الحــــــــــــــــــــب فى الله

لقد قالوا و قد صدقوا زمانا ... بأن جنان دنيانا التلاقى

و لكنا و إن طالت خطانا ... فهمس الحب فى الرحمن باقى

نسافر فى أمانينا و نغدوا ... و فى أحداقنا حب الرفاقِ

تمازجت القلوب على ودادٍ ... بلا زيف خفىٍ أو نفاقِ

May 8, 2009

هكذا عرفت اسلامى ..



طبعا أنا بأعتذر لكم عن التأخير .. و بأشكر كل اللى سأل عليا

أنا الحمد لله بخير ، ربنا ما يحرمنى منكم يارب ..

ان شاء الله زى ما قلت لكم البوست اللى فات ، انى هأتكلم عن فهمى للاسلام

لكن ...

حقيقى احترت كتير .. ابدء بإيه ؟؟ و اتكلم عن ايه؟؟

لكن ..قررت مبئيا أتكلم عن المراحل اللى مريت بيها لحد ما وصلت لفهمى للاسلام دا ..

و طبعا كله بفضل الله و برحمته



هابتدى باولى فترات حياتى و اللى كان مفهومى فيها للاسلام لا يتجاوز مفهوم اى شخص من انه صلاة و صوم .. و لما أكبر يبئا زكاة و حج ان استطعت لذلك سبيلا ..

لكن يمكن بحكم التربية و الاتجاه الدينى فى العيلة .. كان الحس الدينى عالى شوية ، لكنه لم يرتقى إلى هدف فى حد ذاته .


لما دخلت الابتدائى كنت بأحفظ القرآن فى مسجد قريب مننا ، و فى مرة سمعت درس لاحدى الاخوات عجبنى أوى الكلام .. رجعت قلت لماما لازم تيجى معايا ، و من يومها بئيت أواظب على الدرس دا .. طبعا ماكنتش دروس منهجية ، يعنى ماشية بمنهج معين .. لا ، كان مجرد مثلا كتاب أو درس صوتى و الأخت تيجى تقول اللى قرأته أو سمعته ..

طبعا الكلام كان بيكون حلو أوى و بيأثر فى الواحد ، و أصلا أى حد فينا بفطرته بيكون عنده استعداد يسمع أى حاجة عن ربنا ، بس كان أغلبيته طبعا من نوع الزهد و التقشف ، و إزدراء الدنيا ، و عبادة ربنا بالطاعات بس ، سواء صلاة ، صوم ، تصدق .. أوعن أهوال يوم القيامة .. كدا

طبعا كنت بأحس إنى كرهت الدنيا ، و كرهت نفسى و إن ذنوب الدنيا كلها فوق راسى ، و مش طايقة أكلم حد ، و إنى انسانة وحشة جدا .. و إن ربنا مش بيحبنى .


يوم ... اتنين ، ارجع تانى للدنيا ،و حياتى ، و طبعا كل متع الدنيا ،و عادى ... يعنى هى كل الناس غلط؟؟.. يعنى معقول ربنا مش بيحب كل دول ؟؟..

طب يعنى أعيش حياتى بلبس واحد مايتغيرش ، و لا كل شوية لبس جديد؟؟

أنام على الارض ، و لا سرير جميل؟؟..

ماكلمش حد خالص ،و اكره كل الناس –ماكلهم بيعملوا غلط- و لا أحب الناس كلها و إن الله غفور رحيم؟؟

و طبعا حدث و لا حرج عن الاغانى و الافلام و الخروج ....

فطبعا الحياة حلوة و انا لسه صغيرة .. انا لسه صغــ احم احم ..


المهم إن الجو اللى حواليك بردوا كان بيساعدك – على الفسق و الفجور طبعا ;)

يعنى محدش يقولك كدا غلط ، لا .. عادى ، دى لسه صغيرة خليها تعيش حياتها زى ما عشناها ، و المشكلة إن الكلام دا كان بيخرج من المحجبات و اخوات نحسبهم على خير ، و مازال منطق بعضهم إلى الان ... الله المستعان .


طبعا المقارنة كانت لا توصف بين الحياتين ..

بجانب انفتاح الحياة و راسمة لنفسى صورة معينة .. و عاوزة لما أكبر أعمل و أسوى ..

دا طبعا ماينفعش اطلاقا لو انى التزمت و قفلت الباب و فضلت بس اصلى و اعيط على مافات من عمرىّ المضيّع ..

كمان بئت حملات الشرطة تنزل تقفل المساجد و يمسكوا أى حد بلحية أو المننتقبات ، و أفتكر وقتها أخوات خلعوا النقاب ..

و ساءت صورة الملتزمين خالص ، وخوفوا الناس من الالتزام بالمرة ..


و فضلت لحد ماجيت داخلة ثانوى رافضة الزى الشرعى لأنى شايفاه هيمنعنى عن أحلامى و طموحاتى و أنا الحمد لله لبسى مش وحش ، و بأصلى و بأصوم و مش حارمة نفسى من حاجة و مش مختلفة عن أى حد فى الدنيا ... فخلاص يعنى هى جت عليا؟؟


يمكن كمان لأنى كنت بأنفر من بعض الاراء اللى كانت بتتقال فى الدروس ، و شايفة انها اووفر شوية .. فدا كان بردوا بعض الاحيان بيخلينى كل الكلام اللى بيتقال مش باخده على رمته كدا .. و ساعات كنت بتساءل عن حاجات ، لكن ماكنتش بأسألها .. يمكن كنت بأخاف ليقولوا عليا مش كويسة ،أو بأسأل فى حاجات ماليش فيها ..


الخلاصة كانت الفترة دى فترة تلقى بس ..لكن صراحة ماكنش فى تطبيق ، يعنى الواحد يسمع ، يهرى فى نفسه شوية .. و بعدين الدنيا ترجع تاخده تانى ..


بس دايما خلال الفترة دى كنت دايما بأسأل نفسى .. هما ليه الغرب بيدخلوا فى الاسلام ؟؟

طبعا معرفة ربنا نعمة ما بعدها نعمة ، و شئ رائع جدا ، بس لما تسمعهم و هما بيتكلموا ..و عياطهم طبعا تحس انهم حد من الذين رضى الله عنهم و رضوا عنه .. كدا يعنى ..

طبعا كنت معجبة بحضارة الغرب لا أنكر .. و طبعا بالصورة اللى كانت مرسومة ساعتها عن الملتزمين .. و بالصورة اللى كنت راسماها للالتزام كنت بأسأل نفسى ليه يعنى ؟؟

دا عندهم الدنيا كلها .. إزاى يسيبوها كدا ؟؟

و إيه الفارق يعنى ؟؟

ليه هما لما بيدخلوا فى الاسلام بيحبوه أوى كدا و يحسوه كدا ، و احنا لا ،

يعنى يادوب الصلاة و الصوم ..انما اى شئ فى حياتنا بنحاول نغربه بأى شكل؟؟

يمكن عشان احنا اتولدنا لقينا نفسنا مسلمين ، فخلاص بئا واخدين عليه ، انما هما عشان لسه بيعرفوه أول مرة ؟؟


المهم كنت حاسة إن فى حاجة مفقودة ..

