اليوم أتممت عامى الرابع و العشرين ...
يااااااااااه ، لم اعتقد يوما انى سأصل اليه
او ربما بكلمات اخرى ، لم اعتقد انى سأصل اليه على ما انا عليه
كنت اتمنى ان اصل اليه باستعداد احسن من هذا ...
فى غالب الامر ... انى اخط لنفسى كلمات فى كل عام تذكرة و ذكرى ...
و لكم يهولنى الامر عندما اتصفح ما خطت يداى ، اتعجب : أحقا انا من خط هذه الكلمات؟؟!!
و بين فنية و أخرى ، أشعر بحاجتى الشديدة لأن اقف مع نفسى ، أو ربما أخط اعترافاتى ...
و أنا الان فى أشد الحاجة ان اقف مع نفسى .. أشعر أننا ابتعدنا كثيرا فى الفترة الماضية ،
أشعر بهوة عميقة تفصل بيننا ... أقف انا على شفا الهوة بينما هى تقابلنى على الجانب الاخر ..
و كل منا تنظر للاخرى بترقب ... و رهبة ...
نعم .. فكلتانا تخشى المواجهة ، أعترف بهذا ...
بينما كنت أتصفح وريقاتى .. وجدتنى قد خطت مواجهة سابقة ..
فكرت أن أبسطها على فوهة الهوة ، فتقرأها كلتانا ، فلربما خففت من وقع المواجهة ،
و جعلتنا نقبل عليها برغبة اصدق من هذا ...
...........................
أردت منذ فترة أن أقف مع نفسى وقفة ، لأنظر أين انا؟؟ و أين نفسى؟؟
ماذا فقدت ، و ماذا ضيعت؟؟ و ماذا كسبت؟؟
و كلما حاولت ان أجلس معها .. هربت منى
أركض وراءها ، و ألهث من التعب ...
بينما هى تضحك فى براءة مصطنعة ، و تقول : فيما بعد ...
و تمضى ...
لكننى هذه المرة لن أتركها ، لقد أتعبنى كثرة هربها ،
لابد من الحزم و الشدة ، لأنها تستغل رفقى بها ...
الآن ... نقف وجها لوجه ، انظر اليها بعمق ، فيما هى سابلة جفناها فى هدوء ..
بدأت الحديث ، ففتحت عيناها بروية و نظرت الى بكل هدوء و سكينة ..
لا أنكر أننى شعرت ببعض الغيظ .. هدوؤها يستفزنى ، و كأنما هى البريئة التى لم تصنع شيئا !!
سألتها : أيعجبك هذا الحال؟؟
ردت بلا مبالاة : لا طبعا ، لا يعجبنى ..
اغتظت : و إلام سنظل هكذا؟؟
ردت: حتى تأخذى على يدى و نمضى سويا ..
سألتها : و هل رفقى بكِ يجعلك هكذا؟؟ بدلا من أن تعامليننى بالمثل ، حتى ننهض معا ولا يتعبنا الطريق؟؟
أجابت : أنت لا تعاميلننى برفق ، انت تعامليننى بتسيب ...
اغتظت بشدة : ماذا؟؟ تسيب؟؟ أتسمين حلمى عليكِ و عدم اكراهك على شئ تسيب؟؟
احتدمت نظراتها ، و أجابت بحدة : نعم .. تسيب ، يجب أن تعاملينى برفق ، و لكن مع ارشاد و تهذيب و نصح ، و مناقشة فى الأمور المهمة ، و لكنك تتركين لى الحبل على الغارب لأفعل ما أشاء ... لإذن لا تلوميننى ، فلأفعل ما يحلو لى ...
لم أشعر إلا و أنا ألطمها على وجهها ، ذلك الكف الذى أفاقها من عيها ...
