تـــــــاج ضـــــد

السلام عليكم و رحمة الله و بركاته

إزيكم يا شباب ؟؟؟ أخباركم؟؟؟

طبعا زى مانتوا شايفين من العنوان " تـــــــاج ضـــــد "

<< على وزن تاج محل كدا ... : )

فالتاج دا وصلنى من ضد التيار ..

فكان لازم أحله ، لأنه كان عقاب ، مش هدية ..

<< ماشى يا ضد ، لما أشوفك بس ...

كان هذا أعزائى المدونين موجزا لتقديم التاج،

و إليكم التاج بالتفصيل .....

لوكان ينفع تختارى عصرتعيشى فيه هيبقي انهي؟ومين الحاكم؟

كنت هأختار عصرى دا ، و حياتى دى ..

و الحاكم ... بأمر الله : )

اول اولويه في حياتك ؟

إنى أكون مسلمة

ايه اكتر حاجه بتحبها في رمضان؟

التراويح و روح الناس

اوصف اجمل فطار ممكن تفطره؟

تمر و لبن

لو انت حاكم هتكون عادل ؟

لا .. هأكون سول ويسبر

وهتعرف ازاي؟

لما ألاقى الغِرا (أو الجُلّة أو السليسيون)

اللى على الكرسى منتهى الصلاحية ، و مابيلزقش : )

مين اكتر اعلامي بتحبه؟

حقيقى مافيش حد باحبه ،

بس يمكن بأعجب باسلوب منى الشاذلى و أحمد المسلمانى

لو ممكن شغلانه تانيه تختار ايه؟

رئيس وزراء اسرائيل : )

تاني بلد تحب تعيش فيه بعد مصر؟

المدينة المنورة .

اوصف ترتيبات اجمل فرح ممكن تحضره ؟

ترتيبات؟؟؟.... فرح؟؟؟

اااااااااااااااااااه ... ممكن احضره ،

أنا أتخضيت بردوا ... قلت إحنا فينا من الحركات دى : )

شوفى يا ستى ... عجبتنى فكرة تقسيم الارضية اللى هأقولها ،

و شوية افتكاسات من عندى ...

باعتبار ان الفرح هأحضره << مش هأعمله بعد الشر ...

الأول العريس و العروسة على ضوء المشاعل

لحد ما يوصل عروسته للكوشة ..

<<اه يوصلها هى بس ، عشان الفرح هيكون منفصل : )

هو يشوفله كوشة تانية هو و صحابه

و تكون الأرضية متقسمة كدا مربعات

على كل مربع مرحلة من مراحل الارتباط

لحد ما يوصلوا للكوشة مكتوب عليها عش الزوجية : ) .... حلو!!!

و بعدين ... يمشى بئا عشان العروسة تاخد راحتها مع صحباتها ، مش ناقصين خنقة ...

و كمان الكوشة بتاعت العروسة يكون بدل الزينات الكتير اللى مالهاش لازمة ، تبئا لوحة كبيرة و فيها صورة العروسة ،و عند العريس بردوا كدا ...

و صحبات العروسة و قرايبها كل واحدة تكتب لها اوتوجراف ،

هتبئا ذكرى حلوة ... : )

و بعدين ... نهيص و نفرح بئا زى ماحنا عاوزين ...

بعدين ساعة الساقع و التورتة تتعمل شوية افتكاسات كدا

بين المعازيم و بعضهم << نوقعهم فى بعض يعنى ... ههههههههه

و بعدين .. اممممممممممممم

و بعدين ...امممممممممممممم

و بعدين؟؟؟؟!!!!!....

وبعدين صحبات العروسة يلفوا بيها القاعة لحد الباب

و صحاب العريس يلفوا بيه القاعة لحد الباب

يقوم العريس ضاحك علينا وواخد العروسة و يمشوا

و صحباتها يكملوا لف على انها معاهم

و صحابه يكملوا لف على انه معاهم

لحد ما توصل كل مجموعة للكوشة

و يعلنوا .... يا جماعة العريس هرب ،

و العروسة هربت ...