بس طبعا بأرجع تانى أتوه فى الدنيا ، و عادى .. أشمعنا أنا ؟؟


دى كانت أول مرحلة فى معرفتى بالاسلام .. لكن بعد كدا بدأت تتغير سبحان الله من حيث لا أدرى و لا أحتسب .


و نكمل الحلقة القادمة بإذن الله

و ...سلاااااااااام



112 comments:

حاجات جوايا said...

بحجز بس
ههههههههههههه
ازيك يا قمر
صباح النور على عيونك

Soul.o0o.Whisper said...

هلا هلا بسالى الجميلة

صباح الخير عليكى يا جميل
و مبروك الحجز
هههههههههههه


فى انتظار التعليق بئا

اسماء واحلام فى وجدانى said...

تانى

تعليق

رسميا

احمد

kafrawy said...

الحمد لله على نعمه الاسلام
وكفى بها نعمه

اسماء واحلام فى وجدانى said...

وكمان

واحد


الواحد


مش


ضامن


الظروف

حاجات جوايا said...

البيئة طبعا لها اثر كبير قى تكوين ثقافة الفرد الدينية .. يمكن لو كنتى نشأتى فى بيئة أقل قربا من الله كان الموضوع اختلف شوية
والتخبط ده فعلا كلنا بنمر بيه فى بداية حياتنا .. يمكن بتشدنا الدنيا شوية وتبقى عايزة تلبسى زى اصحابك وتتحركى بحرية وحيوية بحكم السن .. ويا إما بتكملى فى طريقك .. يا بتختارى طريق الالتزام .. بس انا شايفة ان الافكار دى بتفضل معانا لاخر العمر مش بس فى سن صغير .. سبحان الله كل ما بنكبر ونفهم ونعقل نحب ربنا اكتر ونبقى عايزين نرضيه اكتر واكتر.. ربنا يبارك فيكى يا حبيبتى ويرزقك الثبات فى القول والعمل

خالص ودى
سالى

اسماء واحلام فى وجدانى said...

الحمد لله على كل شىء

الحمد لله على اننا ولدنا بالايمان

مع انها نعمة فى ايدينا مازلنا نجهل بعض

من اسرار جمالها الحقيقى

ولكننا نحاول

ربنا معاكى ان شاء الله فى كل ما يحبه

ويرضاه

احساس طفلة محبة للرومانسية بس واقعية said...

ايوة يا سوول
عندك حق فى كل كلمة قلتيها
بتعبرى عن اشمعنى انا كلهم
بوضوح تام اعتقد كلنا مرينا بالمرحلة دى

عارفة لية الغرب بيلتزموا بالدين عشا بيدرسوة بنفسهم مش بيسمعوا من حد
لا بشوفوا اصول الدين القراءن وسنة سيدنا محمد بيبتدوا من الصفر
بيشوفوا الفرق بين سعادة الدنيا والحاجات اللى بتلهينا فيها
وسعادتهم بالايمان ورضاهم بية

انما احنا بنبتدى نسمع من ناس سامعين وقايلين لناس وناس قايلالهم وممكن يكون اغلبها فية خبرات الاخرين وارائهم مش رأينا وتفكيرنا
بنبتدى من اننا مسلمون بنصلى ونصوم
منعرفش روحانيات دينا

كملى انا متابعاكى
تقبلى مرورى

هذه حياتي said...

السلام عليكم ورحمة الله وبركاته

أختي في الله همس الروح

بداية طبيعية ومرور منطقي بمراحل تتأثر تبعا لظروف المجتمع المحيط ويجب عليك أن تشكر الله فعلا كما قالت "حاجات جوايا" حيث يسر لك أسرة قريبة من الله -وأنا أحسبكم كذلك ولا أزكي علي الله أحدا- وتتوالي مراحل التغيير حيث التغيير سنة الحياة ولكن الحمدلله أن التغيير كان في التوجه الإيجابي وفي انتظار المزيد

ثبتك الله علي الطريق

وخالص مودتي وصادق دعائي

assafo anaroze said...

سول
انا ساترك انطباعاتي الى ان يكتمل الموضوع باذن الله في اللقات القادمة
حبيت في التعليق ده اني اؤكد لك متابعتي لموضوعك هذا
تقبلي مروري
مودتي

أحمد سعيد بسيوني said...

بانتظار بقية الحلقات

ونقطة التحول

دمتم بخير

د. ياسر عمر عبد الفتاح said...

سبحان الله
كل قصص الإلتزا زي بعض تقريباً
نفس الصراع الداخلي
والحلقة المفقودة
والأسئلة الحائرة اللي بتبحث عن جواب
والتغيييييييب

وفي النهاية المنة والفضل من الله

ماتبع إن شاء الله الحلقات دي
زي ما بحب أقرأ قصص المسلمين الجدد
بحب كمان أسمع قصص الإلتزام

الجواز و سنينه said...

الخلاصة كانت الفترة دى فترة تلقى بس ..لكن صراحة ماكنش فى تطبيق ، يعنى الواحد يسمع ، يهرى فى نفسه شوية .. و بعدين الدنيا ترجع تاخده تانى
***********************************
طيب اقول ايه عليكى
مش هاقول غير ابدعتى يا بنتى فى الكلمه دى
عارفه فكرتنى بنفسى جداااااااا
حتى اخويا بيتريق عليه يقولى انتى كل شويه تقولى لاء انا لازم انتقب و بعدها تقولى لاء هيه تونيكات و عبايات و بعدها انا كده لبسى كويس
هو الحمد لله انا دلوقت فى مرحله العبايات و التونيكات
يعنى طلعت درجه اهه
تحياتى يا جميل
امووووووووه

رئيس التحرير said...

السلام عليكم ورحمه الله و بركاته
لم يكن الهمس همس روحك فقط
بل االهمس همس كل الأرواح
الروح ...واحده
ولكن الأنفس هي التي تتغير
ربنا يجعل نفسك زي روحك يارب
لا تنسوا ان الروح من روح الله
والنفس أماره
و لوامه
وفقنا الله واياكم
لما يحب ويرضي

ن said...