إذن فلتسمعيننى أيتها العنيدة ، من الآن و صاعدا سأسورك بسوار الحزم و الصرامة ،و لتعلمى أن أفعالك كلها تحصى عليكِ ، و إن كان الرفق بالنسبة لكِ تسيب ، فلنجعل الصرامة قيد أمان يقيد جنونك ...
بكت قليلا لهول الصفعة و المفاجأة ، إلا أنها اناخت ركابها لها ..
فهى تعلم أنها مخطئة ، و كانت بحاجة لمثل هذا الكف لتعود إلى وعيها المغيب ...
...............
اليوم .. أشعر أننى فى حاجة ماسة إلى موقف مشابه ،
فهل أمتلك الشجاعة لمواجهة كتلك ؟؟؟
حقا لا أدرى !!!!
19 comments:
"لكننى هذه المرة لن أتركها ، لقد أتعبنى كثرة هربها ،
لابد من الحزم و الشدة ، لأنها تستغل رفقى بها ..."
أيوا اديها متسكتلهاش
"لم أشعر إلا و أنا ألطمها على وجهها ، ذلك الكف الذى أفاقها من عيها ..."
هههههههههههههههههه
انا هنا بقى فصلت كهربا من كتر الضحك
بس عاوز اقولك على حاجة يادكتوره
انا احيي فيكي النفس اللوامه
ربنا يكرمك ان شاء الله المرحله الجايه
والله العظيم انا فوجئت .. حقيقة فوجئت .. 24 سنة انا كنت فاكرك اكبر من كده بكتير .. ده انا طلعت مغفل بشكل .
انا اعرف ان الفتيات ينضجن بسرعة عن الاولاد يعني الولد بيركز ويعقل بعد سن الخامسة والعشرين البنت ممكن بعد التاسعة عشر او العشرين .
لكن من كتاباتك تخيلت انك اكبر من كده بكتير مع اني كنت اجد في بعض الردود على التعليقات والنقاشات التي جرت انه هناك تفاوت في الرؤى والافكار وايحانا القاعدة المعرفة .
لكن لم اتخيل انك في سنة الثالثة والعشرين او الثانية والعشرين .
حقيقةً بدون مبالغة انا فوجئت بهذا الرقم .
كل سنة و انتي طيب
وحلو قوي كل ده
بس بالقلم
!!!
مش عارف ليه افتكرت فيلم محطة مصر لما كلام عبد العزيز كان بيكلم خياله علي الترعة و في الاخر اتخانق معاه و تف عليه و جري
ههههههههههههههه
بس الصراحة مع النفس بالشكل ده مش كتير بيقجروا عليه او بيهربوا منها
احيكي عليها بجد
كل سنة وانت طيبة :):)
كل واحد فينا جواة شخصية تانية ساعات بيعمل معاها المواجهه دي..
وساعات بيهرب منها عشان بتقول كلام (يوجع)..
بس كلنا فعلا بنحتاج ده من وقت للتاني .
بت هو انتي ميزان زيي
كووووووول سنة وانتي طيبة
طيب ليه النكد دا
انتي هتعملي زيي
ربنا يحبب فيكي خلقه ويحط قدام عنيكي كل حاجه غلط بتعمليها عشان تصلحيها
عادل
موتني من الضحك بجد
هههههههههههههههه
بت ياسووووووووووووول ولا اقولك ياصوووووول وافرسك واغيظك
وحشتني يابت ووحشني ايام ماكنتي بتيجي القاهره والبت ورد كمان
واخبار شيمو ايه وحشتني هي كمان سلميلي عليها كتييييييييير
محاولة ممتازة للحوار مع النفس
كلنا يحتاج هذه الوقفه
لكن من يستطيع
يارب اهدي لنا نفوسنا الضعيفة
تحياتي
ساعات بفكر كده
ده أنا دايماً بفكر كده
بس مبتكلمش مع نفسي باللغة العربية الفوصحى يعني
وبعدين ماله سن 24 يعني؟
أنا عديت عليه من كام شهر ولا حسيت بحاجة
زي شكة الدبوس
قلم رصاص
........
