووووووووووووووووووووووو (محمد)"

و أنت طيب يا عمو ، بس بردوا مش ناسية الشيكولاتة ، و مش مسمحاك انك كلتها لوحدك ...ههههههههههه

و محاسن حبيبتى اللى شخبطت بس هنا فى المدونة :)

متشكرة خالص يا جميلة ، و عقبال بيرو كدا و أجيب له كام تورتة زى بتوع شذى كدا ...هههههههههه

*****

يااااااااااااااااااااااه ، حقيقى سعيدة بكل انسان عرفته من خلال الشاشة السرمدية ، ناس كتير جدا ماكنت أتخيل أصلا إنى أعرفهم و لا يمكن حد فينا كان يتخيل انه يقابل ناس كدا ...

و بأعتذر للناس كلها بجد عن تقصيرى عن زيارة المدونات ، بس حقيقى بأحاول كل وقت فاضى انى دايما أتابعكم ، و أكون معاكم ، ياريت محدش يكون زعلان منى ...

عاوزة أتكلم معاكو كتير ، و أقولكم خلاصة تجاربى فى ال23 سنة اللى فاتوا دول زى السنة اللى فاتت ههههههههههه

بس ياللا حظكوا بئا إنى معتكفة عن الكلام الفترة دى ....

و أحب بئا أختم معاكوا بحاجة خفيفة يارب تعجبكوا :

أتعبت بحمل الأحقادِ ؟؟
و بُليت بوجدٍ و سهادِ ؟؟
حاول أن تمسح بالصفحِ
صفحاتٍ كتبت بسوادِ ...

أحسست بظلمٍ و ظلامِ ؟؟
و سقمت بلطمِ الآلامِ ؟؟
حاول بالرحمةِ بالشفقة
أن تمسح رأس الأيتامِ ...

أسئمت بطولِ الهجرانِ ؟؟
و تلّهى الناس بأوهانِ ؟؟
حاول أن تكسب بالبسمة
أسباب الحب الربانى ...

أوَتخشى الحاجةَ و الفقرَ ؟؟
و تخافُ غداً أن تتعرى ؟؟
حاول أن تبذل من مالك
ينفعك غداً ،ولك الأجرَ ...

ووجدتَ اثنان من الصحبِ
على بابك يشكون البعضِ ؟؟
حاول أن تصلح باللطفِ
و تزيل من القلبِ البغضِ ...

و رُزقت من الولدِ العاقِ
و ضقت بهجرٍ و شقاقِ ؟؟
حاول أن تفتح أحضانك
فالداء دواه الإشفاقِ ...

حاول أن تحيا فى سلامِ
أن تقفو إثر الإسلامِ ..
حاول أن تحيا فى جواره
فإلهك ربُ الإنعامِ
...........