السلام عليكم
الدكتورة سول
جميل أن تبدأى معنا هذه البدايةوهى من وجهةنظرى رحلة البحث عن الحقيقة
قد تتعجبين لو قلت لك بأن حياتى مع أسرتى والوسط الذى كان محيط بى وانا فى عمرك ومن قبل ذلك لم يكن به شيء من التدين كانت الحياة كلها عادى مع الالتزام بالضوابط الاخلاقية ولكن من باب العيب فقط يعنى كان عيب عندنا ان البنت تمشى مع ولد لأنه عيب فقط مش حرام يعنى منظرنا أمام المجتمع والناس لازم يكون مضبوط أما ما فى القلب من أساسيات الايمان واتباع ما شرع الله لم يكن له أهمية غفر الله لنا ولهم
لقد نشأت فى وسط المثقفين والمحبين للترف والنعيم والحياة والواجهات الاجتماعية التى تجبرهم على التفرنج من أجل الرقى والحفاظ على الوجاهة ولم يكن فى وسعى حتى الجلوس فى مسجد لأستمع للدروس رغم أن بدايتى كانت فى مدارس الازهر لمدة ست سنوات فقط هى الابتدائية بعدها سافرت مع والدى وحُرمت من هذه النعمة وقتها وهى تكملة حفظ القرآن ومخبيش عليك يا سول يا ابنتى انى لما دخلت الازهر كان وقتها موضة ويمكن ظهور شويةوعى دينى بعد حربي اكتوبر لما حست الناس انها محتاجة ربنا اكتر بعد النصر وبعدما فقدنا من كل بيت تقريبا شهيد ولكنى يا سول بحثت عن الله وعن الحقيقة بعقلى المستقل ولم تكن آيةمن كتاب الله تمر على مرور الكرام بل كنت أقضى معها وقتاًحتى أتدبر معناها جيداً أقرأ وأسأل وأسمع ثم أعود وأفاضل بين الاراء وبين ما وصل اليه عقلى وهكذا أدركت كثير من الحقائق بهذا الشكل وهذا الفرق بيننا وبين مسلمى الغرب لأننا أخذنا الاسلام كفطرة اجتماعية من مبدأ اننا مجتمع اسلامى ولكنهم لا يدخلون الاسلام الا بعد رحلة ايمانية تستغرق معهم وقت فى التفكير والتأمل وهذا ما أنادى به الاستقلالية فى التفكير ولو بالقدر اليسير وعدم الاعتماد فقط على الغير فى تلقى المعلومات والاراء خاصة وأغلب ما لدينا مشوش عبثت به الايادى الآثمة للتضليل وليس لى ملجأ ولا فرار الا الى كتاب الله القرآن الكريم هو الشاهد على ما نحن فيه وما وصلنا اليه
وانا عند وعدى يا سول فى أن أحكى لك قصة نقابى ولا يساورك الشك يا ابنتى أننى لم أطرح ذلك للنقاش قلقا أو عدم تمكن والا لما كنت صرحت به فى مدونتك ولكن لكل وقت وله آذان ونحن الان فى مرحلة تغير نعالج الفطرة بالعقل والحكمة
وللحديث بقية كما وعدتك
مع خالص تحياتى

صمت المشاعر said...

يارب يثبتك

ويهدي بنات المسلمين جميعا يارب للصح

دمتي علي حب وطاعه من ربنا دائمين

قلب ارهقته الاحلام said...

ماشاء الله عليكي ياسوول

ربنا يارب يثبتك علي الطريق الصح

وربنا يهدينا جميعاً لصالح الاعمال

مش عارفه ليه غصب عننا ساعات بنعيش

حالات من التخبط والرفض لاننا نبقي أحسن

اللهم أهدنا والمسلمين أجمين

تحياتي ليكي

دمتي بألف خير,,,,,,,

Soul.o0o.Whisper said...

اسماء واحلام فى وجدانى

مبروك

عليك

التانى

رسميا

:)

Soul.o0o.Whisper said...

kafrawy

د.كفراوى
نعم .. الحمد لله
كما ينبغى لجلال وجهه
و عظيم سلطانه




دمت بود

Soul.o0o.Whisper said...

اسماء واحلام فى وجدانى

و كمان

واحد

و يبقى

عليك

75

قرش

:)

Soul.o0o.Whisper said...

حاجات جوايا

طبعا يا سالى البيئة بتأثر تأثير كبير
بس الحمد لله بجد على نعمه عليا

بجد الحمد لله
كفاية احساسى كدا ان ربنا معايا
بجد والله كفى بها نعمة

الافكار دى يا سالى بتلازم أى شخص-فى اعتقادى- بيبئا نفسه يعرف الطريق
بس خايف لأحسن مش يقدر يحقق طموحاته و أحلامه

لكن بعد كدا لما يعرف انه مافيش اى مشاكل
و لا تعارض بين احلامه و التزامه
صدقينى بيحس انه لقى نفسه
و روحه
و بيعيش حياته فى سعادة

ربنا يبارك فيكى يا جميل
و يثبتنا جميعا على الحق


خالص ودى يا جميل

Soul.o0o.Whisper said...

اسماء واحلام فى وجدانى

فعلا والله الحمد لله على كل شئ

و المولد فى بيئة مسلمة حتى و ان كان بالمسمى .. فدا لوحده نعمة والله

شوف الناس اللى بيكون نفسها تسلم
لكن مثلا من اسرة على دين تانى
او بيئة مش مسلمة
فعلا بيعانوا

ربنا يرزقنا جميعا حلاوة الايمان
و يثبتنا على الحق


دمت بود

Soul.o0o.Whisper said...

احساس طفلة محبة للرومانسية بس واقعية

حقيقى بجد بيسعدنى تعليقك الواعى
عندك حق فى كل كلمة قلتيها

فى الغرب فعلا بغض النظر عن معتقدهم
لكن الحياة و الاسلوب اللى بيعيشوا بيه
اسلام بدون اسلام

فلما بيقرؤوا و يعرفوا ان دا الاسلام
بيدخلوه عن اقتناع

و بكدا بيدوروا و يبحثوا عشان يعرفوا اكتر و اكتر

انما هنا للاسف حسب ما بتيجى
و حسب ما بنسمع
مش بندور و لا بنعرف

و بالتالى بيفضل الاسلام بالنسبة لنا
اسم مجهول الهوية

ربنا يعلمان جميعا يا جميل



و دمتى بكل الود

Soul.o0o.Whisper said...

هذه حياتي

و عليكم السلام و رحمة الله و بركاته
يا هلا

والله الحمد لله
باقولها من صميم قلبى ربنا اعلم
عشان بجد هو الحمد لله
مفيش حد تانى له فضل إلا بفضل ربنا اولا
فله الحمد اولا و آخرا
و له الشكر أولا و آخرا

نعم .. التغيير سنة الحياة
و نسأل الله أن يكون دائما إيجابيا و إلى الافضل

ثبتنا الله و اياكم


و دمت بود

Soul.o0o.Whisper said...

assafo anaroze

"انا ساترك انطباعاتي الى ان يكتمل الموضوع باذن الله في اللقات القادمة "

إن شاء الله

"حبيت في التعليق ده اني اؤكد لك متابعتي لموضوعك هذا"

و أنا حقيقى تسعدنى متابعتك
و بانتظارك دائما


دمت بود

Soul.o0o.Whisper said...

أحمد سعيد بسيوني

أولا : أسعدنى تواجدك
و أتمنى أن يتكرر دائما

ثانيا : إن شاء الله الحلقات تأتى تباعا
فأتمنى أن اجدك بين صفحاتى



دمت بود

Soul.o0o.Whisper said...

د. ياسر عمر عبد الفتاح

فعلا يا دوك
أنا بردوا لاحظت حتة الصراع الداخلى
و الحلقة المفقودة دى عند المعظم

سواء فى الدخول فى الاسلام
او معرفة الاسلام حقيقى

لكن لله الحمد و الشكر أن هدانا لهذا
و ما كنا لنهتدى لولا ان هدانا الله


و يسعدنى تواجدك دائما



دمت بود

Soul.o0o.Whisper said...