و قاعدين ليييييييييييه ما تقوموا تروحوا ... هههههههههههههههههههه

أعتقد هتبئا جاممممممممممممممدة ...

بتراعي كلام الناس والقيل والقال؟وليه؟

حسب الحال ، يعنى مثلا إذا كان درء شبهه ، أو حفاظ على النفس .. فطبعا هاراعيه ،

زى ما الرسول-صلى الله عليه و سلم- قال للصحابيين اللى شافوه واقف مع صفية –أعتقد- فقال لهم : إنها صفية ...

فقالوا : أفيك نشك يا رسول الله

فقال –فيما معناه- أن الشيطان قد يصور لهم ذلك ..

أما إن كان هيمنع خير ،أو شهادة حق ،

فلا طبعا ... مش أراعيه

صحيت من النوم لاموبايل والا كمبيوتروالا كاميرا ديجيتل ورجعنا لعصر الاحصنه والحمام الزاجل؟

صدقينى ... تخيلتها بجد ،

صعب صعب ... هأحس إنى إنسانة بلا حياة ،

رغم عشقى للخيول و الحياة البرية ... لكن فرق بين ما ترسمه و ما تعيشه واقعا

السعاده هي ؟

أن أشعر بنبض قلبى و قلب من حولى

عندك امل واسبابك ؟

أكيييييييييييييييييييد ، طبعاااااااااااااااااااا

و الحمد لله رب العالمين ..

أسبابى ؟؟!!..

كفاية إن ربنا هو ربنا ...

لما بتحب تهرب من كل حاجه بتروح فين؟

بأروح له هو و بس ... و نكون لوحدنا ،

آه عشان أفضفض براحتى ... : )

بتشرب سجاير والا لا؟ وايه رأيك في الستات والرجاله اللي بيشربوا؟

لا الحمد لله ، ماجربتش الصنف : )

رأيى ؟؟!!

رأيى يا ستى .. الحمد لله الذى عافانى مما ابتلى به غيرى ..دا اولا

ثانيا ... بأدعيلهم ، لأنى مش أتحطيت فى الموقف دا ،

و فرق بين إنك تحكمى على الشئ من برا ،و إنك تعيشيه ..

بس بجد ربنا يتوب على الجميع منه ، مش مسألة حلال و حرام بئا

لكن كفاية إنك تحافظ على صحتك ، من منطلق حبك لنفسك ... : )

بتعرف ايدك الشمال ازاي؟

بأعمل إنى بأصلى و أشوف بأسلم أنهى جهة الأول ،

و تبئا التانية الشمال ... ههههههههههههه

اكتر اله موسيقيه بتحبها ؟

آله موسيقية ؟؟؟!!...

الصراحة مافيش عندى أحلى من حناجر أنواع العصافير

و لا أجدعها آلة موسيقية ... : )

ليه الزوق والنخوه اتعدموا؟

إذا لم تستحى فأصنع ما شئت

ايه الحاجه اللي لو حصلت هتبقي سعيده؟

إن المسلمين كلهم بخير و سعادة و رضا ، و نعرف ربنا صح..

تحب ارض زراعيه والا اجنس عربيات والا كام عماره والا فلوس في البنك؟

اممممممممممم ..فلوس فى البنك ،

أشترى بيها الارض ،و أجيب الاجنس ، و ابنيلى كام عمارة ..

و الباقى أستت بيه نفسى ..... هههههههههههه

ياااااااااااااه ياه عالطمع ... سترك يارب

تحب البحر ولا النيل؟

البحر

مركب ولا طياره؟

مركب

شخص مجنون ولا عاقل؟

حاليا ...مجنون

تقرا كتاب ولا تتفرج على فيلم؟

كتاااااااااااااااااااااااااااااب ... الكتاب صديقى .. : )

إيه دا ؟؟؟؟ خلصت !!!...

مش معقول .... أحمدك يارب

ياللا أعيش وآخد غيرها ... : )

استريحى كدا يا ضد ؟؟

طيب يا ستى ، تعيشى و تجيبى ..ههههههههههههههه

خالص ودى