رغم ان البوست كنت كاتباه و انا حالة مزاجية سيئة
لكن حقيقى أغلب التعليقات خلتنى أضحك جدا ..و طبعا انت كنت اولهم
قال فصلت كهربا قال
أكيد مدفعتش الفاتورة
كيك كيك كيك
ربنا يكرمنا جميعا ان شاء الله و يوفقنا
دمت بود
فارس
.....
؟؟؟؟؟؟؟؟؟؟؟؟
!!!!!!!!!!!!
حقيقة يا فارس أنا اللى مستغربة؟؟
انت من الناس اللى اعرفها من اول ما دخلت بلوجر
و متابع من أيام ماكنت باحكى عن الكلية
و التكليف و الماجستير
يعنى حتى بالتقريب سنى اوائل العشرينات
ما علينا
بس حقيقة كنت منتظرة تعليقك على البوست نفسه
لكن الظاهر انى لن احظى به
دمت بود
عادل
....
هههههههه
كدا؟؟؟
آخرتها تف عليه و جرى
يععع
لالالا
أنا ادى بالقلم اه
انما ماجريش
هههههههه
يارب بئا أقدر على مواجهة تانية
لأنها فعلا صعبة
دمت بود
تيمو
.....
اولا اهلا بيك
ثانيا : أعتقد فعلا اننا بحاجة لوقفة مع النفس من آن لاخر
على الاقل نقر بغلطنا بينا و بين نفسنا
انما كدا؟؟؟
اعتقد اننا بنفقد نفسنا من غير ما نحس
دمت بود
كيــــــــارا
..............
أيه يا كيتى دا يا بنتى دا؟؟؟؟
لالالالا ، كدا كدا
انتى ما تعرفيش اننا الاتنين ميزان؟؟
ماكنتش عشرة نت أبداااااااا
و بعدين ايه التسييح اللى على النت دا؟؟
و بعدين شيمو مين؟؟
قصدك سمسم بئا
حاضر يوصل ان شاء الله :)
دمتى بكل الود
بيوتفل مايند
.............
يااااااااااارب
اللهم آمين
فعلا ياريت تقدر
دمت بود
د.ياسر
......
"بس مبتكلمش مع نفسي باللغة العربية الفوصحى يعني"
"أنا عديت عليه من كام شهر ولا حسيت بحاجة
زي شكة الدبوس"
هههههههههههه
يا دكتور
هو دا اللى بيسموه
Individual Variation
هههههههههههه
دمت بود
اني افهم استغرابك فعلاً انا المخطأ فقد غلب التصور على العقل لدي ،، وهذه كانت حقيقة اعتقد انك عرفتيها .
المهم :
لابد للعقل ان يقف موقف الصلابة والصمود مع النفس والا فكل شيء سيصبح فوضى من الامور المعنوية الى الامور المادية .
واني اعتقد ان حبك وسعيك الحسيس لتحقيق ما تريدين نابع من عقل وميل نفس في آن واحد واصرارك .
ويصعب عليا ان اقرر من فيهم الذي يتغلب على الاخر لان الامور مختلطة لدي بسبب عدم مباشرتي لواقعك المحسوس في الحقيقة وكل ما اقوله انما هو اما تصور او تعقل او الاثان معاً .
ولكن والله ومن كل قلبي اتمنى لك التوفيق والسداد وعلى فكرة انا ضعيف في اللغة الانجليزية فاذا كانت هناك ترجمة اوكيه .. والا فاشرحي لي منهجية الرسالة على طريقة بنود او ابواب او مباحث او فصول او اي ما شئتي .
وارق تمنياتي وأعذب امنياتي لك بالتوفيق
:) و لا يهمك يا فارس
و ان شاء الله الدكاترة يرأفوا بحالى و أحدد نقطة الرسالة و أخلص
و أكيد ان شاء الله مش هأبخل عليك
دمت بود
Post a Comment