الجواز و سنينه

هلا هلا بالجميل

ربنا يثبتك يارب يا حبيبة قلبى
فعلا فترة التخبط دى بتكون معانا
لأننا فاكرين اننا هنتحول لشئ تانى لو التزمنا
و هنمنع نفسنا عن حاجات
و مش هنطيق كل دا


لكن واحدة واحدة ربنا بيهون علينا
بس أهم شئ اننا فعلا نعمل خالصا لوجهه


ربنا يثبتنا جميعا على الحق

و منورانى يا جميل والله



دمتى بكل الود

Soul.o0o.Whisper said...

رئيس التحرير

و عليكم السلام و رحمة الله و بركاته

أستاذى العزيز/
أولا : حقيقى سعيدة جدا بتواجدك رغم تقصيرى فى حقك

ثانيا : أسأل الله و لك
و للجميع
نفوسا مطمئنة به

دمت بود دائما

Soul.o0o.Whisper said...

ن

و عليكم السلام و رحمة الله و بركاته
يا هلا بأستاذتى الغالية

نعم .. ربما كانت رحلة بحث عن الحقيقة
و ان لم تكن هدفا فى حد ذاتها فى البداية
لكنها أصبحت هدفى
ربنا يرزقنا جميعا الحق
و يثبتنا عليه

.............

صدقينى يا أستاذتى أنا موقنة أنا ربنا بييسر لكل واحد فينا السبيل الامثل
اللى لو فعلا فهمه صح و مشى فيه
هيكون انسان مسلم صح

ربنا بيهيأ لكل واحد فينا الظروف
اللى عارف بعلمه انها تناسبه
عشان نوصل لمعرفته
و تحقيق اللى طلبه منا

و فعلا بنمشى طريق طويل
و فى النهاية بنعرف إن مفيش غير كتاب ربنا
فعلا والله العظيم
فيه كل حاجة
لكن احنا محتاجين نفرغ له شئ من وقتنا
زى ما بنعطى حاجات كتير فى حياتنا وقت


و منتظرة من حضرتك اللى وعدتينى بيه
فى الوقت اللى حضرتك شايفة انه مناسب



و دايما ما يسعدنى تواجدك
حقيقى



دمتى بكل الود

Soul.o0o.Whisper said...

صمت المشاعر

ربنا يثبتنا جميعا يا جميل
و يهدينا جميعا إلى ما يحب و يرضى

"دمتي علي حب وطاعه من ربنا دائمين"

و انتى أيضا



خالص ودى

Soul.o0o.Whisper said...

قلب ارهقته الاحلام

ربنا يبارك لك يارب يا جميل
و يثبتنا جميعا على الحق
و يهدينا اليه صراطا مستقيما


"مش عارفه ليه غصب عننا ساعات بنعيش
حالات من التخبط والرفض لاننا نبقي أحسن "
دا لأننا بنكون لسه مش عارفين الطريق الصح
بنبئا متخبطين
ياترى هو المفروض نعمل ايه؟؟

لكن لما بنعرف
أكيد بيكون القرار


ربنا يعلمنا جميعا يا جميل
و يرزقنا العمل بما علمنا


دمتى بكل الود

ايوشة said...

السلام عليكم ورحمة الله وبركاته
اولا لازم نعتذر على التاخير فى الرد
هقول بجد ربنا يبارك فيكى لانك بجد والله فى البوست ده او اللى قبله خلتنى افكر بشكل تانى واراجع نفسى كتير
ماشاء الله عليكى انتى وصلتى لمرحلة الاقتناع التام ومعرفة الاسلام الصحيح
الانسان طول حياته بيفضل يتخبط بين الالتزام وبين بعد عنه لغاية ما بيوصل للمرحلة اللى بيكون فيها راضى عن نفسه
الحمد لله انك وصليتى للمرحلة دى بسرعة مش هنكر انى لسه موصلتش للمرحلة اللى كان فيها مقتنعة بنفسى كده
والحمد لله ان الانسان من صغره طلع فى بيئة ملتزمة تعرفه الصح من الغلط ولو بعد شوية اكيد هيرجع تانى للطريق الصح
ربنا يثبتك دايما يااااااااااااااااااارب

mohamed ghalia said...

ربنا يثبتك على الحق دايما
دمتِ فى سعادة

dr aly khamis said...

السلام عليكم و رحمة الله و بركاته
الدكتورة سول
أولا جزاك الله خيرا لسردك قصتك مع معرفة الإسلام على حق .. عسى أن يجعل الله فيها ما ينفع المسلمين ..
نحن فى شوق لمعرفة البقية..
ثبتك الله و أعانك..
بارك الله فيك

ريمان said...

السلام عليكم

وحشانى مووووووووووت


عارفه

كلنا برضه فى الاول بنبقى كده

وسبحان الله بتحصل حاجه اى حاجه فى حياتنا سواء كان موقف او حادثه او اى شىء بيفهمنا دينا صح

والهدايه من عند الله طبعا

فشكووول said...

العزيزه سول همس الروح
تحياتى
هى بتبتدى كدا - الواحد يسأل نفسه ونفسه تجاوب باللى هى بتحبه وبعدين تنتقل النفس من السؤال الى الجواب ثم الفعل
هكذا بدأت وهكذا بدأ الاخرون وفى النهايه لا يصح الا الصحيح
لكن ربنا سبحانه وتعالى قال ( ولا تنسى نصيبك من الدنيا واحسن كما احسن الله اليك)
والانسان له رساله وهى عبادة الله تعالى واعمار الارض - والانسان روح وجسد والروح لها مطالب والجسد له مطالب يعنى الموضوع مش سوداوى زى الغير مسملمين ما هم فاهمين فاعطى روحك ما تستحقه واعطى جسدك ما يستحقه والروح من عند
الله والجسد لباس الدنيا فلا نحرم انفسنا من متعة الجسد الحلال زى اكل اللحمه والفواكه الجميله والحاجات الحلوه اللى فى الدنيا ما دامت حلال وربنا امرنا دائما بالاعتدال والوسطيه يعنى لا رهبنه فى الاسلام ولا هجرة من نعيم الدنيا الحلال الى نعيم الجنه الموعوده فننة الدنيا عطاء وجنة الاآخره اخذ بلا عطاء وبينهم التوسط فى كل شيئ
بارك الله فيك يا دكتوره
وتحياتى
وعشان جايلك من الاميل وما فيش اسم
فانا فشكول

Sweet Violet said...

سول سول سول

و ربنا بحبك يابنت انتى بقى

هاتى بوسة اممممموة

هتقولى مال البت ضد اتجننت ليه كده

هقولك مش عارفة بجد انا لما قريت الكلام بتاعك رغم انه بداية و فيه تخبط و كده

لكن مش عارفة ليه حسيت بفرح و رااااحة جوايا و انى فعلا بحبك

متابعه ياقمر معاك

وبوسة كمان ليك بقى لحد مااشوفك

اممممممممممممممممموة

حـــــــــوراء المــقــدســــيــــة Jerus Nymph said...

