تـــأمــــــــــــــلات 3

السلام عليكم و رحمة الله و بركاته

كيفكم يا شباب ؟؟

أنا جايا جرى اهو عشان عارفة إن احنا دخلنا على العشرة الاواخر خلاص

و عاوزة بئا أخلص الموضوع دا ....أكيد زهقتوا انا عارفة

بس ياللا هاااااااااااااااااانت

فات القليل ما بئا اللا الكتير << كخكخكخكخكخ .... يا رخاااااامة

طيب طيب خلاص ..ماتزقوش بس كدا

طيب هادخل على طول فى الموضوع اهو

قلنا ان الاسلام عقيدة و فروض و طاعات و أخلاق و آداب

رابعا : الاسلام معاملات :-

يعنى ايه بئا؟؟؟

اولا عندك نطاق معاملات فى : معاملات مع الله زى الجهاد مثلا

معاملات مع إخوانك زى البيع و الشرا و كدا ، و كذلك داخل فيها معاملات الرقيق و الذى منه

معاملات مع منظمات ، زى البنوك ، الشركات و خلافه

و دى طبعا لها أصول و آداب يجب احترامها ، و الوفاء بالحقوق المذكورة فيها ،

و طبعا كل دا داخل حيز الاسلام ....

طيب اعتقد كدا انى فصلت مفهوم العبادة – على ما كان من تقصير- و بكدا يبقى فعلا ..و ما خلقت الجن و الانس الا ليعبدون،

لان فعلا كدا يومنا و ليلتنا و كل ثانية فى حياتنا هنلاقيها اسلام فى اسلام ... كل حركة و ساكنة و كل قول و فعل داخل تحت نطاق الاسلام و العبادة ...

طبعا عشان نوصل لتطبيق كل اللى فات دا صعب جدا ، و شوفوا الرسول قعد 23 سنة هى مدة بعثته صلى الله عليه و سلم 13 منها بس بيعلم العقيدة الصح عقيدة التوحيد ، و 10 سنين بيغرس باقى جوانب الاسلام فى نفوس الصحابة ... و دا على عهده صلى الله عليه و سلم ...يعنى بتهيألى فى زماننا دا عاوزين بتاع 50 و لا يمكن 100 سنة من التربية الصحيحة عشان نخرج بثمار زى جيل الصحابة كدا ،

طب ياترى هو دا كل حاجة ؟؟؟

برأيى ... إن بعد فعلا ما نوصل لكدا ،يبقى كدا احنا وصلنا للبنة اللى ممكن تبنى مجتمع مسلم ، و لا أقول اننا كدا وصلنا لمجتمع مسلم ...يعنى ايه؟؟؟

يعنى إحنا كدا وصلنا لبناء الفرد المسلم ... عاوزينه بئايخرج للحياة ...يخرج مسلم بجد ، عشان يعمر الارض ..هو مين اللى يعمر أرض الله إن لم يكن المسلم الحق هو اللى يعمرها ؟؟!!..

الرسول صلى الله عليه و سلم ربى جيل الصحابة لحد ما فعلا بئوا مسلمين بجد ، شوفوا بئا العصور اللى جت بعدهم ، كانت أزهى عصور الاسلام من حيث التقدم و العلم و الحضارة ... دول الناس فعلا اللى عمروا الارض

ماحدش يقوللى إنى بأنتقص من عهد رسول الله و لا الصحابة و لا لاكلام دا ...عشان طبعا قدر الرسول و الصحابة محفوظ و ماحدش أصلا يقدر يتكلم فيه ... لكن أنا بأقول إن عهد الرسول صلى الله عليه و سلم كان عهد تربية ...

لما فعلا كانت بقى التربية صح ...شوفوا بعد كدا المسلمين عملوا ايه ....سادوا الدنيا كلها و حققوا كلمة الله فى الأرض ..

و مابدأتش الحضارة الاسلامية فى الاضمحلال الا لما بدأت العقيدة تتخلخل فى النفوس ، و كل واحد يقول ياللا نفسى ...و بدأت الدنيا تدخل جوا القلوب بدل ما كانت فى إيديهم .