ثيتك الله اختي و سدد خطاكي للامام ان شاء الله

marmar said...

حبيبتي الرقيقه ام قلب ابييييييييييض
كلامك حلو اوي وتفكيرك احلى حساكي زيي في كل الكلام اللي قولتيه انا بردو كنت دايما اسال نفسي ليه الغرب بيدخلو في الاسلام كنوع من الغيره على اسلامي او كنوع من الفضول بس لما كبرت عرفت انو اجمل دين وانو مش مقفول زي ما الكل فاكر وحاسس
بالعكس ده اجمل دين واخر الاديان السماويه
ربنا يثبتنا على ايمانا يارب
وحشاااااااااااني يا جميله طمنيني عليكي وعلى اخبارك

صوت من مصر said...

الحمد لله
ولكن الدين للل والاجمل اننا مهما الزمن يمر بينا نتعلم منه الصح من الخطاء

maha zein said...

كنتي كملتي
يوه
عموما انا فخروة بيكي
ومتشوقة جدا اعرف مسيرة التزامك
ربنا يعينك ويثبتك

romansy said...

الله
نظرتك لاسلام انا برضه بقول كده كنت فاكر ان الاسلا صيام وصوم وصلاه
احنا اوقات بنكون

زى الايه اللى بتقول
لقد وجدنا اباءنا لها عابدون

يعنى احنا اولدنا بالفطره على الاسلام
ربنا يهدينا


ونفهم ان الاسلام دا تعاملات


ربنا يهدينا يارب

مسدس صغير said...

ربنا يثبتك
ويجعل لكى من كل هم فرجا
ويجعل الجنة هى دارى ودارك
احييكى على فكرة البوست
وجزاكم الله خيرا

حنعيش يعنى حنعيش said...

اول مرة ادخل مدونتك بس اكيد مش الاخيرة ....مستنى الحلقة الجاية

فركشاوي ..ناوي said...

بسم الله الرحمن الرحيم
دكتوره
السلام عليكم ورحمه الله وبركاته
الرحله شاقه وطويله
وممتعه وجميله
هي رحله العقل
يشقي في النعيم
واصلي المسير
وخلي بالك من دفتك
وشراعك
شراعك كي لا تضعف القوه
ودفتك كي لا تتحولي عن الطريق
أصلح لنا الله الصراط
آمين

dr_samarmar said...

بسم الله ماشاء الله ربنا يزيدك ايمان و يحفظك يارب يا سول يارب :)

كيكى said...

طب ااية المشكلة انى اكونة متدينه وبحب الحياه اخرج واشوف افلام واروح سينما!!!
ليييييييييييية دة يتسمى فسق وفجور
مش جامدة الكلمة دى
هااااااا**
ماشى ياسول باشا لمة نشوف الحلقة التانيه
عووووووووو

mosooz said...

الواحد فعلا لما يعرف الاسلام ويحسة بجد
بتبقى حاجة جميلة جدا ..فى انة يعيش
حياة الروحية مع ربنا
وبالالتزام بكلم ربنا

بوست رائع
تحياتى

mahasen saber said...

انا عارفه انى وحشه ومقصره معاكى بس والله ده غصب عنى
تخيلى مدونتى نفسها مش عارفه ارد فيها على التعليقات

اسفه يا سولو والله وعارفه انك حبيبتى وهتقدرى

sma zain said...

ايه ده أنا فين؟
هي ديه مدونة سول؟ ولا أنا بحلم
أنا جيت هنا ازاي؟
ايه ده سول بتتكلم عن بداية التزامها
لأ ده انا لازم اقرا بقى واتمحص في الموضوع
هههههههههههههههههههههههه

أنا من رأيي إن الإنسان لازم عشان يتلذذ بإيمانه ويتذوق حلاوة طاعته انه يكون مر بالمرحلة اللي انت بتتكلمي عنها لإن لولاها مكنش الإنسان حس الفرق بين اهتمامه بالدين وبعمله بمايقربه من الله وبين حياة اللهو والعبث
واللي بيحس بده قوي الغير مسلمين لما يسلموا لإنهم بيكونوا عاشوا ده قوي وحسوا الفرق بين ظلام قلبهم وهما بيعبدوا غير الله ونور الإيمان لما يملأ قلبهم بإسلامهم

ربنا يثبتك ويرزقنا وإياكي التقوى والإخلاص
اللهم آمين

فارس عبدالفتاح said...

الفاضلة / سول

هل اعتبر هذا الموضوع والموضوع الذي سبقه تمهيداً للموضوع المزمع عرضه

حـــــ الــجــنــة ـــــور said...

الحمد والشكر لله على هذا الفضل وهته النعمة غاليتي جعلك الله من عباده الصالحين واسكننا واياك رفقة الحبيب المصطفى عليه افضل الصلوات في الفردوس الاعلى

في انتظار جديدك دمت بخير

الباحث عن الحقيقة said...

مش عارف ليه كنا فاكرين ان ااسلام والتدين معناه ان الواحد يحرم نفسه من متع الحياة
؟؟؟؟؟؟

وده لان شكل الدعاة كانوا نمطيين وتقليديين
نفس الطريقة اللي اتعلموا بيها

....

متابع
يلا كملي

اسماء واحلام فى وجدانى said...

الفاعل والمفعول هما نحن والايام

فعلى قدر ما تعطينى الايام


اعطيكم كلمات

اما بقى عن تغير المود ده فده صعب دلوقتى جدا فطبعا حضرتك ياريت تتحملينى شوية لحد ما الاقى كلام ممكن يفرح الكل

اشكرك جدا

mimi said...

"يعنى هى جت عليا؟؟"

قلتها أنا حوالي مليون مرة لحد دلوقتي ... ولسة بقولها ...

تقبلي مروري لأول مرة ... وربنا يهدينا كلنا

دعواتك

في رعاية الله ومنتظرين البقية إن شاء الله

من غير عنـــوان said...

اللهم ثبت خطاك

والحمد لله على نعمة الإسلام

تحياتي

عاشقة الأحزان said...

السلام عليكم
أختى سول همس الروح
أشكرك على زيارتك ليا
وإن شاء الله يبقا التواصل بيننا إن شاء الله تعالى
بجد مدونتك جميله قووى رائعه
ربنا يحفظك يارب يادكتوره وتحققى هدفك فى الحياة اللهم أمين يارب العالمين
بالنسبه للبوست جميل قووى بارك الله فيكى ويارب يقوى إيمانك
ويهدينا ويهديكى إلى طريق الخير والعمل الصالح
ربنا يجعله بميزان حسانتك
يارب
منتظرين الباقيه ان شاء الله تعالى
دمتى بألف خير وصحه وعافيه
ويبقا التواصل المستمر إن شاء الله تعالى
تحياتى لكى
أختك إيناس

Jannah said...

السلام عليكم
مشكلة الناس انهم يبدأون من مدخل خطأ
كنت أتمنى أن تبدئي حكايتكمن النقطة اللي وصلت لها الان و بعدين ترجعي لورا
فلاش باك يعني
:)
الله المعين
:)

واحد من العمال said...

السلام عليكم ورحمه الله وبركاته

أنا مش عارف أقولك إيه
بس أنا طول مابقرأ تدوينتك دى شايفك بتطلعى على سلم بهدوء وبثقه فاهمانى؟
ربنا يحفظك ويعزك ويوفقنا جميعاً الى مايحب ويرضى

ودمتِ فى أمان الله وحفظه

smilyrose said...

السلام عليكم

وحشتينى يا نور قلبى

يا مغلباكى معايا

وحشتينى فعلا ووحشتنى كلماتك

وزى عادتك اسلوب رائع فى سرد الموضوعات
ونحمد الله على نعمة الاسلام

وعلى نعمة الايمان وطاعة الرحمن

يارب ليس لى غير بابك

smilyrose

وردشان

روح الحب الصادق

Beram ElMasry said...

Soul.o0o.Whisper
ابنتي الدكتورة الذكة سعدت كثيرا لهذة المعالجة الذكية للقصيده غير انني لم اكن اعني ب" واهـو بـكـرة لـمـا نـمـوت تـربتنا ف بطن الطير" بانها حواصل الطير الخضر المعلقة بالعرش ولكني اعني ان اجسادنا تلقي في العراء وعلي المزابل فتاكلها جوارح الطير واكدت ذلك عندما قلت "اجسمنا الحره هينداسو ولا نملك اي مقابر"

واحسنتي كالعاده باسلوبك الذكي
ولك تحباتي والسلام ولا سلام مع اليهود

بلاش فضايح said...

كلنا اكيد مرينا بالمراحل دى
وكل منكبر اكتر كل مالأفكار بتختلف وبتتجه للصح
والحمد لله ربنا يهدينا جميعا
وكفى بالاسلام نعمة فعلا

حاجات جوايا said...

سول يا جميلة
ازيك يا قمر
تعالى عندى شوية
ليكى تاج ملغمممممم
هههههههههه

arsenalwy said...

حمد الله على سلامتك يادكتورة

فعلا الواحد فى طريقه للتدين بيلاقى صراعات داخلية وخارجية كتيييييييير ربنا يقدرنا ونقدر نواجه الصراعات دى زى ما واجهتيها

ربنا يوفقك

د.توكل مسعود said...

السلام عليكم ورحمة الله.. وبعد

فهو شىء جميل حقا أن نسردالذكريات لنستلهم منها العبر ... نحن ومن يقرءون لنا...

التقيت مع أمريكية مسلمة لأبوين أمريكيين مسيحيين ..حجابها ولا أحسن واحدة مولودة فى الإسلام

سألتها ماذا أعجبك فى الإسلام؟ فردت بكلمة واحدة تدل على عمق الفهم من ناحية ورقة الإحساس والتذوق من ناحية أخرى.. قالت:


SIMPLE


يعنى:بسيط

الفرق بيننا وبينهم أننا ننظر إلى الإسلام من بعيد..بنتفرج على الإسلام

وهم يتذوقونه

نريد أن نتذوق هذا الدين

دمتم بخير وعافية

م/ الحسيني لزومي said...

ما زلت انتظر باقي الرحلة في هذا البحر المتلاطم الامواج المدلهم الخطوب

Soul.o0o.Whisper said...

ايوشة

و عليكم السلام و رحمة الله و بركاته
هلا بالجميل
ولا يهمك حبيبتى المهم انك ماتحرمنيش من تعليقك الجميل

"بجد ربنا يبارك فيكى لانك بجد والله فى البوست ده او اللى قبله خلتنى افكر بشكل تانى واراجع نفسى كتير "

بجد يا ايوشة لو تعرفى فرحتى بكلامك دا
الحمد لله ياقمر
بجد هى البداية ان الواحد يقف مع نفسه و يفكر بجد ..عشان يعرف هيمشى ازاى

ربنا يبارك لك يا جميل

"الانسان طول حياته بيفضل يتخبط بين الالتزام وبين بعد عنه لغاية ما بيوصل للمرحلة اللى بيكون فيها راضى عن نفسه "
صح ..فى فترة تخبط كبيرة
بس الواحد مش بيوصل لمرحلة الرضا عن النفس
اد ما بيكون اقتناع بيقين بدينه
و انه فعلا اعظم دين
هتلاقيه فعلا بيطبقة عن قناعة و عن فخر

ربنا يرزقنا جميعا الاسلام كما اراده لنا



و دمتى بكل الود يا قمر

Soul.o0o.Whisper said...

mohamed ghalia

ربنا يثبتنا جميعا على الحق يارب

و سعيدة بتواجدك



دمت بود

Soul.o0o.Whisper said...

dr aly khamis

و عليكم السلام و رحمة الله و بركاته

جزانا و اياكم كل خير يا دوك
و ثبتنا جميعا على الحق

و يارب فعلا يكون فيها النفع




دمت بود

Soul.o0o.Whisper said...

ريمان

ريمىىىىىىىى
و عليكم السلام و رحمة الله و بركاته
هلا يا جميل
انتى كمان وحشانى خالص

يارب تكونى بخير
و شدى حيلك فى المذاكرة

طبعا يا قمر الهداية من عند ربنا
ربنا يهدينا جميعا
و يردنا اليه ردا جميلا



دمتى بكل الود يا قمر

Soul.o0o.Whisper said...

فشكووول

عمو العزيز / فشكوووول
هلا هلا

"هى بتبتدى كدا - الواحد يسأل نفسه ونفسه تجاوب باللى هى بتحبه وبعدين تنتقل النفس من السؤال الى الجواب ثم الفعل"

صح
بس أحيانا مش لازم تمشى ورا نفسك فى اللى بتحبه
(أفرأيت من اتخذ الهه هواه؟؟)

"فاعطى روحك ما تستحقه واعطى جسدك ما يستحقه "

هى دى رسالة الاسلام يا عمو فشكول
لانه ماشى مع متطلباتنا كلها
مافضلش شئ على شئ
لأن كله خلق الله


ربنا يبارك فى حضرتك يارب
و لا يحرمنى من وجودك المميز يا حضرة رئيس الجمهورية
هههههههه



دمت بكل ود

Soul.o0o.Whisper said...

Sweet Violet

ضدتى ضدتى ضدتى

والله أنا بحبك انا كمان
:)

"هاتى بوسة اممممموة"
باتكثف يا ضدتى
الله

"هتقولى مال البت ضد اتجننت ليه كده
هقولك مش عارفة "

الله .. أمال مين يعرف؟؟


"جد انا لما قريت الكلام بتاعك رغم انه بداية و فيه تخبط و كده

لكن مش عارفة ليه حسيت بفرح و رااااحة جوايا و انى فعلا بحبك "

الحمد لله يا جميل
و ربنايديم المحبة ما بينا يارب
و أشوفك على خير يارب يا ضدتى
:)



دمتى بكل الود يا قمراية

Soul.o0o.Whisper said...