و لأن الله لا يغير ما بقوم حتى يغيروا ما بأنفسهم ... فهما أخلفوا وعد الله ...و بصوا للدنيا ، فغير الله من سلطتهم و سطوتهم و بدأت الحضارة الاسلامية الى زوال ...و لا أقول الاسلام ...لأن " و يأبى الله إلا أن يتم نوره و لو كره الكافرون " فالاسلام باقى أبد الدهر ...لكن المسلمين أصبحوا اليوم فعلا كغثاء السيل ....عدد على الفاضى

مش هأفتح مواضيع فرعية و نناقش مين السبب و مين اللى غلطان

لكن هأرجع تانى لموضوعنا الاصلى و هى مقايضة الله المؤمنين أنفسهم وأموالهم بالجنة ،

و نرجع تانى لصفات المؤمنين دول عشان نلاقى الترتيب البديع لصفاتهم ...

التائبون : ففعلا عشان نرجع لربنا و نبدأ الطريق الصح لازم توبة ...توبة صح تمحى ذنوبنا اللى قبل كدا ، و تغسل الجاهلية اللى كنا عايشين فيها ... و حتى بعد ما نبدأ الطريق ، ووقعنا فيه مرة نسارع بالتوبة .

العابدون : فعلا بئا نبدأ نتربى صح و نعرف معنى العبادة الصح و نجاهد نفسنا زى ما الصحابة ما جاهدوا انفسهم ،و نكون فعلا من العابدين.

بعد كدا خص من العبادة أساسياتها

الحامدون : و دا أسهل العابدات و هى ذكر الله ، و حمده على السراء و الضراء ، بتهيألى دى العبادة الوحيدة اللى أى واحد مننا بيعملها و مابتتعبش حد

السائحون الراكعون الساجدون : و طبعا ماحدش ينكر ان الصلاة و الصيام اهم اركان الاسلام و بردوا الصلاة مافيش لتركها عذر يعنى حتى صليها بعنيك

و الصيام : يكفى قول الله تعالى فى حديثه القدسى " الصوم لى و أنا أجزى به " ...و بردوا يا إما هتصوم يا إما هتكفر عن عدم صيامك

شوف بعد كدا بئا لما يكبر مقام الله فى قلبك و تبقى فعلا مش قادر تشوف معصية ... فترتقى بئا لمرتبة الآمرون بالمعروف و الناهون عن المنكر

و على فكرة الأمر بالمعروف و النهى عن المنكر مش إننا بئا هنشتغل دعاة و نقف على المنابر

لا ...الامر ابسط من كدا أنا مثلا شفت واحدة صاحبتى أو زميلتى بتعمل غلط ..أقوم باسلوب حلو كدا و مؤدب أقولها على الصح – دا بمناسبة إنى بنت ها ، مش واحد من أخواننا يستهبل و يروح يكلم زميلته و يقول سول قالت ... لا أنا بريييييييييييييئة هههههههههههههه- أنت مثلا – للشباب هاه ...ماشى !!- شفت واحد زميلك أو صاحبك بيعمل تصرف بردوا مش حلو هتروح بأسلوب ظريف لطيف تقوله ، و كفاية يا جماعة إننا نفسنا نبقى قدوة ليهم بسمتنا و أخلاقنا ، والله دا أكتر شئ بيأثر عن ألف كلمة .

و الحافظون لحدود الله : طبعا لما هنعرف ديننا ، هنعرف حدود الله ، و هيبقى بدل ما المشايخ واقفين كل يوم على المنابر بيوعظم و لا كأن حد بيتكلم ...هيبقى الواعظ من جوانا احنا ..احنا عارفين الحلال و الحرام و من جوانا صوت بيقولنا لا و يوقفنا قبل ما نعمل الحرام ..

و بكدا نبئى مهيئين فعلا إننا نبقى خليفة الله فى أرضه لنعمرها كما يحب

........................

ليا وقفة كمان مع آية بأعتبرها صعبة جدا ، يمكن هيا أتقالت فى موضع تانى لكن لما نطبقها على حالنا النهاردة ... فعلا صدمة

بس أنا عارفة إنى تقلت عليكو ...بس هأحاول يكون آخر بوست قبل العشرة الاواخر

و معلش لكو الأجر و الثواب

و كفاية صبركوا عليا ....ههههههههههههههههههههههه

زكاة رمضان يا جماعة

ياللا أشوفكوا على خير

و خالص تحياتى لكم جميعا