حـــــــــوراء المــقــدســــيــــة Jerus Nymph

حوراء
نورتينى يا جميلة

و ربنا يثبتنا جميعا و يسدد خطانا على الحق


أتمنى أشوفك دايما على صفحاتى
:)



دمتى بود

Soul.o0o.Whisper said...

marmar

مرمرتى الجميلة

فعلا يا قمرة
فى الاول مش بنكون عارفين حقيقة ديننا لاننا اخدناه بالوراثة

بس كل ما الواحد بيقرأ و يعرف جمال الاسلام
فعلا بيقتنع بيقين أن " الدين عند الله الاسلام"


ربنا يثبتنا جميعا يا قمرة
و بجد وحشتينى

و بحبك فى الله

Soul.o0o.Whisper said...

صوت من مصر

الحمد لله فعلا
و يارب فعلا نتعلم الصح من الغلط
و يرزقنا اسلام صحيح



دمت بود

Soul.o0o.Whisper said...

maha zein

موها العسولة
صبرا آل ياسر

واحدة واحدة
و يا خبر النهاردة بفلوس .....
:)

ربنا يكرمك يا قمر و يثبتنا جميعا على طاعته


دمتى بكل ود

Soul.o0o.Whisper said...

romansy

فعلا
كتير مننا فى البداية كان فاكر كدا

لان معرفة آباءنا عن الاسلام بردوا كانت لا تتجاوز كدا

بس يارب يعلمنا فعلا
و يهدينا



دمت بود

Soul.o0o.Whisper said...

مسدس صغير

اللهم آمين
آمين
آمين

و جزانا و اياك كل خير

بأشكرك بجد




دمت بود

Soul.o0o.Whisper said...

حنعيش يعنى حنعيش

د.اسلام

سعيدة جدا بزيارتك
و بانتظارك دائما على صفحاتى



دمت بود

Soul.o0o.Whisper said...

فركشاوي ..ناوي

استاذى العزيز /
و عليكم السلام و رحمة الله و بركاته

فعلا الرحلة شاقة
لكنها ممتعة

ان شاء الله ربنا يلهمنا الرشد و السداد
و يصلح لنا الاحوال جميعا


دمت بود

Soul.o0o.Whisper said...

dr_samarmar

سمورة العسولة

ربنا يعلمنا جميعا يارب
و يزيدنا من فضله

ذاكرى كويس يا جميلة
ربنا معاكى
:)


دمتى بكل ود

Soul.o0o.Whisper said...

كيكى

عووووووووووو
هههههههههههه

نورتى يا قمرة
و طبعا انا قلت فسق و فجور على سبيل المزاح
ماقصدتش فعل بعينه

اما بالنسبة للافلام و السنما
فأكيد ياقمر انتى عارفة حكمها

صح ولا ايه؟؟


يارب دايما تنورينى كدا على طول





دمتى بكل الود يا قمر

Soul.o0o.Whisper said...

mosooz

لماالواحد بيعرف الاسلام صح
بيحس فعلا انه لقى نفسه

و مش بيعيش الروحانيات بس
لا بيعيش كل حاجة ربنا سخرهاله

و بالتالى بيستمتع بكل المتع
و أحلاها طبعا هى صلته بالله


بانتظارك دائما
دمت بود

Soul.o0o.Whisper said...

mahasen saber

سنسنتى الجميلة
ربنا معاكى يا قمر
و ييسرلك أمرك
و يبارك لك فى وقتك



سلامى لبيرو كتير


دمتى بكل الود يا قمر

Soul.o0o.Whisper said...

sma zain

سمسمتى الغالية
هلا هلا
نورتينى بجد

ياااااااه يا سمسم

بس كلامك صح
فعلا اكتشفت حكمة ربنا من انى امر بالمراحل دى الوقتى

لما بئيت اقرأ و أعرف و أقارن
ياااااااااه
لا شعور تانى خالص
:)


ربنا يثبتنا جميعا و يرزقنا الاخلاص الله آمين


دايما منورانى يا سمسمة

Soul.o0o.Whisper said...

فارس عبدالفتاح


اى نعم
بامكانك اعتباره كذلك
و ان لم يكن مجرد مقدمة فقط


دمت بود

Soul.o0o.Whisper said...

حـــــ الــجــنــة ـــــور

حور
يا هلا يا هلا
نورتى المدونة


الحمممممممد لله بجد يا جميل
ثبتنى الله و اياك
و جعلنا من عباده المصلحين


دمتى بود

Soul.o0o.Whisper said...

الباحث عن الحقيقة

يااااااااااااااه
طب ادخل برجلك اليمين و من غير صوت
لاحسن حد يشوفك


ايييييييييييه الغيييييييييبة دى كلها؟؟
على العموم حمدلله ع السلامة


فعلا .. يمكن لأن دا الاسلوب بردوا اللى اتعلموا بيه
فعشان كدا بيصلوه لينا زى ماتعلموه


لكن هذا لا يمنع انهم أصحاب فضل علينا
:)



دمت بود

Soul.o0o.Whisper said...

اسماء واحلام فى وجدانى

"الفاعل والمفعول هما نحن والايام"

نعم ....نحن الفاعل ، و الايام مفعول به

"فعلى قدر ما تعطينى الايام
اعطيكم كلمات "

بل على قدر استعيبانا لحكمة الايام
تكون كلماتنا

"طبعا حضرتك ياريت تتحملينى شوية لحد ما الاقى كلام ممكن يفرح الكل
"

شكلك زعلان خالص
كدا مش كويس ؟؟؟


استر يارب

Soul.o0o.Whisper said...

mimi

يا هلا بيكى
نورتى المدونة فى أول مرور

و يارب مش يكون الاخير

ربنا يهدينا جميعا يا جميل
و يردنا اليه ردا جميلا


دمتى بود

Soul.o0o.Whisper said...

من غير عنـــوان

اللهم ثبتنا جميعا
و اهدنا اليك صراطا مستقيما


دمت بود دائما

سجود said...

حمدا لله علي السلامه
وحمدا له علي نعمة الاسلام وكفانا بها نعمه

Soul.o0o.Whisper said...

عاشقة الأحزان

و عليكم السلام و رحمة الله و بركاته

هلا أنوووس

لا شكر على واجب يا قمر
و مدونتك بجد جميلة
ربنا يجعل حياتك كلها صفاء و سعادة

"يارب يقوى إيمانك
ويهدينا ويهديكى إلى طريق الخير والعمل الصالح
ربنا يجعله بميزان حسانتك"

اللهم آمين يا جميل
و اياك يارب


و يسعدنى دوام التواصل

دمتى بكل الود

Soul.o0o.Whisper said...

Jannah

و عليكم السلام و رحمة الله و بركاته
أهلا بيكى جنة

سعدت بزيارتك الجميلة
و فعلا بعض الناس بتبتدى غلط

بس الاهم ترجع للطريق الصح
و معلش بئا يا قمر
حظك جه فى الترتيب التصاعدى
:)

ربنا يوفق الجميع يارب

دمتى بود

Soul.o0o.Whisper said...

واحد من العمال

و عليكم السلام و رحمة الله و بركاته

"طول مابقرأ تدوينتك دى شايفك بتطلعى على سلم بهدوء وبثقه فاهمانى؟"
فى التدوينة اه
انما فى الحقيقة وقتها ماكنش فى هدوء و لا ثقة خالص
:)

"ربنا يحفظك ويعزك ويوفقنا جميعاً الى مايحب ويرضى"

اللهم آمين يارب

و حقيقى سعيدة بتواجد حضرتك



دمت بود

Soul.o0o.Whisper said...

smilyrose

و عليكم السلام و رحمة الله و بركاته

هلا بحبيبتى الغالية
اللى مغلبانى معاها
*_^

انتى اللى وحشتينى أكتر يا ورد
طمنينى عليكى يا قمرة


طبعا يا حبيبتى الحممممد لله بجد على نعمة الاسلام
و بالفعل ليس لنا سوى بابه


ربنا يهدينا للخير و الحق
و يثبتنا عليه يا قمر
اللهم آمين




دمتى بكل الود و الحب حبيبتى

Soul.o0o.Whisper said...

Beram ElMasry

أستاذى العزييييييييييز

يا هلا يا هلا
نورت المدونة
و بلوجر كله

يارب تكون الوقتى أفضل حالا

و معلش بئا
على أد ما فهمت

بس بالمعنى اللى حضرتك قلته
كدا التعليق هيختلف
:)
حضرتك فعلا معاك حق


دائما ما يسعدنى تواجدك
و تشجيعك المستمر


دمت فى حفظ الله

Soul.o0o.Whisper said...

بلاش فضايح

هلا يا نونا
فعلا كل ما بنكبر و نعرف اكتر

اكيد ربنا بييسرنا للخير و الصح

ربنا يهدينا جميعا يا قمر
و يرزقنا الاسلام الحق


دمتى بكل الود يا جميل

Soul.o0o.Whisper said...

حاجات جوايا

سالىىىىىىىىى

"سول يا جميلة
ازيك يا قمر"
الحمد لله بخير
انتى أخبارك ايه؟؟

"تعالى عندى شوية "
ممممممم ...شكلك مش مطمنى
خير يا طير؟؟

"ليكى تاج ملغمممممم"
ان ان اااااااااااااااااان


طب لما أشوفك

Soul.o0o.Whisper said...

arsenalwy

الله يسلمك يارب
متشكرة جدا

"فعلا الواحد فى طريقه للتدين بيلاقى صراعات داخلية وخارجية كتيييييييير ربنا يقدرنا ونقدر نواجه الصراعات دى زى ما واجهتيها"

الصراعات دى مش بتنتهى طول الحياة
و مش معنى ان حد اجتاز صراع او اتنين خلاص
بالعكس
"أحسب الناس أن يتركوا ان يقولوا آمنا وهم لا يفتنون ؟؟"

ربنا يوفقنا جميعا يارب
و يقوينا و يثبتنا



دمت بود

Soul.o0o.Whisper said...

د.توكل مسعود

و عليكم السلام و رحمة الله و بركاته

أولا حمدلله على سلامة حضرتك
و بجد نورت بلوجر كله

و سعيدة بزيارة حضرتك


فعلا يا دكتور
اللى يعرف الاسلام بجد
يعرف انه فعلا دين الفطرة

يمشى هينا معها
عشان كدا هو simple
:)

بانتظارك دائما

و دمت بود

Soul.o0o.Whisper said...

م/ الحسيني لزومي

يسعدنى متابعة حضرتك للموضوع
و بإذن الله الحلقات تنزل تباعا



دمت بود

Soul.o0o.Whisper said...

سجود

الله يسلمك يا قمر

فعلا .. كفى بالاسلام نعمة
ربنا يرزقنا الاسلام كما اراده لنا



دمتى بكل الود يا قمر

mimi said...

نورتي مدونتي بزيارتك الجميلة

ويارب متكونش الاخيرة

تحياتي

Soul.o0o.Whisper said...

mimi

نورتى المدونة بزيادة يا قمر

و إن شاء الله مش الاخيرة




دمتى بود يا قمر

اسماء واحلام فى وجدانى said...

لو حضرتك موظف حكومى ، او طالب و قاعد فى ملل ومش لاقى لك شغلة تقوم هوب ماسك القلم و تملى المكتب او الديسك وحى ((الهامك ))العبقرى .. دا ايه جنابك؟؟

ممكن اعرف انا عملت ايه علشان تجيبى سيرتى

سما أحمد said...

صراع معظنا عشناه او بنعيشه
بالاخر العقل مع الضمير بينتصر للصح وللحق
والصح والحق ه في القناعه انه الاسلام دين ينصف الجميع ويحفظ الجميع ومش محتاج منا كتير والله ولا بيطلب منا كتير وكل ما في لو تعمقنا فيه كويس هو لصالحنا وسعادتنا
تسلمي سول
متابعين معك

ghorBty said...

السلام عليكم

انا اللي هعتذر عن التأخير :( سمحيني

سوووول جميل ما كتبتي .. وانا بجد فخوره بك .. ربنا يارب يديم عليك فضله .. ويجزيك خير الجزاء في الدنيا والاخره .. وينفع بك ان شاء الله ..

المراحل ديه عدت علينا والواحد بجد دلوقتي بيتحصر علي نفسه وبيقول كان فين عقله ساعتها بس وقت الهدايه بيد رب العباد واكيد الواحد حس الفرق بين البعد والقرب وذاق لذه الطاعه ومن هنا من ذاق عرف .. ومن عرف اغترف

واد ايه ربنا عز وجل مهد لنا الطريق واعاننا فيه كتير لما تقول لحد مثلا بلاش اغاني يقولك ازاي ما قدرش ما اسمعش في حين سبحان الله انا كرهتها كدا من عند ربنا بعد قرار قلت لا يعني لا وبعد كدا قذف الله في قلبي حب كلامه وكره الاغاني ومن هنا

( والذين جاهدوا فينا لنهدينهم سبلنا ) بس احنا ناخد الخطوه ونقرر قرار شجاع ضد نفسنا الاماره بالسوء وسنجد العون والسداد من رب الارض والسماوات

وهكذا الحجاب الشرعي والله ربنا هو اللي بيهدي بس احنا ندعيه دايما يقربنا منه ومن الشئ اللي يخليه راضي عنا ...

وفعلا من يعش في الهدايه لم يمل للغوايه

لان ليها طعم وحياه وهدوء نفس وقرب ولذه لو ذاقها المقصرون لندموا علي ما هم فيه

ادام الله عليك فضله .... وهدانا وجميع المسلمين اٍلي ما يحب ويرضي ..

دمت بكل خير

اسماء واحلام فى وجدانى said...

اسماء واحلام فى وجدانى

ghoneem said...

بعد التحية
ربنا يثبت قلوبنا علي دينه
ويحفظك ويتقبل منك
مدونة محترمة وكلمات جميلة واول زيارة ارجو تقبلها
تحياتي
بالتوفيق.......

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت